2005 年 8 月 11 日 星期四 【寒冷】

琴晚真係好玪呢~聽架勢堂時已經睡意正濃....
聽完去沖埋涼入房睇多本書~剛剛好就可以𤍣了~真好呢~
早上就唔多願起身~最近幾日都係咁~8點起身但係就set個電話到8點半先再響~
本身就唔會好似遲架la~不過因為吃圖的關係搞到遲左~
搞到要搭踏10果班車....但係又見到阿誠喎~佢同我都係遲到呢~

不過返到公司打卡都係39 ja~(原來琴日有打卡喎...)
換衫時阿雄雖然話好玪~但係見到佢個樣真係...鬼打都冇咁精神~
我就剛好相反~我決定左都係講小d野為妙~
話晒....lee 度都好多果類人架la....加上琴日咁樣搞一搞~真係幾玪....
今日o既工作都叫順利~不過....到尾時阿雄暴走了.....
阿誠比人噴到一面屁~lee d時候就特別顯得我無能....
的確~平日講下廢話講下笑都還可以~但係...見到佢咁激都唔知點lu...
阿俊見到捉左佢去訓話一番之後佢都下左道氣了~

放左工之後我地又去買包~又買左幾十蚊了...出街花錢真係花得很兇....
返去時就聽苦榮36計~剛剛好到大埔就聽完~阿誠都落車了~
落車時都已經25分了~又用極高o既速度行返屋企了~
返到屋企剛剛好有得睇di gi charat~真好呢~
睇完就等電話la~其實...行程都幾好的....
我都唔想講~但係真係仆街黎囉~猩猩果邊我覺得真係冇野囉~
佢聽日要返工~雞蛋又唔想去~冇計la~
但係銅鑼灣果邊果班仆街真係好仆街的~小喇叭丫....唔開心呀~!!

今日問阿俊請唔請人~但係...佢話做一頭半個月就唔好喎....
講真丫~我大概都係幫到佢9月就算架la~
8月廿幾開始佢地都要補課~阿雄又係做到咁上下都返唔到~
到時真係唔知點死了...

>>August 12, 2005 at 2:00:46 PM GMT+8

2005 年 8 月 10 日 星期三 【晴】

琴晚𤍣唔著~家姐同佢同阿媽都返左黎....搞到阿媽要過來我房𤍣....
早上就係因為咁冇得用阿媽房換衫~真麻煩....
又遲左出門口了~本來想去買野飲的~結果都冇得去了....
去到巴士站等左陣就有車~上到車見到阿榮~去到廣福仲見到阿誠添~

返到公司...(死la...諗諗下現在好似冇打卡添...)
已經有幾個死左~我地就冇理就食飯了~

估唔到....今日真係唔知咩日子了....
佢地個個都有d問題呢~阿庄一開始唔知搞咩響度𤍣~之後我就串佢囉....
結果搞到不歡而散的....佢發晒大火的....
阿充~唔知佢搞咩~可能返早la~阿雄打左佢一拳之後就發火了~
然後因為有野頂一頂住~我見到阿充個樣係想殺人的~係咁車落阿雄度....
阿雄~中段時唔知點解發脾氣~之後搞到成地都係野....
佢上返黎時因為我搞左d野...差d想殺左我...好在佢都平復到ja....
阿誠又係做到中段無lala響度發呆~呆呆的~都唔知佢地做咩....
今日正常(?)o既都係得我同阿榮~因為我地差唔多全程都係勁笑的~

收兩點半~最後阿雄就留左響度~阿庄因為仲嬲緊所以自己走先....
(講真丫...如果係我作的話你都唔洗咁嬲la~你咁在意...好似有d野咁喎...)
收左之後我地就去左買包~上車時就食la~
搭搭下~我地傾左幾句都冇傾了~本身其實我好想𤍣的~但係又𤍣唔到啵~
不過又係怪怪的~好似𤍣左其實又清醒....怪....

