2004 年 1 月 2 日 星期五 【晴】

呆
頹
唏嚧
不事生產
百無聊賴

有時間自己諗下野
究竟呢幾日 (新年前後) 做過 D 乜
詳情如下：
1. 剪髮
2. 開會
3. 練歌
4. 練 poly 中樂
5. 表演 (都係 poly 中樂, 雖然表演得麻麻)
6. 練 YCO
7. hae 行 (行左三晚夜路, 三晚加埋睇怕都有資格做 "大路之王" )
8. 睇戲 (不過 "無間 3 " 真係唔算太好睇)
9. 吹水 (行路時必做動作)
10. 睇書 (不過睇完之後, 居然可以唔記得自己睇左 D 乜, 咁即係話, 我望著本書發呆......)
11. 開 ICQ

剪髮不能剪去愁懷
hae 行不能走出心情的困境
看書不能讓我安靜下來
ICQ 不能打出我的感受
就算是日記也不能寫出自我

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
<<沒有甚麼可以比我愛得你更深>>

如果有一萬年的時間,
我就可以變成撒哈拉沙漠的沙,
將天長地久的日落變成橫紋的形狀

如果有一千年的時間,
我希望有掃把星的那條長尾巴,
環繞 "你" 身邊盤旋煩到 "你" 愛上我

如果有一百年的時間,
我要發明放得入人體的鎖扣,
不許別的女人開啟 "你" 心裏的夾萬

如果尚有十年的時間,
我會給 "你" 買下所有家庭電器,
免得 "你" 又怪我不懂得做家庭細務

如果還有一年的時間,
我要寫滿一片片楓葉上的字,
雖然我字體醜但可以靠葉脈遮掩

如果有一個月的時間,
剛好夠我織成兩個你高的頸巾,
在聖誕禮物盒拆開定會嚇 "你" 一跳

可是, 我只剩下一天的時間~
我能夠做甚麼呢......?

如果只剩下一天
我希望能與 "你" 一起渡過
縱使只是一秒也不能放過
因為我知道
無論以後的日子怎樣
我跟 "你" 也曾渡過完美的一天
一天, 或許已經足夠

我想說
海有多深, 谷有多深,
沒有甚麼可以比我愛得 "你" 更深~~~

但, 我可以在那兒找到 "你"？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看過文姐的日記
她在看 "酸酸甜甜香港地" 時聽到一句話：「酸苦過後是甘甜」
但....
酸苦以後的真的是甘甜？
還是無奈的忍受？
酸苦以後的未必甘甜
只是相對上較好
我們享受這遍刻難得的時間
然後用一生去說服自己：
「這遍刻難得的時間, 就是傳說中的“幸福”了……..」

我仍在守株待兔
等待著 "幸福" 的到臨
然後再用一生時間去感恩………….

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看到自己 28 號理不出頭緒的日記 (初版)
還是想不通
想不通, 就讓我忘記了那段日記吧
但為何每次我想刪除了那日記時
總有令一把聲音叫我不敢下手？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
yo
yo i got somethin' to say
you know sometimes
when you get all pissed at me
when you're like not talking to me
well
sometimes love is just a game
just like anything else
you gotta know what you want
and the rest doesn't really matter
cus sometimes
you just gotta put things in perspective
then maybe you can understand
like why we're doing the stuff we're doing to each other
and sometimes
you just gotta learn to take it easy
you know what i'm saying
cus

若能表白　我心中的依賴
你我當初也不必那麼哀
若能敞開　把真相說出來
這一段故事不會太精采

種種意外　若能夠明白
那生存意義又何在
若能推猜　這一切的未來
我乾脆辭掉工作買大彩

Because 愛是妒忌　愛是懷疑
愛是種近乎幻想的真理
Because 愛是遊戲　愛能叛逆
So! 別把這遊戲看得太仔細　No! No!

It's like sometimes I don't even know who I am anymore
Can't see what's the point of being in love anymore
It's a game what a shame
You make it lame by going insane about it
This love ain't what you say about it
It's about what you do about it
So get with it, stick with it
If you still can't understand well, than forget about it
Sometimes all you do to me is sulk,
like you got something to say
But nothing makes sense when you move your lips
All you do is get pissed at me
Dissed at me
Wonder why you're still here with me
Sometimes all you do to me is sulk,
like you got something to say
But nothing makes sense when you move your lips
All you do is get pissed at me
Damn
Take it easy

>>January 3, 2004 at 6:19:24 PM GMT+8

2004 年 1 月 1 日 星期四 【晴】

(續昨天)
繼續計數
除左我之外, 仲有阿大同阿然
計完數之後玩
玩既係阿然買既棋盤遊戲

由兩點幾 hae 到七點幾先返屋企.........
由播無聊劇, 到播動粵語長片；
由播粵語長片, 到播無聊綜藝節目；
由播無聊綜藝節目, 到播卡通片；
由播卡通片, 到播香港早晨
咁就通左頂啦.........

