2005 年 9 月 10 日 星期六 【清涼】

今朝8點9先起身~之後𤍣多兩個字~
因為琴晚都幾夜𤍣~加上要做o既都做晒已經唔洗開腦了~
𤍣多陣好過...換好衫之後就出發了~
返到公司佢地已經響晒度~食完野就開始工作了~
做做下野~本身今日已經約好左出去買袋的~之後我諗諗下不如去睇the brothers grimm~
一問之下阿榮話好~佢話去就得la~之後問埋阿雄佢都話睇~阿誠大概會跟去掛~

客就唔係好多~不過就要洗盤囉~我地以極速搞掂就3點半收工出發了~
搭小巴過去~去到竟然見到佢開左場....要等成兩個幾鐘~
所以開左飛之後就去睇野了~阿榮去買銀包先~
我地幾個上左潮特~兜左都幾耐先睇o岩~之後我就順道買埋個袋咁~
然後就話去睇書了~響信和度竟然見到阿風~好耐都冇過佢地了~
本身就想買笑園漫畫大王的~不過見到佢勁殘...所以就轉移目標買魔法騎士了~
買完書之後阿榮話想去廁所~然後就去左kfc了~去到之後就坐左勁耐~
等到佢夠鐘就上去了~

the brothers grimm說不上是超好睇的~不過的確係幾有趣~
而且見唔到果d小妹妹的確係有d可惜....
睇完之後就去左大家樂~見冇位就去左阿活~果邊都係冇位而且仲要冇野食又過返去....
買好野食~食食下野見到阿為喎~同個男仔一齊....
食完野~之後一傾就傾到成10點幾了~人地差唔多收工所以就走了~
等左勁多班271先有車...真係激死人了...

返到屋企家姐唔比我開腦~只好沖涼𤍣la~今晚都差唔多一點先𤍣~唉....要返早呢聽日...

>>September 12, 2005 at 10:09:31 AM GMT+8

2005 年 9 月 9 日 星期五 【清涼】

𤍣到9點幾就起左身la~起左身就出廳玩腦la~
呵呵~真好呢~阿媽返黎順道買野食~
無無聊咁~其實之前個腦死左都想玩返瑪奇的~見到人地d圖實在係勁正的~
所以就打算dl返黎佢la~阿媽返到黎~我先發覺自己原來係有碟的....
本身有得睇加旋的...不過有個阿姨黎左...搞到我冇得睇添...
屋企今日唔知做咩咁熱鬧~家姐老早就返左黎la~阿媽做完佢要做o既野仲入返佢房𤍣添...
只好是是但但整好出門口了~

本身已經遲左~入完八達通之後打算去禁錢la~
前面有個死肥婆~要禁又唔一次過喎~本身趕到果班車結果比佢搞一搞~架車走左....
返到學校都係剛剛開始~之後就操la~
因為今日係miss教~所以都比平日辛苦的...開始時就勁跑加數個動作~都差唔多3-4字...
休左息之後就做下d架式~其實都幾玪...
lee個都唔勁~之後做果個跳over~加雙腳跳加個摌地...做左都數轉~做到暈....
完成左之後又練reverse~這個我就冇問題呀~強項呀~
最後就係練腳~練得都幾甘下~
練到lee度都有4點9了~我地就著甲打free fight~
我同蔡蔡兩個輪住對~都打左好多場....蔡蔡好似多過我~因為我地對完佢地就簡個出黎打~
蔡蔡比人點左幾次~我都係比人點左一兩次~

完了~阿誠同阿榮都到了~佢地話去買袋~
我地換完衫就去食野~食完野傾左陣偈就出發了~
去到果間咩之後~都唔見有咩o岩心水的~之後兜左個圈之後阿誠自己買左個~
就約好左聽日出旺角買算了~

返到屋企~就開始玩瑪奇~不過佢好pk架喎....
佢要比錢去買果張卡先有得轉生~即使我現在有得玩~個人到左25歲~升lv都冇得加能力...
所以都係入去行下做下任搵下野做下囉~
今日又有鐵達尼~家姐又睇了~聽到佢兩個配音真係...粉搞笑的~
連森美移動都冇聽到呢...而且要完成日記~搞到都成點幾了....

