2003 年 11 月 13 日 星期四 【晴】

八點半上堂
八點三先出門口
但係都不過遲十分鐘
yeah~~~~~~~~~~~~~~~~

上完第一堂
Hae 到十一點半, 等 Vanessa 還番條 Music Room 鎖匙畀我, 就去 Music Room
(我星期一借左條鎖匙畀佢, 之後問佢攞, 佢話畀左我
但係隔左三日, 尋日問佢, 佢竟然話原來佢星期二已經知道條鎖匙仲響佢度
不過唔記得同我講.........
超無奈 > . < ".........)
盈盈訓得好安詳
我就行開 D 溫書, 費事嘈到佢
阿大黎到無耐, 大家就去舊 Can 買飯返 Music Room 食

上堂, 落堂
兩粒鐘既堂, 訓左一粒鐘
全因為尋晚打機打得太攰.......

真係想打死自己
咁都忍唔到
Sem 開始既銳氣又無晒啦.......

一個人奮鬥係可以好自由
但係無人的支持
真係好似差 D 野........

落堂, 又去左書展
一連五日既書展, 我除左星期四之外, 每日都去睇一睇
悶嘛~~~
睇到四點幾, 諗住返 Music Room
點知撞到阿大
又陪左佢兜多個圈多睇次
仲要借錢畀佢買書添 (佢銀包響 Music Room)

返 Music Room, 見到盈盈
佢話想行街, 阿大就叫我陪佢行
之後 Vanessa 打黎
就約埋佢一齊行街
阿大就去左覆診
一個男仔同兩個女仔一齊行街, 我自問都係第一次
感覺好奇怪
奇怪的感覺響我同佢地一齊去服裝店睇衫時最強烈
本來盈盈想行去 "無印"
但係時間關係 (佢兩個要教 Vocal Training Course)
最後我地都係去左金馬倫道 "牡" 食野...

同肥仔江一齊睇左份 "雲南回憶"
唔係好難O者.......................................................
練多十年八載我就可以出到架啦~~~~~~~~~
叫 Poly 等多我十年啦
等關迺忠隻歌到手, 先可以決定出邊隻
但係睇怕都係第二或第三樂章咯...

返到 YCO, 都只不過係八點
一去到就畀洪立嗌左我個名去另外一間房
同行既仲有一大班成日都唔出現既人
死啦！！
唔通係我出席率太差畀人 "照肺"？！
點知完全唔係果回事
原來佢問我地玩唔玩表演....
好彩O者
咁我遲到 (also 缺席) 都安心 D.............

練 "風"
真係 "練風" 咯~~~~~~~~~
無練琴一日, 隻右手又虧左
練到尾聲先記得點樣 roll...

訪問左好多人
計有仔仔, 肥仔, 謝子...
個個都話聽雲南回憶好過聽其他中阮協奏
連肥仔江都咁講 (佢話玩第三爽呀, 特別係玩得快的話！)
睇怕最後都係第三梗咯....

練完同老拎慶祝生日
但係大家好攰
無乜心機搞氣氛
變到好似純粹為阿一而出席咁
我就真係為阿一先出席架
唔係我走左啦
唔係話唔想同老拎慶祝
而係無錢
仲有我可以返屋企溫書嘛

最後都係畀 D 牛仔骨吸引左
食左 $53
今個月淨番唔夠一百蚊咋.........
貧窮, 接近赤貧
好彩阿一終於畀番豬 Ray 暑假果 D 錢我
不過迅速畀仔仔睇到, 仲迫我還錢添
如果唔係佢無錢找, 我就連阿一畀我張一千蚊紙都未袋穩就畀佢搶左咯

嗩吶 + 嗩吶袋
整整五百
話佢個袋係二手貨 (佢用左唔係好耐) 都要照原價賣畀我 ($50)
連折舊都慳番！
過份！！！ (聽講佢有讀 Account 果喎....)
無論如何, 我一定會響年底之前還晒 D 錢畀佢既
仔仔, 你等我呀~~~~~~~~~~~~

>>November 15, 2003 at 5:42:09 AM GMT+8

2003 年 11 月 12 日 星期三 【晴】

好無聊
朝早唔使上堂
但係四點半又要上堂
即係話我又要出街

尋日 Nick 上堂講左考試考 D 乜
差唔多畀晒 Tips 咁滯
如果都考得差就無得怪人咯...

