2003 年 8 月 18 日 星期一 【晴】

晨早去見唔知點解會搵我去見o既工…起佐身，熨完衫，諗住仲有大把時間，點知等架81等佐我成四個字！真係火！又慢…結果都準時到佐勵德村，但係搵唔倒間o野… @_@ 頂…呢份咁o既四千蚊o既工，搞佐我成朝，真係火火o地…

之後搭車返屋企中途，健健又叫佐我去食飯。原來PolyU收佐佢讀兩一年o既biomedical science，但係佢因為遲佐收信而冇去報名…之後個下晝就要幫佢搞o的延期同埋問學位呀之類o既o野…v important thing…

失驚無神又有個女人打o黎話我之前send信去見工，講佐一大輪，又問我幾高又話我輕佻又話我飛線…又國語又廣東話又英文…佢xy！o徙我時間！我明明send佐email畀佢老闆話我唔想做，因為要返大陸，佢仲打畀我都唔知做乜…仲話佢老闆今晚九點至一點會打畀我，我真係啋佢都傻。

之後又畀超人叫佐出去觀塘飲o野，搞到成十二點幾先返到屋企…嘩…累死…

今晚繼續搞o的very important thing先…抗戰到三點先搞掂晒有得訓，全部hand-made…hehe！

>>August 20, 2003 at 3:09:30 AM GMT+8

2003 年 8 月 17 日 星期日 【晴】

Send佐107封求職信，見過10份工，約見率都有9%，都算唔錯喇…我o既宗旨係冇8000蚊人工唔做，除非好有興趣，因為如果價錢唔o岩根本就連生活都有問題。呢個禮拜搵o既工主要都係集中o係旅遊發展指導員，因為我覺得呢行真係好有前景。

pk喇！睇新聞話出面o的公司根本就唔會承認政府呢排請o個o的旅遊發展乜乜… @_@

今晚洗完碗，就開始搞o的sth v important…ccc…哈哈！等多兩日您就知！

>>August 20, 2003 at 1:48:00 AM GMT+8

2003 年 8 月 16 日 星期六 【晴】

結果琴晚成日四點先返屋企，之後諗住打幾封求職信跟住拿去寄，點知最後都頂唔順，冇拿出去寄就上床訓…

訓到差唔多成兩點半先起身，食o的o野之後又要過去整機…搞佐成個下晝直至八點都未搞掂，佢部機真係特別邪…好煩呀！我都唔知做錯o的乜，硬係成日撞program…點解… @_@

食完晚飯就開始搞o下o的求職信，搞o下玩o下咁，您就打畀我。原來您今日好悶，因為冇o野做又冇街去，而妹妹生日又去佐玩，仲要帶住好多禮物返屋企，好開心咁o既樣…搞到您又無端端亂諗o野唔開心。

其實一段愛情o係過佐激情期之後，總會變得平伏。總覺得而家先至係真真正正o既開始去學習兩個人相處同埋接受對方。一段愛情穩定落o黎之後，兩個人點樣去維繫先至係最難學o既o野。您好懷念以往o既生活，或者我而家真係對得您唔夠好啦…我會畀心機o架喇，或者聽多o的您講o野啦，又或者帶您去多o的唔同o既地方玩啦…我都唔知呀…因為香港的確o係物理情況下係唔o岩我o地兩個人出街o既…

無論如何，我愛您，有您同我一齊，係我一生o既福氣！我倆，永不分離！

>>August 17, 2003 at 7:05:48 AM GMT+8

2003 年 8 月 15 日 星期五 【晴】

嘩…累到死！死訓爛訓訓到成十二點先起身，跟住就即刻趕住死出門口…因為要一點九去到鴨利洲見份旅遊發展指導員…不過原來由柴灣出發加埋轉車都唔駛一個鐘就到…結果加埋我早到佐十五分鐘，足足等佐我成九個字…頂！

呢個interview有o的低能，仲要人用o的凳砌o的o野出o黎present…嘩…真係… @_@ 三個人一齊in，足足搞佐成半個鐘有多先走得…呢份工…都ok o既，不過只係得半年約…

之後趕返落北角in o個份製作助理，見佐個老闆，但係唔知請唔請，不過我估機會唔細。返下晝兩點，仲會ot，人工就七至八千，幾有興趣，不過都係等消息。

夜晚就過埋隔o黎座幫個朋友仔reinstall個windows… @_@

>>August 17, 2003 at 6:45:59 AM GMT+8

2003 年 8 月 14 日 星期四 【雨】

晨咁早五點半起身，六點幾出發去機場… @_@ 嘩…架A12真係慢到嘔…坐到我o地兩個人都「牛」埋…

去到機場都要成七點半，搞佐check in o的o野我o地就去痾屎同食早餐。搞搞o下，未到九點佢就入閘，可以的話，佢唔會再選擇返o黎香港呢個鬼地方…我都有同感…香港，真係唔係人住o既。

送佐佢走之後，我就入佐屯門接您出去喇…之後一齊玩佐成個下晝，hehe！期間仲有人搵我聽日就要去2nd in添…係星期二見o個間印刷廠…唔知點呢…行行o下銅鑼灣仲見倒董建華個pk，佢一出現，隨即引起途人不滿，真抵死…