>>September 10, 2005 at 5:41:32 PM GMT+8

2005 年 9 月 8 日 星期四 【清涼】

雖然琴日就唔係操得好勁~但係都叫做打左兩場free fight~
而且為左完成個日記都差唔多成12點幾~再睇多兩本書就成兩點先𤍣了~
早上都起唔到身~雖然個電話一響我醒左~
但係一手整停佢再拎住佢𤍣多半個鐘...起左身都發覺肌肉酸痛...吃完圖之後都換衫了~
上到車就加速了~不過都未到我想睇o既地方...有點失望...
但係就有d額外o既野~

返到公司就吃飯了~吃完飯都開始工作~
唔係話心情唔好~不過就唔多想講野~咁o岩今日一開始就爆了~
阿耀今日好火爆呢~阿俊都比佢噴到一面屁...
差唔多清晒d人~我地傾偈休息時阿耀走黎問我~
大富豪你幾時唔做呀~咁我就順水推舟就順道講比佢地知我唔做了~
我話一陣去講~咁阿俊埋到黎阿充講左比佢之後阿俊就叫我e+去講了~
冇所謂o既~我其實打算咁e+做緊野去講就唔好la~不過有人叫到就...

入去office之後~見到華哥同佢講完佢就叫我搵何姑娘....
咁其實都冇咩問題o既~佢地都係問我去邊做咩辭職咁~
講完我都快快咁出返去了~
或者今日太忙la~所以佢地都比我地收3點半~其間我地都係做d好無謂o既野~
結果就收3點半~其實阿俊佢地就去唱k的~不過去o既人我就不熟~
咁都無謂去la~我一個人走左去買泥~聽聞有d有色的~不過我見唔到所以就買左其他就走了~
其實返屋企果轉真係睇唔到幾多~
一來要睇風景喎~二來~其實都唔知點解...睇睇下勁眼𤍣...但係我想𤍣時又𤍣唔到...邪惡的...

因為太遲放了~所以都冇咩好睇~去到屋企果頭都加速行了~
返到屋企都冇咩好做~吃左d舊菜~收到個電話話冇人返黎~
冇咩大不了o既~因為我都飽飽了....
咁阿蔡蔡icq叫我send果d做gif的軟件佢~之後傾多左d多餘野咁~
而且仲證實左~果隻格仔裙係大埔官中的~
琴晚勁夜𤍣的原因之一~其實我本著一個失敗的決心去調查~
其實有9成都係這個賴的~婷字就肯定的~
不過到底係邊個雨~?羽~?宇~?呢~會唔會係這個語呢...?
諗起都不禁令人家的心甜甜的~

>>September 9, 2005 at 2:16:27 PM GMT+8

2005 年 9 月 7 日 星期三 【清涼】

今日已經進入左狀態了~一睇就睇左好多~
不過即使佢講小小野都未免太過仔細地形容了....
返去時見到阿充就一齊行la~返到去都見唔到阿雄同阿俊~
之後阿充就叫左阿雄出黎la~食完飯阿俊都出現了~
唔係好忙ja~都係差3圍先到到一百~但係都係收3點3....

佢地兩個想放下星期的星期6~阿充仲想連放3日添~
結果~?當然係比何姑娘噴到一面屁la~得唔得~?這個都不得而知了~

因為猩猩今早打黎話出旺角~我就冇咩所謂就應承左佢~
收左就打比佢~本身見落到樓下都唔係咁熱的~就打算行過去la~
不過一行去到果條大直路時...邪惡的事情就發生了....
個太陽勁曬~雖則就唔係話咩~不過我就勁汗的...行到我濕晒搞到勁怪....

去到猩猩就響橋果邊等我~會合左之後就出發了~
到左信和行左陣又走左去果間上樓舖~
其實有打算響果度買書的~不過果度就冇平到喎...只好再返信和la~
買完書之後就去左買野飲~呵呵~又屈到佢請我飲野了~我真係邪惡呢~

佢話冇gundam 個save~之後我地就返屋企~我就借我張save卡比佢了~
返去時都傾左好多野~唉...去到樓下麵包舖見到佢收埋左果再請人的紙~
本身想見的~不過又因為太多事了~結果見唔到....
上到屋企~拎左張卡比佢之後我搞左陣就出發返學了~

