2004 年 4 月 21 日 星期三 【晴】

今日要早起
明日要更早起

今日要努力
明日要更努力

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十二點幾就訓
今朝七點幾就自動自覺醒左
早訓早起, 果然身體會好 D
尋日一路開工一路睜唔大雙眼
今日隻眼終於正常番咯

九點半要上堂
早 D 返去
上完堂十一點
上去搵 Conrad
又畀佢鏟到我汗流浹背

樂觀 D 講：好彩仲有一個星期先交 FYP
悲觀 D 講：仲有一個星期就交 FYP 啦
除左 FYP 之外仲有幾個 Project 要交
一次過要交
加上要準備考試
真係要加倍努力先得咯

上上下堂無啦啦小談打黎
仲話想響 poly library 溫書
不過好快就話無野 lu....

之前以為三點半就落堂
所以早早同 Billie 講會遲到
結果兩點半就放
去到梁顯利都未齊人

今日響信義擺檔
天時暑熱, 響太陽下面擺檔
好熱.....

六點半就放工
今日又要我攞單上去民政署
仲要係 Billie "欽點" 要我上
咁 "重視" 我呀~~~~~~~~~~~~
^ ^ "

去完楡林一陣先交單
之後就返屋企
餓到個肚都扁左

今日家庭影院播 "多啦 A 夢－－翼之勇者"
Yeah~~~~
之前無去戲院睇
上次電視做又睇唔到成套
終於睇得到咯
hee~~~~~~~~~

>>April 22, 2004 at 2:46:51 PM GMT+8

2004 年 4 月 20 日 星期二 【晴】

以前打日記通常都係十二點過後
即係第二日先記番之前既事
雖然有時都會唔記得 D 野
但係都算大致記晒
近排陪我渡過漫漫長夜既電腦壞左
搞到我要早 D 打日記
無錯會記得多 D 野
只係打完日記發生既事就記唔到咯......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日十點半
Billy 無啦啦同我 chat
問我關於阿大同火星人既最新發展
驚覺已經有成個月無見過 (AGM 之後) 佢咯
愈來愈八咯佢...........

最後點！？
同盈盈商量過之後
我都係無講
但係無講而講已經令佢明白咯

由於家姐無燒隻 window 返屋企
所以今日無得 format 過部機
過左一個好悠閒既夜晚
不過就算唔係想逃避
無做過野都只係縮短可以解決問題既時間, 始終解決唔到問題

起身開電腦
過左一陣就開工
今日有個新人黎睇我地, 佢叫 Ivan
佢淨係呢兩日黎睇我地
四個人開工
兩個人遲到
如果唔係老細 Billie 會黎
我諗佢地仲會返得遲 D

響明愛白英奇專業學院開檔
天時暑熱, 無冷氣不特止
仲要要焗到死
又無得坐
結果個個都好無心機做野
加上果度 D 學生成日都話自己 86 年 10 月先出世 (86 年 7 月 25 號之前先有資格登記做選民)
五個人, 每人五張 "單" 都唔夠
唏噓

放工去商務睇書
買左兩本書
去完信和買左兩隻 CD 就返屋企

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
do mi so do'

中場休息時間尚有一分鐘，請各位意欲離開o既觀眾從速離場。

do' so mi do

>>April 21, 2004 at 1:34:12 PM GMT+8

2004 年 4 月 19 日 星期一 【晴】

一次過做左要做既野
剩返落黎就要靠自己響屋企 / 學校努力咯
好
只許成功, 不許失敗

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
問盈盈星期六表演事宜
乘機吹水
因為部電腦不宜開工
唯有一路吹水一路睇書
睇完本書就訓

由於早訓既關係 (兩點幾咋)
近排都早左起身
八點半醒
搞左一陣電腦就出門口

返左去上左一堂就無堂上
今日難得唔使開工
更難得既係 Iris 都唔使開工 + 上堂 (自從舊年分 stream 之後就唔知佢幾時上完堂咯)
最難得既係佢今日都去 Land Registry 買野
由於咁難得, 所以佢尋日話去既時候, 我就話同佢去

