2005 年 8 月 31 日 星期三 【清涼】

9月1日~一般學生都要開始返學~某程度上係好的~有得睇d女學生....嘿嘿....
基本上~咩月分咩日子星期幾都對我冇用~一個星期放一日~就係星期6~
就係因為咁所以都覺得好無奈~返份咁o既工都只係得到咁樣o既結局....
不過已經差唔多定好日子辭職了~差不多...差不多....

早上吃完早餐~因為有兩日冇吃圖所以就去睇下有咩~
真係多到爆...只好要d唔要d la~最後都係因為懶所以大概加埋都係得兩頁多~
到差唔多時候就換衫出發了~
琴日已經完成了涼宮春日的嘆息~今日又開始新的~其實琴晚𤍣前都睇左個序了~
幾好的~上車時都睇左不少~不過我唔係咁識棒球~有d唔係好明棒球果一段....

返到公司~唉...阿榮阿誠都唔響度~而佢兩個都唔係咁o岩傾~
阿俊又唔響度啵...看來今日要悶死了~
好彩今日都冇咩圍數~看來是9月1的關係la~
坐左都不少時間~又可以聽下電台咁~真好呢~
佢兩個就好似好趕咁~結果我地就收兩點半了....

好似有d蝕咁~不過算la~我都有d玪....
放工時冇人同我傾偈~所以就睇小說了~因為佢分小左章~所以就長左~
不過都差幾頁完了~落左車之後就打算去買碟燒~
喔喔喔~好多學生呢~不過冇幾個得的....好過冇得睇....
買完之後以極速行返屋企~去到樓下買左d野食野飲~

返到屋企吃左陣圖就睇電視了~不過都冇咩好睇~
咁今早dl左air summer specail~既然冇野睇~而且都有d心急想睇就開黎睇la~
這個超好睇的~而且仲要講神奈果邊喎~加上加入左好多搞笑o既元素~
最衰就係要等到下星期先有得睇la....

睇完聽左陣歌就換衫出門口了~落到樓下~勁大風呢~搞到成個癲佬咁....
落左車返到學校果頭~仲大風~都唔理佢了~加速快d返學校好了~
返到去今日連2樓都冇得用....要響操場上堂了....
又係返得幾個人~阿水lee界都剛剛走左~我地跆拳都開始要沒落了....
我地為左聽日o既操練~所以今日都留留力~當係熱下身咁囉~

差唔多9點就完了~佢地話打算中秋勁多人的去唱k....
如果之前釣到d咩~可以的話我都唔想出席~
或者係人o既問題la~有d人就唔係咁想見o既~而且太多人我都唔係咁鍾意的~
又去左下面果間餐廳食~
死la...最近都成日講某的壞話~雖然開lee個話題果個就唔係我~而係佢o既好友~
不過如果係好友都要講到佢咁~都唔知點睇ee個人~要重新估計lee個人~
最近佢好似開始拉攏返阿榮啵~嘿嘿~睇下點~

>>September 2, 2005 at 12:44:27 AM GMT+8

2005 年 8 月 30 日 星期二 【清涼】

已經兩日冇得用電腦了~真難捱呢...
一早就比家姐嘈醒左~結果很難先𤍣到...再到9點~
好似開始發緊個夢的~但係就比猩猩打黎嘈醒左...
9點幾忍唔住就出左廳了~見冇咩野做~電視又冇野睇~所以就聽電台看小說了~
等到差唔多時候就換衫~再出發~

天氣都真係幾熱的~差d要死...落到去剛剛好見到架車走~我又死了...
搭火車時有一班好邪惡的人~嘈到爆~討厭呢...
到左旺角就打比猩猩~佢地兩個走左去信和...早知搭271 la...
我用極速行到去之後勁標汗呢~
去到真係勁涼呢~正呀~
開左房之後都拿拿臨開始了~嘿嘿嘿~lee度有魚蛋歌呢~不過佢地唔識~
我一個人唱都冇所謂啦~
不過佢地唱d歌好多都係舊歌~唔係舊到爆就係新到咩咁~兩者都係一樣~唔識唱...

