2005 年 9 月 30 日 星期五 【晴】

早上返去已經入左去打麵了~果條友已經黎左~
咁阿洲又要我加速了...
唔知係咪早左呢~不過食飯時間就真係早左了...11點半到就返去食了~
返到舖頭食完飯之後就去𤍣~但係就𤍣唔得好囉...
下午返到去又打多個麵就出左去買野了~
好多野搞呢~勁多野要打~又要煮野...

完成晒所有野之後出去幫左陣手就走得了~
唉..真討厭呢...咁我去到邊都差唔多咁著架la~d師父就串我著得好似要出街咁...
打比阿媽~佢話舖頭燒野食~咁我唔燒就返屋企架la~
佢現在又要去送貨所以我就同佢一齊去了~
送到過去就去左吉之島買野食~呵呵~買左好多野食呢~正~

行返屋企時都好辛苦~因為實在係太多野了....
而且仲要去買飯~唉...真係好想睇下果個姐姐係咩樣...
佢帶左口罩都覺得佢勁靚~如果除左比我睇下就好la...
返到屋企食完飯就食果d野了~
一路食一路吃圖~吃左成個幾兩個鐘先完成~之後就玩瑪奇了~
其實想開個法出黎玩的~自己帶自己o既時候有個人叫我入佢公會~
搞搞下都冇時間去升了~不過玩玩下都成點了...仲未沖涼又未咩...死la...

>>October 1, 2005 at 4:38:34 PM GMT+8

2005 年 9 月 29 日 星期四 【晴】

琴晚成點幾先𤍣呢...想死呀...早上起身時都有d難~不過都唯有頂硬上了...
又係行返去~雖然遲左出門口~但係返到去都係7點正~
做左果個死人位大概一個鐘到就入左去打麵了~
不過見阿洲今日心情好似唔係咁好~或者佢心急想我快d搞掂la~
感覺上佢今日不太善意呢...

差唔多12點先去食飯~返到舖頭食完飯就立即搵位𤍣了~
雖然𤍣得唔多好~不過都夠我回氣o既~
下午返到去就又要出去買野了~買完都係返去做野了~
呵呵~第一次煮"函"呢~今日煮奶皇~但係就失敗了...㕡左...
最近我洗好晒d野~之後幫手洗埋個地就走了~

收左工之後就落舖頭了~落到去佢地見到我出現都好驚訝~
本身阿媽話出街食飯的~不過現在又話要去打牌...
我就冇所以o既~坐坐下見到猩猩行過就同佢傾左成個鐘呢~
8點就收了~今次冇搭的士~行左去果頭搭271~然後響樓下買飯~

>>September 30, 2005 at 1:46:33 PM GMT+8

2005 年 9 月 28 日 星期三 【晴】

今日真係發生好多事....件件都好似怪怪地咁....

早上返工~做做下果個死人位就比果個阿伯~阿島插....
佢話我包果個"g g"野包得唔好喎~
我用o既方式去做~你有你o既方式去做~我裝得又夠多又用到~關你咩事ja~
比佢咁插完想踢炮o既念頭就更強...
過多冇耐阿德返左黎就叫我去跟阿洲打麵了~
唉...如果佢叫我做多幾日果個位~比人鬧多幾句~我都話有個理由比自己唔做丫~
但係現在阿洲又對我好~佢又十分期待我快d學晒d野返5點半一齊返~
而且現在又教我野....我都真係唔知點算好...

因為仲有好多手尾搞到我成7點2先走得...
我立即去買完野飲就加速行返去學校呢~返到去見到前面好多人~
之後得返阿誠一個人行埋黎同我換衫~
佢地好激呢...佢地跑半個鐘學校外圍呢...
我地跑到一半都冇跑了~其實我一早就痛呢~不過見阿誠跑緊我就陪下佢la~
到咁上下見到何伯我地3個就慢慢行了~之後越來越多人一齊行呢~

完成左跑步之後~入到去就踢把果d野了~
唉...失敗呢~差d可以做出一秒兩腳的速度了~現在係一分鐘右腳109~左腳103....
後來隻腳摩到勁滾~我都扮下野話做唔到唔做咁多了~
但係拎比阿水踢時飛左把~搞到我流鼻血呢...
其實都唔係好關佢事o既~因為我琴晚先流完~只有現在撞多一撞就完了....
無lala師姐走左返黎~好得閒呢佢~
最後佢地打free fight呢~果個師兄今日好活躍~平日都冇咩兩句的~今日都有傾有講了~
佢地打晒~阿誠打得有進步呢~不過技術上就有d問題~又唔夠氣囉~
而我最後同周兄都打左場~好爽呢~不過最後佢個錶響得返3秒佢無lala急起上黎~
搞到佢攻我時仆倒了...

