2005 年 11 月 4 日 星期五 【晴】

今日好搞笑喎
清姐入黎ｏｆｆｉｃｅ掃地果時呢
話：「果日係咪你男朋友黎幫你推奶粉？」
我：「係呀！佢幫我做苦力」
清：「景姐話你「老公」好靚仔，流哂口水」（笑死！老公喎）
成層２樓都知道我男朋友係邊個喇　個個都見過佢　「目及」過佢既．．

正呀！今日５點２收到工嚕　呵呵
因為係part住雲姑娘　．　我４點９就埋數了嘛
今日我走謎語人都未黎到　咁就在中環樓下等我喇
之後我地就搭車返ｋｔ　去左ａｐｍ行左陣
仲食埋果間日本拉麵先返屋企添
今天晚上時間過得超級快呀。。。　
話咁快就要回家喇

>>November 8, 2005 at 11:20:54 AM GMT+8

2005 年 11 月 2 日 星期三 【晴】

今日個傻瓜叫我起身喎 我尋晚明明叫佢訓多陣
難得可以休息咁多嘛 唔聽話囉
之後lunch time 仲走左過黎同我食飯添
不過我就同雲姑娘一齊出黎　然後仲一齊去千禧度食
當然過程一ｄ都唔拘謹啦　因為雲姑娘一向都好傾得埋
飽飽之後　我仲叫謎語人幫我搬返ｄ會訊返中心添　haha
之後佢要走嚕　．．　佢就去上環見份兼職喎　
我返到中心　咦～～老細話有人見工喎！！
就係單單收左果３封信既２個人囉．．。
um... 奇奇怪怪的感覺　本小姐一向覺得一個男仔
最緊要係乜！？？？　當然係smart啦　即係一企出黎有「叮」一聲的
咁就正喇　．　不過... 可惜... 然之後我又要幫佢地count 時間．．
之後又要帶佢地去見老細～　最後佢地出返黎　老細問我估下佢會請邊個
　um um... 我都諗到佢係會請打字快果個架喇～～　
佢又話另一個ＩＱ好似有問題　=.= ... 算啦　不過呢個我都有Ｄ驚啵！
之後都勁多野做呀　不過下午又見到媽咪啵
因為佢幫雲姑娘做義工呀　　我係咁二又要應酬下佢　
阿媽入到黎又大哎我全名啵 幾咁嚇親人呀 =.= ...
之後好忙好忙　忙到５點半仲未走得　　謎語人在出面等我啦
今日佢去左銅鑼灣度　買左件超型仔紅黑格仔shirt呀
行出黎迷死人啦　XDD 靚仔啵　一３一
咁佢媽咪竟然打俾我啵　第一次打比我咋　-.- 我仲以為係邊個添
我要準時交返個仔俾人　HAHA...
之但係我要做埋Ｄ手尾先可以收工喎．．　「叮」我諗到有人可以幫我喇^^
「唔該幫我上左Ｄ奶粉去啦」　櫃裡頭一罐都冇喇
我冇諗過謎語人上貨係極速的　真係驚人既速度呀　
不過我老細唔知佢0係度　話邊個係度拆樓？？？？笑爆咀
之後佢出黎問佢黎唔黎賣物會慶功宴喎～～～？　佢梗係話唔黎格
仲好笑我老細見佢咁得閒　就點左佢去閂窗喇　
只有我先可以點我男朋友做野咋啵　幾時輪到你！！哼　好嬲呀
之後可以走喇　好開心呀　不過已經係６點２了～～
謎語人仲買左本＜周杰倫men's UNO＞俾我添！！^^..
我唯有送謎語人去香港站　因為佢約左佢媽咪７點在荃灣
咁我就回家先　再出去同舅父食飯喇　生日快樂的～～

