2005 年 11 月 9 日 星期三 【晴】

返埋今日就有得放假了~所以一早就開始搞d野~快d搞完就快d走la~
早上都進行得幾順~
下午lunch時一返到去有得食飯都有得𤍣了~
返到去打完d麵其實都冇咩野搞~以極速搞掂晒~4點半已經連場都清埋~
之後走左上去執倉執後攔~
不過...搞掂左都唔比人走...叫我去過膠~過膠時又要等~而且又帶唔夠錢...
好彩個阿姐話遲d拎返去都得或者唔拎都冇問題~(只係5毫子ja~)

咁我換完衫就行過去拎返比佢~呵~佢話我守信用呢~
我自己認為係欠人o既野就係欠人o既野~多多少少都係~我話左黎就係黎~
即使再煩再唔順路都會去囉~
咁5點幾就返到學校了~見到果個傻仔....無視~
響個大堂𤍣~其實都唔知𤍣唔𤍣到~個人都係清醒的~但係又覺得好似𤍣左咁...怪....

剛剛起身~見到miss憑~人地剛剛起身ma...佢問我做咩搞到咁殘喎~
的確我係殘...但係剛剛起身特別殘囉...
之後見到黃德我地就一齊入去了~入到去阿卓已經響度....
佢話佢5點到已經響度~但係點解我入過下去都唔見佢o既呢...

死la...又好似平日咁囉~操時又勁眼𤍣~停左就暈暈地....
今日有得打free fight~好耐都冇打過果隻了~
所以我就搵個弱d o既操返起個人~所以就12比2 ko左佢了~

放學~同黃德傾~完來佢都玩cs的~不過佢話自己不強~
我lee d就係早期玩的~如果現在去打都唔夠打la~我f.3時玩o既~
都成5-6年~白痴都玩到變高手la~(不過有d人就仲係咁...XD)

去左果間ok隔離食~我見又唔餓所以就冇食野~都係吹下水咁~
唉...一個星期先得一次咁o既機會...真係好苦架...
所以我星期四把口就超活躍的~咩都講得一餐~因為...又要等多一星期先有d咁o既機會呢...]

阿基話想讀返書~如果你真係讀到的話我會覺得你應該去~
但係~睇佢咁o既料子~讀咩丫~
果個都柏文響度嘈~我都廢事話佢la~人地都咁老咯~點都要比返d面人o既~

>>November 11, 2005 at 3:13:51 PM GMT+8

2005 年 11 月 8 日 星期二 【晴】

琴日...去大家樂買飯時果個姐姐都認得我了....唉...咁又係~我日日都去買外賣返屋企食...

因為唔夠𤍣的關係搞到遲左起身加上又慢左咁~
打比阿洲時佢竟然叫我比多一個字佢喎...
好la~一個字就一個字la~之後佢再打黎~又比多一個字佢~
我落到去o既時候佢都仲未到...等左佢兩個幾字呢...
分好包之後就搞其他野了~呵~一早就打好個美奶汁了~之後打麵時仲搞左幾個餡添~
之後11 / 2點就可以去食飯了~

食完飯之後返到去~其實今日都叫做唔多野搞~
5點已經完完全全咁ko晒所有野~但係...阿島竟然唔比我走喎....
佢話出面好忙...講真丫~關我咩事呀...我對出面d野都唔係咁識~
而且要搞的話可能仲搞到大家慢添...
結果我遊來遊去~遊到5點8-9到先有得走...果段時間都唔知做咩了...

今晚有飯食~咁家姐返到黎o既時候就一齊食飯了~
佢租左隻零時3點3~
lee出野本身阿誠話去睇的~不過...唉...
今日一睇~喔喔喔~勁正呢~有夠恐怖啊~真的不錯呢~

已經比平日早𤍣了~12點到...

>>November 10, 2005 at 4:19:16 PM GMT+8

2005 年 11 月 7 日 星期一 【晴】

好玪呢...琴晚兩點幾先𤍣....

今日~我發覺原來同阿島一齊係快好多的...
因為同阿洲拍的話就遲一遲先搞掂...而且好多野基本上唔應該係我做我都要幫佢~
一般來說問題不大~但係佢經常給予我壓力要我快~
但係又要我幫手~工作量大左~自然要搞耐d~搞耐左快極都有個限度la~
lunch前又被說教...(善意的~)

下午開頭真係想放棄的...因為早上已經發覺勁多野做~
但係又響4點已經搞得7 7 8 8 所以搞埋果d最煩o既...菠皮~雞尾同其餘o既小事~
真係可以準時收工~之後本身一齊走的~不過我就要落舖頭~

落到去拎完野就走了~天氣又回暖...真討厭呢...
我真係唔想將件衫放落個袋度囉...
響大家樂買完飯之後就返屋企了~
好傻架....唔知點解張卡d歌冇晒...結果搞到要入過~
10點又要比家姐玩~等佢玩完又要搞過~又成點先𤍣...想死呢...

