2003 年 9 月 7 日 星期日 【雨】

今朝十點七先起身，搞到要飛出街咁滯…因為今日要十二點返到山頂…巴士飛站、小巴等客…好在都只係遲佐五分鐘…

山頂真係好悶…雖然好多遊客，但係旺丁唔旺財，成組人企佐一日都只係蓋得幾個印…真係灰！不過唔關我o地事o丫！唔係我o地錯喎！錯就錯在諗條咁o既橋到o黎o既廢柴旅發局同政府。

企佐成日，雖然之間係可以山頂兩邊走來走去，但係真係超悶…結果我決定大家七點九就收工…頂…真係人影都冇隻…做春咩…

o係山頂度識佐好多人，希望大家o的關係好o的，有人關照o下我o地班伙計啦…

最後都執好晒間房，之前因為連續開佐七日工，一日一日咁將o的o野堆，搞到間房亂到咩咁…終於都清理好…聽朝仲要去TB開o的垃圾會…o徙時間！搞到我又要早一個鐘起身…就快又三點…累死…

>>September 8, 2003 at 2:46:47 AM GMT+8

2003 年 9 月 6 日 星期六 【雨】

九點半起佐身，為要打一份返工指引畀班組員。結果遲佐三個字先到金鐘，但係又要佢o地冇台冇凳！幫手搬。原來聯合國兒童基金會班人霸佐我o地個位！火！

佢o地o的人又追住人迫人買咁，仲要o係正我o地前面搞事！於是走佐過佢同佢個阿頭講，叫佢o的人彈開o的。但係o個班醜樣冇罪卻出街嚇人o既怪物居然又越行越過，搞到我又要過去火多佢一次！真係好心啦，迫人買個丁屎咁大o既月餅，仲要追住人講，咪盞整衰自己個招牌！戇居o既！人o地唔買咪算囉，完全唔係出o黎撈！

之後四點幾又走上山頂，我估台凳係有相量o既…不過一切都要等星期一。仲有，佢o地開始關心出糧同埋claim車錢o既問題…mmm…盡力而為啦…

搞搞o下成九點半先返到屋企，check o下三日冇check o既newsgroups同埋email先食飯。原來下個月要畀多三百幾蚊電話費…火火o地…唉…錢呀…呢排好緊張…

累死…要打返五日o既日記，打到抽筋，不過記憶猶新…嘩…又試三點幾先有得訓…聽朝又係十點起身…眼訓死…

>>September 7, 2003 at 3:17:14 AM GMT+8

2003 年 9 月 5 日 星期五 【雨】

第一日出Super Draw，我十二點先去金鐘廊。為佐搞去o的關係，走佐去打招呼，仲親自幫手搬o野，不過佢o地勁nice，希望佢o地第日多多關照啦…

金鐘廊都好多人行，生意都唔錯，都有幾多人要蓋印。不過以問路同埋問點玩o既人居多。隔o黎仲有檔賣甜食o既，都幾ok，十蚊六件非常抵！不過食到第五件我都已經飽晒，o的茶果好得，但係o的有芝麻o既製品就唔多掂…

四點幾五點走佐上山頂睇o下班友仔，發現佢o地乜都冇，要企足七個鐘。唔得，叫Kitty聽日要同山頂廣場同凌宵閣o的人傾o下先得！四千蚊人工要人做到隻狗咁，有冇搞錯！照例四圍打招呼搞關係，原來佢o地o既企位有問題搞到得罪佐凌宵閣班人…希望冇事啦…

夜晚約佐超人出o黎講o下o的近況。原來條友仲未搵倒o野做，仲已經開始畀佢老母罵…唉…早早叫佢搵o架啦…不過佢女人仲叻，o係銅鑼灣開舖賣衫，十月一號開章，真係恭喜恭喜，佢仲話我同我女人去可以有VIP價錢添…哈！