<「我們愛 因為神先愛我們」

>>November 4, 2005 at 6:22:50 AM GMT+8

2005 年 11 月 1 日 星期二 【晴】

今日做左件勁野　
估唔到今朝上左去個放左賣物會擺貨的地方
我見到佢地拆箱喎　咁我就好厚面皮問下佢地
有冇見個月餅罐的物體？？　佢地話好多喎　不過掉哂
我話下　：唔係嘛！！　我形容下個罐啦～　
點知佢地話　暫時冇見過喎！我話如果見到請通知長者中心啦
咁我忙到下午啦　咦　有人打黎俾我話見到喎！！
ｈａｈａ　眾裡尋它　我覺得勁呀！　不過好明顯
果箱野唔係我封箱架啦！掉左俾大會唔出奇　
失而復得的感覺　好難形容！

又放工　又見到謎語人！！～～　
今日不約而同的「紫」！
因為今日約左微笑歌莉亞
我地搭船又搭車去到旺角朗豪坊　
打俾微笑啵　點知佢已經在旺角
但係半個鐘都未黎到朗豪坊戲院
唔知佢係咪同佢個祖祖鬥去廁所去得耐呢
我地２個拎住麥提莎咭包仔買左戲飛佢地都未來到
終於見到佢地喇　第一次見到佢個祖祖喎
好登對耶～～　不過我地３個身上都有「紫」色
就來一個紫醉金迷夜　ｙｏ
佢地又要排過條大長龍　我地今日睇＜再說一次．我愛你＞
不過要睇10點2果場了
買完飛之後我地就上去朗豪坊的味千拉麵度食
有city bank咭仲有九折耶^^ 之後我地行下商場咁~~
去到滿記甜品 joe話想食喎 其實剛才食飽味千拉麵
謎語人已經想食架喇... 不過我地又唔係咁好意思囉
食左個楊枝金露 謎語人食左個超凍的芒果白雪黑糯米囉
好好味 ... 食飽飽後就夠鐘入場睇喇
套戲真係俾想像中... 悶咁喎 有人臨尾仲訓著左添
不過我地都好耐冇睇過戲喇．　散場已經１２點．
我地２對各自散　在地鐵站裡分別了
大家都好累了　　謎語人送我回家佢都返家休息了

>>November 3, 2005 at 4:22:25 PM GMT+8

2005 年 10 月 29 日 星期六 【晴】


今日係明愛一年一度的賣物會呀
經過尋晚... 今朝七點幾謎語人就在我樓下等我喇
真係辛苦了...
之後我地搭巴士去銅鑼灣維園度．　
用個職員証同義工証入場喇
本來運佢入去係搬野的　因為每年修頓都要搬餐死的
但係出奇地已經0係哂我地個攤位度嚕喎
咁就點左佢去開箱。。。　開完箱佢就走去行左個圈
仲買左隻大大米奇老鼠俾我添　６０蚊講到４０蚊咋
仲送左隻WINNIE THE POOR仔　好得意呀
到１０點倒佢就走去返工喇
之後開檔啦　好彩我自己一邊　Ｄ野係超平的　呵呵
幫明愛倒米　老細話要３０蚊　我就１０蚊賣俾人喇
咁人地係阿伯　咁我平俾佢係情有可原。
之後１點幾就食麥當勞　好快咁食飽　
好快又到４點幾　點知見到個好熟口面既人
原來係Kelvin... 估唔到會見到佢　同埋好耐冇見喇
仲靚仔左添 不過我只係hi左佢一句就繼續發呆了 haha
無幾耐 謎語人又收工黎左搵我喇^^
仲幫襯我買左支花 (都係送返俾我)
之後無幾耐 媽咪又黎左... 然後佢地2個就一齊行呀行
仲買左野俾我添 傻瓜!!
到6點... 謎語人就黎幫我地手收檔 做苦力
老細仲點佢做野添 哼哼哼 ...
媽咪就幫我睇住個袋 到七點睇埋d貨上車先可以走
不過我今日就同謎語人去左kfc度吃雞~~
吃完坐叮叮回家