唱到點9就走了~陪雞蛋去換碟la~不過lee個時候點會開舖呢...
走時雞蛋又話要去沙田~結果猩猩就去左買4仔~雞蛋就搭火車~我自己就搭271返屋企了~
上到車𤍣到一陣都𤍣唔到了~
返到屋企阿媽竟然響度~不過都冇野食~好彩剛剛買左包~
下午真係冇咩好做~五天精華遊都冇得聽...只好睇小說呢....
今日已經完成了~真係幾好睇的~真係好想知佢入面拍左d咩~嘿嘿~不過快要出動了~期待~

家姐叫我7點半去到巴士站等佢~我就等到差唔多時候換好衫就出發了~
我真係比佢激到我爆~又話74x車站等咁~我到時就剛剛~
一言不合又炒起上黎了~
上到去~果個阿叔開個腦之後原來冇事~看來我換左個火牛是正確的~看來問題是條線呢....
大家不爽不爽地去左吃飯~我老早就下左道氣了~
結果佢地就傾左勁耐~距離成為一個冷面笑匠仲有十萬百千里路呢~

我自己一個人返屋企先~老闆送左條線比我~
但係就...好弱呢果度d野...不過問題不大~以後只要唔好郁到佢我諗都唔會有問題的~
之後一口氣完成左三日o既日記...圖果方面就...都唔知點吃了..

>>August 31, 2005 at 3:08:29 PM GMT+8

2005 年 8 月 29 日 星期一 【晴】

其實都冇咩特別事~加上有d混亂....
響公司今日好悶呢...得阿誠一個~你知la~阿充就....
阿庄都唔好講la~女人與小人~難養也...一個似女人的小人~實在係....
算la~我地幾個~我阿誠阿榮阿卓都對lee個人都失晒望~
阿雄就真係弱...點講la~就好似聽電台咁~我聽903佢聽997~點傾都傾唔埋~佢思考方式真係...

放左工之後本身阿誠話陪我的~不過見佢咁玪我都叫佢如果玪就返屋企好了~
我自己一個人走左去買左個火牛~
我返到屋企就搞la~但係最後曷失敗的...到底是那麼出錯呢....help....

討厭呢~事事不順~譚德話還錢比我但係又還唔到了....
打算返屋企睇di gi charat la~但係又完左....

冇野做時就看小說~又睇左好多了~
晚上吃完飯之後就睇電視~我一句戲言話去跑步~
我其實好想去的~不過一直都冇機會~
見佢平日都有跑開~咁我今日就同佢兩個人去跑了~
但係跑唔到一陣佢就話痛...結果行左勁耐~到返轉頭先跑得果一陣...

>>August 31, 2005 at 2:25:48 PM GMT+8

2005 年 8 月 28 日 星期日 【晴】

早上吃圖時電腦死左....我第一時間開佢睇睇la~
睇完發覺個火牛熱到辣手的~我大概都知道咩事o既~
打左比家姐~結果係比人噴到一面屁的....
時候都唔早了~搞完個電腦都差唔多時候去換衫了~

今日返到公司~吃過飯就工作了~
真好呢~佢開始叫做正常返了~因為百幾圍咁~好開心呢~
但係就冇得走囉....咁阿俊話有野要我地幫手搬喎~
我地要做o既都做晒~等左好耐就出發了~
原來係幫華哥搬屋....其實我地都唔係咁鍾意佢~如果要講可能我係最果個~

搬完之後都要出發了~本身上星期二的改到今天先可以進行~
就係去唱k了又~本身上次可以約埋阿盈去的~不過上星期5開始佢已經話冇錢了...
算la~其實佢去唔去都差唔多呢~
我地坐小巴去~但係塞車呢~
落車我就打比阿卓~但係佢原來一早到了...我都叫左佢到左打比我...但係佢就....蠢....

我地去到了~我同阿誠滿心期待的魚蛋歌~是沒有的...真係有點失望....
但係就一開始已經點d好高lv o既歌了~好人....
我係點比阿榮的~其實佢平日都有時念念有詞咁唱歌~係幾好聽的~
唔知點解呢~佢好似死死下咁....感覺上好似唔多開心~
lee d時候我都落力地令佢開心~成唔成功就不太清楚la~至少我自己o既情緒都差不多到達最高點了~

唱完之後我地就去左大家樂食野~我今日就特別吃得寒酸....
因為糧尾了~講就係咁講~我冇做野兩個幾月~都真係唔好講d咩la....
而且所有所有錢都係今個月內用晒的...買書都差唔多成千蚊了~
食野都可以上到6-7百蚊~其他去玩o既~搭車其他其他野就搞到我禁埋錢都係得5百蚊多d...
所以今晚只係吃個飯算了~連野飲都冇呢....
食完飯又係傾偈la~卓卓今日黎到其實就係比我地拎黎玩的~我就講我d邪惡計劃叫佢用~
大家都講到十分起勁~至於我lu喎~最近睇電視時又學到d新野~真係活學活用呀~

