2004 年 5 月 1 日 星期六 【晴】

日做夜做
聽日就死啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
做野
做做下連電腦都玩我
成個 present 既 Powerpoint 都無啦啦幫我 delete 左
由頭做過
好彩尋日唔係做得好行
所以都唔係做左好多野
否則我寧願自殺

無返工
想像唔到如果返左工點做得切

做完
prepare 聽日點講
又執左好耐
但係一路執一路睇 mummy return

兩點幾打日記
打完差唔多訓
聽日努力

要準備既野都準備好
差個人未完全 ready
聽日都係聽天由命啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Tomorrow is just another day
another day that people still need to work like a donkey...................

未知的每一個明天也叫人著迷
要是明天不再是秘密
那有人期待明天
即使明天的事一如所料
細心演繹下
仍可發現明天的動人之處

享受未知的明天吧

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不同人, 不同時間, 不同情況下都有不同的希望
可是他們所謂的希望卻是尋常人唾手可得
失眠的人渴望得到充足的睡眠
身體差的人想得到健康的體魄
.....

不要抱怨得不到想得到的東西
仔細回想
其實自己擁有的並不少
相對有需要的人, 其實已是太幸福了

身體健康
家庭和睦
窮, 但並非一貧如洗
沒有愛情, 但生活如常
沒多少朋友, 但貴精不貴多
不如意事十常八九, 總有一兩次驚喜
還有什麼缺少！？

托爾斯泰在 "安娜.卡列尼娜" 中曾說：
"幸福的家庭都是相似的;不幸的家庭各有各的不幸"
家庭是焉, 個人亦然
幸福是相似的
即使各人有各人的際遇
幸福還是存在
各人有各人的不幸, 不幸的只是經歷
人還是幸福的