本來真係想連中文都唔上
但係今日輪到我組 Present
唔返唔得
不過我同果兩個同我同組的 "粉人" 都無 Comp 過要 Present D 乜
我自己就襯今朝得閒做左個極簡單既 Draft
鬼咩！
乜都無傾過, 點做呀~~~~~~~~~~

果然
上堂 hae 左果 Present 畀阿 sir
可能因為個 Present 唔計分我就唔認真啦
事後佢問我地覺得自己失缺 D 乜
我第一句就話："最缺乏的, 當然係誠意啦............."

上完堂, 發現我地真係好唔掂
個 A 去我日遠....
唔可以再頹下去
畢竟, 中文係我今年唯一有機會有 A 既科
去 Library 摷書睇
有本好正既, 但係畀人借左
但係就摷到好鬼多李碧華既書
好想借晒佢地返屋企
跟住就發現, 原來我個證已經無位再借書啦.....
Poly Library 一個學生可以借廿本書
話咁快就借爆左
都係我讀咁耐第一次借爆張借咋
仲要連 Hold 書既位 (一人可以 Hold 五本書) 都爆埋
無奈同李碧華說再見~~~~~~~

六點半上完堂, 八點半先走
本來可以早 D 走
點知畀部死 Printer 呃我錢
搞到我要再落 Ground Floor Print notes
> . <"

臨走又見到有人炒車
宜家返 Poly 日日都經過暢運道
成日咁炒車, 都真係有 D 驚........

>>November 14, 2003 at 4:48:43 PM GMT+8

2003 年 11 月 11 日 星期二 【晴】

尋日有人 send icq message 話朝早有堂上
所以我再夜訓都要上堂
教今個 Lab 點做喎！
點可以唔到呀~~~~~~~~~

返到 Poly, 超眼訓
上完堂, 仲要做功課
畀兩個 "茂利" 呃左
明明話同我同組 (最多三個人同組)
今日交 assignment, 尋日先話畀我聽同左另一個人同組
擺明 "跣" 我O者....
我知我份人好懶, 唔到最後一刻都唔做野
但係我一定會做好我份內事喎！
唔使咁對我掛~~~

講到尾都係自己抵死
份野都派左咁耐
係自己懶, 唔想做
先會搞到咁趕
早 D 做, 早 D 發現畀人 "跣"
都唔會 "跣" 得咁 "應棍" 啦

無朋友.......
最慘係連朋友都唔係, 淨係同學都 "跣" 得我咁 "甘"
D 所謂既 "朋友" 我都放棄得七七八八咯
連 D 同學都要玩我
我係咪真係咁討厭呀？

一個人, 用左唔夠一日做好一份 Group Assignment
死梗！
但係好過無得交
吳 "粉皮" 想同我同組, 我即刻 say no！
同佢中文同組都搞到我 "瀨" 晒野
連呢科都同佢同組？！
橫掂我都做晒啦, 咪當我一個人等於一組咯......

好想中文都係一個人一組
咁咪唔使成日諗做乜野創業計劃咯
我既 "開樂器倉" 大計包個 lecturer 未聽過, 又一定賺
又新奇, 又有紋有路 (梗係啦, 抄 "四擊頭" 之嘛...)
一定高分
點都好過同兩條 "粉人" 一齊做 "藥膳堂"－－一 D 我地三個都唔識既野呀~~~~~~

交完 Assignment
早放
出街買野食
正懷著唏噓既心 (無計, 諗起畀人陰到, 點會唔唏噓呀...) 返 Poly 之際
咁都撞到嘻嘻
仲同佢一齊去 Happy together 食下午茶

繼續上堂
下星期要 test
乜都唔識, 死梗....

