2004 年 4 月 11 日 星期日 【晴】

肥婆你好野
咁都畀你搵到
唔寫個服字都唔得啦.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
凌晨時份同肥婆 chat 左好耐
無啦啦佢做左我既 "感情顧問"
之後仲不斷叫我請番佢食飯
^ ^ "

不過都好多謝佢肯花咁多時間聽我講廢話
身為師兄既佢, 唔需要講好多野
言行身教就夠
唔單止咁, 佢曾經都係我既目標, 我既方向
朱老師的自由教育唔係唔好
但係如果唔係有佢, 我深信我阮既造詣在四級以後不會有多大的進步
應該強不了現在的 "拔萃第一阮" 多少
謝.........

欠佢太多, 還都還唔完
唯有一直欠下去
^^

難得見到盈盈 on 9
今日同佢吹水既話題：Kawaii 既 Canon 姐姐

朝早好晏起身
成日處於休息既狀態
可以話係好 hae
但係樂觀 D 咁講
今日係我個腦 format 既大好日子
希望經過今日, 我可以過返一 D 正常學生既生活
日出而 "溫", 日入再 "溫"

話晒都係自己 formate 自己個腦
起碼唔會好似肥婆咁搞到燒左個 hard disk 既
; P

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
沒有椅子的桌子是孤立的
沒有人陪的沙發是寂寞的
沒有回憶的照片是平板的
沒有活生生的生活是單色的

生活
像微苦的茶裏的一匙糖
像無味的湯裏放一把鹽
像寒冬夜裹啜一口冒煙的咖啡
不多　一點就足夠細味
生活
簡單中　恰如其分的豐足

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
從不會希望與你所愛的人分開
有空的時候,你想見他 / 她
沒空的時候,你也會掛念他 / 她
有時候,不辭勞苦的乘個多二個小時的車程
都只為特地見他 / 她一個十多二十分鐘,然後又要再次離開
即使你有很重要的事在做著,你都不忘跑開十多分鐘去找他 / 她
其實一切看上去,彷彿很傻瓜,很浪費時間
但你卻做的樂在其中
如果對方病了的話,你樂於放下你的手頭上的課本,跑去照顧他 / 她,儘管你再過一天便是考試

真的,為甚麼呢?
看上去是回報與付出不成比例
但你都樂於去做
是因為你真的愛他 / 她,你真的關心他 / 她

還未有準備好
一天未準備好
一天也不會輕舉妄動

>>April 12, 2004 at 11:54:53 AM GMT+8

2004 年 4 月 10 日 星期六 【晴】

聽到一個好突然的消息
好心翳...............
希望 Timo 可以安然渡過呢一關啦...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日又係好晏先起身
食左個飯就返工
兩點正去到家樂
淨係見到 Katrina 一個
所以話, 遲一次到無人話
之後就唔會再有人準時開工咯....

三點先正式開工
今日 Timo 搵我
講左個好驚人既消息
"鄧" 佢難過.............
如果唔係要開工, 我一定會陪多佢一陣
好彩都有阿一陪住佢先
唔係我都真係有 D 唔好意思

開工
開得好 hae
但係一日埋數都有卅張 "單"
hee.....

今日又去搵 D 好 Kawaii 既 Canon 姐姐映相
連我地既 supervisor Alex 都忍唔住想去映相
你話 Canon 既魔力係幾咁大呢.....
不過我地成日走去搵佢地映相
搞到佢地開始認得我地班友
隔離仲有 D 師奶話我地成班選舉事務處既人吞泡
hee.......^^ "

放工又去搵 D Canon 姐姐映相
好似中毒咁....

行過見到一個年輕人一路彈電結他一路唱歌
勇氣可加
不過歌藝就.......

約左阿一同 Timo 食飯 (佢地三點幾等到我八點放工呀...)
我居然約左佢地響彌敦道同西洋菜南街交界？！
等左好耐都等唔到佢地
先至發現果度係亞皆老街同西洋菜南街交界............
彌敦道同西洋菜南街係兩條平衡既街, 點交界呢？！
住左旺角十五年都唔記得, 死蠢.....