珍惜幸福

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幸福的家庭──擬許欽文 魯迅

“……做不做全由自己的便﹔那作品﹐像太陽的光一樣﹐從無量的光源中湧出來﹐不像石火﹐用鐵和石敲出來﹐這才是真藝術。那作者﹐也才是真的藝術家。──而我﹐……這算是什麼﹖……”他想到這裡﹐忽然從床上跳起來了。以先他早已想過﹐須得撈幾文稿費維持生活了﹔投稿的地方﹐先定為幸福月報社﹐因為潤筆似乎比較的豐。但作品就須有範圍﹐否則﹐恐怕要不收的。範圍就範圍﹐……現在的青年的腦裡的大問題是﹖……大概很不少﹐或者有許多是戀愛﹐婚姻﹐家庭之類罷。……是的﹐他們確有許多人煩悶著﹐正在討論這些事。那麼﹐就來做家庭。然而怎麼做做呢﹖……否則﹐恐怕要不收的﹐何必說些背時的話﹐然而……。他跳下臥床之後﹐四五步就走到書桌面前﹐坐下去﹐抽出一張綠格紙﹐毫不遲疑﹐但又自暴自棄似的寫下一行題目道﹕《幸福的家庭》。
他的筆立刻停滯了﹔他仰了頭﹐兩眼瞪著房頂﹐正在安排那安置這“幸福的家庭”的地方。他想﹕“北京﹖不行﹐死氣沈沈﹐連空氣也是死的。假如在這家庭的週圍築一道高牆﹐難道空氣也就隔斷了麼﹖簡直不行﹗江蘇浙江天天防要開仗﹔福建更無須說。四川﹐廣東﹖都正在打。山東河南之類﹖──阿阿﹐要綁票的﹐倘使綁去一個﹐那就成為不幸的家庭了。上海天津的租界上房租貴﹔……假如在外國﹐笑話。雲南貴州不知道怎樣﹐但交通也太不便……。”他想來想去﹐想不出好地方﹐便要假定為Ａ了﹐但又想﹐“現有不少的人是反對用西洋字母來代人地名的﹐說是要減少讀者的興味。我這回的投稿﹐似乎也不如不用﹐安全些。那麼﹐在那裡好呢﹖──湖南也打仗﹔大連仍然房租貴﹔察哈爾﹐吉林﹐黑龍江罷﹐──聽說有馬賊﹐也不行﹗……”他又想來想去﹐又想不出好地方﹐於是終於決心﹐假定這“幸福的家庭”所在的地方叫作Ａ。
“總之﹐這幸福的家庭一定須在Ａ﹐無可磋商。家庭中自然是兩夫婦﹐就是主人和主婦﹐自由結婚的。他們訂有四十多條條約﹐非常詳細﹐所以非常平等﹐十分自由。而且受過高等教育﹐優美高尚……。東洋留學生已經不通行﹐──那麼﹐假定為西洋留學生罷。主人始終穿洋服﹐硬領始終雪白﹔主婦是前頭的頭髮始終燙得蓬蓬松松像一個麻雀窠﹐牙齒是始終雪白的露著﹐但衣服卻是中國裝﹐……”
“不行不行﹐那不行﹗二十五斤﹗”
他聽得窗外一個男人的聲音﹐不由的回過頭去看﹐窗幔垂著﹐日光照著﹐明得眩目﹐他的眼睛昏花了﹔接著是小木片撒在地上的聲響。“不相干﹐”他又回過頭來想﹐“什麼‘二十五斤’﹖──他們是優美高尚﹐很愛文藝的。但因為都從小生長在幸福裡﹐所以不愛俄國的小說……。俄國小說多描寫下等人﹐實在和這樣的家庭也不合。‘二十五斤’﹖不管他。那麼﹐他們看看什麼書呢﹖──裴倫的詩﹖吉支的﹖不行﹐都不穩當。──哦﹐有了﹐他們都愛看《理想之良人》。我雖然沒有見過這部書﹐但既然連大學教授也那麼稱讚他﹐想來他們也一定都愛看﹐你也看﹐我也看﹐──他們一人一本﹐這家庭裡一共有兩本﹐……”他覺得胃裡有點空虛了﹐放下筆﹐用兩隻手支著頭﹐教自己的頭像地球儀似的在兩個柱子間掛著。
“……他們兩人正在用午餐﹐”他想﹐“桌上鋪了雪白的布﹔廚子送上菜來﹐──中國菜。什麼‘二十五斤’﹖不管他。為什麼倒是中國菜﹖西洋人說﹐中國菜最進步﹐最好吃﹐最合於衛生﹕所以他們採用中國菜。送來的是第一碗﹐但這第一碗是什麼呢﹖…”
“劈柴﹐……”
他吃驚的回過頭去看﹐靠左肩﹐便立著他自己家裡的主婦﹐兩隻陰淒淒的眼睛恰恰釘住他的臉。
“什麼﹖”他以為她來攪擾了他的創作﹐頗有些憤怒了。
“劈柴﹐都用完了﹐今天買了些。前一回還是十斤兩吊四﹐今天就要兩吊六。我想給他兩吊五﹐好不好﹖”
“好好﹐就是兩吊五。”
“稱得太吃虧了。他一定只肯算二十四斤半﹔我想就算他二十三斤半﹐好不好﹖”
“好好﹐就算他二十三斤半。”
“那麼﹐五五二十五﹐三五一十五﹐……”
“唔唔﹐五五二十五﹐三五一十五﹐……”他也說不下去了﹐停了一會﹐忽而奮然的抓起筆來﹐就在寫著一行“幸福的家庭”的綠格紙上起算草﹐起了好久﹐這才仰起頭來說道﹕
“五吊八﹗”
“那是﹐我這裡不夠了﹐還差八九個……。”
他抽開書桌的抽屜﹐一把抓起所有的銅元﹐不下二三十﹐放在她攤開的手掌上﹐看她出了房﹐才又回過頭來向書桌。他覺得頭裡面很脹滿﹐似乎椏椏叉叉的全被木柴填滿了﹐五五二十五﹐腦皮質上還印著許多散亂的亞剌伯數目字。他很深的吸一口氣﹐又用力的呼出﹐仿佛要借此趕出腦裡的劈柴﹐五五二十五和亞刺伯數字來。果然﹐籲氣之後﹐心地也就輕鬆不少了﹐於是仍復恍恍忽忽的想──“什麼菜﹖菜倒不妨奇特點。滑溜裡脊﹐蝦子海參﹐實在太凡庸。我偏要說他們吃的是‘龍虎鬥’。但‘龍虎鬥’又是什麼呢﹖有人說是蛇和貓﹐是廣東的貴重菜﹐非大讌會不吃的。但我在江蘇飯館的菜單上就見過這名目﹐江蘇人似乎不吃蛇和貓﹐恐怕就如誰所說﹐是蛙和鱔魚了。現在假定這主人和主婦為那裡人呢﹖──不管他。總而言之﹐無論那裡人吃一碗蛇和貓或者蛙和鱔魚﹐於幸福的家庭是決不會有損傷的。總之這第一碗一定是‘龍虎鬥’﹐無可磋商。
“於是一碗‘龍虎鬥’擺在桌子中央了﹐他們兩人同時捏起筷子﹐指著碗沿﹐笑迷迷的你看我﹐我看你……。
“‘My Dear, please﹒’
“‘Please you eat first, my dear.’
“‘Oh no, please you﹗’
“於是他們同時伸下筷子去﹐同時夾出一塊蛇肉來﹐──不不﹐蛇肉究竟太奇怪﹐還不如說是鱔魚罷。那麼﹐這碗‘龍虎鬥’是蛙和鱔魚所做的了。他們同時夾出一塊鱔魚來﹐一樣大小﹐五五二十五﹐三五……不管他﹐同時放進嘴裡去﹐……”他不能自製的祇想回過頭去看﹐因為他覺得背後很熱鬧﹐有人來來往往的走了兩三回。但他還熬著﹐亂嘈嘈的接著想﹐“這似乎有點肉麻﹐那有這樣的家庭﹖唉唉﹐我的思路怎麼會這樣亂﹐這好題目怕是做不完篇的了。──或者不必定用留學生﹐就在國內受了高等教育的也可以。他們都是大學畢業的﹐高尚優美﹐高尚……。男的是文學家﹔女的也是文學家﹐或者文學崇拜家。或者女的是詩人﹔男的是詩人崇拜者﹐女性尊重者。或者……”他終於忍耐不住﹐回過頭去了。
就在他背後的書架的旁邊﹐已經出現了一座白菜堆﹐下層三株﹐中層兩株﹐頂上一株﹐向他疊成一個很大的Ａ字。
“唉唉﹗”他吃驚的嘆息﹐同時覺得臉上驟然發熱了﹐脊樑上還有許多針輕輕的刺著。 “籲……。”他很長的噓一口氣﹐先斥退了脊樑上的針﹐仍然想﹐“幸福的家庭的房子要寬綽。有一間堆積房﹐白菜之類都到那邊去。主人的書房另一間﹐靠壁滿排著書架﹐那旁邊自然決沒有什麼白菜堆﹔架上滿是中國書﹐外國書﹐《理想之良人》自然也在內﹐──一共有兩部。臥室又一間﹔黃銅床﹐或者質樸點﹐第一監獄工場做的榆木床也就夠﹐床底下很乾淨﹐……”他當即一瞥自己的床下﹐劈柴已經用完了﹐只有一條稻草繩﹐卻還死蛇似的懶懶的躺著。
“二十三斤半﹐……”他覺得劈柴就要向床下“川流不息”的進來﹐頭裡面又有些椏椏叉叉了﹐便急忙起立﹐走向門口去想關門。但兩手剛觸著門﹐卻又覺得未免太暴躁了﹐就歇了手﹐只放下那積著許多灰塵的門幕。他一面想﹐這既無閉關自守之操切﹐也沒有開放門戶之不安﹕是很合於“中庸之道”的。
“……所以主人的書房門永遠是關起來的。”他走回來﹐坐下﹐想﹐“有事要商量先敲門﹐得了許可才能進來﹐這辦法實在對。現在假如主人坐在自己的書房裡﹐主婦來談文藝了﹐也就先敲門。──這可以放心﹐她必不至於捧著白菜的。
“‘Come in, please my dear.’
“然而主人沒有工夫談文藝的時候怎麼辦呢﹖那麼﹐不理她﹐聽她站在外面老是剝剝的敲﹖這大約不行罷。或者《理想之良人》裡面都寫著﹐──那恐怕確是一部好小說﹐我如果有了稿費﹐也得去買他一部來看看……。”
拍﹗
他腰骨筆直了﹐因為他根據經驗﹐知道這一聲“拍”是主婦的手掌打在他們的三歲的女兒的頭上的聲音。
“幸福的家庭﹐……”他聽到孩子的嗚嚥了﹐但還是腰骨筆直的想﹐“孩子是生得遲的﹐生得遲。或者不如沒有﹐兩個人幹乾淨淨。──或者不如住在客店裡﹐什麼都包給他們﹐一個人幹幹……”他聽得嗚咽聲高了起來﹐也就站了起來﹐鑽過門幕﹐想著﹐ “馬克思在兒女的啼哭聲中還會做《資本論》﹐所以他是偉人﹐……”走出外間﹐開了風門﹐聞得一陣煤油氣。孩子就躺倒在門的右邊﹐臉向著地﹐一見他﹐便“哇”的哭出來了。
“阿阿﹐好好﹐莫哭莫哭﹐我的好孩子。”他彎下腰去抱她。
他抱了她迴轉身﹐看見門左邊還站著主婦﹐也是腰骨筆直﹐然而兩手插腰﹐怒氣衝沖的似乎豫備開始練體操。
“連你也來欺侮我﹗不會幫忙﹐只會搗亂﹐──連油燈也要翻了他。晚上點什麼﹖……”
“阿阿﹐好好﹐莫哭莫哭﹐”他把那些發抖的聲音放在腦後﹐抱她進房﹐摩著她的頭﹐說﹐“我的好孩子。”於是放下她﹐拖開椅子﹐坐下去﹐使她站在兩膝的中間﹐擎起手來道﹐“莫哭了呵﹐好孩子。爹爹做‘貓洗臉’給你看。”他同時伸長頸子﹐伸出舌頭﹐遠遠的對著手掌舔了兩舔﹐就用這手掌向了自己的臉上畫圓圈。
“呵呵呵﹐花兒。”她就笑起來了。
“是的是的﹐花兒。”他又連畫上幾個圓圈﹐這才歇了手﹐只見她還是笑迷迷的掛著眼淚對他看。他忽而覺得﹐她那可愛的天真的臉﹐正像五年前的她的母親﹐通紅的嘴脣尤其像﹐不過縮小了輪廓。那時也是晴朗的冬天﹐她聽得他說決計反抗一切阻礙﹐為她犧牲的時候﹐也就這樣笑迷迷的掛著眼淚對他看。他惘然的坐著﹐仿彿有些醉了。
“阿阿﹐可愛的嘴脣……”他想。
門幕忽然掛起。劈柴運進來了。
他也忽然驚醒﹐一定睛﹐只見孩子還是掛著眼淚﹐而且張開了通紅的嘴脣對他看。 “嘴脣……”他向旁邊一瞥﹐劈柴正在進來﹐“……恐怕將來也就是五五二十五﹐九九八十一﹗……而且兩隻眼睛陰淒淒的……。”他想著﹐隨即粗暴的抓起那寫著一行題目和一堆算草的綠格紙來﹐揉了幾揉﹐又展開來給她拭去了眼淚和鼻涕。“好孩子﹐自己玩去罷。”他一面推開她﹐說﹔一面就將紙團用力的擲在紙簍裡。
但他又立刻覺得對於孩子有些抱歉了﹐重複回頭﹐目送著她獨自煢煢的出去﹔耳朵裡聽得木片聲。他想要定一定神﹐便又迴轉頭﹐閉了眼睛﹐息了雜念﹐平心靜氣的坐著。他看見眼前浮出一朵扁圓的烏花﹐橙黃心﹐從左眼的左角漂到右﹐消失了﹔接著一朵明綠花﹐墨綠色的心﹔接著一座六株的白菜堆﹐屹然的向他疊成一個很大的Ａ字。

