2005 年 10 月 30 日 星期日 【晴】

又係𤍣得一陣...不過都比果日好得多了....
今日o既工作都ok順~但係煩就煩在今日要清潔囉~
我響5點9到就完成工作~然後就開始洗了~
同第一次大洗唔同~今次我自己一個人清~其實可以清得好快o既....
要快的話就唔會搞到可以極好囉~但係基本上都冇問題的~因為好多地方都唔多洗點強洗~
只要將垃圾整走~再去抹抹都ok了~

阿媽聽日生日了~所以就叫老吹整個蛋糕~咁佢叫我聽日提佢囉~

今晚都係冇飯食的~只好響樓下買飯la~
返到屋企就食飯~食完都係睇電視~
呵呵~10點都唔洗交機~所以就睇埋d happy tree friends~
http://www.info.com.hk/forum/viewtopic.php?t=67
超正的~但係就成12點先入到房...睇埋書都成差唔多有一點了...

>>November 1, 2005 at 1:48:55 PM GMT+8

2005 年 10 月 29 日 星期六 【晴】

𤍣得兩個幾鐘...都唔知今日點捱過去...
星期日...高高健放假~出面就晒埋~我果邊就會比較多時間響打麵的時候做其他野~
就響打甜麵時一次過打左水皮油皮~不過比人睇小...話我打油皮唔打舊甜麵....
呵~我又o岩o岩好呀~出到去佢地都仲未搞掂~
之後就要加速了~
下午吃飯時~食完都快快入去𤍣了~真係好𤍣呢~就響個電話響之前一分鐘就起身了~

星期日真係邪惡...爆到死呢....多野做到暈呀....
搞完lee樣又搞果樣~又多野開又比人卡住咁~出面又忙我又唔知點解比佢搞到咁忙...
好彩我加速~可以響5點9到完成所有野收工...

收左工返到屋企都冇人~之後就覺得眼𤍣就𤍣左la...
基本上lee晚都係響度𤍣~𤍣到10點11點到家姐買左d甜品返黎~
我就玩腦玩到12點幾先去沖涼~再入房睇埋本書就已經差唔多兩點幾了...

>>October 31, 2005 at 2:22:45 PM GMT+8

2005 年 10 月 28 日 星期五 【晴】

星期6阿島放假~得我同阿洲兩個人返早~所以我就要遲d打麵~
高高健返黎之後就搞la~而我都係要等~
今日要打水皮油皮~不過早就打完了~而且食飯前仲有時間比我打埋合桃so~
完成之後都去食飯了~
返到去食完野之後打算去𤍣的~不過又𤍣唔到喎...好苦呢...

下午~基本上都唔多野搞~所以就慢慢黎la可以~
剛剛好5點半就搞掂~不過阿洲仲未走得所以我自己走先~
想搭271返屋企的~但係要買洗con水~所以兜左過去~而且好耐冇買書了~
咁就去果邊睇書~行行下見到阿水佢地...
原來佢地剛剛放學~陪佢地買野飲之後我就叫蔡蔡陪我去睇書~
之後我地就一班人去睇了~冇買咁耐都唔係好多書出~結果都係買到一本~

返到屋企果頭~買完飯之後就返屋企了~
食完飯就玩瑪奇~唉...見到佢回溯...回到去我果陣未轉生而且仲要係剛開始玩返冇耐的...
真係想死...但係好3倍exp就升得快返d囉可以~不過咁耐o既心血冇左就...
一玩就玩到冇停~因為佢到聽日就冇左個3倍同vip~結果一玩就玩到成點幾兩點~
而且入房仲要睇書~差唔多成3點先𤍣...死了...

>>October 30, 2005 at 4:11:30 PM GMT+8

2005 年 10 月 27 日 星期四 【晴】

10點幾就起左身la...都叫做剛剛玩完~今日都要好好咁休息了~
早上吃過圖之後就開雙戀2睇~
但係就好似平日咁~一睇就覺得勁眼𤍣....睇左兩集就已經頂唔順了~
反正今日有時間~𤍣完都仲可以睇~
𤍣左個幾兩個鐘之後一起身就立即睇了~基於我睇到的已經是中段~
而且故事開始入正題~比起之前有趣得多~一口氣就睇晒~
哈哈...睇完又𤍣過了....

