2005 年 8 月 21 日 星期日 【晴】

早上發生了邪惡的事~某程度上是....爽呢~
早左出門口~因為冇電腦玩...之後去左買好貴的早餐呢~
今日要開始睇新小說呢~涼宮春日的憂鬱~
只係睇到第一章的中段~開頭其實都幾有趣呢~不過佢d字比較密~或者多~
所以看起來都比較辛苦呢~

返到公司~同樣係唔想講野~繃著臉的換幓衫洗碗吃飯之類的~
阿榮遲到~咁吃完飯之後都唔係咁想郁同講野~
之後阿雄發現左我買左個新handsfree之後就講la~
最近我都係忍唔住發左火~不歡而散呢....
佢足足係停左半個鐘有多~不過我地玩玩下佢都走埋黎就冇事了~
本來都係百幾~冇咩野o既~但係個勢越來越強~
一爆就爆到二百幾呢~
好就好在我地做做下唔覺唔覺都已經3點半~幫埋d阿姐手都4點收工了~

阿盈好強呢...佢打算唔做所以都唔返了~不過好似話一聽到要扣7日糧就失敗了~呵~

收左工之後我同阿榮打算去食野~
之後我地就去左大中了~吃野時都冇咩野傾~兩個人始終係差d o既....
食完野傾左陣佢都走了~而我就自己去拎個腦~
唉...換個底板ja....5百5蚊~我真係...
一個人搬佢返屋企~真係辛苦呢~

返到屋企就立即開佢了~不過我真係搬到辛水辛汗呢~
真開心呢~有得玩~但係無lala冇得打字...又搵唔到啵~
響icq就叫阿樂打黎問下佢點~問佢都係多餘的~因為我自己搵到喎~
我地傾牙琳打算上星期6去唱k的事~失敗是理所當然的~
因為準備不夠充足~加上又唔搵佢地~而且大家都有大家o既生活~很忙呢~
我發覺其實我係最悠閒的一個~目前我都未算起步~但係又失下巨款....shit你丫真係~!!

晚上發左好大的脾氣....討厭呢...好激呀~!!

>>August 22, 2005 at 1:51:19 PM GMT+8

2005 年 8 月 20 日 星期六 【雨】

早上玩左陣電腦已經要出門口了~
上車時又睇書~已經睇到最後一章了~而且落車時都快完成~
好想快d睇埋個結局呢~
返到公司都係唔多出聲~想問o既野好難先搵到時機講呢~
阿誠冇朋友響太和麥記做~不過佢話黃德有~打算放工先搵佢了~
今日工作不順~因為太多人了....二百幾呀~
工作其間家姐打黎話電腦死了....fuck....

收工時阿庄自己一個走左去...好在我地有3個人呢...
傾傾下偈打比黃德~發生一段有趣的對話~
阿誠落車都冇野好傾了~冇時間睇埋個結局呢...
返到屋企~睇下有咩事la~結果毫無頭緒...

冇野做冇野玩咩都冇~只好睇好個結局了~
7點幾時大家都緊不住~結果出左去比人睇下發生咩事了....
看來都不算大單野~不過要佢留過夜....
去左買handsfree~有人會覺得我好傻~有88蚊果d唔買買個160蚊~
不過...我始終都堅守一分錢一分貨這個道理的~加上我都已經比人呃慣了...

晚上~又𤍣唔著了....𤍣到...不過4點幾又起左身~𤍣返起左𤍣返起左都不下數次了....

