2006 年 1 月 18 日 星期三 【晴】

真係難頂...可以下午𤍣左陣la...
搞到晚上𤍣時係咁醒...𤍣得超不順...
早上...感覺上都冇琴日咁辛苦~
但係...同個遲到大王一齊返就真係...死得人了...

聽說今晚我地公司會同荃灣果邊大搞飯局~
可能有得早走啵~以我咁o既身體狀況...全力先3點幾搞得掂...
估唔到呀...咁今日個執包手休半日~但係半日後又冇返...
搞到我要做執包手~響出面幫手~
一幫...幫到成5點半...
咁雲吞又係唔舒服...我自己都唔知自己個樣變左咩色了...佢地話我面青青的...
而周兄打黎問我今晚返唔返~因為都唔多人返~我就話冇所謂~之後佢就通知大家唔洗返了~

同雲吞一齊打的~
唉...我死都冇人理架la~食大家樂la....家姐返到黎淨係響度鬧...咩世界呀...

>>January 23, 2006 at 1:20:17 PM GMT+8

2006 年 1 月 17 日 星期二 【晴】

今朝都唔知搞咩~勁玪囉...
5點起左身~但係都要set多10分鐘去𤍣多陣~
咁25分打比阿洲佢叫我等多3分鐘就落去~
我都醒水la~踏半過d先落~
估唔到呀...佢成踏8過d先落到黎...又食風了...

返到公司~突然覺得好唔舒服...手軟軟腳軟軟的...
之後就開始發燒了....
開始打麵時已經想死...加上今日又要打水皮油皮菠皮...即係所有野都要搞...
用盡所有~終於都3點完成全部工作~差最後一舊麵ja~
出埋~清場時我都差唔多死了...
搞掂立即出去話走先~正想講o既時候阿洲幫我講左先了~

本身想搭71a的~但係咁o既身體狀況...未去到我都死左lu...
只好打的返去~
pk丫...果隻咁o既的士佬兜左個大圈...仲行條勁塞o既路...
搭左18個半呀...
之後又去左ok買藥...30幾蚊...再去大家樂買左個下午荼餐就死返屋企了...
食完野都好唔想郁了...但係一定要去沖個勁滾的滾水涼~
吃藥~再去𤍣~焗一身汗就會好好多了~

但係𤍣得果個幾鐘~燒退左~
個人都冇咁玪了~都回復左精神~
突然間好想睇之前dl o既鋼鍊~可能個人病到傻傻地做d野都有d失常~
平日都唔見有癮的~不過今日就好有興緻....
喔~但係睇落又不錯的~
正常o既其實又~我一向都話鋼鍊係動好睇過漫的~
漫我都係買到第8-9都冇買了...越睇佢越垃圾呀...而動就差得遠~睇落去係有深度的~
(已經唔係好記得了...)
結論係....這個超好看的~

>>January 19, 2006 at 12:26:22 PM GMT+8

2006 年 1 月 16 日 星期一 【晴】

都係早就完成所有工作la~
但係...唔比人走...
因為冇中班...阿洲冇得走搞到我都冇得走...
成6點幾先放我地走~都唔知咩心態的....
呀.......................好辛苦呀~好想辭職呀~~~~~~~~~~~~~~~~~~~~

>>January 18, 2006 at 3:05:46 PM GMT+8

2006 年 1 月 15 日 星期日 【晴】

又遲大到了阿洲...
而且仲同我講佢琴日咩都冇做過....
我真係激到丫...
冇錯~以我o既速度~當然係一早搞掂la~不爽的是~佢咩都冇搞囉....

正~本身A`s 插曲隻碟話18號出的~
但係今日已經有得dl了~超正呢~~~~~~~~~~~~~~~~~

>>January 18, 2006 at 3:00:28 PM GMT+8

2006 年 1 月 14 日 星期六 【晴】

估唔到呀...超傻...
琴晚都成點先𤍣~估唔到5點幾就起左身喎~
我仲睇錯鐘~走左去換衫~
坐到6點3打算出門口先發覺原來6點幾....所以就開電腦電了~
唉...黑仔到唔黑la...晨咁早就比人插...咩事呀....
阿洲無lala打黎話阿燃仔返唔到~叫我返喎~我死都話唔返~
佢可能大我la~叫我同老馮講~好呀~打比我囉~

7點幾出發~又來了....阿為又遲...打比賽都遲~
阿水又遲~肥董要等佢都遲...約左7點半~7點9先人齊...
都唔知咩事...勁傻囉~
無lala去左旺角打的....用左我成廿蚊~阿蔡有比返錢我呀~肥董就....so...
目的地係九龍城體育館~我琴日都問阿水~做咩唔搭75x去~
佢話~如果搭75x會遠過響旺角打的去喎....
白痴...如果搭75x過去的話行都唔洗兩分鐘就到la~真係聽問佢咩事囉....

上到會場~嘿嘿嘿~見返上星期果個女仔呢~
我同肥董企響佢旁邊~嘿~有d興奮添~我同佢都問題有d失常~
勁講笑勁玩~感覺上係想引佢注意la~(我都唔知想點..)真係比佢踩到腳都抵~XD
入到去~我地特登等佢地行先~之後跟住佢地~
嘿嘿~咁o岩阿為又未剪指甲果d~之後阿水就見我...嘿...所以就叫我去借la~
今日我非常樂意咁做la~不過直接去問就好似有d...
開頭問個阿sir借先o既~正~佢冇喎~
之後果個女仔當然係冇la~但係佢果班都有~所以借到~
近距離望到真係正~而且今日個頭都十分強~無懈可擊呀~

都唔知為咩黎的...阿為又重左冇得打~黃德第一場輪空第二場對個呆子都輸左...
我又勁玪喎~𤍣左陣又比d pk嘈醒~搞左幾次...都𤍣唔到了~
最大收穫都係見到果個女仔~經過我查證之後~佢叫林安的...
打比賽時仲十分之可愛~實力幾乎係0...比人打到飛起~
但係比人警告呀~比人打都笑笑口的~笑得勁甜~
不過再經我觀察~佢係有仔的...係o既...中上的女~冇仔就真係出奇la...
何況現在有邊個冇架...再差都死都搵返件先la~我lee d~近乎絕種架la....