放左學~卓卓條pk...其實我真係想鬧佢的~但係佢可能又比女飛之類的事la~冇晒心機咁~
因為佢同小縜唱k都唔搵我...正想找佢算帳o既時候~佢又姨媽到....
(阿榮話這個現象就是了~阿庄都成日係咁~)
放左學之後我地成班行左去咩雞度食~都係食d碟頭飯la~
食左都好耐呢...9點半到放~食完飯走時都10點40幾分了~
佢地走同一個方向而我又唔同方向~我只好一個人走la~不過冇所謂la~
因為今晚架勢堂已經開始講了~真好聽呢~

邪惡的事開始了....
搭車時見到甘地~佢同完佢條女去睇戲呢...真好呢~
傾傾下講到去工作...唉..我o既人生真係悲哀呢...
我所有朋友都出頭了~
冼志~文達響romo做一個月成萬蚊....甘地卓豪佢地做救生員月薪上萬~
肥昌做左3個月地產~雖然底薪6千~但係已經有兩萬多俑了...
猩猩同阿邦已經做左成年包了~差不多升上中工~都8千幾了~
而阿樂跟佢做阿爸做裝修都搵唔小....譚德又做果d收費電視都有9千幾一個月....
譚仙現在做果個都成又係成萬多一個月~
唉...得我...得我一個係咁失敗....
之前果一年響六福記雖然係幾舒服的~但係就浪費了~讀書又讀唔成~仲欠左成萬蚊...
感情生活就更加失敗....
一個人~冇事業~冇愛情~冇學識~冇膽量~冇朋友~冇特殊技能~不吃得苦~
而且仲浪費左咁多年時間...
唉...想死呢...

>>September 29, 2005 at 4:44:18 PM GMT+8

2005 年 9 月 27 日 星期二 【晴】

真好呢~放假lu啵~6日...差d搞到我死....
早上8點就起左身la~習慣左早起想𤍣多陣都難~
但係𤍣到8點已經好夠了~早上其實應該飲下奶就可以o既~以前....
雖然lee排都係返到去偷下包吃~但係都唔係食好多~
飲完奶~之後覺得口痕痕就搵返琴日買o既零食出黎食la~
勁食勁食....食左勁多呢~好彩我發覺有問題立即停口了~

10點幾到其實想玩瑪奇的~不過無lala咩突然維護喎....
激到我爆炸....
好彩~又比我諗起其實我想睇個雙戀2的~所以就開左黎睇了~
係幾好睇o既~而且比第一集o既人物靚得多~雖然係兩樣野黎...但係人物就一樣咁囉~(有d唔同~)
睇睇下肥昌icq叫我~佢最近又失戀呢~
真好呢~有得失都好過...失敗....
佢話佢條女因為冇時間陪佢而比人介入之類la~不過佢就話要快快搵個過了~
lee條友仔真係丫...最後覺得都冇咩野好傾我就off line睇埋個雙戀的下半部之後再玩瑪奇了~

下午都係勁吃的....睇小魚與花~睇到兩點就聽五天精華遊~
嗚...好耐冇聽呢...不過因為玩緊瑪奇而有d聽得唔清楚~
36計~終於都就黎完了~今日係尾3~嗚...好想聽呀...不過雖然係就快唔做~但係都唔會係lee 3日o既事囉...
阿樂無lala打黎~佢話好得閒話想搵我去打機喎...
打機~?無謂la~而且仲要係同佢去喎~玩手指咩~佢又唔識玩神話~
cs就更加不在講la~有冇人玩都係一個問題了~況且我都唔想出街~
之後同佢傾工作o既事~同佢傾完我更加覺得唔洗咁急咁快做果d野了....
真係~一講之下我都鬧醒埋自己~目前首要的是...

