2005 年 10 月 20 日 星期四 【晴】

成點幾差唔多兩點先𤍣...4點10又要起身了....其實都幾擔心起唔到身的~
起其實就冇話起唔到~高危d囉....
返到去~就開始做野~唉...又要去打麵呢....
其實真係冇咩問題的~但係點解lee排成日比人鬧架...
諗起其實都好激氣....有時嬲嬲地真係唔想做囉~有d野唔係話解釋就解釋架ma~
冇理由篤人地出黎囉~錯不在我身上~但係點講都好...搞到好似賴落人地度咁....
好多時我都唔出聲...心諗~唉...鬧la鬧la~鬧完你比我做野唔好煩呀...

好苦先捱到去食飯...返到去快快搞掂就去𤍣了~
𤍣左半個鐘多~真係舒服好多了~
差唔多時間就出發了~下午都ok多野做~咁搞左幾個餡之後先叫我打麵~
打好其實都唔知幾時到~但係我可以肯定囉~打起都冇半個鐘~
佢又入黎鬧la...話我搞d野搞得慢...我都係搞左兩個幾字...你想點呀...
講真~佢睇果陣舊麵都係發左小小~我真係冇野好講囉....
搞埋其他野就收5點9到了~遲左小小呢....

同阿周行返去~我就真係冇咩野講la~佢就講左好多佢中學時代果d野~
的確係一間好差o既學校呢~不過我都冇咩回應搞到好似有d尷咁...
最後行到屋企果頭就講返工事了~佢話我慢~其實今日我12點已經搞掂la~
我不過係做埋下午o既野先打果舊麵再出去食飯~而且完成左都唔係差好遠時間ja~
況且~我覺得我已經唔係叫好慢架lu啵~只係你地要求高ja~
我做果個位都未夠一個月~
好似阿邦都話~冇理由叫一個做一個月都未夠有做左成年o既速度囉~
佢地o既要求仲要一日比一日高~或者佢地真係想迫我走或者存心留難我la....
但係我咁樣走左去即係話我認輸ja~睇下點la~

阿媽話唔知咩...話唔去食飯了....又冇飯食了~但係咩都唔理就返屋企~
晚點家姐就打黎~佢話買野食~然後就等佢了~
d人都唔知係咪知我幾時𤍣教的~人地一𤍣~唔夠一陣就有人打黎~
要再𤍣又難喎~一𤍣家紅又返黎la...想死的...
icq~阿水話今晚唱k呢~我係冇所謂的~只要大家唔怕我唱得差就可以了~
病都未好~琴日唱左一次~雖然唱完好似冇咁痛~但係把聲都已經走樣了~

晚上~食完野就睇電視~肥董話去睇左價錢了~
佢話黎我度等我~我都未沖涼~所以就話沖完打比佢~
但係..沖完已經係好耐之後o既事~要人等我咁耐都唔係咁好意思~
快快手手換好衫就出發了~
雖然得4個人~但係生日有活動係會比響屋企過開心的~
呵~中段時去廁所竟然見到miss lee喎~(不是李歡眉條pk)
好強...今晚真係唱到一半~感覺上個喉嚨有撕裂的感覺....已經唱唔到某d強勁o既位了....
到完的時候~阿水禁禁下竟然又比佢禁到喎...之後我地繼續~
後面大多數都係我同肥董兩個唱d女歌~雖然係好玩~不過會想死的....

本身打算去食糖水的~但係又冇位喎...
去左7仔買野~買完野又想去食野~結果果度又收左了...
行左去富亨~企左響ok門口吹左陣~嘿嘿~見到3個差唔多lv o既女仔~包眼福呢~
送左阿為返屋企之後我地去左海賓~3個男仔去實在有點....
其實我地去o既目的係睇下有冇人打野戰的XD
哈哈~係冇架啵~但係我地就阻住左人地進行咩囉~咁o岩我地行過~人地想開始的~

返到去屋企已經4點幾...我沖埋涼果d都唔早了...所以好快就入睡...

>>October 22, 2005 at 2:22:45 PM GMT+8

2005 年 10 月 19 日 星期三 【晴】

琴晚因為唔洗比個腦家姐所以玩得太夜了...玩到12點幾然後先沖涼~
再加上睇多本書搞到成點幾先𤍣....
早上4點10又要起身了~5點打比洲洲然後就換衫了~
雖然琴日我話佢遲到~但係我自己今日就遲左....
返到去就做野了~分完包就入去打麵~但係又要出去出包喎~真係忙得要死呢....
唉....我真係要死了...打甜麵時竟然落多左次水...搞到差d死...
正當我想辦法時佢就入黎接手了~又比人怨呢...