返到屋企佢兩個又響度了~佢地走時已經開始緊di gi charat了~
又比我家姐話了...討厭呢....
睇完都冇咩野做~6點到就去換衫~換好都出發了~
天氣好似冇咁熱~落到去等車都冇汗~上左車都係得小小ja~真好呢~
一返到學生得3個人....過多冇耐先多返小小人....
蔡蔡好強呢~7分~阿水得兩分....聽聞問題少年都有兩3分呢...
不過聽晴朗同肥董講~現在會考程度已經下降了不少~10a都有15個~
13分升到25分o既都有個~咁....其實都已經唔關我事了....

上堂了~開頭做d野係唔玪的~不過如果做得好的話都要很費勁的....
因為我肥左好多的關係所以努力的去做~
後來做d定腳...唉....死得人...我條腿一定係最重的....所以都....弱氣呢....
放學前周兄著晒甲果d~之後我地就出去攻了~
果然肥左冇晒果種速度了~攻勢通常係得一下就完了...而且打左都好似冇兩分鐘已經想死了~
大家都變弱了~一起努力吧~!!

我地又去左大家樂吃晚飯了~今晚又係食果樣...想死的....
食完飯都勁傾呢~傾左好耐先走~
同佢地傾返我今日果d野都笑死人呢~呵呵~
返到屋企差唔多10點7了~9點放學~返到屋企10點7...
好正呢~架勢堂要出絕招了~就你知道唔知道~傳說中最有趣的節目之一~
個大夫終於都死於此招手上~但係....可恨的是...佢成功了...
不過我聽落都笑死~真係好搞笑的XD

>>August 11, 2005 at 3:16:10 PM GMT+8

2005 年 8 月 9 日 星期二 【雨】

痴線...7點半就起左身la....而且琴晚大概兩點幾到又起左身一次~
因為我聽到森美果d做節目呢~
係喎~今日會考放榜呢~當日我到底有冇緊張到呢~?我都已經唔記得了~
但係現在聽下聽下都感受到佢地果種感覺呢~
8點等家姐走左先出廳~吃完圖打左陣機都差不多係時候換衫了~

出門前~我真係激到爆炸囉~我唔知咩事la~
開頭打算拎遮的~但係唔見就算la~一出門口見到落大雨....
只好去搵la~搵左我成個幾字都唔見....我諗都係佢la....fuck...!!
我只好拎把爛遮出發了...落到去又大風喎...搞到我都唔知幾尷尬呀...激死我了~
去到路口見到架巴士剛剛走左....一切都係因佢而起....可惡....吼吼吼...!!

因為我用極急的腳步行的~而且剛剛架車走左...等左都不小時間先有車...
雖然今天下雨~天氣都冇咁熱...就係因為咁~我d汗"爸爸聲"咁留就比平日仲顯眼了....討厭....
巴士到了~上到去一眼就見到阿庄同阿榮~見到阿榮看來佢都知道我返左去小六做呢...
落車已經成39分了~我同阿庄兩個都用最快速度行返去~阿榮跟跟下都放棄了~
返到去打卡時都41分了~琴日40...今日41...明天係時候早d了~

今日工作時都幾順的~冇左某某~真開心呢~
不過聽佢地講話阿盈得3分~睇佢個樣都又似呢~成個讀書樣...真係估佢唔到了....
阿誠生病了~早走呢~小左個人一起玩呢~
同阿全開始賭雪條...不過...看來要諗諗有咩盤開了~
兩點半就要收了~今日都開得好小鐘咋....

返到屋企後~吃完野之後都有得睇di gi charat了~
睇完~本身真係好驚的...不想打去...但係都唔打唔得了...
打到去有個女仔聽~好彩...我終於都講出我想講o既野了~真好呢~目前能夠做的只有等待....
完事之後真係鬆一口氣...我始終對一個唔識的人都冇咩辦法...好驚呢....
見到咁樣~心情有d激盪呢~無lala開左個top睇了~
喔喔喔~個top真係幾正的說~當然覺得佢當不上最愛la~但係d動作方面真係幾正的~
只係....真係好似人地講的一樣~太短了~好多野都冇交代到...
而且咁耐到現在都只有第一話~佢搞什麼呢~?

