2005 年 2 月 23 日 星期三 【颳風】

今日差ｄ唔記得左有電腦班呢樣野
好彩得我「助手」提我呀　
咁今日教佢整個projecter，因為星期一我放假的
我0係電腦房助教左一陣　就交哂比佢喇
我又回去打會訊啦
老細11點幾去左開會嚕喎
我地又可以作反啦　呵呵呵
今日既lunch time...... 我地係一齊煮米粉食的
ｙｅａｈ～　每人帶左一樣送返黎
我帶左生菜同埋蟹柳的　雲姑娘有瑞士雞翼
同事仔有午餐肉同埋吞拿魚　而Clara就有ｄ齋
我地４個好少一齊食Lunch....今日難得咁齊人　實在好開心
本來我食１點嘛　１２點幾都鼠左去廚房食^o^
正呀～～

>>February 27, 2005 at 9:42:11 AM GMT+8

2005 年 2 月 22 日 星期二 【暴雨】

	元宵佳節 正月十五 今日朝早呢～　比人召左上禮堂佈置！ 搞到成１１點半先落返黎　時間岩岩好 佢地組長會團拜　有盆菜食嘛 仲有好多野食呀　XDD　好好味 佢地係咁夾哂比我囉　搞到我好飽呀 之後１２點半無端端又要上返去 繼續佈置囉～～～～　搞到１點落返黎 今日冇咩Lunch time 時間喔　可憐的 下午時間又打會訊嚕 等到放工喇　又遲左半個鐘 今日ｋ”約左我～～～　 佢在上環做野　之後我去搵佢 之後一齊搭ｍｔｒ去左銅鑼灣 首先我同左佢去女人街度睇野 之後去左ｓｏｇｏ～　＞＜ 上次睇到有個sanrio出產既食物玩具 今次去冇哂囉　唔開心囉 之後就行左去玩具反斗城度～ 想買既野又冇囉～　然後我地就去左沙嗲王度食晚飯喇 食左個白咖喱豬扒套餐　仲有芝士焗雜菌飯套餐 小食有魷魚圈　多春魚 有鮮檸檬紅茶　同　芒果綠茶 仲有甜品　雞蛋布甸　飽飽飽呀 之後　諗住維園會有花燈睇添 點知....　　下一站天后　返屋企把啦XDD

　

>>February 27, 2005 at 9:26:07 AM GMT+8

2005 年 2 月 21 日 星期一 【乍雨乍晴】

	今日要早３個字返到去 不過本小姐爬起床好辛苦 而且食早餐要慢慢吃的 所以只係早左２個字者 今朝要做新春團拜～～ 到左今日仲有利是收喎 ３封呀=.= 是２個會員１個義工強行給我的～ 係咁塞落我褲袋耶～～～　收受利益XDD 今日個活動臨尾亂到七彩　因為有野食一定係咁架喇 都唔知點安排既～～～　 之後返落黎　執埋ｄ野就食飯喇！～　 食到２點又開Staff mtg.......馬拉松會議 唉！開到六點半　落到黎　ａｄａ姐姐拉住我 問我野～～　問我地果邊仲續唔續　我話續 佢問我答左佢未？　我話未答　乜要答架咩 我問佢仲做唔做　佢話梗係唔做啦（好！有智氣！） 我又問佢有冇好窿路？　佢話：「冇！」 之後我都係苦笑啦～　由於趕住收工走佬的關係 下次同佢再傾啦！　～～　拿拿臨收工 同返同事仔講返　我話ａｄａ咁同我講～ 我話我都諗住唔做啦（基本上我心淡了很久） 不過無理由咁衰仔　雲姑娘去生仔就唔做 我見到佢沈思左一陣　佢好言重咁同我講 「我梗係唔想你唔做」不過前途問題， 叫我諗下，佢都唔會0係度打死呢份工！ 我成日都同佢講我地一齊劈炮唔撈，不過佢要讀書者！ 我只係覺得有咁好同咁夾既同事　唔係度度都可以遇到囉

　