>>November 9, 2005 at 1:55:40 PM GMT+8

2005 年 11 月 6 日 星期日 【晴】

又係𤍣得果幾個鐘...真係死得人...
而且今日阿洲放假~本身其實一早就可以出發架la~但係搞一搞遲得仲多添...
想用行的返去~出門口時已經30分只好搭的士返la...
返到去~阿島真係好呢~已經分好晒d唐餅了~而且我都共係用左一陣o既時間已經分好晒d包~
6點2已經ok了~之後都係出下包之類同開餡~
很順呢~不過就冇得打撻皮之類o既野~因為老憑話會遲左喎~

11點幾就食飯了~返到去好快咁食左d野就𤍣lu~都真係幾好𤍣~
到時間就返去了~基本上今日o既工作量都係一般~因為洲洲已經ko左不少野~
至於其他野~要用機仔的~高健一出去食飯就立即打晒佢~
完成後就慢慢搞其他野了~
最近又係5點幾搞埋果兩個"前花園 後花園"就可以走了~

又搭71a返屋企~其實我都幾鍾意搭佢~不過最衰就係冇冷氣囉...
雖則天氣已經冇咁熱~但係響果架車入面氣溫真係會高幾度的...加上我返早~
早上天氣當然係比較冷la~即使響街度冇問題但係上到lee架車就覺熱了...
到屋企樓下就去左大家樂買飯~等左好耐先得...

今晚勁玩瑪奇~呵呵~原來法師很強的...早前開左個人響度吸經驗~
唔洗一陣就升到冰7~唱得快~打得勁~而且一個人去打地城都仲得~
不過冇火同反...打唔到巨魔像...呵呵~其實打到去都係想個正身去打~
正身因為係近戰要打果d都比較難...法師就good了~

又兩點幾先𤍣了...想死呢...

>>November 8, 2005 at 12:50:54 PM GMT+8

2005 年 11 月 5 日 星期六 【晴】

真係好呢...自上星期5之後直到現在都冇一日𤍣得長...
可以𤍣到去10點已經係上天最大的恩賜了....
起身的時候家姐已經起了身~仲坐響個電腦面前了~然後我一出去佢就行開了~
我就有得玩個腦~
今日要玩瑪奇~雖則話佢仲有一段日子先會完結果個3倍exp~
但係如果我再唔玩的話真係比d人拋離得更遠...

玩左都唔係好耐覺得都有d玪就𤍣左陣la~家姐再開個精武家庭睇我就一齊睇~
睇完又玩左個下午又𤍣多次....不過lee次𤍣完之後個頭勁痛....
晚上~今日又冇晚飯食~家姐叫我落去~我只好去la...
7點幾落去~佢話我洗唔洗上到咁行喎~我覺得都冇咩野ja~我一向都係咁架la~
買完飯買野飲o既時候見到雲吞~佢剛剛放工~
之後佢話去我落借書~我就帶埋佢返屋企了~
我話佢知我家姐響度佢都係離不開果句...問佢靚唔靚...
而我打返屋企話佢知我帶同事返去的時候佢都係問同樣的問題...佢靚唔靚仔架....
唉...點解個個都係問d咁o既問題架...

我帶到佢返到去佢都唔敢入...呵~到底.....
我拎左比佢之後就走左了~食完飯我就繼續玩了~玩到10點就要比家姐了...
聽日洲洲放假...我要早d𤍣起身行返公司了~
最近都經常有人add我~不過都係hi完就算~難道要我主動叫佢...?這是不可能的~呵~

>>November 6, 2005 at 2:05:13 PM GMT+8

2005 年 11 月 4 日 星期五 【晴】

今朝起身時勁辛苦...而且仲遲左起身搞到要好快咁換衫~
雖然打左比阿洲而我就搞左個幾字但係我落到去都仲未到....
返到去已經遲了~但係都係踏3-4就分好了~之後再響早上打好個水皮~嘿嘿~
佢兩個唔知搞咩咁博命~係咁加速搞到我差d出唔切比佢地...
整到我冇得響中段時打油皮~只能夠響果段真正要等o既時間打~