食飯
由於阿一部手提無電
Timo 借左佢部電話畀佢用
咁就出事啦
食完個飯到離開大家樂 (大約半個鐘)
我同 Timo 傾咁耐, 佢就同老拎煲左咁耐粥
痴線架.......
如果頭先佢地響 DB 都係咁, 我深信 Timo 一定灰爆.....

食完飯去打機
之後歸家

係時候溫書啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽完 Timo 既經歷
真係覺得自己好幸福
相對佢, 我真係好折墮
我的痛苦是如何的渺少, 如何的微不足道
他的痛苦卻是一生的

聽過他的痛苦
感到自己幸福的同時
衷心向其他擁有幸福家庭的各位說一聲
珍惜你身邊的一切
因為幸福不是必然的

>>April 11, 2004 at 5:10:52 PM GMT+8

2004 年 4 月 9 日 星期五 【晴】

昨日響台上發生既一切彷彿一場春夢
疑幻似真
又回到現實了

現實是
還有不夠半個月時間可以讓我完成 FYP............
下星期五又要 test satellite positioning
努力吧

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晏起身
今日又要開工
食左少少野就出門口咯

兩點鐘開工
等到兩點半都唔見有人
搞錯呀....
撞到同組既 Connie 先知佢地又轉左陣地
無奈....

聽到尋日佢地開工做到二百幾張 "單"
真係嚇親我....
不過佢地尋日幾乎總動員出動 (差我同 Connie)
都算表現正常既
唔知今日會有幾多呢？

今日無乜點開口
就有好多人自動走埋黎話想登記做選民
實在太好咯
一個鐘好 hae 咁做都做到八張 "單"
於是大家都做得更積極
希望破紀錄咁收工
最後唔使點做都做到四十幾張 "單"
超強

今日條街好多人
多到眼花瞭亂
仲差 D 見唔到有熟人添
阿先 (team leader) 成日都見到熟人
今日終於都畀我撞到幾個咯
計有：
1. 劉慧卿 (唔係好熟, 起碼知佢係邊個嘛...)
2. 表姐一家 (唔係我撞到佢地, 係佢地發現我, 仲令我可以做多一張 "單")
3. 巴斯光年 ("Pet"er, 嘻嘻既老相好, 個樣真係好似巴斯光年)

開開下工都可以走去睇人 promote 相機
因為係免費映相 + 打印
所以映完相先繼續開工
收工既時候再同成班組員一齊映多張全家福
hee........

D Canon 既 promoter 著得好 Kawaii 架
唔知盈盈以前有無試過咁著架呢？？
諗起就好好笑咯
^ o ^

本來應承左去睇宏光
最後都無去睇
真係有 D 唔好意思....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
謝謝你們的鼓勵
感動
各位對我昨日的表現, 大體說了好些 "善意的謊言"
對於昨日我在台上的表現, 我倒有自知之明
直到目前為止, 綜合各人的意見
肥仔的批評可說是最中肯的
內客如下：

Watched brian tam pok shing's performance yesterday night.
If it is considered that he didnt practice for a long time already, then his performance was not bad.

同我講佢 hugo 既評價一樣......

安慰我的, 是我的好朋友
老實批評問題的, 是我的良師益友
為所有我的好友乾杯！！！！

>>April 10, 2004 at 5:06:40 PM GMT+8

2004 年 4 月 8 日 星期四 【晴】

夢到了
心裏有了方向
再不會像從前沒有目標那麼迷惘
解答了一個問題
隨之而來的是新的問題

也許阿一說得對
擁有與否, 其實只是 bonus

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日 poly 中樂團 AP
亦係我炒粉既大喜日子
練左咁耐 (其實唔係好耐, 加加埋埋練既時間可能仲少過阿一學車既時間)
卒之要上台出醜
擔心就無, 不過緊張難免

由於畀阿一 fake 既關係 (有 D 人話今朝練鼓, 誤導左我將個琴放左響 poly, 結果 D 粉人起唔到身)
搞到今朝要晨早返 poly 攞番個琴
同佢約定攞完琴就打畀佢, 跟住就搭火車去沙田

返到去見到成班新舊中樂莊員搬野上車
我攞完個阮之後就打畀阿一
佢再 fake 我 (今次因為佢搵唔到條褲)
響 music room 訓左成粒鐘佢先至話可以出門口......