𤍣到一半雲吞打黎~傾左兩個字到就收線了~
見冇咩野做~上網睇下野囉~
唉...好煩囉~瑪奇我玩果個ser都仲未好返....搞到冇得玩~放假都冇得玩~

(基本上已經唔記得晒了~總之就係咁𤍣la...)

>>October 30, 2005 at 3:41:40 PM GMT+8

2005 年 10 月 26 日 星期三 【晴】

最後一日了....真好呢~終於都等到放假前夕同返跆拳的日子了~等了很久呢....
今日o既工作依然順利~因為老早已經做晒d野~
其實lee幾日下午都已經開始無聊....大多數都係做埋d無聊野...同埋超龜速慢慢做同"遊雲"的...
而且今日同雲吞拍就更加順添~
但係好景不常~每當個鐘到達5點的時候~就會有好多突然需要o既野需要~
一來會打亂我~二來如果我唔爆的話一定冇可能會準時收工的...
阿洲今日又比壓力我~5點到~佢入黎同我講我今日好想準時收工~
就響半個鐘內~拆腸仔~執雪櫃~執後"攔"~開撻水~加好多"濕濕聲聲"o既野~
好彩都可以響5點半完成所有~之後我就慢慢換衫出發去學校了~

返到學校去完個廁所~之後去返大堂果邊打算𤍣的~
唉...好煩的...好多因素而令我𤍣唔到的....一來有蚊la~二來果條pk~黎左好似都唔夠一年打算叫我走~
阿嬸行過都知我返黎咩事la~正白痴~(睇住佢架la~見到d女學生行過扯到行晒咁~真係想爆佢...)
三~就係有d學生響度行來行去~四~d miss放工時都幾嘈下....
慧遠o既質素真係低得很...今日出左去買野都兩3次~咁見到其他學校果d都幾得~
但係相比下去我地慧遠真係弱到不行...得果d又壞晒~唔得果d又唔見得好...都唔知咩世界....
個頭真係咁勁...我個頭成日都比人話勁...金毛獅王...呵~我去睇其實都唔係咁勁ja...點解呢...??

6點8-9到阿卓返到黎~我唔去果邊o既原因係因為開頭有幾個男生響果邊~
而果幾個走左之後~我地跆拳有個新生~不過....一睇就知係傻仔~
聽阿為佢地講佢係比人排擠果d黎~um...如果我係佢同學我一定會咁做的~
即使我地已經冇以前咁風光~但係我都想佢走~你話咩事la...
周兄返到黎~我地先去換衫~咁我件黑帶袍依然係咁硬的...好異相的...
佢地返到黎就開始上堂了~今日好弱的...雖則話唔多野做~但係一般o既工作量都係耗到我一半以上o既體力...
加上返5點半就...係話呢...漠講話打free fight 操時都已經暈暈地...

今日o既free fight 真係高水準~我唔掂所以我就唔多講la...某程度上已經輸左比阿水了~
但係阿誠同周兄兩個發火~其實周兄輸o既原因係因為發火囉~
發火的話結果會好極端~一係勝到一面倒~一係就打落去好勁但係就比人壓到....
周兄就係後者...有時都唔知點解...有好多時都係~阿誠去到果度d人就會好討厭佢~
六福記係la跆拳都...不少...

放學了~我聽完阿洲o既意見~我接受了~
冇理由放假響屋企休息的~的確...所以我就叫阿誠肥董去唱k la~
我話請~可惜丫~中計添...果曰叫左paizz...搞到得返百幾蚊添...
但係都夠請~叫佢地比返小小就可以了~我地幾個人去完食飯之後就搭71a去了~
去到之後就點la~開頭佢地點左十多隻~我就一點就點晒d twins~
強呀...雖然係男聲有d怪~不過我好鍾意~以前已經幾鍾意佢地的~
最近就更加更加了~看來我已步入了某個年齡了...
點幾兩點阿誠就走左~我同肥董兩個就唱下去~4點幾時~幾飲已經飲完~
我在半個鐘前到已經唱到好輕易就會走音的時候都想走了~4點幾就去埋單~

去左7仔買野飲~我就買左個古古力~現在我身上大概只有幾元...苦.....
返到屋企真係好想去𤍣左佢就算...可惜...我自己都係忍受唔到...死死地去沖啦唯有...
成5點幾先上得床~睇左陣gto就𤍣了...天氣又回返暖....冷氣~開動~~~~~~~~~!!!!!!!

