2005 年 5 月 13 日 星期五 【酷熱】

8點幾就起左身la...玩左陣ro都唔係咁想玩~
之後就開個咩再挑高難度~當然失敗la~
12點~就睇電視~睇完之後就換衫出門口la~
返到去學校果頭行行下見到阿水~佢都好耐冇返了~不過同我一樣遲到呢~

今日都返多左人~但係都係咁小....唉....
開頭都操得幾甘下~不過之後就練下d拳套~
唉...好灰呢...今次o既色帶因為一d事...搞到冇得打...唉...
雖然冇十足o既把握打得win....但係...唔試過真係唔知架啵~失望.............
最後~佢地幾個打free fight~而我就冇得打....
就咁就放學la~

難得的一次~阿基竟然叫我地去食野~但係都係因為佢自己餓先叫我地去....
次次去果間咩食都係咁架喎~我話唔要甜醬~但係佢死都會加d落去架喎...
我話要花生醬~佢一滴都冇...不爽...不爽.....
家下d女仔真係...用庸姿俗粉黎形容係咪十分貼切呢...
一大班粉餅響度賣肉~係~的確有d係幾靚o既或者會好睇~但係...始終都有d討厭...

食完野~我就去眼睛舖睇下隻眼~之後就同阿卓卓行返去la~
行到去馬路前...唉...中招了....又係果d聾啞人士響度賣公仔....
其實之前都有人講過話係冇lee d野~係假的~不過...卓卓中招了...而且係我害o既...
所以lee個50蚊o既公仔~我都比返30蚊佢~當係一人一半囉...
當係比乞e又好比人偷左咩都好la~
返到屋企果頭~屋企今晚冇飯開~只好去買la~但係...剛剛食完野~
現在6點又太早~不過都係買左~返到屋企冇耐都食左佢算la...飯凍了....

>>May 14, 2005 at 2:40:05 PM GMT+8

2005 年 5 月 12 日 星期四 【晴】

琴日睇完個final approach~都算是不錯的~笑是幾好笑的~
不過...果排都冇咩心機睇~搞到都冇咩癮睇....
但係佢個11同12話就真係幾得~係最好睇果度~其餘o既都有d....

今朝都係8點起身~完成日記後~再玩左陣ro~就去換衫出發了~
到現在才發現忘記了一件事....算la~忘記左就算la~
返到公司~幸好38 ja~冇事冇事~
食完飯之後就比人叫左我去換燈膽la...一買~一整~搞左我成9個幾字...
其實都好o既~時候過得快d~咁就好d咁囉...
結果今日都係收3點o既....

本來就落去拎眼鏡架la~不過佢又未得喎...
叫我5點落過去~之後我就走左落舖頭坐la~叫左野食之後我就行左去買書~
買左本naruto同hunter~食完野~之後睇埋本hunter都已經5點5到了...
之後去拎~試完之後都走得了~呵呵~唔洗做獨眼龍了~(平日都係戴一邊con...)
去左火車站果頭搭71a返屋企~

去到屋企樓下就去左百佳買左d野~之後就返屋企la~
唔知點解呢...家姐成日都響屋企o既...
玩左陣ro之後都冇咩癮玩...開左個其他野玩~呵呵~挑左咁多次終於都成功了~真好呢~
今晚阿媽返黎煮飯~嘿嘿~正呀~

>>May 13, 2005 at 1:37:36 PM GMT+8

2005 年 5 月 11 日 星期三 【晴】

已經早左出門口架la~但係都係望住架車走...
超無奈呢...返到公司~好彩都冇遲到ja~
唉....比人話我似20幾歲喎...我似咩~?(成熟男人?!)
今日同樣都係好弱~不過對我黎講都係好的~但係就比阿君姐叫我地收兩點半....
換好衫就快快走好了~
走o既時候就同阿姐行la~之後我地就傾偈喎~講下佢d女呀咁~
原來佢個大女都已經結左婚架lu喎~真好呢~睇佢個樣都冇40歲~但係已經做左人外母~
而且仲有個細女~17歲~重讀中五~
我竟然冇把握時機叫佢介紹我識添XD

今日又有鬼故聽了~嗚...又係超恐怖的.....嚇死我了.........

