2005 年 5 月 3 日 星期二 【晴】

二選一~?雖然簡左~但係又做唔出....算la...是是但但算lu....

擔心某人講是非...看來係有的...討厭呢...

反正我就是笨....唔得咩~?

忘記了....

>>May 5, 2005 at 10:35:31 AM GMT+8

2005 年 5 月 2 日 星期一 【晴】

邪惡的說....咩都唔講了.......................極度不爽......................

今日係一個極度不幸日....比人咩囉....正當我交表比華哥o既時候....
咁咪順勢問下佢幾時加人工囉.....之後咪用~阿堅同阿德都有23蚊個鐘~
之後佢就好火爆咁響度嘈la....我出返去之後~
佢見到阿德就立即捉佢過黎對質la~呵~阿德真係阿德~同我一樣~冇必要講大話丫有d野~
阿德話~你打黎果陣話23蚊個鐘~我見到佢個樣...感覺上係~(條死仔你咁樣爆出黎~?!)之後咪勁兜囉...
又話我扯晒火咁問~又話我乜又話我7~我問果陣都係講笑咁o既語氣jo啵~扯火~?!
走o既時候又捉住我講極...咁人地同你講緊經o既時候就冇理由響度咩架la...(傷風中...)
之後d鼻水咪流出黎囉...咁就比人屈偶喊la...

(如果真係要我簡的話.....好囉....我簡左la........)

>>May 5, 2005 at 10:35:22 AM GMT+8

2005 年 5 月 1 日 星期日 【晴】

起身打左陣機就去換衫la~不過又搞到遲左....
但係又要去禁錢~我快快手手搞掂就出發la~一落到去本來見到個女人o既~
前面仲有一個阿伯~好彩~個女人唔知點解走左喎~
我等左一陣...我終於都知道點解個女人會走la...個阿伯唔知響度等咩~等左勁耐~
佢走左之後我咪禁囉~我有d明白佢搞咩了~不過佢就有d白痴囉....
平日我都係禁300到o既ja~但係呢~原來佢只可以禁到100同500~我只好禁500 la~
但係果個阿伯就拾下拾下咁~即使唔拎或唔知點佢都唔識取消佢....

去到巴士站~佢兩個就到左呀~不過佢地話阿榮未到~剛剛有架車過都見唔到佢響上面~
等到咁上下都踏10就唔等了~
好在我地返到公司都好冇遲~而且阿榮就打比阿庄話現在先返....
食完飯就開始la~一早就有人黎la....咁阿榮踏4先返到~
今日差兩圍就到300圍了...不過好快就收野...結果我地就做多好多功夫...(今日都幾多靚女下...)
清場~去換水呀~之後仲要洗果個n年都冇人用過o既廁所....
搞到咁上下就食飯la~食完飯...咁因為佢又遲開飯...搞到洩左...

>>May 3, 2005 at 12:24:22 AM GMT+8

2005 年 4 月 30 日 星期六 【晴】

一早就起左身la~玩左陣ro就去換衫~
不過可能搞得太慢la...遲左出門口~所以要加速行過去la~
早知就唔行咁快啦....因為架車都仲未黎而且仲係咁標汗添...
唉...好洩架喎...搭又係搭平日搭開果架車...但係又遲到喎...40分...
我地返到去~(我覺得)阿俊仲好"梟"咁同我地講話~你地得兩個字架咋~
食完早餐我都冇咩胃口la~所以都冇關係的~

開始工作了~真好彩呢...今日得百幾ja~而且同佢地一齊又唔悶~
同平日比...真係天堂與地獄囉...
可惜丫~今日要洗盤喎~雖然話就話今日係幾好~但係大家都玪la~
最後我地都係快快手手咁洗完佢就算la~
真係快手囉~3點半就搞掂~之後搞埋小小野就去換衫~
4點就走la~

本身就話同阿樂睇戲o既~不過...我又冇打比佢返左屋企啵~
我返到屋企~玩玩下個腦玩到咁上下阿樂就話今日唔去得~之後話聽日去~\我都係果句~睇下點囉~
今晚~真係好正囉~雖然冇壽司~但係...都係有三文魚呢~而且仲有霄夜~
玩ro~好邪惡呢~玩左兩個幾鐘就完左個十字軍...私服的魔力....
大長今真係完了~原來係好搞笑的....

