2005 年 8 月 1 日 星期一 【清涼】

琴晚聽絕情谷真係聽到人火都黎埋~
可能真係男女有別~連諗野都係差天共地呢....
我一直都係覺得個細joe係好弱的~完完全全都係唔o岩做lee個節目的~
佢個樣係幾好的~把聲就唔算好差...不過成日都覺得佢地好假囉~
而且佢講d野感覺上係冇咩見地的....
琴晚玩果個遊戲~果個女人打上去~兩個勁蠻一齊叉倪震~聽到人勁炆呢....
唔知搞咩~睇左4-5本書都𤍣唔著...搞到勁夜...

早上~9點半~阿俊打黎~佢話公司人手不足問我返去幫手好唔好咁~
既然我都冇野做~反正得閒~雖則我銀行d錢都頂到不少日子~
但係坐食山崩就唔係咁好囉....
佢叫我今日返咁我都冇所謂之後就要快快手手去換衫了~

返到公司見到d阿姐同肥雄佢地都好驚訝~
今日其實就唔係咁精神的~但係佢地就話我好搞笑囉.....
暑假~但係同我之前返o既都係差唔多~
琴日就2百幾~今日百幾~冇問題la完全~但係就要洗盤....
第一日返黎就搞d咁o既野la....不過今日都幾開心~真係本來意謂lee世都見唔到阿雄架la ma....

放左工之後我阿庄阿充3個人去左買野食~
其實阿充真係好唔識做人~有時好想爆佢的....算....
聽阿誠講就話新來果個女仔好弱...我都冇咩期望架la~
但係佢地3個都話~幾好的~雖則話唔係太好~但係又唔差唔~搞到我都有d....
今日用左成百蚊...一出街就...都話唔鍾意出街架la~

返到屋企睇完電視就玩決戰了~真好玩呢~但係...玩得果幾個鐘就真係有d...

晚上十分頭痛的...想死啊....

終於都搵到shuffle的op了~超正的說~真好呢~

>>August 2, 2005 at 2:40:46 PM GMT+8

2005 年 7 月 31 日 星期日 【晴】

今日都係玩決戰~都玩左成半日了~看來都差唔多爆~

lee幾日個身都好痛~想郁都郁唔到....

野就食左好多~仲飲左好多可樂添...死la....我要死了...

成日掛住打機~都冇去學了....我o既決心果然....持久力低得很...

下午睇左d好邪惡o既圖~d人好差的...但係...

玩過一次aom之後~再玩aoc~簡直係看不過眼~太差了....

>>August 1, 2005 at 2:15:07 PM GMT+8

2005 年 7 月 30 日 星期六 【雨】

琴日借左阿基隻決戰~晚上就玩la~
玩到點幾佢兩個走左返黎...搞到我冇得玩....不過都玩到幾夜~
返完跆拳加上夜一夜先𤍣~今朝10點幾起左身都唔願起身~
碌左好幾個字之後都出廳玩個決戰了~真好玩呢~
不過佢有d煩~要自己砍....如果好似三國志果d咁可能會好玩d~

玩左都唔夠一個鐘就要停了....只好玩電腦la~
其實都冇咩野好玩~見佢地落去買野食我都要快快吃圖先~
佢地上到黎都冇lu~之後就玩左陣aomt~玩完感覺上有d無奈....
就開左個亂黎玩~開左個新人~玩到佢地走先停~
吃埋果d未吃o既圖之後就開始玩決戰了~

晚上係冇飯食的~是是但但整左d野食就繼續打了~
玩到11點幾都唔玩了~都差不多要沖涼𤍣教了~

想dl返d歌~但係...係搵到o既~不過d人就唔分享囉....搵淨個心仍是冷...唉...

>>July 31, 2005 at 4:40:20 PM GMT+8

2005 年 7 月 29 日 星期五 【雨】

今日𤍣到11點幾~可能星期四真係操得太甘了....
而且....即使咁夜入房睇埋本書~都係𤍣唔著~
今日仲係肌肉酸痛中~痛得都幾勁下...隻左手...痛....
見電視冇野睇~就打算玩下aomt la~不過玩玩下連加旋都冇睇到...蝕...

本來係因為要入歌搞到遲出門口的~但係...個頭今日好唔聽話...勁難整的~
其實都有打算再去洗多次頭的~但係時間又唔多夠~
只好快快手搞到叫做睇得兩眼就算了~
落到街~一停落黎就標汗了...真討厭呢....上到車更加唔洗講la....