一九二四年二月一八日。

>>May 2, 2004 at 7:03:12 PM GMT+8

2004 年 4 月 30 日 星期五 【晴】

努力努力
距離 present 仲有兩日咋

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一點從沙田 "祥哥" 離開
到 poly 應該係十一點半
行去 CC 途中巧遇 Sodium
佢同阿一星期一都要交兩份野
但係佢都可以走左去
都仲未問佢做乜出左去
佢就已經自動招供話佢今日好開心咁趕左兩場....

有冇搞錯呀
居然走左去溝女
太過份啦

上到 CC 未見阿一
好明顯仲未同老拎 hae 完啦
甩我底！
哼

過左一陣佢就返左 CC
做野
但係我就無乜點做個 present
全心全意做 FYP

做到兩點幾
同阿一一切出去行下
先去 music room 閒逛左一陣
之後去邵逸夫斟水 + 買野食
當然唔係去 7 仔啦
因為 poly 既 7 仔一向貫徹 7-11 既精神
7 點開, 11 點收
所以我地去左三樓
佢買杯麵食, 我就食童星點心麵

去左 soc 房食
佢宜家先知 soc 房有中樂枱
佢仲好驚訝 soc 房居然唔會鎖
仲話唔鎖咪會唔見野
當然會唔見野啦
所以 soc 房咪通常都唔會有值錢野咯~~~

食完返去繼續做野
隨著時間的過去
CC 入面既人愈來愈少
阿一忍唔住訓左
全靠佢部 MP3 既 headphone, 令我可以用黎聽歌
否則我都會忍唔住昏睡

結果佢就訓左四粒鐘
我就訓左四個字
肉體疲累, 但思想精神

趁阿一訓覺打日記
雖然佢遲 D 都會睇到我打乜
但係日記就係日記
都係唔想響打既時候有人睇住

阿一起身
繼續做
做到十二點阿一就頹
我又跟住頹
打完機先食飯
好驚佢會忍唔住走去紅孩兒* 食飯
* 紅孩兒乃某機舖的名

行到路口撞見返緊 poly 既 Sodium
同佢一齊去食飯
一如所料佢地真係去左紅孩兒
食飽 "機" 佢地先肯去食飯
去左柯士甸道既意大利餐廰食
佢地話入面既格局好有意大利風情
我就覺得似葡萄架......

食完佢地再去食機
食完機都三點咯......

