2005 年 6 月 22 日 星期三 【雨】

本來打算聽埋精華遊先睇埋個月詠~
但係都忍唔住要睇左佢先了....估唔到...未到兩點都經已睇完了~
睇完真係鬆左一口氣~又完成多一套了~
原來真係越後越正...後尾又出多隻蘿莉....可惜~真係得幾集出o既ja...
通常我都係話超好睇的~因為冇興趣的我連睇都唔會睇o既~
即使開左黎睇但係睇完覺得唔好睇都唔會睇晒~所以只有好睇同唔好睇之分~
好睇到好似air~kanon咁~一次過睇晒~有d就因為太多而要慢慢睇~月詠都係其中之一~
gundam seed Ro lee d就因為冇咩興趣所以都燒左~但係冇睇~
再者~睇佢果50幾集~睇d冇咩興趣o既野簡直係鮏黎賤~即使鍾意...都睇到想死la~唔鍾意的話就...

下午~阿樂icq叫我~又話要返學校搵d阿sir miss咁~
佢話4點去~咁我3點半到換好衫~之後佢3點9又icq叫我~
叫完我之後4點都冇晒聲氣la....等等等等等....都成6點鐘~我都差唔多要出發了~
落左去買包la~嘿嘿...嘿嘿嘿....又見返上次好可愛果個女仔呢~
同一時間又見到個妹妹仔響度用枝竹響度篤隻貓~場面係極度搞笑的~我見到都忍唔住笑左出黎...
買完包就出發了~一路行一路食~真討厭呢....落雨~搞到我要快快食埋個包....

行到去大埔壚~竟然見到軒仔喎...
我眼定定望住佢~不過算la...佢連肥昌都唔認得....
但係佢又望返住我喎~到底佢係認為我啤緊佢丫~定係咩呢...
返到去學校都係得幾個人~大力~黃德同問題少年.....不過好快佢地就返到黎la~
今日都幾開心~不過差d動左真火....好彩咁o岩有位比我落台...

9點幾先放~因為佢地打free fight~咁我重傷中~打唔到了...
放左之後我地就去食飯la~嘿嘿~42蚊o既大家樂扒~奢侈品....
但係好好食~最鍾意就係吃牛扒了~食完之後去左7仔買野飲~
買完野飲無無聊咁睇電話~又開到佢地~開頭見到豬熊~之後見到軒仔佢地....再一次...你眼望我眼...
本來有d想跟佢地去打機的~
不過咁o岩又見到有車喎~所以都係唔去了~上到車~果然....好多靚女的說~
可惜下面冇位...上左二樓~得d生番....討厭呢....

返到屋企就去沖涼了~差不多11點了~快開始講鬼故~
嘿嘿~今晚聽到hello kitty o既由來~原來佢前身係咁可憐的...
雖然聽到中後都仲係好驚~但係個尾一聽到hello kitty個名而且森美講到勁搞笑~所以都冇咁驚了~
第一個故事我就冇咩點留心聽~不過第二個好勁...又嚇到我....嗚...
聽完其實今日都幾玪下~但係...唔知點解𤍣唔著喎...搞到成兩點幾先𤍣到...真可憐...

>>June 24, 2005 at 5:39:16 AM GMT+8

2005 年 6 月 21 日 星期二 【雨】

今朝真係激鬼死我...無lala停電喎~冷氣冇左~
成個人好似著火咁....熱到我爆~起左身先知停電~見咁樣咪去個廁所先囉~
但係個廁所燈呀~咩燈都開到~行過去個大制睇下有冇野囉~
試過d制但係又唔得喎....本來打算入房𤍣就算架la~
但係我果5張被就真係...熱到暈~終於都係忍唔住所以都係走出廳𤍣好了...
大概8點幾到~比人大叫左一叫~嚇醒左~但係仲係好玪~所以都係𤍣返~

10點到就起身~好彩已經正常返了....
上網吃返琴日冇吃o既圖~之後食埋個早餐玩多陣aomt之後就換衫落去買野食了~
因為食早餐都已經11點幾了~所以午餐都唔打算食飯~
是是但但買左幾個包~去左買奶同方包果d就返屋企好了....

