2003 年 12 月 13 日 星期六 【晴】

今日真係好唔掂
明明叫左阿一叫我起身
但係佢打畀我既時候
我竟然叫我家姐同佢講我仲訓緊, 仲衰到要佢講話叫我唔醒
不過最後都係聽左個電話再訓

借左學校圖書館既 reserve book 返屋企
規矩寫明要第二朝早九點半還
唔係就要罰每個鐘二蚊
結果.....
我豪左六蚊畀圖書館..............

今日既狀態可謂不堪
無乜進展之餘
仲可以得閒到借閒書睇
最恐怖都係我又借爆左我張圖書證
要問阿一借佢一個位借書

頹廢的人
做頹廢的事
平時叫人積極
但係自己就好頹
點解？
潛意識想將自己推去懸崖邊
仲要係心甘情願去做
唉...........
我呢種人都係無藥可救咯.......

阿一 "三點式" 溫書
溫溫下書去打波
之後仲要借 D 碟畀人添
不過佢星期五先考第二科, 豪得起
而我...
星期二就死啦~~~~~~~~~~~~

五點幾又上左 reserve coll 借左本 reserve book
都無諗過聽日可以準時還到
搞到 reserve coll 變左租書店咁....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同花姐凌晨的 ICQ
見到佢之前既 INFO
先記得我曾經講過以下的話：

時間的流動把一切推到過去
從前的一切一切便已成幻象
(03-08-2003)

仲記得當時寫左以下的野：

世事如此, 但求隨心
祝萬匯一同老拎可以長長久久

估唔到事隔唔夠半年
一切已經改變……..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我愛上　讓我奮不顧身的一個人
我以為　這就是我所追求的世界
然而橫衝直撞　被誤解被騙
是否成人的世界背後　總有殘缺

我走在　每天必須面對的分岔路
我懷念　過去單純美好的小幸福
愛總是讓人哭　讓人覺得不滿足
天空很大卻看不清楚　好孤獨

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
害怕
作詞、作曲：深白色

忘　我沒有很努力要自己去遺忘
那些和日記一起收藏的過往
孤單在思緒之中變得很漫長

想　我沒有很刻意讓自己不去想
那些和照片一起靜止的模樣
我學著堅強　堅強到不用學著不想　學著遺忘

還是害怕夜深人靜時總想起你
還是害怕不經意的聽見你的消息
然而當愛已經沉澱得太清晰
當擁有已經是失去　就勇敢的放棄

還是會害怕一個人時就很難忘記
還是害怕突然寧願當初沒有決定
然而當愛最後的出口是分離
我會這麼相信　走下去

忘　我沒有很努力要自己去遺忘　遺忘

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有個小五學生寫左一首打油詩
我將佢改左做 Choir 版本
效果都真係唔錯
其實除左 Choir 之外, YCO 版都得架

Choir 女生一回頭, 嚇死河邊果隻牛
Choir 女生二回頭, 全校男生一齊嘔
Choir 女生三回頭, 全球色魔齊跳樓
Choir 女生四回頭, 黃河從此不再流
Choir 女生五回頭, 大慶油田不出油
Choir 女生六回頭, 浮游生物不浮游
Choir 女生七回頭, 碧咸轉打乒乓球
Choir 女生八回頭, 和尚洗頭用飄柔
Choir 女生九回頭, 豬扒侵佔我地頭
Choir 女生十回頭, 人人逃離這地球

>>December 14, 2003 at 5:29:06 PM GMT+8

2003 年 12 月 12 日 星期五 【晴】

五點幾先訓
又係打機.....
不過尋日先炒左一科
當散下心咯...

