2005 年 11 月 29 日 星期二 【晴】

已經係第二個星期冇放過假了...

12月頭lee個星期都比人霸晒...想死的...

第一次打麵打過龍...

好彩阿德返下午ja~早上冇人見到~我暗地裡消滅左佢之後用極速打多舊~好彩係直打的...

下午出糧了~下個月開始加五百蚊人工...加得太少了...(貪心XD)

>>December 2, 2005 at 4:08:43 PM GMT+8

2005 年 11 月 28 日 星期一 【晴】

要追到完成埋當日o既日記原來係咁難的...好玪呀...!!
琴晚已經完成左nanoha的第9了~嗚...超好看的...
不過某~如果同樣以疾風的幼年姿態去繼續個故事相信會好好多~
經過我多年o既經驗~通常都以變做成年人去演示力量的遞增~
我本人就覺得唔係咁好囉~始終睇住個得意o既會比較開心的...加上太過定律化了~

已經去到某一個境界了...早上頭果part係狂爆的~完全唔會浪費每分每秒~
手完成不能停~下半part的早上就開始唔知點~因為明顯地要開的餡都了解晒~
而用機仔o既餡又開唔到...打麵中又打唔到合桃so之類~
基本上都係等食飯~

食完飯返到去又開始工作了~真好呢~高高健出水豆...所以佢有一排都唔會返黎~
咁至少高健會比到一陣時間我用機仔丫~
又係4點幾搞掂~"卒"完撻殼本身走得的~不過阿洲叫左我上去做香蕉糕~
開始時都有d不願的~因為真係好玪...
但係諗諗下學左樣野都好~至少到目前為止我都只係會打麵而已...
速度時有的~餡已經完成控得好好~不過d麵就弱左d囉...
第一次做的香蕉榚阿洲都話不錯~
唉...本身父工時想去搭71a的~不過阿洲叫我一齊打的...
打的係方便同快d o既~可是我想搭71a比較多呢...

又要去大家樂買飯了...幾乎食左成個月了..好可怕呢...
晚上本身想玩瑪奇的~最後都係冇玩的...
呵呵~好彩之前dl左個睇圖的程式ja~十分好用呢~可能一次過轉晒d圖~
都唔知班人做咩要改左佢post的...
一來要整理佢~二來我都要完成埋個日記...唉...個腦好似實晒咁都諗唔到d咩了..

>>November 30, 2005 at 4:12:40 PM GMT+8

2005 年 11 月 27 日 星期日 【晴】

𤍣過頭呢...其實4點幾已經起左身~打算𤍣多陣等個電話再響先去換衫的~

返到去時候都唔早了~分左陣包阿星都返到~

佢返6點都正常o既~冇人做三文治...咁我打左d麵出黎都冇用la...

不過佢搞左都不少時間~而我早就去左打麵~所以今日o既進度是不錯的~

但係個高高健是十分麻煩的...如果同高健拍都還好...同佢拍就真係唔掂了....好一個賤人....

(28+29...明天繼續努力~)

>>November 29, 2005 at 3:01:17 PM GMT+8

2005 年 11 月 26 日 星期六 【晴】

今天是最可怕的星期日...而𤍣過頭了~又冇梳戴con就衝左去...
不過返到去都唔係遲左好多~工作如常~
其實佢心情極度欠佳的...通常比人拎出黎祭旗o既...95%都會係我...
冇人返黎起麵~搞到我都唔可以打~
因為有個咁o既原因所以都冇比人鬧....
遲左開始搞到遲左食飯呢~

下午~工作量話多唔多話少又唔少喎....
最煩都係菠皮~至少都要用我半個鐘...仲要爆先有咁o既速度....
而且高高健仲係學習打蛋糕中...
點講都好...比高健仲衰...真係一代不如一代...
打完第二轉撻皮~再搞埋d野就完事了~不過都好遲先收得工....

晚上~都係食大家樂...返到屋企勉強完成之前打唔到o既日記之後都響度"洽"眼𤍣...
最後10點就比左家姐...之後就響個廳𤍣左la...

>>November 28, 2005 at 3:16:12 PM GMT+8

2005 年 11 月 25 日 星期五 【晴】

早上打死左舊黑果麥~意想不到o既竟然係阿德冇鬧喎~
但係...自我食完飯之後佢就發癲了...
其實今日都唔係好多野搞~不過搞搞下都成6點幾先收...
走前仲要比人照肺...激死...

搭車時行街時~d人都會望下望下咁...成日都覺得自己總係有d問題的...
到底係因為成頭粉~?件衫有野~?定係點呢...
又冇飯食了~去大家樂果個姐姐都知我外賣了...
見冇野買都唔去百佳兜下了~直接返屋企~

晚上都𤍣左幾轉...唉..𤍣完仲玪...不過都勁夜先𤍣...