今日真係早左去食飯了~12點4 就去la~
落舖前去左禁錢~加埋琴日d錢仲要比家用屋企~好彩我上個月都冇咩點用到錢~
即使比左錢同還左錢加上拎多5百蚊出黎都仲有幾千蚊~
今個月看來都會幾鬆動的~基本上都唔會有咩用錢的時候~
響公司買野飲~3蚊的員工價~放工買野飲~冇去買書~食飯~搭車~支出都比較低~
而且我唔似佢地咁~食煙~夜浦~買game~賭錢~所以都唔會有太大的金錢上危機~
返到去食完野就去𤍣了~𤍣到1點~又未洗返去住啵~所以就響度聽歌了~
真好呢~有得聽已經好好了~而且仲要咁正~good呀~

下午返到去~打完麵剛剛好高健去食飯~正呀~
有機仔用~一次過開晒d要用機仔o既野~之後又打麵了~
打的其間再狂開餡~
其實今日真係好多野做...不過以極速係咁開~5點就完成晒所有了~
不過...我去完執後"攔"之後比人叫左上倉執...上面又熱又焗搞到我想死的...
剛剛開左個冷氣~覺得有小小感覺已經搞掂~落到去都成5點8了...
加上慢慢換衫都5點11先走....

放工後落左舖頭~然後同家姐去左大中買野食~
行行下見到卓him~佢唔知去邊la~但係就話約左個好重要o既人喎...咩人~?估都估到la....
不過佢誤會左我家姐係我條女...超傻呢....
去到雞佬果度~家姐唔知點解成日響度留意d女仔~
佢話~d女咁都啤你o既~
呵~咁lee d野就...靚野就要睇架la XD
買完之後就去左百佳買野飲~再去租碟~之後就返屋企了~

租左精武家庭~阿嬌真係幾靚的~但係我一直都係鍾意阿sa 呢~
lee套都幾好睇~開頭我覺得勁弱囉~但係睇睇下又覺得幾好睇~不過都係望住個腦睇...
睇完之後電視又冇野睇啵~
家姐又開左果個咩活死人空間(?)出黎睇~雖然睇左好多次但係佢睇親反應都係咁激烈的...
很可怕呢....

>>November 5, 2005 at 4:01:58 PM GMT+8

2005 年 11 月 3 日 星期四 【晴】

一大清早果個死人印度人就送左勁多根粉黎...搞到我做咩都卡住晒咁...
真係想發癲...
雲吞今日放假~不過高健已經被我用行動去化解左我倆之間的"誤解"~
所以如果唔係因為咁多根粉的話工作會順利得多囉~

下午食飯時就問阿媽晚上得唔得閒~因為一早已經想叫佢陪我去買電話了...
佢話好~所以今日一定要快快手手搞掂晒d野先~
雖則就唔係話快~但係都叫做ok準時la~遲左小小咁囉....
落到舖頭之後就等la...等等等等等~等左勁耐又要等埋家姐~想𤍣又𤍣唔到咁...真係辛苦...
終於都行la~不過真係行去大中....
然後就入左間新世界的舖頭~因為我本身就係用佢個台~所以就有一係就一千蚊回贈~
一係就平900~咁我就要900果個la~而且個k700i都值到9百幾蚊~
所以lee部w800i都係用左2108蚊ja~

買完之後就同家姐阿媽3個人去左吉之島~買完野食阿媽就走左la~
而我就同家姐返屋企了~
搞左好耐...先搞掂~我都係有d唔明白佢點先得...或者真係咁la~
但係入得一兩隻都已經10點了~又要比家姐玩...
我響個廳度𤍣左~等佢玩完我就有得用la~
結果....用到成點幾先去沖涼...之後成兩點幾先𤍣...

>>November 5, 2005 at 1:47:09 PM GMT+8

2005 年 11 月 2 日 星期三 【晴】

今日已極快的速度執好晒d包~踏3已經完成了~
之後都係幫阿洲手同準備好其他野~
而出面今日只有二人~所以都要就住黎打~
咁阿洲問我打撻皮需時多久~我話3-4個字~然後就以極速完成~十幾分鐘完成....強左...
不過最後都要12點幾先有得食飯~

返到去~食完野都立即去𤍣~不過今日真係好怪...時間總是過得很慢...
當我𤍣左起埋身都仲有成半個鐘...然後就呆坐了...
下午其實都唔多野做~只係我慢慢做ja~
同雲吞傾我地果d武術的事宜~真好呢~佢係散打小子~我就係黑帶小子la~
不過我對其他人o既功績就真係唔清楚la~因為我覺得自己先係最緊要~
而佢d師公果d就好勁....