>>September 28, 2005 at 1:43:06 PM GMT+8

2005 年 9 月 26 日 星期一 【雨】

已經開始認輸了....
之前~做4-5個鐘~之後做7-8個鐘~一跳就跳到去做12-13個鐘....
真係有d想死o既感覺....
因為已經做到好熟的關係~我要做o既野一早就做完了~
之後阿德就叫阿燃教我~但係佢就勁炆囉...而且我都未搞得幾多佢就自己搞晒...
咁我洗咩你教呀...你要點教我呀....
11點幾真係完完全全冇野做了~所以就放左我去食飯呢~

落到舖頭食完飯就同阿媽講想轉了~之後同佢地傾左勁耐~
咁佢就唔係話反對o既~因為佢都明白我~
所以我就話等到佢出糧~加埋睇下有冇d咩變化之類的事先囉~
下午返到去~其實都差唔多.....
但係3點到開始~就不停手了....雖然係咁~忙係幾忙的~
不過手就唔玪~腳就開始有d習慣~但係都幾玪...
做左幾個鐘不停...而且仲要人地開到7點半先有得收工...討厭呢....

落到舖頭都人齊了~之後阿爸就唔返屋企而我地3個去左百佳執野食了~
呵呵~有好多野食呢~聽日放假就唔洗煩了~

>>September 27, 2005 at 1:40:26 PM GMT+8

2005 年 9 月 25 日 星期日 【驟雨】

真麻煩...仲係3號風球....返工時都勁大風~又落大雨咁...討厭呢....
不過正因為打大風落大雨所以都冇咩人黎買野~所以冇咩野做~
11點就放左我食飯了~落到舖頭食完飯𤍣左陣就返去了~
下午仲得閒添~而且d野越做越順手~搞掂又等~睇住個鐘做人真辛苦....
5點到阿燃同阿洲走左之後都係冇咩野做~但係就有新野比我搞~

7點先放工~又要自己食飯了...去買完飯返屋企食完就吃圖了~
本身打算睇動的~不過咁o岩家姐就返黎la....
只好玩瑪奇la~但係玩玩下就hang左...最後都係完成個日記佢算了...

(本來仲有其他野的~不過好玪唔想打了...)

>>September 26, 2005 at 1:48:35 PM GMT+8

2005 年 9 月 24 日 星期六 【驟雨】

白痴的...個天都唔知搞咩~你一係就風平浪靜~一係就整個8號風球黎la~
你3號...即係為黎我o既ja....又要返工~又要比你d風吹到頭都暈~又要落雨咁....
返到公司都唔算冇野做o既~不過10點幾開始已經冇咩野出~搞到冇野做...
11點4到已經放左我去食飯了....落到舖頭都仲未有得食飯~
其實都唔知點解唔夠𤍣的...琴晚都未到12點已經𤍣左la...但係返到去做野時都死死下咁...
等食飯時仲𤍣著左添...食完飯其實仲想𤍣的~不過又𤍣唔到喎...
都唔明白點解d人話食完飯會好𤍣或者有睡意的~我就覺得食完飯就勁玪囉~但係要𤍣就𤍣唔到了....

下午~好多野做~因為佢要求又高左了~要做o既野又多左了~
但係諗到可以脫逃lee個困局~唯有忍落去la....
4點時已經覺得好難捱了d時間~做係好多野做~不過時間都係好似一滴一滴咁過...
之前果幾日都話可以忙到唔記得丫~但係手腳快左~做完野就等一等又有野做...
睇一睇個鐘過左小小~做一做其他野~又過左小小...企企企企企~11個幾鐘~企到人都癲....
等到差唔多7點先有得走呢....放左工又搭271返屋企了~
今晚同樣係冇飯食~只好去買la~
搞咩呀...爆多人...大家樂多人都話丫~7點幾食飯~
買完去百佳買野飲仲多人添...打風ja~又唔係咩事...洗唔洗呀....

>>September 25, 2005 at 1:24:40 PM GMT+8

2005 年 9 月 23 日 星期五 【雨】

起身時都有d辛苦....不過好過琴日~因為都叫做𤍣到6個幾鐘...
換完衫都出發了~今次係用行的返工~
行過去其實都唔錯~半個鐘都~同搭巴士都係差兩個字~
不過巴士有好處~雖然係6點幾~但係都有可能有女會搭車呢~行我諗都唔會有呢~

返到去都係咁做~時間真係幾難捱...有一種度日如年o既感覺...
做唔係話冇野做o既~不過響果個位就真係想死囉....
今日遲左先有得食飯~落到舖頭阿媽就幫我叫外賣~食完野~
我其實打算就咁搵個位𤍣下就算架la~不過佢死都要我上上面𤍣喎~
結果都係𤍣到兩3個字就算了...到咁上下時候都出發了~

