2005 年 9 月 20 日 星期二 【清涼】

8點鐘就起左身~比左錢買轉生卡唔玩就笨la~
玩玩下~阿媽無lala打黎話大埔有間野請人就叫我去見~
佢仲好急咁叫~我就唔自在o既...因為都唔會咁快冇左呀...玩多陣瑪奇先去換衫~
出去時都冇gel得個頭咁勁~太勁比人感覺唔係咁好啦~
出發時都唔係好熱~只係上到巴士就....好彩去到見都已經乾了~
其實都唔知好唔好的....返7放7~有可能返9放9~12個鐘5千蚊~
12個鐘就真係...我諗應該有兩個鐘係落場o既~不過都做死人....
佢問我幾時返得工~我就話聽日la~其實都唔知點了...

見完就落舖頭~叫左d野食就返屋企了~
返到屋企又開始玩瑪奇了~玩埋今日都冇得玩了....
好緊張聽日唔知點添....
晚上其實打算落樓買飯的~都已經行到落樓了~家姐就打黎問我食唔食kfc~
因為琴日食過黎~但係就唔多夠囉...我都有d想食~所以就話夾分買了~
果個野雖然係好貴~但係我地兩個人就食到想死的...太多了...
最近面上都有d....死la...好驚添....

(都唔係咁記得做過d咩....)

>>September 21, 2005 at 1:38:15 PM GMT+8

2005 年 9 月 19 日 星期一 【晴】

7點幾就起左身...不過又𤍣返~10點幾再起多次身就出廳打機了~

一路吃早餐一路打機~個早餐十分豐富的...

下午都係打機過~吃左個杯麵就算了~

晚餐吃kfc....你老虎丫....我隻雞勁細...激死人了...

可能今日唔知食左d咩la~又或者我勁灌水....無lala搞肚痛...真係想死...

(冇咩特別.....)

>>September 21, 2005 at 12:22:10 AM GMT+8

2005 年 9 月 18 日 星期日 【清涼】

人齊就出發了~阿水就同佢女友去先~
我地到果邊o既火車站之後阿卓就開始傾電話了~
去到目的地~咁因為佢屈我地要果盤...肥董同樹輝兩個就走左去第二間睇下平唔平d~
我地就等佢地la~真係眼怨呢....
阿卓同條女傾電話~阿誠就搵佢d仔...阿水同佢女友都...得我同阿榮兩個...唉....
果d咁o既時間特別難挨....佢兩個黎到就決定唔走了~

甘地其實就打過黎叫我去打機~我當然唔去la~
已經有好幾年係打機過節了...我都想有d轉變...雖然lee邊一樣傻~
得阿雪一個女仔~仲要係名花有主~但係點講唱k過比打機過好得多la~
自從果次同阿盈唱過一次風箏與風之後~每次去都要點一點~而我最近覺得幾好聽的天之驕女~
唔知搞咩呢~最近好鍾意唱女歌~
雖然唱得唔係咁好~得到大家熱烈o既鼓掌~承蒙各位o既錯愛~
不過真係好開心~

阿卓就有d可憐了~佢唔知傾到d咩返黎~見到佢喊呢...想問...但係又唔問得...邪惡....
去到尾段時肥董仲點晒d好勁o既歌~驚死我地唔死得咁~
唱唱下~阿水叫我去教阿雪戴con~其實我諗都唔係話教o既~
只係做一次比佢睇咁~講返d要訣之類的事~最緊要都係克服到插眼果下ja~
就完o既時候~白痴的事情就發生~阿卓因為唔開心走左去買果隻~
其實根本就係汽水~只係得小小酒精的某飲品~(名我真係唔記得了~)
果條友走入黎話要收返佢響lee度賣果個價...70幾蚊....搞到我地夾分比左...

5點9就完了~差唔多二百蚊~抵唔抵就...好似有d貴~
我地行左去搭火車~搭車時一合埋眼~一開就已經到了大埔了...真快呢...
到左之後大家都各散東西~其實我都仲好精神~
本身想去見到大班的~不過去到佢竟然未開喎....
只好遲下先la~有d想買早餐的~不過金錢快要耗盡了...返屋企好過~
返到去沖完涼仲睇多本書先𤍣~都成7點幾了~
但係8點幾做晴朗時又醒左~碌多幾個字~又𤍣多次~結果10點幾時已經𤍣唔返了....