返到屋企, 當然見唔到老豆啦
成八點半啦
訓到十二點四, 阿一打畀我
叫我一點到沙田火車站
超趕, 超眼訓
不過都趕得切無遲到

魔鬼同阿一都到左
大家一齊去食粥
食粥既時候, 我既說話又成功地引誘到佢做左 D 基本動作啦
食完之後行左一陣街先睇戲
佢今日既名唔係叫陳思穎, 而係叫陳 "屍骸"
hee..... ^^

好耐無睇過戲
上次睇戲, 就係同 "你" 睇 "魔戒 2"

"無間道 3" 基本上係劉德華一個人做晒
表達既野最多, 對白最多, 發揮亦最多
但係佢做得唔係太好
而且個故仔真係有 D 亂
成日將現在同過去加埋一齊
變到好似係一個癲佬響崩潰日子時的呻吟

睇完都係五點幾
去左食下午茶
但係我就食左個日式咖喱 "思穎" 飯

食完我同阿一就向佢道別
步向 YCO 既 "無間地獄" 咯....
難得準時
真係想用柯達相紙拍低 D 咁動人既時刻.....

王紅藝今日同我地夾
我發現宜家我隻隻歌都差唔多係 sight read 咁滯
成三個星期無返啦
梗係對份譜陌生啦........

王紅藝好勁
不愧為世界第一柳琴演奏家
真係舉重若輕
明明係唔容易既野, 她都可以一面從容地演奏

斷得弦多唔係代表勁
但係見佢斷完一條弦, 又換另一個琴, 換完琴再斷弦
就知佢有幾強橫啦.....

鄧璟浩的突然到訪
打破左我本來想早返屋企既美夢
雖然都唔係唔想同佢一齊行
但係一個星期不斷咁將 D 精神花響同大伙兒行路加吹水
都真係好辛苦
我訓得兩粒鐘咋............

同 SMC 一齊搭車
由於無通宵巴士直通彩虹既關係
我地要搭小巴出旺角, 再搭小巴返屋企
返到屋企都成兩點幾咯.....

都係兩點O者
打完個日記先訓

聽日 (今日) 又要練歌啦~~~~~~~~~~

>>January 2, 2004 at 6:57:09 PM GMT+8

2003 年 12 月 31 日 星期三 【晴】

新的一年
祝大家心想事成, 隨心所欲
過去的一年是令人不快的一年
但願在新的一年
不快的事能隨風而去
世上的人每天都能由衷地盡展歡顏

(續昨天)
去左點心王食野
食完野嘻嘻同牛眼同我地分手
"居屋" 同 "小澤延" 都走左
我地又展開左漫無目的既遊蕩

今次遊蕩既規模比我地上次大
(上次得我, 阿一同肥仔, 今次仲有謝, SMC, 蔡 7A, 同埋之後加入既小談)
但係行既範圍就比上次少 (由尖沙咀行到太子)
好彩放低左個阮跟車
唔係我想像唔到我點可以行咁耐

接近四點散水
同肥仔一齊去做 "地鐵黨"
響地鐵站入面又同佢吹左勁耐水

返到屋企, 五點半
老豆起左身
佢問我："做乜咁早起身呀？"
之後就醒覺："你 arm arm 先返呀？"

我響床上面扮訓
等老豆走左, 我又訓唔著
出左廳睇新新版 "射雕英雄傳"
接近八點先訓.....

醒既時候, 居然係兩點
我好似好耐無嘗試過晏晝先起身咯....
見到家姐同阿媽響廳燒野食
.......
好彩唔係閂窗燒炭O者...

食左一陣就要返 poly
做乜？！
開會咯.....
一月一號都要開會.........

約左阿大早 D 返去計數
計計下 SMC 打黎搵我
我先記得尋日佢為左可以唔使負重磅遊蕩, 放低左個笙去 poly
今日先攞返走

隔左一陣佢黎到
同佢吹左一輪就繼續努力咯

開 AP 會
發現我地莊既人多數都抱著中庸之道
明明上次決定左既野
只係畀人問左一問, 就推翻左之前既結論
咁之前仲使乜開咁耐會呀~~~~~~~~~~

開完會
食飯
明明好似個個都畀左錢
但係我本來食既飯值廿蚊
最後會變左我畀一百蚊埋單...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
欲知後事如何, 請聽下回分解

>>January 2, 2004 at 6:04:57 PM GMT+8

2003 年 12 月 30 日 星期二 【晴】

今日好似好番 D
但係我日日既病情都咁反覆
都唔知點算...............