練歌
食飯
返歸
訓覺

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
憑欄
綿綿秋意 長流長不斷
飛雲霧雪 聚散恒無定
千山蒼茫 聳峙常不語
鬱愁萬剪 萬載新愁生

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
客途秋恨 (金人捧露盤 )
望蒼穹,
沾點雨, 拂涼風,
出遠岫, 雲漫匆匆！
楓紅落遍, 妒絲絲楊柳擺青蔥
青煙瀰漫, 恨露珠箇箇玲瓏！
封侯夢, 須臾頃,
為異客, 不覺終！
且付笑, 莫論窮通,
遊雲一朵,
盼此身閒適御風空,
日光托負,
照素心, 繫夢家中！

>>November 12, 2003 at 6:32:56 PM GMT+8

2003 年 11 月 10 日 星期一 【乍雨乍晴】

好凍
今日忍唔住著件長袖衫返學
一黎尋日太夜訓, 驚冷親 (嚴格黎講, 唔係尋日, 係今朝, 六點鐘先訓..................)
二黎真係好凍 (相對早前既酷熱, 今日簡直係極端的凍...)
阿媽整左湯丸
食完先出門口 (雖然已經九點鐘, 九點半有堂)
起碼個人暖 D 嘛
宜家凍親, 邊有力作最後衡刺呀？

一個訓左唔夠兩粒鐘既人, 用左兩粒鐘既時間 (Bruce 既 Lecture) 都做唔完份 Eng. Sur.
結果上完堂 (上堂？！乜今日我有聽過書咩？！) 之後又要繼續砌....

今日除左做 Assignment, 我就係去左 Music Room 練琴
一路訓一路練右手
練到原本應該好連貫既音變到斷斷續續...

練左咁多日, 得今日可以貫徹始終咁每條弦彈五分鐘
當然啦
今日都無野做
上完堂我就走得
本來已經走左
如果唔係我響 Music Room 執野同埋響書展睇左一陣書
我都唔記得要幫手霸班房...

今日仔仔既唔得閒
令到我要留響 Poly 無聊左咁耐
我仲帶埋支嗩吶返學嘛！
不過今日最唔開心, 莫過於發現自己唔見左條 Music Room 鎖匙
以後點入 Music Room 練琴呀~~~~~~~~~~~~~~~

聽日又要交 Hydro. Assignment
又要努力啦............

>>November 11, 2003 at 4:50:24 PM GMT+8

2003 年 11 月 9 日 星期日 【乍雨乍晴】

好！
原本以為星期五交既功課要響聽日交 (鬼咩, 佢聽日都無堂上~~)
完全無諗過要做
仲要我連 notes 同問題都無帶
必須要返到屋企先做得
今次大鑊咯.....

上堂
尋日阿然 send 左四百幾 Mb 野畀我
搞到我四點幾先訓
但係又無乜點上堂訓
超難得~~~~~

上法文
玩 Bingo, 但係無一次 Bingo 到
仲要最多都係搶到四個 number
失敗
今日 D 野好難
但係我又無帶錄音帶錄音
搞到我變左一個好唔乖既學生, 仲畀佢發現我上堂開 ICQ 添...
失敗 + 失敗....

開會開到一點
去食糖水, 點知乜都無得食
最後佢地 (阿大, 盈盈, 阿然) 一人一碗糖水
我就齋坐.......

返到屋企接近四點
又係時候做功課啦........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日要聞：
10/11 LSGI 特別新聞報道
今日下午四時左右, 奇人硬闖 Library
該無証兒童遭管理員拒絕批准其進入後動武
工作人員唯有報警求助
結果奇人俾人拉左返差館

>>November 10, 2003 at 7:54:15 PM GMT+8

2003 年 11 月 8 日 星期六 【晴】

一年一度 Garden Fete
點都一定要捧場
本來約左阿一一點
點知我十二點九先起身
結果都係兩點幾先上到 DB

今年都係無乜野玩
有 D 無聊
難得既係有一大班老鬼返左黎
肥婆, David, 嘻嘻, 英揚, 譚子健, 張顯斌, Vincent, 太后.......
好鬼難得
不過無乜時間聚埋一齊, 有 D 失落......................

