2005 年 4 月 28 日 星期四 【晴】

今朝起身　
晏晝同左阿爸阿媽去富臨飲茶喎
呢種生活簡值好似退左休咁呀
悶。蛋

>>April 30, 2005 at 8:51:53 AM GMT+8

2005 年 4 月 27 日 星期三 【晴】

今朝10點幾起身
放左個電話在枕頭邊
不過係震機 不過佢響我都聽唔到啦
果然睇返 追魂ｃａｌｌ公司電話又在９點幾打黎
不過我係唔會打返去既　　我知老細太掛住我啦
佢左右手都斷了嘛！！呵呵呵
好啦　今日又係我返去既時候　１１點幾返去
因為雲雲今日抱佢個ｂ返來　同埋有紅雞蛋
我返到去望左一眼　ｂｂ就要食奶奶了　
而我竟然　又做義工了啦　今日冇人拎飯啵
我就推左架車仔去拎飯啦　
然後我落返去又竟然繼續做野架呢　真係勤力的
我老細今日講既野好似對我懶好咁喎
話辛苦我喇　又話我未食野呀陰公咁樣
有ｄ嚇親的　我認犯賤　你對我好唔得架　我會驚
不過今日發生左ｄ事　短短一個多小時的時間
今日好似比人屈咁　＞＜　咁果個人明明冇買飯的
咁佢打算入去食喎　咁老細發現話過我知
我話係呀　佢冇買架　咁佢講到佢明明有買咁喎
個人走過黎好似想同我對質咁　個樣勁黑面　啤住我喎
咁佢臨走好似好慶咁爆左句：「我唔應該丟左張飛！」
老細話：「好似講到真係有買咁！」
搞到我個心都好似唔知點咁　不過我覺得我冇收過佢今日錢既！

之後　媽咪做完野搭車上左黎堅道　不過我好心搞埋ｄ手尾先
仲幫佢地看住個檔口耶！　lunch time 冇人都夠膽死
然後我叫媽咪上住５樓睇野先啦
我知一定會有好多人陪佢架喇　係人都知佢係我娘親啦^o^
果然我上到去好多人同佢搭訕啦　hehe
仲傾得咁開心添　呵呵　我上到去就同媽咪揀左幾件衫
平靚正架　爆開心喎
然後就落返去吳越之間下午茶時間了^o^　

回家途中　唉　Clara打比我說：「大檸樂！」
做錯事乎？　相信她要學會長大了　
我都幫唔到咁多　

>>April 30, 2005 at 8:53:27 AM GMT+8

2005 年 4 月 26 日 星期二 【晴】

今日下午又閃左返公司
好無聊丫！　我返到去，去左社區中心同ada傾左陣計
我話我去接佢收工的XDD"
之後就彈返入去　我話我係路過架！
我返去教Clara執ｄ旅行野囉　
之後我就閃左去找Ada啦　同佢一齊上５樓睇衫呀
呵呵呵．．．　之後Winnie同Clara食飽飯又閃上來了
Ada就買左３件　而我就買左２件啦　都幾靚架
不過要等年尾著啦　
之後我就陪Clara去郵局交費我就回家了
媽咪買左麥當勞比我食 :)　　

>>April 30, 2005 at 8:59:49 AM GMT+8

2005 年 4 月 25 日 星期一 【晴】

朝早上左陣網
下午自已去大快活度食野
然後就返公司陪Clara啦
因為佢得一個人看檔！
返到去　佢地比左ｄ好搞笑既野我睇
我話：「咁都留0係度　仲放在LCD Mon後面做咩！」
實質是在湯裡打撈上來的蒼蠅　
然後用杯封好了　然後我就笑翻了＠＠
我今日搞下呢樣搞下果樣　好快陪佢地收工
Winnie都有落返黎呀　原先Clara驚唔識埋數嘛
咁我娘親又在麥當勞道返完學落來揍埋我收工囉^^
之後同左佢去奇華度用cash dollar換左２盒蛋卷
然後同左佢去買送　返屋企喇