本來應該早早就去
但係因為忙 + 懶, 所以無去到
適逢其會, 一次過搞晒 D 野先

去金鐘 Lang Registry 總部
先碌左三個 lot 既交易紀錄
每張要三十蚊
一共九十大元
由於唔知原來 S.A 同 RP 係要分開買既關係
所以買左三張廢野
要再買過

計數時間：
我要買三個 lot 既交易紀錄, 每個 lot 都分開左兩部份： S.A 同 RP
每張要三十蚊
咁我總共要再花多幾多錢先可以買齊 D 資料呢？

答案太易, 唔開估啦

金鐘 Land Registry 總部唔係好大
好多人
Iris 話平時都好多人, 但係今日就多人得好過份
我地 D 人去就話去買資料O者
其他 D 人去做乜野呢？
D 人坐到好似去買股票咁
諗起都有 D 搞笑

買完同 Iris 去行超市
佢原來話唔返 poly, 但係買完野食之後都係返 poly 同人地個 "佢" 一齊食
難得過左香港
當然係順手走去搵師傅攞料啦

打左電話去搵阿飯, 確定左佢無問師傅攞我要既料
就打去問師傅攞
其時為十二點半
佢一點要食飯
所以約左佢兩點之後上佢公司攞

收左線之後有 D 迷茫
去邊好呢？
諗左一陣, 一路諗一路響金鐘繞圈
卒之決定去西灣河 "牡" 等

千祈唔好去西灣河 "牡" 食新地
好難食
太快溶啦
我買完返埋位就溶左
食得好唔開心
仲搞到我整污糟自己隻手

為左攞兩封信
居然浪費左我幾個鐘
好彩帶左本書黎睇, 先至無咁悶

打地車返彩虹
去圖書館借書
借左三本重到爆既書
一路行返屋企一路後悔............
^ ^ "

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
辛棄疾
太常引－－建康中秋夜為呂叔潛賦

一輪秋景轉金波，飛鏡又重磨。
把酒問姮娥：
被白髮、欺人奈何！

乘風好去，長空萬里，直下看山河。
斫去桂婆娑，
人道是、清光更多。

>>April 20, 2004 at 1:45:09 PM GMT+8

2004 年 4 月 18 日 星期日 【晴】

充實既一日
不過預計到聽日將會乾塘...............................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨咁早醒
居然因為聽歌搞到遲左出門口
結果要地車轉火車
唉...........

返到去都未夠鐘上堂
去 library hae
之後行去 computer lab 做 FYP
發現原來今朝唔使上堂

早知訓左陣啦
早知唔使地車轉火車啦
早知..............
成日都早知
後悔係無用既
由宜家開始自己努力啦

始終
一切還是靠自己

做十點半做到十二點幾
休息
去 music room + library
做左一陣 budget
睇左一陣書
咁都可以睇到遲左上英文

因為之前放左兩個星期假
成就今個星期五我要返八點半補課....................................
成個 sem 無八點半
居然臨老過唔到世
無應

收番份 project design
全部跟 conrad 既人都有 A
得我攞 B
唉唉

問左佢
可以出公數買資料
hee..............
不過最多都係出得二百蚊
另一個同學好似都買左成千蚊野咯..........
乾塘........

今日係放水既大日子
佢似有還無既放水技巧好巧妙
果然係老油條............

同阿一食完飯就返屋企食飯

>>April 19, 2004 at 2:08:25 PM GMT+8

2004 年 4 月 17 日 星期六 【晴】

好 "卵鬼"
不過無時間咁埋怨架啦
要開始努力先得
不過
無電腦用, 點做 FYP？
點開始努力呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十二點鐘要開工
所以要早 D 醒
匆匆食完飯就出門口

去到梁顯利
得 Wancy 到左
尋日最遲既人居然今日最早到
果然知錯能改
^^

由於幾個人同時甩底
今日得我一個男仔
唉.....
又畀人屈左做 team leader...................

