2003 年 3 月 1 日 星期六 【晴】

又一month喇…今朝一早就畀您話我冇叫您起身搞到您返唔倒學…我…我…我…

今日返佐去，過埋要過o個兩支columns，就返屋企食飯。有一個壞消息，就係老細今日下晝已經返佐o黎，因為我見倒佢架車。

返完屋企食飯又返學校…只係希望聽日可以做o的lab。

同媽媽講佐要重新整過我間房，佢都好同意咁…鬼咩，宿度咁多o野而家間房咁o既架部點安置得晒呀！等我諗o下點整好先…

郵差話我冇睇留言，其實我有o架…不過佢而家玩戒上icq，真係唔知用乜方法聯絡佢… @_@

又試好掛住您添…寶寶~~~我愛您呀媚媚！好愛好愛您呀！我o地唔要分開！

兩點半鐘突然好想踩單車…我已經好耐冇陪佢喇…今晚出去同佢走佐個圈，都幾辛苦o下…條腰好累…踩佐九個字倒就返宿喇…突然好想踩入大尾督…

>>March 2, 2003 at 4:09:14 AM GMT+8

2003 年 2 月 28 日 星期五 【晴】

今日坤哥seminar，所以十點幾就返到lab。跟住成個下晝都o係度搞部Mac，好o野，部機終於整返好，而家仲睇倒又打倒中文添！都唔知點解之前要搞咁多日…

夜晚就同您落佐沙田食辣麵同去超級市場買o野。又士多啤利、又雪糕、又朱古力咁，真係誇張，不過好似信心欠奉咁喎… @_@

好喇，您要mid-terms喇！您要好好畀心機。呢個禮拜由頭到尾都日日一齊開心，下個禮拜大家都要好好做o野喇！

>>March 1, 2003 at 11:41:44 AM GMT+8

2003 年 2 月 27 日 星期四 【晴】

今日八點幾起過身，但係返訓到十點又再返訓，最後畀一個BU o既唔知乜水o既師妹打o黎問我過中大讀M. Phil. o既事而嘈醒佐…唉…唔好呀…唔好過o黎讀M. Phil.呀，唔好讀M. Phil.呀，唔好讀chem呀…死路一條呀…最後我叫佢如果過o黎中大搵o的老細先至再搵我。呢位唔知乜水o既，祝你好運啦…

之後就有人車佐我去沙田食香茅雞翼飯…而家個口仲有好大蔥味…頂…

下晝您做完PBL，成個人都憫晒，係咁o係度發脾氣。原來係做lab遇著o的x人…唉…您o的同學係咁o架啦，都見怪不怪喇…之後陪佐您落Starbucks飲咖啡，等您順返條氣。 =)

>>March 1, 2003 at 11:34:37 AM GMT+8

2003 年 2 月 26 日 星期三 【晴】

今日心情叫做唔錯，其實大家o既心情都幾好。唯一不足o既就係又試訓到成點先起身…因為今朝唔駛seminar嘛！

下晝返到佢，又係o係度雲遊，唔係做佐好多o野。走來走去咁就成個下晝… @_@ 入佐夜之後點埋上個禮拜未點o既TLC，畫返晒落簿，再諗住set多兩個reactions。點知您急call我話我知您開唔返下晝畫o個o的ChemDraw公仔…您個ChemDraw又唔知痴乜線，唉…set完兩個reactions先再同您去搞，點知突然之間畫畫o下個program又無端端自己shutdown…嘩…死緊喇今次…救命…見您個面口黑過鑊底…好恐怖…唔關我事o架…我只係見倒有個地方錯佐之嘛…唯有幫您畫返啦…

ChemDraw好多bugs呀… @_@

>>February 27, 2003 at 5:12:11 PM GMT+8

2003 年 2 月 25 日 星期二 【陰】

今日依然超累，琴晚已經早佐訓，但係今日都要成點先肯起身…頂…好唔開心，一來係自己o徙佐自己o既時間，二來其實又係唔知咩原因其中一個實驗又係做極都做唔倒，搞到我都唔多想返去做…唉…好煩呀！我唔想再做呢o的咁o既無聊o野喇！