去食 KFC
途中見到新城市廣場做 Lego 展
有一個人坐左響張櫈
阿一話係真人, 我就話係公仔
向佢建議左一個證實佢係真人定公仔既方法
未實行已經發現佢係真人咯....

食完就入沙田 hall
Final Rehearsal
練...........
羅秀雯著得好有心思, 不過令人聯想到 "火星人襲地球"
容 "定音鼓" 表現正如阿一所講
我？！
跟我預期一樣
都係有問題既地方有問題
其餘既都算出得台既
睇怕都係炒梗...............

肥婆尋日話唔黎睇我表演
好唔開心..............

正式表演
好眼訓
祭神我有兩個位真係訓左
菲傭入左我先醒覺

中場休息
謝話我聽肥婆同佢細佬都有黎
佢呃我？！？
就算係點我, 都應該係因為佢唔想畀壓力我O者
聽到佢黎, 好開心

台前玩緊 "宮商角徵羽" 既時候
我響後台坐立不定
有時會練下難既地方
有時同肥仔江講野舒緩情緒
不過都係緊張.....

輪到我
炒粉係預左既, 但係都估唔到第一個音就炒
緊張 + 眼訓 = 一失足成千古恨
炒左第一個音, D 人都無期望
所以少左人失望既.......我估！

可以再做好 D, 但係懶
有 D 地方明明做好準備, 但係緊張
懶係抵死
緊張係抵死 (做表演者緊張到影響表演, 抵死)
所以整體來說, 今日玩得唔好純粹抵死
責無旁貸

犧牲左咁多人既寶貴溫書時間黎睇我炒粉
唔好意思.........

玩完雲南, 鞠左幾次躬
返入後台, 同四個敲擊吹水
唔記得仲要出去玩 "太陽"
同上次仔仔遲出台一樣

明明場務都叫住我出台唔使開燈住架啦
我一出台, 都係開左燈先
尷尬死咯.....

食飯
好多人
計有肥婆兄弟, 嘻嘻, 阿一, 我, 蔡 7A, SMC, 謝, 肥仔, 菲傭, 菲傭同學仔甲
好耐未試過同肥婆食飯咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我心匪石, 不可轉也

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
中箭
詞: 易家楊 曲: 徐嘉良

她恨下雨天 她酷愛古典樂
她沉默寡言 她時常逛書店
那一天她講了 丘比特常失手 愛情太危險
她跟我約好了 讓彼此自由一點

我開始想念 和她的每一天
聊了一整夜 說自己的從前
忽然在心理面 我隱約有一種 痛的感覺
也許是我 被她命中了 我心中的缺

我猜是我中了箭 在遇上她第七天
那一瞬間 我有些暈眩
像全世界 從此被偷走時間
我中了愛情的箭 很痛但是心很甜
我躲不開 也不想避免
她沒發現 卻在我身上應驗
我中了一箭

>>April 9, 2004 at 6:53:27 PM GMT+8

2004 年 4 月 7 日 星期三 【晴】

光陰可以瞬間轉數十年
生死起跌也知不會倖免
當只有愛的感覺未曾變

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝本來要 test
九點半開始
我九點七先起身...........
結果
我無去到 test
豪左十分
但係走左去 CC 溫書
發誓一定要將果十分攞番黎！

一路溫書一路同卡卡 chat
變左多傾偈時少溫書
仲搞到佢溫書既進度
sorry...

阿一問我幾次去唔去 "你 + X" 搬鼓我都無應承
佢想搵人陪O者......
最後我都係陪左佢去
同行既有肥仔江同容 "定音鼓"

四個 timpini, 十個排鼓 (好核突既藍色排鼓....), 一個木琴
由四條友將佢地由二樓既 hall 搬到地下
搬到手都跛.....

