2005 年 1 月 1 日 星期六 【乍雨乍晴】

星期日如常的返教會
今日都幾涷　所以教會好似少左好多人返咁
完左同佢地去食德記　果度ｄ野都幾好食的
之後就搭巴士去尖沙咀
行　左　陣　今日帶住部ＤＣ～
都係影左ｄ景　襯海運中心果度未拆嘛


>>January 6, 2005 at 3:05:26 PM GMT+8

2004 年 12 月 31 日 星期五 【微冷】

新年快樂HAPPY NEW YEAR ２００５

元旦日　　依然係好涷～
今日１１點先起床～　
下午同左媽咪阿爸哥哥去左珊瑚飲茶的
然後同左媽咪去行街
買左２件衫唷　好暖咁呀

新一年有咩新年大計
人人都有回顧同埋今年既目標喎
我都係一個隨遇而安既人　
但係今年我想有ｄ新鮮感喎！
唔知有冇得變下呢～

>>January 6, 2005 at 4:19:45 AM GMT+8

2004 年 12 月 30 日 星期四 【乍雨乍晴】

除夕
今日係最涷既　返工真係辛苦
上午開會開到１２點
本來諗住唔駛對住老細喎
點知同事仔話要同我調食飯時間
咁我就要對多佢１個鐘
到１點鐘即彈去食飯
下午老細放假的～
我晏晝出左去比野蘇生影印～
順便去左7-11買左ｄ野～
係朱古力百力枝既原心筆
返到去路過社區中心
我送左支比Ada....
佢次次都捉住我同我傾計
離遠又好親暱咁大叫我個中文名最後兩個字
搞到成個社區中心同我熟既同事都係咁叫我
返到去又送埋果兩枝雲姑娘同埋同事仔囉
祝佢地新年快樂的
好快又放工　返左屋企先
咁到７點又出左門口
過左沙田同ｋ”食左海皇粥店
中途微笑小姐就打比我^^　哈哈
傾左陣　我又要食埋ｄ粥先
之後食飽行左陣商場
申請左張monchichi咭
然後就去左沙田中央公園度個倒數嘉年華啦
坐左0係地下度　渡過左２個好涷既鐘頭
涷到阿媽都唔認得啦　
好快就倒數啦　全場最高漲既時候
10 9 8 7 6 5 4 3 2 1新年快樂！！！　　
有煙花放同埋激光匯演～仲有爵士樂好正呀
希望新既一年會順境呀！
之後因為好涷就要拿拿臨返屋企啦
搭火車中途　好彩有阿良陪我囉
阿良咪係台灣仔仔囉^^ 佢係第一個亦係唯一一個打電話
同我講新年快樂的人　由火車大圍站講到我搭地鐵既尖沙咀站
仲要我收線佢先肯收果隻　中途同佢勁爆笑
我0係車度講國語成個大陸妹咁　我係一個操不太流利國語的女仔
仲好笑佢唱歌仔比我聽　唱左七里香比我聽囉
我話佢比周杰倫唱得好聽耶　笑爆
佢問我點解一直在笑　我話因為好好笑　
每一年佢都打比我啦
佢仲話佢打左比我好耐先打到　^^
　好開心ａ 之後大家都好不捨咁收線
返到ｈｏｍｅ１點半啦　然後就搞埋ｄ野就訓喇ｚｚｚ好涷



>>January 3, 2005 at 4:16:40 AM GMT+8

2004 年 12 月 29 日 星期三 【乍雨乍晴】

好涷呀
今日又要放假．．．
又呆了在家一整天的
足不出戶

>>January 1, 2005 at 3:14:37 PM GMT+8

2004 年 12 月 28 日 星期二 【颳風】

今日都涷涷地呀～
不過放假的　　唔駛一早起身咁寒
９點幾先起身　食早餐　上網咁樣
到下午呢！　我就同媽咪落左bar餐廳度食ｔｅａ
第一次去食tea都幾好味　一個白汁火腿意粉
我就食鮮芒果蝦仔螺絲粉沙律　好好味
仲跟埋杯野飲添
跟住呢　就同媽咪搭叮叮去銅鑼灣了
先同媽咪去walker shop 買左對鞋～
之後呢　就行左去city super度～
又用coupon買左１００蚊野～
本來諗住去card center換埋個智能電飯煲的
但係排排下先知佢冇貨囉
就去左交手提電話費
跟住我就同媽咪搭巴士返去要煮飯喇

>>January 1, 2005 at 3:04:47 PM GMT+8

2004 年 12 月 27 日 星期一 【微冷】

返工喇！
好耐冇返過工咁添～
好耐冇見過同事仔
好掛住佢　好彩佢早一日在泰國返左黎
同埋冇去布吉．．．
佢返黎仲比左２份手信我　
另外仲有得雲姑娘有１份咋
老細就唔知同事仔去泰國：：：

今天工作的早上絕對忙碌
好快吃午飯的
因為今日狂做會訊
盡我全力
我要做既野做哂啦
留返比佢地執手尾　
第一次咁不負責任的
唔緊要　我信得過佢地
因為邊個叫老細迫我放兩日假
執埋差唔多５點走先放工