雖然我成點7先出門口~返到學校~呵呵~冇遲到呢~
換完衫都o岩o岩好開始了~雖然唔係話咩強勁的操練~
但係身體仲未復原都有d吃力~加上練果d係比較怪~但係miss就話好實用的腳~
我地就唔多人掂囉~只好努力d了....

今日有得打~不過...的確~的真係弱左好多好多~雖然以前對住蔡蔡都冇咩辦法~
今次特別唔同~我感覺到自己真係好唔掂~
其後都叫做食住佢地~但係...我一向都唔會話自己勁~但係佢地真係太弱了....

放左學之後~我地就去左食野la~得3個人....
miss同阿基傾話有佢做野果度有d低級工作~看來阿基有興趣呢~
我果邊今日見到tony兄~佢話仲未冇回音的~但係我等得~
因為我要看晒所有完成的先~如果唔係我會死的....
我阿基同肥董3個人去食完野之後就去左阿基屋企玩~

我地爆左兩次機之後都走了~阿基就自己去左食野~
估唔到原來肥董都有玩亂...轉去佢ser等佢帶好了~
返到屋企阿媽都仲未食野~我地就一齊食了~
晚上看左一套好正的烈血追風~戰爭片的確係幾好睇的~
雖然話如果身處戰場之中會好亂晒失方寸之類的~但係如果佢地冷靜d諗下~
可能會唔洗死咁多人呢....有槍唔用硬係要用刀...冇子彈地下有槍又唔用~地形又唔好好善用~
不過....我地活在幸福之中o既人可能lee世都唔會明白....

>>July 30, 2005 at 3:31:52 PM GMT+8

2005 年 7 月 28 日 星期四 【清涼】

琴晚因為搞個日記而搞到好夜先入房~而且睇左兩本火鳳都已經成兩點幾了~
咁都唔錯~反正都係𤍣唔著~倒不如夜d先去𤍣la~
9點幾就起左身la~肌肉酸痛呢...其實都估到架la~琴日操得咁甘~唔痛就有鬼囉~
睇完電視之後就又打機了~
每日做o既野都差唔多~不過我都冇咩所謂了~

今晚冇飯食~不過都冇咩大不了~因為屋企仲有好多野食~
但係...下午又係lee d~晚上都係lee d就好似...算la....

食完飯就打果個亂了~今晚又係打到比較夜的~冇聽架勢堂了~

>>July 30, 2005 at 2:52:24 PM GMT+8

2005 年 7 月 27 日 星期三 【清涼】

真係...想死的~最近可能真係冇咩壓力~
其實就好精神~雖然係病病地~而且做左好多(對黎講~)運動~
個人係幾玪的~𤍣唔著...真係冇計....迫都迫唔到....

10點幾就起左身la~出到廳其實打算玩亂的~
因為琴日好無聊時就dl左佢~不過原來佢維護緊喎....粉無聊的....
睇電視la~看來佢都差不多做晒了~
睇完之後又玩果隻game了~呵呵~終於都爆左佢了~
好討厭的...隻碟花花地搞到睇結局時都"疾疾"下...
打爆左之後佢比左把幾勁的刀仔我~仲比左好多錢~
佢仲好似話打多次的話就有新結局之類的事宜發生~
幾正的~因為佢可以用晒所有人物去打~而且d劍呀~武器果d響晒度~唔洗升同拎過~
之前都練唔到d咩~所以用把勁劍就係咁衝衝衝衝衝了~

打到4點就完了~吃圖~等睇di gi charat~
6點幾又出發了~出到街真係熱死....我真係唔適合出街的....
等車時都已經出緊汗了~上到車就更加...討厭....
行到十字路口見到肥董同阿水~肥董都dl左school days~
佢玩左整整的一個故事~佢話~車~玩咁耐都係得一個h的畫面~
哦~我就唔知蔡蔡點諗la~但係我玩的話都係為左個故事~只是有人期待一些邪惡的東西~

今日miss返左~佢同我講話佢問佢朋友果度仲未請人~
所以....我仲有d錢~而且我又冇咩支出~
如果我真係咁樣過活的話~3-4個月都不成問題的~
因為miss返左黎~今日就甘了....肥左...能力都下降~但係仲有些少的鬥心同基本能力~
miss返黎咁我地其實都會認真起來~

唔好話我丫~即使係周兄都冇可能指得管我到地~只因~我~阿水~阿基~蔡蔡等高級的已經難以凌駕了~
我更加係製造一個搞笑氣氛極為邪惡的人~我自己都係其身不正~又點可能令到佢地停呢~
加上我係一個懶懶閒咩都是是但但的人~再比我認識到肥昌lee d極惡o既人~搞到我燥底~
如果要我服的話~只要我認為你係一個值得我敬佩~我都好聽話的~
而且周兄同我地o既距離太近了....感覺上~已經不再是果種關係呢~