正式跟車返 poly
肥仔江返屋企換衫
得番我地三個
容 "定音鼓" 去左同司機一齊坐
我同阿一就走去好似監倉既後面坐
一路行, 一路聽 CD (雲南回憶)
點知由粉嶺行到 poly 原來都只係半個鐘
人地諗住聽晒三個樂章
結果聽唔晒第三.....

搬野
食野
去 library
練野
練到隻左手好攰
上次少練, 所以右手易倦
星期二既怒練有回報既
起碼我今日都只係覺得右手攰之嘛.....

有 D 脫力
練到好攰......

聽日就表演啦
究竟
我會唔會炒粉呢？？
都係唔好咁問 (因為通常都會炒粉)
至於會炒 D 乜？我也不知呀！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
亦曾信　絕不跨進愛河
唯始終你是真　仍深深相信你
對你的愛沒懷疑　 你使生命極有意思
能同路全是天意
至沒童話時　仍同奔馳
從無理　幾多夢斷幾多難圓
始終完全　當你同存
靈魂與心　信愛不設盡期
童話雖己不信　仍深深相信你

>>April 9, 2004 at 6:55:16 PM GMT+8

2004 年 4 月 6 日 星期二 【乍寒還暖】

唏噓........
真係好唏噓
居然無續借 D 書
搞到有五本書過左期
聽日仲要還唔到書添架
無奈死~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日唔使上堂
好晏先醒
一醒就開電腦
本來諗住溫書
結果又係做左好多無聊野

三點幾出門口
開工
去到 arm arm 好四點正
無人到？！
明明話四點集合架喎
究竟係 D 人未到, 定係佢地已經走晒......

等到四點一過 D team leader 先到
其他人四點三先到
我實在太準時啦
客觀環境既唔準時, 將會打擊一個本身好想準時既人既時間觀念
最終變到同流合污, 有到齊齊遲....

今日本來要去裕華門口擺檔
結果因為空氣情況太惡劣既關係
成組 (四個) 人走左去家樂商場
去到都接近五點咯....

尋日有響果度做既人話好旺
個個人都可以有十七八張 "單" 既紀錄
今日居然無乜人黎
做左成個鐘我都係得五張 "單"
仲要忍受一個吸住煙既奴隸 (arm arm 滿十八歲既粉人....)
超辛苦
最討厭 D 奴隸.....

開始感受到出黎做野既壓力
就算係討厭既事你都要硬著頭皮做
可怕
我真的想繼續讀書.......

不經不覺就到八點
大家埋數
發現居然有十五張 "單", 成為最高紀錄既人
hee.....

同組既阿先 (即係同我家姐同校既粉人) 居然一邊做野一邊識女仔
仲同人交換電話
可惡.....

做做下野盈盈打畀我
先至令我記得今日係城大 choir AP
無得聽添.....
不過約左佢地食飯
個 concet 十點先完
即係要等到十點幾先有飯食啦......

八點半由梁顯利行返旺角
又再響商務買書
之後去楡林打書釘
睇到十點楡林都閂門

今日去食飯既居然係飯團委員會既幹事
即係阿大, 火星人, 盈盈同我四個
去左新森林食飯
食完 = 無食
好肚餓呀~~~~~~~~~~

返歸
繼續食消夜
家姐聽日 present, 要用電腦做野
搞到我三點先有電腦用
聽日要 test
乜都無準備過
望住份 past paper
一條都唔識做
好灰.................

>>April 7, 2004 at 7:57:46 PM GMT+8

2004 年 4 月 5 日 星期一 【晴】

勁充實
好耐無試過咁神心
仲要好認真地練琴
如果做其他野都係咁就好咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
八點三左右畀阿一叫醒
無得刷牙, 有 D 唔慣添
由於佢約左老拎既關係
所有人都要離開佢屋企
(其實佢九點半有堂上, 但係如果淨係上堂佢邊會咁神心咁早出門口呀....)

