2003 年 9 月 27 日 星期六 【酷熱】

七點半起身，八點要做早操，好無聊。

今朝有腸粉同粥做早餐，咁都好o的，一於食多幾碗。但係數量有限，食得快先有得添…真係cheap。

第三個game就係玩一班人徒手攀牆。嘩…佢xy！今次我同呀聰做底，畀人係咁踩，隔o黎o個邊唔知做乜鬼死咁慢，又話分三組結果分佐兩組，我同呀聰就係咁送o的人上去，足足有成十幾廿個。最後我o地上佐去，但係又唔知點解佢o地冇諗過點樣拉埋最後一個人上去，結果又係要我出馬，又係因為我有力同輕身…吊佐我落去，再畀最後一個人拉住我爬上去。o的人好廢，到佐第三個game都唔見得o係合作性方面有乜大改善…算罷啦…o個個「教練」正一廢人，一o的領導能力都冇，又壓唔倒場…點知仲要被選為最出色組員！真係火！我同Gary不知幾唔順氣，真係火嘛！咁o既廢人！Kevin有用過佢多多聲啦！

之後等車等佐好耐，結果四點幾先出返東涌，再成班人o係個噴水池玩佐一陣「橫衝水柱唔濕身」。之後再去食o野，返屋企。累到死…

>>September 29, 2003 at 9:00:58 PM GMT+8

2003 年 9 月 26 日 星期五 【酷熱】

pk！寫寫o下未save就冇佐！火！等我仲寫得咁辛苦同咁大篇！佢xy！

今日係去camp o既大日子，不過原來上錯船。仲熱到死，曬到嘔。

晨咁早仆出去麥當勞道聽o的乜q機構介紹，悶到嘔唔在講，仲要九點半聽到十二點半先有飯開，仲要畀o的頽飯人食！話晒都畀佐八十蚊四餐飯錢，居然要食垃圾！求其食佐o的"食送"就丟佐個飯盒。真係火。

之後出發去營地，居然要o係東涌轉大嶼山巴士，唔怪得之回程只係辛我o地到東涌就算啦！結果搞到成四點幾先入到camp，之後就即刻開始訓練！原來係一個半軍訓o既camp！頂…

全部人分為四組，唔知做乜Kitty畀人分佐去另外一組，雖然o個組人全部都係西環新返o黎o既TDA，但係咁搞法都好似唔係幾好。我o地九個人就同另外一個center o既人總共三十一個人一組…頂…o的人好甜筒…

第一樣o野要做o既就係o的無聊百痴o既自我介紹加動作，大佬，成三十一個人，點記呀… @_@ 之後再選組長，一個係廢柴大隻矮仔，叫做「教揀」，另一個就係呀澤，仲有個叫Patrick o既人做cheer leader，改埋個無聊組名同埋o的戇x口號，跟住就畀人逼我o地狂嗌！佢xy！已經條氣唔順o架啦，又咳到死死o下，仲要逼人嗌！火！呢個環節o的o野全部都係我最憎做o既，亦係其中一個我冇參加過任何大學o' camp o既原因。

跟住就即刻開始玩第一個game，就係全組人都要o係冇任何工具o既況下用鼻掂一個掛o係樹上面有兩個人咁高o既波。一睇就知係o個o的無聊訓練合作性o既game，我呢o的又矮又冇力托人o既人，真係好好彩唔駛做畀人踩o個個。Kevin今次就大派用場喇！因為佢又高又大份，做底就最o岩！玩到身水身汗，真係慘。不過你唔好睇個波咁高，原來做起上o黎都唔係咁難，不過你又唔好以為o的女仔矮矮o地好輕，其實不知幾鬼重…

玩完之後就自由活動佐一陣，再食飯。佢xy！又係o的頹飯！o的飯硬到好似石頭咁，叫我呢o的一定要食軟飯o既人點食呀！結果加佐湯食都仲係要胃痛…頂…

食完飯之後又玩另一個叫做「電網」o既訓練。就係要徒手將o的人通過兩條打橫上至膊頭下至腰o既繩。如果掂倒繩仲要訓o係地度扮曱甴，真係好無聊。嘩…Kevin真係重到呢…其實呢個game最難都係點樣運第一個同最後一個過去。今次我做最後一個，因為我係一個有力但係輕身o既男仔…結果我用佐兩次先過倒，不過做最後一個都幾過癮，但係又唔係難喎。

之後玩野外定向，發現個pk組長「教練」開始唔做o野，火！玩完之後十一點幾仲要參加個低能白痴o既晚會，扮晒disco咁，但係就娘到十足十我兩年前大學上大陸交流o個度o的大學生搞o個o的戇x晚會…頂…老土到嘔…結果我o地班男仔靜靜雞走佐返房鋤dee。