>>November 27, 2005 at 1:54:40 PM GMT+8

2005 年 11 月 24 日 星期四 【晴】

已經幾日了~唔多記得呢...

本身完成左的~個網又唔知搞咩搞到冇鬼左...唉...

現在記得都唔多~就算係冇咩特別~

響lee幾日爆速度~每日都唔到5點就完成再去幫手~今日"卒"完撻殼再去幫手"鍊"~

幫到咁上下阿德都叫我走了~

>>November 27, 2005 at 12:45:30 PM GMT+8

2005 年 11 月 23 日 星期三 【晴】

今朝~其實就好地地的...4:53就起身了~之後𤍣返la~仲有一陣又會響多次~
但係我竟然起唔到身喎...踏半銖在阿洲起左身打我~
只好用兩個字時間去換衫了~沖完個涼都差唔多了~只好出發la...
返丁去都夠時間執包~仲可以開餡同打麵~真好呢~
高高健入左黎打蛋糕~的確...好阻的...

早上已經完成了合桃do同撻皮~下午都唔會點忙了~
12點4去食飯~返到去食左個沙津就算了~
𤍣到4個多字就起左身了~唯有坐響度等時間過呢...
返到去就開始打麵了~等高高健去左食飯我找左架機仔用~一連氣打三樣野~
好順呢~之後仲開埋聽日o既雞尾~正~
打好麵搞掂埋入面d野就要出去買野了~唉...買完返黎原來仲有野買...最衰係洲洲呢...

本身可以好早的~係個海皇餡煩...搞左我幾個字時間...
4點9已經可以大大聲聲去講完成~不過都要出去幫手...
算la~其實我某程度上都有d想咁~如果我快d的話~意味著我已經可以控制到入面~
大概都會在不久的將來可以學出面d野了~
一幫就幫到6點幾~但係阿洲都仲未走得...真可憐呢...

返到去學校~周兄同黃德已經響度了~
我地傾左陣阿誠就返到了~換好衫就一齊上去拎野~
拎完又等多陣先開始~
開頭又係做體能~本身都唔係勁眼𤍣~不過後來都...
上到一半時阿誠都已經唔想郁~所以我就陪佢了~佢地打free fight 時~
阿為最近去學popping~之後我地就學佢果個動作...
佢整親所以都只係做到一個動作~嘿嘿~我都做到呢~不過平衡方面就差d了...
然後叫阿誠教我地jazz~可惜丫~佢太耐冇去都已經唔記得了...

放學之後我地都去果間度食~食完野傾左勁耐...
再去ok買野飲又傾多次...9點幾食~再傾到成11點幾..真係強..
又要好晚𤍣...我又死了..

>>November 25, 2005 at 10:39:07 AM GMT+8

2005 年 11 月 22 日 星期二 【晴】

開始唔洗點𤍣了..點幾先𤍣~4點11就起身了~
換衫~之後打比阿洲就出發了~
響下面等左佢都有個幾兩個字佢打黎話佢𤍣返...嗚...食左幾個字西北風呢...
遲左~要加速了...雖然我果d野完成~但係就要幫阿洲搞佢果d野...
最後都係做唔到d咩...

其實今日都係唔算多野~都係果句la~我已經將工作量平均地分好晒~
一日都唔會有過多o既餡要開~
早上已經ko左合桃so同撻皮~12點5食飯~
食完飯返黎就打埋個菠皮~完成晒lee d野都差唔多叫做搞掂晒了~
完成左之後o既時間我都係響度"遊魂"~準備好晒要搞o既野~之後打埋最後一舊麵~
拎到機仔就打~再清埋d野就出去話搞掂了~
不過出面唔夠人~所以我就要幫手"卒"撻殼了~本身好早的~不過都5點3就完成走得~

lee個時間到底搞咩呢~?平日收5點半走時明明好好風景架~
今日車內竟然係冇咩人的...討厭呢...
今晚都係冇飯食~所以就要買飯了~去左百佳買左兩個餅~做早餐吃藥用的~
之後就去左買飯~唉...日日都見到大家樂d人~我都唔係咁好意思了...
返到屋企就吃圖~dl左兩本好漫~正~

>>November 23, 2005 at 4:27:12 PM GMT+8

2005 年 11 月 21 日 星期一 【晴】

早上~遲左起身...要好快咁換衫~而且仲遲左打比阿洲添...所以一切都係遲左的~
返到去好快咁完成左執包的工作~之後要幫阿洲手所以都無暇去搞其他野了....
不過早上用盡我所有去開餡~幾乎開得o既都已經開晒~只係欠機仔果d同未買加撻皮~
其實計返都係差唔多~12點5先食飯...
返到去仲要食果個雞軟骨添...的確~唔會話好差的~因為好似食雞翼咁囉~(只係冇晒d肉...)
除左lee樣就冇野食了~食lee個野好浪費時間...加上搞到我口都玪埋...