>>May 13, 2005 at 12:36:01 AM GMT+8

2005 年 5 月 10 日 星期二 【晴】

唉....好灰架喎~又遲到喎...眼白白咁望住架車走左去...搞到我....
今日阿俊放假~幸好只得80幾圍~如果唔係得我地兩個就...洩la...
放左工~阿德就叫我食野~本身都唔想去架la~但係...人地叫到唔去就好似有d...
而且佢仲請我食~呵呵~不過只係叫左個魚柳包~同一個奶"釋"~
之後食完就等佢la~佢話佢唔夠𤍣~好似有d呆...
唉....又灰la~個假比阿俊放埋...本來有個好完美o既計劃...但係...完了...................

>>May 11, 2005 at 2:17:55 PM GMT+8

2005 年 5 月 9 日 星期一 【雨】

今日遲左小小出門口~但係行到去巴士站都係差唔多平日等車果個時間~
點知...架車遲左黎喎....結果搞到我遲到....嗚....洩呀...
公司d生意開始有好轉了~今日都好似有80圍~
本身唔係收3點o既~不過我就約左阿媽去佩眼鏡~而且....唉...
所以就3點鐘收工了~

本來話去到吐路港打比佢o既~但係一𤍣就𤍣到去廣福果度~
只好行一行落舖頭la~
落到去等左佢一陣就出發了~嗯...測完之後~近視又深了....
f.5時百幾度~戴con時2百幾~現在3百度...但係我用f.5時那個眼鏡...
今日公司有不少可愛的妹妹都睇唔到呢...真悲哀....

響舖頭等左個野食之後就返屋企la~

>>May 11, 2005 at 12:30:33 AM GMT+8

2005 年 5 月 8 日 星期日 【雨】

今朝8點到就起左身la~一路食早餐一路玩ro~一小時內81升到90...這樣就是私服的威力了....
遲左小小出門口~結果又要趕過去搭車~不過去到都要等~
返到公司~當然都係遲la~食完飯就開工la~今日同樣靜靜靜~得40幾圍咋...
不過聽佢地講~我冇返果兩日竟然出現21圍~9圍的驚人數目...所以話呢...星期日個假是多餘的...

兩點半收皮...本來打算去麥記買雞雞包~買一送一喎~
咁我其實就無聊同阿德講左句~出面落雨~去唔去買好呢~
之後佢就意謂我叫佢一齊去...咁我都醒出話唔得閒走~
到底係蠢左還是咩呢~?我收兩點半~但係架車我等到成3點9先黎...
小喇叭...塞車喎....我見到有人不耐煩~但係...最不耐煩的應該係我囉~
我排第一......第一個等就係我...隻腳唔知搞咩好似好玪咁....真討厭呢...

或者lee個幾鐘係為我帶來好運~咁我個靚位比人霸左~只好坐第二度~
嘿嘿~因為等左成個鐘都冇車~d人都放學la~咁就儲左好多人~
咁o岩就有個學生妹坐左埋黎喎~都叫做ok得架~
本身就好眼𤍣的~鍾下鍾下咁~睇風景睇到去鑽石山果頭就𤍣左一陣~出到去隧道我都差唔多醒la~
我發覺...有人挨住我....又係lee d時候la~我到底應該點做呢~?
我郁都唔好意謂~唔郁又好似.....當然....從以前開始我都係扮演d咁o既角色~
肥嘟嘟~"林滋滋"~個人就定喎~好多人𤍣左落黎~都唔覺~(當然有特登架la~)
不過...感覺都唔錯....我都有好一年冇挨住同人𤍣了~

今晚~竟然𤍣唔著~本身想出去開腦玩的~不過家姐又未𤍣...
好耐冇聽過絕情谷了...