下午~多係多野做左~佢o既要求好似高左了~
又有人來見工呢~嘿嘿~我快要做人師兄呢~再者~佢已經講好左叫人教我搞其他野了~
真係好想快d脫離現在的死局了~
成7點就快踏2先走得....做就唔係問題~最大問題係企到腳都軟....
去左買野飲之後就搭271返屋企了~
今晚冇飯食~所以返屋企前要去買一買野食~
返到屋企睇英皇果個野~丫~有幾隻歌仔幾好聽架喎~睇完就睇叮叮了~
勁呀~果個唱時扮得好似果個win左~實至名歸la~

>>September 24, 2005 at 2:33:27 PM GMT+8

2005 年 9 月 22 日 星期四 【晴】

琴晚好夜先𤍣~今朝都係6點起身la~
好辛苦呢....操完之後其實都冇咩野~不過唔知點解兩隻腳指公真係...勁痺....
而且身上出現左好多毛病....
6點半就出發了~好早就返到去呢~
返到去~都係冇咩野做的~都係出下咁...做到中段阿德哥響度發脾氣話冇生意果d~
其實我都唔係咁好意思呢~因為冇生意就冇野出...搞到冇野做企響度....
12點佢就叫我去食飯先~我今日唔好似琴日咁著果條死人褲落舖頭了~因為著左條爛的...
加上我如果唔著鬆身褲會好差的...就一野笠左條褲就出發了~

返到去食完野就𤍣左陣了~都唔知係咪的~雖然都係半睡半醒~但係時間過得好快~
或者唔似平日咁~𤍣o既時間多過醒la~
返到去幫左陣佢地果邊手就叫左我去切野了~
果邊幾好的~1點返到去~點幾兩點到過去幫手~要切p既野都幾多~
不過有野做真係好呢~而且果邊餅部果兩個都係住富亨的~
因為大家都係住富亨~所以都傾到幾句咁~而且佢又幾好人~真開心呢~
4點幾幫完果邊手~行返去果邊都有野做了~
時間一分一秒咁過~好快就收工了~收工時今日就簽左果d野比佢~我張卡就響今日有了~

走得之後我就去左買可樂....真係好渴呢....
阿媽話去食飯~所以我就落舖頭~去到之後就等佢收舖la~
等到家姐落黎搞埋d野就出發了~
呵~出發時見到妹妹呢~好多邪惡o既影像出左黎....
最後嘈左勁耐就去左大中食~
咁大家都食完飯我就返屋企先~因為返到屋企都遲了....

>>September 23, 2005 at 2:02:10 PM GMT+8

2005 年 9 月 21 日 星期三 【清涼】

今日係第一日返~要6點鐘起身呢~一起身就要換衫了~
6點半出發都冇咩特別好風景~
去到公司~之後就有人教我做野~又係咁了....以前響romo果度都係咁的....
有d覺得佢會係唔錯o既人但係又好刻薄的....
好彩後來有個靚仔返左黎教我~感覺上佢都係好人來的~
時間過得話快又唔係好快~但係都叫做忙到冇得慢慢過~
11點7就比人叫左去吃午飯了~我就落左舖頭食了~
食完野見冇咩野做見到琴日張報紙幾吸引啵~14歲比人捉左去做性奴....真係可憐呢~

差唔多12點5就開始返去了~時間一分一秒咁過去~
但係就好似過左兩日咁...雖然時間過得好快~但係最尾果個半鐘就真係幾難捱....
野又唔係好多野做~但係又不停的~腳又勁玪喎~你知la~肥人係咁架la ma....
好彩6點10到就放左工了~
我第一時間去買枝大水飲~之後就返學了~
行到一半見到以前個女同學~是一個很討厭的人呢~無視~

返到去見到又有人響度溫書了~係個女仔~不過冇耐就走左了~
等佢地落埋黎我地就開始了~今日周兄唔知做咩黎~發癲呀...
一開頭跑左半個鐘~之後做90 situp同掌上壓~然後再響勁踢3分鐘把~
最後佢地打左幾場free fight~就散了~不過我企左一日~仲要做咁多o既體能真係吃不消呢....

放左學我地就打算去大家樂的~不過就收左了....只去轉去第二度食呢~
食完飯再去買野飲傾多陣就散了~
返到屋企~其實都好多野做的~日記~吃圖~睇漫~仲有d想玩瑪奇....
第一就係沖左涼先~之後就吃圖~再完成個日記....
要早d𤍣了~唔係聽日起唔到身就唔好la....

>>September 22, 2005 at 4:16:11 PM GMT+8