起身
返 poly 溫書
溫到五點幾, 去左 music room 練 "弄影"
我真係唔知鄧樂妍想點
都唔知佢作乜！？
我一定寫唔到新派歌
亦唔會寫
驚我寫左出黎都唔明

練完我, 阿一同小澤延三個去唯一食飯
食完就返屋企再食飯
開工！

>>December 13, 2003 at 3:18:22 PM GMT+8

2003 年 12 月 11 日 星期四 【晴】

今日考試
但係都可以打機 & 同人 icq 到四點幾
真係強橫到無人有....
不過都聽到 D 搞笑野

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
事例一：

背景：我 = 當事人, 某人想追求 "我"

當事人的口供：
當時係...成班人食飯.. 咁我已經坐開d 啦...
點知去完washroom..調左位lor....
之後..成班人就狂講... 佢地用埋暗喻.不過人人都聽得明lor....
咁..我就忍唔住話.. 呢個比喻呢...都無咩可能ga 喇..
佢地嚇到全部望住我...然後就話食野....
你都估到啦...

結果：
個男仔.黑面好惡呢...
成晚都無講野呀.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
事例二：

背景：今次係 "我" 既同學, 佢係追求者
佢已經摺個n 朵花..在情人節俾我同學啦..
日日提供各式各樣零食(我同學好鐘意食野ga)
定時送糖水呀.. 飲品..
仲有自己{tsa]"的puzzle..

當事人的口供：
我同學甩鞋strings.. 佢二話不說..立即[樽] 下幫佢{bon} 呀...

結果：
都係唔得呢..

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
分析結果：

當事人既口供：
我的意思係..
如果我鍾意一個男仔..基本上佢唔駛點特別做好多野.我見到佢都會好開心..
但如果我唔鍾意的話..佢做咁多野..我只會怕左佢...

所以話, 大家成日猜猜度度係無用架
如果個女仔鍾意你, 你根本唔使做太多野
相反, 佢唔鍾意你, 你做再多野都無用
希望有 D 人可以放得開, 想得通啦....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
又係十二點幾.....
但係我仲好悠閒咁沖涼換衫
點解考試都可以咁舒服？
原因有二：
1. 考試係夜晚考 (18:30 -- 21:30)
2. 行將就木的人心境特別平靜....

點幾返到 poly
溫到五點半
叫左阿一陪我食飯
hae 左一陣
就步入戰場....唔係, 廚房至真....
聽 "炒" 嘛！

一如所料
炒左
唉..........
尋晚仲同人講話今年 GPA 過三的人一定有我份添....

算！
炒左一科
仲有四科............等炒....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
考試的心水歌

今天等我來　　陳奕迅
　
聽別人故事 如何的春風得意 也是人故事
我要走他鄉一次 寫故事一次
或是真真的不易 都想試一試

去吧 前去吧 沿途雖風霜冰冷
去吧 前去吧 縱使風吹得多猛
仍然要去闖怎都不怕
告世間昂然地我復還

今天等我來 就讓我誠懇的心 把心聲傳來
大門若已開 若然是你在
願你聽到這個旅客原已歸來

今天等我來 就讓這游子的心寫出好題材
大門若隔開 分隔開
願我聲音跨障礙 令到相識不多的這主題變精彩
(當年人 孤單成行 彷如塵 空中浮沉 我要真的決心)

去吧 回去吧 從前的小子不怕
去吧 回去吧 我要使家鄉驚歎
何時也要闖 闖出璀璨
告世間昂然地我復還

>>December 15, 2003 at 1:19:43 PM GMT+8

2003 年 12 月 10 日 星期三 【晴】

本來諗住今日可以早 D 起身
點知....
一起身就十一點幾
之後又覺得好鬼眼訓
去左阿爸間房再訓過
十二點半先起身....

返學
溫書
溫溫下書阿大無啦啦打左兩次電話黎
但係又收唔到佢講乜
於是我就靜觀其變, 諗住佢無耐就會搵番我

一路靜觀其變, 我就一路溫書
點知一觀就觀左半粒鐘
佢都仲未搵番我 (其實係我溫到傻左, 唔記得左搵番佢...)
我就行去 music room 睇下撞唔撞到佢
落到去, 淨係見到關明, 同一大班唔知乜野人
班人超嘈, 難得關明仲可以溫到書
想用手機打畀阿大
先至驚覺自己漏左部手機響 library
於是就飛奔返去 library

走到落一樓
咁都撞到阿大？！
都唔知係好彩定唔好彩
佢要搵我既原因, 原來係要 download D past paper
唔係掛？！
讀左成年書, 連 past paper 都唔識 download？！
幫幫下佢 print past paper, 阿一無啦啦出現
仲同我講佢今日科野炒左添...