下午阿媽打黎~佢本身想搵家姐的~不過佢同個朋友上左大陸唔知做咩~
佢就順道問我去唔去飲茶~我其實都正想換衫落去買飯順便去見大班的~
所以就應承左佢話去然後我就換衫等佢返黎一齊出發了~
我地去到茶樓~原來d姑姐都響度~不過因為唔多夠𤍣o既關係都呆下呆下咁~
見到某個表妹~雖然係大好多~不過....同以前比...以前真係好得多了....

兩點幾佢地終於肯走了~我自己一個人去左搭71a返屋企~
去到樓下見下睇下點la~佢話響新達果邊返工的~我就覺得冇問題o既~
一來有得做就得la~二來~雖然係遠d~但係去到果邊做野都唔錯o既~
留左d資料後~我就去左百佳買野飲~然後入去街市買橘子卡~嗚...120蚊呀....
返到屋企就立即入了~不過佢好煩...個死人橘子網怪怪的....搞左我勁耐~
入左入埋去轉生~男o既疾影變身成女o既疾影了XD粉可愛呢~
但係玩左幾個鐘都冇玩落去~見到佢做叮噹我就睇呢~

睇完覺得有d悶就冇玩了~晚上瑪奇好多人~搞到我都雙開唔到冇得玩....
本身阿媽果d話返黎打邊爐的~但係屋企果個爐原來佢地拎左出去~所以整左一鍋野黎食~
晚上睇小魚兒~當時我o既體力已經用盡~不過仲努力地堅持住~
睇完~阿爸阿媽走左我就立即𤍣著左~家姐就走左去個電腦度~
我𤍣到12點幾先起身~沖埋涼入房睇多陣書就𤍣了~

(因為好玪~加上隔左日~有d唔知想點表達~)

>>September 20, 2005 at 3:16:28 AM GMT+8

2005 年 9 月 17 日 星期六 【清涼】

可能之前返左幾日早la~真係習慣左早起身...
8點幾就起左身la~既然都起左身所以就出廳打機算了~
開左第二個人掛魚~然後就上網睇野了~
到到咁上下就食午餐~然後玩左大半日瑪奇~
玩玩下覺得有d眼𤍣就𤍣左響廳...𤍣唔夠一陣就比人打黎嘈醒左~

晚上個頭勁痛~但係屋企又冇藥喎...
只好吃住其他藥頂一頂~然後入房𤍣左陣就算了~
10點幾肥董打黎叫我11點半響火車站等~換完衫等多陣差唔多時候就出發了~

>>September 19, 2005 at 8:49:30 AM GMT+8

2005 年 9 月 16 日 星期五 【雨】

9點半就起左身la~雖然琴晚都好夜𤍣~但係都....
起左身都冇咩野好做~吃下圖~玩下瑪奇咁~到12點就睇加旋了~
睇完玩多陣瑪奇就換衫~不過係遲左的~
落到去樓下已經落緊好大雨了~落雨我諗會涼d la~的確係~
不過上到車到又熱又焗咁....即死....

返到學校都好似未開始~兩點半返到去~我一換好衫去埋個廁所佢地就又開始跑~
今日冇咩精神咁~有點頹~
比起上星期的確係冇咁辛苦~但係其實都差唔多~
開始時都係跑跑~到咁上下就做d體能咁~不過2點7到開始跑到3點幾...
休息完之後練腳~lee part就死得仲勁~又勁汗~又熱~真係好難頂~
再來就係踢把~兩個人一組~我同黃德一組~我覺得除左佢個樣弱左d之外~佢都冇咩可以好挑剔了~
完成之後練多陣腳就打free fight~我同上星期一樣~又係打晒咁多人~

我發覺自己成人比人笠頂高帽落黎~miss成日都話我腳快~腳得好~打得好~
的確~比人讚的確係幾開心的~不過未免有d誇張~
係o既~我打free fight o既打法係幾大路~而且我同阿水都大概係響自己道場最勁~
但係點都比唔上港隊呀....雖然miss補充左句~我係冇港隊d人咁夠氣之外都有佢地一般o既實力....
miss都幾為佢地著想的~我一向都覺得自己係比較奸之外其餘都係一般的~
要比個目標佢地追同激勵佢地~我係最適合o既人選~
我肥~我懶~但係都比佢地強~如果諗得正面d的話~咪就係~比肥家各方面都優勝~要到咁o既程度都唔難~
有d野其實好講天份o既~加上思考方式都好有關係~肥仔果期都出唔到d咩勁人就知咩事la....