傾左都好耐先走~走時行左陣就返屋企了~
返到屋企~可怕的事要發生了~家姐竟然係冇咩事仲笑笑的~看來佢心情很不錯呢~
其實我本著受死刑的心返黎~但係冇事都可算是幸運了~
睇完電視就沖涼返房𤍣la~
今日又買左好多本書~一口氣睇左3本~有d就其實省略咁睇~
剛剛好睇完就12點了~其實我都有咁o既打算~因為12點lee個時候睇埋本小說就good了~
可惜睇睇下差d𤍣左...睇埋果d之後就打算𤍣la~
不過睇完又爆精神啵...我真係想死的~結果睇埋果幾本書之後搞左一大輪野3點幾先𤍣到...

>>August 31, 2005 at 2:14:00 PM GMT+8

2005 年 8 月 27 日 星期六 【清涼】

琴晚都比較夜𤍣~今朝起身都起唔到~
不過一大清早家姐就起左身la~搞到我冇得吃圖~
玩到差唔多鐘數就出發了~
已經完成左涼宮春日的憂鬱了~雖然係有第二期~不過就叫左涼宮春日的嘆息~
上車時見到阿榮~今日都睇左不少~
返到公司仲早左添~

嘿嘿~開頭果一個鐘超悠閒的~只係得十幾廿圍~
之後爆左一輪~幾驚佢又爆到二百幾~不過就冇事囉~得果百幾就停了~
雖然星期日~但係就唔知點解咁小了~可能係因為個假快放完了la~
完場時我地就去左整老鼠膠~不過個場未清完~阿雄果d就幫我地清埋佢~
收左工之後我地去左大中食野~本身就食美心的~不過迫爆就只好去大家樂la~
食完野傾左都幾耐下~然後就陪阿榮睇碟~
睇左好耐好耐~之後原來果間野已經賣晒了....只好去第二間~
買到之後就各自各歸家了~

今晚屋企都冇人~好夜先開始食晚餐~
吃圖再出現同樣的邪惡事宜....討厭呢...不過吃左好多圖~歌~漫~大豐收呢~
晚上有得看魔戒~
果次睇就真係經典了...一次過睇3集~不過第三集佢地有事做而飛左好多~
今日做第一集~期待呢~

>>August 28, 2005 at 2:01:01 PM GMT+8

2005 年 8 月 26 日 星期五 【雨】

琴日放工時睇唔到淨返果半章~結果晚上睇埋佢~
不過估唔到佢原來得返好少~睇到一點到就𤍣得了~
早上8點半就起左身~起身時彈左一彈~諗一諗~今日星期6呢....
其後果半個鐘都𤍣唔到~碌下碌下響度諗左半個鐘野就出廳玩腦了~
吃圖時又出現同樣的問題...邪惡的說....
完事之後就玩左陣aomt~玩完都剛剛好睇電視了~
加旋lee集好正呢~有d感人~到底果隻cheap野下集會點呢~期待期待~

點半到先出門口~今日落雨~天氣都冇咁熱了~
上到車因為冇咩風都比較熱~幸好及時開車~冇勁爆汗~
買完水之後就返學了~
返到去得小貓三四....加埋我都係得4個人~難得miss同周兄都有返....
我地開始左半個鐘多肥董同阿水先返~
進行中的訓練是用身體去感受~一見到家樂就不爽了~條pk超狗呢~勁想打佢~
咁我都冇咩好的方法去打佢~只有在整個過程裡加重力度同速度~
吃了我的腳就不好意思啦~

放學前仲有free fight 打添~不過就輕鬆果隻~
打左兩場ja~家樂同黃德~本想打死佢的~不過算la~黃德太弱了~放過佢把la~
放左學之後我地就去左咩紅樹林食野~
果度都幾抵食的~21蚊咁要加1~都係23蚊ja~而且份量又大~仲幾好食添~真的不錯呢~
食完都冇咩點傾~我今日o既矛頭就係指住家樂la~仲相當的明顯~嘿嘿...我太邪惡了....

