2005 年 1 月 26 日 星期三 【微冷】

	經過尋晚忙完之後　wow..... 今朝勁眼訓的 新同事後來居上之制　問我做咩咁姿悠 我話我不嬲都咁姿悠架啦^0^　 同埋老細去左聽書嘛 咁我地今日就過左一個好開心既日子喇 上左成日網咁喎 夜晚本來諗住同麥麥打波的 但係取消左 就去左銅鑼灣大大公司度囉 同佢傾左一陣計 行左一陣街呢 本來大大諗住買披肩 唔知點解又買左條裙勒XDD 仲有多謝大大送左張VIP咭比我 去果度買衫以後有85折呀^V^ 我地去左sogo買埋壽司比細妹食先 之後我地就去左明將度食壽司喇 估唔到我個胃口細左 冇上次食咁多碟 不過都飽到上心口 之後我地又行左陣灣仔~ 夜喇 我地要下次再見喇 我搭叮叮走 大大就搭地鐵走

>>February 1, 2005 at 12:38:44 PM GMT+8

2005 年 1 月 25 日 星期二 【炎熱】

	終於忙到今日喇！團年飯．朝早依然係忙的． 食飯果陣仲有個電腦人黎左睇場喎 本來老細走去招呼佢的，但我又去左set 場，岩岩在附近喎． 就比老細點左我去睇住佢 果時都１點幾啦　佢就去左食飯先　　 我睇見個哥哥仔　部部機都試 咪有排　又話好快　有ｄ唔對路喇　　 我就叫返食飽飯既同事仔去接幫我睇住佢 我就可以返去食飯喇．．．食飽飯老細就同我地講下分工喇 今次有３個ＹＡ幫我地搬野落酒樓呀　壯丁　　 所以我都係搬ｄ輕野者． 本來諗住坐第二架車．　點知　比老細點左我同佢一架車　 因為個位窄 係我先攝得落． 　架車行到中途喎　　老細先記得　 仲有果ｄ話劇衫未拎呀！ 咁我咪打返去中心同同事仔講囉　點知佢又自己打多次　多餘的 拎倒落黎比你就得啦=.=　落到去酒樓我就做泵波leader　ｈａｈａ 點哂ｄＹ.Ａ 幫手呀　之後又周圍做ｄ濕碎野 咁又要同部長搞音響ｄ野　點知　　間酒樓音響係冇得播帶的．　 之前0係第二間酒樓已經踩過一次's架啦　　一早又唔問定人喎　 我就叫左雲姑娘打返中心　　最後叫左清姐拎部機落黎比我地　 用個咪對住個嗽叭發聲　咁到６點幾　ｄ嘉賓先黎齊　 今期連湯漢副主教都黎呀　勁囉　　　我第一個工作就係 同新同事Clare幫佢地拎住串波比佢地篤　 唔夠１０秒一返心血比佢地就咁篤哂喇 之後　我就做左滿場飛既工作　催場　我都覺得好犀利呢．　 之前少少warm up 之後我就催得好順暢喇　 拎住個司儀稿係好得囉　要比個good自己呀．^^． 中場呢．　我就頂唔順要為食下喇　在第一席呢　 搵到個位　ｄ會員留返ｄ送0係度 我就係咁扒左幾啖　咁有３個同事企左0係我後面遮住我食呀 唔想我比老細見到呢　咁到有翅果陣　我就叫Clare坐0係度食左去啦 之後又滿場飛ａ　 到表演果陣我攝左入新娘房度有會員又留起左比我地食 我都食左碗翅　仲有少少送　跟住又要幫手做抽獎的禮物小姐 大概食到９點半啦　ｄ會員就好開心咁離場喇 我又開始食野喇　又有會員留起的^^ 食左碗伊麵仔　仲有南瓜露囉 已經好好架喇　之後我地要執返野返去中心喇　　 黎老闆每年都係好冇架子咁幫我地搬野執野呀 咁我地搬緊野上車之制　 黎老闆，老細，仲有個社區中心同事已經坐的士返去先喇 老細一句都冇就走左　我以為有人跟我地車嘛 咁老細叫Annabel 同埋雲姑娘走先啊　唔駛返中心　 點解我要架！？Clare要架？！　 下　無端端得我同Clare同埋一個會員囉　都唔知發生咩事 咁算啦　返到上明愛$33.4 我比錢啦 返到去９點搭１１囉　１０點鐘就走啦　返到去好累丫