我已經冇晒前幾禮拜做lab o既衝勁喇…亦都發覺自己冇乜能力去愛您…都唔知做乜無端端要發您爛咋…唉…

下晝又要帶班x人lab，佢o地非常之x，又慢…仲要帶多三個禮拜…極灰…

>>February 25, 2003 at 6:46:45 PM GMT+8

2003 年 2 月 24 日 星期一 【陰】

超慘…當您以為訓到十二點半已經係好勁，我可以話您知，您太天真喇！因為我今日訓到成點先起身… @_@ 勁累…

兩點半先返到lab，過佐支column咁大把就冇做其他o野…同部Mac機裝佐個中文系統，點知係一個lower version，搞到所有o既softwares都用唔倒…吹脹！睇倒中文但係又用唔倒…

六點幾出去買o野畀您，費事又畀您話唔tum返您…真係叻仔，一入到上水就搵倒小巴入屯門，去到仲有時間買自己o野同食個麥當當，今期仲有個芋頭批送，真係賺佐！之後就去您樓下等您。時間預得o岩o岩好，等佐一陣就見倒您。您個樣都仲係唔開心咁喎…之後陪佐您一陣就返宿抖。

當您以為一段二百幾日o既愛情好似已經好耐，其實呢粒愛情種子仲係o係萌芽o既階段。天生性格對立o既我o地，或許需要比其他人更加多時間去適應對方o既生活方式同脾性，仲有改善自己。經過半年o既相處，大家大約都已經知道對方鐘意o的乜同唔鐘意o的乜，但係相處之時又總會再發現倒對方o既不同之處…所以兩個人要長大、開花，甚至結果，真係要一段好長好長o既時間…二百幾日，唉…算係o的乜？

>>February 25, 2003 at 12:12:40 AM GMT+8

2003 年 2 月 23 日 星期日 【陰】

抱緊眼前人
梅艷芳

本應相愛　本應相襯
命裡註定同行卻未能
捨不得不愛　巴不得一世
唯願抱緊眼前人

匆匆一世　深深一吻
就此以後無從愛別人
若只得今晚　可偷偷走近
誰又理得天鎖禁

愛你就算將跌入永遠黑暗
但這一刻抱緊　多麼確實無用再覓尋
浮沉人在世　快樂循環又傷心
但願愛得最動人

一宵的愛　一生的印
儘管最後如同過路人
捨不得不愛　巴不得一世
唯願抱緊眼前人

愛你就算將跌入永遠黑暗
但這一刻抱緊　多麼確實無用再覓尋
浮沉人在世　快樂循環又傷心
但願愛得最動人

一宵的愛　一生的印
儘管最後如同過路人
捨不得不愛　巴不得一世
唯願抱緊眼前人

唯願抱緊眼前人

>>November 10, 2005 at 8:46:43 PM GMT+8

2003 年 2 月 22 日 星期六 【晴】

嘩…超黑仔呀…琴晚隻harddisk又燒佐…頂…有冇搞錯呀，一年死一隻…今時今日又邊有錢買過個呢？仲要而家有錢都買唔返20G o既harddisk喇…我部機塊底版又唔support…灰…

結果搞部機搞到四點先訓，朝頭早約佐您食早餐，點知起唔倒身添…匆匆忙忙又唔記得帶返o的o野畀您添…見您仲好似好嬲咁喎…

今日唔係做佐好多o野，只係set佐兩個reactions，都唔知掂唔掂添喎…今個禮拜尾做o既實驗又唔多順利，冇product…點好？老細就快返o架喇喎…冇貨交死梗o架…

夜晚一家人去佐一間唔係好高級o既酒店食自助餐，預早慶祝下個禮拜爸爸同妹妹生日。間o野仲有個芝士焗龍蝦送添喎。見倒芝士，不其然就諗起您…（係個病態！） @_@ 間o野o的食物同價錢成正比，不過都好鬼多人幫襯。全晚我最欣賞o既就係煙三文魚，因為佢係我o既至愛。我好鐘意o的煙過o既食物，好香，我每次出去拿o野食都會拿兩、三件。仲有佢o的咖啡都幾香…一家四口都唔駛六舊水，媽媽請。o的野食係咁上下o架喇…算罷啦…都食到好飽，真係開心。