玩到四點半，我由原本輸百幾蚊到最後贏佐百五蚊，仲要三家輸錢得我一家贏錢，真係唔好意思…五點鐘，終於有得訓，但係要七點半起身…

>>September 29, 2003 at 2:25:25 AM GMT+8

2003 年 9 月 25 日 星期四 【酷熱】

今日又熱返，真係苦…

是日放假，訓到十一點先起身，沖完涼之後，十二點幾出門口，要去陪婆婆覆診。o係上東區醫院之前，拿佐我o個兩隻病佐o既鐵達時去整，而家得返隻鋼帶XC可以戴得出o黎見人…買佐個飯之後就上醫院，原來婆婆由今朝抽血坐到我到為止… @_@ 做老人家，真係慘…

佢食飯，我就去7-11買佐本《巴士隨想曲》睇。之前o係newsgroup見o的人話好睇，但係我睇落又覺得冇乜驚喜。結果搞到成四點幾先走得，再帶埋佢返屋企，已經四點十個字，於是即刻飛落灣仔畀佐o的IELTS o既資料璇姐，之後再買佐o的日用品，就返屋企。

聽日就要入YWCA o既camp，但係佢乜料都畀唔倒我，完全唔之聽日同後日要做乜…唉…真係…有冇搞錯… @_@

>>September 28, 2003 at 10:41:19 PM GMT+8

2003 年 9 月 24 日 星期三 【晴】

琴日放完假，今日又要返工。

山頂同平日一樣咁悶，一樣唔係好多人，但係今日o的時間好似過得幾快咁，食完飯之後好快又話收工。

返到屋企，收倒TB Sabrine email，話我o地山頂畀個pk商戶投訴o的人傾偈唔做o野同埋食煙。哦。

大佬呀，你畀得四千蚊，就唔好咁高要求啦！又七又一，真係冇佢咁好氣。覆佐個email，話山頂根本冇o野做，傾偈根本人之常情。你試o下悶到抽筋日日罰企七粒鐘o丫！我又睇o下你個口會唔會好似拉鍊咁密唔出聲。

更加奇怪o既係我o地冇人會一路on duty一路煲煙，如果係休息食飯o個時見倒o既話咁佢講晒啦！咁不你寫明唔請食煙o既人啦，睇o下仲有冇人o黎應徵？！

炒晒我o地成組人啦笨！呢班友真係乜都夠膽死o架，我唔保證佢o地條氣唔順會唔會打去畀「大班」唱衰TB o架！到時咪玩大佢囉！

成班廢物都戇ngch o既！哦哦哦！火TB班pkhkc！

>>September 25, 2003 at 3:10:26 AM GMT+8

2003 年 9 月 23 日 星期二 【陰】

訓到十點就醒佐，放假，冇o野做。

等到四點您先上完堂，之後落佐旺角，好耐冇食過扒喇，見佢平平o地就幫襯，點知最後都係要交換，好在我又冇叫同您一樣o既o野食嗟，因為我知您有好大機會改變主意，或者見倒個樣之後反悔唔食… =)

之後去睇《2 Fast 2 Furious》，都幾正o架，成套戲都好快，o的車飛來飛去，冇乜悶場，又夠抵死…條橋好簡單，但係勝在有靚車睇同埋對白過癮。

今晚十點幾我o地就散場，您就o係我返到屋企之前已經自己裝好佐個web cam，真係叻叻！以後我o地可以用MSN玩net meeting喇！

>>September 25, 2003 at 2:53:59 AM GMT+8

2003 年 9 月 22 日 星期一 【陰】

嘩，今朝幾乎出事，您十點鐘叫醒佐我之後我又返訓，訓到十點半郵差打畀我叫我起身先識醒…如果佢冇打畀我就一定遲到…

今日大家都冇遲到，但係大家都有疲態，Kevin同Bear最唔捱得夜，冇計啦，星期一又的確係閒日之中最少人最悶o既一日o黎o既！唯有畀佢o地抖抖啦…

今日收倒嫻姐一個消息，就係話有TDA o係旺角扒o係度訓覺畀人影佐相，再向TB投訴，仲要TB畀合理解釋，仲話廿四小時之內冇解釋就向傳媒公開。哈！我心諗，好呀！快o的公開啦！畀人o地睇o下呢班TDA有幾辛苦，做o野有幾慘，人工有幾低！快o的公開，唔好遲！睇o下政人府點樣帶頭剝削o的細o既！好一個正義巿民！

>>September 23, 2003 at 3:27:54 PM GMT+8

2003 年 9 月 21 日 星期日 【酷熱】

嘩…今日好唔掂呀，琴晚又焗又熱，但係因為個死人鼻，所以又唔開得冷氣，搞到熱醒佐四、五次…頂…今朝一起身，就成鼻涕咁，又有咳，仲連o野都唔係好講倒…而且仲要訓到十點半先起身，頻頻撲撲咁飛出門口返工上山頂…

落到金鐘，都係頂唔順，走佐入屈臣氏買佐盒幸福過敏素…點知原來呢隻過敏素原來係一次食一粒o架，而唔係好似幸福傷風素咁一次食兩粒… @_@ 食佐一個鐘之後o的藥始o黎料，眼訓到我死死o下…