放學~仲係落緊好大雨呢~等齊人都出發了~
去左大家樂食野~咁我今晚冇飯食~但係佢又未到晚市...搞到我去左買野飲算了~
傾左陣偈就返去了~
去到屋企樓下買完飯就上屋企~返到屋企一路打機一路食~
到8點就睇叮叮~好耐都冇睇過了....不過今日果班咩猛男真係強~
第一次有人唱得晒~而且又好睇又好笑~係個尾果度真係睇得出佢已經要冇野出~但係就真係快完~
好彩伊健叫忠仔唔好叮~唔係就大失敗了~

玩瑪奇玩到過左鐘數都唔記得打日記~家姐一返黎就搶左了...
之後其實想沖涼𤍣的~不過又要睇怪談....睇睇下勁眼𤍣就𤍣左~
佢做完先去沖涼~入到房睇左陣書~聽埋電台都唔係咁𤍣到...

>>September 18, 2005 at 4:30:58 AM GMT+8

2005 年 9 月 15 日 星期四 【清涼】

既是happy firday~又係六福記的最後一天~
6點其實都已經起左身了~不過唔覺唔覺𤍣著左𤍣到踏5~
因為遲左都要快快手手搞掂出門口了~遲左搞到風景都冇咁好睇~
返到公司都遲左小小~阿俊今朝冇返早~阿聰頂左佢個位~而我就做返平日做o既野~
個早餐好快就過左了~客都唔係好多~
正當我地入左廁所休息左一陣o既時候出返去~君姐就叫左我地去幫手~
去踩d紙皮盒~完成左之後又過返去幫左陣手然後就去左餅果邊𤍣~
其實我琴晚都幾夜先𤍣~加上返早都好玪~但係又𤍣唔到喎~有時就半睡半醒~有時就清醒但係唔想起身~

我地10點𤍣到11點一二先出返去~
之後其實都唔算好多野做~最後今日有91圍~
咁阿泉知我走~咁我就打算屈佢請我吃雪條的~不過佢又冇~所以就請我飲可樂了~真好呢~
阿耀就話我會再返去~其實我都唔敢肯定自己係咪會再返黎~不過都係將來的事了~
佢地3個同阿雄阿聰就會比較辛苦了~因為果條pk阿德~"總經理"響度~見到佢都不爽呢~
最後幫埋阿俊手~都收3點了~
我將所有野都拎走了~而衫果d就放晒響公司~洗都唔洗我洗~真好呢~
放左工同阿聽行埋最後一程路~就真係再見了~

返屋企睇書~不過就好眼𤍣~本身一到吐路港𤍣到架~
不過行到一半阿誠打黎la...其實有兩個bbq派對~
一個係阿俊生日~但係佢地都冇人去...得阿雄果d~不熟....
而果邊就有阿誠肥董~其餘都係未知的~
但係感覺上阿誠都肯定左我去~我都只好去la~
返到屋企~立即要去涼沖換衫~換好就出發~

去到巴士站等佢~其實我早左兩個字~但係佢都遲左小小~
我地搭64k去~我都好耐冇搭過了~其實林村都真係幾好的~不過就太過唔方便了~
之後我地去左搭西鐵~唉...好貴呢~
去到唔知邊度就轉輕鐵~我好細個時都黎過~不過大個左都冇咩必要黎~所以冇黎~
落左車之後經阿水o既指引我地就見到佢而佢就帶我地去了~