放學前先鬆根~我都已經有大概半年以上都冇認認真真咁鬆過了~
但係當我感覺到自己肥左弱左o既時候~
我真係要加把勁去再張能力上o既距離同佢地拉遠了~
放左學就去大家樂食野~呵呵~因事肥董話我今日好體貼呢~
因為我之前太衰了...我認真要改改我o既缺點了~
食飯時都傾左好多動漫o既野~上車時仲同卓卓勁講魔法老師添~
lee方面已經係我吹得差唔多最勁o既野~大滿足的說~

今朝一online就見到小琳send左個message黎~
佢叫我地一班同學上返我地o既班網~
的確~自從果次之後都已經冇左件事了~睇返以前d相...
樣衰d講句~我真係靚仔左啵~XD(一樣咁肥~)
基本上我都仲有同某d同學聯絡的~只是...有d人就叫做...唔係咁o岩~
有d就搵唔到~有d即使搵到都冇用都唔知搵佢地做咩~
更何況~我一向都係跟大隊果類人黎o既~有事我會出現~冇事你唔會搵我~我又唔會搵你~
自己去搞聚會我又唔喜歡~我就係咁被動架la~
如果你知我點過lee 18年~你會明白的~

下午聽苦榮~超正的~有個問題十分之簡單~但係有人可能會覺得唔知點答~
但係我一聽到就知點答~
你會唔會對你鍾意o既人講大話~
如果係我的話~我一定會~
因為我在意你~先講大話去哄你~討好你~令你唔會傷心難過架ma~
如果我唔鍾意你~我就唔會在意你o既感受~你有咩缺點之類o既野我一野就指你出黎la~
(答會係咁答~個心都係咁諗~做的話....
(後者~)當然我不是d咁o既人la~討厭的人我會遠離~暗串~
一般來講我係太過在意每一個人~)

架勢堂~大夫的故事....網上o既人都開始同我差不多的想法~
認真不耐煩~因為佢真係好煩...快快手搞掂佢~完事好過la~
即使比人玩~相信蝕底o既都唔會係你掛~你冇鏡都用自己篤尿照下自己個樣la~唔該~

>>July 28, 2005 at 4:40:45 PM GMT+8

2005 年 7 月 26 日 星期二 【清涼】

琴晚又𤍣唔著la~9點幾起左身之後~打算聽晴朗時又𤍣返~
10點幾又起左身了~
個腦真係....每日都要hang一次先安樂的....
一dl野佢就死一死~搞到我又驚一驚咁~我可受不起lee d刺激啊....

正當我膽心下午食咩o既時候~阿媽就打返黎話返黎la~
真好呢~不過佢冇買飯比我...
等到成點幾兩點先有野食....已經開左機打了~
但係...佢又唔比我打~真係有好有唔好囉....

今晚冇咩時間做d咩~學唔到了.....明天請早~

其實我o既生活都過得幾...唔知點咁~唔好~?又唔係~好~?又唔係~想做o既野做到~
但係...過d咁o既生活好似唔係我lee個年齡應該過的~
現在應該去溝返條女咁~
過d日日出去玩咁o既日子或者咩同埋咩仲有咩咩咩先係的~
感覺上我都好似上左年紀咁了~退休似的...
雖然冇收入~但係都冇支出~想買野~係冇可能的~失業o既日子會到到幾時~
有野做就冇得如此悠閒呢~其實我都叫做ok喜歡咁樣過日子的~
但係...可能真係浪費緊我o既青春~我o既人生....

(時間緊迫...一個字內完成...)

>>July 27, 2005 at 3:02:11 PM GMT+8

2005 年 7 月 25 日 星期一 【清涼】

今朝都𤍣到9點就起左身la~睇左電視睇到咁上下都開機打了~
因為響網上見到人話school days update到1.11有字幕了~
但係...安到佢開唔到~又要重安咁....搞左一大輪~終於都搞掂左了~
呵呵~雖然唔係識好多~但係要估的話我都有信心估到4成o既~點都好過聽齋聽丫~
兩成都唔知有....

下午~打果隻game真係好激氣~
兩個勁屈機o既大佬呢...一個就係咁飛勁放波~打就唔難~不過勁麻煩....
第二個就係第一集果條飛龍~攻超強~速度同我騎果隻一樣....
打左我成個鐘....ai太強了....
win左之後~出左一幕很感人的....