出左去做出麵位~因為阿星要學做包~而我就頻頻出錯...佢就話一星期比我休息~
咁其實真係幾得閒的...最煩都係果d死人paizz包~搞左我成個幾鐘....
12點半到就去換衫了~
落到舖頭食野時竟然有人黎找碴~找死的....
最後都平息左~之後就入去𤍣la~我就唔知有冇𤍣到呀~神智是清醒的~
不過唔夠一陣就已經到時間了~

返到去~做左陣野差阿星一個未返~原來佢地好鐘意響人地背後講壞話的...
我都知o既~因為我都比人講唔小.....
下午都唔係算好忙~而且有人黎左幫手~之後阿洲又有野未搞好所以佢就叫我入幫手~
雖然唔係好多野搞~但係都搞左幾個字~
5點一二就放工了~好似係最早收工的一天呢...
阿洲就去大中~而我就返學~唔順路所以佢都冇等我了~
我send左個sms比阿誠~之後佢就打黎~原來佢已經唱緊了~
雖然我唔舒服而且把聲已經"萌"到爆了~但係都唔理~我話去佢度囉~

行到去大元之後佢就黎接我~買完野飲就去了~
原來果度係一間酒樓~咁去到之後見到佢d同學~本身滿心期待的~
最後都...唔係叫差囉~
其實都唔係咁應該黎o既~因為仲病緊~雖然平日都唔見得唱得好~
現在就仲差添...唉...雖然其他人就...cc....始終都覺得好樣衰...

8點就走了~36蚊~差唔多la~
阿誠話搵阿水佢地~之後就搭k12然後行返學校了~
基本上返到去都仲係得小小時間~咁佢地操多陣就打free fight了~
佢地認為我剛剛先收工~所以我有衫都冇迫我換~
而佢地幾左幾場阿誠又想打所以就借左條褲比佢~4個回合一回合一分鐘~
好似小左d...早就已經講過阿誠打得好左~不過就好多問題囉~
今日好似仲差左d添~
打完落堂之後~我就同阿誠黃德響度分析~佢地應該練咩用咩打法~
我話晒都已經摸清佢地~雖然黃德係低級d~要改進o既地方係多d~
如果講得多都唔會記得~講住d基本先囉~
阿誠已經高級了~一口氣同佢講左好多~佢記到幾多吸收到幾多就睇佢自己了~

放左學之後我地4個人就去左食野~又見到大傻呢~
今次佢幫左我~呵~好彩我以前對佢都不算差~
之後佢就唔知走左去邊而我地就一路食一路傾~
一傾傾到人地收工...被迫要走了~落到去下面就分手了~
搭車時都差d𤍣著...實在係勁眼𤍣的...
返到屋企~本身聽電台的~不過都已經忘了...
又有得玩電腦~搞到現在都成12點半了...唉...努力埋聽日就可以去玩玩同休息休息了...

>>October 20, 2005 at 4:32:25 PM GMT+8

2005 年 10 月 18 日 星期二 【晴】

今後看來都會一直返早的~
4點10就起左身la~因為琴日阿島話沖左涼返工會比較好的~
要沖的話就要快~4點10起身看來是必須的...辛苦係辛苦d~問題不大~
8點3就打比阿洲了~佢話比兩個字時間佢~響下面的士站等~
我搞掂晒就立即出發la~不過落到去等到約定時間佢都未到...遲到呢..真過份~

返到去~就開始工作了~今日比平日吃多左個包~因為未吃過果個~
之後就打麵了....
唉....唔知食錯左d咩la...連連做錯野....開頭佢話我冇落油~其實lee個我真係有落的~
但係出到黎又搞到真係好似冇油咁...點解呢~?
打甜麵時竟然忘記左落糖...仲要出到去先知...雖然冇狠狠地鬧...
不過果d悔氣說話的確係難頂的...加上我真係十分之內疚...不停自責...好辛苦呢...
落到舖頭極速食野就去休息了~

到左約定時間就出發了~下午~工作上都冇咩大問題~
唔知點解突然殺出勁多野開...多到個量係我吃不消的...
正當下午要打撻皮~菠皮~此時阿洲又越數越多野開~
雖然我真係做唔晒~做到6點幾阿德就叫我地走了~佢叫阿島入黎接手~
自從我返左早之後阿島同我感覺上都開始熟絡~
基本上要開o既都開晒~仲欠的只是切野~佢地就叫我執埋一"炸"等佢地晚上切了~
好過意唔去囉...自己的工作竟然要佢地做埋....
在佢地眼中~我係因為唔習慣返早所以先有咁差o既表現~雖然都有d關係...
不過我太差勁了...

