2005 年 11 月 19 日 星期六 【晴】

死la...好辛苦添...自星期三放完之後都一直咁捱...加上阿島就快放大假~

跟住落黎都唔會有機會放...都唔知死了...

今朝早上已經開了不少餡~我都知今日會十分之強悍的...

的確~下午果然要我出去幫手....幫左大概半個幾鐘到la~

其實ko左個撻皮我仲有小小野搞之ma~(某程度上係的...)

可惜~個人好似中左邪咁~好似成日都響度發呆...加上雲吞同高健兩個勁響度出出入入~

頂到我想搞都搞唔到...而且個人仲好唔舒服的...搞到成6點幾先收到工呢...

>>November 21, 2005 at 2:23:08 PM GMT+8

2005 年 11 月 18 日 星期五 【晴】

激氣...超唔開心的...工作不順呢...
基本上5點已經完成~但係...無lala話一早同我講左打多份撻皮...吹到我帳一帳...
冇問題o既~打咪打囉~
打完之後又響度嘈...話我個安士磅有問題~打d麵勁唔掂...
自從果次同猩猩傾完之後~雖然猩猩果邊要求係低~但係lee邊會唔會太過高要求呢...?
只怪自己去左間咁忙o既做la...各方面都太苛刻了...

收6點...響門口見到猩猩~原來佢同阿邦同佢條女一齊~
傾左一輪之後就落舖頭~
落到去又要走了...唉...做到pk仲要走來走去...
返到屋企就玩電腦了~
好玪呢...玩玩下都差d𤍣著左...
11點幾~其實想去𤍣架la~但係個腦響手又唔想咁早放手...
響個廳𤍣左陣~之後覺得勁玪最後都係冇沖涼...唉...聽日先沖la..

>>November 20, 2005 at 2:22:35 PM GMT+8

2005 年 11 月 17 日 星期四 【晴】

又點幾先𤍣...加上琴日消耗左大量o既體力~
起身時都要等佢響第二次先起到身...
阿洲返4點半...所以要一個人搭的士了...
返到去佢已經分好晒d包~佢話想吃早餐~我話幫佢買佢話講笑之後都係出左去幫佢買野飲~
早上已經打了撻皮~合桃so~
不過果個死人長毛...運粉人...遲遲先來~搞到我要要底果d...底果d又起晒粒...
最激氣o既都係有勁多最討厭的昆蟲...

下午食飯~唉...lee度真係好討厭的...成日響度單單打打...
講真丫~有時佢都成日針對我...加埋高健3個新人~我做錯野就插到pk...阿星同高健做錯野就笑笑口...
有時咁樣都真係好唔想做落去囉....不過做左兩個幾月就...唉...
女人最怕嫁錯郎~男人至怕入錯行~我都唔知自己有冇入錯...不過入錯公司就真o既....
4點8其實咩都搞掂~不過如果咁早出去講話搞掂會唔會有點...
所以5點3先出去講~換衫時阿洲同我講話佢地成日響度鬧我遲收工...
你講得出lee句我就放心~我日日爆到盡~誓要做到4點收工~!!

收左工之後就去左剪頭髮~雖則個頭都唔叫做差~
不過佢死都要幫我jel個頭...唉...咪搞la
佢jel得太行了...實在係...加上又要我去買晚飯...我咁o既樣真係點去見人呀...

晚上~真係激氣到爆囉~玩瑪奇~我都差唔多已經去到boss個房~
佢竟然hang機喎...之後仲重組左個迷宮...唉...又要遲d打過了...