黃德輸都走了~之後我地就去左食野~
見阿誠都大概響lee個時間放工~打比佢睇下點la~
佢都差唔多放了~食完野之後我就去麥記等阿誠~而肥董同阿蔡就去接星期四果兩條女~
我去到等左陣都唔見阿誠所以就落去去個廁所先~
想不到的意外驚喜呢~見返果個女仔喎~
但係佢地4個人...仲要背住我黎坐...如果要佢留意到的話係幾乎係冇可能....
本來打算同佢byebye架ma...佢又見唔到....

接左阿誠帶佢望多眼都出發去九龍城了...
我真係想死囉~一個白痴~一個路痴~講極兩個都唔明~
同佢講東行左去西...成日都唔夠𤍣~火爆就梗架la~仲要同佢地講真係爆上爆...
我同阿誠到左之後都開房先~
一入已經唱d命硬之類的一唱就ko o既歌...
等到佢地黎我都有點死了...

有時見到阿蔡真係想車爆佢~我地已經幫埋佢上架la~仲要驚喎...
一個人佢永遠都唔會行動~
開頭去撩o既係我~之後去約係肥董~唱卡撩o既係我地~到走時爆野o既都係我~
佢真係...如果冇我地我相信佢會係有咩下場囉...
但係見到佢咁...我又要唱出我主題曲了...
”神啊 救救我吧 一把年紀了 一個愛人都沒有　孤獨是可憐的 如果沒愛過 人生是黑白的”

當然...我地搞一搞事情都有所轉變~加上第二條女都識做~
佢兩個走時~我地係咁叫阿蔡送佢地返屋企~
條pk仔...最想爆佢都係lee一刻~兩條女一條仔~係發展關係o既最好的組合~
佢咁都唔把握時機...不過果條女都發晒姣...一定食到呀~

我地就去左大中大家樂食野~傾左好耐~等到佢地收舖先走~
其實我返屋企時見到甘地的~但係見自己咁o既身世都唔想同佢傾了...所以都係唔追上去了...
死la...又成12點幾先𤍣~看來我快要死了...

>>January 16, 2006 at 4:01:41 PM GMT+8

2006 年 1 月 13 日 星期五 【晴】

lee兩日都冇咩特別...
只係星期四比人係咁打隻腳....看來要回復都需要不少體力呢...
搞到個人仲死死下添...

野就係咁做呀~但係工一樣係遲放...
今日收左工去左阿洲屋企借碟~
響佢屋企打左陣機先走~但係我又冇save卡...唉...死人猩猩丫...

返到屋企就食飯~食完飯就玩瑪奇~再等到聽埋個森美移動先𤍣...

>>January 16, 2006 at 3:04:58 PM GMT+8

2006 年 1 月 12 日 星期四 【晴】

>>

>>January 16, 2006 at 2:06:19 PM GMT+8

2006 年 1 月 11 日 星期三 【晴】

嗚...好慘呀~佢成4點幾先同我講話又要大洗...
搞左我成個幾鐘~而且仲要搞個倉...搞到我5點8先搞掂...
本身就想返屋企o既~但係d咁o既時間就真係...
只好直接返學la~

返到去學校周兄已經響度~因為某事佢仲好嬲~
估唔到事因係果個死傻仔...算~唔關我事~
上堂la~操左陣之後無laal出面有人響度叫喎~
基於我係超自由o既關係~所以我就去左睇la~有兩條女~咩樣就唔知la~
果兩隻女響度發癲...我又陪佢地癲...
搞左一輪之後阿蔡走左埋黎...搞下搞下又走多幾個人黎~
阿蔡真係好渴呀...咁弱都去拎電話...

放左學之後又去食野LA~食時已經討論緊架LA~
佢就強LA...同人傾左都唔夠一陣就收左線LA...
之後我地買完野飲之後又傾~搞左勁耐~最後要出動到我同肥董先打去~
仲要我地自己傾添...約左星期日唱K~不過都唔知會唔會到LA...

>>January 15, 2006 at 3:51:06 PM GMT+8

2006 年 1 月 10 日 星期二 【晴】

真係想死...

每日已經唔夠𤍣架la~早上仲要比人拖一拖先添....

阿洲真係強...20分話落去~我遲左一個字落~(預佢遲兩個字la~)

佢竟然可以40幾分先出現...又勁食風~又唔夠𤍣...搞到我身子弱左勁多囉...

而且日日都勁早搞掂架la~你竟然可以遲過我該放工o既時間...真係激死...

>>January 15, 2006 at 2:53:17 PM GMT+8

2006 年 1 月 9 日 星期一 【晴】

蔡蔡早就已經同我講話辛苦~唔想做~

仲話如果隻手斷左的話就立刻辭職~

估唔到...佢真係斷左...

成7點幾佢都未返~差唔多7點半佢阿媽黎同佢請病假~

咁我都知咩事la...

估唔到~高健走左我已經悶架la~現在連蔡蔡都走埋~雖則就唔係話冇人同我傾偈....

始終我地都係同一類人架ma~

>>January 14, 2006 at 11:07:46 PM GMT+8