去到果度~唉....其實我都估到架la~不過全部都係前慧遠~
有個仲大左肚o既添~好似係我家姐都識掛~都係得一個叫做睇得下~而且仲要邪惡的...
燒燒下我地就走左出去行沙灘~勁無聊的~響度傾偈呀~玩下沙果d都冇左好多時間~
返到去~咁o岩見到隔離個小妹妹飲生力....果個幾得就好似對lee個話題好有興趣的~
但係...我點知係唔係真係飲呢~?問我都冇用....
佢地再燒多陣我地4個就又出左去沙灘了~佢地搞掂晒d野~又出埋沙灘~
又無無聊聊~玩玩傾傾咁就到11點了~然後就叫揚揚帶我地去搭車了~

搭車時~香港d小巴真係強悍~佢開到110....落時仲上到115~果種感覺真係幾舒暢呢~
坐火車其實都冇咩心機了~好眼𤍣呢~
落左車分左手之後都快快咁行返屋企了~好彩冇熄電腦~
可以掛一陣瑪奇同完成埋個日記~

>>September 16, 2005 at 6:38:37 PM GMT+8

2005 年 9 月 14 日 星期三 【晴】

琴晚教左5點半響~起左身就𤍣多3個字就出廳了~
一來要完成個日記la~二來都想掛下瑪奇~
完成左之後就去換衫了~
去到巴士站都剛剛好等左陣就有車~上到車都係冇得睇書~因為...d風景睇到人地眼花撩亂...
其實我早左出門口的~但係點解都係會遲到o既....
不過阿充比我更遲~

今朝都係冇咩生意~真不錯呢~但係太天真了....
冇野做阿俊真係搵野黎做~要我地洗入面個場呢...勁煩....
吃果個所謂的午飯o既時候~我地都冇食響度𤍣~
下午~圍數不多~不過剛剛𤍣完一陣o既關係~搞到都冇咩精神~
而"總經理"好似平日咁~做好佢o既本份...總經理....真係想車爆佢...
佢唯一叫做有作為的是後來有人黎~咁佢就話一個人留la~
某程度上佢都係為自己~開多半個鐘~而且都係得果6圍....

回程時都有得睇書了~不過車落d人好騎呢的...搞到我都無法專心咁睇~
響大埔墟就落車~因為要去剪髮~
落到舖頭就出發了~其實我都係去偷薄~但係...剪完覺得好似短左...而且後面仲係好厚呢....
完事都飛的返屋企了~
返到屋企食左好好多野~而且仲有雪糕...我要死了....
又玩瑪奇了~不過更新完冇得用雙視窗...只好掛佢釣魚~自己都上網睇野咁囉~

>>September 15, 2005 at 3:56:18 PM GMT+8

2005 年 9 月 13 日 星期二 【清涼】

第三日了~今日早左出門口~風景都好d呀~
仲早過阿充返到去添~不過早上都係冇野做~
早上o既野做完之後就要整老鼠膠....
完成之後都食飯了~阿"總經理"遲大到~都唔知佢搞咩....

下午都唔係好勁~但係邪惡就邪惡在...佢一次過先爆左4-50圍~真係激死~
爆完都慢慢咁黎~完左都等到兩點幾先開始清場~
"總經理"自己兩點半走左~我地其實就打算收3點~
我清完入去搵阿充佢都仲未搞掂~等埋佢一齊放老鼠膠之後~我同佢就去左搵阿俊出去拎貨~
的確....帶架車仔真係好傻~以前都試過一次~
做晒d野都3點15到~阿俊就同我地一齊等到夠鐘先打卡走~

回程時都係睇書的~睇到中途勁眼𤍣~所以都冇睇到了~
落左車都急步返屋企~返到去吃完圖睇完電視都玩瑪奇了~
最近都勁鍾意佢~而且真係好想買點入去轉生~唉....不過要百幾蚊就....

>>September 14, 2005 at 10:16:03 PM GMT+8

2005 年 9 月 12 日 星期一 【清涼】

真係頂唔順~6點起左身之後教左個電話6點3響~
但係好似合埋左眼一陣就已經係6點3了....d時間唔覺唔覺就溜走了...
換衫換得慢左~搞到遲左出門口~
好谷氣呢~去到巴士站望住架車走左...激死人了...
就係因為遲左班~搞到所以景象都唔同~去到果頭都已經8點了~仲邊有人搭車先得架....