返到屋企吃左個包就算了~之後就睇月詠了~
原來係越睇越好睇的~嘿嘿嘿~蔡蔡都係冇機會架la~
到兩點就聽精華遊~一路聽就一路玩aomt~咁就玩d好激o既野...
加埋我有14個....玩起上黎就真係有d lag....
基於我係1p~加上係最高分而且係最強果個....就比人圍了...(一口氣ko了兩隻T....仲出緊兩隻來...)
結果係見到佢4點鐘~打到一半都唔鬼玩落去了~
到之後o既時間都係睇月詠~可惜~睇到咁上下有人返黎...都冇得睇了...可惡....
不過有d地方都幾討厭的~佢不停換衫果d(有一個閃亮o既背景~之後不停地換衫~換姿勢....)很討厭的...

晚上8點果出野~真係睇到人火大~有咩講出黎咪得囉~唔講真係會出現好多誤會囉...
9點新果出野~感覺上有d白痴....

>>June 22, 2005 at 1:18:09 PM GMT+8

2005 年 6 月 20 日 星期一 【雨】

好煩架...早知晚上就唔飲咁多水la~
雖然仲未𤍣醒~但係已經好急了....忍左一陣~都忍唔住了~唔去廁所都唔得了....
去完個廁所都知𤍣唔返~
一路聽晴朗一路玩電腦~雖然玩信長時開左個新人~但係就冇心情玩...
玩左陣都唔玩了~轉左玩aomt~
晴朗做完~都唔玩了~

下午~吃過午餐之後就睇月詠~蔡蔡話睇左兩集~好無聊~唔知講咩咁~
阿水都有dl黎睇~不過佢好似冇咩特別o既評價~
今日我就睇左成個下午~睇左9集~
我認為就幾好睇的~至少有蘿莉+貓耳+一d好可愛o既服飾~後期仲做埋巫女添~正呀~
其實我唔明o既係...蔡蔡點解睇唔明囉~
最大問題...其實就係果d簡體字....所以搞到我要估~一睇~一聽~幸好仲跟得上~

6點幾~睇到都有d玪了~睇到第8就攤左響個廳度~
攤攤下就𤍣左半個鐘la~𤍣完個人好似仲玪咁~不過就精神左囉~
今晚~雞蛋icq又add我了~真係有d連打字都唔想打....好煩好煩好麻煩.......................

上hk果個論壇~又見到icq o既新聞~15歲非禮12歲妹妹仔~
咩第一次就問個妹妹仔拎左300蚊~又錫又摸咁~
第二次就又迫佢手淫口交果d~完事仲問佢拎100蚊...
當然~比我有咁o既機會都會咁做的~但係呢~果個唔係我喎~所以呢~
相信睇完lee單野之後都覺得條仔好賤~但係我通常都會補多句~條女蠢~
錯~不單只lee兩個人~好明顯係lee個社會o既錯~
我就認為~男o既父母唔管教~女o既就管得太嚴~思想太過守舊~性方面o既教育極度不足~
社會風氣及道德水平方面~則有每況愈下的趨勢...
現時d小朋友覺得冇拖拍~未拍過就好樣衰咁~
如果係咁...我身邊都有不少朋友...至少我自己都覺得冇咩問題囉....

>>June 21, 2005 at 1:57:05 PM GMT+8

2005 年 6 月 19 日 星期日 【晴】

今朝發左個好夢...相信係因為琴晚睇左本最終兵器彼女o既關係~
到現在已經忘記了~(9點幾了...)
如果可以完成個夢的話~或者可以記得多d~
因為10點阿媽打返黎叫我煲水...但係佢唔洗一個字就已經返左黎la...
𤍣又𤍣唔返~只好去開腦玩la~
不過又好似冇咩野玩咁~玩左陣信長~唔夠一陣就冇玩了....
好似成日都唔知點咁~成日都坐得好唔安樂....

用左一整個下午去執返好d圖~分左好幾大類~但係就睇到眼都花埋...而且都仲未搞好添....
今晚~終於都鼓起勇氣打去la~呵呵~聽日有回音了~但係都真係好似唔係幾好意思咁....

>>June 20, 2005 at 1:21:43 PM GMT+8

2005 年 6 月 18 日 星期六 【清涼】

呵呵~期待已久的日子來臨了~9點鐘起身玩左陣電腦之後就換衫了~
踏11開始出發就剛剛好la~約左卓卓響下面ok 10點~
落到去佢竟然話我遲到....我睇返我自己個電話~呵~佢蠢左lu~
因為佢個電話快左成個字~而且佢仲早左半個鐘落黎...
如果我真係遲到的話...佢真係有排等呀...