收工就同阿洲兩個打的返屋企~佢請~嘿....
返到屋企吃完圖之後都冇咩野做了~
阿誠話佢地星期四去唱....唉...人地難得有得放星期6...
唱完通頂~返屋企𤍣一陣~起身睇完電視就出發返學~最goof的行程就是了~
可惜丫...冇左頭果part...整個行程都泡湯了....
今年o既生日相信都會同上年~上上年~再上上年................................一樣~冇咩特別囉~
失望?或者la~不過都....

>>October 19, 2005 at 2:28:24 PM GMT+8

2005 年 10 月 17 日 星期一 【微冷】

要返5點半...所以就教左4點10起身~咁都叫做幾早𤍣下架la~11點幾已經𤍣了~
但係𤍣得唔好呢...同剛剛做一樣~
成日"紮"醒....仲要唔只一兩次添~幾乎係冇乜得點𤍣過~
仲癲o既係"紮"醒時個人係彈左起身~隻手竟然做緊野喎...實在係變態的...

起身果下都幾難頂...不過都要起身了~
今朝冇沖涼~因為我驚過晒時間...但係原來後面d頭髮壓到扁扁的...
戴眼鏡又唔好睇啵~只好gel頭同戴con la...
但係搞一搞又遲左lu啵~又要加速衝返去呢~
早晨天氣真係好~而且仲係要秋天~10月了~現在才有丁點兒秋天的感覺~未免太遲了....
不過睇返之前~每個季節該有o既氣候通常都係遲左個半月先轉....
難道我真係有機會經歷世界末日~?

返到去~頭果個鐘真係過得好快...換完衫~阿島同我吹左幾句~執左陣包都已經6點幾了~
早左打麵~其實都唔係叫做早左~係因為平日阿洲等我返到黎佢先打就慢了...
所以今日老早就打完了~
唉...好灰呢...雖然話就話我係唔o岩~但係我真係毫不知情架啵...
琴日阿洲幫我睇下有咩餡未開~原來仲有3-4個未有...佢又冇話我知啵~
係就係唔怪得人~我自己o既事點可以依賴人呢~只怪自己太嫩了...
12點1到去食飯~可以打左個合桃so同開兩個餡~真係快左d呢~

返到舖頭~食完野真係好想去𤍣的~但係又𤍣唔著啵...
到差唔多時候就出發了~下午原好多野做的~
但係又未打得舊甜麵住啵~所以就搞其他野先...
好忙好忙好忙~佢地果邊成日都冇lee樣冇果樣咁...搞到我又要將佢優先處理~
雖則冇話打唔打亂~但係就搞到d地方勁亂囉...
本身可以仲早搞掂的~就係個死人杯杯囉~果個野冇得買...要我兜左幾轉~
最後都係唔要杯杯買其他牌子了....
又有好激氣的事啵~人地熟熟下個咸牛肉~竟然有人打黎喎...搞到人地個咸牛㕡左小小....
雲吞話最近有人響我背後講左d野~邊個就話唔講得~
我就估係豪鬼囉~唔知係咪la~佢就叫我lee排要小心d~用d野最好清乾淨d喎~

6點先收得...又蝕左半個鐘了...
唉...今晚又冇飯食又要講句~"大家樂見la~!!"...我已經好多餐都係食佢了~想死的...
個人暈暈地咁就走左返屋企la...
返到屋企吃完圖~之後打算睇下有冇好返d的~
最近感冒了...雖則係好返~體力方面已經回復到差唔多8成~
但係仲係勁咳~把聲係"萌"到爆的(此"萌"不同彼"萌"...)~
看來都唱唔到歌了....
瑪奇比人ko左了...完全係玩唔到的~好煩...當你有興緻去玩又冇得玩~
放假時悶到死時玩又真係悶爆...都唔知想點的...

