2003 年 4 月 30 日 星期三 【晴】

星期三，group sem.，您怕我又起唔倒身，居然要您晨早打畀我…您想係有心，好愛您~~~

琴晚搞resume o的o野搞到三點，晨早仲要返去聽條友o係度亂咁吹…都唔知佢想點…呢o的咁o既seminar真係以後都唔想上…

下晝都係冇乜做過咩o野，心血來潮居然踩佐間車出去大圍，之後返o黎再同您出去食飯…四圍食o下o野咁，最後去埋Starbucks飲咖啡…仲買佐o的o野返宿諗住聽日食，點知唔到半夜就食佐差唔多一半…哈…又會咁o既…

您話您o的宿友好煩…咪理佢o地啦…佢o地冇咪羡慕您有囉~~~

>>May 3, 2003 at 2:48:31 AM GMT+8

2003 年 4 月 29 日 星期二 【晴】

星期二，好死累，又唔返工。唔想再返呢個死人lab喇…唔想再見倒個老細…五點幾叫倒條友o既email，話我冇返，仲要話我non-sick leave…哈哈哈…

出佐糧，還佐o的錢畀Man姐…今次會唔會係我最後一次出中大糧呢？o的錢點還呢？而家仲總共差人八千蚊…唉…點解會搞成咁o架…食屎喇真係…

成日死o係宿，淨係夜晚先出去食個飯就算…您仲話我o地出佐去個半鐘就返…唔好咁啦…食佐個家鄉雞都唔錯o丫…不過衰就衰在冇乜買o野返宿食嗟…

>>May 3, 2003 at 2:28:45 AM GMT+8

2003 年 4 月 28 日 星期一 【晴】

星期一，返佐lab，但係一樣係冇乜做過o野…唉…仲冇搵老細添…

佢有入過o黎個別叫o的未搵佢o既人搵佢，但係冇叫過我。佢一早都同我講過呢個係我o既degree，我唔搵佢佢唔會搵我。但係我搵佢佢又只係會話我做過o既o野廢，又或者叫我自己諗o下…搵佢，有用咩？

下晝無端端有波踢，但係踢到pat屎咁，仲要陪EMO班人踢十一人場。一個大聰玩晒佢囉…個keeper成日叫人埋去幫佢…o徙氣啦，佢不嬲都鐘意一個人玩晒o架啦…哈…米米仲踢到爆晒粗…我就懶得理，行行企企咁罷就啦…有機會咪自己上囉…o徙氣。

>>May 3, 2003 at 2:15:37 AM GMT+8

2003 年 4 月 27 日 星期日 【晴】

游閒星期天，日頭總會感到好自在，但係一諗到聽日，就令人擔心…

多謝超人留言鼓勵！

而家我首要係搵工做，次要先係畢業。我唔信我會衰畀人睇！我一定要過o的比個x人更加充實、更加自在、更加滿足o既生活！米米，您o岩，我知做o野要有責任感，但係而家咁搞法明知畢業係死路一條唔通都仲衝埋去？以我手頭上有o既料都唔夠寫半本thesis，M. Phil.唔再係duck feed喇，我已經黔驢技窮，唔想再諗亦都諗唔倒點做落去先可以拿個degree…但係我今次唔再怕，我要畀心機做返個人！而家頹成咁，似乜？

多謝您每天都o係背後有聲無聲地支持我！

>>April 28, 2003 at 1:52:23 AM GMT+8

2003 年 4 月 26 日 星期六 【晴】

哈，冇返lab，啋佢都傻。

其實我自己都知自己EQ低o架喇，亦都唔只一個人話過我呢樣o野，不過點先可以提高o的呢？

我o地有佐o的計劃，雖然係比較長遠（哈，我都唔諗o野諗到咁遠o既，我諗o野諗三個鐘頭之內o架咋… =D），但係都係時候諗o下將來喇！要畀心機，努力！

>>April 27, 2003 at 3:46:31 PM GMT+8

2003 年 4 月 25 日 星期五 【晴】

最後一次grad. sem.，所以九點九返到去…其實我都好幾日冇乜做過lab、入過lab…

您叫我同老細講問我可以做乜，send佐email畀佢，但係結果都係一如意料，係No Reply。算罷啦…唉…搵工做好過喇…個朋友仔又話暫時幫我唔倒…搵工定係點呢而家？

人生交叉點…

>>April 27, 2003 at 3:27:47 PM GMT+8

2003 年 4 月 24 日 星期四 【晴】

撞鬼，又死佐o係宿度，都唔知做乜…話累又唔係累，但硬係唔想返去…

其實已經有一段時間唔知要做乜喇…但係又有o的份內o既o野我都未做（做唔返以前個result，點解？），老細限佐五月係deadline，怕且而家都係等死o架喇…

我要走，我唔要再做lab喇！

>>April 27, 2003 at 3:22:32 PM GMT+8

2003 年 4 月 23 日 星期三 【晴】

係時候好好咁諗一諗以後要點喇…

點解其他人可以做得咁開心而我就做到死狗咁o既呢？佢o地有講有笑，互相幫助、討論，幾好o丫…我就自己收埋自己，搞成咁…唉…點解會咁o既呢？有時會低能地諗，因為我個位實在太過遠離其他人喇，又會諗係因為自己住舊宿。不過我知道，原因都係因為自己性格唔得柔和謙卑，又唔肯接受人意見有關。再加上對化學冇熱誠，又唔肯用腦諗o野…最後搞到人緣又差，做o野又唔掂。

即使學開頭話齋，當呢份係工咁o黎做，但係我都覺得自己並未做好自己o既本份，成日偷懶。不過您叫我點先可以提高士氣去做好自己本份，我就始終都搵唔倒方法…

眼見其他人都好努力咁做o野，自己就一池死水，真係吹脹喇…不過唔可以怪人，係自己拿來…

>>April 23, 2003 at 5:00:53 PM GMT+8

2003 年 4 月 22 日 星期二 【晴】

今日開始好熱喇…

琴晚十二點就訓，今朝八點幾起佐身，個人仲精神奕奕添。九點半就返到lab，但係唔知點解成日都冇乜做到o野咁，因為我都唔知自己應該要做o的乜先好，唔知點搞先可以快快做完o的o野畢業…心灰意冷喇我…我對chem o既熱誠死晒喇，一滴都冇。

>>April 23, 2003 at 4:36:59 PM GMT+8

2003 年 4 月 21 日 星期一 【晴】

今日冇出過街，只係留o係屋企度做懶人。我越o黎越發覺自己成為屋企o既一條大懶蟲…我諗我都係要快o的搬返屋企住，做返屋企o既一個成員。

食完晚飯返就返宿。唉…聽日又要返工喇，四日假期完喇…好在都算心理上質素幾好，雖然個人仲係有o的累，但係總算有少少mood想做返o的o野，但係我o的lab又可以點做呢？大佬呀，我真係諗唔倒喇…救o下我啦好唔好？我點先可以畢業走人離開呢一行？

>>April 23, 2003 at 4:26:10 PM GMT+8