>>November 18, 2005 at 2:06:39 PM GMT+8

2005 年 11 月 16 日 星期三 【晴】

𤍣得果幾個鐘...琴晚睇書睇到兩點幾...今早4點55就起身了...
我發覺我放完假阿洲好多野都未搞...唉...
點都好la~自己的事自己做囉...工作都尚算順利~早上就打到合桃so了~

落到舖頭~食完野都開始𤍣了~剛剛好淨十分鐘多就起身了~
下午~其實早上已經搞得 7 7 8 8 ~
買蔥o既時候~我唔記得左去開單~之後行返轉頭時竟然跌左10蚊...激到我爆炸....
本身我4點9到已經完成所有野了~洗野時就煲糖水la~
冇去睇火...搞到滾左出黎...又要搞多左d野~而且比佢搞一搞打亂左我...
一亂個人好慌最後成5點9先走得....

返到去學校~你老虎丫~看更幫果班pk傳達左一個信息~叫我唔好𤍣....
你真係食屎la~你做十二個鐘睇下你會點~而且仲要返5點半~你企響度都𤍣得著la~
十分激氣~但係入到去都唔理了~
食食下野阿卓返到~想𤍣都冇𤍣了~我地傾左陣偈周兄返到黎~
然後見到大瘳~一見到我地就響度鬧了...話我地跆拳個板咩都冇...這個就唔關我事la~
不過都行過去睇下佢搞咩~

因為個板o既事所以佢地話早d走~8點9就走了~但係我地操完~之後打free fight打到過左時間呢...
操完時我個人真係企響度都𤍣得著....
本身想同阿卓打的~不過見佢咁o既樣...輸比黃德喎~
看來佢不在狀態呢~所以就點阿誠同我打了~打3分鐘~
其實早時想同阿卓打兩個回合的~第一個回合唔出腳~第二個回合狂攻~
同阿誠打的話..打一場3分鐘....所以頭兩分鐘都只係閃~最後一分鐘先攻~
攻得都唔係好夠狠...

放左學之後本身打算去大家樂~去到見到佢唔知執左定係點...
只好去下面ok果邊果間了...我都有d覺得佢串串地~有d唔想去...
不過又冇咩地方有得食~只好去果度la~
死al...好多時都冇咩點講野~今晚大講特講....而且仲講左好多粗口添...唉....
食完飯去買野飲~阿卓lee期話要練酒~就要用到我幫佢買~
酒lee科野都唔係咁o岩我....雖則話男人係應該識飲酒的~但係我真係唔o岩囉...

>>November 17, 2005 at 4:47:53 PM GMT+8

2005 年 11 月 15 日 星期二 【晴】

9點幾就起身了~不過已經好夠了~
琴晚響個廳度都𤍣左不少時間~雖然𤍣響個廳度會好玪不過𤍣到夠都好好架la~

星期三~講真丫~有咩好做呢~?
已經唔會望出街了~目前見面時會提議下已經係最大的限度~
唔出街的話就...dl動睇囉~
琴晚已經想好了~所以玩左陣瑪奇之後覺得悶悶地就開黎睇了~

真係超好睇的....佢響我心目中又攀上更高的位置了...
正如我所說~沒有特別分的~大家各有不同的好~又點可以比呢~
只能夠分~好睇~超好睇同唔好睇ja...佢當然屬於超好睇果邊la~
魔法+高達(?)+蘿莉~真強得沒說話好講~
雖然故事有d...在於我本人面言~睇得出佢係有問題~但係好喜歡囉~]
可惜現在出到第7....如果lee輯完左希望佢再出la~現在只係期望佢快d出了...真係好想睇呢...
而且佢個ed 實在是強勁的~根本就唔係果個門路但係就令人有感動的感覺....
十分可怕的歌曲....超好聽呢~

開始進入瘋狂狀態了...狂吃...
琴日雖然唔係買左好多野但係都已經清晒了...
晚上冇飯食只好去買~買完又去左百佳買野~不過就買左d都算係零食的~
食完個飯已經飽死...但係都仲狂吃...
用食物來填補心靈上的空虛...是一直以來的做法...看來我心靈上的空虛再到達一個更高的層次了....

