2005 年 6 月 21 日 星期二 【晴】

今日晏晝
呵呵～～～　咁我就自己搭地鐵去觀塘啦
去到觀塘　冇落雨呀^^
咁我就走左去麥當勞度買野食俾謎語人食啦
買左個巨無霸餐同埋一個雙層芝士孖寶嚕～
５點鐘
今日我約左個我個honey0係銅鑼灣
好耐冇見喇``````
咁我就帶埋謎語人出去～（唔係喎，係謎語人話跟埋黎喎）
我地搭地鐵好快到銅鑼灣啦！　本來仲踩上大大的公司度
但係我都諗到佢又0係公司度訓覺架喇～～～～　
咁算啦！直接去等我個朋友先
見到honey喇～　好彩我地都唔會出現尷尬情況
跟住我地去打機啦～　謎語人換左２０蚊代幣比我玩
首先當然係要打我深愛既鼓鼓先　呢部第一次打ａ
有周杰倫的忍者打囉^^ 正呀
不過謎語人都唔多打機的 但係都同我踩左輪單車 好累呢

之後我地就搵個地方落腳 我地謎語人要返工 要同佢食d野先
咁我地就去左ｊｐ的別府度食野喇
多謝我個honey送比我既生日禮物呀 ~~~~
坐落叫左個滑蛋雞柳飯＆檸檬茶
坐到８點３倒佢就去返工去喇　～～
而我和我的honey就傾計同埋坐到９點半先捨得走^^　
下一場節目係去行左陣街 扭左2隻蛋蛋
好cute 不過扭唔到Little Twin Stars 呀 慘呀
之後我地又繼續去打機啦 打左好多舖鼓機呀
勁開心囉

>>July 1, 2005 at 2:06:08 AM GMT+8

2005 年 6 月 16 日 星期四 【乍寒還暖】

生日慶祝 - Day 5


今日係本小姐大日子　
今朝起身阿爸阿媽俾左封利是我^^ 多謝～～
我返咁耐工都未試過生日都冇得放假的
因為今日要開staff mtg　１０點鐘開始
成日開埋ｄ冇結論既會　都唔知點寫～～
１２點幾開完之後　神秘節目　就係ｄ同事同我慶祝生日啦
個蛋糕係老細買的～　呃　受寵若驚耶
佢地唱生日歌比我聽　有點尷尬的～～　不過都開心既
多謝CLara送左份生日禮物俾我^^


食飽蛋糕之後　我就返counter做埋ｄ野　佢地就去哂食飯
到２點幾我先走得呀　陰公
之後約左媽咪去灣仔飲茶囉　有好美味既雙皮燉奶食
食飽飽之後行左陣灣仔就搭叮叮回家啦
返去搞好哂ｄ野又要出門口　返教會啦
點知等左幾個字車都冇喎．　報定案要遲到啦=.=
搭車途中　有個無法識別的電話喎～　
咁我咩電話都聽架　一聽之下～～　
原來係阿良從台灣打黎呀　超驚喜呀^^
我在巴士上講國語好像個白痴耶
不過阿良好搞笑囉　佢唱生日歌比我聽．
仲講到唔捨得收線耶！！　^_____^
之後返到教會　唱完詩歌　查埋經之後
我地既生日會又開始啦　因為我同穎芬都係同一日生日架
所以今日係好有意義～～　又有芒果生日蛋糕唷

到差唔多完　時間是剛好的　謎語人到左紅磡接我
之後我地一齊搭巴士落銅鑼灣食飯啦
去到都１０點幾　我地去左花園餐廳
由於我唔係太肚餓的關係
我食左個焗法式田螺　 好好味
跟住仲食埋個什果雪糕添^o^
多謝哂謎語人：：：：
１１點幾先走～～～　我地就搭叮叮返去啦
返到上環　我地就去左海傍度傾陣計先回家嚕

生日既一ｄａｙ就咁過左嚕　＞３＜


在此特別鳴謝各方好友對小女的祝賀

>>June 19, 2005 at 12:46:13 PM GMT+8

2005 年 6 月 15 日 星期三 【乍寒還暖】

生日慶祝 - Day 4
今日Lunch Time 多謝Winnie送的一份生日禮物 好開心^^

好開心等到放工喇～～～　返左屋企沖個涼洗再出街
出左九龍灣等謎語人收工^^ 食左幾粒燒賣～～
之後謎語人就懶神秘咁帶我去左觀塘某個地方
去到實在太搞笑啦XDD．　之前幾日竇佢會去邊　比我開口中^O^
竟然去學整蛋糕 係佢整比我呀　XDD
整一個蛋糕實在太難啦～～　不過好多謝謎語人對我咁好
我地都好享受過程　睇到個蛋糕出爐好感動ａａａａａ
其實我都係咁２幫過手架～　篩下粉呀　落粉　卷芒果呀　hehehe...
我地之後試過師傅果個好好味架喎．．．
當然其實我地果個都唔差啦　食得落口架！


