2005 年 9 月 23 日 星期五 【驟雨】

今日第一件事就係要感謝主
事緣今朝仲爆緊粗孖天文台點解仲唔掛3號風球
我今日有個活動要出去架嘛=.=
一係就早d掛 一係就唔好掛啦！
仲搞到我連早餐都冇胃口吃啦
不過我一落到街　看更伯伯開左收音機
我就聽到　天文台發出３號風球喇
ｙｅａｈ　唔駛去嚕　放下這個沉重的心情
thx god ... 亦都感謝主　我的活動係１１點３出發的
我已經算是幸運的！　其他中心朝早仲去多個景點
ｄ車呀　會員呀　全部都黎哂　真大獲！
好彩我cut得切酒樓同車　因為我好彩識搵旅行社搞！
一個電話搞掂哂　多謝神的安排
多謝謎語人一直為我祈禱　
越黎越經歷到　上帝是會聽禱告的。
最搞笑係　我見到我個同事返工　我就同佢講
你尋晚真係跳求雨舞呀？？　因為佢尋日係咁同我講！
一直同我講話唔想單獨對住佢　俾佢恨到啦。。　
其實神都係保守住我地！．。．　
「你們祈求,就給你們;尋找,就尋見;叩門,就給你們開門。 」

>>September 29, 2005 at 3:43:08 PM GMT+8

2005 年 9 月 22 日 星期四 【晴】

今日朝早好忙 雖然血腥冇返！
但係每逢function前一天　天氣不穩定　例必忙爆
吾．今日要去bank喇　明天去不到　
不過呢個係我planning之中　ｙｏ！
我同謎語人講話我去ｂａｎｋ　因為佢話今日都來同我食lunch呀
因為我地唔想食黎食去都係果間野　所以今日可以落去中環食喇
我本來約左佢在豆腐花度等的　但係我１１點半落到去佢都未到啵
我就入左bank喇　唔駛３分鐘搞掂嚕　認真快！
我拎轉面行返出去　就見到謎語人出現喇
之後我地都唔知食咩好　就帶左謎語人遊花園先
再行返上斜路　搞到佢好累啵
然後我帶佢去一間餐廳度食午餐
佢仲俾左１１隻迪士呢公仔俾我拆添！！！耶^^...
一開第一隻係史迪仔　其他全部都有哂嚕=.=尚餘６隻
我地叫左２個飯都幾經濟　又有甜品食啵　正呀
不過我都塞左ｄ比謎語人食呀　肥仔lu.....
飽飽之後　佢送埋我返上堅道
我仲俾左盒愛心隔夜飯飯俾佢帶返公司做晚餐添　
下午hea下hea下準備明天的活動好快收工嚕
之後自己一個搭船又搭車返聚會嚕
去到又join麥麥吃晚餐之後返聚會


今日返聚會　講起　
「神係會0係你最需要既時候
　預備一個適合你的人給你　」
我聽起來總會有同感　你們都相信嗎？　
我由一開始識謎語人果日已經覺得係
因為謎語人係神安排的
無論我遇到甚麼事　他都在我身邊的
謎語人是　神給我那個天使　

誰曾應許


誰曾應許，一生不撇下我；
每段窄路，誰陪我去走過？
誰還領我，於青草恬靜處躺臥，
豐足恩惠比海沙更多﹗

誰曾應許，天天看顧著我；
晝夜眷佑，連頭髮也數過﹗
誰還以愛，驅走心裡懼怕怯懦，
那懼路途捲動著旋渦﹗

因你是我主，我避難所，
我盾牌和詩歌﹗
你是我的高臺，我隨時幫助﹗
來吧﹗用信心，讚頌和高歌，
你永在我心窩﹗
唯你有永生江河，
除你以外不倚靠別個﹗
我究竟算甚麼？神你竟這般顧念我


完左之後呢　本來想去接謎語人收工
不過我唔識搭車喎　=.< 搞到佢有ｄ失落添
邊個叫你俾人調左去藍田啵　


晚上記起了上年今天的情境。
沒啥好記　但總是想起了
那段記憶就是那個人在街上呼喝我
猜到你也忘了吧　但那個情景我還記得很清楚

>>September 24, 2005 at 7:31:31 AM GMT+8

2005 年 9 月 21 日 星期三 【晴】

從前有一個傻既人．．．
每天都想見到我=)
今早　謎語人打俾我叫我起床
不過我都知呢個傻瓜係出左黎架喇
咁到我落街返工　佢又扮匿埋　
佢既奸計已經俾我識穿左啦
辛水辛汗送我返工　辛苦了
仲買左個薯餅俾我食添　