馬禮怡做乜無啦啦上 DB 呀？！
DB Garden Fete 關佢鬼事咩？！
好鬼驚見到佢
見親佢我都避開佢, 費事畀佢搞
但係都係被逼兩次同佢碰頭
超唔開心...
好彩多得樹熊兩次的協助, 我先可以逃出馬禮怡既魔掌
感激~~~~~~~~~~~~~~

之後十八既人去幸福樓食飯
不過可惜唔齊人
除左不獲邀請既人之外, 陳沛倫, 阿 GEE 同泡魚都唔得閒
有 D 失望...

$ 121 呀
幾大都食多 D 啦
嘻嘻一個人隊左七支青島, SMC 就有五支
我同阿一就少 D, 一人一支
不過點都唔夠肥仔勁
一個人食左一大盆肥牛
直頭係食牛肉都食到佢醉~~~~~~~~~~~

飲一支就醉, 證明我唔係成日飲啦

十二點幾先返到屋企, 都係時候溫書咯...
總知祝福會考既人會考成功, AL 既人 AL 順利
復仇既人 (尤其係星期五機舖偶遇既蔡迪輝－－蔡 7 A 大佬) 順利復仇
至於大學生, 就當然係唔使炒啦！

>>November 9, 2003 at 6:57:32 PM GMT+8

2003 年 11 月 7 日 星期五 【晴】

好無出色
明明應該努力溫書之際
竟然按捺不住打機
嬲唔係嬲自己浪費時間打機 (雖然一定會怪責自己)
而係自己竟然畀自己的慾望支配
做唔到苦行修士唔緊要, 但係對自己仍然控制 / 壓抑不了自己的慾望
非常失望......

下畫都係照打機...
勁唔開心
睇怕真係要搵一個可以令自己專心溫書既地方先得
不過響圖書館溫書我會畀 D "閒" 書引誘
響 Music Room 我又驚會掛住彈琴同練琴
真係好難有一個 "好地方" 可以令我專心溫書
都係訓練自己不受誘惑, 一心一意溫書把啦....

返左去開會, 練歌
再開會
同阿大, 阿然食飯 (不過我只係望著佢地食...)
點幾先返到屋企

阿大今日去睇跌打 (好似隻腳條筋發炎)
但係又要死撐
好心佢就休息多 D 啦
唔係佢 "~U" 左, 咪做死我地.... (講笑O者~~~ ^ . ^ ")
祝佢早日康復

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日子︰8月17日
朱古力︰冰涼甜品（Choco-Cherry Ice Block）
成份︰朱古力配車厘子及椰子蓉加白蘭地
特性︰獨斷獨行
生日占卜︰性格獨主及火爆的你，渾身上下都散發著迫人的氣焰，在眾人面前，你會毫不猶豫地擔起大旗，獨個兒表現自己的長處。你不能忍受別人對你作出任何挑戰或不敬，即使對方是你的父母、教師或者朋友，也得跟從你的意願。因此，你變得有點自大自戀，特別容易闖禍。
朱古力蜜語︰用鼻發出的聲音，全是藐視的聲音。

唔係咁都似我掛~~~

>>November 9, 2003 at 4:33:26 PM GMT+8

2003 年 11 月 6 日 星期四 【晴】

晨早返學
今日要 test
但係都晏起身
所以又要搭火車.......

test 既結果, 基本上同我當年 F. 5 考 Mock Physics 當日極之相似
即係點？！
唔知佢要我做乜咯
死狀異常恐怖, 不忍卒睹...

去左 library 頹
頹左兩粒鐘, 上堂
之後落堂.......