今日係 poly 中樂表演既大好日子
之前同阿一去買生日禮物畀謝
本來想搵樹熊
但係無
最後買左一隻好好攬既河馬畀佢

今年既表演無部長, 但係有朱鳯儀
都起碼無咁悶
不過佢就無奈 D
身為 guest, 櫈又要自己搬, 譜架又要自己開
準時返去, 但係 D 人又永遠唔會準時開始
不過忍受過後就會接受架啦

排完 "弄影"
朱鳯儀同我講："其實隻歌玩乜架..."
唉.....
音樂係人既共同語言
但係呢 D 音樂連玩音樂既人都唔明
咁我地可以點呢.....

今日黎睇表演既人居然爆左個文娛廳
連朱鳯儀都覺得好奇怪
不過 D 位都係得果 264 個
如果唔爆都真係幾灰...

無時間食飯
慘無人道
要一路練一路食
我配給到既係一個雞扒飯
去到最後, 我要玩完一隻歌之後, 返到後台食一兩啖飯, 跟住又要出台
真係忙....

"小澤延" 玩 "弄影" 徹底畀人 KO
最後一個 bar 原本佢要玩 (阿一個 highhead 出左之後佢就要玩)
但係佢呆左響度望住份譜
所以話練野果時淨係掛住傾偈同埋齋數拍子係唔得既
練野既最大目的, 係要你響練野既時候畀自己知道
有 D 乜野簡單方便既方法令自己表演既時候唔炒
好似我咁, 如果之前休息, 但係最尾果 bar 要玩的話
我一定會記得之前個 bar 有 D 乜野特別事發生 (好似阿一要入咁...)

表演順利炒粉
無乜大鑊野發生
起碼肥仔江講果三樣野無發生：
1. 全部歌順利玩晒
2. 佢無指指下飛左隻指揮棒
3. 佢無指到飛左副眼鏡
不過無炒粉
係唔代表好聽既...........

多謝所有黎睇表演既人
包括每一個 "你"

表演完之後
"小澤延" 同 SMC 瘋狂將 D 未飲晒既紙包飲品塞晒落袋
跟住極速走人
果然係有做賊既天份

叫埋嘻嘻, 汪汪同牛眼三條友 (佢地響 "新基地")
出尖沙咀
但係汪汪響架火車行到大圍就跳車走左

仲未行到 poly 就已經係新既一年
唯有響條天橋度同謝講生日快樂

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
欲知後事如何, 且看下回分解

>>January 1, 2004 at 6:48:44 AM GMT+8

2003 年 12 月 29 日 星期一 【晴】

成日都咳
唔係又黎掛...........

(續昨天)
話說我地一行三人十一點幾由尖沙咀加拿芬廣場隔離既 7 仔
行去栢麗大道睇謝子既生日禮物
睇到間舖都收工

我地沿住栢麗大道行去佐敦地鐵站
行到佐敦, 大家都話："不如行去油蔴地咯！"
行到油蔴地, 肥仔話："不如行去旺角咯！"
行到旺角, 我話："不如行去太子咯！" (旺角搭去彩虹平 D 嘛....) ^^
行到太子, 我又話："橫掂都行左咁耐, 不如再行前 D 咯！"
行左好耐好耐, 我地先行到下一個地鐵站：石硤尾
仲差 D 迷失添
雖然行到去石硤尾地鐵站
但係果時都差唔多兩點
地鐵都唔做我地生意咯.........

石硤尾係我地今次行程既重要景點
但係大家完全係信步而行
完全無專登去某一個地方
我有個莊員係果頭住
阿一婆婆以前住果度, 附近仲有佢阿 sir 當年做野既斜坡
而肥仔就對果頭既學校 OK 熟
仲令我知道原來小童群 "揪" 會果班 "妹妹" 讀果間上智係銘賢隔離
唔講唔知添
實在太孤陋寡聞啦....

既然無車返到我地屋企
大家又仲有大把平時唔得閒講既野 (即係廢話) 想講
遊興大熾
之前既路我就熟, 但係之後既路我都未行過
所以導遊既工作由阿一接手
大家就向住下一個目標－－九龍塘進發

響途中畀我地撞到阿一既同學 Jerry
據佢既口供, 佢兩點幾先 arm arm 響人地屋企砌完機
即刻令我地歸家既心情日淡 (有更多藉口遊蕩)

真係睇咁多年地圖, 不如親身行一趟
原來由石硤尾行去九龍塘係幾遠架
仲要行過唔同程度既路添
唔似地圖咁, 路係唔係都係實心線
完全反映唔到現實環境

撞到 Jerry 既時候, 佢聽到我地話行去九龍塘
佢就話："你地兜路都兜得好遠喎..."
有 D 不祥既預感添....

行到石硤尾公園
肥仔話："不如行入去睇下咯！"
不過最後都無睇到
可能驚行得耐掛

我之前都唔知有幾遠
但係當我睇到石硤尾公園既第二個出路響我地行果條路出現既時候
我就知道我地行左幾耐啦....