打到lee度都成6點了~
開始要做下運動了~3個字~玪就唔係好玪o既~不過休息下都好~
響lee個時間吃埋圖就剛剛好了~完全冇浪費~
不過其實lee個時間搞到成身汗走去沖涼都唔係咁好...晚上都唔知沖唔涼多次好....

又學多幾個字了~到目前為止就學左~あいうえおなにぬねのらりるれろ~
開始有d印象了~強行去做一d事完全唔係o既作風~慢慢囉~都唔急~

個電腦開始出現明顯的問題了....lee輪中毒o既次數都比較多....
而且個腦唔知邊個位不停發出~B~~~~~~~~~~~~~~~~~~~~~~~~~~~~~~~~~~~~~~~
十分刺耳的~對佢一日其實都幾辛苦下的....
好驚佢會死...如果佢一死我真係會跟佢一齊死的...

>>July 26, 2005 at 2:19:26 PM GMT+8

2005 年 7 月 24 日 星期日 【清涼】

雖然琴晚又𤍣唔著~而且今日9點就起左身...但係又𤍣得返啵~可以𤍣到10點真係爽呀~
睇完電視之後~又開始學習日文了~今日學左なにぬねの~lee幾個的~
如果叫我就咁睇果10個呢~我係仲未識得佢地的....
複習完好幾次之後就讀句子la~的確...係好難的~一來記性比較差~二來真係幾難的~
三來...始終都覺得好似唔好意思咁....
我o既耐性只係達到一小時就用盡了~
其實打算今日之內就爆左個果隻game~但係.....

打左一個下午~打到6點幾~主角把劍幾經辛苦已經練到4級了~
比起女主角果把都係差d....果把80幾攻~主角果把得60幾~而且招魔法都係比較弱的~
真係激死人....剛剛練好之後又拎到第二把~係同果把d能力差不多強的....
打左兩個幾強的大佬~幾好玩的~
一名同伴死左....好想初頭果個女仔加入返~

加加埋埋都打左11個幾鐘~慢就因為慢在練劍方面~
不過我都係覺得~練勁個人物~武器係好好玩的~

下午睇di gi charat~熊貓妹妹又出場了~極度討厭配佢果個人....
可能真係佢把聲o既問題la~又唔見digiko把聲我覺得討厭~

晚上~同阿媽食飯~傾傾下講到去表哥女朋友~
唉....我到底.....喵.....
算把la~本來打算變做肥家家獸的~不過....現在已經變成左超級肥家....嗚....
(唔要個級字就是了...)

聽架勢堂~果個大夫終於都叫做有進展了~快快手手搞掂佢~
我都係比較想聽d失敗o既個案~果d比較有趣~

下午終於都聽到苦榮36計了~嘿嘿~粉搞笑的~

與人相處的能力又下降了....失敗....

傷風呢....已經折磨左我不少日子了....極度痛苦的....

寧缺勿濫....到底是正確或是....

kiss的方法~始終都係自己摸索比較好~

出動~?去邊呀....

(完)

>>July 25, 2005 at 3:12:29 PM GMT+8

2005 年 7 月 23 日 星期六 【清涼】

琴晚都係搞左好耐先𤍣得著....今日又係早早就起左身la~
開左個腦都唔知做咩好~既然咁耐都冇玩aomt就玩下囉~
如果要比較~我最唔鐘意就係星期日....
星期日不只單冇電台聽~冇電視睇~而且....家姐仲唔洗返工添.....
佢響度我就冇晒自由la~想食~又比人插一輪先~想打機就一定冇可能架la~
有個腦都做唔到我想做o既野...唉....

下午阿媽返左黎~整左d野就走la~
佢兩個都走埋~呵呵~屋企就係我架la~真好呢~
突然好想玩果隻game~之後就開左la~
唉...真係玩死人的~卡住響某兩版度係咁死~咁佢要練劍~我就用一把比較弱但係又難練的去打~
不停咁死不停咁死都堅持要用佢~呵呵~終於都比我升到4級了~
原來升到4級會超勁的~原本得幾格攻升到80幾攻~而且d技又出晒黎~
但係...仲有一把...如果玩落去會死的....而且....lee把攻雖然高幾滴...但係就打唔飛d怪....

晚餐只係食杯麵ja~打完機一轉過去竟然做麥兜咩王子果個~
已經做完了...個尾幾搞笑的~真係想睇多次添~
見電視都冇咩野睇就開左隻碟睇~一隻超舊o既碟~中華賭俠~
睇到一半見無線做果套無聊野就轉過去睇la~雖然係無聊d~不過冇野做睇下都唔錯~

>>July 24, 2005 at 3:18:26 PM GMT+8