嘻嘻同 SMC 分別返屋企
我就同阿一一齊搭小巴去火車站
由於要就老拎既關係
最後我地兩個好慷慨地 "豪" 左 D 時間同金錢
點解？！
因為我地要搭火車去九龍塘, 然後轉地鐵去佐敦會老拎........
平時搭地車轉火車就話慳時間O者
乜今日好多時間浪費咩？！

由於嘻嘻死人都唔肯出讓佢既學生證
老拎想入 library, 唯有用我個學生證
借左畀佢入
之後去左 music room 擺低卡卡個仔
再去 library 攞番個證

上英文堂
好彩撞到同學 (degree 既同班)
先至知道今日要去 A305 上堂

畀阿 sir 發現左我上堂睇日記
本來都唔係好大問題
最大問題係今日我地房既電腦全部都可以畀佢部電腦中央控制
仲連接 projecter, project 我電腦既 image 落 board 度
佢既中央控制令我轉唔切畫面
搞到我勁尷尬
好彩 showhappy 周不時會彈蔡少芬出黎
令全班既吸引力集中左響佢身上
如果唔係全班都知我日記寫乜咯.....

落堂
返房練阮
練到接近十二點食飯
約左阿大食飯
約佢既原因好奇怪
之前佢漏左條鎖匙響 soc. 房
我將條匙擺番去 music room 既櫃度
之後佢就以 "要攞番條匙" 既藉口約左我食飯
好彩知道佢同火星人既野
唔係都有 D 得人驚.............

之前佢話會約其他人一齊食飯
結果得我, 佢同火星人三個
早知就唔約佢食飯啦
餐飯一路食就一路見住佢兩個 "依泣"
令到我有好強烈 "我在發熱發亮" 既感覺

食完飯
繼續練琴
練左好耐
今日都算練得幾有效
希望表演一切順利啦

返屋企
老媽子買左一大盒齋雞粒番屋企
我毫不留情地食左半盒
搞到食飯既時候有 D 飽添

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
8/4 Eng. Sur. test
16/4 Satellite Positioning test
19/4 Cadastral test
3/5 Oral presentation of FYP (11:30 BC 416)
7/5 Written FYP
12/5 Cadastral exam
14/5 Eng. Sur. exam
17/5 Satellite Positioning exam
24-29/5 Survey Camp

that's all for my rest life in HD Geomatics
惡夢的終結即將來臨
但
惡夢的終結是美滿人生的開始
抑或是如癌細胞般與敵偕亡？？

>>April 6, 2004 at 2:49:05 PM GMT+8

2004 年 4 月 4 日 星期日 【晴】

好多野都未諗清楚
自己本身優柔寡斷
加上天資有限
唯有一樣還一樣啦
好聽 D 講：隨遇而安
直接 D 講：見步行步
唏噓 D 講：做一日和尚撞一日鐘..........................................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
本來好有雄心壯志做 FYP
但係實在搵唔到野
唏噓得滯
結果又變左打機
一打就打到五點半...........

訓醒
八點半？！
無理由訓得三個鐘架
再訓

第二次訓醒
九點幾？！
都唔會訓四粒鐘就醒卦
今日放假喎！
再訓

如是者一個鐘醒一次
去到一點三我卒之覺得訓夠咯
輕鬆訓左七粒鐘
精神
但係懶.............

起身
練琴
話就話係練琴
實際上一路 "練" 琴一路同肥仔, 阿一, KOG, 卡卡............................ chat
加加埋埋正式練既時間唔夠一個鐘
咁就浪費左一整日可以練琴既時間.............

今日原定去阿一屋企打通宵牌
諗住問肥仔借
肥仔以聽日考試為理由拒絕我地借用麻雀既申請
可惡！！！

八點幾先出門口去阿一屋企
由於聽日想返 poly 練琴, 而今晚又會去阿一屋企過夜
故此帶埋卡卡個仔同盈盈既私生子
(佢話 choir 既新琴係佢個仔, 佢屋企個琴係老公, 個大提琴係佢個情夫
推論結果, 佢個拍子機都睇怕係佢個私生子掛......)
成身都係野, 好似個 arm arm 移民香港既大鄉里......