行左一個山頭
卒之行到去九龍塘
當然, 火車同地鐵都收左工啦

面臨重要既決擇
最後我地都係選擇行返旺角搭車
本來通頂唔係唔得
只不過大家各有理由唔通得
我十一點要返 poly 開會
阿一十點要學琴
肥仔十點就約左上人屋企打機
結果我地既遠征, 就以九龍塘為我地既尾站

不過話就話唔再行
但係都要行番去旺角先得架嘛
(我地都唔識點由九龍塘搭車返屋企...)

三個不回家的雄性動物
響時鐘酒店果頭行來行去
D 夜更的士司機見到我地, 就成日等我地上車
搞到我地搖手話唔搭車都搖到手軟

行到半路
大家都覺得攰
去左個公園仔坐
又坐左好一陣子, 休息左好耐 (但係無得補給, 因為大家都有一個問題－－無水飲)

行去一個油站
油站既補給站比平時多左兩個客買水飲 (我同阿一)
而個油站既 toilet 今日就比平日多左三個客
終於有得補給水源咯....

沿住界限街, 卒之行到出太子
我地就響一個報紙檔度看到梅艷芳病危既消息
好唔想佢死
晨早流流 (差唔多五點啦) 睇到 D 咁既新聞, 當然令人唔開心

想去食糖水
行番去旺角
但係大良八記好似未開
肥仔話可能有間糖水舖未收
但係去到都係收左
大家去左百佳買野食
果個售貨員講左 D 野
好傷我自尊心.......

我嬲！！
詛咒下佢先：抵佢一世無發達

食完野
同阿一行去等巴士
到阿一隨 "巴" 而去之後, 我就同肥仔一齊去左亞皆老街 "牡"
點解？！
當時係五點幾
地鐵頭班車六點二先開, 我同肥仔都覺得橫掂剩返一個鐘唔夠
無理由 side 車錢架嘛 (貴三四倍喎....)
所以都等頭班車
去到 "牡", 我頂唔順訓左
等到大約六點就落地鐵站咯....

返到屋企, 六點半左右
訓
一睡不起........

起身先覺得大鑊
點解會成個身都發軟架？
唔通尋日同佢兩個行得痴線得滯
病情又反覆？！
結果都係要睇醫生.......
但係一醒已經係點幾兩點咯....

返到屋企
訓......
.......
....
..
.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
梅艷芳始終都係逃唔過
享年四十
成為 2003 年最後一個過身既藝人

一年死左五個藝人
羅文, 張國榮, 林振強, 柯受良, 梅艷芳
真係令人惋惜
五個都係令我印象深刻既藝人

羅文係我好鍾意既藝人
佢既歌陪伴住我既成長
數他影響了我的歌, 太多了.................

本身對張國榮唔係好有太大既好惡
當年我還是比較喜歡譚詠麟
自他重出樂壇以後
漸漸接受佢既歌
其中以 "追" 最令我印象深刻

林振強的詞, 早已經令我嚮往
天真樂觀的性格
加上畢華流手下書呆子傻傻的純情形象
他就如我的老朋友般
每當看到他的詞時, 我便興奮不禁

對小黑不甚熟悉
在鏡頭面前, 他是個極鬼馬的演員
也是個勇於挑戰自我的人
看他飛越黃河及長城, 就看到中國人的勇氣
現在望到黃河及長城, 還不時令我想起這中國第一飛人

演過了八場演唱會後, 梅艷芳曾說："要好好睡一天"
她終於睡了
但我們再也看她不到了.......
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我的歌　鄭伊健
(羅文於佛羅倫斯演唱會中曾翻唱, 說真的, 羅文比鄭伊健唱得更好
唱功自不贅言, 羅文也比他多了一點況味)

若我將一生高低轉變譜出來
然後唱過去過去目前到未來
善變的曲式　音階起跌　是人生的感慨
願我這一曲　不風流也精彩

有許多風光　今生今世亦難再
若我捉不緊　它將消散空氣內
故此必須將　當中曲折　用旋律記下來
沒這些憑據　問記憶怎裝載

要是聲線亦耗損　就以五指奏下去
指尖一旦亦擦穿　就以記憶唱下去
思緒仿似行雲　讓感受像流水
如能繼續唱　都必須唱下去
(能繼續唱　都必須仍陶醉)

也許天生的　很多感覺很多情
期望這性格　替我換來妳用心的感應
用我的歌聲　敲醒心裡淡忘了的率性
像那些點水的蜻蜓　那麼輕

最好的光景　今天跟你做人證
若有天分開　孤單的我　怎確認
願我這首歌　它朝可以做回憶的保証
讓我一直唱　讓這歌永莫停

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
玻璃之情
作曲：張國榮　作詞：林夕
從前我會使你快樂 現在卻最多叫你寂寞
再吻下去 像皺紙輕薄 撕開了 都不覺
我這苦心 已有預備
隨時有塊玻璃 破碎墜地
勉強下去 我會憎你 只差那一口氣
不信眼淚能令失樂的你愛下去
難收的復水 將感情慢慢盪開去
如果你太累 及時地道別沒有罪
牽手來 空手去 就去
(牽手來 空手去)(牽手來 空手去)
一起 要許多福氣 或者 承受不起
或者 懷恨比相愛更合理
即使 可悲
不信眼淚 能令失樂的你愛下去
難收的復水 將感情慢慢盪開去
如果你太累 及時地道別沒有罪
一生人 不只一伴侶
你會記得 我是誰
猶如偶爾想起 過氣玩具
我抱住過 那怕失去
早想到 玻璃很易碎