夜晚，同Joseph icq佢話要返o黎香港… @_@ 佢話佢好掛住佢媽媽… @_@ 唉…不過如果冇人陪佢媽媽住，一個人o係香港又真係幾慘o既…我完全明白…

好累…要訓喇…

>>August 14, 2007 at 1:41:38 AM GMT+8

2003 年 8 月 13 日 星期三 【晴】

琴晚係佢留o係香港o既尾二一晚，但係佢星期四早機，佢又話成兩年都冇飲過酒，好想飲o下…結果就十二點幾出佐去陪o下佢飲少少啤酒，再去佐去開o個間網吧，打佐陣online game，玩到好鬼high…ccc…

七點先返到屋企，之後訓佐一陣，下晝出去拿返支壁球拍同埋陪佢輪街證…無端端都會病o既，真係離奇！我都未病佢病先…

夜晚好早訓，因為應承佐聽朝送佢機…zzz

>>August 14, 2003 at 8:55:23 PM GMT+8

2003 年 8 月 12 日 星期二 【晴】

今朝十點準時去到北角見o個份咩製作助理，o個個人係咁問問題，我都o黎唔切問返佢問題就in完…印刷廠，見佢有好多月曆sample 放o係台面，但係真真正正做乜我真係冇問…嘩…佢係咁問係咁問，好似查家宅咁…問完一大輪就叫我等2nd in…

之後就同佢去佐老地方打o下機咁，咁就一個下晝喇…佢本來話要去歌德做埋佢份report o既手尾，但係最後又話自己累而冇去…咁都得？唔係咁都有貨交倒畀人呀嘛… @_@

>>August 14, 2007 at 1:39:07 AM GMT+8

2003 年 8 月 11 日 星期一 【晴】

雖然七點先訓，但係十二點幾就起佐身…成個下晝都唔知做過乜…好似睇過o下電視咁囉，仲要係乜都睇o個隻…

好熱…累累o地，今晚都係早o的去訓，聽朝要見工…

網上見倒Joseph，叫我幫佢打電話畀佢媽媽，聽得出佢媽媽真係好錫個仔…世上只有媽媽好！

>>August 14, 2003 at 8:48:23 PM GMT+8

2003 年 8 月 10 日 星期日 【晴】

因為琴日訓得太多o既關係，搞到四點都仲未訓倒… @_@ 由頭到尾睇完您本日記第二次…真係畀您o的o野笑死我，死傻婆…您日記裡面言行之間居然充滿佐我同您之間o既用語…我鐘意佐個開心果，您係我o既忘憂草。

四點鐘您醒佐，仲send sms畀我，話發佐個慘夢，搞到訓唔返…原來您發埋晒o的傻夢，真係畀您激到奀…結果我o地傾佐個半鐘電話…

下晝去佐探健健媽媽，精神都唔差，仲有講有笑添。求其買佐十隻生果過佢食，因為都唔知o的補o野佢食唔食得。五點九搞到七點九先走，好多人探佢，見佢都幾開心咁，望佢快o的好返啦…

之後同健健、佢女友、細佬同埋細佬女友去食飯，唉…偏偏得我冇女相伴…不過搞搞o下又搞到九點幾，哈，呃佐餐飯食添！之後再走返去老地方同佢打佐陣機先返屋企。

原來佢一早已經畫佐禮拜四朝早機走，正一死郵差！

您搞reg科o的o野搞到好煩惱，做男朋友o既叫做幫您一把啦…希望個excel file幫倒您揀。

搞埋o的求職信，咁就差唔多七點喇…都要訓喇…好眼訓o下…

>>August 11, 2003 at 6:56:05 AM GMT+8

2003 年 8 月 9 日 星期六 【晴】

嘩！今日好熱呀！因為腰痛，所以今日係咁訓係咁訓…不過您原來都同我一樣，都係係咁訓係咁訓…

十一點畀個電話嘈醒佐，原來係健健。佢話佢媽媽琴日做佐手術… @_@?!!?? 乳癌…切佐一個仲要做化療…第一期末第二期頭…聽得出佢係好唔開心囉，喊晒口咁呀…等我聽日去探o下佢媽媽先！開心o的啦媽媽！我估佢都係太擔憂搞到屈佐個病出o黎…唉…人生真係無常…

下晝見冇o野做熱到死都唔理係咁訓…另外，我妹妹亦都搵倒份教學助理做喇。

睇晒您去法國影o既相同埋您o既日記，覺得您拿住o野食o個個樣最得意，真係令我一見倒就想笑，我最鐘意您o個張跌雪糕前影o既相，您拿住個雪糕筒微笑好滿足咁，點不知轉頭個雪糕已經跌佐落地喇！等我save低佢做wallpaper先！見倒您個傻樣，完全明白您日記裡面所寫o既「好滿足」係咩意思同埋係點樣o架喇。您真係好得意好可愛呀~啜~啜~啜~~~

您就係o個件要我保護o既小玻璃~~~

>>August 10, 2003 at 12:59:29 PM GMT+8