返到公司~雖然係同琴日差唔多~遲到了~
換衫時好似比人怒啤...
個早上好快就過左了~都係要倒一桶粥ja~冇野做~咁我地無無聊聊咁就等到食飯了~
"總經理"遲到~如果佢唔開我會開心得多呢~
食完飯就開始工作了~直到12點幾都係出左十幾圍~真爽呢~
但係一爆就爆到欠15圍....痴線架....
"總經理"依然係冇反應的~如果要比~當然的阿健~亦即係7仔~好佢得多了~至少可以用佢黎解悶丫...

如阿充所講~阿盈今日真係走左返黎~佢就好la~就快開學了~真令人羨慕呀...
中秋時真係要加把勁了~
放左工~咁阿盈問我地去唔去食下午茶~開頭我都想食的~咁就應承左去~
阿充就話我去佢去~之後就一齊去了~
萬萬想不到...阿"總經理"都去呢~咩心情都冇晒~加上我勁眼𤍣~
佢地食野時~我都冇食野同冇咩點講野了~3點9到先走~去到巴士站都等左陣先有車~
上到車雖然有打算睇風景的~不過lee個時間就...弱d la....
之後就睇書~但係...睇到一半就差d𤍣左喎~又打算𤍣o既時候又𤍣唔到~激死...

落車時~感覺上係拖住拖住咁行的....
返到屋企~吃完圖完成埋個日記都冇野做了~電視又冇野好睇~
之後又開瑪奇玩la~呵呵~可能個人仔勁左la~終於都叫做搵到d錢~
但係升lv都唔會有能力加...真係好想買卡去轉生呢...但係百幾蚊就真係...
玩玩下阿媽返左黎~之前佢打黎話今晚冇飯食的~不過佢返左黎就叫佢幫我買飯食了~
佢8點幾先出門口~就果個時候先買~呵呵~有正野食呢~
9點幾~真係要快d完成個日記了~因為家姐返黎又要比佢玩~
搞到好多野都唔知點咁~怪怪的...

>>September 13, 2005 at 1:35:07 PM GMT+8

2005 年 9 月 11 日 星期日 【清涼】

今日就係最後的五天o既第一日了~lee 5日都要返8點~
所以就要6點鐘起身~起左身仲覺得好睏~見仲有時間就𤍣多3個字了....
換好衫果d就出發了~去到巴士站就有車~
雖然想睇書的~不過早上o既風景實在係太過飄忽了~而且有隻粉皮坐左落我果邊....

返到公司~咁我就遲左個幾字la~之後就開始做野了~
現在d人要返學~都冇咩人會黎的~
早上所以就冇咩野做~但係阿俊就叫我地去拖出面~搞到我都冇時間𤍣添~
做完野阿俊就話阿德返黎做~d阿姐聽到都唔多高興~話佢做唔到野~
我其實就唔覺得o既~之後都唔係話做唔到野~不過就好似有d....
10點半佢真係返左黎~食完飯就做野la~
但係都係冇咩圍數~今日都係71圍到~自從果次之後阿充都唔係太敢對我做d咩~
d粗口都好小對我放~其實佢最討厭係d粗口~佢都冇講了~所以都唔討厭佢了~

阿德真係...叫佢總經理真係冇錯的~開頭阿姐咁叫佢我都唔係好明~
原來真係咁....佢做又唔做~得個睇字~
睇到我真係火大...應做o既唔做~人地d野又仆去做~
同佢拍真係死人呀...好彩阿充響度ja....

睇完老鼠膠所以搞到要收3點~放左工之後都勁玪~
搞到睇左幾頁都差d𤍣左~所以索性𤍣左佢好過....
返到屋企~吃完圖之後就完成埋琴日個日記~完成左之後都冇咩野好做~
冇野做就開個瑪奇玩la~雖然冇得轉生但係都冇所謂了~打下錢解下任都算是一種樂趣吧~
但係玩到過晒時間~日記都冇得打了...

>>September 13, 2005 at 9:24:15 AM GMT+8