>>November 16, 2005 at 4:45:32 PM GMT+8

2005 年 11 月 14 日 星期一 【雨】

真係好唔夠𤍣...起身時都唔多願....搞到又遲左了...
一出門口見到佢落雨~真係吹帳...
返到去都開始工作~基本上上午工作o既進度都不錯~
全力開好晒d餡勁切野~12點就去食飯了~

食完飯之後就𤍣~不過下午唔知點解好似怪怪的...
其實都唔係好多野搞...但係都好似唔知點咁...
上午同下午都係咁~佢係一次過爆好多野比我做~好彩都係一次ja....
但係雖然開好左好多餡~但係竟然做到成5點2先開始洗野...
加上我果邊勁亂...搞到我死la...
可能係天氣o既問題la~雖然係幾舒服的~因為佢涼涼地咁~但係我入面果度就熱...
一出去就涼...講真丫~下午已經開始暈暈地了....

同阿洲搭的士返去~咁途中見到阿媽~嘿嘿~食飯唔洗自己比錢~
返屋企前又去大家樂了~然後去百佳~
本身打算買好多好多野食的~不過都係買唔落手...唔覺有d咩值得去買...
返到屋企就開腦吃圖了~而且仲找奈葉的新一輯~AS~(呵~又係as喎~)
開始覺得等佢出晒成套先睇係可以的~因為我都冇咩時間去睇~
dl左d想睇好睇~咁一集集追雖則係冇咁好~但係有得睇已經很不錯了...

家姐買左慌失失奇兵~鄭中基配得真係好正~
有d覺得係為左佢而做lee個人物的...lee出野笑爆~差d笑死我...

今個星期二檔案激正的~講性侵犯~
超好睇的~真係睇到我火滾...當然~我自己真係冇把握如果有機會時會忍到~
但係現在講的人就唔係我~因為我唔係果d敗類....
好似話一年大概有千幾單~而大部份都係親人做...而去報都係只得5單...
係o既...如果要重複又重複去講多次自己既受害經過...都真係幾難受....

>>November 15, 2005 at 3:59:08 PM GMT+8

2005 年 11 月 13 日 星期日 【酷熱】

琴晚都比較夜𤍣...今朝起身時都幾辛苦...
加上個幾兩個月前對con已經出現問題...戴時都已經好唔舒服了...
唔理得咁多~時間好緊迫...戴左搞會快好多~戴眼鏡的話就會好煩...視野會下降的...
搭的士返工~十幾蚊都不算什麼了...
返到去都係分包~不過就好似平日咁囉~雖則多左d野分~但係就唔洗包飛碟油果d囉~
洲洲放假自然就要遲d打麵~呵呵~有好多時間比我搞其他野呢~
一早已經打左個飛碟油了~而且出面冇吞拿魚~所以又可以打左一次濕吞~

上午都勁開餡~好癲呢出面...4個人一齊攻我...豪鬼返左黎所以老吹去埋幫手...
好彩我都醒水~知佢地冇雞尾~響一個好短o既空檔時間就ko左佢~
一打完起埋高高健就走入黎問我拎了...
搞掂晒d野都係11點9~
返到去就開始𤍣了~𤍣到一半食左d野都𤍣唔著...坐到夠鐘先出發~

其實每一日都係偷左個幾字~因為我係遲左返去的~
返到去就開始做野了~下午o既工作效率會下降不少的~
早上已經做左不少野~所以就可以悠悠閒閒咁做~
其實4點半已經完成~之後走來走去咁~點講都要扮下野~(雖則我真係有野搞...)
5點1~我響我個位行出黎之後老憑見到我飄飄下咁就問我做晒野未~然後就叫我收工~

天氣又回暖...討厭呢...不過唔理~上車時都有出汗...
呵呵~但係咁多女~件外套又點可以除呢~除左d汗咪仲顯眼囉~
落車都極速行返屋企~
返到去就吃圖~之後收到個電話話冇飯食...
7點幾先落去買飯~買完去左百佳買左好多野~死la...買完書原來個銀包都冇咩錢了....灰...

