2005 年 6 月 2 日 星期四 【陰】

放假呢~真好呢...等了很久呢.....
不過又𤍣到去7點幾就起左身...再碌到去8點就真係頂唔順了....
出左廳就聽晴朗la~
唉...A計劃失敗添...因為要聽晴朗...而且仲玩mabinogi....
搞到進行唔到~個A計劃大概需時6時小以上~看來...要再等多一段時間了~
今日都比較玩多左mabinogi~嘿嘿~強呀~
終於都達成左十歲擊倒熊lee個目標了~真好呢~

下午~A計劃不能進行但係都要完成埋個school rumble~
呵呵~終於都完成晒了~真好看呢~
最後果d真係幾搞笑~基於佢要完的關係~漫係冇o既佢都有~的確幾好笑~
但係最後有個預告....差d比佢呃左...看來有下一集呢~期待期待~

>>June 4, 2005 at 2:20:12 PM GMT+8

2005 年 6 月 1 日 星期三 【晴】

朝早d野都唔係好記得了....

兩點半放工之後就返屋企la~見聽日放假我就去左買d野食等聽日食la~
買左d野食~之後返屋企~見到阿媽返左黎仲買左唔小野...

今晚要返~所以我就食完飯6點半就出門口la~
不過返到去都係遲左d~但係周兄仲未返啵~咁就冇事la~
阿水帶左陣之後~佢先黎la~
之後來一個地獄式的體能訓練...我可吃不消這種訓練呢...

9點就完了~之後佢地去食野~我食左野先出門口所以就冇食~
只係買野飲就算la~好耐都冇見過肥董佢地了~
所以食完野我地就響度傾~咁阿為爆左眼鏡...搞到成10點幾先走~

阿卓真係勁...阿誠比左條鎖匙佢....又變魔術~消失左....

琴日下午又睇姊魅情深~粉好看的說~

今晚聽鬼故...好恐怖呢....

>>June 3, 2005 at 8:41:38 AM GMT+8

2005 年 5 月 31 日 星期二 【晴】

今朝起左身就出去廳玩腦la~玩到咁上下就換衫出發~
但係因為遲左d出門口~要搭踏10果班車了...
返到公司都係冇遲的~食完飯之後就開始工作了~
嘿嘿嘿~今日都係得70幾到~真好呢~
但係要我去搞老鼠膠...阿德唔係話唔肯上o既~不過見到佢有d....唔知點咁~
算la...都係自己上好了...勁多老鼠中左呢~邪惡的說....

3點收工~之後就返屋企la~
返到屋企就打機~本來真係好想睇埋個school rumble~仲有6集....
但係點解又唔睇呢~?我都唔知....但係星期5要進行~一炮過睇air的大計....
到底...我能否成功呢~?不過...首先要聽日努力....

晚點就玩mabinogi~阿庄問我有冇玩啵~
之後我就同佢一齊玩la~阿庄叫我帶~但係...我自己都唔多掂...得11lv...所以叫佢解任先~
白痴的....11lv死到去負100%...都唔知點升返了...本身用4千幾exp...e+要8千幾先升到...
重玩?定係慢慢努力呢...唉...

琴日上班時阿俊教我玩icq~返到屋企有人add就練習下咁囉~
不過就不算成功....今日...我發覺真係失敗了.............................................................

>>June 2, 2005 at 12:57:00 AM GMT+8

2005 年 5 月 30 日 星期一 【晴】

終於都返返10點半了~有好有唔好囉~
如常咁返到公司就食飯la~
食完飯...個peter又返左黎la...白痴架佢...都唔知死返黎做咩...
不過佢又可以返喎....無言.....

收左工之後返到屋企~見到mabinogi開始玩得了....
心癢癢的....所以個rf都....等我不在時就掛礦好了....
屋企d人走晒~結果...一玩就玩到兩點幾....死得了.....

>>June 1, 2005 at 1:23:24 PM GMT+8

2005 年 5 月 29 日 星期日 【晴】

今朝又要返早了....痛苦的說...遲左小小出門口~又要入八達通~
但係都準時返到公司~(星期一~真好呢~~~)
邪惡的說...今朝真係強悍呢....朝早都成百圍喎...
搞掂好晒d野之後阿根返先返....不過都好~佢摺膠袋唔洗我搞~
嘿嘿嘿~突然好想飲汽水~所以就偷偷坎左落去買la~買完就上去搵地方休息休息~

下午就比較弱~竟然得60幾70圍咋喎....
收都收好早~而且一早就決定左放工去買handsfree~
所以就響吉之島果頭落車la~
咁我行左兩間都冇我想買果隻~之後就求其入左間就去買la~

返到屋企我開左試完~先發覺原來lee個都係cheap野....
不過都成68蚊...唉...唔係我想用cheap野...只係...想買都冇得買呀....