返到屋企家姐冇開腦玩~今晚好早吃飯~
好彩我剛剛食完野~咁就.....
食完飯個腦又冇咩玩睇左陣電視~果個咩電視就做甜絲絲la~
之前我已經極想睇了~不過係冇機會的~
佢上時又冇人得閒~碟我自己就唔會租~又冇人租~
今晚睇到真係大滿足的說~又搞笑又好多幾正的道理呢~霖女真一流~
雖然一早聽過~但睇時先發現愛是最大權利真係幾正的~
咁戲內林美一家的四喜到底係邊個呢~之前都睇過佢d戲~喜歡的~

>>August 27, 2005 at 1:55:55 PM GMT+8

2005 年 8 月 25 日 星期四 【晴】

同性戀刑事條例違反基本法
http://hk.news.yahoo.com/050824/12/1fw8n.html

我其實都覺得好唔公平的~我自己就唔係la~
雖然唔可以話係認同~不過就絕對唔會反對囉~
男男~女女搞的話又唔會發生d咩事~(男男可能會比較污漕....)
但係我就認為如果女女~男女16歲以上都得的話~男男唔得就好似有d....

起左身都有d玪~碌左陣先起到身~又來了....吃圖時又係咁....只係一個晚上都推到第4板....
我以極高o既速度完事~之後就換衫了~
早左出門口呢~但係去到紅綠燈又見到75x....
之後我一過完佢就轉燈~搞到我又要追巴士了....
上到車又見到阿榮呢~看來佢冇呃我~佢真係前排冇咩點遲喎~
又睇左半章~上一章已經進入正題了~越來越刺激呢~

返到公司剛剛好~之後換好衫因為平日坐開果邊冇位就去左君姐果邊食la~
食到咁上下阿誠先到~我地食完之後阿姐佢地就傾偈呢~
嘿嘿嘿~其實我就覺得我d皮膚都唔係好好ja~白的確就...ok la~都唔係激白XD
但係可能佢地見得多果d黑媽媽o既人la~看起來我特別白的~
天生麗質都是罪呢XD

今日好強悍...我lee個月返黎以來第一次吃到下午果餐~
因為佢二百八十幾圍....咁要等到4點半先有飯食所以我地自己搞完要出去幫手~
吃完飯就走了~唔記得同阿盈講永別添~
佢做埋聽日都走了~雖然唔係話見唔到o既~不過....lee句野唔講都有d唔自在的~
放左工之後我地去左買野飲~上到巴士阿榮好似好玪la~
咁我同阿誠好似傾開左但係又冇野傾~我半路又拎本書出黎好怪咁就...唔知點咁~
最近講野o既速度又快左了~雖然講左好多都係無聊野~不過都幾搞笑的~
可惜我其實係想~講完佢地笑而我係唔笑的~但係失敗了...道行不足呢....

返到屋企之後都係上下網吃下圖之類的事~
已經拎左阿盈icq了~而且仲睇左佢朋友的相簿咁~佢d朋友呀...問阿誠阿榮就...明白了~
阿誠想溝果條仔都幾ok的~幾似阿基的~反正剛剛散了~佢點解唔上呢....?
終於都有魚蛋歌了~我要做阿sa~!!

酒店果個~馬德鐘同佢身邊果個感覺上真係好似呂布同張獠咁...實在係強呀~

>>August 26, 2005 at 2:01:01 PM GMT+8

2005 年 8 月 24 日 星期三 【晴】

琴晚完成個日記之後沖涼已經成點幾了~打算睇埋果4分3的小說的~
不過睇到咁上下𤍣著左...兩點又起左身睇埋果d都已經3點幾了~
本身約左阿媽大概10點到落去搵佢的~但係9點半先起身加上慢慢換衫果d而且仲要行落去~
一落到樓下~今日好似唔係咁熱呢~有一種清爽的感覺~
感覺到秋天的氣息了~真好呢...期待你的來臨~

但係行左都好似有半個鐘路程~但係都唔係勁汗喎~真好呢~等左陣就出發了~
去到火車站見到譚德~佢叫我同佢一齊去麥記睇果條女~
雖然好我想去睇下~似stephy喎~可惜我有要事在身~去唔到了~
去到沙田又要行多陣先到~真麻煩呢....
比左果張野果個人之後~再等多陣就叫我個名了~其實好麻煩的~
因為我個名實在係太普遍了~差唔多行出街大叫我個名都會有一兩個人回頭望的....
好彩就冇d咁o既事發生~等埋佢兩個拎埋就走了~

阿媽無lala話拎西餅~真好呢~之後我地就搭車返太和飲茶~
飲到咁上下阿爸走先~而我都吃飽都唔阻佢地傾偈都係走先~
雖然阿媽有比錢我搭的士返屋企~不過見天氣都唔算好熱加上都只係4-5個字腳程所以都用行的回家~
返到屋企再走多轉買野飲~買完返屋企覺得好想食野咁....真討厭....
加埋都唔夠一日冇吃圖ja ma~竟然推到去第5板....吃都吃死我呢...