>>November 15, 2005 at 4:35:03 AM GMT+8

2005 年 10 月 28 日 星期五 【晴】

今天朝早搬貨與搬貨與搬貨．．
勁dirty... 無力！
下午打字打字打字　無奈！
又收６點　有他出現　
我地本來想去銅鑼灣買果件好靚既紅黑格仔衫
不過都因為太累冇去　只係落左中環睇衫
謎語人話今日的心情想著的是「紫、黑或是那件紅、黑的衫」
怎麼　遇上一件Polo shirt... 係間條的紫黑紅　超級靚
二話不說的買了給他．　
回去吃飯　　　有臘腸食啵　劉先生和我娘親都心有靈犀吧
　娘親和謎語人的感情越來越好了吧
問到一條問題　　「你地日日見，如果第時唔係同佢結婚咁點？」
呢個問題好難答　雖然我地都已經認定左大家... 　　

可惜．晚上的計劃完全失敗！！　
好唔開心　勁喊．．．

Baby只需捉緊你 我已覺有福氣 如今生都可捉緊你 誰理代價不非
如愛你愛你不用限期 願數百萬年後亦都一起 永不分離
唯獨是你伴我時 才能高飛 期望白髮皆老時 仍可跟你一起 無懼轉變天氣



＞＞＞＞＞＞＞＞＞＞＞＞＞＞＞＞＞＞＞＞＞＞
「他」結婚了！怎麼好像有一點點的怪感覺？
就像電視劇的橋段裡出現..... 畢竟.....................
＜＜＜＜＜＜＜＜＜＜＜＜＜＜＜＜＜＜＜＜＜＜

>>October 29, 2005 at 5:49:27 PM GMT+8

2005 年 10 月 27 日 星期四 【晴】

忙得很
今日我同雲姑娘都勁他媽哥池血腥
真係超難頂 差d又俾佢炳 不過我係咁硬吞左落肚
我繼續同會員做健康檢查 　
開完例會　ｐａｃｋ賣物會箱了
我：今日著得都叫做斯文　一對好斯文的鞋
唔好意思　要開張梯出黎爬高搬野落黎丫
搞到成身dirty．．． 果隻野又唔多見佢做既
行來行去　搬來搬去　好累好累咁
又係收６點喇　　　我都叫左謎語人唔好黎接我收工
佢係都要坐0係出面等我　我望到佢有ｄ嚇親
無端端又上左黎=.= 咁算啦
然後　本來話淨係送我返聚會算
點知　搞下搞下　食埋飯仲一齊上左去聚會添
我就有少少怪怪地既感覺　　
都唔明謎語人點解咁厚面皮
一齊食飯果陣　媽咪都話點解佢成塊「貼身膏藥」咁
日日見唔悶架咩　呢個問題　我唔識答
食飽後我地一齊返聚會　完左仲一齊分享添
之後我地搭巴士再搭船返中環
送佢搭６０３返工　我就回家

>>October 28, 2005 at 5:07:35 PM GMT+8

2005 年 10 月 26 日 星期三 【晴】

今日的Lunch 同左娟娟食飯
我地去左果間叫"河田"的日本料理度食
呢餐唔少得係我既 食到好飽飽
咁耐以黎都係第一次同佢出街食飯
我地都傾左好多野 希望佢前途無可限量啦！！
留在明愛冇前途　就好似我呢個死淨種咁勒　一．一
下午謎語人話佢同我阿爸阿媽飲茶啵
個傻瓜賴低我　自己去同我阿爸阿媽飲茶都得既
我覺得佢真係個超級傻瓜呀　
返到去好忙呀　又要執賣物會ｄ野喎
呢個老細走左出去唔駛做啦　
當我在超多野做既時候　謎語人打左個電話俾我喎
話佢在我公司出面　打包左個燉奶俾我食　
仲有儲齊哂ｏｋ的叮噹添　超感動啊
不過無奈我都冇時間食　我都係收工先可以食
６點鐘先收工　謎語人又等埋我一齊走　
之後我地一齊行去先施　因為瘋狂大減價嘛
但係冇野買啵　得個睇字～
然後就返屋企嚕　我超級的累　
謎語人就陪我訓到食飯～～～～
不過今日食得唔多．　冇咩胃口　只係好累
１０點幾謎語人就要返工喇