>>May 31, 2005 at 2:09:43 PM GMT+8

2005 年 5 月 28 日 星期六 【晴】

今日要返早呢~6點鐘就起左身la~
開左個rf掛之後~都差唔多係時候去換衫了.....
星期日...冇野好睇呢...所以我都唔係咁喜歡星期日返早的~
捱過左果兩個鐘之後又搵左個位'攤"下~
等到開飯就去洗碗~過多陣佢地都返黎la~

下午的成績也不弱...但係都可以開開心心咁渡過la~
阿雄同阿誠一齊兩個就發癲架la....雞蛋大戰一觸即發....粉搞笑的說XD
太快搞掂了~本身就可以3點走的~阿雄兩點半就走左la~
我地就響45分(公司個鐘)先走~
咁出到去就見到架75x走左...我就提意去買包~本來去麵包工房的~
不過見果度d包都...食得多了~而且我想去返果次果間~東京麵包咩咩(大概係咁)~
我就買左個cheese cake同一個藍莓撻~上車先食~

上到車~又同阿誠傾果d問題了~不過我都冇咩野好講....
我d朋友ja係佢d朋友~佢d朋友又唔係我d朋友喎~真是的...
佢到之後~我同阿庄都落車了~
萬萬想不到阿庄竟然會為升學o既事而煩惱的....
佢話想讀商~但係我覺得佢點都唔合適囉....我覺得如果真係想鮏到一兩分~文科囉~
真係冇心讀的話當然去理科la~

返到屋企~嘿嘿嘿~gif製作~那出我就做果最咩果part....
不過就真係幾大下...都成1.6mb幾架...嘿嘿~入左落個電話度~
有興趣的可以問我拎黎睇XD

>>May 30, 2005 at 1:50:50 PM GMT+8

2005 年 5 月 27 日 星期五 【微雨】

放假~理應係𤍣到夠晒本先起身o既...不過唔知痴左邊條根~
7點就起左~好努力地先𤍣多一個鐘...8點....
出去打機~嘿嘿~真好呢~屋企又冇人了~又有好多野食~
簡直係完美~打機打到咁上下睇加旋~之後仲有好多時間~就慢慢黎la~
慢慢黎~慢慢黎~真係慢慢黎la...遲左出門口添...

搭巴士o既時候~見到一個勁似文達o既背影o既人.....
買完野飲就快快步咁返學了~返到去都係遲~
咁我係遲到之中最早果個...蠢左...
今日好似冇上堂咁多人~不過就多左兩個.....算~與我無關~
咁就上堂la~我發覺自己d體能弱左都好多~跑5個圈都有d吃力....(加旋式跑法XD)
再操多過果d體能訓練的~死了....

完左果d~我地幾個紅帶以上就去左練考試d野~
一般o既腳都冇問題架la~只係d命中就弱左d....
咁一打二果方面...佢地都唔知係咪虐待我...或者我黑仔la...
打多幾場咁~嘿嘿~不過都有問心事~我個超龜速的reverse kick勾到阿師姐個頭XD~爽~
但係最後我係吃左阿基一腳...同埋同佢砍到...我就重傷佢冇事...
練完lee個都冇野做了~我地就響度傾偈~比個傻仔搞一搞...發狂了...

走了~蔡蔡佢話去食野的話就冇所謂~在於佢o既角度...ja係想食la....
咁本身冇人去的~而我又好想去啵~因為今晚冇飯食~
之後我就拉埋阿水同阿卓去~阿水就真係去位o既~阿卓就問我左我借廿蚊~
但係我地買完野之後~佢就仲坐響度...話唔見左廿蚊了....
我地都真係比佢笑死...佢話鍮得好緊架la~不過搞一搞個mp3之後就唔見左....佢真係....
食完野就傾陣偈先走~

我就同阿卓搭71a返去la~佢地就分別用唔同o既方法返去~
我同阿卓搭車時~我就問佢handsfree d野~佢話cheap的就不好用...好弱的~
當然~我都有考慮過~但係用果d的話就好貴囉....lee d就係幾十蚊同百幾蚊的分別......