>>May 2, 2005 at 12:09:19 AM GMT+8

2005 年 4 月 29 日 星期五 【雨】

正....雖然8點到都醒左~但係又比我𤍣得返喎~真好呢~~
9點幾就真係𤍣唔到la~不過出到廳又冇咩好做...家因個ro仲維護緊...
都已經幾日架la~仲係咁...效率真低呢...(唔洗錢o既野...都係咁上下架la...)12點睇電視lu~
阿水無lala打黎話唔返得~之後叫我幫佢拎d表返去~
通常我都係睇完電視先去換衫~咁就話一陣打比佢la~但係...換完搞好晒之後佢又話阿基幫佢喎...
搞左咁耐e+先填果份野~返學時就順道去影埋個身分證~

去到學校果頭見到家樂~當然冇去叫佢la~我自己聽下歌唔好...
所以我就加速去買野飲la~
返到去就換衫上堂~唉...我老了...以前去運動場最高記錄都跑到成個幾鐘...
但係今日竟然響十幾分鐘時我就頂唔順la...暈低了....
完成lee個都好似平日咁上堂la~
好自私囉周兄就~佢自己一個同白白打free fight喎...我地都就快比賽又唔比我地打...
講真丫~咁耐冇打都唔係好記得點打lu...
(今日又發左癲....心情暢快了不少呢~)

阿肥仔冇返~(正)不過阿為就有返喎~如果平日肥仔提出話去食野~
而其他人都唔響度就唔會去架la~咁今次阿為就話去食~
之後出發去食野la~基本上係好快食完的~之後就傾左陣偈la~
咁阿周兄就講左好多我地跆拳高層o既邪惡的事~咁因為某d事宜我地都唔知打唔打下次o既比賽咁...
傾到咁上下都走la~

今晚~睇個丁丁時~嘿嘿嘿....又有李家豪喎....好彩佢都幾勁...
冇影衰晒我地千千萬萬個李家豪lee個名~而且我同佢都一樣...掌上壓o既上限都係30~(以前)
阿樂icq就叫我~話聽日去睇戲喎~雖然...係好o既...不過就...佢連個名都唔知...
感覺上佢都唔尊重套戲就話去睇la...搞到我都唔知點好咁~
如果叫阿榮~可能佢帶佢果個朋友出黎喎~XD

勁搞笑呢今晚~聽森美移動o既時候~咁佢果個3個只能活一個~
就話去881果度做緊節目時大叫一句咩大長今大結局?~韓風咩咩咩囉~
之後佢地開始行動la...而我就一邊開住個機~開埋個電話~哈哈~兩個一齊聽~
笑到我死呀~不過果個主持都幾強下~感覺上佢係冇咩點亂的~
仲可以兜返~lee d先係專業架ma~

>>May 1, 2005 at 12:16:08 AM GMT+8

2005 年 4 月 28 日 星期四 【雨】

老早就起左身~雖然心情很好~但係同樣賴皮中~
吃過早餐~玩左陣電腦就要換衫出發la~
返到公司~食完飯~入去做野~呵呵~見到今朝得33圍....
正~看弱今日都弱勢架la~
今日果然弱得很~得5-60圍~不過對於一個軟軟的人來說~做起來都有d吃力~
強迫性收兩點...唉...不過算la~我就走左去又買個夾餅~
不過今日果塊係返整的...所以都唔係咁好食~
上到車~丫~次次都係咁架喎~返果陣點都𤍣唔到~但係走o既時候都暈暈地咁...

(冇咩特別~無聊的一天~)

>>April 30, 2005 at 2:03:19 AM GMT+8

2005 年 4 月 27 日 星期三 【雨】

唉...灰呀~琴晚聽聽下架勢堂又𤍣鬼左la...
11點幾𤍣~但係成日都好似唔多夠𤍣咁...成個人都軟軟的~又冇咩精神啵...死人....
今日好早就返到公司la~食完飯就開始工作呢~
真爽呢...今日都係得80圍到~所以我就一早兩點半就走la~
老實講丫~最近睇阿德都開始有d不順....在於我o既角度...佢真係十分之咁...................

放左工之後~我就走左去買夾餅la~好耐都未食過呢~
咁魚與熊掌是不能兩者兼得的...雖然買左~響街度我就唔會食架la~而且為左坐個靚位~
我係食唔到熱騰騰的夾餅的~
返到屋企~拎埋琴日果d蛋撻出黎一齊食~之後就一路食一路打機la~
最近每日睇小小o既政策開始進行~唔知係今次o既太短丫~定係咩la~
雖然睇完係覺得睇左好耐...但係感覺上都係睇極都睇唔完咁...