>>October 18, 2005 at 1:45:24 PM GMT+8

2005 年 10 月 16 日 星期日 【晴】

好怪的....個冷氣~我開得都唔大~𤍣時就覺得有d熱~但係起身果下真係凍爆...真麻煩....
本身就剛剛好的~換好衫就出發~
可惜又遲左出門口...又要趕返去了~
感覺上好似慢左咁~但係...又早左去食飯啵~而且仲比平日打多左個水皮添~

返到舖頭~個外賣好遲先黎...休息o既時間又短左了....
下午返到去~唉...好多野搞呢...又要打菠蘿皮呢...真係想死...
但係今次打得好似唔係好掂...好驚比人插到屁股開花呢~
5點幾到~阿洲就過黎幫我手了~佢5點半就收左工~但係佢就幫左我好大忙~
好似開左兩3個餡呢~只係一陣~真係強....
所以我好快就可以洗野了~洗完都仲早~但係就要開香蕉榚糖水...
比高健搞一搞....又遲左了...

又冇飯食~我都好似食左好多餐大家樂了...日日都係果幾個飯...
吃完圖~家姐又返了...本身想玩瑪奇的~佢竟然死左喎...冇得玩...
lee段時間內又dl左好多歌~前排winmx死左~冇得用搞到d歌冇更新好耐呢~
唉...聽日開始返5點半了...都唔知幾點起身好...只好早d𤍣la...

>>October 17, 2005 at 1:53:02 PM GMT+8

2005 年 10 月 15 日 星期六 【晴】

今朝...真係好唔開心囉....
當你做得慢時~有人鬧你~怨你~係好正常的~
但係...到你做得快o既時候都比人鬧...真係勁傷囉...
雖然只係一句...但係都搞到我冇晒心機呢...

幸好今日冇咩野做~所以一早就做晒d野了~
5點9開始清自己d野~然後6點3到就完成~
不過都冇得走...叫左我去執後"冷"~好快就執完了~
完成出返黎~就話定假期~嘿嘿~正~
因為阿誠話約左佢d朋友星期五去唱k~咁o岩我就果日生日啵~
雖然就未定係咪真係去~不過如果放星期6的話都可以睇加旋同返跆拳~都可算去一舉兩得呢~

6點9到就收工了~之後比阿媽呃左我落舖頭飲湯...
之後就行過去搭71a了~
冇飯食所以就去左買飯了~想食的又冇得食~只好又吃咖哩~
返到屋企~吃完圖家姐就返了...
完成左琴日o既日記之後都冇時間搞掂今日果個~

睇叮叮~其實果條o靚仔基本上係win唔到的~
我覺得佢地一早想叮的~但係...佢又冇出錯喎~所以冇位比佢入就比佢win左la...

之前睇果出~鬼影??(好似係~)
結局係個男主角死唔去而個女鬼仲係騎住佢~
我都好似有咁o既感覺...因為條頸好重呢...而且體重在前排都暴升了~很邪惡呢......................

>>October 17, 2005 at 1:31:45 PM GMT+8

2005 年 10 月 14 日 星期五 【晴】

9點幾就起左身la~其實都叫做夠𤍣的~
但係起左身打算玩電腦o既時候~就發覺隻手勁痛...唔知咩事la...但係都唔理得咁多了...
玩左陣瑪奇~之後睇下電視咁~
睇完電視其實想睇埋d雙戀的~但係睇到一半覺得好玪喎...
𤍣𤍣下家姐返左黎就嘈醒左我la...又冇得𤍣又冇得睇只好又玩瑪奇la~

晚上~冇食飯...不過都唔係好餓~
但係...無lala發燒~個頭又勁痛喎...最近身體真係弱左好多呢...
無記做唔知咩台慶咩果d la~
一般黎講係睇得下的~不過跳芭蕾舞果part真係強了...
見到佢地d腳粗到...stephy雖然係幾靚o既~不過粗得很呀...
千嬅肥就一早知架la~佢條裙已經係特別長的~不過一轉就見到佢果對粗腳了...

𤍣時~手又痛頭又痛...睇完本書都去𤍣了~
但係又無lala勁標汗喎~個人又勁凍咁...都唔知佢想點...
搞到我又要換衫了...一日換兩套...比佢知實比人插死...