成點咁滯先返到屋企…累死…但係我發現份roster好似有o的問題…諗極都唔知點改好，條數又計極都唔o岩…真係煩…結果三點頂唔順，要走去訓…

>>September 7, 2003 at 3:07:27 AM GMT+8

2003 年 9 月 4 日 星期四 【陰】

晨咁早起身送佐您返學，之後再搭船同電車呢兩種香港最慢o既交通工具返工。返到西環仲有大把時間一個人嘆返個早餐，舒服！今日係今個月最後一次返中心，亦係最後一次返朝十晚六。我o地今日玩溫習。

無厘頭地又加埋隔o黎組o個三個組員，搞到佢o地好似格格不入咁。David己經quit佐，Iris亦都只係返埋今日。搵倒人工高o的o既工，真係恭喜晒，不過又少佐兩個人一齊玩，聽梅梅講，話中心請唔倒人添喎…可能最後都唔駛一個人帶十五個人都未定…

玩佐個role play，發覺佢o地都唔係好投入，淨係掛住玩人…唉…之後玩佐個「有口難言」，都玩得幾開心咁。最後個乒乓波，就可能問o的o野大家都冇乜興趣，是但打佐幾板就收工…唉…話晒都係我同Kitty o既心血嘛…班小朋友…唉…

下晝就忙住編之後Super Draw o既roster。好在都有Kevin幫o下手，先叫做可以用四個鐘就編好一個我o地認為最好o既roster…起碼唔會太harsh…不過每人都仲會帶住兩日補假落十月喇…辛苦晒…

夜晚忙住搞畀助理o既roster同埋畀TB o既roster，真係累到嘔…足足搞到兩點半先有得訓…希望大家睇得明個roster啦，又係心血o黎o架…累死…編完send佐畀Kevin返中心印就即訓…

>>September 8, 2003 at 2:47:54 AM GMT+8

2003 年 9 月 3 日 星期三 【乍寒還暖】

非常十分之很火！pk政府，pk旅遊發展局，pk旅發局Anthony…我已經對香港政府o既管治能力完全冇信心。

今朝訓到十一點先識起身，太累喇…但係因為要幫郵差買書再拿去寄，所以都迫住要起身、沖涼、出門口。一開波就去到旺角平時去開o個間書店，點知佢居然話冇我要o個本書，唯有即刻仆落佐敦另外一間睇o下有冇啦…點知o個間居然話自己賣晒，仲話返貨要等十日… @_@ 冇辦法之下只有去最貴o既商務睇o下有冇得賣…

原來商務買書有八五折呀！哇哈哈！發達！點知…佐敦o個間又話自己賣晒，但係星光行有六本。一打到電話去，佢居然話搵唔倒本書…吹脹！唔係六本都留晒畀客呀嘛？！失望之際佢話旺角有一本，但係唔知有冇留畀客，但係都即管同我問。一問之下，佢話可以去拿喎！好o野！買倒喇！呢位佐敦分店o既商務員工勁好人！真係今時今日咁o既態度真係夠喇！

急急腳走返落旺角，買完又要拿去寄，仲順便寄埋個我o個時有錢買落但係完全冇用過o既手制畀佢…結果，空郵費居然仲要貴過本書… @_@

最後都好成功咁三點正到佐中環同上環之間o既旅發局開會講o個個pk Hong Kong Super Draw…x佢yz o丫！真真正正不知所謂！成個seminar都不知所謂，個Anthony一路o係度照讀個powerpoint。大佬呀，我o地識字o架，你讀出o黎有x用咩！講完之後又唔知點解冇佐之前所講話會有o既Q & A時間，於是我就第一時間舉手問佐佢幾個問題同埋一o的follow up questions。佢xy o丫！問多兩句居然就口黑面黑咁，唔識答就唔該你準備好o的先出o黎講o野！正一廢柴！冗員一名。真係火呀！收嗲啦！蛋散！

之後又無端端叫佐我o地班指導員過另一間房聽兩個老女人講埋晒o的九唔搭八，答非所問o既o野…佢xy！o徙x我時間！真係火！仲叫我o地第日出到街唔好亂講o野。心虛呀？知道自己o黎度賤買人力喇咩？！四千蚊要人做牛做馬，政府帶頭壓搾人民，正一pkhkc！