晚上阿媽返左黎買飯比我~之後佢就約左人去打麻雀了~
返到公司聽到又係麻雀...度度都係麻雀...太可怕了....有時d人同我講我真係完全唔明的...
不過阿媽果d都話~唔識好過識~lee方我就冇咩意見la....因為我都唔會打的~冇所謂呢~
卓豪四出找肥昌的電話~到底佢想點呢~?
猩猩今日好似得閒呢~icq上線~仲叫我~同佢傾左陣都冇咩話題了....這放面我都太弱了...

今晚聽架勢堂~10個嘉賓主題是網上情緣~
聽到真係有d火滾~估唔到現在d女真係...實在係cheap的~
雖然自己係一個失敗者~同時亦都係一個成功的人~真矛盾....
聽完今晚~的確係有成功的~但係都不會過份的去嚐試~
過往都有靚女~真係想講句~"算把la你~"
好想好想~但係...都係果句....算把la你~!!

>>August 10, 2005 at 4:02:59 PM GMT+8

2005 年 8 月 8 日 星期一 【雨】

放假都8點半就起左身...真係犯賤....
出到廳之後見冇咩野做就開左隻亂黎玩la~
本來打算睇イリヤの空、ＵＦＯの夏的~但係屋企有人...放假都唔比我靜靜咁過一日o既....
玩到12點幾都悶了~佢兩個搞到成點幾先肯走....點討厭....

佢地走我都開イリヤの空、ＵＦＯの夏黎睇了~
這個真係超超超正的~絕對係做到我最喜愛的其中之一~
有人話佢似最終兵器彼女的~um....某程度上都真係有d似的~
雖然話兩個係唔同性質o既野~但係要比的話我鍾意イリヤの空、ＵＦＯの夏多d啵~
很邪惡的~佢很感人又很慘加上有爆笑的~睇到我都....
會有複雜的感覺呢...不過看的時候十分緊張~
睇到尾阿媽走左返黎~搞到我停左一停咁....
好就好在佢幫我去買野食~買完佢就返黎煮埋d晚餐就走了~

而我就睇埋個di gi charat~lee個時候....覺得佢極正的~而且6話就不算多丫~
所決定睇多次~第一次同第二次睇真係好唔同~
同睇某d漫時一樣~有d事件佢就後來先會講的~但係又有小小片段啵~搞到人地睇返都唔已經忘了開頭講過~
但係睇第二次時~我都知道佢講邊度時~都有~哦~原來係咁的感覺~而且緊張o既感覺都冇咁強烈了~
好多人都話過我冷血的~有時自己都係咁認為~
但係...有時有d野冇得宣洩出來有多慘呢...因為佢真的很強悍....嗚....

晚上終於都打左去~又被敷衍了...算了...唔問佢了~聽日直接d打去果度好了~
真係想勁爆粗鬧鬼佢....

好想出旺角睇下有冇得sell イリヤの空、ＵＦＯの夏的小說呢~
但係都有很多很吸引的小說....買太多會看不完呢....
都唔知幾時有機會出去了....討厭呢....

>>August 10, 2005 at 12:11:29 AM GMT+8

2005 年 8 月 7 日 星期日 【晴】

很累啦啦啦....雖然準時起身但係都set多半小時去𤍣呢~
玩左陣電腦都差唔多係時候去換衫~
本身打算早d返公司的~但係...去到巴士站竟然等左3個幾字架車先到....
而且頭先用快步行過去...搞到勁標汗....

返到公司竟然40分了...討厭呢...阿榮聽日先返~唉...人手不足呢~
今日都有百幾~做到我地死~
粉搞笑的~差唔多完場o既時間~我剛剛做完手頭上o既野~
見佢地圍埋一齊唔知做咩啵~行過去睇下囉~
睇左陣原來佢地話賭打比阿盈喎~開頭佢地話賭3條雪條的~
lee d咁有趣o既事情我真係十分有興趣la~講真~理得你一條兩條三條雪條丫~
無無聊聊都想搵d野刺激下囉~

我拎左阿誠電話就打了~開頭打錯電話呢....看來是阿誠的朋友呢....
之後同阿誠再搞搞之後就真係打去la~
打去真係唔知講咩好架啵~我就問佢地想知d咩我問囉~
看來阿全最想知佢有冇男朋友呢~佢就係咁問~
呵呵~佢話冇啵~之後我就問我想知o既野la~"有冇拍過拖呀~"
哎唷....唔記得左點答添...好似話冇啵~
廚房收得唔係咁好~問左上面d野之後閒談多幾句就完了~