今晚都冇咩野做~想玩瑪奇的~要一連氣完成兩日日記都冇時間了...

>>November 14, 2005 at 1:50:11 PM GMT+8

2005 年 11 月 12 日 星期六 【晴】

星期日真係可怕....高高健又放假~打麵同開餡方面係冇問題的~
不過...撻皮果d就....
每個星期日都要打兩次~好彩我剛剛好去左食飯所以洲洲幫我打左la~

出左舊麵之後我都要出去幫手...個個食晒飯~
阿島睇爐~洲洲起麵~搞到我要出去幫手...
幫左個幾鐘終於都可以搞返自己d 野了~可惜...每到星期日d野都會爆晒出黎...
又係水皮油皮菠皮合桃so撻皮x2....而且仲有其他野搞~早上已經搞左好多野~但係都成6點幾收工呢...

好玪...好玪...再玪都好~工作方面其實都冇問題~
因為我自己已經keep好左~一日大概有幾多野做~而keep唔到o既都係最煩果幾樣....
如果好似今日咁~咁多皮要打的話就會慢~如果好似平日咁打合桃so同撻皮果d就會好順~
日日返到屋企都好似死左半咁...但係又會死頂到咁上下鐘數先去𤍣~

本來打算10點幾去沖涼𤍣的~不過見有電視睇就...
睇睇下𤍣左~起左身打算去沖涼o既時候見到猩猩打過黎咁就打返比佢...
傾左成9個字...12點幾入房就打算睇本書先𤍣la~
最後選擇左翼~我發覺lee集都幾好睇~睇完但係又𤍣唔著...再睇多一期先𤍣...都成點幾了...

>>November 14, 2005 at 1:21:51 PM GMT+8

2005 年 11 月 11 日 星期五 【晴】

要返工了...放完個假好似仲玪...
不過放左lee個假總算有收穫~
返到去感覺上有d生疏...而且打甜麵時又改左~所以速度都慢左d~
阿島冇返~即使再慢都冇問題~
下午都算不過不失~遲左小小收工ja~

阿媽話去食自助餐~咁我返完工都成身粉la~
所以就返屋企沖個涼先la~沖完先出門口~
一個人搭271出去~一面聽歌一面洽眼𤍣~到左廣華就落車了~
落左車去左先達果邊~本身阿媽係叫我去果度的~
之後打比佢又唔知點我去邊咁....
左點點右點點咁...真係谷鬼氣咪唔去囉~反正我出黎都係想買書~

出去時禁左五百蚊~不過買完都差唔多用晒了....
買左差唔多五百蚊書...勁呀...

>>November 13, 2005 at 2:05:31 PM GMT+8

2005 年 11 月 10 日 星期四 【晴】

終於都放假了~12點幾𤍣~9點幾起身~8個幾鐘已經係好好了~
𤍣得到咁長時間係好~但係星期五就不算好日子了...雖然放其他日子都差唔多~
但係~星期五佢地都要返學~咁仲可以做d咩呢我....

結果都係響屋企做左兩樣野~不過都用左一日了~

玩瑪奇~雖則已經冇咩野玩~都係升下lv搵下錢咁~都玩左不少時間~

今日最大的收穫都係睇左個魔法少女奈葉~
早前dl晒時一早已經好想睇架la~不過之後又冇時間~有時間又冇心情~
但係今日咁樣就只好開黎睇la~
第一集感覺上已經粉不錯了~因為奈葉真係好萌XD
雖然睇時係勁想𤍣的~但係一來唔想浪費左個假期la~二來如果現在唔睇的話都唔知幾時有機會睇了...
我o既忍耐是正確的~因為我覺得佢全套都係咁正的~
感情線大多數都係講友情同親情~這樣是正常的~小學三年級.....
真係好想睇多次~但係已經時日無多了....

下午食公仔麵~晚上就自己煮...唉...放假都要搞埋d咁o既野...真麻煩..

>>November 12, 2005 at 2:55:58 PM GMT+8