2003 年 10 月 14 日 星期二 【颳風】

星期三既朝早
Bruce 又唔使我地上 Lab (已經係第二個星期啦)
加上天氣轉涼
所以都係無咁早起身

今日係 Inter - School Final
但係下晝 Nick 病到要照上堂 (不過話時話, 佢都真係有兩個星期無上堂咯...)
結果想去打氣都唔得
預左會畀人 "少" 咯...

上 Nick 堂, 佢第一句就叫我地交 Assignment 2
死咯！
我記錯左下星期交添！
好彩之前同 Eric 講同佢同組 (但係就無做過任何野, 諗住我做完之後 Send 畀佢嘛...)
佢就好好人咁叫我響佢份野度加番我個名
我先至不至於冇野交咋
衷心感激

中間有一個少少的 Break
本來想做番少少 Assignment, 點知無帶到 D 資料, 完全做唔到
唯有去 Music Room 呆坐左好一陣子
咁 arm 見到阿中同 Summer
同佢地傾傾下, 發現原來未入 Theory Class 既 Function Form
但係原定的日子就係 21/10/2003
結果我同佢講無限期押後是次 Function, 同快 D 入返份 Function Form
因為入完之後, 仲要等佢批架嘛
整整下又要上堂咯...

上陳武堂
佢同我地講話下星期要上兩個特別的 Seminar
搞到我可能上唔到仔仔堂添........

又要練歌
因為要同 Vannessa 講非法野, 唔可以大大聲同其他 Member 講
唯有出 Music Room 講
一出門口, 見到 Billy 同阿大傾緊野
Vannessa 就以為阿大係 Jessica (Billy 女友)
點知阿大石破天驚地爆左一句："唔係掛？我邊度有咁肥呀！"
搞到 Billy 無晒應, 我就笑到腳軟跌左落地
仲唔畀我地知道佢對 Jessica 的睇法？！
我一定會做一個忠實的二五仔同 Jessica 講番

聽日就 O' nit 啦
但係今日先發現唔記得買 receipt book
唯有聽日買啦
是日唯一的好消息, 係份 Master Budget 終於批左
終於唔使再改啦！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日仔仔生日, 尋晚十二點幾已經同佢講左生日快樂
仲要係響我部機就 Hang 既時候同佢講
都算係有心咯
至於禮物方面...
我相信響今年內還番 D 嗩吶錢畀佢就係佢最好的生日禮物~~~~

>>October 16, 2003 at 7:27:22 PM GMT+8

2003 年 10 月 13 日 星期一 【晴】

尋日仔仔話要放假
唔教我嗩吶
是日休息一天

返到 Poly
上完 Bruce 之後就無堂上
落左 Music Room
阿為叫我影佢果年既銀行存摺, 仲叫我幫佢交上 AC
橫掂暫時無野做
忍你！

無啦啦又畀 FC 條無良友插
今次話我無寫 Interest 落 Master Budget 度！
乜 Master Budget 係無所不包架？！
Quotation 又要, Bank Interest 又要
咁我唔使交 Interim 啦
橫掂我有乜野佢地就叫我改 Master Budget
我今日改第十三次啦！
佢仲想我改幾多次呀~~~~~

次次都話無問題, 交完上去一兩日之後又要人入過份新既上去
Side 我時間
一係佢就一次過同我講有乜問題
一係佢就過左我份 Budget
點都好過宜家咁, 佢鍾意就叫我改
上次佢話無問題, 叫我影多三份連 Quotation 畀佢
交左上去唔夠兩個鐘, 佢又叫我成份 Budget 既數字要多兩個小數點！
之前 D Quotation 又要我再影多次
又 side 我時間, 又 Side Choir 既錢
大佬！三份野加埋成百頁架！
你估真係你話點就點咩！

今日都係未交 interim, 下個星期得閒先交啦....