點幾先正式開工
點解？！
由梁顯利出發既時候已經十二點半
去到家樂, 發現有 D 民主XYZ 既人同我地爭客仔
唔想同人爭
結果行返油蔴地永安做

破最低紀錄
今日做得六張單咋...........
好唔鍾意
不過聽 Alex (今日睇我地既 tco) 講
我地 group 係全港做得最多單既 group *
所以今日當獲利回吐咯....

* 全港不嬲係以油尖旺既單交得最多
而油尖旺咁多 group, 又以我地組成績最好
e.g. 假設油尖旺一日有 360 張單
我地組平均會佔其中既 44%, 即係大概 160 張單
最高紀錄係佔 72%, 即係大概 260 張單
實在太恐怖咯
所以成日放我地假, 搞到我地好少人工
唉......

五點半收工
一個人搬晒 D 野去梁顯利
之後沿彌敦道漫步
發現左一隻好正既 CD
同埋 "邊荒" 出左卅三卷

上完民政署交 form 之後
首先去楡林 "消滅" 左本 "邊荒"
之後又行左去買隻 CD

好奇怪
點解隻新 CD, 信和都未有得賣
但係居然會響一間勁 "up dup" 既 CD 舖就有得賣
浪費晒我響信和搜索既時間...................

從今日開始要開始努力啦

>>April 18, 2004 at 2:41:30 PM GMT+8

2004 年 4 月 16 日 星期五 【颱風】

好狼狽既一日
好黑既一日
唔單止唏噓, 仲有 D 無奈

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無啦啦畀人 hack 左部機
我只不過係上著網打三國志九O者
咁都會中招！
超無奈
搞左成晚, 都係搞唔掂
搞到三點幾先灰到走去訓

十一點幾起身
兩點先開工
好舒服咁食完飯先出門口
個天幾晴朗喎

去到梁顯利 arm arm 兩點
等左一個字就見到老細 Billie 行過黎
死啦！
得我一個到左咋喎........

同佢等左幾個字其他人先至到
除左我之外, 每人至少畀佢扣左三個字至半個鐘不等既人工
超慘
因為其他人遲到既關係, 畀 Billie 屈左做 team leader
即係代表我要遲 D 先放工
唉............
又唔係多好多錢 (多半個鐘之嘛), 又要行餐死............

天陰陰咁
會似想落雨
同 Katrina 輸賭五點三之前會落雨, 否則請佢食飯
結果？！
五點先落雨咯.....

雨愈落愈大
無人理我地
如果唔係要呃鐘錢的話
我地晨早就走左啦

由於四個人開工, 得一個人 (我) 有傘既關係
所以放 Break 既時候佢地就輪流攞左我把傘去風流快活
企得好攰呀~~~

企到七點先走
仲係好大雨
除左我之外, 個個人都有人攞傘畀佢地
兩個女仔分別有男朋友黎接佢地
就連阿偉都有朋友攞傘接佢走
得我係一個人咋........
: (

去左楡林坐左一陣先去交單
再行落條街既時候已經係雨過天青咯
今日做得九張單咋......................

返到屋企
搞左部電腦好耐都係搞唔掂
開 programe check 部腦有無中 virus
十一點幾就去訓

兩點幾醒
繼續睇部電腦
無 Virus？！
唯有慢慢搞啦
搞到四點幾都係未得
唔知點算.....
唉
點做 FYP 呀.......................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
雨絲 情愁
詞：向雪懷　唱：譚詠麟