>>August 22, 2005 at 1:27:36 PM GMT+8

2005 年 8 月 19 日 星期五 【雨】

琴晚本來打算睇多章的~但係12點幾已經覺得眼𤍣了~
但係想𤍣時又𤍣唔到啵...都唔知想點咁....
9點幾就起左身la~打機睇電視上網~到到咁上下先記得件袍係未洗的~
搞到成兩點先出得門口~又遲到了~

返學校時都唔算好大雨~咁兩點半到就返到去la~
響門口度撞到何伯~不過同佢唔係咁熟都真係冇咩兩句~
返到去~今日其實都係玩多過操~
雖然我就冇咩點操但係為左練新技所以練時都比較落力~搞到好玪同成身都係汗...
諗係諗到點做但係就....體力不足所以用唔到了~加上本身o既滕空已經唔係好夠~
想飛已經飛不起了~
本來有第二招想試的~不過果招就真係要跳得好高先得...至少要高過心口....
而且我都驚仆....想試但係最後都係冇試了~

放左學la~換好衫原來譚德打過黎~佢打黎係問我有冇響太和做麥記的朋友....
我又點會有呢~基本上我都冇咩新朋友~阿雄果d已經叫做最新了~
佢問lee個問題的起因係因為~佢睇中左個女仔...唉....年輕人真是....
雖然我冇~但係阿誠可能會有朋友響果度做~所以我都打算聽日幫佢打聽下囉~
咁佢問我近況~之後佢話見到有我想做o既野有請人~老真講~
雖然唔係話等錢洗~不過真係要儲返萬幾蚊等果時要囉~真係不禁想大叫一聲仆街呢....

我地幾個去左大咩度o既本身~不過發覺果度d野真係冇咩o岩食~
結果都係去左新達果度食la~食完野傾左陣都走了~
唉...好大雨呢~大都唔係問題不過就勁大風囉~
可能剛剛比人頂一頂搞到心情都有d惡劣~雖然見到個很可口的~不過都怒啤佢~

今晚又係吃大家樂了~又係咖哩呢~真可怕....
之後睇左出好變態的戲~很邪惡的~不過粉好看呢~

>>August 20, 2005 at 2:01:28 PM GMT+8

2005 年 8 月 18 日 星期四 【雨】

今朝7點幾就起左身la~但係琴日消耗o既體力實在係好多~
所以𤍣到成8點10先起身la~本身開左電腦~
但係換完衫出黎又hang左機了...討厭呢....時候都唔早所以就出門口了~

去到巴士站等左陣就有車了~之後就開始睇書~
返到公司~今日好早呢~換埋衫仲要等先開飯~
因為好累~加上大脾果兩條根勁痛呢....所以我都冇咩點講野~
阿榮話下星期2去唱k~又有活動了~不過錢已經....唔係話冇~不過半個月已經用了不少....

邪惡的說~開頭都好地地~之後就勁爆~
臨完場時因為一條仆街搞到我超不爽~極有想打佢的衝動...唔好比我見到你....
收左工之後就返屋企了~去到巴士站先記得好似冇打卡....阿榮又係~
其實我都唔知有冇打~不過都係打去搵阿俊幫我地睇下好f囉~
回程路上都係咁睇~終於都響落車前又睇多一章了~呵呵~睇書o既速度又強左了~
而且~開頭都覺得佢一般~但係越睇越好睇呢~可能已經講緊佢d生活而且有d笑料呢~

返到屋企因為阿媽下午已經煮定左晚餐~加上琴日果個燒餅仲有幾個~
所以就係咁吃吃吃吃吃了~剛剛好返到屋企等多陣就有得睇di gi charat呢~真好呢~
睇完都要完成返琴日o既日記同吃返d圖~因為琴日都冇吃到所以都有好多要吃返呢....