上到阿一屋企
得小談同佢兩個
SMC 同嘻嘻都未到
過左一陣, 外賣仔 SMC 就帶 D 外賣 "接濟" 在家阿一同小談
過多一陣嘻嘻都趕到阿一屋企樓下
開左大厦大閘好耐佢都未到
阿一諗住出去搵佢
點知一打開門就見到嘻嘻
大家都好奇咁問何解嘻嘻唔按門鈴
嘻嘻就答："我 arm arm 先上到黎之嘛, 就當我想按門鈴既時候阿一就開門咯！"
唔通大家心有靈犀？？

都未講點解會去阿一屋企
事源佢屋企人全部都唔響屋企
所以就可以畀我地去玩咯
坐響阿一間屋既廳
各有各做野
小談做 geog MC, 我睇邊荒 (嘻嘻租架), 阿一就打機 (不過好快就畀 SMC 同嘻嘻霸左咯....)
過左一陣變做鋤 D, 由四個雄性動物主演
之後開左陳奕迅演唱會 DVD 聽 + 睇

接近十二點
談要返屋企
大家送佢走 + 閒遊沙田
今次雖然都係四條友夜遊沙田
但係就無上次清晨沙田遊行得咁遠

行左去第一個補給站 (乙明邨附近既 OK 便利店)
一人買左一支檸樂飲
之後去第二個補給站 (第一城既 7 仔)
除左嘻嘻之外, 一人整左一盒飯做消夜
我仲順便買左個扭蛋龜添~~~~~~~~~~~~~~~~~
^^

返到阿一屋企
繼續陳奕迅
三點幾我覺得好眼訓
阿一就借左佢間屋某一張床畀我訓
謝.....

成晚都無用電腦
原來唔用電腦既我係會早訓 D 架
起碼唔會掛住打機嘛

>>April 6, 2004 at 1:56:32 PM GMT+8

2004 年 4 月 3 日 星期六 【晴】

清明節快樂！
兒童節快樂！
火星人生 "忌" 快樂！
阿大身體健康！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝要拜山
本來要好早醒
但係尋日比較夜訓
所以都係九點幾先起身

今日拜祭外公 & 曾外公
十點幾先到
平時呢個時候我地應該拜祭緊
但係今日所有人都遲到
所以我地都係最早到既一家
太眼訓, 一路等一路訓
Zzzzzzz.............................................

訓醒, 等左一陣先齊人
開始
其實今日幾趕
因為晏晝兩點要練 poly
之前約左盈盈 (借拍子機) & 卡卡 (借佢個仔)
都係今日晏晝時段攞
好驚遲到

拜完山
一個人出尖東
由於今日係火星人生日既關係
成班 9th choir ex-co 都走左去唱 K (全部都唔係孝子賢孫....)
我都約左盈盈響唱 K 既門口等

開頭以為佢地已經唱緊
去到先知仲未齊人
成功引誘馬卓然用左一個乜都得

順利攞左個拍子機

約左卡卡向巴士站等
結果遲左好多先搵卡卡
Sorry......
送左份兒童節禮物畀佢
同佢行上 podium
之後佢就搵佢朋友, 我就落左 music room

今日順序練表演既歌
但係無練望夫雲 (羅秀雯 solo 果隻)
由於唔使玩 "宮商角徵羽" (因為我之後要玩雲南, 所以唔使玩)
故此去左 music room 練
同肥仔江一齊研究點玩

今日突然有幾個位唔記得左點背
好明顯係因為緊張啦
我練親歌第一樣野都係背譜既
加上我聽左咁耐 + 練左咁多年雲南, 無理由會唔記得點背
好驚表演果日我會發台瘟............

正式排練
今日好過之前好多
大家開始夾到 (雖然拍子尚待改進)
問題開始集中響我自己身上
今日我既表現都算好
起碼唔會有外在因素影響表現 (e.g. 凍到手指僵硬 / 張櫈高得滯.....)
但係有問題既地方都係未解決
最大問題係敲擊 solo 完之後同黃偉國玩果度
如果一甩左, 我一定會呆坐響個台度
都係練得勤 D 先得

居然準時六點正練完
同嘻嘻 & SMC 步行去佐敦, 再步行去旺角
阿一同小談就去左旺角百老匯戲院會我地
行左好耐先食飯
食完飯又不斷響旺角打圈
之後行番尖咀
一行就行到十二點