討厭呢~又係一早搞掂~本身都係5點半都走得架la~
但係又要搵野我搞...搞到我成5點9先換得衫...激到我死死下...
搞掂晒之後本身想去買蚊怕水的~但係去到百佳又唔見所以就算囉~
買左d喉糖就算了~
返到去學校~周兄仲早過我~而果個傻仔已經到了~
我就唔理la~行行企企等人返黎好了~

死la...最近都唔係好夠𤍣搞到個人都暈暈地添....
操時就勁眼𤍣的~個頭望下望下咁就會暈...真係煩....
打free fight~我覺得lee種狀態打會唔會練到更多野呢~技方面就不用說了~
但係意志同體力方面都會有不錯的效果~
放學~又去大家樂~
個個都買新電話...阿基買左w550i~肥董就買d750i~不過我只係冇時間ja~不然我都去左了~

>>November 4, 2005 at 4:59:13 PM GMT+8

2005 年 11 月 1 日 星期二 【晴】

今日真係黑仔...到底係點解搞咩我又做咩呢....好似食左屎黎咁....
連連做錯事~一~打合桃so落多左糖局住打多份...即死~
二~西包打死左~好似冇落d咩...之後立即比老憑鬧到狗血淋頭....極想唔做囉...

下午~落到去未有野食之後𤍣左先食~吃乳鴿....唔肥死都熱氣死la...
一返到去就打麵了~打完老憑就入黎好細心地講解點開撻水...
一啖沙糖一啖屎...我真係好快精神崩潰的...
基本上都唔多野做~只怪上午自己蠢...搞咁多野之後比人插到屁股開花....

晚上~都係冇玩瑪奇的~真係好想玩~
但係返到去就吃圖~然後家姐返~食飯睇埋半隻碟~再玩好耐都冇玩過o既icq...
好耐都冇同人傾過了~雖然一向都唔係咁會玩~但係比以前更加弱的...要加倍努力呢~
又成點先𤍣了...我快要死了...

>>November 3, 2005 at 4:24:05 PM GMT+8

2005 年 10 月 31 日 星期一 【晴】

早上~工作得又是很不順~唔知點解呢~可能...或者...又或者...
好多野搞呢~今日到底搞咩呀....
所有麻煩o既野都要搞...水皮油皮撻皮菠皮合桃so美奶汁...
一諗到咁多野~我真係想死....
而且食完飯高健都去左食~我打個美奶汁時失敗了...搞到我立即心情低落....
3點幾4點終於都完成晒所有最煩的工作~只係個美奶汁冇搞~

4點幾~真係比高健激到我爆~咩事就唔係好記得了~
但係佢搞到我更加情緒低落囉~
加上仲要執多劑撻皮~我立即搞到好似成村人欠左我咁~真係忍得我都幾辛苦下...
最後都係冇打美奶就走了~
買左個芒果蛋糕返去~就落舖頭了~本身叫老吹整的~不過我又冇提佢~佢又唔記得~
不過有個冇人要的~而且好似仲要整起冇耐~所以我就要左果個~

落到去佢地見到都好開心見到個蛋糕~之後佢地就食la~
佢地話好好食~我就覺得都不錯~因為我愛芒果XD
坐坐下老憑打黎...之後鬧左一大餐...
又話唔洗個池盤...冇打美奶汁~lee樣就自己衰的...仲有撻水~
咁我覺得我係做錯左冇打美奶汁囉~其餘o既...我覺得錯不在我囉~算la...要鬧就鬧la~我冇所謂的...
等等等等等~等我家姐落黎...等左好耐~又冇得𤍣...搞到暈暈地...

等到佢落黎仲要佢地搞埋d野先走得~之後就去食飯了~
呵~今餐家姐請的~本身話一人一半的~不過我買左個蛋糕~而佢又出左糧~我又話唔比佢都吹我唔帳la~
返到屋企完成左琴日o既日記之後都冇得玩了~
然後就開左個唔知咩片子看~睇左一半就聽日先睇了~真係好眼𤍣呢~

入到房睇埋本書先𤍣~又差唔多12點了.......................

>>November 2, 2005 at 2:15:24 PM GMT+8