>>August 19, 2005 at 1:22:46 PM GMT+8

2005 年 8 月 17 日 星期三 【雨】

今日都開始累了~返到公司都唔係咁想講野~
不過阿雄就好似好精神咁~雖然我頹頹的但係就暗串佢~
有時佢唔知但係大家都知道我串緊佢佢仲響度答真係勁搞笑的~
因為有一團人好遲先黎加上又要整老鼠膠~所以就收3點了~

放左工之後又去買包了~唉...又用左幾十蚊了....
上車時又睇書了~看來已經習慣左了~好似又睇得快左了~
返到屋企時候都唔早了~di gi charat都已經做左一半....
睇完搞左陣野都差唔多係時候去換衫了~

6點幾就出門口了~落雨~真係有好有唔好....好就好在冇咁熱囉~
不過搞到濕晒就真係好煩~
返到去學校得黃德同周兄ja~好遲呢佢地....
呵呵~下個星期3同5都有得出去出面操~據說會有好事發生呢~呵呵呵~

今日lee堂其實都幾好~操左一陣就練腳了~
練d比較高難度的~不過到咁上下我都覺得玪了~再已經做唔到了~
又早左放學了~
咁周"J打比阿水~咁佢就話黎搵我地~然後就一齊去左食野了~
傾左好多野~原來佢都係做地產的~好多人做地產呢....
晚上返到屋企~睇埋果小小o既灼眼之夏娜又睇多一章了~不過今日用左好多能量....很累呢...

好灰添....雖然我~企鵝~肥昌~肥狗~唔知邊個自稱4肥~周"J以前都不弱~不過佢減左好耐了...
但係此名號仲用得著o既都只係淨得我....佢地3個....
第一個完完全全成功係肥狗先~不過自從升左f.4都冇咩兩句了~而且佢對肥狗lee個名都很抗拒....
第二個係肥昌~肥狗好明顯係為溝女而減la~肥昌看來都係...
佢d}{聞多如泉涌....係o既~佢的確係幾靚仔~不過就邪惡左d....肥狗就差得遠了....
企鵝係f.5畢業後見過佢一次~佢又減了~
雖然我自己係有衝動去減~但係實際上又係冇果種咩去推動我去做....
加上我自己意志係極度薄弱的...看來...雖然擁有喵喵喵喵~都真係得物無所用了....

>>August 19, 2005 at 9:54:59 AM GMT+8

2005 年 8 月 16 日 星期二 【雨】

琴晚睇完一本九十九夜妖擊記~覺得超好睇的~所以睇多本先𤍣~搞到都幾夜先𤍣呢....

7點幾就自己起左身la~等到家姐走左先出廳~
入多兩隻歌咁比平日早左就去左換衫了~理所當然的是早左出門口la~
蠢左...唔知搞咩....早左出門口都行得勁快....
去到巴士站又見到勁多人喎~踏7等到踏10先有車....
後面果個阿嬸勁傻~佢話等左成個鐘喎...我都等唔夠半個鐘你等到成個鐘~?

上車就睇書la~咁架車去到隧道口就停左....
小喇叭....等車等得耐都不在話下~你e+仲要塞車~?仲塞左成4-5個字...
搞到我返到公司都已經遲大到了....
飯又冇得食....只好出o既時候偷吃la~開頭冇野做我同阿榮就坐左響度la~
阿全無lala走左出黎之後阿雄佢兩個就串佢又叫佢比雪條la~
之後阿全氣沖沖咁走左入去話請我同阿榮食~用黎激佢兩個~
呵呵~真好呢~

雖然今日都係做百幾~但係我勁唔舒服的~加上大家都有d死死下....邪惡的說....
收兩點半....之後我地又去買包la~
阿雄話去影印~佢話走先~之後又撞返佢3次...超傻呢...
返屋企時又睇灼眼之夏娜了~直到落車剛剛好睇完第一章呢~死la...都有幾隻字唔知點讀...
有個阿伯坐響我隔離~條pk響度洽眼𤍣...幾驚佢鐘落黎呀....

返到屋企~吃左d野之後睇埋di gi charat見冇咩野做~
都想搵d野睇睇~諗諗下~最近決定左睇雙戀2 la~
lee個雖然唔係唔好o既~不過佢搞到好激呢...搞到果幾個女仔變到超勁~
連最細果雙都超勁....槍呀~炮呀~動用自如~運動能力超強~
佢真係過份誇囉~不過都幾好睇~
本身想睇落去~但係睇左兩話覺得好玪之後一癱響度就𤍣左la~真的很累呢....