滂沱大雨中　像千針穿我心
何妨人盡濕　盼沖洗去烙印
前行夜更深　任街燈作狀地憐怋
多少抑鬱　就像這天色昏暗欲沉

看　四周都漆黑如死寂　窗中透光
一絲奢望　但願妳開窗發現時　能明暸我心
我　卻妄想風聲能轉達　敲敲妳窗
可惜聲浪　被大雨遮掩妳未聞

矇矓望見她　在窗中的背影
如何能獲得　再一睹妳默允
餘情未放底　在心中作崇自難禁
今天所失　就是我畢生所要覓尋

我　已經將歡欣和希望　交給妳心
燈光熄滅　就沒法修補這裂痕　如長堤已崩
我　這刻的空虛和孤寂　只許強忍
不堪追問　為著妳想得太入神

>>April 18, 2004 at 2:19:26 PM GMT+8

2004 年 4 月 15 日 星期四 【暴雨】

下雨
但影響不到我
正如打擊一樣
影響不了我的鬥志
當然, 一次又一次既打擊例外

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好早醒
尋日好畀心機溫書 (雖然都曾經忍唔住打左幾個字機)
將成個 sem 教既所有有關 satellite positioning 睇左好幾次
考試就話未夠
測驗應該都 OK 既.....
溫到點幾, 好眼訓
沖個涼繼續夜戰
結果溫到兩隻眼乾到開唔到先訓
仲準備左一份響網上收集既資料
好有用架！

早早起身
print 左份資料
返 poly 等死.....

正式 test
唉..............
有人做左三個字就忍唔住走左 (仲要係遲到半個鐘....)
一個鐘之後, 成間房只係剩番十數個人 (好似全班有三十幾四十個人架喎)
我不嬲都係一 D “磨爛蓆” 既人
做左個半鐘就頂唔順
真係做不下去, 其時房內只剩下三人.....

份卷好難呀~~~~~~~~~~~~~~~~~
但係份卷同考試份卷差唔多咋喎
咁既狀態點考試呀？？？

好灰....
今日約左新莊既 P 阿春同我個仔搞轉戶口既野
約十二點半
早左 test 完, 早左去 music room
見無人就順手搞份 ticket selling 既 function report
終於記得自己點解咁耐都唔交啦
原來係火星人未簽名.....

搞左一大輪先搞完
去 library hae 坐
前幾日借左李碧華既 "櫻桃青衣"
昨日 send off 9 message 問盈盈睇唔睇
去到 library 開 ICQ 就見到佢 reply
佢仲好大牌咁叫我攞去 AG 畀佢添
~_~”

攞到去 AG core
同佢吹左幾耐水
吹吹下水無啦啦都撞到 Vanessa
本來想叫佢一齊吹水
但係由於佢要搵真銀 (補習) 關係
都係急急腳走左

呢兩日成日撞到 choir 既新舊莊員, 詳情如下：
8 th：阿聲, 我老豆
9 th：阿大, 火星人, 盈盈, Vanessa, 關生, Angel (尋日響張鑑泉廣場偶遇)
10 th：阿春, 我個仔, Samuel, Jamie
一共十二個人, 夠腳開小組添咯！

去沙田搵阿一
今日佢無上堂
但係就去左文化博物館睇水渠
去左 "祥哥" 食下午茶
食完去新基地充電
跟著就返 YCO 咯

一入到門口何生就問我係咪玩左 “雲南回憶”
搞到我流晒冷汗添
好彩佢無聽咋
唔係唔使 interview 我出年都入唔到 YCO 咯…

勁少人返 (好似得廿幾個人咋...)
練良宵同金蛇狂 “牛”
良宵係一隻好簡單既歌 (其實係悶)
但係何生都可以執到好多野黎練, 仲要練到我唔眼訓
真係要寫個服字畀佢…

至於金蛇狂 “牛” 就唔係畀何生指咯
邊個？
仲有邊個呀……
好唔鍾意 D人成日將 D 歌既結尾改做突慢
收得乾脆 D , 爽快 D 唔好咩？！
天山盛會係咁, 金蛇狂 “牛”又係咁……

今日隔離既妹妹仔好健談, 成日同我講野
搞到何生都 “掘” 左我幾次
內容如下：
1. 佢帶既辯論隊輸左 (實際上佢地打條辯題打錯線, 梗係輸啦…)
2. 唔知揀乜科好
以上既內容都算正常
但係佢臨走既時候突然話打 Timpini 既女仔又可愛又靚
ha？！
菲傭喎！
唔係卦………………

本來想約卡卡食飯
點知佢今日約左屋企人食飯, 仲食完返緊屋企添
唏噓既我地不斷講 “哎呀”
畀佢話好似 ICQ D sound effect ^ ^ ”

去左新基地再續前緣
卡卡透過我部手機, 傳送左 D 干擾電波
成功令阿一輸波
^ o ^

返到屋企, 一路食米粉一路同卡卡 Chat
一時要行出房食野, 一時又要行返入房覆 message
好狼狽….