之後又見有咳，再買多支咳水飲，都幾有效，飲佐兩次都覺得好返好多…不過始終今日都冇乜精神管住班友仔，搞到佢o地有少少作反成日走來走去… @_@

好辛苦先捱到放工，但係o的鼻水都收得七七八八，喉嚨亦都冇咁痕同痛，胸口都冇再咳到痛喇！好o野！可以去玩！

今日係Kevin生日喎，成班同事走佐去唱K，因為食佐藥，總有少少累，所以我間唔中都坐埋一邊訓o下抖o下，佢o地唱歌o既唱歌，玩骰盅o既玩骰盅，氣氛都幾好。Kevin、Bear同走佐o既David唱唱o下唔知做乜會變佐「嗌歌」…真係頂佢o地唔順，搞到所有人都衝晒出間K房…救命…

玩到咁上下，仲有蛋糕同香檳，不過玩到過佐火，有人打爛佐廁所門塊玻璃… @_@ 我同Marco收拾殘局之後再玩。玩咁咁上下，Kitty、Mandy同David都走先，但係Gary話我o地個party o岩o岩先開始…我o地一班男人係咁玩骰盅、猜梅、飲酒，玩到最後仲變佐「光豬六壯士」，真係抵死！

五點幾，曲終人散。一返到屋企就攤o係張床上面暈佐…

>>November 3, 2003 at 2:48:50 AM GMT+8

2003 年 9 月 20 日 星期六 【清涼】

今日好辛苦，好焗…又因為就快轉天氣，鼻敏感加氣管敏感得好嚴重，喉嚨好似火燒咁，要不斷咁食喉糖…個鼻就開始肚痾…救命…好想死呀…

今日好勁呀！終於都o係金鐘見倒名人！潘芳芳呀！佢個樣就老佐o的，但係身型就fit到爆！之後上山頂仲見倒劉青雲去蠟像館添呀！佢經過我o地個counter﹐我問佢拿簽名，佢話出o黎先。咁我就係咁等，仲買佐張凌宵閣名相片同人問人借佐支marker添！之後佢出到o黎又真係好有善咁同我簽佐個名！嘩哈哈！

今日好唔舒服，呼吸困難，好辛苦…

今日阿Sam做做o下o野發脾四，真係畀佢激到奀…之後仲要摺埋佐自己o係台底…咁都得？！唔係呀聰行過話我知，真係估佢唔倒…細細粒，咁都畀佢做倒，真係見倒都覺得佢幾好笑…「乙水」佐佢一陣先肯出返o黎… @_@ 不過咁，你話如果畀o的客見倒佢咁樣脾四你話點算好？出o黎做o野真係唔可以咁o架…工作同個人情緒要分開少少先得o架嘛… =(

>>September 21, 2003 at 12:43:03 AM GMT+8

2003 年 9 月 19 日 星期五 【清涼】

一滴風都冇…好熱好焗…

今日返金鐘，好多人係咁問全港邊o的舖有邊o的冇參加super draw，搞到我o地要係咁摷o個份商舖名單…有o的印蓋o下咁，同Marco同Gary吹o下水咁，o的時間都過得好快…

今日唔算好累，但係八點半就返到屋企，真係好…不過又幾乎起唔切身落車… @_@

中心依然未請夠人，遲o的仲會有一隊人調上西環村，我同Kitty就死都唔肯o架喇，一於踢個怪人Alan上去啦！同嫻姐講過o下，話我同Kitty合作開，好合拍，唔想拆伙，希望真係掂啦…如果唔係我o地是但一個對住o個條友真係會死o架…

今晚教佐您玩MSN Messenger，第日畀埋個web cam您，我o地咪可以日日見倒大家個樣囉！=)

>>September 20, 2003 at 2:03:56 AM GMT+8

2003 年 9 月 18 日 星期四 【清涼】

嘩…好累呀今日…條頸要斷咁滯…

琴晚畀人疲勞轟炸完之後返到屋企都十二點幾，再同您傾陣電話，上o下網，再開電視見倒有波睇，但係我睇佐幾分鐘就已經o係廳度訓著佐…起返身o既時候，雖然場波未完，但係我都即刻爬上床訓。結果今朝十點七先起身，即刻就沖個涼仆上山頂…

好累好累，越企越累，又喉嚨痛…幾個人傾o下講o下，時間過得好慢，好難先捱到放工…真係好累…十個累係滿分我會畀夠十二個…好累…

前兩日我o地成班勁講Kevin話龍鬚糖呀叔整o的o野唔夠好食o既事，搞到佢好似唔開心咁…我o地真係衰，成日話佢… @_@

一返到屋企，就勁打電話畀o的friends，講畀佢o地知Frankie o既惡行…

呢排雖然同您見少佐，但係嗌交又好似密佐咁…點解會咁呢？雖然一齊已經一年多，但係大家都仲係唔好了解對方。係咪我平時太少同您講o野呢？mmm…我知道，我要多o的即刻同您講我o既感受，而唔係要您睇我日記先知道我諗緊乜…

>>September 19, 2003 at 12:49:34 AM GMT+8