返到學校果頭見到阿誠~佢同佢朋友一齊~佢朋友真係強呢~
返學校溫書喎...我都好欣賞d有心讀書~讀得書o既人囉~
到步之後換完衫阿水佢地都到齊了~要到都到左~就開始上堂了~
做左d好似熱身o既操練之後~就打free fight~
咬唷...輸左比周兄呢...我亂了....之後再同蔡蔡打~都有小小認真的~大勝呢~

放左學之後就去左大家樂食飯了~
本想了解處女膜一事的~不過就....算la~遲下先算~
我地傾左好耐之後就走了~不過阿卓好似沒精打采的~所以都唔多理佢了~
返到屋企睇完小魚兒之後家姐就交左個電腦比我la~最後都上yahoo找我想知的事~
原來...係真架喎....邪惡的說....
不過有心找的人就找不到呢....嗚...

>>September 8, 2005 at 3:59:54 PM GMT+8

2005 年 9 月 6 日 星期二 【清涼】

早上都冇咩時間玩絲路~吃完早餐吃圖之後都要換衫了~
出門口時掙扎左好耐去唔去買野飲~
結果都係去左買....好彩都冇見住架巴士走~如果佢真係又比我見到佢走就激死人了...
今日終於都開始睇イリヤの空、ＵＦＯの夏了~
可能唔習慣la~睇得勁慢...可能係睇完動o既關係la~
我覺得佢描繪得其實十分細膩的~
睇完佢二十幾頁~都係動o既幾分鐘~
佢每個場景都響我腦海中浮現~實在係強呀~

返到公司都未開飯~換完衫出黎就食飯了~阿雄今朝冇返早~不過佢大遲到呢~
雖然今日不算很強~都係百幾~
討厭呢~記記下數枝筆冇墨la~之後搵到第二枝返黎但係又唔見左喎...
本身意謂阿俊響度唔洗我跑來跑去la~但係都係一樣...

收3點3~都唔知點記了....去到巴士站等左陣就有車了~
本身意謂風景都會唔錯的~可惜不是...三點放比較好....
落車了~回程時都見到靚女呢~但係個頭同件衫都唔係好得~咁話晒都叫返工~
所以都係加快個步速快d返屋企好了~
返到屋企阿媽響度~過多冇耐就走左~
家姐話佢8點到就會到~我7點尾到開始整返熱d野食la~但係佢成8點半先返到黎....
不過佢帶左好多手信返黎~正~

>>September 8, 2005 at 12:25:08 AM GMT+8

2005 年 9 月 5 日 星期一 【雨】

朝早就已經開個絲路黎玩la~不過玩得半個鐘又要走~
雖然冇遲出發~但係去到巴士站等左成兩個幾字先有車...真係吹帳....
落車時時候都唔早了~要以極速行返公司呢~
返到去比琴日早左小小~不過都係遲好多...換好衫就食飯了~

今日又唔知搞咩鬼~閒日都上到百幾圍....
正當林師父讚我記數記得十分正確o既時候枝筆竟然冇墨....
好忙呢~我做出菜果個位~但係都忙到我幾乎走晒全場呢....
阿俊聽日返la~相信會冇咁忙了....

真討厭呢~人家放工先黎落雨...
因為之前如果交左電話費的話就冇錢~所以一出糧第一件事就係交電話費~
不過今個月都勁小錢....小喇叭...某程度上係比人呃左的....可惡....
上到車~架車行左一陣就停左雨...
本書幾乎睇完了~差小小...差小小...

去到屋企樓下去左買包~返到屋企就慢慢食了~
睇電視~吃圖~打機~都冇咩好做了~
不過突然記起上次見到一次的圖~果張膜的圖真係很強~吃完睇多陣~
又發現到個雖然唔係有咩睇~但係感覺上幾有美感的~正~

>>September 6, 2005 at 2:02:00 PM GMT+8

2005 年 9 月 4 日 星期日 【清涼】

8點起身~再+9分鐘~起左身玩左陣腦~𤍣多10分鐘~但係都仲係唔多夠....
本身打算去睇下出左糧未的~不過去完買野飲都冇時間了...
上車時都已經9點10了~雖然遲左好多~但係都唔到我急....所以都係放心睇書~
落車時時候都唔早了~同我預計o既一樣~返到去剛剛好10點43~希望冇事la~

