2003 年 8 月 28 日 星期四 【酷熱】

今日又係超熱，遲佐少少起身，但係都準時十點正去到上堂。今朝個講者又係大悶棍一名，講o野由頭到尾都係得一個音調，簡直就係悶到全場人抽晒筋…嘩，救命呀…學佐o的乜？mmm…

下晝就唔同晒喇！個講者都幾識維繫住我o地o既心，雖然食飽晒，但係我同Kitty都冇訓覺，真係叻！而且我同Kitty又發現佐o的既好笑又得人驚o既o野，令到我o地精神為之一震。結果唔覺唔覺咁，就完佐個course！識佐好多其他中心o既人，亦都聯絡佐好多其他YWCA o既組長，打好對外關係，嗯，幾好。

之後就等埋您呢個傻寶寶落o黎香港。您話周身唔舒服咁，就咪鬼出o黎啦…我知您係想見我，但係我唔會走佐去o架喎，等您冇咁痛先出o黎嘛！話晒呢度係市區嘛…同您去佐食雪糕，您話您就好返晒冇再痛… @_@ 真係小朋友咩~

我知您做乜唔開心喇。都係身邊太多同感情o既o野有關o既事發生啦，加上您又唔舒服，同埋我又冇乜時間陪您…我又點會唔要您o丫，傻佐咩…您幾時都係我最愛o既寶寶！幗媚~~~

>>August 30, 2003 at 1:27:33 AM GMT+8

2003 年 8 月 27 日 星期三 【微雨】

琴晚總算同組員Sam同Kevin用icq傾過o下偈。原來佢o地呢三日會幫中心搞星期六o的攤位，都好，總算有多o的o野做唔駛咁悶，咁都好o的，我怕佢o地覺得無聊走晒咁就死喇…

今日又係要去聽o的好無聊o既talk，九點搭十一先到灣仔社聯，居然一入到去lift口就見倒Kitty，唔係夾定，不過大家都覺得根本唔駛早十五分鐘咁多去簽到。

朝早o個個新o既講者完全畀唔倒驚喜我o地，都係好悶，同埋講埋晒o的好基本，好多人都識o既o野…結果我o地訓o下又醒o下咁…條友仲呃我o地話答問題有禮物，但係根本就冇禮物派過，真係狗，不過真係好少人舉手答佢問題，可能大部分人都悶到暈佐。

下晝又係琴日下晝o個條友仔講，情況大致同琴日一樣，非常之悶，但係我覺得總算學倒少少o野…呢個由政府搞o既旅遊發展真係搞得太急，乜都未準備好咁…

又原來班組員今日同隔o黎o個組人有o的小衝突，雖然仲係唔清楚發生乜事，不過總係想話畀佢o地知要忍讓o下，要唔怕蝕底，唔好計較咁多，我o地一定會得倒合理o既回報！

To be the best!

>>August 27, 2003 at 9:30:42 PM GMT+8

2003 年 8 月 26 日 星期二 【陰】

今日我o地o的leaders要去灣仔上堂，我發現原來Kitty係比我想像中更加抵死同鐘意玩。結果仲畀佢「督」佐我上台答問題，拿禮物（食物），返到屋企睇亞視新聞仲上埋電視添… @_@ 不過佢都唔執輸，答佐第二個無聊speaker o既問題，拿倒少少o野食。

今日上晝o既talk都算ok，個speaker都算講得唔錯，又識用o的小恩小惠o黎吸引我o地呢班悶到死o既人。不過下晝o個個就真係好唔掂喇…一來佢把死人聲好難聽同刺耳，二來條友仔成日講到離晒題，三來係條友成日以為自己講o野好「可愛」、「活潑」…完全頂佢不順…搞到我同Kitty仲有隔o黎組o既Terry訓完又訓…好在，條友仔都識搞o下低能「棟督笑」，不過條友o的動作同語氣又確係笑得死人o既，好不幸地成為佐我o地o既笑柄，搞到我同Kitty笑到失晒控。見佢咁玩得同咁鬼鐘意笑，我知道我o地o個組之後o個六個月都唔會悶，會有大把o野講，一於夾手夾腳搞好我o地o個組去！掂硬！