返到工　極度心灰意冷
感覺上　我做啥事都是錯的
甚至人家叫我跟他調吃飯時間又好像是我錯了
唔係我要求要調架　果個人唔同你講　你唔話佢
話返我轉頭　頂！！！　不過呢ｄ咁少事你都要咁話
我冇野好講　之後佢又勁挖ｄ野出黎想質我了
算啦　我已經成為左佢「發洩」的目標了　
好啦　咩都係我錯　你岩哂喇　
咁我１２點半打比謎語人　今日佢去左聽講座
佢未完　so..我再send個msg俾佢話俾佢聽我放１點lunch
佢又在深水步飛過黎搵我喇　好像甚麼時候都有他的「慰藉」似的
超快咁１點幾就到喇^o^ 不過我都係眼腫腫的　心情低落的
食飽飽謎語人仲去左7-11買野飲俾我添　有３個迪士尼公仔耶

我們尚欠以上七隻耶！！
謎語人送埋我返去佢又去左灣仔周圍行了同天后圖書館＝）
好快又等到５點　收工走人！！　傻瓜又接我收工
仲買左２件衫俾我添‘‘～　都叫左佢唔好0徒錢錢
今天的早午晚都見到他　　好開心但係.... 　總怕他辛苦
病仲要走黎走去><" 　之後我叫左佢上黎我屋企抖下啦
點知在樓下撞到媽咪喎　謎語人仲幫我媽咪拎野添　乖仔呀
上到黎媽咪仲煮野俾佢食先俾佢返工　不過好趕丫
　謎語人呀　你見到我我就會俾你食正餐架喇
唔會餓親你架　呵呵呵．．．　

>>September 22, 2005 at 11:34:34 AM GMT+8

2005 年 9 月 19 日 星期一 【晴】

今日放左工之後同謎語人去左太古的冒險樂園玩呀^^
我地上次見到隻KITTY仲有0係度丫．　
好野　謎語人今次終於可以帶佢返屋企喇
果一刻超感動呀　多謝你呀謎語人　真係錫哂你呀
玩夠就買飯返屋企同阿爸食喇　因為媽咪出左去打麻雀
食到好飽好飽呀　．．．　　　


謎語人先生　病左要休息多ｄ呀
唔好成日掛住同我去街啦　　今日連阿爸都開埋口咁講喇
我阿爸阿媽都好關心你架　休息多ｄ　
慶幸我阿爸阿媽都咁鍾意你 當左你係半邊仔架喇
仲有你病左邊個照顧我呀:::::: 傻瓜
你要快d好返呀