聽完o的完全冇用o既o野，又返到之前間房，玩分組。佢xy，隔o黎組個組長都算戇x喇！填個名、電話、電郵同組別咁少o野都可以拿住張紙成五分鐘都未填完！！！大佬呀，成村人等住你呀，唔該你醒目o的，唔好阻住地球轉啦！

不過旅發局o的人仲戇x，個Anthony淨係識得分組，居然完成唔會話填完名o既組長下一步做乜。我同Kitty見勢色唔對，之後仲有成村人，於是就同物資部個男人婆Michelle拿物資。一如所料，拿衫o既時候開始好亂，o的人個個都要試o下size先，咁都好正常，但係呢個時候已經係五點半，正常o黎講今日個會應該完佐o架喇，但係，o係呢個完全冇安排o既會議之中，五點半只係去到個會o既一半… @_@

佢xy！做o野完全唔講效率同完全冇流程可言。為佐可以早o的走，我同Kitty好快手咁搞掂佐全部人o既衫，但係仲要拿三個印、釘書機同釘，仲有個章… @_@ 又唔知做乜，隔o黎組o個個慢十拍o既組長會去佐派物資（減慢速度乎？），見佢慢動作咁o係度記錄o的印o既number就火！5個位o既number，頭3個字都一樣，我都唔明點解佢可以逐個逐個字寫！大佬呀，真係成村人o係度等緊o架，唔該你就醒少少啦！寫佐最後兩個位先一次過補返前面o個三個位啦，戇ngg咁，完全唔知佢做乜，於是我就忍唔住出口「火」佢！呢個世界就係多佐佢呢種咁o既人，搞到o的效率降低晒！火佢！

鬧完佢之後都冇心機再做o野，走返埋位坐，等Kitty分物資，真係慶到火屎咁！結果o係六點之前我o地所有人都有齊晒所有o野，於是我就問個pk Anthony幾時走得，因為佢o係我同Kitty拿物資o既時候已經同其他幾組o既人講佐編更o既安排。佢xy o丫！淨係識得叫我o地坐o下先，咁即係要我等到幾時呀？見六點都到喇，就叫班細o既走先，我同Kitty就o係度乾等。

等佐一陣，我再問佢要等到幾時先到我o地同埋佢之後會briefing幾耐，點知條pk又面黑，佢xy！我問佢幾時得，佢就叫我等。我問佢一個確實o既時間，佢就話好快。火呀！我話咁我要計OT喎！佢就話︰「計囉，你計OT囉。你邊度o架？你叫咩名呀？你叫咩名呀？」我就同佢講︰「我係YWCA，dominic，dominic！」佢話佢會同Elsa講。「哦！」報串o丫！告x我o丫笨！我睇o下有邊個同你做呢o的狗屎垃圾o野！

結果搞完個briefing已經七點，再report返畀Elsa知之後，去到中環，已經差唔多七點半…原來您早到佐…咁咪即係等佐成兩個幾鐘…真係慘…不過呢個完全係呢個無能政府o既錯，累您等佐咁耐。

去佐食個飯之後再去玩o下，我諗您應該會開心返o黎呱…

>>September 7, 2003 at 2:54:24 AM GMT+8

2003 年 9 月 2 日 星期二 【驟雨】

今日真係有o的火，再一次體驗到中心o的人有幾咁廢…

今日班友仔又係去晒training，不過又唔好以為我同Kitty琴日做晒o的o野，今日會冇o野做。我o地今日去佐site visit，發現中西區原來都唔係好大o既嗟，雖然行行o下開始落雨，而且越落越大，但係我都都只係差幾多景點未去，而且o個堆景點仲係好近o既添…不過雨真係大到冇辦法再影相，結果我o地都係中途放棄，走佐去食飯。

食食o下飯先知道原來天文台會掛八號風球，於是就急急腳咁諗住返中心先。點不知搭搭o下車返西環o既時候，半路中途一直聯絡倒o既Elsa打電話畀我o地，仲話畀我o地知可以唔駛返佐中心先再返屋企…頂…中心班人…玩我o地咩！點解每一個大機構之中總有一班冗員？