睇完di gi charat之後聽多陣歌又換衫了~
今日早左出發~呵~見到阿卓呢~不過上到車都冇咩野傾~
或者真係想比個口休息下唔講咁多野la...只係呆呆的望出窗外看風景~
搭到咁上下竟然見到阿誠行緊返學喎~阿卓好似唔見呢~
我地去買水時阿卓見到果本18禁o既書佢又想買喎~咁o岩我響度就可以買la~
返到去學校就換衫上堂了~

感覺上...隻腳因為琴日有d傷咁~不過就未至於好勁~
而且今日o既都唔係好似~輕鬆的~
但係果個練的就比較怪....佢本身就係有問題的~但係佢地比人迫後~而我就上到前~
或者我都真係響佢地心目中太可怕了~
今日佢地打free fight~我就同果個師兄打左一場~
我真係弱了~連腳已經起唔到....攻勢只有一次~看來要好好的....

放左學之後我地就去左大家樂食晚餐~吃時都冇咩野~
不過吃完就開始傾了~話題原先就係阿蔡蔡話冇錢~想快d開學或者搵到野做果d~
咁我就多口話阿誠好想同佢咩~
之後我地就勁吹了~雖然有打算比把口休息的~不過到lee d時刻就好難忍耐....
到最後我就勁講勁講勁講~講到差唔多停唔到o既時候個阿嬸埋黎話抹檯之後我地就走了~

今晚睇小魚兒~但係睇小左半集~
睇完都11點了~家姐琴晚有錄喎~嘿嘿嘿~所以我就睇埋佢la~
咁o岩都入房了~所以我都有機會完成埋個日記~真好呢~

>>August 25, 2005 at 4:24:27 PM GMT+8

2005 年 8 月 23 日 星期二 【清涼】

起左身又𤍣多陣~不過因為要完成返琴日o既日記所以都要起身了~
完成左都已經8點半~吃完圖都剛剛好要換衫了~
準時出發~時間o岩o岩好呢~去到紅綠燈度見到架車~之後加速~
見到佢到就要追車了~
上到車又開始看小說了~速度又快左了~去到九龍城已經睇完一章了~再開新的一章看呢~

返到公司剛剛好~阿雄唔響度就好似有d....
不過同樣開開心心咁過活~
因為阿誠dl左個魚蛋歌入手機度我就拎黎聽la~聽聽下我唔知點解響度影相喎...
最後仲癲到用埋自己個電話玩雙槍添.....
玩左好耐~玩到都有d癲癲地~
今日要洗盤~本身我地話去食野的~不過最後我叫佢地加速洗所以可以收3點的~

無lala諗到偷拍的說~今日共用左三招的~
第一招~扮聽電話~扮聽電話時就影~實在係強的~可惜影果陣背光失敗了....
第二招就係set好晒放響個衫袋度~雖然進行前已經失敗了~
不過一鼓起勇氣過去正在執檯的阿盈叫左一聲~阿盈~成功了~XD
第三招其實就同突然拎起冇咩分別而且冇咩特別的~只係搵條圍裙包住之後影就是了~
我同阿榮就笑到死~原來偷拍係咁有趣的~但係佢比我影時我又唔影啵~呵呵~

放左工之後我地就去食野la~本身叫佢地帶路的~
最後叫埋阿盈同阿雲去食了~這個時候正在播苦榮36計~
唉....聽頭聽唔到個尾~而且仲坐左好耐添~
我見個氣氛好似有d問題我就勁講野la~阿榮好似唔開心咁~看來佢唔係咁喜歡佢兩個呢~
阿誠都幾開心~我自己都唔知自己講左d咩~只係勁講~講完又笑之類的~
4點7先走~死la~遲到了~本來打算返屋企沖個涼先的~
但係剛入廣富阿卓打黎問我點~這個時候都已經5點4-5了~
我落車就飛奔返屋企~返到屋企執好d衫都要出門口了~

阿卓原來一直響下面等~辛苦了他呢....
去到火車站佢地已經到了~我地就遲左個幾字~我諗冇問題o既~叫過阿卓打比阿水話佢知我會遲~
上車時都係響度傾傾笑笑~
去到美孚周兄已經到左~再等左陣miss就到了~再等~等家樂~
結果佢冇出現我地只去走la~
估唔到佢竟然一個人黎左先....而且仲鬆緊根~真係激死我了....