>>February 22, 2005 at 2:47:26 PM GMT+8

2005 年 2 月 20 日 星期日 【乍雨乍晴】

	今日好忙好忙呀 返到去就要搞個新電腦班 我跟左一陣 叫左Clara過去睇兩眼 我朝早問佢有冇野做 佢話冇喎 我就話佢 ：你仲唔走，一陣老細無端端問你有咩做就慘 咁我就彈返出黎入返office做野喇 入到黎有蘿蔔糕食囉　不過胡椒粉好似多左ｄ　味道太濃喇 時間過得好快　好快到１點　我就閃左出去食lunch 我今日冇帶飯喔～～～～　途中上去找麥麥同佢say 句hi 因為好似幾日唔見咁ａ～　之後我就去左食雲吞粉了 返到黎又要搞團拜ｄ野　要同佢包禮物啦　執返ｄ野入去櫃啦 老細一灌作風又黎了　佢要搵二百幾份禮物仔嘛！ 咁就入去搵下ｄ餅夠唔夠　點知有成３０包太平餅餅都expire左=.= 因為係獨立包裝　咁佢拆開左一包．．　唔係佢自己試 竟然係比ｄ會員試下有冇問題囉　我同Clara係目定口呆 雖則一早就知道佢ｄ衰野　我地話唔見佢食既野　 千祈唔好食呀　咁佢見ｄ會員冇話有問題．． 就.............拆開哂獨立包裝囉．．．　too bad ！ 仲要我地幫佢拆　ｄ會員真係可憐 我之後繼續做野　整Banner啦　整燈謎落燈籠度啦 好快到５點　準備收工　點知　佢又同我地講一大輪野 講明天既程序！！！　我好想走呀　 佢又將會員送比我地食既藍罐曲奇送比ｄ表演嘉賓 我地星期六同Clara講既三大事宜竟然不出２日即應驗了 有個咁既老細　我真係冇話再講囉 ５點９先走得　仲約左媽咪在灣仔買野 要簽咭呀　　Monchhichi等緊我帶佢返屋企架！ 不過我張咭竟然簽爆左唷！　呵呵　～～　笑 簽盡佢丫唔該！～　 之後搭叮叮去婆婆度食飯嚕　ｙｏ～

>>February 22, 2005 at 2:23:13 PM GMT+8

2005 年 2 月 19 日 星期六 【乍雨乍晴】

	今日涷到得９度　 唔願起身　朝早都打左比麥麥～ 話我今日要返工唔返去教會喇～ 估唔到咁都要帶班會員出去　～ 朝早１１點再爬起身　然後hea一陣 就食早餐連午餐喇～～　約左１７個會員 在交易廣場７５號巴士站度等啦 等到１點９就淨一個會員未黎喎 果個會員不嬲都好話唔好聽十下十下的 哇等到最後一秒要上車　佢終於搵倒啦　實在太感恩喇 我怕佢在條街有ｄ咩事咋 等到佢黎好感動囉 今日我地去警察訓練學校度　有個大型檢閱禮 去到果度果ｄ人都熟口熟面的XDD　 甚麼都不怕　　哇哇　有個阿sir好靚仔架 個樣成個陳鍵鋒咁　佢follow我地ｄ長者隊＊V＊ 搞到我眼金金咁　hahaha 最衰掛住做唔記得影低佢個靚仔樣 我班會員好犀利囉　可以．．．　除哂ｄ褸出去檢閱 敬佩敬佩！！　得我地一間係咁做咋　其他都帶住頸巾著住褸 不過我好擔心佢地會涷親=.= 之後４點幾５點倒可以走啦　我就約左爸同媽咪在銅鑼灣 陪佢買燈喇　wow 去到點知媽咪又揀左盞比我喎 我間房可以換個盞啦XDD 之後睇完都七點幾啦～ 我就同左佢地去左明將食壽司啦～～　　 都好耐冇同媽咪&阿爸去食壽司喇　 最搞笑既係　我阿爸食左好多舊飯呀　 佢係想食上面ｄ肉　唔想食舊飯 我阿媽就仲搞笑　佢用個信封放在袋袋入面 襯ｄ人唔覺就塞左舊飯入信封度　 大大話話都有五六舊呀XDD　笑爆咀　 咁我地食飽飽之後行返前ｄ就搭叮叮回家啦

>>February 22, 2005 at 3:21:45 PM GMT+8

2005 年 2 月 18 日 星期五 【乍雨乍晴】

	今日收工之後～ 係條街比人截住左問問卷 又係果ｄ保險既人～～ 真係阻我時間囉～～講左幾個字！ 哼～～～ 之後返屋企洗頭啦　打比大大 約左佢去永安度睇返天鵝水晶 條十字架頸鍊真係好靚好閃呀^ v ^ 之後我地就去左美心食ｔｅａ喇 雞腿紅荳冰　好味！ 之後　就同佢行Update啦　 佢好似十年冇行過咁呀　件件衫都摸暈 最後我地買左兩件囉 咁岩我地一齊要落太古　就一齊搭ｍｔｒ去啦 去到太古　Bonnie就等緊我啦 哇　好耐冇見啦　幾年都有喇 不過大家都冇咩點變呢..... 佢話好耐冇撓過我 就一直撓住我行啦　^^ 咁大大都同我地一齊行左陣 兩個英國返黎既小姐　都有ｄ野傾喎 跟住我地行左陣　大大就去睇戲嚕 我就同Bonnie周圍行　行到七點幾 就去左吉之島度食野　果間餐廳都係第一次去食 我就點左個韓式石頭牛肉鍋飯　都ｏｋ好食的 我地傾左好多野　仲有佢去英國讀書既事 佢依家都要過果邊工作　要好耐先返黎一次了 仲要同我講埋結婚生仔　我話我諗都未諗到呀 食飽飽後呢～　行多陣吉之島就一齊搭ｍｔｒ回家了