返屋企
打左個日記
聽日唔使返學
yeah~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
禮物
曲：Kim Ki Bum/Shim Hynn Bo | 詞：林夕

我左手牽著你我右手圈著你 多忙碌(多忙碌)
那時候的我們總以為相愛就是不斷跳舞
一雙眼只看到你 看不到走的路 多滿足(比甚麼都滿足)
忘了那年我幾歲 對未來好模糊
幻想兩個人 能夠一起住 多幸福(有開始就會有結束)

我不哭(你別哭) 我不哭 等到分手才懂得在乎
也許都於事無補(於事無補)
難道你不清楚(沒有人比我們清楚)
我知道 你愛哭 誰能用眼淚換來幸福
回憶已經是最好的禮物 它會一直陪你上路

那時候擁抱你 以為感情是互相征服
這時候吻別 你卻竟然不能互相好好說服
我們在一起不孤獨(有開始就會有結束)
沒想到我們不能做主(太殘忍的速度)
太相愛的人原來一般都不能夠相處

感情靠不住 靠不住 倒不如笑一笑就認輸
(眼淚)還忍得住 (忍得住) 還記得住(記得住)(還記得住)
過去我們親吻的次數(一二三四)

我不哭(我們別哭) 我不哭
等到分手才懂得在乎(兩個人都辛苦)
也許都於事無補(於事無補)
不如互相饒恕(離開可能有一個人舒服)
我知道 你愛哭 誰能用眼淚換來幸福
回憶已經是最好的禮物 它會一直陪你上路
祝福是最好的禮物

>>April 5, 2004 at 5:25:32 AM GMT+8

2004 年 4 月 2 日 星期五 【晴】

開工大吉
但係返左唔夠一個鐘就整親
雖然只是輕微意外, 仍可反映我既安全意識有待加強.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
四點半訓
十一點就起身
都算正常既
但係就快要交 FYP
乜都未做
加上要開工
似乎無乜時間畀我 hae 喎.....

hae 左一陣
一邊食飯一邊同卡卡傾偈
同佢商討聽日搶奪佢個仔既大事
只要佢個仔再落響我手上
佢就唔會再見到佢個仔架咯
hee.......

傾到差 D 遲到
今日係我開工既大喜日子
不容有失
所以雖然係返旺角政府合署
但係都係安全至上, 搭地車轉火車

去到一個人都無
早知唔使轉車啦......

等左一陣 D 人先到
入左六樓油尖旺民政署既辦公室
Brief 左一陣
之後就出發去我地油蔴地既基地－－梁顯利社區中心
六個人 (連埋領隊既 Gary), 打左兩架的去
首先出發既我地畀個萬惡既的士司機繞路
明知佢繞路, 但係都無佢辦法.....

今日我做既係去永安出面既馬路擺檔
三個人 (包括我) 一齊出去
兩個就留守響中心附近
極速同兩個拍檔熟絡
一個係我家姐既同學 (唔同班, 佢話隱約記得佢係邊個喎....), 叫阿 Ken
一個響 poly 讀 associate degree in bilingual communication studies
叫 Katrina (個名超難讀, 超難拼音)
第一次聽佢個名既人, 個個都要問佢個名點串

兩點企到八點
都真係幾攰架
不過諗起份工 "吃力又好吃" (企得吃力, 但係 D 人工好和味)
都係值得既

擺左兩個易拉架響路中心
阻住成條街 D 人行
但係話時話, 宣傳效果好好多
起碼一擺完立即有三個人行過黎話想登記做選民呀~~~~~~~~~~

做到八點, 收工
返基地執野, 執完就閃
同 Katrina 行到商務門口
我就畀商務吸引左
同佢分左手
成個人就畀入面既書搞到發晒癲
忍唔住手買左三本書
好抵買呀~~~~~~~~

之後又去左楡林打書釘
打左半本邊荒卅二卷楡林就閂門
令我知道原來果度十點就閂門咯....

返屋企
響地鐵訓著左
差 D 訓過站

收到一封 HKU 寄畀我既信
到宜家都唔敢開
好驚...................

>>April 3, 2004 at 3:55:17 PM GMT+8