10點鐘~多多時間都有~所以我地兩個就行過去~行到過去上到月台都只係剛剛好10點5~
等左陣就打比佢地...唉...佢地又遲到了~佢地黎到~但係...師姐仲未到呢...
其實我都諗到架la~佢大埔大車站等~但係...邊度等呢~
我地兵分3路~我一個人行去尾卡~阿水同阿卓~肥董同蔡蔡就一人一個閘口~
果然~阿水就搵到佢啵~搵到等到車黎都上車了~

原來肥董係第一次見師姐架喎~不過肥董同人咁易熟~都冇問題架la~
去到之後~咪開始囉~
唉...灰呀...................................................................................................

兩點就完了~行行下見到機舖佢地又走左入去~
正當肥董同阿水打緊z dx o既時候我同師姐蔡蔡3個都冇野做~
師姐都有玩o既~後來蔡蔡都去左玩~
我就唔係咁想玩囉~
厲害呀....有個單手o既人走去玩賽車喎~咁o岩有兩男一女走左黎睇~
焦點立即轉移到果個女仔身上....靚唔係十分之靚o既~幾可愛就真o既~
不過佢身邊有一位都幾靚仔下~算la~點講都唔輪到我~

佢地終於都打爆機la~之後阿水佢地玩多陣就走~
搭火車返屋企轉71a~去到屋企樓下就去左百佳買奶~
順道買埋個止汗劑~再去買多幾個包~

今晚係父親節~咁阿爸只需要吃餐好的就算~
不過以我現在o既經濟能力都比唔出d咩~
但係咁都好~佢吃餐好的~我都有餐好o既~嘿嘿嘿嘿嘿嘿~~~~~~~~~~~~~

又有人話我孌童了~佢地話我淨係望d妹妹仔~
太天真了....我睇d 大o既時候你唔知ja~wakakakakaka~~~XD

一個有趣的mp3~


>>June 20, 2005 at 3:23:29 AM GMT+8

2005 年 6 月 17 日 星期五 【雨】

琴晚都比較夜𤍣~一來就打機打到12點~
沖埋涼入房都咁上下時候了~之後仲睇左果4本(已經係成套的~)雙面小魔女~
其實d少女漫畫都真係幾好睇的~
當然係o岩返自己睇開o既風格先係la~好似美少女(漫版的~)咁~
雖然細個都鍾意動的~不過~我印象中漫係一本都冇睇過的~

因為都比較夜𤍣~加上星期四消耗o既體力實在係太多了~
𤍣到都成9點幾~起左身都軟軟的~個人都冇咩神~
一早就玩信長了~看來係佢la....等到做加旋~呵呵~今日果集都係咁好睇的~
而且有新蘿莉登場~萌啊~!!
好la~睇完搞好晒d野~聽左陣歌就出發了~
點3到出發~好似早左d~不過呢~我今日決定左行路呢~我都好耐冇行返學了~

個天真係衰o既ja...d雨又唔係大~落下又唔落咁~
我都冇你咁好氣~理得你有雨冇雨~
開住把遮~用我最慢o既速度前往學校~呵呵~感覺上係一個好華麗的情景~
唉...不過咁o既事情只能在秋天或冬天進行呢~
因為d汗就好似沖涼洗頭果陣咁~係咁流係咁流係咁流....

期待o既事終於都冇發生~返到學校都已經踏11了...
換好衫~今日要上二樓上堂~其實唔係話咩o既~係煩d囉...要搬"�...討厭呢....(呵呵~走左去~冇搬~)
今日又來果d變態特訓了...好彩~都不是太厲害ja....
本身鬆根時都仲死死下~因為拉唔到~操拳套時就更加死~
不過到果d時就精神返~越操越熱血~
今日都有爆板d野~呵呵~miss讚我認真呢~其實有好多野都唔可以睇表面o既~
認真...其實我經常都好認真的~