>>October 16, 2005 at 2:02:19 PM GMT+8

2005 年 10 月 13 日 星期四 【晴】

唉...又來了...晚上~雖然開左冷氣~咁近期都唔係咁熱就教細左佢la~
𤍣果陣都好地地的~但係兩點幾3點到起左身~
因為成身都係汗...衫褲被都要換...真麻煩...
早上時𤍣得都比較差~雖然起左身但係好玪又𤍣~但係又𤍣唔到~
等到個電話響都冇得𤍣了...激死我呀~

本應今日放假架ma~但係又要人地返~只好死死地氣咁返la~
今日黎左個新人~可能係因為咁而要我返la~
但係...一早返到去阿洲就同我講d麵死晒...唔知邊條粉皮用d白粉放入d根粉袋度...
所以我又要好似琴日咁重頭開始了...
或者有點不爽la~速度慢慢慢慢慢....打埋個美奶汁已經成點7了...
最後返左舖頭叫外賣食~食完又𤍣唔著啵...好就好在有得聽五天精華遊~小小...
個新人真係恐怖呢...早上時我買完水其實打算去食藥的~
去拎時佢過黎唔知做咩~之後我搵搵下野佢就暈左響地下了...嚇死我呢...
都唔知咩事...佢問我拎啖水~可能係因為....濫藥的關係掛...

下午~其實都唔係好多野做~不過阿洲入一入黎幫我~
今日就可以準時收工了~
好pk的...雖然唔鬧人~但係...佢地講d說話真係幾難聽的...
的而且確我打麵o既速度係極度飄忽~不過都係睇精神同身體狀況ja...
唔舒服...唔夠𤍣係慢d架la~好似今日咁~個心已經放緊假~點會有心機做野丫~
但係都不過不失la~6點10收工~

今晚又要買飯...阿媽比左錢我買的~但係...真係激死我了~
我果真白痴...放左d錢響件工衣度...睇黎都會益左洗衣舖d人了...
買完飯就返屋企了~
食完飯阿邦打黎問我聽日係咪有得返~其實我都充滿怨念...
難得人家有得放星期6~你竟然冇得返...
或者我加入左佢果行la~大家傾傾下都傾左成個半鐘...耳仔都痛呀...

>>October 14, 2005 at 2:03:33 PM GMT+8

2005 年 10 月 12 日 星期三 【晴】

琴晚都係咁~10點幾𤍣左陣~之後早上就比較冇咁辛苦~
不過...早上就𤍣得唔係咁好~一早就起左身la~
而且換衫時又換得比較慢~搞到又遲左出門口呢...
今日o既風景比較好~都不算差呢~但係遲左就真係冇咁正架la~
返到去~唉...死得了...返到去阿島話阿燃今日無lala冇返~洲洲又放假喎~
亞麻子果d仲要我自己打添...激死我呀...
但係好彩~都冇果下病咁哀~10點半前都出到方包了...12點7已經可以去食飯~

返到舖頭~食雞翼呢~但係見佢真係好肥...咁就食左幾隻就算了...
之後去𤍣o既其實就~個人真係好玪~上星期3放完之後都係冇停過了~
每日都7點至7點幾8點~真係幾頂癮~
我個人體質呀果d野都比較怪~即使好玪~都未必𤍣得著...咁就合埋眼關目養神囉~

點半~係時候出發了~其實今日都唔多野做~而且都唔洗煮餡~
打完d麵開完d餡~6點到la~唉...激死我囉...無lala又叫人打多份撻皮...
撻皮lee d野...係要用手搞搞搞~打時必須消耗大量o既體力....
而且準備功夫又煩...打唔係問題~最大問題係~果條咁o既死人大陸仔真係~
我已經沉住氣~忍左佢好耐~佢成狗日死過黎~"卡水呀~卡水呀"咁~
講又講唔正~人地打緊撻皮時你走黎要撻水~?!找死...真係想爆佢....
搞掂晒都已經成7點一二了...不過阿德問我聽日返唔返到~因為阿燃唔知去左邊~
好似話果條大陸仔又唔做(正呀)~冇人做出包位~所以洲洲唔可以入去打麵~
咁我都想放星期6 o既~應承左了~

走了~買完野飲之後就返學呢~
shit...個handfrees又壞壞地了...問題係出於我身上的...
因為我做野時掛響條頸度~搞到成日扯住扯住咁...e+扯到佢壞左了...
返到學校~真係有歌聽呢~
咁o岩換好衫出到去就到我果part~正~
今日都係一般ja操得~其實返黎我都係想講下野~玩下見下佢地囉~

嘿嘿~有得打free fight呢~開頭同阿誠打~基本上阿水以下都會好驚我~
最近見佢打得幾好的~但係今次對住我就差d了....
同阿卓打呢~其實佢就唔係差o既~不過我諗要打的話阿誠都仲係強d~
之前見佢冇神冇氣的~不過打左一陣佢笑了~
好明顯我同周兄唔同的~當然要計的話我仲未win到周兄~
但係如果真係想打的話搵我係比較好~對住我個心會熊d~
有時我個樣都幾串下的~而且又唔會擺定個姿勢~成日都會好輕鬆咁行下行下咁~真係咩都激晒出黎~
而且攻得破我的話都會有咁上下實力~討打~我未必好強~但係要擋要走我都有一手的~