>>August 17, 2005 at 2:04:18 PM GMT+8

2005 年 8 月 15 日 星期一 【雨】

琴晚看亞視10點做果出野~嗚...我最愛的nichlas竟然配音喎....
激死我了....不過張偉建就冇~這套其實幾好睇的~唔係配音的話會更加好....

早上8點本身起唔到的~不過為左要入歌我都係起左身的~
可惜...唔記得del d歌搞到冇位入~結果入到一隻就冇了....
又遲左出門口了~唉....落雨唔係唔喜歡~不過太大了~
好白痴的~我見到個燈閃閃下就停la~之後我好笨咁就企得其實都唔係好出...
d車一過~喔....食到應一應...好彩冇中面ja~只係到心口而已~

又搭車見到阿誠呢~聽完晴朗之後就聽歌la~
但係剛剛新入果幾隻真係好勁....我驚嘈到佢添....
返到公司已經遲到了~不過遲左唔係好多ja~
阿庄今日返唔到又小左個人了....
今日唔知搞咩~大家都好似好死下咁~雖然今朝都有講有笑~但係去到中段都死晒了...

因為有一班阿公阿婆來~搞到今日收4點~正合我意呢~
呵呵~咁冇野做o既時候我地就入廚房吃特別為佢地整o既野la~
同埋去水吧飲奶茶~第1杯因為一齊沖的~的確好難飲呢...
第二杯~呵呵~剛剛好呢~不過如果係小甜會好d~(飲左兩杯...可能會𤍣唔著呢...)

收左工之後~阿榮一早已經話星期2去睇冬陰功的~
阿雄比我地叫多兩叫都只好一齊去啦~我地就搭小巴去了~
呵~以前同譚德因為貪快而行果條路~諗返起都幾傻的~
差唔多5點去到買完飛都仲有成9個字先睇得~o岩晒la~我正好要去買書呢~
去左果間上樓舖~買左3本小說~仲有第一二期的九十九妖擊記~想買好耐了~
買完都仲早~我就唔死心走左去信和3樓睇下有冇イリヤの空、ＵＦＯの夏~
真係冇呢....但係就買左本灼眼之夏娜同果兩本武器~
我睇完就到阿雄睇~睇完都差唔多係時候入場了~

嘿嘿嘿~激正呢佢d動作~睇完大家都好熱血la~
不過我就知自己都係得3分鐘....
兜左好大個圈~結果就行左好多路先去到搭車~雖然上到車都有傾~
但係話題都已經說完了....傾盡呢....
去到屋企樓下~買大家樂返屋企吃呢~返到屋企家姐好似好好心情呢~
我話想睇電視都冇比人鬧~真好呢~但係正在煩惱睇邊本書先好呢....

>>August 16, 2005 at 2:00:13 PM GMT+8

2005 年 8 月 14 日 星期日 【颱風】

一起身就起身la~因為琴日冇吃圖所以都要出去吃一吃先~
唉...個腦真係...又hang機了...討厭啦....
今日比平日出左出門口~所以就搭踏8果班車了~
上左車之後就休息左陣~過左隧道之後就見到落緊傾盆大雨了....
望出窗係白茫茫一片的~不過過多陣都冇咁勁了~幾驚佢落咁大雨搞到我有遮都冇用呀~

返到公司就換衫了~我都決定左唔出咁多聲了~
阿雄見到我都意謂我有咩事咁....阿誠返來了~見到我唔聲唔聲都冇同我講野了~
食完飯都開始工作了~阿雄唔知響邊度買左一包榴槤返黎~
我其實都ok鍾意的~佢就為左阿誠而買的~所以我地3個吃佢兩個都討厭的~
下午我都默默地工作~百幾圍今日~都叫做吃得消~
不過有d就好遲黎~算了~搵多d錢就要開多d鐘~今次做得好~我鍾意~