好有兔死狐悲既感覺

今夕吾軀歸故土
他朝君體也相同.......

太悲啦
加上今日家姐生日 (舊曆)
所以早 D 返屋企
六點就唔溫書
但係響離開 library 途中
因為掛住睇梁羽生, 搞到七點先離開 poly....

點算~~~~~~~
死梗.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇阿一的日記, 咁都畀我諗到寫野既題材
所以小思話, "靈感係來自生活" 係無錯既！

原文如下：
一首很感性的歌, 很想跟jay唱一遍, 但太高音了.....=.='' 。
唯有聽著, 訓著, 慢慢的學習放棄。

人生許多的不如意
在心裏歷久不衰
漸漸, 成了往事, 成了回憶
小時候, 我很愛唱歌, 也唱得不俗
但仍常以唱不到張學友沉鬱磁性的歌聲為憾
長大了, 嗓子變了, 唱到低音, 卻又因失去了對高音的收放自如為憾

無奈, 是現實的別稱
註釋現實的同時, 我們又經歷了一遍又一遍的無奈

聽著 King's Singers 的歌聲
想著將要上台演唱他們的歌
無奈的感覺加倍......

從前童年不知為何唱不到低音
歇力要使自己唱到
現在明白聲帶跟我一起成長, 怎麼也唱不到像以往自然的高音
無奈
但從前的不成功, 令我學習了怎樣放棄
唯有放棄

放棄也要學習
因為：
1. 放棄也得有勇氣
2. 放棄也得有力氣
3. 放棄也得有運氣

面對每項挑戰, 每份責任, 每種誘惑
如果從未學習過怎樣放棄的話
就如股市狂瀉時仍舊堅持著說：
"我在它二十元一手時買下, 現在它還不足二毫一手, 我又怎可以放棄？"

學習放棄
就像學習怎樣去學習般荒謬
但原來我們對一種東西愈執著, 放棄的能力就隨之下降
只要有所執著
就不懂放棄

甲好佛, 自信早已心無罣礙
甲跟和尚道："我的心頭早已是不掛一絲了。"
和尚不應。過了半�, 和尚問："不掛什麼？"
甲傲然地道："一絲。"
和尚淡淡地道："你還不是掛了一絲。"

放下了的人
不會早晚提醒自己需要放下
也不會早晚提醒自己早已放下

>>December 11, 2003 at 3:59:02 PM GMT+8

2003 年 12 月 9 日 星期二 【晴】

十一點幾先起身
出門口去 poly 溫書
星期五要考試啦~~~~~~~~~~

去左 library 溫
坐響 podium 度, 但係溫左一陣阿一就到
之後一齊落 ground floor 搵位 (好似飲茶咁...)
一點至三點我地都好熱心咁溫書
但係過左三點我就開始頹
同佢去 music room 想練木琴
點知阿大響度
仲話搵左我成日我都唔聽佢電話
唔係掛~~~~

同佢傾 ticketing D 野
阿一就無聊到走左
傾到咁上下 (五點度)
我, 阿一, sodium 同傑四條友就一齊去新 can 食下午茶
但係因為見到 D 檸檬雞實在太吸引
最後我地都係忍唔住口
五點鐘就食飯~~~~~~

食完都係五點半
之後就返去繼續溫書
溫到十一點先走

返到屋企
連機都無打就訓
希望聽日可以早 D 起身啦~~~~~~~~

>>December 11, 2003 at 12:11:14 PM GMT+8

2003 年 12 月 8 日 星期一 【晴】

為左 YCO 表演
我放棄左個考試前既 make up class
點知.....

五點半先訓
老豆都出左門口, 我先肯唔打機......
唉..............
九點幾起身去聽左個無聊人打黎既電話 (因為一聽佢就收線, 條友仲要打左幾日都唔厭添...)
又再訓過
再次起身既時候已經係一點半咯......

