2003 年 3 月 21 日 星期五 【陰】

訓醒覺，心情好返好多。

仗依然o係度打，美國佬依然係以強凌弱…

上晝訓到差唔多時間先返去grad. sem.，跟住就火警演習，我o地就成班去佐食貴o野。食完之後set佐個reaction同過佐支column，就冇乜o野做。佢o地都send佐聽日symposium o既posters畀老細睇，但係我冇諗住做喎。雖然係好頹，但係冇佐個backup，我根本就冇心機再做過一份。

之後就去搵您喇。但係您好累，所以就由得您訓多一陣，我就o係UC canteen睇埋個新聞先。搭火車o既時候，見您好似都仲係唔開心咁。去到沙田就開始見您眼仔紅紅咁，過完隧道您o的眼淚就湧晒出o黎。我都唔知點做好，一臉無奈。您話您諗起琴晚o的o野，我就覺得我o地一定要講清楚先可以開開心心咁出去玩。

之後我o地靜靜o地咁兩個人慢慢咁相量，我知道係我o既憂傷令您唔開心，係我對您說話o既態度唔好令您懷疑我對您o既愛。對唔住呀！我必須承認我說話o既語氣好多時都表現得好冷漠，令您覺得好難受，我唔會再係咁o架喇，我其實深深愛著您呀！原來只係咁簡單o既事情，就可以令您開心，我一定會做到！

其實雖然好多時我o既情緒係比較低落，但係只要我見倒您，或者可以為您做一o的o野，我就會開心返o架喇！請您唔好拒絕我對您o既服侍啦… =)

講掂數，唔再有眼淚，開開心心咁行街同去食甜品buffet。之後再去每邊傾偈，仲夜到唔知搭乜車先可以返中大呢~~~

>>March 23, 2003 at 12:19:00 AM GMT+8

2003 年 3 月 20 日 星期四 【雨】

DO WE REALLY CARE?
by Faye Wong

I saw a picture of a smaill girl
Crying and living in a lost world
The men fight for dear God
She don't care cause there ain't nothing left to share

I'd watched TV about a sick girl
She was only nine but she'll be gone soon
When and where she's going
God will know
She doesn't want the sun to go

Don't you know that we care
Keep the faith and hope is here
Deep in my heart I ask myself
Do we really care?

I read the paper of a colored boy
He was starving so we're the lone vultures
Why so full of sorrw no tomorrow
There's no rainbow
Will he ever know

Don't you know that we care
Keep the faith and hope is here
Deep in my heart I ask myself
Do we really care?

Don't you know that we pray
For you to see the light of day
For you to bring back the lock of love
Words of wisdom
Is it enough?

----------------------------------------------------------------------------------------------------------------------------

HKT 1030
The war has been started.

No more war please!

----------------------------------------------------------------------------------------------------------------------------

今朝八點一就自己彈佐起身，居然仲早過個morning call，心情本來係大好o既，又精神，又唔累，大步大步咁行返SC上我老細o既堂。今日quiz，完全唔識，不過又如何呢？

點知上完堂返到lab，聽電台講話開戰…死人美國佬，真係h格！心情好不安，好難過。o係呢種咁愁雲慘霧o既心情之下開佐兩個reactions（其中一個又衰佐…）…電台每半個鐘頭報導一次戰情…美國佬真係cheap，為佐石油居然用「解放伊拉克人民」咁無聊o既藉口開戰，正一狗賊！成日o係度扮大佬，畀人炸一炸又成班驚弓之鳥咁，真係冇x用！