好耐無同佢 chat 咯
唔講唔記得佢今日 last day 添
好快就會考咯
加油呀

同佢講講下野
佢無啦啦話漏低左副眼鏡響學校唔記得攞返屋企
咁都得？！
可能佢唔係成日戴眼鏡, 唔似我一唔戴眼鏡就變左做盲龜…..
不過都仲有其他可能既
或者佢溫書溫到傻左呢~~~
: P

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
更正：
尋日畀阿一呃左
"Alla Turka" 正確既串法係 Alla Turca

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
原本李碧華的電影故事 "胭脂扣" 並非叫胭脂扣
她在 "青紅皂白" 曾透露過故事意念
還改名 "纏綿"
至於後來何以更名為胭脂扣
實在無從稽考......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
The latest MTV of William Hung
http://216.65.13.9/williamhung/video/shebangshi.wmv

>>April 16, 2004 at 8:05:43 PM GMT+8

2004 年 4 月 14 日 星期三 【晴】

振作既一日
卻發現欲振乏力

精神萎靡

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
八點幾就起左身
超早
但係都差 D 遲到
都係要地車轉火車

如常去 HJ 302 上堂
行行下就看到有 notice 寫話因為 GH 同 HJ 停電關係
今日要去方樹泉堂上
好有 Pre-exam 既感覺........

乜書都無溫過
仲有唔夠一個月就考試
係咪要死先甘心呀！！！

好 hae 咁上左一堂
唔係我 hae, 係 Dr. Ding hae
上完之後我望望份 notes
成個鐘都係講得十頁 slide 唔夠
好有畀人呃黎上堂既感覺

上完去左 music room hae
sight read 左一陣 Alla turka 既鋼琴部份
居然彈到第一段喎
^ o ^

彈彈下 Candy 通知話一陣果堂因為停電關係
Joseph 準備唔到野, 所以唔使上堂
無奈....

去 Library 印 Past paper
當係準備 test
順手休息
去埋 Computer Lab upload 野上我 FTP 就返歸

返到屋企
開 ftp download 番 D 野先
要 download 四個鐘....................................
忍唔住打左陣機

食完飯先至有心機溫左一陣書
望住 D 似曾相識既 notes, 諗左 D 似是而非既答案
聽日似乎死梗

好似成日都無乜做過野
唉
頹廢人生
都係無藥可救架咯......

>>April 15, 2004 at 2:31:38 PM GMT+8

2004 年 4 月 13 日 星期二 【暴雨】

持續既頹廢
不能解決問題
只是拖延著面對問題的時間, 浪費尋求解決問題的精力
一無所獲

明白是一回事
沉溺久了, 回頭太難....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
阿一無啦啦夜媽媽打畀我 (凌晨兩點幾呀....)
其實係小談打畀我, 因為得佢有三線
三條友無無聊聊一路玩住棒球式既打企鵝遊戲一路講電話
由於我部電話既聲量太細, 完全聽唔到阿一講乜
無聊到三點幾先收線

唔使上堂既星期三
好悠閒咁過左一個朝早
之前諗左朝早溫 satellite positioning 架
不過最後都係因為太遲起身, 所以無疾而終.....

hae 左一陣
響 "亂葬崗" 搵番 D notes 先
搵左勁耐先搵到
仲有一份唔見左, 要重新 print 過
咁既狀態, 點 test 呀.....

print 完都無時間溫 (無時間係假既, 無心機就真)
開工
帶埋 arm arm print 出黎既 notes 先出門口
順手去左還書

遲左少少先到梁顯利
Katrina 同 David 都到左
但係 team leader 就未到
半個鐘後先出現......
去到家樂都已經五點咯

開開下工落雨
結果做得十張 "單"
用晒 D 儲備啦
睇黎我地要加油先得咯.....