>>February 23, 2003 at 3:50:40 AM GMT+8

2003 年 2 月 21 日 星期五 【陰】

今日好頹，一來琴晚四點先鬧完交訓覺，二來之前o個晚已經唔夠訓好累…

九點幾返到lab，但係呢個我係冇靈魂o既一個身軀。好累，好眼訓，好差o既心情。今日完全冇開reaction亦冇過column，完全諗唔倒o野…不過好彩都叫做改起佐我要改o既半份undergrad.班x人o既reports。

朝早grad. sem.之前去等您，諗住睇o下您點。見倒您好似仲嬲緊，冇法子唯有走。之後o既grad. sem.有我o地個lab o既仇家蘇卓x，見佢畀班有學識冇人格o既Professors玩，真係有o的無奈，不過佢係抵死o既。之後到x Sean，佢又畀班唔係想幫人o既Professors玩，真係慘。

之後上佐NA同班友仔影畢業相，見倒佢o地我就開心o架喇，因為佢o地真係唔似得今年班year 2咁h同咁c。不過我熟o既人其實只係得兩個，見您好似唔想見倒我咁，我諗住影完就走，但係都要被迫留多陣，因為又畀人拉住影佐兩張…

下晝再同o的朋友仔傾偈，心情都好返好多，之後見倒您o黎PBL，您都仲係好似冇乜表情咁，冇法啦。最後您走o個時大家擦肩而過，o個種感覺真係好奇怪。

食完飯返到lab之前您打畀我，喊。雖然米米車佐我上去您宿（唔該晒米米！），但係您話唔要見倒我，我o地唯有一齊返lab。返到lab您又話要講清楚，冇法子，今次係我錯在先，唯有上去見您。您喊到個樣古古怪怪咁，真係冇陰公。

對唔住。您o岩，我錯。我唔想再為自己解釋，總之，我會改。

>>February 21, 2003 at 10:23:23 PM GMT+8

2003 年 2 月 20 日 星期四 【陰】

今日好x慶！成個禮拜儲埋o既和諧氣氛全部冇晒。

今朝十點先起身，訓得都算夠，返到lab，set佐兩個reactions，食完飯再諗住過埋支column收工，點知做做o下o野，本來好地地o既一日就咁結束。

收倒office o既電話，原來係派上個sem. dem. lab. o既teaching evaluation。好奇怪，之前兩個sems.都唔駛自己去拿o架喎，原來我係最低分o個個，仲要見department head添。真係多謝晒呢班year 2喇，成班都係pkhkc，戇ngch o既！嘩，o的comments真係精彩到呢…見者無不覺得搞笑，呢班咁o既pk，唔該佢o地用o下個腦o黎諗o下o野啦！其中一o的comments係邊個畀o既，我就心中有數o架喇。因為我帶o既人有人拿A-，但係亦有人拿C-。

見W. K.李，佢只係例行咁叫我注意返o個o的o野。我都last o個個sem喇，仲可以對我做得o的乜o丫…但係我真係好x慶，呢個世界居然有o的咁o既x人，我睇佢第日出o黎點撈！

之後您叫我幫您print spectra，ok，冇問題。但係唔知點解我同您講完電話一陣再打畀您問您要邊幾張spectra o既時候（因為有太多張spectra喇，我都唔知您要邊張），連續打佐十五分鐘電話畀您您都冇聽，搞到我更加慶。對唔住，無論您有乜o野原因或者委屈，您今晚都唔好搵我，因為我仲嬲緊您。

之後落佐去搵Man姐傾偈同睇電視，心情都叫做好返o的…

頂佢個肺，呢張teaching evaluation o既o野我會記住o既，唔好怪我執正o黎做。

返到宿再炸半個鐘頭機，爽晒。

>>February 21, 2003 at 10:18:59 PM GMT+8