媚媚今日好似唔開心咁喎，心煩、不安、多疑？！唔駛怕，有我o係度！愛您~~~

>>August 27, 2003 at 12:49:12 AM GMT+8

2003 年 8 月 25 日 星期一 【雨】

第一日返工，今日真係好無聊，完全唔知要做o的乜咁…我同我partner唔知，我老細Elsa唔知，我下屬都唔知…呢個政府搞o既所謂旅遊發展計劃，究竟又可以推動倒香港o既旅遊業幾多呢？

今日又落雨，又試由北角開始塞車塞到去中環，結果遲到佐五分鐘，不過好彩佢又唔係即刻開始，而且仲有人遲過我。一開波就要人睇一段無聊影帶，之後就分組。原來我o個組係要駐守堅尼地城個center o既…死得人啦，朝朝返工成粒鐘…另一組就守中環，真係好彩。

搞完o的濕碎o野之後，Elsa就帶我o地o係中心遊佐一個圈，再分返兩組溝通。今日只係o黎佐10個助理，有4個放佐飛機，仲有14個九月至o黎報到，我估都係仲請緊人多喇。我個partner叫做Kitty，個人都幾nice，又多o野講，成組人互相介紹之餘仲話要玩遊戲… @_@

我發現呢一班助理真係咩人都有。有人讀完degree，有人讀完副學士，又有人做過幾年o野，又有人中五得一、兩分。一次過要記咁多人名真係好難呢…不過我o地呢一組人都表現得好活潑，其中仲有幾個人係好talk得又或者鐘意搞o下事。咁都好，唔駛我同Kitty諗話題諗得咁辛苦。成組人有講有笑，就好似玩咁就過佐第一個工作日，做一份咁樣o既工，都幾得意。

不過隔o黎組就好似冇我o地組咁開心喇，我班衰仔仲成日拿人o地個leader o黎笑。雖然我o地組係幾咁歡樂，但係佢o地o個組又的確係好似悶悶o地咁o既，又可能係女仔多啦，不過真係可能係同佢o地o個個老餅leader有關。有時都覺得佢o地慘慘o地，係唔係都要做o架喇，咁就梗o係真開開心心咁做o架啦！雖然今日大家都好悶，但係真係幾開心，勁玩！

西環YWCA有兩組人四個leaders，好好彩我係同Kitty一組咋，都叫做夾得埋，如果去佐隔o黎o個組，是但夾一個可能都未必會有咁開心o既effect！要感謝上帝呢~~~

>>August 27, 2003 at 12:59:06 AM GMT+8

2003 年 8 月 24 日 星期日 【雨】

琴晚幫麗平打o野打到四點半，再搞埋o的手尾先訓，結果今日訓到一點先起身…

成個下晝都冇乜做o野…夜晚就只係可以打機，因為死人i-cable down佐，上唔倒網，乜都做唔倒…

臨訓前一直o係度諗聽日返工o既o野…究竟會點呢？真係有o的擔心…訓唔著… >_<

>>August 25, 2003 at 2:20:39 AM GMT+8

2003 年 8 月 23 日 星期六 【晴】

今日同您出去玩佐一個下晝，您好開心喎… @_@

您同屋企o個兩個女人又冇事喇…唉…一家人，都唔知您o地做乜係要咁玩…

夜晚就幫麗平打o的Word文件，見佢忙成咁，做friend o既又點可以唔幫手o丫…結果一邊icq一邊打搞到成四點半先做完…

嘩…又五點半喇…都係訓lu。

>>August 27, 2003 at 1:56:37 AM GMT+8

2003 年 8 月 22 日 星期五 【晴】

今日我八點半起身，諗住見第一份工係十點o架嘛，冇可能會遲到啦，我九點三出門口，一出去就有788上車，點知架車居然去到北角就開始塞車！！平時搭三、四個字就落到中環，結果到我落車o個一刻，架車都仲塞緊…