就係咁樣我就有雪條食了~事情完結了之後~
阿全看起來好似忐忑不安咁~看來佢真係想咩阿盈呢~
不過...e+d咁o既女仔真係好小有架la~有機會都去試下先XD

今日收3點半~嘉然阿媽返左黎~聽阿雄講佢有事去左醫病~
雖然見佢都不太精神~但係問候佢時佢都話冇咩事了~係就好la~大家都有d膽心呢~

返到屋企~阿媽仲響度~之後仲吃左好多野添....
聽日放假~嘿嘿~本來打算今日睇果個ufo的~不過可以聽日睇了~
結果就玩亂~玩到8點幾都唔玩了~睇電視好過呢~

聽日都係時候問問果件事了....真係好想爆佢~!!

>>August 8, 2005 at 2:42:25 PM GMT+8

2005 年 8 月 6 日 星期六 【清涼】

琴日都冇做過d咩....但係就超玪囉...8點起左身都碌到8點半到先出廳...
因為冇得用果間房所以都早左去換衫出門口了~
本身打算去買包食的~但係見到個鐘如果去左就趕唔到車了~
唉...又要追巴士呢~上到車見到阿庄~傾左兩句都響度發呆了~

返到公司~比平日早左返去~換好衫都仲要等多陣先食飯~
阿雄放假呢~好悶啊....
今日都差兩3圍就上2百了~但係就唔代表d咩~
冇左阿雄真係覺得勁悶囉...冇見佢兩日已經好掛住佢了....
不過聽日阿榮返lu~

本身就要洗盤~但係就冇人想去洗~阿俊就比兩條路我地行~
一就去洗盤~二就係回收老鼠膠~我地老虎都簡老鼠膠la~
收穫都唔錯~而且仲勁臭添...看來d老鼠都死左好耐了...

收左工之後我地就搭車返屋企了~
坐車時我係就係想𤍣~但係又好似𤍣唔到咁~個人軟軟的好似𤍣左咁但係我又醒架啵...都唔知咩事...
去到吐路港都已經連咁樣都唔得了~
天氣好熱~夏天真討厭....

返到屋企~佢地就走la~真好呢~一個人真自由~
今日終於都爆左個決戰了~真係超好玩的~有打算玩多次~
晚上果餐都幾豐富下~吃完壽司有一塊的牛排食~或者係我家姐冇整到個汁la...
排是不錯的~但係就.....
吃過晚餐後~覺得粉無聊~開左個亂來玩~一玩就玩到12點幾...
超眼𤍣的~頭暈暈呢...

>>August 7, 2005 at 4:32:30 PM GMT+8

2005 年 8 月 5 日 星期五 【清涼】

9點幾就起左身~仲係好玪呢~咁早起左身都冇咩野好做~
所以就上網睇漫了~差唔多本本都好緊張了~十分期待呢~
睇完加旋之後吃埋圖~攤左響個廳度突然好唔想郁....攤到成點3先行動~
已經遲左好多la~換埋衫果d時候已經唔早~差唔多成點9先出門~

天氣好熱呢~又係33度....上到巴士氣溫仲要高添...我要死了....
師姐今日返左黎~不過我返到去都唔係咁想郁~
睇左陣就幫下佢地極度敷衍地鍮左陣把就算了~

4點就放學~我地又去左食野~今日都好似冇咩話題了~加上我都幾玪....冇咩精神~
食完野佢地就去阿基屋企我就同卓卓返屋企算了~
卓卓最近都比我教壞左了~佢現在都學我儲漫畫呢~
返到屋企之後佢兩個都響度~唉....
今晚睇左套戲~都係一般般的.....