執野返梁顯利
好鍾意食雪糕既 David 見到對面街既 7 仔都忍唔住要過去買雪糕食
無晒佢辦法
聽講我攞果 D 野都唔輕架喎.....

擺低 D 野就返屋企
由於家姐要做功課
今晚無得 on9
結束望住部電腦頹既日子

距離 test 仲有兩日
終於捨得對住 D notes 呆咯
不過呆呆下都係走左去睇電腦雜誌
無鬼用！
@ _ @

>>April 15, 2004 at 1:24:33 PM GMT+8

2004 年 4 月 12 日 星期一 【晴】

自以為昨日訓了這麼多個小時就能擺脫 "頹" 既命運
看來我還是把自己看得太簡單
或者是把我的 "頹" 看得太膚淺了......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
訓得太耐
無乜睡意........
加上火星人 send 左成 90 M 既 MP3 畀我 (9 th Choir AP)
收到四點先收完
之後好得閒地重溫返 AP 當日咁多隻歌
六點幾先捨得去訓.........

真係因為訓得多所以無睡意？？
唔好問我, 我自己都畀唔到答案自己....

九點半上堂
六點幾先去訓
我係唔係唔想返學呢........

好彩起得切身
地車轉火車返到 poly 都係遲左三個字
點知一上到 BC 613 門口
就見到一張寫阿 sir 今日唔返既 notice
.......
早知唔使返啦
浪費我 D 訓覺時間同車錢.........

頹得滯
返 music room
睇左一陣書就訓
訓到十一點幾醒左
發現 Samuel 就坐左響我隔離
我居然唔發覺佢入左 music room
果然係大昏迷

同佢 hae 講野左一陣
等佢發現左 miss 左慶祝三個莊員既生日
仲令我發現左有 D 粉人攞左 O'nit 批左既 budget 唔同我講
ber......
仲諗住今日走去鏟班 AC 添
好彩無咁衝動咋....

由於今日太唏噓
所以約阿大食飯
佢又約左火星人食飯
搞到我再次發熱發亮......

食完飯同火星人去 library hae 行左一陣
之後佢要上堂, 我就響 library 勾留到三點先走去開工

唏噓既開工
做得七張單, 破左個人最低紀錄....
灰 + 眼訓
一放工就返屋企

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
She Bangs
by Ricky Martin

Talk to me, tell me your name
You blow me off like it's all the same
You lit a fuse and now I'm tickin' away, like a bomb
Yeah baby

Talk to me, tell me your sign
You're switchin' sides like a Gemini
You're playin' games and now you're hittin' my heart, like a drum
Yeah baby

Well if Lady Luck gets on my side
We're gonna rock this town alive
I'll let her rough me up, till she knocks me out
She walks like she talks, and she talks like she walks

{CHORUS}
(And) she bangs, she bangs
Oh baby
(When) she moves, she moves
I go crazy
Cause she looks like a flower but she stings like a bee
Like every girl in history
She bangs, she bangs
(I'm) wasted by the way she moves, she moves
No one ever looked so fine
She reminds me that the woman's got one thing on her mind

Talk to me, tell me your name
I'm just a link in your daisy chain
Your rap sounds like a diamond map, to the stars
Yeah baby

Talk to me, tell me the news
You wear me out like a pair of shoes
We'll dance until the band goes home, then you're gone
Yeah baby

Well if it looks like love should be a crime
(You'd) better lock me up for life
I'll do the time with a smile on my face
Thinkin' of her in her leather and lace

[CHORUS]

Well if Lady Luck gets on my side
We're gonna rock this town alive
I'll let her rough me up, till she knocks me out
She walks like she talks, and she talks like she walks

[CHORUS]

聽 She Bangs
當然係聽 Ricky Martin 好過 William Hung 啦

>>April 13, 2004 at 1:54:52 PM GMT+8