結果我九點九先去到中環，但係我o既目的地係西環呀！之後衝佐三條街去到10號個站，上車o既時候都差唔多九點十一，好彩打電話去間中心度佢都仲叫我見咋…但係原來10號o係中、上、西環都勁多站勁多人上車，結果我要十點三先去到…

去到仲要等佐半粒鐘先有得in，結果十一點兩個字先in完，但係第二份工係o係上環見十一點正…咁我諗住飛的去啦，見到有架的士就上，點知o個個司機o係西環度亂咁行，之後見倒其他的士，就話佢唔識去，叫我搭另一架車… @_@

上到另一架車，個pk司機扮晒同個台問路咁，之後就開佐架車入中環，但係o個個時間中環根本就塞到pk…結果我畀佐六十蚊的士錢同埋半個鐘頭先去到見第二份工o既地方。個pk司機仲要話佢都唔知點解咁塞車，又話之前個司機因為怕塞車，先扮唔識去！

火佢！x佢yz o丫！咁樣o徙晒我o的時間同拿佐我o的錢仲夠膽講風涼話！真係十個火呀！之後上到去綠色和平，先知道原來佢o地個post根本就係請sales，請人o係街邊搵人捐錢！！！佢xy！等我仲特登畀佐六十蚊的士錢！！！

下晝落到銅鑼灣，諗住三點見埋last份工，點知去佐個水牌度睇o下係乜公司o既時候，先發現原來係AIA，之後就即走，返屋企…

夜晚收倒個電話，原來係琴晚in o個度，話我落選，問我有冇興趣做份四千蚊o既工，bye佢啦！

之後又有電話喎！原來今朝第一份旅遊工請我呀！yo！wahaha！好開心呀寶寶，我有工做喇！我估一定係我儲埋in佐咁多份同類o既工o既經驗，o係interview o個時講晒出o黎所以佢請我啦！anyway，都好開心。但係又開始擔心自己做唔o黎添…因為我都未試過要帶住成班人做o野… @_@ 話晒都有十四個助理要我帶呀！希望佢o地乖o的啦…大家一齊夾手夾腳做好個project去啦…

您就為佐聽日同我出街而同屋企人冷戰… @_@ 錫返您！啜~~~

>>August 24, 2003 at 5:48:32 AM GMT+8

2003 年 8 月 21 日 星期四 【雨】

嘩…今日落大雨呀！陰公！冇帶遮都夠膽死！都因為一個懶字…

晨咁早起身入小瀝源去見份lab，SGS話晒都係大lab喎…不過就完全畀個人事部o既玩啦！又英又國語咁自我介紹。又o係度問長問短喎，不過我都係是但答，明知佢係請lab executive，根本唔會請我，求其想見識一o下o的大公司，不過又係要人等鬼咁耐，真係不知所謂！九點半in到成十一點先有得走…走o個時仲落大雨，結果都係冒雨跑去車站…見您又唔應我電話，諗住您實係做個fyp做得如火如荼，咁就索性上車返屋企抖抖…

返到去Benedict又話佢要送貨去柴灣，於是又一齊食飯。去佐新光飲茶，o的o野食超?…講起佢話唔知而家自己條路要點行先好，又話佢唔知點sale客…唉…我又何嘗唔係唔知條路要點行…唉…

講講o下講到唔知第日點結婚、生仔同買樓…唉…而家咁o既市道，生個細路出o黎咪即係害佐佢，真係連自己都未搞得掂，都唔知邊度搵錢o黎養…

夜晚再出佐去同健健食飯，畀返入大學o的o野佢。畀心機啦！人總係需要機會o既，機會一o黎又的係要好好把握唔好畀佢走佐去。作為朋友o既，絕對支持您讀degree啦！雖然我覺得今時今日讀乜都係冇用，做o野最實際，但係我都撐您o架！