下午打完舊麵都開始打左個撻皮先~之後再開機仔d野~
搞完果d都只係仲未開兩個餡加兩個用機仔的野~
但係...就係果兩樣用機仔開的...搞到我要5點半先收得工...
一來冇機仔用la~二來都唔知點解打咁耐的...
更何況個吞拿魚我係打唔起的...我只係鋪左d唔得o既響底~再放返d舊o既響面~
有d就袋起左等聽朝打~但係冇放落雪櫃...臭左比人發覺我就pk...

收工~落左舖頭拎糖~呵呵~正~
之後又搭71a返屋企~行過去已經成為左我每天唯一的運動同樂趣~
玪就唔玪架la~不過搭車時都勁洽眼𤍣ja...
又要食大家樂了~買完就去左百佳~買左兩盒美樂的雪條~
勁抵呀~買一送一~30蚊有找~
返到屋企先記得原來冇買餅乾做早餐...要吃過野先可以吃藥的...
晚上都係冇人~睇電視加玩瑪奇~獨行俠又要出動了~不過一個打算做法的去打巨石...
十分吃力的...打左我都有成個鐘...打加埋都唔夠3分鐘~死左行返去先係主要用晒d時間o既原因...
差少少都死~激到我死....又好夜先𤍣~今次真係要死...

佢地幾個大粒野去左玩~阿星同老吹比人捉左~阿德行左去就冇事~
lee幾個人真係...濫藥...睇你點死~

>>November 22, 2005 at 4:45:25 PM GMT+8

2005 年 11 月 20 日 星期日 【晴】

嗚...感動的說...
琴晚已經 dl 左新出的 nanoha A's~超好睇呢~
睇完更加想睇下一集呢...
但係自從睇左第一輯之後我都知自己會忍唔到等到佢出晒架la...
一星期待一集睇感覺上仲辛苦呢...

已經連續好多好多日都勁夜𤍣...加上工作時體力耗得咁大~
身體仲捱得住~感覺上好似打機咁~最大體力上限增加....
看來有得長休或唔做的話~一定好勁ja....
今日阿洲放假~所以要自己一個打的返去了...
琴晚真係超夜𤍣的...今朝起身時都超緩速的~換衫都係一樣...

其實同平日一樣時間返到去~不過阿洲放阿島返咁我返到去佢已經響度我就唔係咁好意思囉~
幸好佢都冇咩點咁~所以就開始工作了~
早上已經開始爆了~勁開餡勁開餡的~幾乎比較特別要去搞的都開晒~
而有d未知要唔要開o既都唔輪到我去搞~
唉...打咸包時唔記得落依士...好彩冇比人鬧ja...下午先打~

發覺時已經到西包了~打完舊較就立即出發去食飯了~
返到去~都係食福麵ja~不過食lee d會比較食得安心d囉~至少...冇咁多加工o既工序...
剛剛搞左d咁o既事情出黎~只好早d返去la~
ko左舊麵甜之後要出去幫手了...
等到阿星返黎~我就可以入去開始搞d麻煩d o既餡~再打埋咸包加甜麵較~
完成左之後我再一步挑戰~其實一早可以打好個菠皮的...但係個死人粉袋開唔到搞左我勁耐...
不過最後都完成左~同埋用左3個字ko左個撻皮~最煩的都經已完成了~
打埋麵開埋糖水~洗埋野已經搞掂晒了~

出到去話完成就比佢地叫左去幫手~去左"卒"撻殼~
都好o既~佢地話我太遲收工~我現在出埋去幫手都可以剛剛好5點半收工~總算不錯啦~
又一個人去搭71a~其實我真係好鍾意去搭的~
夏天就唔好講la...冷天的話涼涼地的話都真係幾舒服~加上收5點幾6點搭都仲有d風景睇下~

又要買飯了~買完返屋企~琴日吃淨左一半o既圖要吃返~太多了...
最近d圖水準好似高左~不過太多人都係畫差唔多o野...好似話月姬我就十分討厭...再好都冇用...
8點到𤍣著左~起身時就玩瑪奇了~都冇咩點玩過~只係響度過野ja~
睇到個星座o既網~lee個的確係比較好同準的~至少...佢都講中了我不少呢...

http://www.destinygarden.com/big5/48signs.htm#top

>>November 21, 2005 at 3:47:47 PM GMT+8