>>January 28, 2005 at 5:25:37 PM GMT+8

2005 年 1 月 24 日 星期一 【微冷】

	夜晚去左婆婆度食飯呀.... 放左工其實都唔多想出街喔 舅母話我個樣好似唔同左 呼... 係你冇見我耐 定係.... 我又真係包左ｄ既=.= 發脹中

>>January 31, 2005 at 8:41:41 AM GMT+8

2005 年 1 月 22 日 星期六 【微冷】

	今朝搭巴士返教會　 架車搞到我好暈呀＠＠＠＠＠ 今日返到去未開始分班^o^早左少少 完左之後佢地去旺角飲茶　 我就冇得去喇　我要ｏｔ呀 搭１０１返灣仔～～　食左碗粉 行左陣灣仔　１點倒去到修頓等佢地喇 今日又係交通安全活動　 不過我唔明灣仔區關我地咩事　但又邀請埋我地喎 我去到安頓好佢地　之後我就坐定定喇 到佢地出去我就幫佢地影相 咁到３點基本上可以走得的 但又有歌星咪睇埋先　但佢地已經走哂啦 哇　ｊｕｎｏ喎　「靚仔」得佢　 佢班ｆａｎｓ好難頂呀　又講粗口　又尖叫 坐正我後面呀　耳膜都震破咁滯 有啤梨　有周國賢　有鄧慧欣　有cookies 有Bliss 　有女生宿舍　有傅佩嘉 睇完哂４點幾倒啦　之後又行埋個灣仔先 買左３張揮春好ｃｕｔｅ架 然後我就搭叮叮回家啦

>>January 28, 2005 at 5:57:02 PM GMT+8

2005 年 1 月 21 日 星期五 【微冷】

	今日又要番下午呢 朝早～　起身上左陣網 之後１１點９就出門口 去左中環永隆度拎返張Monchhichi信用咭 好靚呢^^..... 　拎完去左食沾仔記雲吞河 吃飽就去左天橋底度買左２碗豆腐花 返到去都係１２點９　豆腐花就分左４碗一齊食^^ 本來ｄ會員拎左ｄ雞比我地的～　但我傷風唔敢食雞 其他２個同事又食飽飯　我叫同事仔一個食哂去啦 我地好開心咁開餐　又有糯米滋食喎　 簡直係開Party咁呀^o^ 　老細短週我地既生活簡直係差天共地呀 本來諗住用微波爐整埋爆谷　不過我地都係諗住遲ｄ先玩　ｅｅｅ 同事仔又放工喇～　　淨返我同雲姑娘同新同事 下午有個交通安全既耆青交流活動　搵我黎搞的 果個人燒左隻midi入CD-RM度我地部CD Player點播喎 咁我就摷左隻碟比佢地播啦　 跟住佢地都有交流步操　一齊步操　好彩都好齊 之後都好順利咁完成啦 晏ｄ就有湯飲囉　勁肚餓呀 ５點３就拿拿臨放工啦

>>January 24, 2005 at 3:12:52 PM GMT+8

2005 年 1 月 20 日 星期四 【微冷】

	今朝忙忙忙...... 又要跟佢地交通安全隊 老細話：我依家唔理架喇！ 我幾傷心呀　話哂佢都係隊監～ 我同同事仔聽到眼都凸埋～ｘｙｚ＄％＆ 下午又要開staff meeting 今日做左妹仔咁　　因為在４樓度開 老細冇拎ｄ野　要我落去幫佢拎 份野又攝埋一邊　又話係粉紅色　點知都唔係的 不過好彩我知係咩黎　同埋識摷佢座山 開到５點９　本來想唔返教會 因為我未好返　唔想吹風 但係都去左啦　食左個滑蛋牛肉飯+熱檸茶 出到去又咳咳咳＞＜嗚．．．．．．． 　返完教會　真係覺得紅磡勁食風的 一個字　　寒～

>>January 22, 2005 at 5:14:00 PM GMT+8

2005 年 1 月 17 日 星期一 【晴】

	咳到飛起＞＜ 今日勁病呀　　嗚嗚嗚 我同同事仔講　唔知係咪尋日嚇親 晏晝啪左特強幸福傷風咳素！～ 夜晚冇胃口食飯＞＜ １０點半就訓左啦 好辛苦～　 咳都比人話的　嗚嗚嗚 如果有得比我選擇　我都唔想啦！～ 我只係想　靜下

