2003 年 9 月 17 日 星期三 【清涼】

首先，要代TB鳴謝郵差，因為o個晚同佢icq完之後，我已經冇乜火，所以佢o地班人幸免一劫。不過估唔到我來不及道謝，粗口已降臨… @_@

今日我九點半就上到山頂，冇乜o野做，行佐一個鐘頭山，但係搵唔倒人o地平時拍戲o個度… @_@ 之後再去老麥整個早餐，再撈佐兩份報紙，又開工。

嘩…熱到嘔，晒到死…估唔到山頂仲有另外一班旅遊發展助理上o黎派o野，傾過偈之後，原來係明愛o架！佢o地冇permission，唔入得o的mall派，四千蚊，烈日當空派o野，真係慘…交流佐一陣，發覺佢o地班人冇一個係捱得o既。Elsa真係好o野，請倒一班咁好o既組員，起碼我o地班人都唔乜怨，不過極有可能我o地完佐super draw個project之後，都要好似佢o地咁… @_@

夜晚約佐Frankie食飯。因為聽佢講冇再做女中學lab tech，轉佐行搞唔知乜鬼環保生意。一見佢，見倒佢西晒裝咁，就知有問題。之後食飯o個時我問佐佢三次佢而家做緊乜，佢一直都冇答我。食完飯，佢帶佐我上佢公司。

原來真係，無錯，係直銷代理商。早o係兩年前，Jimmy已經同我sell過一間Nu Skin o既公司，今次o個間，叫做Lambe Berger。法國公司，好巴閉。sor晒ry，我唔buy呢套。佢o地賣空氣淨化器咁o既物體，又話咩sars都唔怕。哦。

老實講，我完全對呢行冇興趣，如果唔係畀面佢係兩年同學朋友仔，我真係啋佢都有味。聽完佢介紹o既公司一位廿二歲「年青有為」o既「侯爵」講佐一輪廢話之後，佢叫我加入，要我填表。又sor晒ry囉，打從第一分鐘開始我已經冇諗過加入，係畀面先留o係度聽你o地班人x up成兩個鐘。大爺時間寶貴，唔好o徙x我時間。之後o個位侯爵行開佐，要Frankie遊說我，又話唔好o徙個機會，又話想同個「好」朋友拍住上咁又七又一，仲話入會費五千一百五十蚊可以幫我畀住先，但係如果我還唔倒，五千蚊就可以睇清楚我人格。哦。

火！佢xy！你而家大我呀？！如果係咁o既話，你o既人格而家一蚊都唔值。

好朋友？何來好朋友？識我唔耐o既人都知我唔buy呢套啦。我連o係街度接張傳單都唔肯，你憑乜打動我？我係咩人你唔係唔知呀嘛？

十一點半，我話要走，條友居然扯住我個袋唔走！！！！！！真係誇！唔係嘛大佬！真係咁唔掂o既話，我有錢可以借住你用喎，最多唔駛你還又點話！come on！男人o黎o架，咪x咁婆媽啦！之後又唔知邊度走多個肥婆出o黎！佢xy！又講返o個三幅被！咪x o徙我時間啦！我完全唔等佢講完，起身就走。點知佢居然追到落巴士站。等佐一陣有8P，佢要我畀多一班車o既時間佢。不過8P班次好密，呢架都未走，另一架又到，o係拉扯之下終於上到車…唉…

出o黎行係講義氣o架，搵x笨y o既o野就唔好話益friend啦…唉…

>>April 14, 2008 at 3:02:37 AM GMT+8

2003 年 9 月 16 日 星期二 【雨】

好o野！星期二放假。

今朝本來想入去粉嶺探健健o既媽媽，因為自從佢去佐院返屋企休養之後都冇探過佢。但係琴日下晝收倒健健o既電話，話媽媽做完化療之後白血球數目過低，做成細菌感染，要入醫院隔離… =(

但係今朝依然係無厘頭咁畀個唔知乜水打o黎o既電話嘈醒。冇再訓，打個電話約璇姐食下晝，順便可以去等埋您放學。我畀返年半前o既畢業相佢，佢又畀返兩個月前o既受浸相我。食上海麵（自從離開中大之後都冇再食），再吹吹水，行o下書局，睇返o的文具再想想當年…而家o的文具太花巧，都係以前o個o的實用好多…