工作都幾順利的~不過都有百幾圍~
公司今日開始d蝦變左做紅腸~雖則我就唔係咁鍾意食腸的~
不過總好過d蝦丫~佢d蝦真係唔係人食的....
本身有個強金的人來找我的~再傾多幾次之後佢都知我幫佢唔到架la~佢都話唔黎了~
本來收3點就剛剛好的~不過佢唔來都冇分別~
但係搵多幾十蚊都好~

收左工之後就返屋企~去到車站冇耐就有車了~
真好呢~風景十分之好~而且有個幾得的上左黎~但係我個樣兇得滯...
佢竟然同個中年大叔坐....(我o既坐姿係𤍣響度的...)
因為風景太多同有d眼𤍣的關係搞到我睇書o既速度都慢左落黎....
落車時風景本來係仲好的~但係唔知點解咁急呢...明明走時已經去過廁所la ma...討厭...

今晚又係日式的晚餐~好耐都冇食過了~真好呢...
食完野玩絲路~無lala hang左機.......

>>September 5, 2005 at 1:24:20 PM GMT+8

2005 年 9 月 3 日 星期六 【雨】

今朝差d起唔到身~要𤍣多9分鐘先起到...
琴晚都太夜𤍣了~即使強行起左身都仲係呆呆地~
打緊日記時都好似唔知點咁....
吃圖時又覺得怪怪的~因為佢小左好多post啵~真好呢~
雖然係早左去換衫~不過就遲左出門口....
一上車就看書了~即使見到阿誠都十分專心地睇~

落車時同阿誠傾星期5 d野~原來佢唔係果條仔度𤍣~只係上佢屋企ja~
但係...佢都算是邪惡了~其實我一直都唔覺得阿誠真係基囉~
我覺得佢同果個男仔打茄輪真係冇咩問題~只係第一次就...邪惡的....
如果係我的話我自問我都冇問題~不過至少要咩咩咩咩咩囉....
返到公司君姐都叫我唔好換衫住食飯先~
食完飯就工作了~今日都唔係好勁~幾多圍已經唔記得了....
不過我真係好玪又勁眼𤍣~真係連野都唔想講...

阿雄問我地點解阿庄咁唔合群~這個我就唔知佢la~佢諗咩真係冇人估到~
至於佢想點就係佢o既事la~辛苦o既又唔係我~搞到咁又唔係我~尷果個都唔應該係我~
收3點~買完野飲就去搭車走了~上到車~
雖然今日都好想回程時睇書~但係佢地響度傾~
玪係有d玪的~不過傾得都幾開心所以都傾落社了~

返到屋企果頭就買左d包~一上到屋企就見到表妹響度了....
過多冇耐佢地都走了~去飲呢~
不過我就冇咩興趣去~因為我唔係咁鍾意姑丈果邊d人~所以都唔去了~
打機打到6點幾覺得幾玪~唔小心就𤍣著左了~
7點幾起左身就落街果飯~買完一路睇電視一路食飯~
食完飯冇野好睇就野機la~不過又彈左game喎....難得team左好多人...一彈就冇咩引了~
又吃左d圖~之後做無記星期日9點半果出野就睇la~
睇完家姐都返了~所以要快快手手完成埋個日記了...

>>September 4, 2005 at 2:48:03 PM GMT+8

2005 年 9 月 2 日 星期五 【雨】

琴晚都好夜𤍣~加上操完黎~雖然𤍣得就唔係咁好~
其實係碌到10點鐘到囉....
起左身都冇咩野做~都係等睇電視~今日加旋好傻....果隻野根本就係傻的....
換好衫~但係件袍都仲未乾~但係都好小理了~
落到去樓下買左個包食~然後都出發了~

返到學校有禮堂用呢~不過我地實在係人太小了~
即使有大地方都係徒然~做左陣熱身再鬆根之後再操~對於我來說已經很夠了~
早上起身時已經搞到我肌肉酸痛得很了....
完成左果d之後~就開始打free fight~我打左兩場~肥董同周兄~
肥董就....真係唔好意謂~傷到佢添~其實周兄都玪la~剛剛打完幾場....
肥仔今日帶左個朋友返黎~就咁睇同佢係同級la~(某方面的級數)
佢自己就好白痴的~你帶得人返黎就做好d la~操時佢又死~打時就差d比人打死~仲喊添~垃圾~

放左學之後我地就去左大家樂食野la~食野o既時候大家都冇咩野講咁~
我就冇咩所謂la~出面咁好風景~
食完就響度傾la~傾d比平日更廢講完更加會唔記得o既話題~
不過都傾到成6點2先走...