>>January 19, 2005 at 2:45:32 AM GMT+8

2005 年 1 月 16 日 星期日 【颳風】

	今日個新同事返工... 咁我一返到去搞電腦班d野 插哂d線～　咁又set埋另一間房要用既野 老細話我個電腦班比左新同事去跟 做咩唔問過我就交左比人呀　咁都得既 仲諗住有得靜下唔駛對住佢添　 咁我入左去電腦房度同左新同事講聲要做咩 我就返去做野喇　　　團年飯大把野未搞＞＜ 今日我勁唔舒服好眼訓好頭赤 老細又係度講講講講講講講講 唔該比我靜下啦 咁１２點去又去左禮堂set 機 搞左半個鐘～　好快食飯 食飽飯頂唔順要趴左一陣．．． 下午真係嚇死我啦.... 個會員0係中心無端端暈跌左落地 好大聲的「0彭」一聲...... 頭撞波檯...再落地 成個訓左0係度.... 即時我係呆左的 好彩當時係老細都0係度咋call 白車 淨返我就拿手唔成世 呢d場面在中心我都係第一次見 好驚嚇呀 比佢 之後成地都係血.... 比佢枕住個頭張毯都係血.... 心血少d都唔得呀 仲好彩本來我要跟去醫院的 但係佢個女即時黎到 我唔駛去咋 我自己都帶病 去到醫院吸埋d菌都唔知點 驚驚＞＜

>>January 17, 2005 at 11:37:11 AM GMT+8

2005 年 1 月 14 日 星期五 【微冷】

	今日返下午的 朝早自己煲返熱個湯～　 食左個菠蘿包先出門口 今日雖然可以晏d先起身 但係我返到去見人收工我返工 實在好羨慕喔 返到去又出去了 今日同佢地去義工嘉許禮 都冇咩野做的～只係影下相～ 有表演節目啦！～　 最難頂係一個band show... 都唔知佢唱乜之餘又嘈 仲要唱４首歌～　 ｄ阿婆都頂唔順走減ｄ啦 最型係跆拳表演～　ｗｏｗ 用個頭爆爛２塊木板呀　型呀 之後返到去老細問到咁我有咩做 我話唔通未完個節目就走咩 之後５點幾先走 ｋ今日在上環～落去搵佢啦～ 我地去左食麥記～　好肚餓 食左個蘋果批丫～　 之後行左陣就走嚕～ 回家淨返我同阿媽～ 買左個米粉share食咋

>>January 19, 2005 at 1:55:29 PM GMT+8

2005 年 1 月 13 日 星期四 【乍雨乍晴】

	今朝得我同同事仔睇住個檔口 不過我要教電腦呀 搞到11點返入去office的 呼..... 快樂既時間通常都過得特別快 同事仔話佢冇帶飯一陣要出街食 我話我又冇帶飯呀 佢話駛唔駛買返黎比我食 我話唔駛啦 你食埋就返黎啦 咁我去搞午膳d野時 我同清姐講開我冇帶飯 佢話佢有雞翼 0係中心裝少少飯啦 唔駛出去食啦 咁我話駱姑娘都冇喎 佢話夠架啦 咁同事仔食12點飯先 佢留返比我囉^^ 到我食 有雞翼有叉燒有菜仲有茶葉蛋仲有碗湯囉 真係勁飽呀 d叉燒係個會員請的 茶葉蛋又係個會員請的 不過老細返左黎 好彩我食到差唔多食哂先返 之後我用微波爐叮暖左個柑黎食 (最近食柑都必叮一叮) 分柑同味比埋同事仔嚕 下午又要整團年飯d野啦 搞到5點半 老細收到個電話又話要整邀請咭 我即刻熄電腦同埋閃開呀 我唔想成日要陪佢收5點半呀...... 放工同麥麥返聚會 聽左好多野呀 完左聚會蘇姐姐話有d野比我地揀喎 原來係ｐａｕｌ　ｆｒａｎｋ既....... 好搞笑　宏宏0係度玩摷到亂哂　佢好似玩波波池咁囉 成個人仔都差ｄ跌埋入去　睇見就好笑啦

>>January 16, 2005 at 1:11:56 PM GMT+8