約左嘻嘻食飯, 遲左成三個字先到 (因為要搞上面果 D 無聊野咯！)
林嘉偉又一齊食, 但係 Samuel 就唔同我地食
結果三條友出左 "點心皇" 食, 貪佢平嘛, 又唔遠 (柯士甸道, 唔係遠掛~~~)

食完飯嘻嘻攞左我份譜走
我就返 Music Room 練琴
好似我仲未摷夠資料寫 Assignment 喎...
唔理咯, 練琴都好重要架嘛！

練到三點半, 嘻嘻落堂
叫左佢落 Music Room, 同佢過左一次份譜
之後就出左去打機
仲畀佢呃左, 由行去佐敦的方向, 行到去接近尖咀
完全唔明佢點解唔行條方便 D 又快 D 既路...

上次見佢打 "追跡" 佢都未可以爆機
今日就以 "屈機" 姿態取勝
雖然唔算最勁, 但係都好過我呢 D "機盲" 多多聲咯...

打左一舖就要走 (約左其他人五點三嘛)
點知我地到左, 謝子佢地都未到
佢話小談去左 "牡", 結果我地兩條老鬼就去左摷小談
坐左一陣大伙兒就到左, 一齊上去我地既目的地－－美興 12 樓

今日因為要同果班女仔練, 所以打得好 hae
完全無我地上果兩次練得咁積極同有效率

練到八點幾, 大家傾番著乜衫
之後去食飯
飯後番到屋企
阿媽好罕有咁留左飯畀我食
我頭先又未夠飽
咁我當然唔會辜負佢既一番心意啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝有酒今朝醉
明日愁來明日憂

有乜事, 都係等死線 (Deadline) 前先做啦...
不過點都好, 凡事最緊要過三！！！！！

究竟有 D 乜野四字詞語係可以做歌名既呢？！
好似 "無所事事", "閒雲孤鶴", "孤芳自賞"... 都可以架！
不過唔好好似肥仔上次咁講 "印度神遊" 就得咯...

夜晚同肥仔的 ICQ
令我唔可以唔抄下佢份日記：(以下的 "我" 係肥仔, 大家請注意)

今日徐瑞明堂居然係六堂裡面最有趣既兩堂。話說佢對住黑板寫野，緊住話"背住你地，你地就開始作反啦"，跟住我爆左菠蘿林名句"背住黑板就係背叛我"，成班哄堂大笑，跟住唔知點樣又開始講佢學生年代係拔萃既生活。首先由菠蘿林講起，原來bt F4果陣果班係菠蘿林第一年既其中一班，果陣"菠蘿林"就係係BT佢地改架啦。跟住又講起chem，果陣佢唔係俾CCCHAU教chem，係一個叫kltong，人稱九龍塘既人教，因為KowLoonTong(klt)喎。諗下諗下，譚君諾都係klt，哈。跟住又講杜文澤，原來杜文澤呢個只不過係藝名，真名係吳卓章(音)。果陣佢真係曳到勁出名，BT話就算吳生化左做灰，佢果幾屆D先生都仲會認得佢。跟住又講老曹，佢話果陣佢知道老曹呢個人，我諗因為老曹係辯論隊，老曹又知道佢，因為BT係a team captain。除此之外，佢地兩個以前都係boarder黎架嘛。跟住我地問老曹以前肥唔肥，BT佢話大概係我咁既身形。講講下又去左廢墟，15年前佢竟然唔係叫呢個名，係叫做先端。最尾講ewing，BT既時候做過佢一年既學生。我就當然例牌問佢ewing果陣有冇做fing手既手勢，不過問完佢已經意興闌珊咁教返書...頂。

放學好耐之後，我見到ewing喎，就向佢進一步了解當年既情況啦。首先問佢識唔識"吳卓章"，佢話唔知，我話俾佢知呢個係杜文澤既真名，佢先至諗返起。ewing話如果我叫佢做edward ng既話佢一定記得，ewing同杜文澤既英文名居然相同喎，難怪ewing咁灰啦，哈哈。跟住我又問返ewing對BT既記憶，ewing一講開佢就話BT對hist冇興趣，因為佢上hist堂成日恰眼訓，笑死。跟住ewing話我八卦，我就話係閒談，佢就話我係話不投機，笑死。