呵呵~有得打free fight呢~同周兄打o既~
正因為太耐冇打了~所以都有d不順手~要打返多d操返起個人~
周兄~力不強~敏不高~但係呢佢就係陰陰濕濕果隻...
比起大力敏又高o既阿水或者其他人~都比較易打~
打完~氣唔夠就一定架la~雖然我敏都唔低~反應都算幾快~但係連擊~反擊就忘記晒點了....
而且兩個鬼鼠一齊打的話~我認為我係輸囉~做多我咁多年人~果然冇白費呀~
(嘿嘿~上左佢一下頭~爽XD~)

放學了~之後就同蔡蔡阿基阿卓幾個人去大中~
不過阿基就要送佢女友去搭火車~我就要落舖頭拎野~
結果就兵分兩路~佢兩個跟我~
拎完之後都立即出發去大中~行行下阿基都到左就打黎~
其實佢送一送佢都唔係用好多時間...而我地係兜左個圈先去~遲係正常的~

搵到佢之後~我地就搵地方吃野la~
冇野食冇野食~結果就走左味千食...算la~好日都唔會去一次~
我就冇所謂o既~因為食左佢我覺得係抵d囉~
食食下~無lala見到阿水同佢條女喎...咁打比佢叫佢返轉頭之後佢就走左入黎講左幾句就走左la~
我地食完野傾左陣偈都係時候走了~
去睇碟la~咁果隻D 就出左~阿基同蔡蔡都買~咁前一集就係我~
識o既人之中得我一個人打得死個大佬~其實都幾好玩架~
咁我就買埋一份囉~嗚...我見到一擊殺蟲隻game呢~
我買個ps2其中一個原因都係佢~但係...lee邊竟然得一隻果d喎...
為左唔浪費金錢...只好行返去第二間買la....

買完就走la~行返去時我就係咁叫阿卓聽日去唱k~
呵呵~最後終於比我說服左佢去la~不過...時間地點都未知...遲d先算了....
返到屋企~其實都冇咩野做~睇電視囉~
睇睇下見到個鐘8點就打算睇叮叮la~點知...係喎~個鐘慢左成3個字...嗚...睇小左好多呀....
做完都冇野睇了~剛剛買左本書就睇書la~
睇到9點有線做我要做model~呵呵~粉好看~以前都叫做睇過下囉~
e+睇返先覺得好笑~而且...我發現到一個秘密....
阿雪其實都幾似林嘉欣的...難怪阿水......

>>June 18, 2005 at 4:09:50 PM GMT+8

2005 年 6 月 16 日 星期四 【雨】

又8點幾起左身la~呵呵~聽到晴朗lu今日~粉搞笑的~
下午~本來阿媽返左黎~但係要食琴晚d舊痃...真可憐呢....
本來就打算睇動o既~不過又好似唔多想開咁....都唔知想點咁...
下午玩左幾舖aomt~玩到標晒汗咁....
其實果舖應該win架...不過set左個pk出矛招...輸左...

我d老人痴呆越來越強~冇野做之後就仲強........
算la~我忘記了.......

>>June 18, 2005 at 2:38:26 AM GMT+8

2005 年 6 月 15 日 星期三 【雨】

呵呵~真幸運呢~琴日無無聊聊去執野~見到新年d利事封仲響度~
咁就打算唔要la~執執下~竟然見到有兩個未拆喎~一個20蚊~有兩個就多左40蚊了~
今晚睇埋個企鵝男孩~講真...真係唔得完滿囉個結局....
佢話冇咩點描述愛情果方面~其實都唔係丫....都有o既~冇一般少女漫咁多囉~
不過反而覺得好睇d喎~至緊要佢好笑ma~

都成12點幾先𤍣架~因為都ok玪~(好彩𤍣到...)
今朝就8點幾起左身la~起身就吃早餐~玩腦~玩到咁上下阿媽打返黎話買野比我食~
本來有得吃m記的薯餅架....但係佢冇買呀...嗚...好想食呀~
結果佢返到黎就落返去買左個飯比我食la~咁佢返到黎搞左陣野好快就走左la~
好似話去打牌呢~

下午~既然琴晚都執過下野而且都唔想咁亂個衣櫃~(一個陷阱....手多可能會死...)
執執下記得有精華遊聽啵~好彩記得ja~
搞到我成身大汗咁~結果個尾係冇咩心情執...求求其其就算了....
下午再挑戰~再次WIN到~相信都係好彩囉~