>>October 28, 2005 at 11:25:27 AM GMT+8

2005 年 10 月 25 日 星期二 【晴】

終於都捱到星期三了~有時都覺得唔知做緊咩咁....
學野~?我個位已經幾乎係冇咩了~
為錢~?人工實在係...
前途~?聞說如果lee度辭左職的話想入大班的話~入到o既機會幾乎係冇可能...

舖頭附近有間包舖~阿爸佢地都識佢老闆的~
佢話我捱到咁耐都叫做勁了~而走左o既燃仔都話開頭見到我都認為我好快會走的~
如果可以的話我都好想走~因為我想要o既果幾樣野都未得到~
錢方面的話就一定要做落去la~而第二樣野雖然就唔係話冇機會得到~
但係做12個鐘~捱到成條死屍咁~冇時間冇精神~要有的話就難d囉....

(已經忘記了~所以是但搵d野"涉涉"先~)

>>October 28, 2005 at 3:43:33 AM GMT+8

2005 年 10 月 24 日 星期一 【晴】

今日阿洲放假~一個人返早就冇的士搭lu~
但係都係5點3就出發了~用極高速度行返去~3個字終於都趕到返去~
我始終都不被信任的~返到去阿島就分晒d包了...
三文字果d又未整過~又冇人可以教我~所以lee個早個都比較悠閒的~
都係開餡同打麵~因為冇人的關係所以都遲左開始打~

lee度的確唔係咁常鬧人~但係佢地就通常都會響背後講你囉...
如果係的話我都會冇野講~最大問題係原因唔係咁丫ma...真係好難忍受囉...
雖然遲左開始~但係11點9已經打完早上要打o既麵~
然後搞埋d野就出去食飯了~
返到去好快咁食完就去𤍣~可能食得太快la~頂住頂住咁....
𤍣都𤍣得唔好...

下午其實都冇咩野做~返到去打完舊麵之後就做其他野了~
好快咁完成晒所有野~5點3已經完成了~
基本上走得架la~但係又比佢點...去lee度去果度拎lee樣拎果樣...
結果5點半先叫我切腸仔...真係激死...

返到屋企~因為冇飯食所以就去左大家樂買左飯食~
食完飯~吃完圖就𤍣左陣~起身之後又𤍣左陣...個人好似仲玪咁...真係好玪呀...

>>October 26, 2005 at 1:56:53 PM GMT+8

2005 年 10 月 23 日 星期日 【晴】

琴晚響廳𤍣到點幾先入房~唔知點解個電話冇響呢...
早上𤍣到5點4阿洲打黎叫我起身...兩個字後響下面等...
兩個字真係做唔到d咩...一陣就冇時間了~
個頭成個癲佬咁啵....只好用d泥禁返黎落黎la...con又戴唔到~要戴眼鏡返工了~
落到去佢都仲未到~天氣好冬呢....

返到去執完包就開始打今日的麵了~今日都算ok快~
但係因為打左撻皮先所以又搞到佢地亂左小小~
基本上~11點9就完成了~不過12點2到先出去食飯~因為要打埋個合桃so先出去~
返到舖頭~食完野就立即去𤍣了~𤍣左4個幾字~真係好舒服....
坐到夠鐘就出發了~
下午返到去咁o岩打埋舊甜麵高健就食飯了~呵呵~冇人阻住我呢~

所以就加速做晒d野佢la~基本上今日好小野做~
4點已經完成晒所有工作~4點3就清埋自己果邊場~
但係又唔比我走啵...叫我再清潔咁...然後叫人開撻水...執後"攔"...
小喇叭丫...開撻水就冇水奶....本身打算開定d餡聽日唔洗咁多野做但係又冇椰溶...
等等等等等...等到d椰溶黎d水奶又黎..搞果度d野兩個字就得la....
現在咁樣就搞到我5點半先有得走...