報告完畢, 多謝收看本節目

>>October 14, 2003 at 4:59:37 PM GMT+8

2003 年 10 月 12 日 星期日 【乍寒還暖】

今朝唔使早返
所以我都係食埋飯先出門口
點知臨出門口, 個天先落雨
落到樓下, 正係佢雨勢最大的時候
好彩吸收左上星期五的教訓
帶左把大大把的遮出門口
先至無濕到個身, 淨係濕左對鞋

去到佐敦, 諗住會好大雨
正想開遮的時候, 望下個天
陽光普照？！
仲要令我覺得有 D 熱添？！
有無搞錯呀！
咁我帶咁大把遮出黎做乜呀！！！

上堂
今日要 test, 所以所有人都好似好畀心機溫書
平時係唔會見到咁既場面架！
我都特登早 D 返去圖書館溫左一陣書先上堂
一出圖書館門口, 發現地下有一點點既野
響我疑惑緊既時候
個天話左畀我知果 D 係乜黎既...
咪落雨咯！
死蠢！！溫書溫到 "吽" 左！

聽左一組人 Present, 份講義好有紋有路架！
點知佢地一講, 立即醜態盡現
佢地講既野同佢地份講義都無關係既！
不過諗下諗下, 今次同我同 Group 果兩條友
絕對係出左名既 "粉葛", 佢地真係可以完全唔做野架！
如果唔係今年我無人同我一組, 我都唔會同佢地一組啦
宜家現眼報咯...

上兩個星期叫一條友睇篇文 (我地要 present 一篇文)
佢話無問題
點知上個星期問佢睇左未, 佢又話未
咁都算啦, 我都係叫佢早 D 做準備O者
但係今日問佢, 佢都係答我未睇......
好似下星期就到我地 present 咯喎！
佢又唔係勁
佢唔係諗住攞我個 A 黎玩呀嘛！

好驚呢科會畀呢兩條 "粉葛" 搞到我無左個 A！

之後去左 Computer Lab. 溫書
順手開 ICQ 解悶
咁就見到 "魔鬼" 乙隻
佢話自己放假, 但係放假的理由好畸型
原因係 d F.1 星期五去左 camp, 三日兩夜, 會好 "支力" 喎...
所以得登放假俾佢o地休息o下~~
但係佢地 d 無關痛癢o既人有無啦啦多o左日假............
到宜家我都唔明 F.1 去 camp 關 F.5 會考生乜事
咁都無啦啦有假放！
我都想放假呀~~~~~~~~~~~~

之後一路上 tutor 一路同佢吹水
收番之前份 assignment
有 A 呀~~~~~
陳武都幾好, 唔似得 Nick
我寫錯我地 Department 係 Civil Eng. 之嘛
佢就將我個 A "燉" 到變左 "B+"
勁唔開心~~~

Test 成點？
哼！
我嬲！！

之後又要摷 Nick 第二份 assignment 的資料
跟住上法文
個 Miss 好搞笑
但係就無乜點教我地點講法文
淨係聽佢講法國文化同中國文化的分別
不過都唔算悶
五十蚊都真係幾抵~~~
仲要同小 wing and 小倩一齊上
不過佢地有佢地一齊坐, 我就有我一個人自閉

上完堂
入去 Music Room 睇下佢地練完未
點知得盈盈一個
聽左佢 Sight Read 彈琴
最後得到個結論：一隻 "兵車行" 夠佢練一年....

等埋阿然食完飯
同佢一齊搭地鐵返屋企
返到去食左個米粉就訓咯...