下晝再過佐支column，冇心機做o野，o的o野做極都係咁衰，我究竟做緊乜？我而家做o既o野係為佐乜？

打仗，做乜要打仗？粗人即係粗人。

心情壞壞o地，最後決定返屋企食晚飯，見o下媽媽。返屋企途中您打畀我哭訴，話我唔理您，返屋企食飯都唔單聲，搞到要您等我食飯。

我第一個感覺係好不安，第二個感覺係好冤枉。不安o既原因，係因為我唔知您做乜最近成日都喊同發憫憎，而次次o既原因都話係因為我。我極力令自己保持冷靜去聽您講出您對我o既不滿，唔去駁斥，更加努力咁令自己唔好將個「煩」字同您扯上任何關係。冤枉，係因為o係呢件由幾個巧合o既情況之下結合而成o既事件，錯誤完全歸我。事情令我即時諗起舊年中秋節我發您脾氣o既事，但係今次角色就對調。

應承您以後去邊做乜都同您講一聲先，但係我確係完全唔知您特登做完o的功課等我同您食飯。又再一次「您唔講，我點知？」…

食完飯，時間o岩o岩好，部電腦又backup完九激幾o既mp3s，再拿埋條cable，一切都好好，心情平伏佐，再打返畀您諗住買返o的o野畀您食，但係您話唔要，收線時您o既聲音又流露佐您不捨之情。

於是落到街再打多次畀您，怕您又o係度扭計要我問多您幾次先肯講您想我點。不過您唔要就算啦，唔好以為所有o野o既發生都係必然o既。您又再一次用一o的打激人o既字眼去拒絕我去做一o的至少我認為可以讓大家聚一聚，舒緩o下兩個人之間緊張情緒o既事…我唔想再講落去，於是收線。起初有o的嬲，最終變成失望。

補鑊？！哦。

跟住o係巴士上面諗佐o的o野。我好明白，唔同o既人，有唔同o既背景，抵受壓力o既程度同埋有唔同o既表達方法。有人唔開心會唔出聲、唔理人，有o的人會發晒脾氣，亦都有人會大喊一場，訴說苦楚。但係呢o的咁o既行為，係出於個人情緒，係中性o既。向另一個發脾氣o既造成o既傷害，亦未必比向另一個人哭訴苦楚帶來o既憂傷為大。

面對您o既哭泣，我已經到達佐無力o既階段。彷彿我一切所做o既、所承諾o既、所改變o既，都無法令到您滿足。

返到宿，連部電腦都要玩我，整極佢都唔聽話。最終砌低佐佢，心情大致都ok，但係我又再一次收到您哭訴o既話。

您話我冇以前對您咁好。

我無言、我震撼。是嗎？我真的令您這麼難受嗎？要您每天也為我哭一次嗎？

您要我點樣去愛您？我真係做得咁差？一下子心情沉重，直墮深谷。對唔住，係我不夠愛您，令您有所決失。我真係唔識點樣去愛您。我真係唔知您想點…您o既起伏，令我困擾。

洗乾淨張被同個被袋，沖埋個涼，兩點幾終於都有得訓。

>>November 10, 2005 at 8:48:38 PM GMT+8

2003 年 3 月 19 日 星期三 【雨】

今日九點自己彈醒佐。返到lab，即刻set佐個reaction先開group sem.。

食完飯再開多個reaction先過column，但係呢個reaction唔掂。

之後冇乜o野想做，食完晚飯就返宿，點知臨走畀大鴻拉佐去百佳（今晚第二次…）。再上佐文西度坐坐先返宿。

今晚好悶。仲好掛住您…

個肚仲係唔舒服，不過好似好佐o的…一定係o個晚打邊爐打成咁…

>>March 19, 2003 at 11:29:55 PM GMT+8

2003 年 3 月 18 日 星期二 【雨】

星期二篇o野又係寫完之後upload唔倒上網洗晒…吹脹…

琴晚終於都砌低佐您個Windows ME，改用Windows 2000，再同您部機重新裝過晒o的o野，結果搞到四點先訓…今朝十點先肯起身，返到lab，又唔知做乜好… @_@

下晝就帶埋我人生之中最後一次undergrad. o既lab。完喇！終於都完喇！唔駛再見班x人，太好喇！雖然今日個lab唔算耐，但係總會有條友仔包尾，真係唔得佢死…