來到lee度氣氛果然唔同d~而miss果d就去左第二度操~
一開始時就鬆根la都係~之後做果d跳跳踢踢的動作~
一做就做左好似有20分鐘....呵呵~不過金師父讚我做得好而且讚我腳踢得快呢~真開心~
然後仲有類似的~不過唔夠氣了....最後果轉停左幾次~
但係金師父話我地d體能都唔錯~其實我地企前面都有必須做好的壓力~
而且lee度o既氣氛真係好好~40幾人一齊操~自從我入左冇耐已經冇lee回事了....

最後係玩一人叫一下做一下掌上壓來做個終結的~這個很辛苦的~不過我努力地完成~
很討厭呢...因為我d汗搞到件衫紅左...之後比d師兄串呢....殺左你....
放左換好衫後就去搵野食食~兜左個大圈最後都係返返第一間....
食完飯傾左陣偈見有人要用檯我地都只好走了~

佢地就各自各返歸~而我卓卓蔡蔡3個人就去左旺角睇書了~
可惜去到已經關左開....討厭呢...
好在我地上左去頂睇~有一間好細的冇關門~而且仲有我一直期待的~イリヤの空、ＵＦＯの夏小說版~
但係目前看了半本的涼宮春日的憂鬱而且仲有2-3期~所以仲要一段長時間先睇得~
加上灼眼之夏娜又要返睇~真係很忙呢~

睇完書之後去左買野飲~買完蔡蔡就想買某本書~
但係買唔到第一我地只好去睇下有冇la~結果真係冇~阿卓買左個第二期然後就走了~
上車時我地不停地傾動漫之類的野~蔡蔡落左車之後就講人壞話~
返到屋企之後就開腦~沖埋個涼就完成埋個日記之後都要睡了....明天有重要的事情幹呢~

>>August 24, 2005 at 5:36:20 PM GMT+8

2005 年 8 月 22 日 星期一 【清涼】

8點鐘就起身~咁就如常吃圖la~最近個網都多左人去~
搞到只係兩日就搞到推左落第7板....搞左我成個鐘呢...真變態....
遲左出門口~不過好在搭到踏9果班車~而且仲見到阿誠添~一齊遲到lu~

返到公司~見到佢兩個都唔響度~入到廁所換衫就見到佢地響度談心....
阿雄屋企原來都係果d變態家庭~真可憐呢~
今日有個不知明o既女仔黎左~聽說是老闆的親戚之類的人~
不過與我無關~原因就不用多說了....

今日都幾勁的~差d上到2百了~討厭呢....整親隻手~痛就唔同~不過好麻煩....
收3點半~返去時睇埋下半章~好快就睇完了~`到鑽石山就睇完~
本來想𤍣陣的~但係就𤍣唔著~唉....
去到屋企果頭就果左d包吃~因為今晚冇飯食~買左4個就返屋企了~
返到去剛剛好~di gi charat的第一節做完~都好丫~有得睇第二節~
一氣過食左兩個包....邪惡的說....

晚上阿媽打黎話唔好發脾氣?
喔....我lee d冇隔夜仇架la~睇人囉~你cheap時我cheap囉~
你要嬲的話我可以做樣黎迎合你架~

又睇多兩話雙戀~佢d生活真係好呢~無無聊聊咁又過一天~羨慕呢~

14歲女救護車產子~呀....又有d咁o既pk呢...真令人羨慕....
都話時下d人蠢架la~比人搵笨就唔洗講la~condom都唔識用~個女大肚又唔知~
lee個咩世界呀~真係岸上海鷗囉....

今晚𤍣前又睇多一章了~的確係幾好睇的~
無聊的校園生活~突如其來的衝擊~加上後宮~?看起來真不錯呢~

>>August 24, 2005 at 12:46:47 AM GMT+8