之後搭返車走，諗住返屋企。點知Josephine打畀我話開心樂園餐o個套Snoopy卡佢已經拿倒一套畀我！嘩！好o野！於是我就順路去佢公司拿埋先返屋企…正！

返到屋企都唔係冇o野做，又要忙住將今日o的相整落個powerpoint度，因為聽晚要同您去玩，唔得閒做嘛，而且聽日上晝又放假…但係因為有o的影點冇去到，而且我又怕佢o地會玩得太快，於是就連埋上網摷佐成晚o既圖，足足準備佐一百張slides，希望佢o地會玩得開心啦！

結果搞到五點先有得訓…累…

>>September 7, 2003 at 1:43:44 AM GMT+8

2003 年 9 月 1 日 星期一 【清涼】

今日返center同Kitty傾o下星期四點樣同o的組員溫習佢o地呢兩日會學o既o野，構思佐一個上晝，食完飯再打埋份proposal，諗埋裡面o的形式同問題，今日o既工作又完成喇！好開心，因為大家好夾，好快就搞掂佐呢份工作。交佐份o野畀Elsa，佢未有時間傾，仲話畀我o地聽星期三個Super Draw training可能改o係下晝上，叫我放假就放上晝…o下？唔係嘛！咁我o個半日假點算？我仲要幫郵差買書再寄埋同埋諗住下晝陪您o架喎…不過佢o地o野都好唔confirm，唔理住喇，聽日等我o地諗住落區影埋o的相同埋走一次o的景點，咁我o地就連落區行一次呢份工作都完成埋喇！yeah！

點知夜晚隔o黎組梅梅打電話畀我，話佢o地今日做Super Draw都幾辛苦o下，仲要無聊地企足八個鐘… @_@ 之後又話可能要我o地組星期四出去做Super Draw…o下？！又唔係呀嘛！咁我o地今日諗得咁辛苦o的o野又點搞？呢個係乜政府o黎o架？做o野亂立立咁，完全唔知佢幾時邊日想我o地做o的乜o野…頂…

今晚我o地鬧交，係因為您成日喊o既問題。我真係火火o地，因為我覺得您有點兒變本加厲。冇錯，女人喊的確係可以令男人心軟，但係過度o既眼淚只會令男人心煩，使流出o黎o既眼淚變得冇價值。希望您明白您事無大小o既喊不單只唔會令我o地o既關係有進步，更會傷害彼此o既情感。

我o既工作只係o岩o岩開始，我冇可能全天候咁去服待您。新o既工作係新o既開始，更難得o既，係我得到一份做得好開心o既工（您係知道我比以前份工開心佐幾多o既…），有出名o既機構，有好o既partner，有好o既上司，有好o既下屬。雖然唔知以後會有幾辛苦，但係一切都開始得好美滿，唯獨缺少o既，係您實際o既支持。我知道您內心係為我高興，亦都成日o係言語上支持我，但係您行動上表現出o黎o既，卻令我唔覺得您係咁。

如果要用您o既歡笑同快樂去交換我原來冇o既快樂，我寧願返番去以前咁…

>>September 2, 2003 at 12:19:27 AM GMT+8

2003 年 8 月 31 日 星期日 【清涼】

今日真係熱到嘔呀…成日都冇出街，但係o係屋企都可以焗到出晒汗咁…咩日子呀大佬…

成日都冇乜做過o的咩特別o野，自由自在咁留o係屋企攤抖o下，打o下機，休息o下，經過一個星期o既工作，都係為佐有咁樣o既一日假期。

本來諗住您星期日會鐘意陪屋企人，我可以自己休息o下，點知今晚打畀您您又o係度喊，喊話以為我會o係您屋企樓下等您然之後陪您返中大… @_@

最近您唔知做乜無論大事小事都淨係會用喊呢種形式去表達。我完全唔知您乜事，總之您就一日起碼喊一、兩次…做乜事呀？係我做錯佐？完全感受到一種無奈同無力感。每次打畀您您都會喊，都會加添我內心o既壓力…您喊完之後又話冇o野，咁，冇o野又做乜要喊？