做野
阿一六點幾走去搵老拎
得番一個人, 唔想做
加上家姐叫我早 D 返去
故此我七點幾就走

六點幾盈盈 on9
同佢搭訕解悶
佢提左我打畀今日生日既關生, 同佢講生日快樂
一路走一路打畀佢
居然仲未有人打畀佢同佢講生日快樂
連盈盈都一樣
太過份啦

行到一半想去 Scan 野
又折返 "你 + *"
搞到八點先離開

返屋企食飯
家庭影院今日播 "三更"
做做下我就走去房做野
但係做做下野就訓左
訓醒又做野
一直搞到兩點先真係走去訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
身心俱疲
所有的力氣已經用盡
看到早知的事
居然忍不住有痛的感覺

聽說忘記不但要有勇氣
還得需要力氣
力氣早已耗盡
口裏雖說 "算"
但原來 "算" 這一個字知易行難

介意的仍舊介意
難以忘懷的仍舊難以忘懷
未能釋懷是我的錯
痛就是對我的錯的懲罰

未打完阿一就話睇過我呢段野
但係我當時仲未打完日記
仲未 post 上網
佢話我之前打過類似既野

一個失敗的作家會重複自己
如此說來
我就是失敗的那一個

>>May 2, 2004 at 5:51:07 PM GMT+8

2004 年 4 月 29 日 星期四 【晴】

發了個好開心的夢
夢境是我渴望已久的心願
很想夢境成真
聽說好夢往往難圓
就在我最想得知夢的結局時
早上九時三十分已悄悄到來..............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽收音機先知今日係 CE 英文 section A listening
睇卡卡講五月六號就係佢開考既日子
記得我果年會考第一科就係英文 listening
唔知佢今年係唔係呢？

上陳武堂
派 test result
一如所料地差
要努力先得咯

不過總算有好消息
陳武話唔使我地咁可憐一人 "鬥" 一個 programme 出黎
淨係每人寫番將 GPS 既 raw data 轉成我地平時睇既 data 既步驟
好好多
如果佢唔咁做, 我諗我都會選擇放棄佢呢十分
換番 D 時間黎溫書同做其他易 D 既 Project + FYP

上完堂去左 library 睇書
原本諗住 hae 一陣就去 CC 做 FYP
點知 hae hae 下肥仔打電話黎
話阿一 fake 左佢去 poly, 自己就仲未返學
聽聞阿一尋日先通頂留響 poly 做野咋喎
為左安撫肥仔
同左佢去新 Can 食十仔飯

肥仔今日黎 poly 既目的係 sit 肥仔江堂
點解？！
純粹無聊
絕無其他原因
陪陪下佢居然陪埋佢一齊 sit 肥仔江堂.....
咁就浪費左 D 時間做 FYP 咯~~~

成班友 (我, 肥仔, 阿一 + 佢 D 同學) 一齊去 CC
阿一好灰咁發現佢尋日通頂搞果份野既質素同人地差得太遠
為免做炮灰
最後都係今晚再續未了緣
見佢咁可憐, 屋企又無電腦可以夜戰
約左佢一齊響 CC 通頂做野

成功令肥仔混入 CC 之後
阿一就有佢自己同佢同學響另一間房做野
肥仔就陪我做 FYP
做到五點就去旺角

尋日收到民政署 Gary 打黎叫我交鐘紙
仲話過左今日就無錢收
寧可信其有
所以今日都係走上去交
如果唔係尋日無帶鐘紙, 我尋日就去左交啦
唔使今日 side 咁多時間去旺角嘛

為左我份糧
"鬥" 左份鐘紙四個字
等到肥仔差 D 訓著

同肥仔遊 lift 河往來十樓同十一樓
攞左兩份 forms
一份係佢想攞既 music camp 報名表, 另一份係我都想要既樂團報名表
攞完就同佢分道揚鑣
返 YCO 咯

今日雖然唔係好多人返
但係有 D F.7 學生都返左
e.g. 陳沛倫同小澤延
不過謝就無返
坐我隔離既妹妹仔問我小澤延今年係唔係 F.7
我答佢係
隔左兩秒就講："或者出年都仲係~~"

今日排三首歌：龍燈狂 "牛", 茉莉花, 花好月圓
龍燈狂 "牛" 未玩過
玩玩下覺得有一句好似 IQ 博士既音樂
但係隔離既妹妹仔就話唔似

開始玩茉莉花既時候
隔離既妹妹仔因為隻歌係 G 調就話隻歌淺
到左玩三連音果段既時候佢先知上當
太輕敵啦
果時我地玩都要下一番苦功先玩到這個劉文金版既茉莉花架
雖然
指既係經常 hae 坐既 jetso forever......

練完食飯
今日本來約左卡卡食飯
結果連續畀阿一同卡卡兩個甩底
唉~~~
好彩, 仲有陳沛倫同黃蜂陪我

去新基地
兩個敲擊人走去打太鼓機
之後陳沛倫走去覆電話, 我就陪黃蜂睇其他機
睇睇下陳沛倫叫我地去睇野
原來有條友打太鼓打到好出位
打兩個鼓都不特止
仲要型到一路打一路跳舞
最勁既係即使佢跳到轉晒身
依舊可以入得好準

當然佢唔係型
而係十萬個畸呢啦
聽到陳沛倫話果條友係佢以前間小學既體育老師
有 D 懷疑佢以前係咪讀特殊學校添.....

等黃蜂開飯等到餓死
事關佢打一舖機居然可以打到成粒鐘
唔係因為佢打得勁 (當然佢唔差啦)
係因為果款有 D 似 magic 既機真係可以消磨到好多時間

去左 "祥哥" 食晚飯
食完之後同黃蜂搭火車返 poly
開始通頂之旅~~~~

>>April 30, 2004 at 11:11:39 PM GMT+8

2004 年 4 月 28 日 星期三 【晴】

FYP
FYP
FYP
FYP
FYP...............................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
睇下部新電腦有冇 update version 既 FYP
好不幸地
無.....

唯有做過啦
做得太努力做既關係
搞到上堂都唔記得
明明九點半要上 eng. sur.2
竟然可以十點先出門口

響紅磡火車站落車既時候居然撞到 Ken
佢話太遲起身搞到遲到
遲左成粒鐘喎
畀我就索性唔返咯
如果唔係今日想響 poly 做 FYP
我一定唔會返 poly

上左半個鐘堂
十一點鬆 D
去 library 休息一下
之後去 music room 攞番尋日未畀阿大簽果份野影印 (尋日就係唔記得影畀佢簽)
跟手打電話畀佢
無人聽
留左個言就去 CC 努力咯

努力左一陣阿大就 call 我
畀左份野佢簽就交份野上 UC
終於完成左我對 choir 既責任
以後應該唔使再插手 choir 既野咯
除非 arm arm 入既 final financial report 有問題啦
touch wood~~~

做到五點幾
無心機做落去
歸家
臨歸家之前去牛池灣借書
撞見 Ivan

之前都撞過佢一次
淨係覺得熟口面, 硬係唔記得點解會識佢
但係又記得佢叫 Ivan
今次響圖書館 "狹路相逢"
同佢傾左兩句, 從對話既內容令我發現原來佢舊年同我一齊讀 LSGI 架
不過之後去左 UST 讀
無記性到咁
都真係世間少有咯......