個廁所塞左~之後阿俊去左買d通渠水返黎~本來我有得玩的~
不過搞搞下比左阿誠~嘿嘿嘿~不過咁都好~因為阿充比佢"攻"出黎d氣整到....好似好痛呢....
放左工之後我地3個一齊走了~
落車時阿庄冇遮我地就用一把行la~看來佢都冇咁嬲了~
咁我去左買幾個包就返屋企了~返到屋企食左都幾多野......
晚上冇晚餐食...只好整個麵la~又係雞蛋麵~但係好好吃~不過好似好肥....

ALI PROJECT o既歌真係好正~不過感覺上係邪惡的....
或者佢o既魅力在於佢o既邪惡~嘿嘿~真的不錯呢~

很邪惡的....返去時見到達仔同牙琳兩個好溫馨咁行街.....
可能佢見到我都唔識得la~而且只係擦身而過果下見到~
我識人認人o既功力很強的~而且兩個都識左有一段很長o既時間~我一眼就認到佢la~
不過我都變左好多~到底...係咪呢~?我都真係唔知了....

>>August 15, 2005 at 2:13:20 PM GMT+8

2005 年 8 月 13 日 星期六 【清涼】

雖然琴日都唔係操得好勁~但係都好玪...又𤍣到8點半先起身~
起左身玩左陣電腦之後都要換衫了~
可能沖涼沖得太耐la~加上換得比較慢~搞到都遲左出門口~
搞到要用極急o既速度行~去到等左陣就有車la~不過都已經標晒汗了....
上到車見到阿榮~咁有班好嘈的小朋友~呵呵~真有活力呢~

落車時阿榮話佢地嘈到死~我倒冇咩感覺~嘈的確係幾嘈的~不過影響唔到我~
返到去佢地已經響晒度~真係遲到遲開有條路呢~日日遲呀~
食完飯之後就猜邊個做根叔個坐~唉...黑仔呢...輸左添...
其實都冇咩問題o既lee個位~玪就唔係好玪~
不過對住個爐就真係熱得要死....加上要勁行勁行勁行~行多好多路呢....
加上冇咩野傾呢~因為佢地成日響出面見到d女響度講~我響入面講咩ja...有d悶呢...

完場時阿俊比左錢阿雄去買氣水果d~
阿雄買左兩枝氣水同一個西瓜....我一向都不太喜歡西瓜的....但係見大家食都一齊了~
搞好晒d野又要去搬"膉F~完成左之後我就響大堂果邊坐~佢地就響餅果邊𤍣~
果班人搞左陣都要開工了~最後搞到4點先收得~
阿庄雖然就冇咩發脾氣~但係佢就自己走先...ja係仲嬲la~
為小人與女人~難養也~
佢不是小人~不過係女人...據說佢有幾日好似女人咁唔方便.....某程度上都.....算...

我地買完包之後都返屋企了~阿榮就去左剪髮~
返到屋企之後家姐就響度...唉...我就只好開機打了~打都唔夠一個鐘又要熄呢...
晚上屋企好多人~好耐都未試過了~不過我都係鍾意一個人多d....

今日同阿榮傾左傾之後~我都有d同感~目前我o既目標要向錢進發了~
咁果d冇就算la~樣衰就樣衰~冇就冇~羨慕就羨慕囉~最緊要都係有錢ja~努力搵錢啊~!!

晚上看一個故事~都唔可以叫做一個的~因為佢勁多....我睇左個開頭都冇睇了...
響日記個網度見到個有個題目幾有趣的~icq發生的戀愛故事之類的~
咁我睇左頭果一頁~(都唔小野...)但係佢都有成....好似有成百頁...都唔知點睇~
唔好話我話丫~果條仔根本就係靠個樣呃人~(冇相睇但佢就話好靚仔~)
你信只係你自己傻~你痛只怪你自己蠢~開心過係因為要你更加痛~明白嗎~?
有人話睇完喊~這個可能我在短期內都唔會明白~現在目標係錢~錢錢錢錢錢錢錢~

上網見到イリヤの空、ＵＦＯの夏小說版的消息~
看來已經賣晒了...一個星期後先有...但係我都唔知幾時先會出...嗚...好想睇呀~!!