返到屋企~本身話冇飯食的~最後佢地都係走晒返黎~而和仔都上埋黎~
本身就唔關我事~唉...佢地睇波呢~搞到我冇得睇海底奇兵呢...
當時其實我都無暇睇佢了~
因為返到屋企時無無聊聊dl左隻online game玩~突然好想玩呢~
果隻叫絲路online~玩落都唔算差喎~不過都係咁升囉~
8點幾9點玩到12點就收手了~

>>September 4, 2005 at 12:30:16 AM GMT+8

2005 年 9 月 1 日 星期四 【清涼】

今早完成左個日記~都已經冇咩時間吃圖了...或者因為吃左個早餐la~
出門口時都有d趕頭趕命的~不過去到都要等先有車~
本小說真係幾有趣的~期待佢下一本~(好似有7-8本....日本都仲未出完~仲作緊...)

返到公司~一個不幸o既消息~?阿充唔舒服走左~
某程度上都冇問題的~看來今日都唔會多得去邊掛~
的確唔多~70幾圍ja~兩個人當然冇問題la~不過就悶左d囉~
又收兩點半了~快快手手換好衫都走了~可惜等左成兩個幾字先有車....
上到車都開始看書~但係邪惡的事發生了....
雖然我響度睇書時恰眼𤍣~但係鐘鐘下醒一醒見到大概比我細的情侶響度....
點解要比我睇到呀.....
落車時又係好似琴日咁差幾頁就完成了~已經又看了3分1多了~

本身都有d打算去買野食的~不過買包就比較貴~所以都係算la~
而且見到有個幾得的~就有原動力加速~跟著佢o既步伐走了~其實我想過佢的~不過已經到了~
返到屋企吃下圖聽下歌睇下電視~結果搞到遲左先叫阿卓落樓~
買完水阿卓先到~之後就出發去大中了~
因為我都幾玪的~上車時都聽住歌~𤍣到一陣就起左身~然後就合埋眼養神~

去到地鐵站都係唔多想講野~一直持續到去我地o既目的地~寶琳~
到左阿誠就自己去會一會佢個情人~(男的)之後我打算上一上商場行時就見到miss已經到了~
miss話本身意謂自己係最早la~但係...我地早左半個鐘到囉~
其實lee個地鐵站~lee個時間都幾多野睇的~
過多冇耐miss都話上商場行下~上面就冇咁好風景了....

行左冇耐miss收到周兄o既電話話佢果邊地鐵出現問題....所以又要等多幾個字了~
等到佢黎我地都出發去了~家樂今次冇黎~因為佢去左觀唐果邊等最後就發脾氣返屋企了~
去到之後大家都有d失望~
最近真係俊了不少~miss同呂sir都唔識得我了~上堂時話好似唔識我時阿水都話返比佢知我係邊個~
咁其實就唔係完全失望的~有個師姐我自己認為係幾得的~
不過肥董話佢有d暗瘡印~如果真係上到我真係覺得冇問題囉~
我其實都唔係叫做心頭高果d人丫~只係我身邊o既朋友~朋友介紹o既朋友太差ja....

放左學之後我地成班人走左去食野~阿誠就爽了~去佢lee個可能成為男朋友的朋友屋企𤍣呢~
我地果邊檯死氣沉沉的....
雖然有好多野可以賴落人地度~但係我都十分十分之咁想的~可惜...可惜...
食完野我地都走先~真好呢~miss請我地食飯~
回程都搞到好大件事的~轉車又轉車~
不過令人不爽的事...之前已經不停地講果d衰11的事~阿水又講~真令人妒忌呢~

返到屋企時候都不早了~成12點幾~加上入埋d歌又搞一大輪~最後完成埋個日記都成點半了...

>>September 2, 2005 at 5:32:22 PM GMT+8