今日係老豆生日
非歸家不可
一年一次喎
年年屋企人既生日都唔會唔人齊
今日都唔例外
淨係大佬放工遲左返黎

買左兩個蛋榚
一個係老媽子買既, 一個係家姐送既
家姐係都要我講佢買果個蛋榚靚 D
~_~"

食完蛋榚
搞電腦
諗住 format 部機好耐
但係入面太多資料想保留
諗住燒碟, 發現燒唔到
忍痛放棄左好多好珍貴既資料
只係擺左 D 最重要既響 ftp 度~~~~

唔可以忘記過去
又怎能面對現在, 展望將來？！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
遇到你真的愛的人時
要努力爭取和他相伴一生的機會
因為當他離去時.一切都來不及了

遇到可相信的朋友時
要好好和他相處下去
因為在人的一生中可遇到知己真的不易

遇到曾經愛過的人時
記得微笑向他感激
因為他是讓你更懂愛的人

遇到曾經偷偷喜歡的人時
要祝他幸福
因為你喜歡他時, 不是希望他幸福快樂嗎？

遇到匆匆離開你人生的人時
要謝謝他走過你的人生
因為他是你精采回憶的一部分

遇到曾經和你有誤會的人時
要趁現在解清誤會
因為你可能只有這一次機會解釋清楚

遇到現在和相伴一生的人
要百分百感謝他愛你
因為你們現在都得到幸福和真愛

遇到曾經恨過的人時
要微笑向他打招呼
因為他讓你更加堅強

遇到曾經背叛你的人時
要跟他好好聊一聊
因為若不是他今天你不會懂這世界

>>April 30, 2004 at 10:23:56 PM GMT+8

2004 年 4 月 27 日 星期二 【晴】

病完又要振作
振唔到呀
心震就有我份~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
早所未有既早訓
上一次十一點訓好似係舊年健康既 music camp 果陣咯
為左令我響 "死期" 之前完成所有未完成既 Project
都係訓多 D
等個人好返 D 先通頂

九點起身
Print 左 D Project 野
上 seminar
響 BC 308 駭然發現 choir 既 poster 仲殘存左響塊 board 度

今日既 seminar 都唔算係 side 時間既
起碼都令我睇完本 GPS 既書
個嘉賓講 D 野幾有用架
係我無時間聽O者.....

上完堂
去 lab 搞 FYP
想 delete 一個無用既 file
部電腦居然幫我 delete 左我接近三十頁既 FYP
最弊既係我 delete 既係響 ftp 入面既 folders
無得 undo 返......

如果屋企真係無 backup
我咪即係要由頭做過.....
救命呀~~~~~~~~~~~~~~~~~~~
> < "

太灰啦
原本諗住做 FYP
但係洗晒 D 野無得做
唯有放自己食飯時間

行過見到關生坐響張鑑泉 sq
佢話星期日佢 d 屋企人唔響屋企
"嬲" 我地去佢屋企玩
唔好玩啦老細
星期一要 present
乜都未做
玩唔係唔想
遲 D 先啦....

搵人食飯
打畀阿一無人聽
打畀盈盈又話食左晏
放棄唔食
於是去左 music room 搞 Final Financial Report + GP report + AP report
瘋狂做 budget 時間正式開始

打畀盈盈既時候
同佢 "呻" 下好多 project 要做
點知佢第一句就話："抵你死啦, 之前唔做左佢...."
使唔使咁直接呀
話晒我都有幫佢做 GP budget 呀.....

本來諗住專心做野
做做下都係 call 左盈盈去 music room
點解？！
因為要搵佢簽名
同時, 由於太順手既關係
所以原本唔係佢既數都一律畀佢簽埋
到佢簽名既時候
佢好驚訝地以為佢出左成個 AP + GP 用過既所有錢
都好貪心咁以為佢可以攞果幾萬蚊走......

貪心既人, 通常都肥 D......
就好似上星期日佢扮家燕媽媽咁
單憑佢既身形, 試問誰領風騷？！

簽完名佢又要上堂
約左佢今晚食飯
之後又打畀火星人伉儷叫佢地一齊食飯

做 budget 做到六點幾
之後上 Helen 房做電腦版 budget + Final Financial Report
做完落返 music room 先發現今日新莊開會

好八咁八到 (其實係佢自己講) Belinda 個女有得 exchange 去荷蘭呀~~~
由於係莊員既關係
佢仲未 firm 佢去唔去
畀我就去咯
又可以識到荷蘭朋友, 又可以去荷蘭銀行, 仲可以用荷蘭銀行支票添
認真有著數

今日真係唔捨得離開 music room
原因為今日既 "勁歌金曲" 請學友上去唱歌
聽完先走

臨走阿飯打畀我
問我聽朝得唔得閒
話完唔得之後佢就話聽朝 George (師傅呀) 去打釘*
跟手仲問我搞完 present 既 power point 同個 FYP 未
佢話最好聽日攞畀 Conrad 睇下喎
FYP 自己笨到 delete 左, power point 又未整過
聽日畀乜 Conrad 睇呀.......

* 打釘係我地既術語
意思係搵完我地是次 project 既地界之後, 打番四口釘落地面
以示四口釘內既範圍係正式獲政府認可既地界

交左份 GP 上 UC
好 "聽" 盈盈話咁 (其實係畀佢老點) 帶埋其餘兩份 report 畀阿大簽名
火星人今日無上火星, 居然走左去金星 (尖咀某機舖)
結果要三個人等佢一個粉人

見到佢忍唔住笑
佢剪左個仲短過我既髮型
愈來愈似火星人啦
呵呵~~~
^ o ^

本來話去春和樓食餃子
但係行到蔡瀾美食坊就有不祥預感
最後果然畀我估中左
去左詠藜園食 (即係上次同趙慶中食完都唔飽果間.....)
食左七十二蚊呀~~~
銀包得廿蚊

阿大簽咭, 所以爭左佢五十蚊
下次見到佢先還
不過
我會唔會見佢唔到呢？！

God of DM 仍舊不斷生產 Dead air
笨神仍舊不斷地做 D 好笨好笨既笨野
不過今日多左一個人有新綽號：惡魔
邊個係惡魔？！
估下呀~~~~~~

三條友送阿大返 hall
之後送盈盈去 CC 做野
佢居然唔知 CC 已經可以畀人通頂做野
仲要話我笨添
無愧為笨神.....