放學了~好耐都冇幫手拎野上去~今日就幫下手囉~
之後就去左大家樂食野~今晚吃排餐~但係就元氣大傷了....得返30蚊~唔想去禁錢呀....
阿誠話下星期21號去唱k~嘿嘿~咁o岩我又生日啵~最大問題係~嘿嘿嘿~
如果真係就好la~不過冇都冇計了...生日...睇下我上年~上上年~再上年~就明白~
基本上生日對我黎講係冇意義的~只不過係~
我響lee個世界上又虛度多一年o既時間~加入16後青軍又多一年~失敗記錄又破多一次~
我o既生命又不經不覺間咁縮短囉...
據說阿全中左六合彩2獎呢~好多好多錢啵~阿誠話阿充同佢夾錢或者係口頭上話夾錢的~
不過佢都算醒了~走左去呢~3天冇返工比人炒左~
嘿嘿~對佢黎講仲好呢~六福記就冇前途架la~而且又中左個二獎~
全部都係佢o既踏腳石~你話佢幾好運呢~
有時真係中左都唔知點~到底係失蹤好定係乖乖咁分呢~?前者相信大部份人會選擇囉~

返屋企時~阿卓話我知佢已經溝到佢班上果個~
原來係咁...唔怪得肯同我打~又笑出黎la~
佢就真係好o既~不過我就可憐d~其實佢真係有野可以搵我~雖然我就冇咩經驗la~
但係...點講都好~雖說不上幫到手~但係都叫做係一個好o既傾訴對象囉~
(或者響佢地心目中唔係la~不過我其實係架啵...)

返到屋企~家姐話見到家豪~
嘿嘿~我第一個問題就問佢佢高唔高得過你~佢就好開心咁答我話同佢差唔多~
但係傾多句~佢就串我話佢咁o既高度都有女~好似話仲係我好果類型添...
無可否認我的確係幾失敗的~但係...我都唔想架ma...
有得玩腦~但係11點幾玩~吃圖~日記之類的事都搞到成點了...聽日會冇精神呢...會好辛苦啊...

(有時諗過轉用書面語會唔好d呢~?口語好似唔多好呢...)

>>October 13, 2005 at 4:52:24 PM GMT+8

2005 年 10 月 11 日 星期二 【晴】

今早~仲係好辛苦的...不過好彩琴晚10點幾響個廳𤍣左陣~
起身時都冇咁眼𤍣了~而且只係"紮"醒左一次咁大把~
又遲左出門口了~又要加速呢...
但係返到去都係踏1-2到~

換完衫就工作了~今朝開始要加速~因為我已經唔想再拖累到佢地~
咁我就快11點已經打到去麥包~但係比個撻皮搞一搞就遲左了...
12點2-3到先有得去食飯~嘿嘿~比起平日快左呢~聽日要仲快呀~!!
返到舖頭就有牛排吃~不過...點講都好la~我都係覺得餐廳果d好食d~
食完野就去𤍣了~𤍣到一兩個字起左身就呆坐~
然後差唔多時候就返公司了~
返到去~其實個下午都幾迷下...今日都不算很多野做~
所以4點半到已經完成所以野~只欠兩個餡未煮~但係衛生署果d人黎左...搞到我冇得煮~
一搞就搞左成個鐘~我遲左成個鐘先開始~
5點11到煮到6點7-8~仲有兩個餡要開~搞左3-4個字~不過原來仲有野搞...搞到7點5-6先走得了....

今晚又冇飯食了~只好去大家樂買la~唉..佢唔響度呢~
返到屋企就食飯了~琴日已經冇吃圖架la~今日只係吃到小小...死la~好快就會吃叉包了...
同阿榮icq左一陣~覺得都冇咩野傾~我就掛牌了~
佢話獎門狗唔好睇的...但係...我又想睇啵~而且有阿卓同阿庄o既消息~(殺...
玩左陣瑪奇~玩到咁上下黃德打黎話周兄帶喇叭返去聽日上堂有得聽咁~
佢就叫我比幾隻想聽o既佢~所以就send左幾隻比佢了~而且仲傾左陣添~

(個幾字內完成~差唔多la..)

>>October 12, 2005 at 2:07:04 PM GMT+8