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
千千闕歌

詞：林振強　唱：陳慧嫻

徐徐回望　曾屬於彼此的晚上
紅紅仍是你　贈我的心中艷陽
如流傻淚　祈望可體恤兼見諒
明晨離別你　路也許孤單得漫
一瞬間　太多東西要講
可惜即將在各一方
可好深深把這刻盡凝望

來日縱使千千闕歌　飄於遠方我路上
來日縱使千千晚星　亮過今晚月亮
都比不起這宵美麗　亦絕不可使我更欣賞
因你今晚共我唱

臨行臨別　才頓感哀傷的漂亮
原來全是你　令我的思憶漫
何年何月　才又可今宵一樣
停留凝望裡　讓眼睛講彼此立場
當某天　雨點輕敲你窗
當風聲吹亂你構想
可否抽空想這張舊模樣

怎都比不起這宵美麗　亦絕不可使我更欣賞
因今宵的我可共你唱

來日縱使千千闕歌　飄於遠方我路上
來日縱使千千晚星　亮過今晚月亮
都比不起這宵美麗　都洗不清今晚我所想
因不知那天再共你唱

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
征服　（柯受良翻唱）
作詞、作曲：袁惟仁
終於找到一個方式分出了勝負 輸贏的代價是彼此粉身碎骨
外表健康的你心裡傷痕無數 頑強的我是這場戰役的俘虜
就這樣被你征服 切斷了所有退路
我的心情是堅固 我的決定是糊塗
就這樣被你征服 喝下你藏好的毒
我的劇情已落幕 我的愛恨已入土
終於我明白倆人 要的是一個結束 所有的辯解都讓對方以為是企圖
放一把火燒掉你送給我的禮物 卻澆不熄我胸口灼熱的憤怒
你如果經過我的墳墓 你可以雙手合十為我祝福

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
似水流年
作詞：鄭國江　作曲：喜多郎　編曲：黎小田
望著海一片滿懷倦　無淚也無言
望著天一片　只感到情懷亂
我的心又似小木船
遠景不見　但仍向著前

誰在命裡主牢我　每天掙扎　人海裡面
心中感嘆　似水流年　不可以留住昨天
留下只有思念　一串串永遠纏

浩瀚煙波裡我懷念　懷念往
外貌早改變　處境都變　情懷未變

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
你的分數是23.
君子紳士型
小小的浪漫可以帶給你工作及生活增添許多活力，因此你該保持一些有創意的約會習慣，你是屬於隨性而至的人，鑑賞力高，對方很欣賞你的風雅及紳士或淑女風度，你也一點不會浪漫過度，你懂得抓分寸，不踰越，但是別擔心那種突來的衝動，你可以相信你的直覺。

http://www.cluelesspie.com/love/9712/test2.asp

怎麼？！
我也是君子？我也是紳士？
傻笑.....

>>December 30, 2003 at 5:11:11 PM GMT+8

2003 年 12 月 28 日 星期日 【晴】

剪去了煩惱絲
為何也不能把煩惱剪去？

練歌, 練中樂撞到正
我點揀？
最後, 我練完 choir 先練中樂
even 中樂 31 號表演
我好忙？
我忙得好空閒...............

無啦啦由 1st tenor 變左做 1st bass
仲要將我變做一個電結他同埋搖滾電結他
要成日 dell dell 聲咁扮
扮聲好傷聲架
不過唔緊要, 今日我既角色係多功能人士

我無病, 我無事！
我好精神！
無論係精神上還是肉體上我都無問題

本來中樂要響 music room 練
但係肥 B 愈來愈唔鍾意中樂既運作模式
肥仔江都好好人咁 book 左 S506, 以緩和兩個 Soc. 既矛盾

去到 S506, 發現無阮用
結果要響敲擊果邊齋坐
一路掩耳一路睇書
每隻字我都十分熟悉, 但怎麼完全看不入腦？
頭痛, 頭暈
唔想諗野
刀子快活的把玩著我的心
思緒的整齊彷如我的房間
水壩已經有了無數小洞
風平浪靜
一切都等待著.......