同火星人搭 "火箭" 返屋企
十一點九咯
打完日記
check 左舊電腦有未 update 既 FYP
聽朝 check 下新電腦有冇 update 既 FYP 先~~
希望有啦
唔係我就要打過十幾頁紙架啦........

>>April 28, 2004 at 4:58:22 PM GMT+8

2004 年 4 月 26 日 星期一 【晴】

不嬲都覺得小病是福
可以乘機吞泡嘛
不過響唔夠一個星期就要 present 既重要關頭先病
真係好大鑊

快 D 好番啦老細
(大腦向身體求饒中......)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一起身就覺得唔妥
喉嚨痕, 發燒
唔係嘛.....
唔好病呀
之前都有少少唔舒服
但係今日唔妥既感覺好強烈
唔會~U掛.......................

~U左都係要交野架老細
死都要死埋個幾份野先好死呀~~~~~

上完英文就去 lab 做野
做極都做唔到
呆左......

點幾鐘諗住去圖書館休息下個腦
點知無啦啦就大昏迷到接近五點
明知咁既狀態再留響學校都無用
都係早 D 返屋企

會唔會係 SARS 呢？
係既話我就唔使交野, 唔使考試
幾好呀
仲有機會以後都唔使做人添...........
諗到呢度思緒再度回歸現實
唔好諗咁多
死埋幾份 project 罷了......

響屋企再次大昏迷到八點
家庭影院居然播 "Kill Bill"
平時或者都會睇既
但係今日病到呆下呆下咁, 仲要忍受 D 極盡官能刺激既畫面同聲音
就快頂唔順.......................................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不在乎天長地久, 只在乎曾經擁有？！

其實你也可以問一下自己
在你拍拖的時候
在你熱烈地愛上了一個人的時候
難道你不願意和他天長地久的嗎?

如果真的只要曾經有過美好的時光便足夠的話
世上便不會有人在分手時感到心如刀割

最痛苦的不是得不到
卻是曾經得到卻要失去
因為
曾經嚐過那種幸福的滋味

>>April 27, 2004 at 2:19:04 PM GMT+8

2004 年 4 月 25 日 星期日 【晴】

加油加油........................
為左 HKU 對畀我既鼓勵
我決定向難度挑戰
爭取多 D A+
以便成為 HKU 學生
(發夢中....)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好想八點就醒
但係最後都係十點三先起到身
睇黎我都要努力
唔係考試遲到都真係幾恐怖...

唔使上 practical, 又可以舒舒服服留響屋企食飯
食完飯上門口
同肥仔 + 阿一食飯
前日肥仔出黎探我
之後就約左佢今日黎 poly 食飯
其實都真係驚佢響屋企悶先叫佢出黎見下
剪左髮既佢正常左
唔似得星期六見佢個樣咁唏噓, 成個深山大野人咁....

食完飯陪阿一去 BC 上英文
佢個阿 sir 既氣質同肥仔有 D 似喎
起碼
佢兩個既身型都差唔多呀

同佢去 music room
畀佢睇左 D 相
發現佢都真係幾好野
一估就估中
服

夠鐘上堂
點左肥仔搭火車就上英文
今日係計分既日子
居然有接近一半既人遲到
理由仲要係去踢波
咁都得？！

寫左四版紙
滿紙廢話
睇怕都係 C+ 梗咯.........
不過, 樂觀既我仍然奢望有 B+

上完堂
去 computer lab 做 FYP
畫左幾耐野
一做就做到六點幾
失晒預算添.....

同阿一 & 佢既同學 (Sodium, 阿杰, Jimmy) 去都會軒 food court 食飯
食完去 CC 繼續做 FYP
對左響 Land Registry 買既野好耐都唔知點寫
都係聽日問 Conrad 點做先啦
十一點返屋企
今日地車行得好慢
十一點十一先返到屋企

同卡卡 chat 左一陣
佢話佢又畀佢個 best friend 呃
唔知頭唔知路咁安慰佢

畀人話唔會明
未講都會明咩....

唔好咁唔開心啦
唔好覺得你畀人呃
就當係畀人老點咯
雖然
一再畀人老點的確係會有 D 無奈
仲要係畀自己 best friend 老點
但係佢有一個新開始都係值得人替佢高興既

見到響 CC on9 既阿一仍舊苦戰佢既 present & project
有 D 心涼添
十一點鐘, present 既準備仲係 0
點可以唔服左佢呀.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
各位鄉親父老, 叔伯兄弟
小弟路過貴境
皆因盤川用盡
迫得賣母葬父..........

>>April 26, 2004 at 5:02:29 PM GMT+8

2004 年 4 月 24 日 星期六 【晴】

攰
頹
早知唔飲咁多啦
今日個頭仲係有 D 痛

個頭痛到諗唔到野呀~~~~~~~~~
From 必理痛廣告

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(續昨日)
話說尋日盈盈提議去 2nd Round
我地就由蘭桂坊移師去尖咀 (實際係佐敦)
今日有波睇, 所以間間 bar 都 ok 多人
揀左好耐終於入左一間

入到就叫左半打啤酒
盈盈 "摟" 人猜枚
先係左一拳右一拳, 居然無人識玩
於是就變成我同佢對戰
結果？
在於人道立場, 我會講係："總算係互有攻守, 各有勝負....."
潛台辭就係："佢輸多贏少咯....

眼見形勢不妙, 佢同我轉玩十五二十
見悶悶地, 就以杯中既酒作賭注
至於結果
佢令我忍唔住贏左都要飲
同佢咁玩, 真係玩到口乾....

轉同火星人玩既佢情況無甚改善
令我忍唔住又同火星人玩
大家都好耐無玩
所以好容易犯錯
最後都係玩到我好口乾

最後一次同盈盈猜枚既賭注係大半杯啤酒
佢以我係男仔既理由迫我以一整杯啤酒應戰
結果搞到佢要罷戰休息

大話骰時間
為左就盈盈, 賭注改為輸既就飲一啖酒
不過佢都可以飲左成支酒.....
究竟佢係想呃酒飲？定係想麻醉自己呢？

飲到最後唔舒服到極點
十萬個頭痛 + 發冷....
諗住去洗手間洗面
洗手盤別人留下的嘔吐物令我卻步
唯有訓下啦
Zzzzzzz.................