>>May 10, 2005 at 12:40:33 AM GMT+8

2005 年 5 月 7 日 星期六 【雨】

今朝都成9點幾起身~正~竟然可以𤍣到lee個時間呀~
不過今日o既休息係多餘o既~玪就唔會好玪o既ja~對住佢地幾個死仔~
反而會仲精神添~不過...既然公司lee排又冇生意的話~我都冇得怨la~
唔知佢地有冇掛住我呢~?我真係好想見到佢地添...

出到廳就開腦玩la~其實我玩online game同玩單機game都其實差唔多~
如果我真係鍾意玩的話係一個只係會練功o既人~
到目前為止已經開左8個人la~而且仲幾個都有90++
今日轉左一個....我用一個極度浪費~但係又快捷o既方法去升lv~4小時內已經80級....

今日睇左兩出戲~兩出都幾好~
一出就係失驚無神~家姐下午出街借返來的~
雖然佢覺得lee出野又亂又唔知講咩又無謂咁~
但係在於我眼中~都算幾不錯~或者我對戲劇o既要求係比較低la~
所以我每次睇戲都係比一般人抵的~

咁第二出就係尼蒙利斯連環不幸事件~lee套係我家姐琴買的~
琴日返屋企時佢就話好睇~當然其實好多人都話lee出野係一般的...
相信係佢地係因為與想像有出入而失望~所以覺得唔好睇而已~
咁我o既角度黎講都係好好睇的~笑的話就...一般囉~
但係入面o既女主角阿紫的確係幾靚的~家姐琴晚同我講話佢靚~咁我未睇又點知呢...
可能係服裝o既問題la...又係o既~的確...我都係覺得女仔著洋裝係最靚o既服裝之一~
e+d人著到賣肉咁...睇到都討厭啦...所以話呢~我最鍾意都係秋天同冬天囉~
至少...d人都著得密實d....那種感覺才是最美的~

>>May 8, 2005 at 2:47:11 PM GMT+8

2005 年 5 月 6 日 星期五 【晴】

又發癲了...7點幾~唔知點解醒左喎~好似係因為個收音機唔知搞乜~
響度沙沙聲咁嘈~之後就醒左la...
醒左都冇𤍣唔返~只好就出去開腦la~
用左都不少時間走完成左個日記之後~
就開始玩ro了~玩到12點就睇電視la~嘿嘿嘿~今日lee集真係笑爆...

因為玩緊ro的關係~結果就遲左出門口la...
但係我點9返到去佢地都好似剛剛到....換完衫之後就上堂la~
今日都幾好喎~有得打free fight~當然打得一場la只係~
同阿家樂打~可能真係太耐冇打la...唔係好識點打...d連技都冇晒了...
而且叫比佢上左兩下頭....(當然點睇都係我win la~不過就win得不太光彩~)
之後4點幾就走la~

因為要去同阿婆食飯~所以就走左返屋企沖多次涼la~
好日都唔見個icq有人叫下我~一唔得閒就有人會搵我架la...
而且仲要好日都唔上一次~但係我又要走la....唉...只好等下次先傾過囉~
落到舖頭la~之後就走左去禁錢交電話貴la~二百幾蚊呢...禁左5百蚊出黎咁就唔見左咁多了...
完成左要做的事就落去舖頭幫手收舖la~
可能真係太耐冇落黎了~所以都唔係咁識點收了....

收好就出發了~去到酒樓之後都好似冇咩點食過d痃咁...
不過個甜品就超正了~又係果個椰皇~但係看來會好肥的...
食完送埋阿婆走之後我地就成班去左買衫la~
機會上就係我買o既~不過買買下肥昌又打黎...唔知佢想點呀~
不過我估佢想叫我去打機掛~但係我家下隻腳又重傷中~而且都幾玪下...
點知問問下佢原來佢響度燒野食喎~而且有靚女....唉...朋友喎....食屎啦~!!
結果係咩都好似冇講過咁就收線la...佢打黎做咩呢...?

本來佢地打算去姨媽屋企o既~不過家姐就話有野搞就走先~叫埋我走~
原來要送比阿媽o既禮物就想改改~之後就出發去大中了~
換左個野之後就去左買糖水~買完之後就快快返屋企了~
好辛苦呢...隻con好似唔知出左咩問題...搞到隻眼勁唔舒服....唉...搞乜呀...