>>February 22, 2005 at 12:55:21 PM GMT+8

2005 年 2 月 18 日 星期五 【晴】

好嬲囉！
有個咁既老細，火都黎埋呀！！！
ｘｙｚ＠＃＄％
原來我唔識在電話裡同人講道理的！！
只係太愚昧～　
我預左比佢話　　但係我都好想爭取囉！
但係我又覺得佢好可憐囉
個個係都唔順佢～
不過佢實在太過份啦
ｄ同事見到我咁火滾都有ｄ嚇親添
眼裡竟然有一團火～～

>>February 22, 2005 at 12:28:59 PM GMT+8

2005 年 2 月 13 日 星期日 【寒冷】

初六 情人節快樂！
今朝肚仔痛喔喔　　嗚嗚嗚
晏ｄ呢　去左ｋ”果邊呀


我地夜ｄ先去左西田度食咋
我食左個闊條麵丫


街上有很多情侶　　好多好靚既花
但我沒有這福份

>>March 29, 2005 at 2:04:49 PM GMT+8

2005 年 2 月 10 日 星期四 【晴】

年初三 赤口
一早媽咪同埋婆婆佢地去左黃大仙
我就當然訓到黃朝百晏啦XDD
之後佢地返黎我地就去左富臨飲茶
今日飲茶勁貴喎 唔飽都二百幾蚊
唔好去搶=.= 之後我咪簽咭埋單囉
咁有個男仔過黎埋既 佢話小姐你有冇換公仔呀
我仲以為佢講乜添！哈哈
因為我用Monchhichi咭黎找數　個男仔話佢都冇張
不過係mini既　佢話佢覺得細張唔好用囉！
又話銀行寄左信黎叫佢去拎個monchhichi公仔ａ～
我就話我就換個爐喇　咁都搭訕一餐^^
之後媽咪就去拜年　晏ｄ同埋阿爸落柴灣姑姐度
我就返家喇　～　上左一陣網　６點鐘訓著左
訓到７點自己搭ｍｔｒ去柴灣　之後同表姐行左新翠一陣
就去新榕記度食飯囉　食到１０點幾就返家喇～
返到去大長今都做完嚕　不過錄左

>>February 17, 2005 at 4:44:12 AM GMT+8

2005 年 2 月 9 日 星期三 【晴】

	年初二 今朝起身搞掂晒又要出發去拜年啦 搭地鐵期間　阿哥踩左我對鞋一腳 因為我對鞋係白色的　所以我好細路女咁 踩返佢對converse一腳　不過已經黑左=.= 之後佢就發哂脾氣咁勒=.= 第一站係去柴灣 　姑媽度～ 我去到已經問表姐拎ｄ洗潔精比佢抹鞋 費事佢繼續黑口黑面 坐左幾個字　之後我地就落左新翠度飲茶喇 飲茶後就坐小巴過觀塘同舅公佢地拜年了 淨係一年上去一次坐坐　同埋逗利是囉 同埋ｄ大人o係度傾計　 之後就去搭１０１喇　下一站係上環 ｍｙ　ｈｏｍｅ！　　本來是謝絕探訪的 不過新年開放日只有一日～～ 我地之前在７－１１買左燒賣上黎食囉 佢地上到黎都要入來參觀我間房　 因為我阿哥間房閂埋門（實在太........ 像一間雜物房了） 阿爸阿媽間房又閂埋門 唯獨我執了好幾天的房間供人參觀作示範單位耶 我有點不好意思喔！呼呼～～～～ 比佢地上左一陣網　然後我就開左ｊａｙ的演唱會睇啦 表姐就一路聽一路睇雜誌～～～　 大人就去左酒樓打麻雀　　之後好難先捱到８點 佢地0係我間房到睇煙花尾啦XDD 睇ｔｖ好過囉 到８點半我地就落左樓下度食飯啦 今個年初二行程同往年好唔同呀

>>February 16, 2005 at 2:18:56 PM GMT+8