5點半到就去換衫了~因為有新髮型要誕生了~
比預期中冇咁好~不過都唔差~之後睇左陣電視聽多陣歌就出發了~
唉...真討厭...我發覺d人又自私又白痴囉~
你落車就落車la~你行乜春我上車果條龍ja~本身我會好早返到去的~
結果搞到我要搭下一班車...又要等...又遲左...小喇叭丫...
死la...冇出街幾日ja....我已經開始對人群~八達通唔多習慣....
去完買野飲就返學了~我都算早架la~因為有人比我遲~

今日都叫做...其實好似又幾甘喎操得~但係其實又唔係咁咩jo啵...
開頭就鬆根la~因為我條根仲未好~所以都走到佢~其實我自己耐不時都有鬆下o既~
之後就來主菜了~400的(叫做係)踢腳~之後又400...再加多300....
本來有多50situp o既~基本上我都冇問題的~因為lee d野~開始辛苦係6-80下先會出現~
但係改左30下~然後仲有30下掌上壓~lee個就...30下掌上壓已經不是上限了~
因為30下先剛剛覺得有點吃力~
不過呢~其實大家都清楚明白大家o既弱點~就係唔夠氣~
可惜丫~懶的不只我一個~相信...個個都係咁架la.......
阿誠好似又強左了~不過....嘿........

9點就收工了~不過今次得4個人去ja~
我~蔡蔡~阿水同阿誠~呵呵~今次傾o既野好o岩我~動漫啵~
雖然稱不上什麼跟什麼~而且仲好"簡擇"~
但係我睇過o既都不少~而且見解都各有不同~至少嘉然話超正o既gundam seed~
我都不感興趣先la~頭文字d~都係果句la~麻麻la....
傾到興起o既時候人地都收舖了....出到去都死唔斷氣咁~
見阿誠好似有d不耐煩~我都話走了~

返到屋企~阿媽響度~死la...佢煮左痃添...但係屋企又冇人喎...邪惡的...
今晚係鬼故~嗚...超恐怖呢....屋企又冇人喎....好驚呀~~~~~~~~~~~!!!!!!!!!

>>June 16, 2005 at 4:25:33 PM GMT+8

2005 年 6 月 14 日 星期二 【雨】

琴晚𤍣前~睇返果本企鵝男孩(個名係完全冇關係的...)不過又粉好看~睇左3本先𤍣~
今朝又10點先起身~呵~我懶了~
不過都冇所謂la~遲下又要有排忙了~
再一次挑戰~進行時阿媽打返黎話佢去左飲茶~執d野比我食~
電話講就真係覺得好小~但係...佢返到黎...原來都叫左好多野~
呵呵~叫左好多鳳爪呢~我都好耐冇食過了~
自從上次冼志請打機果次我地去左飲茶之後~都冇食過了...
大概係吃左3分一點~咁加加埋埋其他野~都食到飽死了...

呵呵~今日終於都挑戰成功~不過相信都係好彩先win到....
玩完之後~其實就想玩信長o既~不過呢...竟然又維護....
下午都響度搵野~
搵左好耐~都冇咩發現~咁壓好左個月詠之後就繼續上網~又拎左本pc game書黎睇~
死la...現在咁無聊~睇到個天堂竟然想玩喎~
但係呢~冇碟安~dl的話又慢...當我等左幾個鐘都放棄了...

神秘行動.進行中...

(又有好多野忘記了...後補後補...)

>>June 15, 2005 at 2:02:30 PM GMT+8

2005 年 6 月 13 日 星期一 【晴】

今日係第二日~感覺上好似已經過左好多日咁....
大計的第一步A計劃完成之後~仲要等到星期日先進行第二件事~
其實今日無無聊聊咁都冇咩野好做~
所以呢~冇野做呢~就要打機la~
10點幾起身~冇錯...因為果個失眠會響我最得閒o既日子就會返黎探我~
起身果下真係玪到爆~

下午~阿媽走左返黎~所以搞到我都唔睇動了~
咁只好玩信長la~因為早上就上左好多有關佢o既網~
結果就滿腔熱血咁不停地玩la~搵到人team~始終比一個人獨自練功好得多~
至少打同級怪都唔會出現吃力的狀況~
加上有睇完人地分享o既經驗之後~都有個目標~

(死la...打機打到我呆左~咩都唔記得~求求其其記住咁多算了...後補~後補~)

>>June 14, 2005 at 1:55:48 PM GMT+8