>>May 29, 2005 at 2:28:26 PM GMT+8

2005 年 5 月 26 日 星期四 【晴】

又返返10點半了~某程度上是很好的事~
返公司~唉...軟軟的~看來是不夠精神呢~
工作了~對住某某~冇精神加討厭.....十分之沮的....
客就粉多~收就3點.....不爽.....

但係又遲左走...我去左間~佢話係日式的~
不過感覺上係多幾隻包....所以都係買左幾個o既~
上到巴士~阿媽打黎叫我唔好買野食......買左了......
響巴士吃左個包~果然....不是果個好好吃的~只是一樣樣的....

返到屋企~好多野食呢~吃吃吃吃吃.......都吃下不少野....
包到反肚~加上晚上又有piazz....我真係要死了......

(冇咩特別~或者是唔記得....)

>>May 29, 2005 at 1:39:58 PM GMT+8

2005 年 5 月 25 日 星期三 【雨】

今朝返早呢...真邪惡...講真丫~唔多願起身...
冇計~比人點到名叫我返~都真係唔返唔得了...
既然起左身~不如向好果方面看~
返早...有好多學生呢~丫~真係平日睇得邪惡的多~
e+見下d靚野~平衡返先得~

返到公司都開始工作了~唉....暈暈暈暈暈~
當做好晒所有野之後都搵個位休息休息~最衰丫~又𤍣唔著...
食完飯之後又開始工作了...根叔冇返~又要對住個peter....
今日都係谷埋一次過爆~而且對住個討厭的人工作...不爽...
不過今日都又係收咁早....算~早走早著~

嘿嘿~一心諗住屋企仲有蛋糕~所以就快快咁返屋企~
享受我美味的蛋糕~但係....返到屋企竟然一個都冇....
我記得今朝吃左一個~仲有4個架....點解會咁架....
看來原因只有一個...可惡....!!

阿水打黎~佢話今日都有通告冇得返~係囉~算....
阿誠遲d又再打黎~又話有得返喎....都成6點半+++了...
咁我就準備~之後就出發la~
去左買野飲之後就返學校了~
返到去~得幾個人~之後話要罰喎~我死都唔做架la~
咁佢話~lee度我教o既~你一係做~一係就走~算~你講得出~我好就得人o既~
我走囉~真係谷狗氣la~又唔係因為我想遲~咁係遲左好多先通知我返得丫ma~

返屋企的路途上~火大中~不過返到屋企都唔記得了.....

(邪惡的.............................)

2005 年 5 月 24 日 星期二 【雨】

7點幾就起左身la~本來打算開機掛機之後入房𤍣~不過突然又唔想....
今日遲左換衫~好彩....快快手手追返d時間...所以冇事...又要追巴士呢~
返到公司~食飯~真好呢~見唔到個peter~
唉....灰呢~本來又話有得放星期5喎~但係最後又話唔得....怨念....

今日都幾強悍下~170到~不過都係3點半就收工了~
返屋企o既時候~又係響鑽石山果度𤍣~不過入到吐路港就起左身la...
見到對面果個女仔勁搞笑~有個阿嬸坐響佢隔離~當然係唔識架la~
但係...個女仔真係𤍣得十分之"琳"...成個頭唉左落個阿嬸度~
而且條辮仲叉住佢個面~其間個頭仲鐘下鐘下~係咁叉~係咁撞~
如果比我就開心死la~不過....個阿嬸都幾無奈下...

返屋企時見到肥仔~我終於都明白點解佢響跆拳咁樣比我地蝦(算是把...)
都冇走囉~原來佢d朋友...感覺上係有d惡爺果d~不過響我眼中都係傻仔黎ja...
近朱者赤近墨者黑....傻仔同傻仔玩...物以類聚....

返到屋企...大吃特吃~有蛋糕呢~本人最難以抵擋o既都可算是甜食了~
所以只要你有甜食在手...我都係冇辦法抗拒你的......(講笑咋~!!)
今日~阿俊話嘉然日記得5隻字...日日復日日....就係lee 5隻字了~
難道真係冇野寫~?其實....我日日都可以用lee 5隻字就完成呢...
相信佢都冇咩心寫了~最為有趣的是....
有一日我響yahoo搵緊歌詞o既時候~搵到一個日記...日日都係歌詞啵~
竟然見到佢d留言係有人話佢個日記好感性...
我果陣覺得好可笑同真係比d人吹到帳一帳囉~

今晚自己下廚~簡簡單單我自己都搞得掂...不過就食左好多野囉....

>>May 25, 2005 at 3:05:45 PM GMT+8