埋單
位位 $110
好貴呀~~~~~~~~

成班人走返 soc. 房休息
佢地就玩啤牌
企左成日 + 唔舒服 + 發冷 + 醉
我忍唔住訓左
如果佢地邪惡度有阿一咁高
"小心地滑" 事件將會重演..........

四點九走
火星人送阿大走
我同盈盈搭車
其實都好驚佢返唔到屋企
但係自身難保
唯有從談話中確定佢真係有歸家能力
然後落車...

五點半返到屋企
一換完衫就訓

十點幾起身即刻沖涼
以免畀屋企人知道自己既頹廢
本來諗住唔返工
但係諗返尋日既總消費
都係死死氣返工

今日係 poly 中樂慶功
所以做到六點半就收工
約阿一七點正響 poly 門口等
結果佢不負我對佢既厚望遲到
見佢帶番份 notes + 一 D 對我聽日有用既資料畀我
就當無事發生啦~~~

上聚賢樓食
睇番表演既 VCD
諗起 Choir 既 VCD, 有 D 心翳....

七點三四上到去, 七點十起菜,
八點三四先肯換第二隻 VCD
其間不斷聽表演當日 intermission 前既歌
聽到好悶
人地好想睇返自己炒得有幾嚴重嘛！！

終於睇到雲南回憶
除左聽到自己炒粉之外, 仲發現左 D 平時自己唔覺既野：
1. 一路彈個頭一頭 Fing, 好似食左 Fing 頭丸咁
2. 一彈錯音個樣就出賣左我
3. 響好嘈既環境睇 VCD 可以掩飾我既炒粉 ^^

之後又聽番錄音
純粹用聽覺享受音樂, 往往比有視覺效果影響更能聽到音樂上的問題
炒得好覺
有 D 地方忍唔住自己都會聽到鬧自己
希望下一次 (如果仲有團肯畀機會我出 solo......) 會玩得好 D 啦

響完兩張海報 size 既相 (分別畀肥仔江同汪生) 簽完名
我同阿一就籌劃逃走既大計
根據盧穎芝既可靠線報
我地成功脫離肥仔 Ben 既防線
出發搵等左我地半個鐘既小談

帶左小談食碼頭既 "牡"
食完就歸家
返到屋企未夠十二點
但係成家都訓晒咯....

打日記打到三點先訓
遲 D 可能無時間打日記啦
所以都係趁有時間打左 D 日記先

>>April 25, 2004 at 7:13:40 PM GMT+8

2004 年 4 月 23 日 星期五 【晴】

考試前最後一次放縱
要努力啦
已經讓左好多好多次賽
唔可以再頹啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
三點幾先訓
無乜點做過野
不過都總算有溫過下書既

十一點幾醒
兩點要返工
為左要同家姐吹水
放慢左 D 速度同佢行
居然遲到......

今日係久違既 Gary 睇我地
除左第一日見過佢之外, 就無乜點見過佢咯
難得佢今日帶隊
Ben 就遲到
搞到要 Gary 打電話畀佢話："Ben 少, 你幾時返到黎呀~~~"

去左家樂開工
開開下阿一打畀我
話老拎會去 library 溫書
想我借個證畀佢
畀我以 "我個證有用" + "無時間等佢" 為藉口無應承

一路開工一路覺得唔舒服
有 D 暈
可能唔夠訓 + 作病啦
結果四點半就收工

發現楡林新開左一間專賣大陸書既分店
叫 "楡林書坊"
見到 "血酬定律", 忍唔住買左

今日係盈盈 + Suji 表演既大喜日子
晨早就話左要去睇佢
約左響 library 門口等
由於驚佢地遲到走晒, 所以趕得好急
點知去到發現人影都唔多隻
打畀阿大, 佢話響 hall 行緊過黎
打畀盈盈, 佢就話行過黎
結果盈盈行到過黎都未有人到

點解要約盈盈響 library 門口等？
因為今日佢要考普通話試
所以佢考完試之後因利乘便陪我地去

同佢吹左一大輪水
話佢今日表演居然著到成個 "家燕媽媽" 咁
佢話今日果個表演其實好 hae
Suji 仲會著牛仔褲添！
唔係掛？！

等左一輪, 最後改集合地點, 變成響火車橋等
火星人同阿大都已經到左, 差 Belinda 一個未到
行到火車橋口居然撞見阿一同老拎
實在太巧合啦~~~~~~~~~

搭 104 去 Fringe Club
畀盈盈老點左行一條又斜又有樓梯既路
好攰呀~~~~

終於去到 Fringe Club
見到晨早去到既關生同將會表演既 Suji
果然係著牛仔褲
~_~"

1.Suji Little Prelude and Fugue Bach
2.盈盈 Impromptu D899 No.3 & 4 Schubert
3. Suji Sonata in D major K.284/205b Mozart
4. Irene (唔識既人) Impromptu Op.51 Chopin
Intermission
5.盈盈 Sonata No.13 in Eb Major Beethoven
Op.27 No.1 'quasi una fantasia'
6.Suji Songs without Words Op.19 Mendelssohn
No.4 in A major
No.5 in F# minor
No.6 in G minor(‘Venetian Gondola Song’)

個表演真係好 hae
格局基本上同酒廊既樂師無分別
Intermission 果陣仲有人想收左個鋼琴
難怪佢地話以後都唔會去 Fringe Club 玩啦

Suji 玩得麻麻, 仲成日聽到佢炒
盈盈係玩得好 D, 不過佢搞到個琴成日郁 (因為太用力)
同埋張琴椅不斷發出 "eat eat" 聲 (同豬 Ray 令到佢件衫發出痛苦呻吟聲既原埋一樣...)

盈盈要留響 Fringe Club 同佢鋼琴老師 Evaluate arm arm 既表演
我地一行五人就去食飯
食左一餐唔係好飽既飯
咁就無左百幾蚊......

Belinda 食完飯就走
關生介紹左我地去左籣桂坊一間 "好坐" 既 Bar 飲野
叫左杯 Cocktail 飲
又無左五十幾蚊

飲完之後大家仲好清醒, 又無乜野玩 (買左副啤牌, 但係唔畀玩....)
萬惡既盈盈提議 2nd Round
睇佢個樣好似真係好想隊~U自己
不過我驚佢未~U我就~U左咯.....