等到您到沙田，坐佐陣，我飲佐杯焦糖咖啡，好香，好好味！焦糖係我o既最愛！之後再出返去銅鑼灣食飯。原來大家都好累，短短一程十幾分鐘o既巴士，兩個人都可以係咁「合」眼訓…之後我o地為佐食飯o既問題嗌交。您話想去間九十幾蚊一個人o既日本o野食，但係我覺得咁貴食個飯未免有o的過份…畢竟成舊水一個人實在太奢侈嘛！食完落去咪又係變返屎出o黎… @_@

唉…我而家唔似以前咁喇，成萬幾蚊個月用都用唔晒咁…而家得o個八千蚊一個月，仲要上個月返得一個禮拜得千八蚊糧，搞到上個禮拜又要問媽媽拿o的錢過，真係pk…唉…我已經不再自給自足，好廢物…quit大學到而家，已經問佐媽媽拿三千三蚊用，經濟唔再獨立喇…灰爆…仲要差人周身債同政府錢呀…點解會咁…

我唔開心，係因為您話一個禮拜先見一次，食一百蚊一餐飯唔算過份。不過其實真係算好過份，當您要自力更生o既時候，您就會知o架喇，而家講您都唔明o架喇…好話唔好聽，如果咁樣o既價錢食一餐，就等如我o係山頂食百佳飯食足一個禮拜…百佳飯好唔好食，見仁見智，但係勝在夠平，一個只賣九個九。

您又話我要用錢陪o的同事朋友，呢o的又係咩x道理呢？come on！唉…o個一刻由皇室堡行去恒隆中心，我真係完全唔想同您講o野，只係變臉。完全係兩回事，做乜要咁樣拉埋一齊講？如果您只係用肯駛幾多錢落您身上o黎比較，以一o的咁無聊o既方法去衡量愛，sorry喇，我永遠都冇可能滿足倒您。

結果，您又喊。

最後，去佐間食魚麵o既，bad list佐，以後冇幫襯。

之後去佐睇西片《Narc》（中間道），一般好睇，但係勝在兩個人包晒間戲院，仲好過o係屋企睇vcd。

>>July 6, 2004 at 3:34:20 AM GMT+8

2003 年 9 月 15 日 星期一 【颱風】

今朝又要去TB開會，完全冇火。因為學阿聰話齋︰「算罷啦…」唉…

一路開會，一路聽o的人講o野，又聽o下TB班廢物回應，突然之間有所頓悟，突然之間睇化佐。算啦，見步行步囉，火佢都冇用o架喇…正所謂就投訴接受，工夫照舊。對佢有期望先會有執著。不過呢個世界總係冇希望就唔會失望。有咁o既政府﹐就有咁o既旅遊發展局，香港依然要繼續墮落，冇得救。而家唯有就自己限米煮限飯，做人要靠自己，無謂假手於o的廢人。唯有多o的勸o的客唔好參加super draw，一路叫人唔好參加，一路唱衰旅發局。

唉…算罷啦…

No need to be fire, rite?

>>September 16, 2003 at 2:03:42 AM GMT+8

2003 年 9 月 14 日 星期日 【雨】

今日雖然成日都落雨，時大時細，但係可能都係星期日o既關係，比平時閒日o既人數仲要多少少，但係都冇乜太多o野做，一個字︰「悶」。

今日見少人同Gary傾佐人成粒鐘，原來佢IELTS有6.5分咁高，真係勁！之後大家再交流o下樣可以o係一個咁冇用o既計劃之中學倒o野，真係好，我好鐘意呢種交流。

其實我都好希望大家o係super draw裡面唔係淨係得倒派單張o既經驗，我都好想大家可以學倒其他o野，吸收多o的經驗。就好似可以放膽講多o的英文，聽多o的唔同地方口音o既英文等等，做o野主動o的，有熱誠等等…希望大家都會enjoy做呢份工…

畀心機啦，同事們！

您又扭計喇…唉…我愛您嘛，諗咁多做乜？

----------------------------------------------------------------------------------------------------------------------------

一段我同郵差o既icq對話。

我 (2:48 AM) :
今日又火旅發局班人。

郵差 (2:48 AM) :
la (編按︰即係low ability，低能咁解。)

我 (2:52 AM) :
班人正pk！星期一上去開會又火佢！

郵差 (2:52 AM) :
la

我 (2:52 AM) :
唔畀打la！

郵差 (2:52 AM) :
你做細既就咪咁x多o野搞
你估你依家真係出黎做大佬呀
人人要聽你支笛
你拿住份糧就算啦
你幾十萬未開頭就唔係咁話

我 (2:53 AM) :
而家班pk做唔x倒o野，我o地畀客鬧呀！係咪要我o地承擔佢o地o既責任？

我 (2:54 AM) :
你都戇x o既！出糧畀我o既係政府同YWCA，唔係TB！

郵差 (2:54 AM) :
你咪直接同o的客講上頭冇俾料你
你做咩火人
o的客唔likey會自己去投x訴o的y人

郵差 (2:55 AM) :
但人地x大過你
要玩謝你,令你冇左份工話咁易
你都多舊魚
你第一次出黎做野呀?