如常入 Music Room
交左份 Function Report, 仲有兩份響手 (D Function holder / Function Fin. 未搞掂)
Interim 都係 sem. Break 先交
不過好唔開心
尋日要交 Survey Camp Fee 要 $ 290, 今日買影印咭連影印 Quota 又要 $ 115
無錢呀~~~~~~~~

阿大三點半走左去上堂, 臨走話一陣等埋阿然一齊食飯
點知佢四點半放學, 等到五點半阿然都未到
結果得我同阿大撐枱腳
佢要去 TomLee 睇有冇 Theory Excercise 賣 (要教人嘛...)
我就想睇 "聽入非非"
最後一齊去左尖咀

望見太興出面的轉角位, 又諗起尋日去杏花樓途中
見到一架的士既車頭撞另一架的士既車尾
我仲好大聲呼叫添 (雖然有少少驚畀人痛毆...)
行過尋日撞車的案發現場
真係好想又炒多次畀我睇下...

睇左野, 去吉野家食晚飯
食完先返 YCO

YCO 無乜野好記
除左我畀人 "刻扣" 左一次有返 YCO 既紀錄
變左連續三次無返 YCO, 無奈左一陣之外
淨係大大佬身上發出清新而帶有尼古丁 "清香" 感覺的氣味令我倍添無奈.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我有, 獅子座都有既優點 ：
心胸寬大 (總算有 D), 懂得寬恕, 一言九鼎, 樂觀, 誠懇正直。
(不適用者：有領導能力、具有激勵人心的氣質、組織力強、對人慷慨、大方、有信用、樂觀、不多疑。 )

我有, 獅子座都有既缺點 ：
死愛面子活受罪, 好大喜功, 莫名的優越感, 喜歡接受奉承, 缺乏節儉的美德, 喜歡指揮別人, 缺乏耐性, 剛愎自用, 自以為是, 緬懷過去, 能伸不能屈。
(不適用者：無, 全皆適用)

性格傾向
獅子座是在春天夜裏出現於天空南側的一個星座。其符號象徵著獅子的心臟與尾巴。其守護星為「太陽」，守護神為太陽神-「阿波羅」。
獅子座的人，性格相當於百獸之王的獅子，堅強、可靠、驕傲、寬大。他的一切做為都很誠實，對於依賴他的人，即使犧牲自己，也會妥善照顧對方。由於獅子座的人，天生就具有王者的氣質，所以的確也能了解別人的痛苦。不過，有時候他又好似要忘掉寂寞與虛偽一般，而沈迷於遊樂之中。因有著脾氣暴躁、頑固，以及不願意妥協的個性，所以這點，是獅子座的人需要特別注意的。為人正直，頗具威嚴。喜歡以自己的魅力和才能開創出一片天地，並熱衷於權力地位。處事採用光明磊落全力以赴的做法，厭惡卑劣的小人行徑。有演戲的才華，對自己充滿自信，近乎自戀。另一方面，由於心胸寬大，自能吸引群眾。不過，容易被自己的情緒左右，經常覺得孤獨。
獅子座的人個性衝動，熱情，誠實而忠心，理想很高，莊嚴又偉大，有幽默感，天性快樂，會吸引很多人，對人很有禮貌而體貼。大方，性急，不會記恨太久，有活潑的想像力，興趣廣泛，健談，有很好推理和判斷能力，也有創造力，有領導力，做人熱誠，衝動，動人的格調，有藝術的天賦，表演天才，個性明朗，光明正大，威風，自信勇敢，熱心，博愛，是一位領導人物。但也有自私、自大、易怒、喜怒無常、虛榮、浪費等缺點。有繁華熱鬧的一面，也有黑暗、寂寞、孤獨的一面。
性情高傲，有種貴族的氣質，心地高尚而寬宏大量，生性不願委屈自尊去做暗中的勾當，或做卑賤的事情。你信任別人，也要求別人絕對的對你採取信任的態度。你喜歡受到別人的信靠，也喜歡掌握權威。對工作勤奮，但不願居於被管轄的地位。對於重覆而單調的事情感到厭煩，也不喜歡繁雜瑣碎的細節。
獅子座的人，一般而言很強壯，深具野心與專橫。對別人的挑戰，你是光明正大而公平的，絕不採取陰私的對策。此座的人有充份的自信心，對自己有信念。但也要求別人的稱讚、非常自負，以為自己本身的一切是世界上最優秀的。喜歡感情上全心的投注，也會將愛情坦率的表現出來。又本性富於冒險精神，能夠面對任何追求理想時所遭遇的危險。