去左尖咀 2nd Round
時為十二點二

欲知後事如何
請聽下回分解

>>April 26, 2004 at 2:28:58 AM GMT+8

2004 年 4 月 22 日 星期四 【晴】

天氣那麼熱
我那裏通通不想去

天氣那麼熱－－張學友

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日都係好早訓
儘管今日要七點鐘醒
我仍然可以準時起到身
雖然換完衫之後又訓返

今日係成個 sem 唯一一日要上八半
原因？！
居然係因為要補堂
仲要係英文
唉..........

由於今日係世界閱讀日
帶左幾本書等還
但係出左門口唔夠一分鐘就後悔
好重呀~~~~~~~~~~~

返到 poly
都有五六個人返左喎
阿 sir 黎到既時候仲有高達十個人返到去既紀錄
比平時上堂還要多人
難怪佢今日咁開心啦

除左做左一個 practical 之外
今日既補堂絕對浪費時間....
所以當佐治九點半趕到案發現場既時候
除左驚訝佢會返黎之外
仲 "燉" 佢有少少可悲

無間斷既上堂
輪到陳武
佢再將我地份 satellite positioning 既 Programme 既死線延期
五月十號先交
聽聞十二號就考試啦喎
不如考完試先收啦
^ ^ "

放 break 既時候 (1130) 諗住搵阿大一陣食飯
佢居然話我聽佢食緊飯
唏噓
唔通一陣要食自己？！
T _ T

上完陳武
打畀盈盈
詢問有關上次借畀佢果幾本書既下落
一如所料, 佢無帶
傾傾下無啦啦一齊去左聽由美國黎既鋼琴家 Michael Sellers 表演
同行既仲有 Suji (AP 第五組既 Pianoist, 盈盈既同學)

條友彈左五隻歌, 詳情如下：
1. Mozart Sonata A Major, K.331 25 Minutes
2. Feninger Three Etudes (2003) 10 Minutes
3. Chopin Waltz in Ab Major, Op.69 No.1 3.5 Minutes
4. Chopin Fantaisie Impromptu C# Minor, Op.66 5 Minutes
5. Chopin Ballade in Ab Major, Op.47 7.5 Minutes
6. Piazzolla Milonga del Angel 3.5 Minutes
7. Liszt Hungarian Rhapsody No.11 5 Minutes

聽一個鐘既純鋼琴唔係問題
但係佢好似彈到好攰
第一隻彈到最尾 (即係 Alla Turca 果段) 左右手完全唔協調
幾乎成隻歌甩晒 bit
佢好似係 professional 喎
搞到盈盈同 Suji 都話佢地仲彈得好過佢
其他果 D 歌就無乜呢個問題
不過佢兩隻手既用力成日都唔平均
聽得有 D 唔慣
連有去聽既 Vani (8th Choir P + 9th AP pianoist) 都話佢呃飯食

聽完三條友去食飯
包括我, 盈盈同阿聲
一路行一路根據阿聲向我轉述
發現 poly 中樂星期日慶功
但係完全無人同我講過
算.......

去左厚福街某一間專食意粉既餐廳食
叫左野食之後阿仔就打電話黎
掛住同佢講電話無食野
結果畀同行既兩條粉人乘虛而入
瓜分左我其中一塊豬柳
~_~"

食完吹水
吹到三點幾先散
盈盈要返屋企練琴, 我同阿聲就行返 poly
去左 library 睇書
睇書就訓, 訓醒又睇
重複左幾次同樣既步驟
借左幾本有用既書
準備返 YCO

因為一個電話
令我今日無返 YCO
阿一果然係一個 "損友"

陪左佢一切行去地鐵站搵老拎
之後搭地鐵去九龍站轉巴士去沙田
愛情的盲目的
盲目得令人經常耗費金錢 + 時間於交通上......

送老拎到 MO 樓下就走去沙田中央
響參考圖書館溫書
好似好勤力
希望亡羊補牢, 未為晚也....

八點圖書館就收工
阿一驀然驚醒原來自修室既休息時間同圖書館既休息時間唔同
諗住去 "祥哥" 溫
點知千算萬算, 都係唔記得果個時段係晚飯時間
太多人啦
結果去左 "牡" 溫書

溫到九點三
行上 MO 搵何生
問下 music camp 去唔到 Interview 點算
(事關阿一要去法國 study tour, 我要去 survey camp, 兩個人都走唔甩....)
結果都係無結果
唯一既收穫係攞左張 "勤力獎" (優秀學員證書)
畀阿一打左幾十下 (因為佢 "自覺" 同我出席率差唔多, 但係佢就無....)

今日先知平時阿一點送老拎走
果然愛情係盲目既
難怪佢成日都話無錢啦.....

正當阿一開開心心送老拎走既時候
我都唔執輸送仔仔去東東同梁昭昭食飯飯
一路上佢講起 SMC 既戰況
好悲壯, 好 "燉" 佢擔心.....

送完仔仔到目的地之外就去書店睇書
見到 "潛規則" 既簡體版
貴係貴 D, 勝在本書好睇嘛
雖然係睇過幾次, 都忍唔住要買

上個星期想約卡卡食飯, 點知佢就同左屋企人食飯
今日終於可以約到佢食飯啦
三個人響 body shop 集合完之後就去左血案案發現場* 附近既 "壹麵館" 食

* 話說尋日有個婆婆由高處角樓
跌左響 Green Box 出面條電梯度
死狀異常恐怖
不過今日已經清理好場地
除左有架警車響現場出面, 唔多覺有絲毫跡象

尋日同卡卡 Chat
佢話佢自覺溫書溫到個樣好殘
但係佢老師就話佢容光煥發
今日一睇, 果然佢老師講得佢好 arm
除左有兩個好大既 "黑眼袋" 之外, 完全唔發現個樣有殘過喎~~~

一路食飯一路傾偈
原來有 D 人由起身到出門口返學要成九個字咁耐架喎
set 一個頭都要 set 五分鐘
佢實在係太早起身咯
換轉係我同阿一？！
呢 D 時間梗係用黎訓覺最實際啦~~~

升左大學之後由起身到出門口所用既時間愈來愈短
以前要半個鐘
宜家五分鐘就出得門口咯

食完飯好想行一陣
但係阿一唔肯陪我行返屋企
結果陪卡卡行左上火車站隔離既巴士總站搭車
順便搭 89X 返歸
接近十二點先返到屋企

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
面對住之前積落既工夫
好徬徨呀~~~~~~

>>April 23, 2004 at 8:07:00 PM GMT+8