帶完之後行行企企，發覺好憎留o係個lab度，於是又同您落佐沙田。見DeliFrance又學人賣焗薯，好奇之下就去佐試，不過真係麻麻o地，我估唔會有下次。o的薯仔完全冇薯味，o的牛油又難食到好似花嘜咁…

之後我去買冬甩食，估唔地又會令您諗起咁多古怪o既回憶。最後去佐元祿食o野，不過您做乜事成晚都滿懷心事咁o架…

原來您仲o係度諗緊個病…唉…諗咁多做乜o丫！醫生都話冇事啦！不過如果您再係咁唔依時食藥就真係手尾長喇！

>>March 19, 2003 at 11:07:34 PM GMT+8

2003 年 3 月 17 日 星期一 【陰】

琴晚好早訓，今朝訓到九點先起身，好夠訓。

今日冇搵老細，遲早又畀佢話。

上晝去佐睇醫生，clinic o的人好誇張，戴晒口罩咁。但係o個o的咁o既口罩係咪又真係有用呢？點解香港會無端端變佐「疫埠」o既呢？做乜以前都冇o的咁o既「非典型性肺炎」o既呢？

我都唔知做緊乜lab呀…點做呀？我o的o野要點做先得？點解冇樣o野做得好？

夜晚出佐去食飯，但係您突然之間好唔舒服，睇您仲好驚咁添…四圍搵醫生，但係都搵唔倒…唔駛怕，冇事o既，唔好自己嚇自己啦，聽日去睇醫生啦。mm…您一定係病得少啦，我就成日病，病到覺得有病先係正常咁…

>>March 18, 2003 at 7:00:33 PM GMT+8

2003 年 3 月 16 日 星期日 【陰】

星期日，個肚依然唔舒服，而家仲好似傷埋風添…頂…

訓到一點正起身，冇乜o野做，打o下機，上o下網，睇o下電視，食o下o野，咁就成個下晝…

夜晚飯都冇食，因為唔想食。就去佐個朋友仔家姐o既出殯儀式。同個friend一齊去，遲大到。不過冇所謂，因為我去都係為佐見在生o既人。好耐冇見過傑仔喇，每次見佢我o地都會擁抱一o下。o係呢種傷痛o既心情之中，彷彿只有擁抱可以代替一切可以講o既說話。我攬住佢大約有成十秒鐘之多，好感動…我愛佢…

走o既時候突然發現原來只有在生o既人先可以被你擁抱，所以應該襯住你愛o既人仲在生o既時候多o的擁抱佢。擁抱，就代表一切，就係用你o既愛去包圍對方，感覺實在太好。

>>March 16, 2003 at 10:15:06 PM GMT+8

2003 年 3 月 15 日 星期六 【陰】

今日又懶，唔返工。不過個肚仲係好唔舒服。呢排個腸胃好差…呼吸道又因為轉天氣而覺得好辛苦，個頭又成日痛痛o地咁，個人又累…唉…做乜呀又？

下晝您考完mid-term，我問您考成點，您就話有o的識有o的唔識咁，之後就話去圖書館做功課。當時我真係唔覺得您表現出好唔開心呢…

之後我見您返佐宿，再問您先知道原來您科inorg mid-term考得唔好，頭先考完o個科org chem亦都唔識。

冤枉呀大人！您唔講我真係唔知您其實係咁唔開心。您第一次打畀我真係唔覺得您有咩唔開心呢…您仲話要去尖沙咀添…或者係我太唔細心，聽唔出您唔開心o既暗示。之後見您個人憫憫o地，我都唔知點好…問您要唔要陪您您又話唔駛…唉…咁即係點？

請您唔好成日話您最需要我o既時候我偏偏又唔o係您身邊啦…乜我真係咁冇用咩？您成日都講到好似您唔開心o既時候冇佐我，咁您又會唔會記得同我一齊開心o既時光呢…真係令人氣餒…