>>November 8, 2003 at 2:06:32 AM GMT+8

2003 年 11 月 5 日 星期三 【晴】

今日又充實又精彩
不過係估唔到第二日既野O者...
－－寫於 7 號 test 炒粉後....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好早醒左 (十點半上 lab, 八點就醒左)
唔係訓唔著, 因為今日要表演 *, 尋日又無執野
所以早 D 起身執
執左一個鐘先執好 (一邊執一邊發 "吽`y" 嘛~~)
本來想沖涼, 但係損友似的家姐介紹我玩一個遊戲
搞到我欲罷不能, 仲差點搞到我遲到添...

為左同阿瑩講電話
搞到我又受傷添
不過佢都無幾可蒲頭, 算啦...
但係我受傷既原因就比較無聊
居然係因為一路同佢講電話, 一路 "撐" 把太陽傘
搞到 "撐" 甩左自己塊皮...

今日的 Hydro lab 又係響泳池度深度
本來我地今日係學點樣用唔同的 GPS 黎定位量度
之前因為部機有問題 (十點半上堂, 十一點半先開波...)
搞到嚴重唔夠時間
之後以為可以開始學野啦
點知有個 Nick 既同鄉黎左, 佢就叫我地帶佢落船睇我地做野
Nelson 就掛住招呼個鬼佬, 完全無理過我地
佢條友仲成日鬧我唔識駕駛隻船
唔係掛, 我學左唔夠一粒鐘呀
D 人考車牌肥佬都起碼駕駛過架車超過十五粒鐘呀
咁都鬧...
不過算數, 我都算因禍得福
駕駛左隻船半個鐘有多, 總算開始熟手

響泳池玩船仔
好少人有咁既機會
畀我玩咁耐
仲有一班人用羨慕的眼神望住我添~~~
(不過好不幸地, 望住我既全部都係阿婆... > . <")

本來十二點完既 lab 十二點半先上完
又去 Music Room 彈琴同練琴
(彈琴的 "琴" 係指鋼琴, 練琴的 "琴" 則是中阮)
就快彈晒 "幸運鈴聲" 既第一頁啦 (雙手呀, 好難得！)
彈到想訓先練中阮
不過練左唔夠十分鐘彈挑, 阿瑩就黎到
搞到我無時間練阮...

同阿瑩執左一輪野之後
就同 arm arm 趕到既阿然食下午茶
跟住就去蔣震 rehearsal
陜西有個女高音真係好勁
唱歌唱到聲淚俱下, 又要服佢既唱藝, 又要服佢既演技
不過其它人就麻麻
佢地的發聲技巧好怪, 可能係我見識少啦
不過佢地 D 聲真係好似打 vibrephone 咁聲
即係不斷震音, 仲要震到好似好 impressive 咁
咁震法, 不累嗎？！

rehearsal 到咁上下, 我又要上堂, 阿中又要上堂
結果餘下既 rehearsal 就淨返阿然一個 Tenor, 同 Gullivar 一個 Bass...

中文堂真係好實用
雖然自己都唔係唔識中文
但係上果個 lecturer 堂, 真係成日會有 "茅塞頓開" 的感覺

上完堂飛奔去換衫
關老爺同阿然既打扮, 都可以用酒樓部長形容
仲畀阿大稱為 "型男" 添！
我就無咁既 "福份" 咯...