>>August 14, 2005 at 2:24:48 PM GMT+8

2005 年 8 月 12 日 星期五 【雨】

很邪惡的....早上發左個好怪的夢....
個夢係無lala多左個to heart2的h cg 的file...可能琴日好辛苦地轉晒d jpg檔~入左腦....
之後就搞到我雖然好玪但係點都𤍣唔返la....
幾點就唔係咁清楚~大概就6點幾起左身~但係都唔多願起身~
8點....卓豪無lala打黎問我有冇甘地屋企電話....唔知佢地搞咩呢~?我就真係冇la....

8點幾~都夠了~反正都𤍣唔著都無謂響間房度la~
出到廳吃過早餐後都開始玩電腦了~玩左冇耐覺得都冇咩野好做~
之後就開左個我的主人睇~基本上同漫係極之近似~
不過睇完快快清左佢都好~難得有咁好興緻睇~
睇左兩話都冇睇了~之後就攤響度睇電視睇到做埋加旋先做其他野了~
問左阿水佢話今日都要返~1號風加黃雨....
蠢左~d衫都未搞....只好濕濕地帶走佢地la....下午吃左好多野~出現差d飽死的狀態....

成點9到先出門口~落到去剛剛好有車~因為落雨又大風所以都冇咁大汗~真好呢~
落左車行返去o既時候唔知搞咩勁大風....差d行唔到比佢吹返轉頭....
返到去學校都冇咩人~或者打風la~肥仔今日有返~見到佢d火就黎架la....
操左一陣之後佢地都傾表演d野了~嗚...我冇份呢...因為聽日要返工呀...
好想睇下d f.1妹妹啊~!!
搞笑的~佢地做o既野都好簡單~看來...又冇新會員加入了....

4點幾5點先放學~之後又去食野la~
又大風又大雨~落雨我就唔係太討厭的~但係咁樣就真係....
食野時蔡蔡吃左碗麵超奇怪的...佢都傻傻地....
食完野之後我就打算去睇書~去到果間野前睇左好耐~
最後都係冇我想要o既野~但係因為我地響佢舖頭面前傾左好耐~我見到入面個女人都勁啤我地....

返到屋企就玩電腦了~近日成功了幾次二打4~不過都係用北歐的國家....
不過實在係好方便的~行到邊起到邊~起野同做野又係分開~
家姐走左之後我又玩完~之後又開個我的主人睇囉~又睇多3話~
等到佢做叮叮時就停la~睇時就順道上網睇下野囉~
上左2000fun見到有人post左10月會出的動~喔喔喔~好多正野呢~
今朝發的怪夢可能係預知某事宜之類的事吧~
to heart2會出動呢~十分期待呢~再睇イリヤの空、ＵＦＯの夏 hk終於都出小說版了~真係好想要呢~

晚上再睇埋個我的主人了~12話終於都完成了~屋企冇人真好呢~
這個其實我都幾喜歡的~話說之前新買果3期我晚晚都勁睇~
因為佢係搞笑的~其實同皆大歡喜的原理一樣~睇完~笑完~其實都唔洗點理佢講咩~
當然佢係一個連載漫畫~但係太耐冇去買都已經.....
佢個重點其實就放響尾果3集~因為係結局的關係la要強行去完結個故事~之後同漫都冇咩太大的分別~
雖然佢都比不上イリヤの空、ＵＦＯの夏之類的~但係都超正~
同樣感受到果種痛...真係好痛....

>>August 13, 2005 at 3:30:51 PM GMT+8