>>March 16, 2003 at 3:05:38 AM GMT+8

2003 年 3 月 14 日 星期五 【陰】

嘩…今日好累呀…因為琴晚實在係訓得唔好呢…

上晝係米米o既seminar，佢用佐二十分鐘o黎present，之後o的老細就開始您一言我一語o既「搶問」時間…維持佐十五分鐘倒…好在佢o地o既問題都唔係好難，如果唔係佢都唔會應付得咁自如…不過佢老細都幾好，今日幫佢答問題…畀著我老細就真係啋你都傻。所以你真係「死不了」！

下晝飯老細請，佢又o係度講返頭先seminar o的o野…講講o下又講大陸…好悶…

返到lab再做佐o的o野…又一day…今個week好似做得好少o野咁…而您就好勤力咁溫聽日mid-term。好勁呀您，可以溫足成日。

今日仲有o的肚痛添… @_@

>>March 16, 2003 at 10:16:52 PM GMT+8

2003 年 3 月 13 日 星期四 【晴】

雖然今朝搵佐人morning call我，但係最後我都放棄佐返去o既權利（定係義務？）。我真係覺得上o的咁o既堂好無聊。我唔想返o既主要原因係因為老細今日要我submit data畀佢。其實我明知o的data畀佐佢就實會畀佢x到死o架喇，但係o個o的所謂M. Phil. o既成果又的確係非常之不知所謂，正一垃圾。最終老細reply我o既email係話︰「unacceptable。」唉…都預佐o架啦…

之後一直死o係宿度直至十二點三。返到去，開佐兩個labs，過佐支column，改o下o的undergrad. o既reports…就係咁就一個下晝…

五點幾，您突然間喊住咁打畀我，話要離開大學呢個鬼地方，但係我又做緊o野呢…搞埋o的手尾，先可以去圖書館接您。原來您今日打完針，個傷口痛，仲頭痛、肚痛添…乜咁冇陰公呀…interview仲要喊埋出o黎，點解會咁o架？太辛苦喇您呢排，休息o下啦…陪您走o個時仲一路行一路喊添，真係畀您嚇窒呢…用不著喊嗟其實！Take it easy, everything will be alright soon.

之後同您落佐沙田食佐餐好o既，行佐陣，您就好似開心返咁喇…呼…鬆一口氣…

>>March 14, 2003 at 1:37:38 AM GMT+8

2003 年 3 月 12 日 星期三 【陰】

琴晚一食完panadol就訓，雖然係o係痛苦中入睡，但係總算唔駛好耐就訓著。訓訓訓…訓到九點半…如果唔係您打電話畀我，我估今朝實返唔倒gp sem…

Group sem. o既時候，個大陸x又發脾氣。事緣係因為老細問佢問題，個x又答到蚊茲咁細聲兼且講到一舊舊，於是老細問我o地聽唔聽倒，我就答聽唔清楚。搞x笑，條友就即刻好似發癲咁牛咁眼望住我大聲重覆一次。哈哈，又係o個句啦，大陸x即係大陸x，粗人即係粗人。老細見佢咁，即刻話even佢坐o係佢隔o黎都聽唔清楚，人o地聽唔清楚要佢重覆係好正常。唉…大陸x即係大陸x。佢今日成日都o係個lab度嘈，呢頭又鬧o下老細，o個頭又鬧o地波仔，不過全部都係o係人o地背後…又話波仔拿錯chemical畀佢，仲即刻打電話畀佢xy人o地添。不過其實佢就連個chemical個名係乜都唔知…乜都係佢o岩晒o架喇，真係可笑，咁樣算唔算「真小人」呢？

下晝老細話要chlorides o的data…今晚又要搞…煩…今日冇過column冇開reaction，做過o的乜呢我？

米米加油！

>>March 16, 2003 at 10:18:08 PM GMT+8