>>April 30, 2005 at 9:08:18 AM GMT+8

2005 年 4 月 24 日 星期日 【晴】

朝早食左個麥當勞包包

今日因為ｋ”無野做
就去左沙田度行左陣喇
之後晏ｄ又食左個芒果蛋糕

又一ｄａｙ

>>April 30, 2005 at 9:12:19 AM GMT+8

2005 年 4 月 22 日 星期五 【晴】

今朝我係返左去公司的
不過都10點幾11點的時候了
今日見Clara一個看檔就回去陪下佢了
當然我手頭上仲有好多功夫未做好
返去做下 唔係我放假都放得唔安樂！
好好笑的　ｄ會員見到我問我唔係放假咩
我話「你睇我唔到你睇我唔到」
仲搞笑　黎老闆諗住走左過黎同Clara講
話有咩事可以搵佢　我見到佢開門走入黎的時候
我又趴底心諗「你睇我唔到你睇我唔到」
係咪傻架～～哈哈　咁大個人得0係度
黎老闆點會睇我唔到喎　哈哈　我話我返黎助慶的
咁我同Clara講　「你睇下你幾幸福　有個咁好既同事！」
佢即刻笑死了　　今朝既工作就係勁ｃａｌｌ客　哈哈
變左Sales manager　^o^ 今日個會員話唔係我帶就唔去旅行了
我都想去架！！！　無奈！！！
哈哈　１２點　等到winnie落返黎喇　
其實２黎我係約定左今日見架　佢今日幫我做左好多野呀
佢永遠係呢度榮譽職員黎架喇　今日我接電話的
因為我知老細一定會打返黎　果然比我估中
Winnie想按收銀機　一手想按落去之時　話：「點解我禁既！」
我想按之時：「　我放緊假架啵！　」
之後Winnie整熱左ｄ喳喳比我食　^o^ 醫住個肚先
後來佢做左好多野呀　我地搞到３點幾先走呀　做左半日義工耶
其實同Winnie分開左唔會話唔好事黎既
今日講開　我地可以一齊放假去旅行啦　以前諗都唔駛諗呀
反而我地而家都Close左好多咁添

>>April 25, 2005 at 5:01:11 PM GMT+8

2005 年 4 月 21 日 星期四 【晴】

悠長假期的第一天
朝早 哈哈 訓到日上三竿 １１點幾先醒
當然我個電話係有響過　不過我當然係震機
而且放到老遠的　哈哈哈　　
到我醒左既時候　ｗｏｗ　果然有公司個電話
咁冇理佢啦　之後麥麥打比我　都話我開心啦
訓到日上三竿　放假放到５月了^^
叫我今晚在天星小輪等佢囉～
之後我打返比Clara　原來真係老細搵我喎
不過我話算啦　佢搵我自然會搵返我
到左晏晝　　老細真係fing個電話黎
佢話今朝又唔聽佢電話　我話「係呀！我未訓醒丫嘛！」
唔係真係冇左我唔得丫嘛　=.-
晏ｄ同左媽咪去ｂａｎｋ～～　再去食野！食粥～～
之後就行下先　之後仲有時間慢慢行去天星了
我等左一陣　麥麥就黎啦！　
今日既小組既詩歌好好聽　～～　仲有揀得好岩架
我今晚勁搞笑　分享見証囉

由2nd interview果日星期五食自助餐果日講左少少比李姑娘聽
李姑娘話我會得既～～　
到星期一　好ｈｕｒｔ呀　勁想喊呀　我真係咁差咩？請第二個都唔要我
我喊住口同麥麥話我衰左喇　麥麥佢講左句：「未完既！」
星期二　　新同事第一個就同我講話佢加拿大ｄ親人有事　
我叫佢同老細講啦　有商量既　佢話一定要飛過去　唔咁自私hold住個位咁耐
老細臨放工話：「你其實係第二架！」　潤我嗎～　
星期三　Lunch time老細拉左我去房仔度傾　問我想唔想挑戰呢個位！
我諗左半日　我會挑戰囉（比人挑就真！）