>>August 6, 2005 at 3:48:39 PM GMT+8

2005 年 8 月 4 日 星期四 【清涼】

7點幾就起左身la...因為個收音機收得唔清...搞到好嘈~加上我聽到我家姐佢響度偷我d糖....好嘈好嘈....
佢走左冇耐我都出廳了~本來打算去開機打的~但係玩得咁小時間就冇癮la..
又遲左出門口了~上到巴士時候都不早了....
落左車都要用急步行~返到去好彩都只係38分ja~
換好衫之後都冇食飯~只係飲左碗湯~食完飯之後阿誠就話聽日佢地去唱k~
可惡...聽日放假返學呢....咁問阿誠星期日~但係又話佢地唔得閒....
好彩~阿誠問今日~又得喎~但係要睇下出左糧未囉~

今日真係忙到死~我阿雄都濕透了....唉...剛剛冇食飯...搞到超餓~
有一團人成3點先黎~咁阿誠同阿雄返早所以收先~我同阿庄就收3點半~
不過我地去唱k所以就要等埋阿俊~4點鐘佢終於都走得了~之後去拎錢果d~
本身打算行去的~但係行行下阿俊話都係唔好~然後打的去了~
去到佢地仲未得咁我地3個就唱住先la~過左冇耐阿盈同阿雲加多個阿姐黎左~

開頭比較弱~但係去到中間~點左我最愛的霆鋒o既活著viva唱完之後都入到狀態了~
雖則就唔係話好得~但係就比之前o既好得多囉~
而阿誠就完成晒佢d千嬅~阿俊唱得幾好架啵~而阿盈就...唔知呢~阿雲都冇咩點唱~
我其實就冇咩點同過阿盈講野o既~不過自今天之後大概都會拉近到個距離了~
我一投入左就會癲癲地了~自從再次返左六福記~成日都響度搞笑...我酷酷我形象沒了....
搞笑都唔係話唔好o既~今次同阿誠拍住搞~佢地3個都笑得好開心~可以帶給別人歡笑都可算有意義了~

7點半就走la~阿盈就問我地去唔去食野~反正屋企都冇飯食~所以都冇所謂~
行左好耐先搵到間ok的~阿俊就冇食之後坐坐仲走埋添~
食完仲傾左陣先走~本來就各散東西的~但係兜兜下去到巴士站又見到佢地喎...
原來響隔離站咋喎....再同佢地傾多陣就有車了~

返到屋企收到讀書果d咩貨款的信~p你個k丫....都唔知佢寫咩...
而且我都miss左次仲未開始讀...都唔知點搞...看來聽日要打去看看了....

(今日很累~但很開心~不過進行日記時都唔知自己想點...)

>>August 5, 2005 at 3:53:41 PM GMT+8

2005 年 8 月 3 日 星期三 【清涼】

好強~一聽到個電話響就起身la~不過真係好玪....碌左個幾字先起身~
出到廳吃早餐同吃圖~完成兩件事之後都係時候換衫了~
今日比平日仲熱~而且響路口度見到架巴士~又要趕車了...又見到阿誠la~
有時其實都唔知傾咩好~點講都好la~3個人傾偈先好傾o既~

返到公司食完飯都開始工作了~果個女仔冇返~冇得研究了....
但係就...嘿嘿~大滿足的說~
阿誠一大清早就同阿聰打交了....再過多一陣~阿聰同阿雄玩玩的煩我~
我發覺自己都有d特殊技能~就係....可以一瞬間發火~但係同時話收就收~好強....
兩個人過黎就完成左兩樣野~阿聰就比我鬧到一面屁la~之後一轉過頭對住阿雄就笑笑口的~
呵呵~阿雄都話我剛才鬧阿聰果下好真~某程度上係真....
佢見到我個樣係發火~把口仲係咁串佢~搞到佢下半場都死晒狗~真的有夠好笑~
(中國國髓變臉~最強人肉版XD)

雖然都只係百幾圍~但係我地都收3點~正~
收工之後就去搭車了~今日成33度呢...真係熱死人....
返到大埔之後我就去左剪髮了~唉...果個老闆唔響度....得返果個阿伯響度....
其實我想走架~不過....都唔係咁好意思la....點講都好...偷薄lee d咁簡單o既野都做唔好我就唔係幾信囉...
剪完之後都ok o既~但係我都覺得唔係好夠薄囉~
返到屋企之後睇到di gi charat個第二part~正~
頭髮短左薄左真係好~要整真係易得多~5點9去換衫果d~一陣就搞好了~
但係因為太早的關係~所以都係聽下歌等到咁上下先出~