>>September 20, 2005 at 5:48:29 PM GMT+8

2005 年 9 月 17 日 星期六 【晴】

長洲之旅第2天
今朝6點先訓～～尋晚睇左２套ｖｃｄ
唔係唔想訓　係驚訓左唔知醒睇日出呀
不過謎語人訓到隻豬咁喇^＠＠^
好難得先等到６點　不過可惜乜都睇唔到
睇到好多舊雲囉ｈａｈａｈａ　
不過下次有機會睇過　之後就即閃去訓喇
訓到１１點幾起身　都起碼訓左５個鐘啵
都唔係太眼訓　起左身之後執埋ｄ野就落去交返鎖匙喇
交左鎖匙之後１２點幾喇　打比大大　點知佢都未出黎　
咁我地就四圍行住先　謎語人買左雞蛋仔比我食　
因為我肚仔餓喇　食飽之後又去食lunch了
我就食左個沙嗲牛肉米　謎語人就食左個五香肉丁炒公仔麵lu
不過原來果度係收唔到電話的　行到出去又到大大收唔到電話喇
咁我地就四圍行　謎語人仲買左件衫同條褲比我添^^　好平咋
之後出到黎就等大大打返比我喇　
我地企左0係碼頭隔離既搭「卜卜仔」船果度等佢地一齊去張保仔洞
坐果架船都幾得意喎^^
大概3個字就去到喇 　0係度要多謝謎語人幫我揹住ｄ「石頭」^^
因為我地要行少少山路的　有ｄ辛苦
我咁大個女第一次去張保仔洞咋　
去到同我想像中好似２回事　原來都幾窄架喎
謎語人再肥多少少都入唔到去喇　ｈａｈａｈａ
謎語人好勇先落左去探路先俾我落去
之後先到大大同阿ｓ落去　
落到去有少少驚　因為有ｄ黑囉
不過有謎語人0係身邊拖住我就唔驚喇　　
我地帶左棧燈有用喇^^.... 仲好正唔駛同佢租添
無穿無爛咁出返黎　不過好似探險咁　都幾好玩^^
都唔明點解張保仔海盜先生點會諗到將d寶藏收0係呢個洞度既
出到黎成身汗呀 當然唔係我 傻瓜佢除左入衫攤左0係地
之後我地就行左去有個地方叫「五行石」 不過行到過去
好累唔係咁想再行過去喇 就坐埋一邊有少溪水咁既地方休息下
休息夠我地就出返去喇 之後見到有洗手間 當然要入去洗個面先
個傻瓜仲洗埋頭添 =.=....
之後行返落去搭返架「卜卜仔」返過去嚕~~ 　
我地要等５點半班船返黎港島　所以行多陣先走囉
返到黎　　媽咪煮左我同謎語人飯　我地返到屋企就可以食喇
食飽飽睇多陣電視就同埋阿爸阿媽出左維園睇花燈
佢地２個又話去又話唔去　　其實我地都睇得出佢地好想出去行下
都係多謝有謎語人的出現　令到阿爸阿媽好似多左ｄ節目咁
落到街竟然落雨　有ｄ掃興　但係上到車　我同謎語人都做左個指定動作
上帝聽禱告 去到冇落雨　　我地行左陣　都算幾多人
阿媽阿爸行左一個圈就走嚕　而我同謎語人呢　就等緊大大一齊黎喇
不過我地無端端走左去草地度玩蠟燭^^ 係即興的
最後大大黎左因為阿ｓ又要走　所以冇見
謎語人仲同阿ｓ講　希望有緣我地會再見
點知我地走返出銅鑼灣既時候　我地竟然0係佢地後面
絕無事前約定　我相信這一定是緣份
之後我地又要在路口分別了　　
　然後跟左謎題人返ｋｔ　ｚｚｚｚｚ喇
　

>>September 20, 2005 at 4:06:19 PM GMT+8

2005 年 9 月 16 日 星期五 【晴】

長洲之旅第1天
今日拎左半日假．．　著住條短褲仔　揹住個背囊　旅行look返工
雖然今日係我們幾個同事的ｐａｒｔｙ　ｄａｙ
上半晝既工作好快就過　仲有之前走左個同事黎探我地
同佢傾左一陣計　佢又要走去搵埋Winnie
好像各人都四散了　餘下的只有我呢個「死淨種」
到底甚麼時候才可以脫離這個名涵??

好開心可以放工喇　謎語人已經0係我公司樓下等我
行到落去落雨呀　不過我地知道天父係會照住我地既　
我地行左去ｉｆｃ度買麥當勞先　再一齊行落去３號碼頭度
時間岩岩好　去到差唔多有船喇　
我地今日係入左長洲的　差唔多９個字倒就入到長洲嚕喎
首先　我地當然係去拎鎖匙先啦　不過一出到黎就比人老點左去好入度拎匙
ｈａｈａ　不過算啦　當散步囉　
我地拎到匙之後梗係立刻去放低我地ｄ「石頭」先啦
之後坐一陣　　我地就出去行下喇
我地就去左惠康睇下有咩好買啦　間惠康好迫ａ．．
再出返去百佳度買左幾枝綠茶囉　
本來諗住燒野食的　但係都係等埋大大入黎先啦
唔係一陣買左都唔知燒唔燒好喇　
之後我地又四圍行　仲去左食甜品添
食左個雜果涼粉同埋鮮奶燉蛋
不過味道一般咋　食飽飽又我地又返去放返底ｄ野
再出返去接大大同佢朋友阿ｓ了　
第一次見阿ｓ　感覺都唔錯啵　幸好沒有言語不通的情況出現
之後陪佢地去拎鎖匙　再去埋佢果度參觀～～
0係佢度仲睇埋殘酷一叮添　之後我地就一齊落去搵食喇
去返出面果間大排檔度食　叫左４個食送　仲有湯送添^^
有蜆　有雞　有生炒骨　有通菜炒鮮魷　都係食左$180～耶^^
仲食得好開心添^^.........
之後行返去　佢地又去左食甜品　我地就返去執野出沙灘玩喇
and then出返黎join埋佢地　我地就出去沙灘嚕　
今日好大風　但係都冇影響我地一齊玩既心情
謎語人同埋阿ｓ都0係度挖沙洞放ｄ蠟燭入去^^ 好搞笑
　仲有我地今日都可以望到個月光添^^
謎語人就揹住我0係個沙灘度行　好好玩　但辛苦哂喇
玩到１２點幾１點我地先各自歸去