我 (2:55 AM) :
大家都係想搞好個抽獎，佢而家唔做o野，o的客火我o地，畀個hotline o的客都係電話錄音，有x用呀！

郵差 (2:56 AM) :
dun be la!

我 (2:56 AM) :
您都戇o既，我而家好稀罕o個八千蚊呀？！

我 (2:56 AM) :
唔好唔記得我一千蚊都可以食成個月呀！

郵差 (2:56 AM) :
咁你咪繼續玩囉

我 (2:56 AM) :
我一定同佢玩到底！
總之而家就火！佢班pk！講一套做一套！

郵差 (3:02 AM) :
or

我 (3:03 AM) :
班人搵咁x多錢都唔係做o野，好彩同佢o地做一個月o野，如果唔係就越做越頹！

郵差 (3:03 AM) :
mm

我 (3:04 AM) :
完全對份工冇熱誠、冇執著，完全只係當份工咁打，正一pk！

郵差 (3:04 AM) :
m...

我 (3:05 AM) :
做佐呢份工，我發覺原來香港都有好多可取之處，除佐個政府同埋天氣之外，我發覺自己越o黎越愛香港呢個咁細城巿。

郵差 (3:05 AM) :
du（編按︰驚訝狀）

我 (3:06 AM) :
真o架，唔係呃您。如果唔係我唔會咁執著佢o地一o的幫手都唔提供。
如果我係是但做，我根本唔駛火。
您可以當我火人係無的放矢，但係我有我o既執著。一係唔做，一做就要做到完美。o的人滿口人義道德，我就話乜都係假！我唔x理你有幾x巴x閉，我淨係睇你做得o的乜o野出o黎畀我睇。lmf話。

>>November 10, 2005 at 9:03:52 PM GMT+8

2003 年 9 月 13 日 星期六 【酷熱】

今日成日都o係金鐘開工，好悶。畀好多客問某o的商戶可唔可以蓋印。火！TB班人又話星期一會寄個list畀我o地，但係到今日都未到手，真係不知所謂。打電話去畀TB個Sabrine，條友態度勁串，仲趕住收線唔想講咁。問佢幾時有list，佢就話另一個人負責，叫我打畀另一個。我問佢o個個呀Pat個電話，佢居然話冇。哦！兩個人係同事都冇佢電話？好！玩o野o丫嘛，我就同你玩落去！

個Sabrine email話星期二會寄份list畀我o地，Elsa話個Sabrine話星期四會用DHL寄，但係星期五放假，星期六都收唔倒（或者係冇人收，因為公司冇人。），咁好o丫，大家玩o野，我咪得閒同你o地旅遊發展局做o下「宣傳」囉，我都係講事實嗟。結果今日有個客問間鋪有冇參加，要我打佢o的hotline問，不過仲好，一定有個答案，唔似得o個班富貴咁，你推我，我推你。

火旅遊發展局班pk！

放工之後班人除佐Gary同Bear之外，去佐打邊爐。好熱鬧，大家玩o下吹o下水咁，食到成點半先散band…

經過今晚食飯之後，發現好多過癮金句︰
我︰「你話火唔火！」
聰︰「算罷啦…」
澤︰「我都唔知你o地講乜！」
Kevin︰「傻豬o黎o既！」
Mandy︰「豬頭！」
Bear︰「你話有乜所謂！」
Kitty︰「痴線！」
Gary︰「Well…」