>>October 14, 2003 at 3:21:58 PM GMT+8

2003 年 10 月 11 日 星期六 【晴】

今日天氣晴朗
起碼我出門口無落雨嘛！

唔使出街的朝早令人特別高興
加上我又早起身
變左好多時間做野
過左一個好充實的朝早
^^

食飯翻睇 Matrix 2
仲係好鍾意奇洛李維斯同阿伯講救世者果幕！
尤其係佢背後某個電視機仔的某個畫面
真係勁過癮

睇完之後, 又繼續溫書
聽日 Test 嘛！
但係聽日好似要交 Interim 喎...
點算呢？
不過我都係覺得學業緊要 D
所以...
你明我意思啦！
遲交幾日唔會死掛？
最多會凍莊O者！
：P

三點九先出門口
四點就去到觀塘地鐵站 B 出口
彩虹果然係一個唔會有 "時差" 既好地方~~~
謝子話阿一, 黃蜂 arm arm 先出門口, 肥仔就會遲 D 到
果然佢無講錯, 響 YCO 打敲擊的, 通常都係XX

去到美興一樓就見到陳沛倫
佢都係 arm arm 到
時間 arm arm 好！
上到去就見到伍先生打緊 Marimba
當然, 上去玩 "煎 pan 打毽" 係唔少得架啦！

陳沛倫響 YCO 攞左個譜架, 諗住今日攞黎用
點知尋日佢一打開個譜架
就見到上面貼左我個名
所以佢今日專登帶番黎畀我
yeah~~~~~
我個譜架又回到我既身邊啦！

打得一陣, 又要開始排練啦
真係打得唔錯
當然, 大細聲佢地就仲未可以輕鬆做到啦
話晒我都早過佢地 sight read 份譜嘛！
我都唔係玩得晒, 仲有一句有問題
要慢慢 "屈機" 先得

練練下無啦啦黃蜂響我後面出現
嚇死！
點知之後阿一又無啦啦出現
唔通佢地全部都識穿牆？！
唔係我點會唔知佢地幾時入黎呀！

動作方面大家就尚算 OK
淨係得 7A 有 D 怪
叫佢紮馬斜打個鼓之嘛
佢次次都做唔到
真係枉費我示範之苦...

陳沛倫要同阿嫲食飯要早走
臨走畀番個譜架我
好開心呀
終於同我用左十年的譜架重逢啦！！
好彩無穿無爛
唔係我一定告 MO 虐待佢O者！

打到唔夠 7 點, 阿一就話肚餓
大家收野食飯
我就走左
無計啦
親人生日, 我梗係要一家人慶祝啦
話晒佢都係我大佬嘛！

一返到去, 就有人打黎
我聽電話, 聽到有人問我係唔係之前打過畀佢
如果唔係今朝我打去問人會唔會去 O ' nit, 我一定會以為佢係白撞既！
由於驚係 Choir Member 打黎, 我就問佢係唔係參加左 Choir 啦
佢話係, 咁我咪同佢講返幾時同響邊度搞咯
講真呀, 我平時聽到呢 D 電話
我就一定會 Cut 佢線！

舊年有條友響我 arm arm 訓醒既時候問我屋企有冇一個叫譚博 "成" 既人
我明知佢係搵我
但係我都同佢講話無呢個人！
條友好灰咁收左線, 之後就再無打過黎
搞到我心思思, 成日諗究竟係乜野人咁無聊連我個名都搞錯
今年我執 Music Room 既時候, 終於畀我搵到真相！
中樂的 Contact List 上面有兩個人
一個叫譚博威, 即係我, 上面寫既係我既手提電話 Number
另外一個叫譚博 "成", 上面寫既係我屋企電話 Number
咁即係話, 上次係中樂班死蠢打畀我啦！！！
真係..............
完全無應~~~~~~~

>>October 12, 2003 at 12:05:04 PM GMT+8

2003 年 10 月 10 日 星期五 【暴雨】

星期六的朝早
又要返去開會
仲要係遲到
尋日同人講要早 D 返
點知自己就遲到
不過都好
阿然仲衰過我
我響旺角果陣佢打畀我, 話佢 arm arm 起身

好彩唔係最後一個O者...^^

開左個馬拉松式的會
朝早十點開始, 下晝三點先完
之後就 dem. game
好充實

本來有 Choir 表演
點知因天雨關係
中樂搬左去 C 122 表演
但係因為個琴今朝就搬左上去
Choir 一定要響平台表演

搞好耐中樂先至開始
結果表演完中樂之後, Choir 已經開始表演緊
無理由無啦啦衝上台架嘛！
唯有響台下以掌聲支持佢地啦
唉.......
我都想響台上面呀！！