整好之後我地就走喇　辛苦哂～～～
搭車之前去買蠟燭　仲有刀叉～～
之後我地搭101返中環皇后碼頭切蛋糕喇～～
去到好彩唔係好大雨咋　感恩～～
吹蠟燭許左個願～～　之後就切蛋糕了
謎語人仲送左條鍊俾我添！！～多謝哂
食左一小件愛心蛋糕　都唔錯的　已經甜在心頭啦！～
都夜喇　我地行返上環　謎語人就送埋我回家　佢先走

>>June 18, 2005 at 8:31:54 AM GMT+8

2005 年 6 月 14 日 星期二 【颱風】

生日慶祝 - Day 3
今日好快等到放工喇～
不過超級大雨．．
避左一陣先再行～～
今日Karen約左我去太子+旺角
７點鐘倒去到打左比佢
原來佢都到左喇～～
咁我地見咁大雨　就行左聯合一陣
跟住繼續我地去行始創中心～
順便食埋野～～～
我地去左３樓間＜嚐越＞度食左個二人套餐
超多野食　有沙律　咖喱雞飯　炸蟹　春卷　墨魚餅　
仲有甜品添　^^　仲有karen送比我的生日禮物耶～
我地傾左好多計～～
佢飛左之前果個　　同新男朋友一齊囉
話之前果個係自己囉黎　當佢講完呢句之後
極有同感！！！　不過　我就話　佢以前個男朋友靚仔ｄ喎　哈哈
佢又轉左工喇～～　真係羨慕佢咁有毅力
食飽飽之後我地去行花園街同埋旺角中心＆新之城
１０點半倒大家都累了～～
搭地鐵返屋企嚕～～～～～～～～

>>June 16, 2005 at 3:40:05 AM GMT+8

2005 年 6 月 13 日 星期一 【綿綿細雨】

生日慶祝 - Day 2

今日如常好忙咁～　返工好耐冇試過靜落黎喇
好野　　老細今日１１點幾就出左去做野嚕
唔駛對住佢係我人生一大的樂事！
１２點幾果陣同一個少左黎的client傾左陣計
估唔到佢仲記得我^^ 　佢話依家淨係識得我
佢話唔識讀我個名～～　咁我就教佢讀　好搞笑^^
下午Lunch time後同Winnie傾左陣計　我問佢好似唔多開心咁～～
相信佢既工作都唔係咁如意　　我自己工作都ｒ哂頭囉
佢今日食飽飯都幫我一齊數返Ｄｃａｓｅ數字　
因為我數極都唔岩呀```...... 不過好彩有佢咋．
佢永遠都會幫我的～～～～～　感動
下午俾個outlook express玩死左　唉　
搞左好耐先ｅ到ｄ野出街　嗚嗚～～～～
之後襯老細唔0係度就要進行Filing行動了
日積月累一座山的文件要清理嚕～～　不過都仲有好多唔知點搞作=.=
埋數　搞好ｄ野．５：４０先收工的～～　

放工，阿晴打比我，話佢坐緊５６號ｖａｎ仔　會經過堅道
勁搞笑囉　我同佢一路傾～　我仲等到佢陣車經過堅道～～
我就同佢扮偶遇喇　佢陣車經過佢就0係車度同我揮手　好好笑ａ～

夜晚７點幾　出街食飯^^..... 今日係屋企人同我慶祝生日ａ^v^
開心呀～～～　去左西環權發度食囉　
仲有多謝婆婆俾左封利是我
舅母仲送左份好大份的生日禮物俾我
我同佢都係６月生日　當然我都有野送俾佢啦^^.....　
係佢最鍾意的傻豹ｔｅｅ～好型架
仲有　媽咪都送左禮物比我同舅母呀．．．　一人一份的
勁開心呀～～～～
食飽飽搭電車回家啦^^

>>June 14, 2005 at 2:48:01 PM GMT+8

2005 年 6 月 12 日 星期日 【晴】

生日慶祝 - Day 1

呵呵 今日放1點～～
不過見都冇乜野做0係公司hea多左陣～～
好啦　等到終於捨得走喇
一出門口　　有個意外驚喜喎　
謎語人竟然0係公司門口等我囉　　
好驚訝囉～～～～　傻架～～～
咁之後我就同去落左中環食哈迪斯
食飽之後佢送埋我返屋企佢就返工嚕～～