之後過佐大角咀in份旅遊發展指導員，早到佐十五分鐘，間o野又冇冷氣，真係熱得死！結果等佐半個鐘間o野先識開個冷氣房畀人坐。之後又等佐半個鐘先有得in。真係火。四個人一齊in，居然有個睇落成三十歲o既女人同我o地一班人後生仔爭！不過我估四個人之中我係年紀最細o既。話咩自己做過社工喎，幾多terms呀，又七又一咁，又話自己移佐民返o黎搵o野做…我估佢唔係冇晒錢點都唔會走返出o黎同o的靚仔爭份八千蚊工啦！真係完全頂佢不順…

講講講，搞到成九點九先走得…走o個時又無端端同另外一條友傾起偈上o黎…是但啦，陪佢x up佐一段路，到巴士站就收工…好累，要快o的返屋企訓…聽日仲要in三份工…

>>August 24, 2003 at 5:14:18 AM GMT+8

2003 年 8 月 20 日 星期三 【陰】

哇哈哈！琴晚太累喇，搞到今朝起唔倒身入東涌見工，慳返四十幾蚊來回車錢，訓到成兩點先起身…

成個下晝都冇乜做過o野，搵o下工又幫手煮o下飯咁，又一個下晝。夜晚先開始send信，仲要搞到成一點先send晒呢三日以o黎積埋o既工…好累…聽朝仲要晨早入沙田見工…

有o的好搞笑o既o野要記一記低。熟識我o既「朋友」，都會知道我一直都以自己曾經係「慈幼仔」為恥（而家呢間學校就更加係不倫不類…），而我o係慈幼o既朋友其實唔多，要數o既就只係得健健、郵差亞辛、Benedict、屎渠同埋阿顏。其他人士，一般都會畀我界定為「閒人」或者「同學仔」。所以有請呢位王x俊「同學」自重同檢點一o的，唔好亂咁o係人o地留言簿留粗口（原來你係咁樣對你所謂o既老朋友o架？！）。否則我亦只係可以尊稱你為「閒人」一名。唔好o係度認晒老友，唔該。如果你悶就搵其他o野做，唔好o係度搞串個場同認親認戚。（按︰留言已刪。）

>>August 27, 2003 at 1:07:55 AM GMT+8

2003 年 8 月 19 日 星期二 【雨】

今日冇工見，訓到九點半就畀個話嘈醒佐，係健健o的o野囉…問答一輪之後，再沖個涼同上網搵埋邊度有羅拉睇先出門口…結果遲晒到…

一出到去就睇戲，套戲都幾得，羅拉可以成兩個鐘條辮都冇鬆過，真係最勁係呢樣…之後我o地就開始行行企企，又食o下飯咁…您話想飲咖啡，我話您個要求無理，因為都成四點鐘，如果您飲佐咖啡就一定今晚成晚眼光光…點知您發難話連咁o既自由都冇… @_@ 真係畀您激死…

食完個日本麵之後再行去買鞋，白飯魚咁o既鞋，居然要賣二百幾蚊，o的人真係識搵女人錢… @_@ 再行呀行…唉…唔知點解而家我o地會咁唔願行…以前行成半日都係咁行o架喎…最後食完飯再送您返屋企。又一day…

送佐份手作仔畀您，日香檳杯多多少少都載滿佐我o地o既回憶。o的漸變色打窿機圈圈每一粒都係我自己油o架，都油佐成晚o架…又要揀佐o的油得唔好o既出o黎，真係搞到眼都懞…為佐平熄您o既少少妒忌之心同埋再提醒您當一切已成習慣並唔係代表冇晒激情，冇計啦！嘻嘻！冇錢買乜禮物畀您，唯有自己用o的屋企現存o既物資同時間搞搞新意思啦！係咪好yo呢~有有人妒忌返您呀？

啜啜媚媚~~~

>>August 20, 2003 at 2:19:54 PM GMT+8