>>January 1, 2005 at 4:09:12 PM GMT+8

2004 年 12 月 26 日 星期日 【微冷】

今朝好晏先彈起身
之後冇食早餐呀
約左表姐仔下午1點3．．
點知出左去　表姐仲未出門口的
我就行左陣中環先落地鐵站啦
去到金鐘坐0係度等左佢一陣
佢黎到啦　我地今日去太子度行
首先係醫左個肚仔先啦
我地去左街尾果間泰國野度食
不過我地係食左醬爆鯊魚丸檸粉
同埋醬爆九菜丸米線　我地ｄ丸子就share
今餐係我請表姐仔食　因為佢成日都請我食
咁我地首先進攻花園街　
不過表姐仔冇野買　我就買左３樣野
係一條鍊　一個little twin star 既餐具（岩我帶飯用）
仲有一個勁cute既Little twin star耳罩（雖然係冇用）
跟住我地就行下朗豪坊　
係表姐平安夜見到我果時問我有冇去過
我話冇　先相約一齊去　係我地今日既目的XDD
果度真係起得幾靚喎～
上到去條電梯好長長長長長長呀
好似搭左好耐先上到去
咁又上埋第二條長長長電梯　上到最高
續層行返落黎睇野囉
表姐仔睇中左件褸　$450　
我就覺得麻麻地者～　又好似唔係好暖咁
咁我就叫佢行下先　行左好耐先行返落去啦
之後都７點啦～　行左陣旺中就走喇
一齊去搭地鐵各自歸家　回家就吃飯啦

>>January 1, 2005 at 2:23:33 PM GMT+8

2004 年 12 月 25 日 星期六 【微冷】

教會今日 主日學聖誕慶祝會
9點鐘返到去喇 真係早呀
今朝太趕 冇食早餐呀
不過返到去都有蛋糕食唷
又有2份禮物仔
完左去飲茶....
搭車去左尖沙咀
行左陣玩具反斗城
買左少少野
之後就搭船返到中環
皇后像廣場果度有hiphop睇
睇左一陣 唔知佢地0係度轉乜咁
唔識欣賞咁我就走左勒 eeeee
之後返屋企了

>>January 1, 2005 at 1:55:17 PM GMT+8

2004 年 12 月 24 日 星期五 【颳風】

<Ｍｅｒｒｙ　ｃｈｒｉｓｔｍａｓ＞

今朝好彩係１０點半先返教會
９點先捨得起身　因為實在太累
今朝哥哥送左份聖誕禮物比我呀
第７份的　係多啦ａ夢黎架^o^
之後就搭巴士去喇
返到去　今日好多人呀　
聖誕節返教會真係好有氣氛的
好意外地　朝早麥麥＆麥太比左份聖誕禮物比我
第８份的　多謝呀^o^
完左聚會之後教會都有聖誕禮物派的
跟住我地就去左酒樓聚餐了
食到好飽呀 ~~~ 跟住佢地幾個都叫我去ｂｂｑ
我唔去喇～　因為今晚約左ｋ^3^嘛
搭車又搭船　返到中環行返去４點幾啦
搞埋ｄ野　換埋衫　包埋禮物的　
出去之前扮下聖誕老人呀　
我將２份禮物放左0係爸媽個枕頭度　嘰嘰
６點幾出去啦
７點鐘過到沙田　同ｋ行左陣新城巿廣場
同埋史路比世界　我地就去搵食喇
去左　間叫　維苑餐廳　度鋸扒
我食得超慢的　因為佢有前菜　有湯　有包
但我未食哂呢ｄ就上左個牛扒了
不過我好努力咁食哂咁滯喇^^
最後仲有個雲石蛋糕的～
埋單都係多謝ｋ的～～　
跟住我地就行左陣商場～
就去左ｋ屋企度拎我第９份禮物啦　呵^^
好大份的　又係Little twins star野黎架
好鍾意呀～～　跟住１０點９倒就走喇
大大都0係新界呢邊睇完野呢
順便join埋佢一齊搭地鐵囉
0係九龍塘地鐵度等～　
佢今日個閃裝係令到我有「叮」一聲既感覺
因為之前都未見過佢咁呀　
我地一齊搭地鐵傾計傾到金鐘就分別啦
返到屋企搞埋ｄ野即訓的

>>December 29, 2004 at 6:06:26 AM GMT+8

2004 年 12 月 23 日 星期四 【微冷】

平安的平安夜

今日放假的
但好早起左身的～　
１２點幾去左信德中心～
因為有方力申睇呀　靚仔的～

佢唱左　超級愛你　大方　同埋　好好戀愛　
睇左半個鐘咋～
因為下午約左表姐仔去銅鑼灣行街^^
去到等左佢一陣的～
首先我地去左ｃｉｔｙ　ｓｕｐｅｒ度食午餐
係表姐請我食的　多謝表姐^^
之後我地行左一陣ｃｉｔｙ　ｓｕｐｅｒ
裝修過後都未行過　冇野買的
然後去左女人街　我地都買左耳環仔呢
銅鑼灣勁人多擠迫呀　過條馬路都辛苦過人的
跟住我地去左銅鑼灣地帶行　
表姐仔睇中左對ALL Star 都幾靚喎　
不過我叫佢考慮下先好喎
之後我地再行　佢就買左另一樣野了
背心外套一件　好靚 講價成功^^V
之後行多陣　我地就搭地鐵去太古了
去左吉之島買左盤壽司的　勁正呀
順便我地行埋去太古城度睇今年既佈置
今年以耶穌基督為主呀　好有古典ｆｅｅｌ
行到七點幾要走喇　next station is柴灣　
返到表姐屋企　今日有好多到匯的　開ｐ～

表姐仲送左份禮物比我呀　好彩我都早有準備的
仲叫我即刻拆添　好靚靚呀^o^
第６份聖誕禮物啦
我就送左條豹紋皮帶比佢　佢即刻用呀　
好型　好襯佢今日買件背心外套
跟住我地就出去食野啦～　飽飽呀
１１點幾先走　勁眼訓呀
0係地鐵度訓到中環先醒

>>December 29, 2004 at 3:08:24 AM GMT+8