練完我, 阿一同肥仔三個一齊走
佢地好好人咁陪我食飯
本來去唯一, 但係我地去到既時候佢已經收左
結果係響 7 仔食十蚊飯,
使我 "飢餓三十" 的旅程去到了終結
好多謝佢地咁都等我

食完都十一點半
之後去左栢麗大道睇送乜畀謝子好
睇到間舖都收舖….

由於大家都有 D 野想分享
大家選擇左一路行一路講

三個不願回家的人
行左一段漫長既道路
尤勝 summer term 果陣既沙田一晚遊
當日行黎行去都係沙田
今次竟然…………
(待續)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日亂到原本想寫既野都寫唔到
且待整理完畢, 定當補上

>>December 30, 2003 at 8:04:38 AM GMT+8

2003 年 12 月 27 日 星期六 【晴】

今日成個人都迷迷糊糊
痾左幾次
成個人軟到行步路都慢三拍
仲要唱唔到歌添
如果宜家播 "我不會唱歌" 就 arm 晒咯...

尋日聽到的消息實在無辦法令我唔寫日記
雖則尋晚我無寫 (因為心情太沉重)
但係都一定要寫番
夾硬逼自己開左部電腦寫
寫完差唔多虛脫咁滯
訓左一覺

因為尋日 diary 既一句說話
畀花姐盤左勁耐.....
我真係乜野都唔知架~~~~~

因為行唔郁, 所以無練 CHOIR
聽日又要練中樂, 又要練小組, 又要練 CHOIR 小組
我咁既狀態, 都唔知點算好.......

輪流畀 D 有感情問題既人纏著
頭痛的頭更痛

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
病, 總教人胡思亂想

回頭太難
詞:十一郎 曲:張宇

過了這一夜 你的愛也不會多一些
你又何必流淚 管我明天心裡又愛誰
我的愛情有個缺 誰能讓我停歇
痴心若有罪 情願自己背

不讓我挽回 是你的另一種不妥協
你的永不後悔 深深刻刻痛徹我心扉
可知心痛的感覺 總是我在體會
看我心碎 你遠走高飛

一生熱愛 回頭太難 苦往心裡藏
情若不斷 誰能幫我將你忘
一生熱愛 回頭太難 情路更漫長
從此迷亂 注定逃不過糾纏

我的愛情有個缺 誰能讓我停歇
痴心若有罪 情願自己背

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日出之前　晨曦之後
露水中是硫酸
垂死之前　仍感最甜
慢慢呈現那最澀的酸

情心垂死　仍只能深愛你
在尋覓痛悲　夢碎支離
戀愛得迷離
如鷹垂死　仍只能熱愛你
在圍著守妳轉　力竭筋疲
參與冷酷的遊戲　亦只為妳

>>December 28, 2003 at 5:01:37 PM GMT+8

2003 年 12 月 26 日 星期五 【晴】

麥 sir 死左...............
Fisher 都死左.....................
一日聽到兩個以前教過我既老師既不幸消息
本來開心既情緒突然跌左幾級.............

今朝好彩阿一打畀我
唔係我一定起唔到身
約左佢一切返 DB
佢就練 "太陽" , 我就練第三樂章
但係響地鐵入面, 我突然發現一個極其嚴重既問題
我唔記得擺返個指甲匣同盒膠布入個袋
咁即係我又無指甲用, 又無 pick 用
我返去練乜呀？！！？

返到去
同阿一 set 套鼓 set 左勁耐
九隻排鼓, 隻隻都要教音
聽到頭都暈
@ _ @

練到咁上下, 食飯
除左我地兩個之外, 仲有晨咁早返 db 既蔡 7A & 彭偉倫

今日要練中樂
因為要等 smc 既關係
我地遲左少少返 poly
(少少既意思係佢地兩點半開始, 我地四點半先到...)

見到久違既朱鳯儀
有 d 驚添....

排完弄影先肯放我地走.....
我同阿一就返 db 聽佢地班友仔練成點
今日係老鬼之夜
嘻嘻, 汪汪, 阿一, 我, 蔡迪輝, 鄧璟浩六條友都返去
唔係肥婆老媽子生日, 我一定捉埋佢黎
聽到 d 有關肥婆既新消息添.........
雖則係話返去聽佢地玩, 但係實際上都係我地自己一班人吹水

行過看到曹 sir
佢瘦左好多
從佢既口中, 得知今朝麥 sir 過身, 同埋前幾日 Fisher 過身既消息
有 d 遺憾, 有 d 難過
人總是要在失去後才想起從前沒有珍惜的一切........

食飯
鄧璟浩強烈建議去 "幸福樓"
但係響全人類 "水乾" 既情況之下
我地最後去左 "咖喱王" 食
一路食一路吹水
食到佢收工咁滯先走

之後又去 cyber 打機
今日無隊酒既嘻嘻都係大失水準
打新宿死左六次 (但係都好彩爆機...)
打太鼓又無一隻歌可以 full combo

十二點幾先返到屋企
開電腦, 但係部死人機要我搞到成點幾鐘先上得網........
三點幾先訓.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Fisher 係我 f.3 之前教 R.S 既阿 sir
我 f.3 果年佢就退左休
謝子佢地可能未畀佢地教過
佢係一個好好既阿 sir, 好 nice
頭髮白, 身材稍胖
行動遲緩 (年紀大嘛...)