>>September 19, 2003 at 12:43:06 AM GMT+8

2003 年 9 月 12 日 星期五 【清涼】

山頂真係熱到冇得再熱…

話凌宵閣係全港最差o既商場可以話係實至名歸︰
1) 凌宵閣日頭唔開冷氣，打開晒o的門扯風，勁cheap。
2) 凌宵閣除佐四樓有一個丁屎咁大o既牌寫住係四樓之後，其他層數都係無名無姓。
3) 凌宵閣行政與執行不協調，成日朝令夕改。
4) 成個凌宵閣一個公眾電話都冇。
5) 凌宵閣商場o既廁所只係同公廁share，勁cheap。

o係裡面做o野就只係得一個字︰慘。

今日好多人上山頂，忙死…今日大家都好累咁，成日都話要休息，o的人又成日唔知去佐邊，又成日掛住傾偈，大家都好似冇乜心機做o野咁…

走來走去，企o下派o下又嗌o下，好唔容易先到八點收工。點知收工仲要食佐隻死貓，話淩宵閣counter張台唔駛搬走…頂…好手尾又畀人話，真係呀水通知過我o地唔駛收台咩！真係單都冇單聲喎，有冇搞錯呀！成班都係廢物o黎！pk淩宵閣林小姐，pk TB Sabrine，pk TB Anthony！十個火呀！「火火火火火火火火火火！」

搞掂晒o的roster，兩點終於有得訓…今日企到好累，琴晚又訓得五個鐘…累死…

>>September 13, 2003 at 1:46:43 AM GMT+8

2003 年 9 月 11 日 星期四 【酷熱】

中秋佳節。

七點幾唔知乜水打o黎嘈醒我，火！最後訓到十二點幾先起身，今日day off，真係爽。

三點幾出去西環，諗住拿出糧支票，但係Kevin已經幫全部人拿晒。唯有襯機會同嫻姐打好關係。因為我o地個project正式由佢接手，Elsa退居幕後。辛苦晒Elsa，事關成個center好似得佢做o野咁，日日走來走去幾鬼忙。不過嫻姐接手都好，因為嫻姐好好人，又好禮貌。畀著第二個接手都唔知會點。同嫻姐講佐琴日我o地畀人屈o既事，再互相交帶一番，就走喇。

之後見有時間，就搭電車再轉船過海，再搭巴士去旺角同您水匯合去您度食飯。好抵呀！搭104要$9.4，我而家就只係用佐$6.7就去到目的地，雖然係遲佐少少…

好多o野食呀您屋企，食佐好多o野。之後再用條56K download您o個塊咸豐年手寫版o既driver同software，但係最後都係用唔倒…頂…煩死…仲要搞到十二點半先走，迫住搭貴車…

返到屋企成三點，再編埋個新o既roster，五點幾先訓…真係累到嘔…

>>September 13, 2003 at 1:32:51 AM GMT+8

2003 年 9 月 10 日 星期三 【酷熱】

今日唔知點解一上到凌宵閣，班保安員話我o地今日唔駛開工…當然，最後都總係要開工，但係好明顯就係TB班冗員冇通知返凌宵閣上面o的人啦！火！

今日我主要係集中火力o係山頂廣場幫手，事關佢o地要我o地o係八個鐘之內派晒三千個TB燈籠… @_@ 本來都唔駛咁急，因為聽日先至係中秋，但係因為我o地o的人要去補返Training，所以變佐要今日之內派晒…不過我有信心，雖然人流唔高，但係一定會派得晒。

真係激死，佢o地居然一次過「質」四、五個燈籠畀o的客…其實佢o地冇要求我o地一定要派晒，只係盡派就得…如果咁樣「質」o的客，就會搞到我o地好cheap同埋乞人憎嘛…記住記住記住！我o地係代表香港o架！我o地而家唔係派傳單。

雖然派極都仲係未派晒，但係到佐七點半，突然之間有好多團o黎到山頂，有老人中心啦，有日本，有法國又有韓國。係咁派係咁派，最後收工都只係派淨百幾個咋，我o地o個組真係掂！以山頂人流唔高o既情況下居然派得晒！yo！

派o野期間，有好多人都好想拿返佢公司佈置，成日都可以幾十個幾十個咁去貨，o的外國人又好鐘意呢o的傳統中國o野，收倒都不知幾開心，我仲可以同好多外國人、香港人傾偈，好開心，好好玩，不過足足講佐成日o野…

期間又有個法國團，我只係識Merci同Bon jour咋，不過佢o地都好鐘意我o地o既禮物。韓國、日本人亦都好受呢o的o野，婆婆、師奶亦都係咁問我o地要…有著數，邊個唔鐘意o丫！

最過癮係有班o係台灣教書o既外國人，同我o地講國語，又貪玩到死。成日走來走去，係咁同佢o地玩。佢o地走o個時仲拉住我o地去影相添呀！話會email返畀我。我仲騎佐上個西人背脊，畀佢o係原地係咁轉係咁轉，轉佐幾十個圈轉到佢都頭暈先停！好好玩，好過癮！香港好客之道，就在於此！