>>May 7, 2005 at 4:34:36 PM GMT+8

2005 年 5 月 5 日 星期四 【晴】

差d起唔到身...𤍣到8點4先醒到~好彩ja....
阿俊琴日冇打黎~看來今日都係要返架la...吃完早餐換好衫就出發la~
琴日買左d包~仲未食晒又打算拎出車食la~拎多鑵可樂~
咁上到車食~食完返到公司~都唔去食飯了~比多一兩個字時間我休息下好了~
阿德就冇返~peter就整親喎~真係白痴囉佢...都唔知死返黎做咩....
好彩~今日公司都係提不起勁的(我都係)~死下死下咁~
今日得45圍咋~所以我點死都係死到比佢的~本來打算收兩點o既~不過慢慢搞又收到兩點半喎~

小喇叭~真的不爽呢~佢班pk明知我星期6要返學~但係又唔比我放喎~
搞乜春呀~個咩何姑娘又死左上大陸~好彩我走之前叫阿俊幫我問多次~唔係都冇得放呀~

晚上~阿媽本來話叫家姐拎野返黎比我食~但係...佢10點幾返到黎竟然係冇野食的....要自己出錢買....
阿婆打黎~同佢傾左差唔多有成個鐘.......

>>May 7, 2005 at 12:03:17 AM GMT+8

2005 年 5 月 4 日 星期三 【晴】

琴晚~卓豪打黎搵我打機~我見咁耐都冇陪佢地去~所以都應承左la~
好遲先出發~去到都夜lu~
一去到見到肥昌同豪卓1 on 1~不過卓豪就輸左囉....聽佢地講~o岩o岩先輸比甘地黎...真樣衰呢....
我開左位~佢地都急不及待要開始了...
今晚對戰係打左4鋪~基本上我都係是是但但囉...4次都係用隨機簡~
頭3次都win左~第4鋪就輸左la~其實輸就唔係問題o既~不過(唔記得)肥昌講咩~
佢講完真係有火~鬧左幾句之後...都係算la...打機ja....
(近年來eq都好低下...真係喜怒仍於色....)

好早就一齊走la~我就返屋企𤍣左陣就要返工了~
響架車度都𤍣左陣~返到公司都唔食飯了~是是但但搵個冇咁熱o既位就扮死屍了~
好邪惡呢...次次都係咁架喎....一有位比我咁舒服又冇理去𤍣的話就好難𤍣到架la~
可能太玪la~𤍣唔𤍣到我就唔清楚~不過等佢去𤍣o既時候就好清楚咁聽到d心跳聽~
而且d心跳勁到佢跳一下~個人就跟住佢震左一震...搞到好難𤍣得到....
不過其實我就真係唔舒服o既~加上又唔多夠𤍣~死就一定架la~阿華哥見到我又問~做咩今日咁死呀~
我都唔理佢算了...
一點到~阿俊問我今日點解咁~之後我咪話佢知我唔舒服囉...結果就一點走la....

回程路上~都係去到鑽石山先𤍣~咁返到屋企果頭就要買午餐了~
去買飯啦~結果佢搞左勁耐先比到我...好似唔記得整...
之後入左百佳買左個野飲~然後都返屋企了~
返到屋企~吃午飯時就開野睇la~不過斷斷續續的睇法~都唔會有咩特別感覺了...
而且睇緊lee個都算係以搞笑為主的...吃完飯都冇咩野做~咁就響屋企攤屍了...

晚上~肥昌話佢都要開日記啵~唔知佢想點la...又話唔比人咁....(要搵都唔難丫~)
架勢堂今晚係講鬼故的~上星期o既就係垃圾...今日果d就真係強悍了...
響張床度聽~聽聽下我都唔多敢四維望同亂郁了....(你知啦...你知啦........你知架..................)

>>May 6, 2005 at 1:01:33 AM GMT+8