之後又要練歌
練到接近九點先走得
林美讚我, 仲話我開始適應莊務
希望係啦
不過星期一我睇怕我自己就交唔到 Interim 咯...
遲一兩日唔會凍我地莊掛？

聽日四點先至要練鼓
有大把時間響屋企做野
好！
聽日先做
今晚早 D 訓先

一點就訓
好似好耐都未試過咁早咯...
不過同以前比, 就當然無得比啦
養精蓄銳, 聽日再戰江湖！！

>>October 12, 2003 at 5:25:20 AM GMT+8

2003 年 10 月 9 日 星期四 【暴雨】

今日係一個好特別的日子
大家知唔知今日係乜野日子呀？
今日係一個國家苦難的開始
但係又係呢個國家秩序重整的開始
當年今日, 就好似偉大的母親忍受新生命誕生的痛苦
但係痛苦過後, 新生命的誕生足以彌補一切
見到宜家咁既情況
逸仙先生該可含笑九泉
不過如果國家的人民能夠真正團結, 少受苦難
我深信佢會更加高興

臨時臨急要出門口 (八點半堂嘛)
是但拿左把遮就出門口
點知就 "賴" 野咯...

影印左 N 咁多次, Master Budget 終於完成
真係好似做左一件大事
好開心
但係諗下下星期一要交 Interim, 個心就灰晒咯...

好難得有一科係我唔上堂都明, 但係其他人就唔明
仲要我教佢地添！
個科係乜？
咪係我平時成日話 side 我時間既 Eng. Sur. 咯！
原來真係會有人唔明架
我仲以為佢地係玩野添！
不過我都有守望相助, 唔似其他人咁衰
敝帚自珍
果 D 人就真係唔要得咯...

今日又要返 YCO, 本來可以早 D 返去
點知見到肥仔江, 忍唔住同佢吹水
順手問下 D 我諗爆頭都諗唔到的 Construction 問題
佢教呢科, 無理由唔識掛...
問左好耐, 順便又幫佢手解決中阮某小妹妹的 Economic 問題
其實 Econ 好易, 怪只怪我當日唔努力先會搞成咁...

又遲返 YCO 咯...
好彩黃蜂打黎, 佢都係響紅磡 "地鐵站" O者
於是同佢一齊返 YCO
一齊遲....^^

返到去, 開完琴
較較下音先見到大大佬坐響我後面既後面 (即係棉花鬼後面)
點解佢無啦啦會黎架！
望到佢個樣, 真係打左個突...
結果因為佢個樣, 又影響左今日既表現啦...
唔得, 我係唔可以咁易畀人影響到架！
要成為一個合資格的表現者
係要有一個可以感動人的鐵石心腸
只要有 "心如磐石, 不可轉也" 的心
先可以成功！

因為缺 "水" 的關係
我強力建議去 "唯一" 食
結果成班人就去左 "唯一" 食野
我就食左我去 "唯一" 唯一食既 "唯一" 定食：北京餡餅
真係好好食
不過今日個餡餅就好似細個左少少
真係唔夠飽

都係要忍手
返屋企食榖種咯....

同 SMC 返屋企 (仔仔無同我地食飯, 晨早就走左...)
落車見落雨, 咪開遮咯
一開遮, 把遮原來係爛既
仲要係遮骨爛左, 遮面完好
難怪我會上當...

超無奈....> . <"

>>October 12, 2003 at 4:06:14 AM GMT+8

2003 年 10 月 8 日 星期三 【晴】

八點鐘度, 阿媽係我睡夢中同我講佢要出街
叫唔到我起身
無所謂, 我十點半先至返學
繼續訓...
點知訓醒望下個鐘
大鑊！！十點三？！

好彩我個鐘快兩個字既
拿拿林換衫返學
返到去都係遲兩個字O者
都唔算好嚴重...