表演得好好, 之前完全無諗過會無乜炒粉
尤其係 "We're the Choir" 同 "庫斯克郵車"
雖然降低左難度 (好慢, 龜速演繹)
但係我唔係好記得歌詞都變到有時間諗番正確既歌詞
實在太好啦
第一次覺得 Choir 都算唔錯

唱完之後見到何博士
好耐無見, 立即走上前同佢備案
無計啦, Yr 1 第一個 sem. 借佢本書, 今年都未還
我真係覺得幾過份
不過佢都無乜野
淨係記得我個名叫譚博威！
好奇怪, 無理由過左咁耐 (成年喎~~~~) 都仲記得我個名架嘛~~
肯定係見到我一年前寫果張欠單, 心裏面咒罵左我千億萬次啦...

Billy 同 Jessica 晨早走左
都估到佢地會撐枱腳, 所以無留佢地食野
我地 (我, 阿大, 阿然, 盈盈, Margaret, 阿瑩)
本來想去黃埔食糖水
但係關老爺話太晏唔想去咁遠
所以就由得盈盈一個人無奈 (佢好想去黃埔食...) 咁去杏花樓
點知行到入去, 我同關明 (無錯, 我同佢行先) 就見到兩個 "犯人" 坐左響入面
斷正~~~~~~~~~~
我地 (我同關明) 睇見覺得好好笑, 其它人就覺得罪孽深重
全場至無奈都算係佢兩個咯....

發現盈盈唔知乜野係 "電子念佛機"
本著 "我不入地獄, 誰入地獄" 的心態
我, 阿然同阿大一齊唱畀佢聽
搞到佢覺得 "電子念佛機" 係一樣好好玩既野
真係有 D 罪過...

聽日要 test Eng. Sur. Practical
抱住必死既心態
所以心境特別平靜

>>November 7, 2003 at 4:42:08 PM GMT+8

2003 年 11 月 4 日 星期二 【晴】

尋日好眼訓
搭地鐵搭到去牛頭角先訓醒
遲左成兩個站
好彩有倒頭車搭, 都唔係 side 好多時間
如果好似前日咁, 架巴士既總站響油塘, 又要係三點幾
萬一搭到入去, 我都真係唔知點算....

今日朝早唔使上 photo lab, 又唔使上 Hydro lecture
如果連 Geodetic 都唔使上, 我今日就可以 date off 咯
可惜..........

訓到十點先醒
之後就開電腦溫書
見到 Bruce 開 ICQ, 就問左佢一條 past paper
佢未答完就走左
灰......

望左幾份唔同科既 Past paper
無一份識答
係時候要溫書啦
唔係唔好話過三, 過二都難呀~~~~~~

本來諗住食完飯就返 POLY 溫書
連書都執好
點知阿媽勁耐都未返
佢又話會煮飯, 搞到我費事自己煮
結果我三點先食午飯.....

食完出門口
差 D 遲到
朝早返學遲到就話起唔到身O者, 晏畫堂遲到就好似有點兒那個...

上完堂練歌
練到好 "攰"
身心俱疲
又無人得閒食飯
Saprano D 莊員個個走得勁快
Bass 既莊員又要陪阿嫂
結果走既時候, 剩返我, 阿大, 關明, Summer 同 Billy 五個
又無人食飯
超唏噓
不過算啦, 無得去食飯都未嘗唔係一件好事
起碼可以慳番 D 飯錢

返到屋企, 好鬼肚餓
成晒成個飯煲所有既飯
可以做到一隻飽鬼...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
愛情並不是人生的全部…
對於沒有回應的愛, 根本就是在浪費生命
保持理性, 過好自己該過的生活
對於條件高於自己太多的女孩, 別有太多不切實際的想法
有夢是很美沒錯, 但真的也要有自知之明
更別為了從來就一個不曾存在的愛情自貶人格
把持自己, 認清事實, 杜絕幻想
從來不存在的就讓它不存在
該走的就讓它走吧

>>November 5, 2003 at 5:40:57 PM GMT+8