算la~有得走好過冇得走~
返到屋企真係好玪...吃左陣圖覺得勁眼𤍣...之後就𤍣左la...

>>October 24, 2005 at 1:56:36 PM GMT+8

2005 年 10 月 22 日 星期六 【晴】

又係點幾先𤍣...最近都係咁~因為已經好多日都係好夜先𤍣~
搞到個人都冇咩精神~而且仲要4點幾起身...
所以個人越來越虛弱....
5點3先打比阿洲~之後等左陣就出門口了~
返到公司~阿島真係強...每日都早過我地返~但係日日都遲過我地走啵...
雖則佢都4-50歲到~唔洗𤍣咁多~但係做咁多個鐘佢頂得順架la...?

今日工作都尚算順利~早上已經打了水皮油皮~食飯前仲打埋個撻皮~
11點9已經搞掂晒要打o既野~雖然係快左~但係d麵就有d失敗....
咁我其實打算打埋舊甜麵先~而且要洗埋d野~
本身都未打撻皮的~不過阿洲見我洗緊野就鬧我話我浪費時間~的確係的~
所以就打左個撻皮先~
12點半到先去食飯~落到舖頭又冇飯食~阿爸叫我叫外賣~
踏9到叫~果條粉皮遲一遲先黎~10分鐘內完成~食完飯都已經20分了...
最衰係食完飯頂住晒搞到又𤍣唔到...35分又要返去了...結果比未lunch仲玪....

下午比人叫左出去幫手....我果邊d野就完全停止....
基本上做唔係問題~不過我果邊就多多野做囉...
就係因為停晒手~幫完果邊我就要趕lee邊d野做...做到咁上下又有人黎阿洲就可以入黎幫我了~
但係即使我地兩個人做都要成7點幾先走得...14個幾鐘呢...
基本上個人都暈暈地咁~好彩都頂到收工了...之後就同阿洲搭的士返屋企了~
返到屋企阿媽同家姐都響度~係喎...真係唔記得今日係星期日添...

>>October 23, 2005 at 2:31:23 PM GMT+8

2005 年 10 月 21 日 星期五 【晴】

差唔多12點先起身~仲要係比人打黎搞醒我的...
真係好唔夠𤍣...好辛苦呢...
既然起左身只好出廳~開腦睇電視食野~
今日又勁dl歌了~lee期好想要twins d歌~幾乎都dl晒所有了~
睇完電視之後再玩電腦~不過聽歌聽到過晒鐘數~兩點先出門口~

又比人扼左了~成日都有人同我講咩咩~結果都係冇出現~有d失望呢....
完全唔係狀態呢~一來唔夠𤍣~二來已經冇操好耐~三~工作令我身體變得虛弱...
操時超辛苦~打free fight時連平日70%實力都發揮唔到...
嘿嘿~都考左黑帶好耐~都係時候派黑帶同袍了~就係今天呢~
不過隻袍實在係太大了...而且未洗過仲勁硬添~
呵呵~不過好開心呢~

放左學之後我地又去左大家樂食野~因為已經晚市了~
剛好今晚冇飯食所以就食飯~
食完飯傾左陣偈~見到有人響度等位只好走la...
搭車時~因為勁眼𤍣~同阿為搭車時冇野講都好似怪怪的...
返到屋企~見冇咩野做而且又好玪啵~所以就𤍣左陣~
𤍣左個半鐘到~個人好玪呢...個人好凍但係又標汗咁...真係唔知想點...

10點幾睇果個唔知咩~果個男仔作果首爸爸媽媽(?)真係超好聽~
雖然我唔係咁聽國語~連唔多鍾意聽都覺得好聽~佢真係有返咁上下la~

>>October 22, 2005 at 3:56:36 PM GMT+8