上完 Nick 堂
hae 左好耐, 先至上中文
好無奈...
溫書又溫到訓左
之後又無心機溫
又心思思想練琴
去左 Music Room
有中樂莊的人響度, 搞到我唔敢練琴

條友走左之後, 都已經成四點三
開琴較得音黎都練唔到啦！
> . < "

有幾條友想入 Music Room 搞 D 鼓
話想錄下 D 鼓的聲喎！
見到佢地好似無乜殺傷力, 咪畀佢地入黎咯
點知一入黎, 有條友望到個新琴就發癲
要我即刻阻住佢, 佢先至無亂黎
聽到佢地咁樣侮辱 D 鼓, 真係有 D 唔忍心...

上完堂, 早早返屋企
食飯
希望聽日有多 D 時間唔訓地溫書啦...

>>October 9, 2003 at 4:27:01 PM GMT+8

2003 年 10 月 7 日 星期二 【晴】

又要練歌
又要交功課
本來應該好忙
但係今朝太眼訓, 訓到連個 Lab 都唔想上
好彩今個 Lab 真係唔使上
唔係實遲到

返到去, 騰左四轉先影印完 D Quotation
搞到無時間練阮
今日我特登帶左份譜返 POLY
就係想響呢段時間練
結果浪費晒 D 時間響影印 (因為成日印漏野)
無時間練
> . <"

影完去左做 Receiption
之後又要上堂
點知原來今日堂 Hydro 又取消埋
大好良機, 梗係去 Music Room
攞左花姐部琴出黎練啦

"Sight Read" 返隻 "無所事事" (加 " " 係因為太耐無練琴, 唔記得左點彈, 要再 sight read 過...)
用五線譜 Sight Read
都唔算係好差
不過仲未在狀態, 要練多幾粒鐘先得

練到咁上下
Leo 終於肯搵我講功課 D 野咯
打佢電話又唔通, 又唔打畀我
最後加多 D 野就叫左佢交畀 Bruce 咯...

去左 Library
諗住睇下 D article
點知睇睇下又訓鬼左
訓到就上堂先起到身
一定要去上陳武堂
唔係今日就真係完全無上過堂咯...

練歌, 練完歌食飯
琴子真係超健談
搞到我無奈死啦...
做乜今日我又係主角呀！！

去左 "表哥餐廳" 食飯
食食下見到黃凱芹
真人睇落真係幾老架
頭髮又未梳好
咪又係普通人一個
唔使咁興奮雀躍掛？！
琴子仲要叫佢影幅相添
畀我的話我就唔會咁做咯...

之後又去左 Second Round
去左間高級餐廳飲野 (高級, 即係好貴)
順手食左 D 野
但係感覺上食得仲飽過響 "表哥" 食果餐
吹水吹到十二點幾
琴子又將話題轉響我度
無應... ~_~"

唔使做功課住
畀自己休息返一晚
順手寫日記
聽日繼續溫書做功課

>>October 8, 2003 at 6:04:12 PM GMT+8

2003 年 10 月 6 日 星期一 【晴】

聽日要交功課
今晚實要死做爛做啦........

返到 Poly, 淨係上左一堂
11:30 就落堂
之後就同 Leo 一齊做 Photo D 野
準備聽日交 Assignment
一做就做到點半

去左 Music Room
Print 好左份 Master Budget
交左上去
之後就同阿一一齊返 DB
佢去教野, 我就去學野
好鬼死羨慕佢有錢收呀~~~~~~~
如果有人肯叫我教佢學阮, 我一定肯教
最好有錢收, 無錢最多學仔仔教我咁, 娛樂下自己咯, 順便練下琴

響 DB 見到有個方 + 寶的學生
學左八個月, 專登為左入 DB 而學
佢成功入左, 但係佢連譜都未識睇
酒歌唔算係好難O者, 連第一頁 D 音都唔識玩
最離譜的係, 佢連拍子都好似唔識數
同一個唔識音樂的人根本無分別！
我以前最多係唔聽話O者, 點會連 D 咁基本既野都要人講咁耐
仲要講完都唔識！
如果畀我教著佢, 我一定死畀佢睇~~~~~~~~~