當年我考入拔萃, 就係佢 interview 我既
我記得佢上堂果陣, 如果我地想 free lesson
只要同佢講："Fisher, 你好靚仔呀~~~"
佢就會畀我地 free lesson

佢係我地既 old boy
當年仲係 head prefect
響以前掛響 hall 既板上面 (記錄歷屆 head prefect)
就寫住 "1953, William John Fisher"

佢成日都好炆憎
所以心臟唔係幾好
佢咁好人, 可能都係唔想自己咁炆憎

最後一次見到佢, 係前年garden fate
佢面色如常, 依然同平時一樣咁好笑容
仲記得我係邊個添
今年 garden fate 太遲返, 所以 miss 左可能同佢會面既機會
原本諗住出年早 d 返就可以見到佢
可惜, 佢響幾日前就因為心臟問題離開左
...........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
麥 sir 係一個爭議性較大既人
講真我一直唔係好鍾意佢
尤其係當日會考佢唔畀我自修中史
令我既會考成績無機會多幾分
同埋 f.6 & 7 期間佢教 geog 教左等於無教
都令我對佢既印象唔好

佢個肝一直都唔係幾好
十一月 "爆左偈" 之後都無出現過響拔萃校園
拖左成個月, 卒之都係過唔到

究竟係咪因為佢身體問題引致佢教書時既態度唔好？
唔知
但係肯定的是
如果這遺傳的病沒有纏繞他的話
他絕對不會帶著那麼多的不滿及遺憾離開

>>December 28, 2003 at 6:27:18 AM GMT+8

2003 年 12 月 25 日 星期四 【晴】

開工大吉
又要開會.......

十點三響 music room 開會
阿大居然遲到
而遲到既原因竟然係因為要幫佢琴先生買飯盒........
十點幾食晏....
~_~"

最後十點九先開始
佢有佢同林美傾
我就有我睇電視
今日重播 "太陽王傳說"
好好睇
呢套 "多啦 A 夢" (都係鍾意用叮噹多 D....) 既戲我一共睇過三次 (計埋今次)
第一次係家姐借同學既碟黎睇
第二次響 Hall 同 "佢" 同其他人一齊睇
今次就同佢兩個睇
無論同邊個睇都好, 總之都係好睇

開完會
同阿大去食飯
去左尖咀 "大良八記" 隔離果間新開張既舖頭食上海野
果間真係黑店黎架
問佢攞杯水飲, 佢話唔供應水 (即係逼人買豆漿O者....)
個餐有咖啡汽水送, 個客問可唔可以轉奶茶, 佢都話要另外計錢
太過份
阿大問我做乜
我唯有同佢玩 black magic
叫佢選一樣野, 佢選湯匙
然後問佢係唔係間舖
佢話唔係, 跟住我就問佢係唔係湯匙, 佢就明我講乜咯....
(唔明的話, 請回想 black magic 的玩法, 唔識玩既, 可以問我點玩, 我會同佢玩)

之後一齊去左洪葉睇書
"胡桃裏的宇宙" 真係好難明
今次比上次更加唔明呀~~~~~~~

去左佢 hall
hae 左好耐
走既時候已經係十一點幾
好好彩地撞到肥婆
好耐無見佢啦
即刻攬到佢實一實
hee..... ^ _ ^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人總愛玩火
小孩玩火, 大人玩火, 心理一樣
小孩寂寞, 恐懼, 獨在家中, 無人照料
明知危險, 但渴望一剎那光亮和溫暖
這是最直接的方法, 可惜會引火自焚
情場上的玩火者, 當然也渴望一剎那光亮和溫暖
但以大人閱歷, 玩火何止焚身？也惹出更禍害, 不能以真為藉口
只是........
世上寂寞, 恐懼的人太多了.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不愛, 才可以不恨
當他 / 她透明, 他 / 她已沒有能力牽動你情緒
男女之間, 如膠似漆又如何？
一旦分手，最高境界是捨得，沒有感覺
有捨才有得
這是一件好事, 如能做到, 恭喜！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
男人失戀的五個好處：
1. 你沒有時間了
　　即使你的錶仍在，鐘未毁，但時間的觀念已不再精確。從前要爭取，要奔波，要趕忙，怕遲到，更怕遲到而惹來的橫禍。既已失戀，何必趕？輕鬆多了。
2. 你沒有空間了
　　哪有地方好去？你不但開始真正認識甚麼是 "牆"，你還發現牆上有一小點蚊的血漬子。前後左右上下夾攻，你能抱頭屈膝作出一個哲學家雕像姿態過夜。然後驀然發掘自己的潛質，一顆新星誕生了。
3. 你沒有敵人了
　　那拋棄你的人已是最痛恨的敵人，但二人的關係割裂，當然一了百了落得清靜。你們甚至不會再見。
4. 你沒有朋友了
　　"久病床前無孝子"。繼續呻吟，誰來看你？來是人情，不來是道理。－－多半只來一次。於是你更加逍遙自在地舐傷口，準備重出江湖。
5. 你沒有女人了
　　某個同性看不上的男人，其他同性也迅速離枱三尺，以觀後效。所以你的形而上和形而下，都養精蓄銳，自愛，自重，自保，或者移情去孝順阿媽。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"小姐, 請問你要什麼？"
"我要到陰間去。"
"先登記預訂。寫下姓名地址電話，等我們通知。收費二元五角。"
"可揀就腳之處嗎？"
"你寫明呢。但要輪候，若多人登記則以先後為序。還要不要別的？"
"不。我只要到陰間去。OK 時請通知我。"