>>September 1, 2003 at 11:50:43 PM GMT+8

2003 年 8 月 30 日 星期六 【酷熱】

今日center搞暑期活動閉幕，勁多人o黎，o的細細個o既小朋友好多都好得意好純，但係大得咁上o下o個o的就好難搞，畀我見倒偷center o的水都夠擔死，又冇禮貌，又四圍搞o野又打交…

照舊十點返到去，set up好o的攤位之後就食飯。原來百佳有o的只係賣九個九o既飯、麵、?等等o既o野食，好平，如果郵差o係香港o既時候發現呢o的o野，我估佢會一次食三、四碗都似，因為真係好平，又唔係好難食。我仲試佐佢o地o既碗仔翅，不過都幾差，叫碗仔湯比較貼切。外賣拎走食得好急，又話要始做o野，服侍o個班老細。

原來只要有得玩、有禮物，我以為o既無聊玩意都可以令o的生番好開心。雖然個活動遲佐完，但係為佐放工，一班人以極速拆晒o的o野。最pk就係要等車搬返o的o野上西環村center，足足等佐半粒鐘架車都唔到，不過架車o個兩個人居然會幫手搬o野，真係冇見過…可能佢o地趕收工，唔想我o地阻住…結果六點九先由西環返屋企… @_@ 雖然琴晚好早訓，但係返屋企程車居然都訓到差o的起唔倒身落車…

發覺呢個center o的工作人員冇乜禮貌，淨係識得叫人做o野而「唔該」都冇句，好似老馮咁。最有禮貌o既都係Elsa同負責今日活動o既嫺姐。大佬呀，我賺八千蚊又話任你o地班人點嗟，人o地賺o個四千蚊要人做牛做馬、又搬又抬，之前之後唔該都冇句，算係乜呀？唔係要教人o地o的咁o既人生經驗呀嘛？又話要o的細路學工作應有態度，呢班都算係「人版」喇咁！火呀！

不過我其實都想o的組員唔好學咁多是非，因為我覺得呢種行為真係好乞人憎（就好似以前chem office o個班食飽飯等屎痾，將o的事事非非傳來傳去o既冗員咁… @_@）。人o地講起最好就只係聽，唔好加咁多個人意見。人o地衰人o地賤係人o地o既事，得閒自己「暗瓦底」講完就算，立身於中立位置先係生存之道嘛…唉…

今日您好叻，自己搬宿，真係犀利！對唔住，今日下晝要OT，雖然話可以幫您搬，但係最後都唔得…不過OT佐下個禮拜三又可以放返半日假，到時咪可以陪您囉~

>>September 1, 2003 at 11:49:56 PM GMT+8

2003 年 8 月 29 日 星期五 【酷熱】

今日終於都可以返center返工，一返到去都受到大家o既熱情款待。原來佢o地o的o野都做得七七八八，而且今日仲係返半日添…結果朝早返到去都只係同佢o地傾o下偈、玩o下咁…

原來班友仔同隔o黎組呢幾日都係因為o的小事而不和嗟…一大班人一齊而且又地方細就梗會有o的誤會o架喇…同隔o黎組組長傾過o下，希望大家都做o下和事佬咁啦。話晒都同一個環頭，仲會有合作o既機會嘛！不過同Elsa開完會之後，先知道o個組會同另一個組長上麥當勞道總部，而亦都只係會有半隊（即係十五人）會調上總部，而淨返o既四十五個人就要屈o係西環…死啦，個房咁細，邊有位做o野呀？

政人府真係好不知所謂呀！乜都係搞即興，無端端又要我o地接手搞個陳慧琳Super Draw，真係煩…又唔畀多o的地方我o地，應有o既物資又未有…所有o野都即興安排…唯一好o既，就係每個月派八千蚊我用…唉…好廢o既政府呀…

>>August 29, 2003 at 9:12:09 PM GMT+8