仲係未練到長音唔走音
口唇仲係有 D 問題
都係要練多 D 先得

見到 Matthew 玩 "無所事事"
玩到好似一隻佢新作的歌咁
唏噓....
睇怕我都係練下中阮先
費事下次佢再作曲果陣我唔知點樣救佢

好耐無練阮
正確 D 講, 我係連中阮的歌都好耐未聽過
基本上我係唔記得 "無所事事" 點樣架！
鬼叫劉星寫到隻隻歌既歌名都差唔多咩
搞到我將 "無所事事", "孤芳自賞", "隨心所欲" 幾隻歌撈到亂晒

學學下嗩吶, 謝子話 BOOK 左車去觀塘
話要運 D 鼓去周剪銅度
結果我就賣甩阿一
變左我, 仔仔, 謝子同伍中彥一齊跟車去

行行下打畀陸健斌, 發現觀塘無人！
點算？！
我地唔通破門入去咩！
唯有到左觀塘之後, 伍中彥再去西灣河問四擊頭攞鎖匙啦
搞到我地三條友搬到氣都喘...

搬完上十二樓, 佢兩個就賴低我一個 "看" 野
走左落去接庇記 D 人
搞到我無聊到坐住個鼓訓左

訓醒成班人都返晒黎
伍中彥開門, 搬左 D 鼓入屋先發現之前唔記得攞返 D 譜落車
要司機大佬由旺角車返觀塘攞畀我地
唉....
又要畀多五十蚊...

到 D 譜運到黎觀塘既時候
班庇記人都已經走晒
阿一, 黃蜂, 肥仔同 SMC 就早佢一步到
一齊玩 "煎 PAN 打毽"

如果加埋陳沛倫
我地今日的陣容就 WIN 梗啦

隻歌真係有 D 難度
伍先生真係要我好好地練鼓O者...

打到九點, 又玩 "煎 PAN 打毽"
之後落 "牡" 食野
食到間 "牡" 熄燈趕客我地都唔肯走
結果走既時候先發現
全間舖淨係得我地果個 Corner 熄左燈...

返到屋企做功課
由於有前人的 "經驗"
好快做晒
仲有時間寫日記添

>>October 8, 2003 at 5:45:13 PM GMT+8

2003 年 10 月 5 日 星期日 【晴】

病左原來感覺係會更加 Free
小病是福呀~~~~ ^^

晏晝 (12:30) 先要上堂
所以朝早好淡定
好晏先醒
仲要食埋早餐先返學

無啦啦盈盈打畀我
一定有野唔對路啦
果然, 佢問我點解唔去 Music Room
原來今日要 Aud 人
我真係唔記得左
我話我上緊堂 (實際上係一路食緊飯一路做功課)
之後佢又打畀我, 話無人得閒
叫我一定要落去
我唯有同佢講出真相："我宜家響灣仔喎..."
佢無奈左一陣, 就收左線

返到 Poly, 又要上中文
原本要 Present 果組都唔記得係今日 present
結果彭敦臨時吹水, 咁都畀佢吹到一粒鐘
勁！

上完堂, 又要練 Choir
好彩同阿大攞左免死金牌, 唔使唱
老大問我點解唔唱, 我就唱左 "We're the Choir" 的第一句畀佢聽
佢聽完之後, 都好同意我休息一下

用左佢地唱歌的時間埋數
終於清左好多之前積落的陳年債務
我發現我自己原來都係同龐統一樣
只不過佢真係好勁, 我就天掉落黎當被蓋O者...

又要開會
都係用 D 時間黎做 D 數...
同埋順手做功課
搞到其它人食晒飯我都未開始食呀
陰功... > . <"

尋日就同阿大講左十一點走人
同 Vennessa 一齊行去地鐵站
佢對 "摩打" 腳, 如果我無食飯的話, 一定行到腳抽筋
不過同佢一齊行, 都搞到我餐晚餐極速 "落格"
變到超肚餓...

返到屋企
做左少少 Assignment
其他明天再續...
做到四點半呀陰功......

>>October 7, 2003 at 4:05:26 PM GMT+8