經過左呢幾日的日子　真係會睇到 神既帶領囉　
我曾經問過　神係咪唔想我留在明愛　係咪真係要我走呀？
到底　神想我點？？？
原來未去到最後　都唔會知道個結果！竟是意想不到的
初信之時　神　比既野係最好的　冇咩大風浪的
但係睇到　信得耐左　神　就要你經歷一ｄ野　
今日天賜哥哥揀呢↓首歌<我知誰掌管前途>簡值係岩哂ｆｅｅｌ呀
----------------------------
| 我知誰掌管前途， |
| 我知祂握著我手； |
| 在神萬事非偶然， |
| 都是祂計劃萬有。 |
| 故我面臨的遭遇， |
| 不論大小的難處， |
| 我信靠行奇事的神，|
| 一切交託主。 |
----------------------------

>>April 26, 2005 at 5:50:07 AM GMT+8

2005 年 4 月 20 日 星期三 【晴】

今日朝早　winnie自己都唔知原來要走喇＞＜
勁唔捨得囉　雖然都係上幾層者
但係　冇哂安全感咁呀　嗚嗚

好忙！　又要執返ｄ數啦　眼都花哂＠＠
老細同我講喎　「你聽日開始放假啦！」
下＠＠　好突然啊　不過算啦　遲早都要放
我話　旅行邊個帶？？？　
佢話：「我都知你會咁問架喇！我有辦法啦！」
心諗咪又係叫Clara帶～～　其實我返來帶都得既！
完全唔係一個問題　問題係....... 成唔成團者
我地都擔心呢樣野　pls pray for us! 有活動冇人參加呢個係最慘！
做到傻左呀　　老細　Winnie　ｍｅ 　8點3先走得人！！
因為clara唔知發生咩事　我就打電話比佢啦
佢聽到話要佢帶旅行即時：下RRRR～　
個反應就係　個下爬跌左落地囉　我仲叫佢快ｄ執返添
因為佢實在好似一個卡通人物咁喇　我都明白佢既反應
就好似我第一次帶旅行咁　不過now 都習以為常了

今日係同阿婆慶祝生日呀　我係最遲到的一個
真係唔好意思要大家久等了
食到飽飽了啦　
尋晚禁錢比 阿媽家用+供樓+比阿婆買野食
ｍｅ就要 節衣縮食 了

>>April 22, 2005 at 4:53:17 PM GMT+8

2005 年 4 月 19 日 星期二 【晴】

今日舊老細打比我　因為佢知我發生咩事
話遲ｄ同我出黎食飯添　有個咁關心我既舊老細
唉　如果佢依家係係我老細　所有野都會唔同！！

今日做paper work做到夜晚7點3先收工
一日比一日夜
夜晚心情不爽的
良 佢知道我心情唔好 在台灣打電話俾我
不過我冇聽 唔想浪費佢ｄ錢錢啦
佢好抵得諗　在ym度係咁比我發脾氣＞＜

>>April 20, 2005 at 3:10:11 PM GMT+8

2005 年 4 月 17 日 星期日 【晴】

不爽
今朝由9點開始 繼續努力抄返ｄ財政報告
繼而　打返ｄ檢討報告
Lunch用左半個鐘黎食飯咋
之後繼續打　打　打　
ｄ班組檢討報告又要張張唔同啵
本來想一張用哂４季　ｂｕｔ又唔得喎
除了去影印之外　我都係狂打字
不過好彩我好鍾意打字^o^
我成日諗有冇ｄ工可以成日打中文字
不過我諗黎諗去都諗唔到
今日ｓｕｎｎｙ無端端恭喜我！
我話：你又知！　佢話：我八卦丫嘛！
我又話：多謝呀！　
（我幾想講上次真係多得你唔少！嚇親ｍｅ）
之後臨收工我出左去社區中心靜嫻姐姐突然「恭喜你喎！」
我話我都未升！～　有排啦～～～～～～～～
我知我要面對好多挑戰　仲要做事要有「搭圾」
冇人比我依賴喇　　嗚～～～

今日６點半先走得人　不過　我打哂ｄreport啦！
但又唔知有冇錯囉
呢個禮拜要趕打通訊喇～～　

>>April 18, 2005 at 12:06:46 PM GMT+8