>>October 27, 2005 at 3:46:55 PM GMT+8

2005 年 10 月 25 日 星期二 【晴】

今晚本來想回家吃飯　因為有ｄ唔舒服
但係哥哥又0係度　謎語人上去唔係咁方便
其實我0係條街真係勁唔舒服的　
但係又好想謎語人陪　咁我地就去左搭叮叮
去到灣仔落　行街街　點知　經過crazy room..
謎語人見到條褲好襯我喎　綠色的　佢叫我試下啵
雖然係幾靚既　不過　不過　不過.... 太貴喇
唔好waste＄買俾我啦　我地要一齊儲錢．
平平地買左條紫色短裙仔　都好靚呀
之後行呀行　買左小丸子食同埋蘆薈汁飲囉
再行前ｄ　謎語人買左件衫　
再行　謎語人睇中左件衫喎　不過好似大件左ｄ
再行　本小姐又買左條褲　=.= 唔好再行喇唔該
仲俾人話我似一個師奶添！卡卡卡XDD
我地好似好耐未行過街咁．．
我地再行埋銅鑼灣地帶　ｏｈ！
謎語人頭先睇岩件衫類似果款竟然又0係果間我地幫襯開果間發現
之後佢試著下　真係超型仔囉　迷死人啦　
但係我地決定等之前幫襯開果個sales姐姐回來先買　過２日先啦
咁然後我地搵食喇　我地去左總統果邊間台灣麵度食
我就食左少少野　都飽喇　
下場節目　本來係去世貿「睇下」！　
點知睇睇下　又忍唔住玩　本來諗住夾公仔　不過我地太屎了
去玩返老本行　點知今次謎語人好叻叻　
玩左幾次就嬴左隻太鼓之達人公仔俾我了　
攬住佢好暖好暖　亦都好開心

累了　他送我一起坐電車回家
他就走了

>>November 3, 2005 at 4:52:56 PM GMT+8

2005 年 10 月 24 日 星期一 【晴】

有冇搞錯，老細又將ｄ過期餅派俾會員喇
都不是人來的．　佢要咁做我都阻止唔到
唯希望佢地唔會肚痛

今日係放下午的　放工做埋ｄ野２點鐘先走得
謎語人同我去搭船仔過尖沙咀　我地去到尖沙咀
見到架好得意既仿古帆船啵　

之後睇返新聞原來係航海家麥哲倫及其戰友駕駛「維多利亞號」
我地之後去左星光行樓下食日本野　食飽之後諗住去麥當當度睇下
睇下有冇電虫仔同哥哥換　點知見到今日有埋邪留丸公主換喎
謎語人先生買左個包加左１２蚊換俾我囉　搞到我成個小朋友咁
然後我地去左海運中心行左陣　再搭返２１５ｘ返ｋｔ
去到ｋｔ食許留山囉　正呀　我最愛的芒果　食飽好滿足^^
返到謎語人屋企下載ｄ歌仔入我部 i-pod仔度囉　好多新歌　ｙｅａｈ
到夜晚叫外賣返黎食　一個好開心的晚上　

>>October 28, 2005 at 3:37:35 AM GMT+8

2005 年 10 月 23 日 星期日 【晴】

今日同社區中心娟娟傾左陣計．．
嗚嗚．．　佢做埋１０月唔做喇～～傷心
畢竟我們一齊入黎明愛工作嘛

放工嚕　　謎語人接我
回家　之後再去婆婆度食飯嚕
不過謎語人因為我哥哥有少少食得唔安樂
哥哥ｄ脾氣係咁奇怪架啦　都冇人明
１０點　送謎語人返工
去７－１１買野　有金豬仔呀^^... CUTIE　
謎語人追車好快好型　

>>October 27, 2005 at 4:59:59 PM GMT+8