果然強悍呀~上到巴士d汗....去到果頭買完水就返學了~
返到學校~過多冇耐都上堂了~咁又做體能la~
但係最討厭的就是鬥....咁我就唔同佢地鬥~我冇十足o既把握我都唔會做傻事的~
同阿水拍的話我地就慢慢玩~結果一齊罰XD
之後幾轉都係同黃德~因為佢傷左~win同輸都要做~所以都係罰~

完成左開頭 lee part之後~邪惡的事要發生了...
唔知周兄響邊度諗出d咁邪惡o既野....
一開始就左右腳x20 side kick~之後做左右腳x30的重腳turning....
之後再來w turningx30~再做果個很累人的定身...再來30掌上壓加多30下的踏步~
我平日懶懶閒咁...但係最近肥了~而且有時都想認真下~
我就同我拍得最多o既蔡蔡一齊努力了~我地完完整整地一件不漏咁做晒~
佢其實係做完一轉之後就cut左最後果個~之後再來再來咁~
個個都問題都不大~但係個turning就真係鮏命了...因為要重腳...而且一直做我地體力都...
做左差唔多要9個字先完成晒....
全場大概得阿誠同肥董一組冇認真做...阿水就話見到我今日咁認真所以都認真起來~
呵呵~我都有d影響力架~不過...比人o既感覺都係...偷雞多過食飯...

放左學之後我地又去左食飯了~食完飯就去左隔離ok買野飲~
我地買完野飲之後我地就企左響個門口度傾偈了....
如果男仔的話~(3人以上)我可以係咁講係咁講係咁講的~
我地成班就係響個ok門口吹左好幾個字~最後阿誠話走我地就散了~
返到屋企~今晚又鬼故~但係因為太嘈的關係搞到聽得唔清楚...唉...

(以前細個經常性唔講野~現在講返果10幾年o既野~細個時成日喊...搞到現在想喊都喊唔出....)

>>August 4, 2005 at 4:42:35 PM GMT+8

2005 年 8 月 2 日 星期二 【清涼】

琴晚打算睇埋d書先𤍣~睇到差唔多成兩點~本來意謂咁玪就可以好快入睡la~
不過都碌左好耐先𤍣得著....
8點鐘就教好左個鬧鐘起身la~賴左一陣床之後就出廳lu~
老早就吃圖了~吃完都差唔多時候去換衫了~
本來打算吃腸粉做早餐的~蒸好竟然跌左喎....嗚...

頭髮長左好多~搞到整完都有d唔滿意~
而且今日都幾熱下...加上驚遲所以都行得幾快~未上車已經搞到出晒汗了...
去到廣福~我遠處見到個身影好似阿誠的~原來係真架喎~
返到公司~都係遲左兩分鐘~
終於都見到果個女仔了~第一眼望落去比我o既感覺係...好家姐feel....

今日工作都幾順利~只是....開始覺得佢有d....討厭....
根據我o既觀察~佢同我地就差唔多高~(女仔之中都算幾高了~)
樣子係一般的叫做好~身材....冇留意~(聽日睇下先~)
一般黎講係ok的~但係...我唔係咁留意到同冇直接同佢講野~
但係笑係見過佢笑的~佢笑起上黎真係比較差...因為個口o既問題~唔知點咁~
因為唔係睇得咁清楚的~(聽日再留意下...)

阿雲佢話佢地出糧去唱卡~但係現在仲傷風中....睇下點囉....
工作雖然順利~但係....工作時有d不愉快的事情發生了....
返黎第二日就搞d麻煩野....第一日洗盤~第二日抹車...算~一百圍都唔到放3點~

放左工之後果條路真係曬到死...上左車之後同阿誠傾左好多野~
不過佢真係黑...比阿肥雄鬧左一大餐....
返到屋企~嘿嘿...正~有西餅食~正~
睇完di gi charat之後就玩決戰了~原來仲有排呢....(信長真係有型呢~)
果個ufo的終於都完了~原來得6話的~一早就勁想睇的~因為佢d畫風真係幾正~
搵日慢慢睇先~

>>August 3, 2005 at 2:13:13 PM GMT+8