今晚聽架勢堂~迪偉響度係好~不過只係搞笑..今晚講鬼故就真係冇個恐怖....

>>April 29, 2005 at 12:28:02 AM GMT+8

2005 年 4 月 26 日 星期二 【晴】

今日都係唔多願起身....等到8點4到先起~完成埋琴日個日記都9點la~換衫出門口了要~
返到公司~食完飯就開工la~真好呢~等左好耐終於都叫做靜返落黎la~都係百幾ja~不過就收3點~
放左工就去左買蛋撻~可惜丫...只有我不太喜歡的蘇皮...
上到車雖然想𤍣~但係又𤍣唔著喎...或者因為我搭緊果架係d位好迫所以坐都坐得唔舒服....

一日24小時~看來真係唔多夠用~
返工冇左幾個鐘~搭車兩個鐘~𤍣教冇左8個鐘~
其餘就...今日就玩左一舖aomt~睇左一個動~之後玩ro~不過樣樣都係做得小小...真係唔多夠用...

琴日同阿樂傾早熟o既~講真丫...見到成龍個仔就真係有d.....
兩個男仔去睇雖然不成問題...不過...睇下係邊個囉XD

>>April 28, 2005 at 8:28:21 AM GMT+8

2005 年 4 月 25 日 星期一 【酷熱】

𤍣到8點幾先起身...唔知點解呢~好玪...唔多願起身...
不過唔理得咁多~到差唔多時候都係要換衫出門口了~
返到公司~本來意謂會遲架la...好彩冇事ja~
因為食左早餐~個肚仲飽飽滯滯咁~都唔洗點食~況且都冇咩好食....
叫做食完o既時候就去左買燈膽la~

我發覺我係唔舒服的....成身都軟軟的...而且心情都變得欠佳...
做o既時候都有d"炆"....對人地發脾氣~對自己發脾氣~不過真係好辛苦....
當然...又係果句囉~有好多野係谷出黎o既~我就係睇唔過眼~唉...死就死la~
爆完一輪係精神d o既~不過聽日就有不得了...
我地3點到完成所有野~之後阿俊就叫我地去門口果度換燈膽~
我地落到去就搞la~搞搞下阿垃圾婆就黎la...見佢要搞野我地就停左手~
一等等左成半個鐘XD~3點半先開始搞~其實真係好快就搞完la...3點9就完成..你話呢...

呵呵~就係咁等一等~有飯食~而且廚房遲左開飯~4點半先食~咁我就可以收5點了~
搭車o既時候都真係太玪了~本身就想頂o既~不過個位就唔靚la~而且lee個時間都....
返到去~又去左百佳買野la~冇奶冇包~咁就要買la~不過買買下又買多左野....都買左50幾蚊野呀...
到屋企就玩aomt la~不過不太順咁就玩左一兩舖就冇玩轉玩ro~

本身我11點幾就𤍣左架la~真係唔知咩事~我家姐又走入黎~
佢入黎我唔知佢想搞咩~但係就比佢嘈醒左...搞到我碌左好耐先𤍣得返囉.........

>>April 27, 2005 at 12:54:51 AM GMT+8

2005 年 4 月 24 日 星期日 【雷雨】

一早就起左身la~咁玩左陣aomt~一小時內搞掂晒la~玩完就去換衫出發~
返到公司~今日早左喎~32分就到la~
食完飯就開始工作la~真係工作呀...一早d人就黎la...之後停左...都唔可以話係停...係靜左一陣~
之後就爆la~一個唔覺意就覺到二百幾...真係死比你睇~
阿peter又唔做lu喎~點講都好la~雖然我討厭佢...但係多一個人都好丫ma~
二百幾都冇飯食~冇天理la~一早就叫我地走la~咁lee d野都唔輪到我地決定架la...走囉....

返到屋企la~我終於發覺點解個ro玩唔到la~因為我冇更新...入得太直接了...
玩左幾個鐘...好悶添~咁就玩左陣aomt~練習下其他囉~
今晚架勢堂~小儀因一d事故入左醫院~所以就阿迪偉幫佢手頂la~
講真丫...今晚真係笑死我...

>>April 26, 2005 at 12:59:33 AM GMT+8