雖然今日掛１號風球　但係我地都玩得好開心
中途都冇乜話落大雨添　真係感謝主　

>>September 20, 2005 at 5:08:53 AM GMT+8

2005 年 9 月 15 日 星期四 【晴】

今日帶左謎語人上左去婆婆度食飯呀^^
婆婆仲叫我多d帶佢上去食添.....

夜晚阿杰打俾我 叫我唔駛辭職喇
佢話佢岩岩救完團　
見到有個老細孖叉個同工
超級勁　仲孖到佢喊　
但係ｄ client孖返個老細轉頭喎
話人地都有阿媽生！！！！！　
阿杰打俾我都係安慰我~~~...
我覺得同佢係有一種朋友既感覺～
同佢都係因為緣份而成為朋友吧

>>September 22, 2005 at 3:20:36 PM GMT+8

2005 年 9 月 14 日 星期三 【晴】


周杰倫與我最愛之叮噹^^"

>>September 15, 2005 at 4:55:14 AM GMT+8

2005 年 9 月 13 日 星期二 【晴】

GOOD DAY ... 今日2個社工同佢地出左camp
正爆 唔駛對住果隻野呀
雖然朝早係好忙 但係總知唔駛對住佢就係一件樂事
唉 個傻謎語人放工又唔訓走左過黎見我
今日有份飯餐淨丫嘛 咁呢 我咪叫左佢入黎食囉
搞到鬼鬼祟祟咁ａａａ．．．
不過謎語人有飽飯食就好啦^^ 個傻瓜平時唔見我時又唔多點食野
食飽佢本來出去社區中心等我收工　
點知　２個社區中心傻人(ADA姐+瀧澤秀Wing）八卦走去望我個謎語人喎
搞到謎語人唔好意思　佢竟然走左上去5樓樓梯度訓左２個鐘><
如果比我知道我一定唔比佢咁做呀　咁辛苦　
之後到５點幾佢黎接我收工先話返比我知件事
放左工　謎語人就同我返ｋｔ　佢儲愛心晚餐比我食喇^o^