不過今日都畀TB班人火佐一火！事關佢o地班人自己同o的商場講得唔清唔楚，又賴我o地班組員講唔口清楚畀保安班人我o地邊日要開工、邊日唔駛開工！佢xy！我o地只係負責執行，你o地兩邊o的人溝通有問題，你畀人投訴又關我o地咩事？！！無端端自己失識又要賴落我o地班辛辛苦苦工作o既手足度，你坐冷氣房un un腳，做少少o野都做到pat屎咁，就唔該你o地TB班人檢討o下先！一o野就推個波落o黎話我o地錯！我死都唔認係我o地有問題！因為我o地唔係負責同上面o的人溝通。我係咁同TB個Sabrine用強硬o既語氣去澄清，佢幾冇品呀！cup我線！不過TB班廢柴真係乜都做唔倒，冇x用，我今次火佢，係佢o地應得o既。

正所謂「富貴不能淫、貧賤不能移、威武不能屈」，想推卸責任屈x我o地？冇咁易！我做得大o既一定會睇住班細o既。出o黎行，講義氣嘛！

火香港旅遊發展局！

>>September 12, 2003 at 3:38:27 AM GMT+8

2003 年 9 月 9 日 星期二 【晴】

好o野！終於都放假喇！訓到十一點幾先識起身，不過已經係呢兩個禮拜訓得最多o既一日…

外面陽光超級猛烈，所以都係搞到成五點幾先落到銅鑼灣，買佐條六合彩，再同您去佐Starbucks飲咖啡，我o地好耐冇去呢個老地方喇…不過已經冇賣您鐘意o既煙煙韌韌星冰樂…冇法啦，太遲喇…

之後我再同您上山頂，睇o下呢個世界三大，香港引以為傲o既夜景。中環中心、國際金融中心二期、中銀大廈、中環廣場…香港，彈丸之地，居然有咁多出名o既高樓大廈，香港，原來都唔係我心目中咁，差o既，係呢度個無能政人府！英國人好o野，管治得咁好！

七點九左右上到山，發現班友仔已經唔見晒人…原來已經準備收工… @_@ 估唔倒您畀人叫阿嫂叫到飄飄然咁…真係頂您不順…叫您做阿嫂o既，係義氣仔女Marco，又高又大o既係Kevin，我partner Kitty，另一個女仔係Mandy，仲有勤力o既Gary同Bear。仲有三個您就見唔倒喇…

o係山頂留到十點幾先走，再走返落灣仔食飯，再去睇o下粒核突維港激光珠…poor design…

>>September 11, 2003 at 1:42:59 PM GMT+8

2003 年 9 月 8 日 星期一 【晴】

估唔到又星期一喇…除佐上星期二打風放佐半日假同埋星期三朝早唔駛返工之外，可以話成八日都冇好正式o既休息喇…真係累累o地，眼眼o地訓…

朝早仲要去TB開埋o的垃圾會，感覺就好似去到傳銷或者保險公司咁…呢個講話自己有幾成功，咩同大家分享o下一個好寶貴o既經驗，跟住就成班拍晒手…戇居到呢…sorry，我唔buy呢種做法囉。

嘩，o的人有成千幾個印呀，真係巴閉到呢…又話佢點樣執生又話佢點樣解決倒個問題，真係威。我就淨係講話我o地組有乜唔掂同投訴佢o地有乜不足…哈！我淨係o係度「隱善揚惡」，搞串個場添…

個會真係好廢，好多問題都仲係解決唔倒…又係要等…等等等，希望唔好等到九月三十號！結果十一點開始，搞到兩點半先完…又overrun晒…好在Kitty冇去，如果唔係就會同佢一齊火TB班人，同埋用不屑o既目光去睇呢班人…

搞到四點先上到山，一上到四就兩邊走睇o下可唔可以bid倒o的台凳返o黎畀佢o地坐，但係進展依然係好慢…要o的公司o既上面同TB講…傳來傳去…有排等…今日天氣唔錯，比較多人。山頂廣場依然係有o的悶，peak tower o個度就bid倒張台返o黎，但係聽佢o地口氣好似唔想我o地o的人坐… @_@

夜晚收倒Kitty電話話Elsa唔想我o地o的人咁多OT…搞到個roster又要編過…一句講晒啦，佢o地唔想我o地o的人返中心因為中心唔想諗o的o野出o黎畀佢o地做之嘛…唉…煩！

>>September 9, 2003 at 12:04:17 PM GMT+8