...........

事實：
"到陰間去"
衞斯理著
勤 + 緣出版社發行
每本售價四十五元
其時地點為香港某圖書館

>>December 26, 2003 at 7:21:38 PM GMT+8

2003 年 12 月 24 日 星期三 【晴】

成日 "吽" 響屋企
一起身就開 ICQ
之後就打機
一打就打到天昏地暗
一路打機, 仲一路練阮
由完全唔識玩阮 (無練太耐, D 神經抽晒筋, 又要從新開始), 到開始記得點玩
一共浪費左我三個鐘！！
所以話經常練習係保持水準既唯一途徑
食榖種 (好似我呢 D 人懶練琴, 成日諗住用以前既努力換取宜家既懶惰) 必死無疑
尤其你將要玩 concerto 既時候
我要努力, 保持最佳狀態
希望可以響四月九號發揮正常

不過我好怪架
練阮練得一輪
技巧係有進步, 但係感覺就會退步
可能係太專心練技術掛.......
反而隔一排先練
技術上係退步左, 但係感覺就進步
所以我練琴既情況通常都會係咁：
練黎練去 D 感覺都無提升就唔練
隔一排, 休息一下, 順便聽下其他音樂 (多數都係流行曲, 但係都有 D 西樂既....)
等我有心機再拎起個阮既時候
多數都係我好掛住個阮, 同想睇下隔左一排, 我 D 風格會唔會唔同左
好似今次咁, 我就覺得自己粗暴左
變到果時好似玩 "滿江紅" 咁
不過都仲要觀察下進度
可能遲 D 會唔同架~~~~

好相信凡事都有起伏
海有潮汐, 國有興亡
音樂也會有高低點
高點時練習, 低點時吸收培養
就是我的練習模式

練阮練得耐
都算係有 D 收獲既
起碼代表我既中學生活沒有白過
雖然讀書成績不堪
但總算是有一個愉快的學習環境
有一群有共同目標的朋友
爭吵總是難免
卻令人難以割捨...........

人要成長
成長的代價可是快樂..............

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聖誕快樂！

快樂是最貪心的祝福
它包含了所有的令人滿足的祝福
加上人對現在及未來的的盼望
聖誕快樂？
我不敢奢望
我只想在我身邊, 有 "你" 跟我分享

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在我身邊

患難共渡勝於一切誓辭
同甘苦走過這一輩子
萬物盡換愛心堅信未移
全因手中介指
來又去年和月　仍願笑著說
活每一天意倦力疲　但我身邊有你

大地上若有天走到盡頭
求這刻跟你可手挽手
自在淡薄再一起去回眸
昨日曾經辛苦去走
情共愛　成和就
全部也盡有
活每一天也像傳奇　在我身邊有你

情劃破世紀
找到愛的真理
愛願能愛直至死
曾經的一切　只因你永未忘記

來又去年和月　仍願笑著說
活每一天意倦力疲　但我身邊有你
活每一天也像傳奇　在我身邊有你

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"你" 不代表係任何女性
"你" 可以是男性
只是我需要你們的陪伴
沒有你們分享及我的喜悅
我可真的十分寂寞
說真的
我現在可沒有心上人
從前有的, 早已成過去了
繼續為未來生努力................訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
心上人

琴聲彷彿哭泣了
如泣似歌歡欣已轉調
愁緒夜裡舞動 留下嘆息不少
當天美麗盡抹掉

明知痴戀多不智
如水眼波掩飾了暗示
仍會為你每日 琴畔奏出心曲
譜寫美麗際遇

這個夜為你暗中著迷
夜裡敲著琴 情懷沒法放低
真掛念是你笑得自然
怎知一切盡改變

心緒亂 念記起心上人
夜裡敲著琴 仍然願意再等
心裡面 沒法再想別人
縱使心有淚飄近

>>December 25, 2003 at 5:09:52 PM GMT+8