>>September 14, 2005 at 5:19:05 PM GMT+8

2005 年 9 月 13 日 星期二 【晴】

對自己中文姓名的評價:: 一個好名
對自己英文姓名的評價:: 媽咪改的,所以冇咩特別
視力:: 非常正常
眼皮:: 單眼皮女生
在哪家醫院出生:: 那打素
鄰居的姓氏:: 一個都唔識
死穴::唔比你地知
睡姿:: 側睡
晚飯時間:: 2100
鬧鐘數目:: 1個迪士尼和絃鈴聲鬧鐘
收藏品:: 公仔,叮噹,Little Twins Star, 扭蛋, 頸鍊
上茶樓必吃的點心:: 包包
起床後第１件做的事:: 想訓多陣
自起床到離家需時多久:: 15mins可以搞掂
最先刷的部分:: 大牙
穿鞋時先穿左腳還是右腳:: 唔定
洗澡需要多久:: 20mins
讀報時最先讀的１版:: 娛樂版
為人守時嗎:: 睇情況
為人善忘嗎:: 有d善忘咁啦
為人倔強嗎:: 倔強
在意他人對你的看法嗎:: 少少
容易相信別人嗎:: 唔容易
喜怒哀樂都寫在臉上嗎::寫哂啦
會讓你討厭的人知道你討厭他嗎:: 唔知
哪個人擁有自己日記密碼:: 除左我都冇人架喇
認為人定勝天還是天命不可違:: 都是看神要我怎樣我就要怎樣吧
言語還是文字的表達能力較好:: 文字
多為文作情還是為情作文:: 為情作文+為文作情
臨死前必做的事:: 要見齊屋企人同朋友
令你喜極而泣的事:: 都有既...haha...
令你怒極而泣的事:: 大把...
令你痛極而泣的事:: 當然有啦...
令你悔極而泣的事:: 唔多唔少都有...
童年印象最深刻的事:: 0係屋企比阿哥用張檯夾親個肚仔(幾高難度呀)
曾經誤以為鑽石山有鑽石嗎:: 冇
曾被出賣嗎:: 咁就唔知喇
曾出賣他人嗎:: 希望唔會有啦
曾被侵犯私隱嗎:: 唔知道喎
甚麼曾使你沉迷至迷失自己:: 自己
對男女平等的看法:: impossible
表達快樂的方法:: 笑
緊張時的表現:: 口質質
盛怒時的反應:: 冇表情
最近最高興的事情是:: 冇乜高興
上一次流淚:: 多到唔記得邊日
抗抑鬱良藥:: 謎語人的懷抱
最近一次撒謊的對象是誰:: 好耐未撒謊
為什麼說謊:: 如果要講 都是為著不想傷害別人
說謊已變成一種習慣嗎:: 唔係
最能讓你有窩心感覺的歌曲:: Many
最能讓你有傷心感覺的歌曲:: Many
最愛動畫:: 多啦A夢
最愛書籍:: 雜誌
最愛唱片:: 王力宏,周杰倫
看過印象最深的演唱會::F4,王力宏,周杰倫都印象深
最愛食品:: Ice-cream,許留山
最愛飲品::道地綠茶
最愛節目:: 同謎語人去冒險樂園玩...haha
最愛節日::X'MAS
最愛甜品:: 芒果蛋糕,紫米露....so many...
最信任的人:: 屋企人...謎語人
最憎恨的人:: 眾所皆知
最享受的一刻::同心愛既人去沙灘or海邊睇星星
最反叛的一次:: 冇
最常夢見的一幕:: 發完夢都唔記得 -__-
最難忘的生日禮物:: um...年年都好難忘啵!不過今年謎語人親手整個生日蛋糕都係啦^^
最害怕失去的東西:: 自己,家人,朋友,我愛的人
最不希望見到的情景::有認識的人離開世上
最不喜歡的話題:: 哲學
最有回憶的地方:: 小學
最感不安的地方:: 墳場
最浪費時間的事:: 訓覺...or hea
與你距離最遠的人:: Queenie, Clara, Bonnie,..... 不能盡錄
讓你最感動的說話:: 我愛你

讓你傷害最深的說話:「我接受唔到你咁做野」
　　　　　　　　　　(傷害我弱小心靈,不過你接受唔到就算了,我對得住自己)
最好的事:: 世界和平
望聽到的話:: 我會照顧你一生一世,,嫁俾我..(haha,發緊夢啵)
最懷念的人:: 好多
掛念的人:: 所有人
相信一見鍾情還是日久生情:: both
貪新忘舊嗎:: 念舊
試過同時間愛上多過兩個人嗎: 我愛我的朋友
濫情嗎:: 都幾不過好長情..haha 講笑咋
甚麼令你愛上一個人:: 感覺
如何向愛侶表達不滿:: 黑口黑面 haha
吵架後多是先讓步的一方嗎:: 唔會
甚麼令你不敢向愛人表白:: 我愛的人 他已有了愛人
一個不愛你的他，你會:: 繼續愛,,直到冇感覺
當一個你不愛的他愛上你時，你會: 扮傻
朋友愛上你時，你會:: 睇下邊個
甘心等待沒有結果的事嗎:: 唔甘心都試過
曾經愛一個人愛很深，深到讓你落淚嗎:: 有
曾遇上令你分不清是喜歡還是深愛的人嗎:: 試過
經常被質疑說話的真確性嗎:: 都有架
有承認愛的勇氣嗎:: 有

END------ THX FOR YOUR ATTENTION ...
認真無聊 -_____-""

>>September 14, 2005 at 5:07:56 PM GMT+8