返到屋企大大baby打比我　同佢傾左陣計
我就走左去訓覺　訓左半個鐘倒　再裝埋身就出門口了
搭地鐵落銅鑼灣　到左之後去許留山買左２杯深愛的芒椰龜苓爽
上到去大大baby的公司飲囉　：：：
去到佢公司同佢諗左陣電腦問題　傾左陣計　
大大baby唔好唔開心啦　我相信我地都係要等　神回應架嘛
咁之後我地又用手機影左ｄ相～～　^^
到８點鐘左右　我地先捨得落去食晚飯
今晚我地去左The Barn II度鋸扒囉　大大食左個T骨扒
我就食左個雜扒　　好飽呀～～‘
食到飽飽之後我地就落返銅鑼灣行喇
買左件衫ａａａａａ～～～
大大又買左條裙～好靚呀^^
咁差唔多到１１點　我地又要在地鐵站分別了`````　

>>June 14, 2005 at 11:24:44 AM GMT+8

2005 年 6 月 7 日 星期二 【晴】

天啊．．
家裡冇得上網＞＜
悲．．．．

>>June 8, 2005 at 1:54:28 AM GMT+8

2005 年 6 月 3 日 星期五 【綿綿細雨】

今日又到左星期六既時候喇
今朝去左bank~~ 行落去真係勁熱
返到黎繼續工作 .....
本來冇咁忙架 但係無端端又有獲蘇州野
成個班退錢 每人$176....共11人喎 明玩野呀
仲在我12點食飯時間發生.....
最後我係食1點飯的 ～
然後下午我就狂開Vouchers了．．勁呀
仲勁的是～　之後我去左Downloadｄ歌仔了
香港小姐隻Mp3 用黎搞父親節Function
許冠傑果首父母恩　　0係呢度多謝晴先生幫我！
今日發生左件心有靈犀事件簿！　
當我打比晴先生既時候　我打完個號碼　按撥叫的時候
來電竟然係晴先生　即係我地同一個時間都係打緊比大家的
不過佢快我１秒！　勁呀．．．　
多謝哂晴幫左我解決左一個問題呀　^o^
我識得將ｍｐ３轉到ｃｄ碟啦 叻叻呀
下午仲有得食蕃薯糖水添 開心心
5點鐘準時埋數ａ～　放工之後
謎語人已經0係門口等我收工囉　XDD”
成個傻瓜咁～～～～～

>>June 6, 2005 at 12:27:37 PM GMT+8

2005 年 6 月 2 日 星期四 【微雨】

今天一朝早好忙～～
收完一個電話　另一個電話又響又係找我的
Too Bad　然後我就開始喉嚨痛了　慘慘
繼而我又開始暴燥了　我知這樣是不對的
但係真係好多野煩嘛　嗚嗚嗚　
失憶症又開始發作了　　我上個月會記得咁做
但今個月完全忘記了～　太差了
我真係蠢～～～～～
放工返教會　好累～　沈默．．．無言　咁
我同穎芬你眼望我眼咁　最後得麥麥同傳道人講哂
走果時冇落雨　但九龍果邊超大雨囉

>>June 6, 2005 at 12:58:30 PM GMT+8

2005 年 6 月 1 日 星期三 【晴】

今日得3個人返工.... 都唔知想點咁～～
朝早好忙的收錢嘛～～～
又要幫老細打申請書　我都係最愛打字架喇
係照住黎打唔駛用腦的=.- 快靚正～～～～
呵呵　Lunch Time落左去樓下買左２件衫喎～～
仲有一個DIsco波　勁型呀　雖然唔知用黎做乜呀　ｈａｈａ
好野　月頭有錢身痕好開心　傻左～～
下午又繼續忙呀　因為有個新班既關係　又係唱歌　好嘈ａ
由朝嘈到收工　無奈囉
收工埋數　ｙｅａｈ　收銀機同電腦岩數ａ　一個好既開始呀
我同自己講　今個月不容有失呀！！　
唔該各住同事幫幫手呀
跟住又要傾埋個公事電話先～～～
最近同永東旅行公司個職員乜都傾咁添～～～　
～佢連我幾錢人工都問埋喎　笑～仲話有工就搵佢做添～
　佢都幾賣力喎！　以前做開果個１０世都唔覆人　
但係呢個主動搵我的～　　都唔錯既^^
因為我同佢傾親公事都勁搞笑囉　唔知既人以為我講緊私人電話
ｈａｈａｈａ
今期要去屯門 + 流浮山食鮑魚海鮮餐+蓮花農莊～

>>June 3, 2005 at 2:59:28 PM GMT+8