起身
再打機
目的係要令自己打到悶, 打到唔想打
咁我就可以專心溫書咯 (個藉口幾好.........)

打到三點
出門口
今日要去沙田文化博物館表演
因為唔識去既關係
尋日已經問左阿一點去
之前又問過某 D 沙官友 (邊 D？仲有邊個呀....) 點去
但係都唔放心, 都係帶左本地圖出門口
保險 D 嘛！

搭火車搭到沙田
準備落車既時候
望到坐響度果條友好熟口面
於是我成個頭伸左埋果條友度
果然無認錯, 係肥婆
好耐無見
唔係要趕時間落車, 我真係會同佢坐去大學吹水
(根據事後佢透露今日要返去考試, 難怪佢肯響火車度溫書啦
之前驚認錯既主因就係佢肯溫書嘛...)

原來沙官真係響文化博物館隔離
難怪 DeViL 會話佢唔會唔識啦
不過間野都真係幾大
點解我知？
因為我圍繞左佢一個圈先行到去佢個正門呀嘛....
陰功~~~~~
T _ T

去到得陳沛倫一個到左
幫幫下手搬野
過左一陣, 都見唔到有中阮
問下肥仔曾, 佢話無出中阮
要我返沙田 MO 攞
無奈......
好彩架的士無跳錶O者...

今日既表演
我地完完全全係配角
主角係一 D 畫家
我地就係要響佢地畫畫期間伴奏
都未玩晒 D 歌佢地就夠鐘呀~~~~
最慘既係
何生咁難得可以指晒成場
但係我地玩完 D 歌之後, 連一個觀眾都無留響度, 更加唔好講係掌聲呀
D 工作人員仲要開始清場

五分鐘之內要我地清場
所謂既茶點仲要 D 人參觀完個展覽先有得食
所以我, 謝子, SMC 同陳沛倫都好晨早就走左
有個職員問我地做乜唔參觀下
我就答左佢："有呀！我地有參觀過........架 lift 架！"
跟住就飛奔左咯

放棄左個 Make up class 玩 D 咁既表演
如果唔係何生指, 我一定會好唔高興
宜家咪當陪何生一齊玩咯

陳沛倫因是夜要睇曼聯既關係所以早走
我地三個就去左打機
順便等阿一返沙田
之後食飯
飯後又陪阿一漫步回家
今次我地不斷響途中講賤野
唔似上次咁
上次阿一就成程唔開心, 仲眼泛淚光
今次就成程都笑
笑下就好啦
起碼識笑嘛~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
人人常歡笑 不要眼淚掉
時時懷希望 不必心裡跳
在那人世間 相助 共濟
應知人間小得俏
世界真細小小小
小得真奇妙妙妙
實在真係細世界
嬌小而妙俏

又有陽光照 兼有朗月耀
良朋同歡聚 相依相對笑
萬里難隔阻 心裡情長照
應知人間小得俏
世界真細小小小
小得真奇妙妙妙
實在真係細世界
嬌小而妙俏

希望人人每日都笑啦

>>December 9, 2003 at 5:48:32 PM GMT+8

2003 年 12 月 7 日 星期日 【晴】

返學
開會
溫書
咁就一日

不過都有下文既
就係打機打到五點啦

>>December 9, 2003 at 5:50:33 PM GMT+8

2003 年 12 月 6 日 星期六 【晴】

十二點幾先起身
所以又唔可以同阿一一齊返 poly 溫書
本來都想早 D 出門口
點知老豆開左部好鬼好睇既戲
搞到我三點先出門口

唔知點解
每逢我考試既時間
我老豆都好鍾意開 D 好睇既戲
好似特登要考驗我咁
我就永遠都畀佢引誘到
我既集中力同恒心.........
唉.........

練完中樂, 又要開會
上天真係對我不薄咯....

開完會食飯
飯後本來想做功課
點知變左聽人彈琴
彈完仲去左食糖水~~~~~~~~

食完糖水都成二點幾
都係返屋企先做功課
不過返到屋企
望到家姐霸住部電腦
心中暗嘆左句："今次大鑊咯...."

咁即係聽朝要早 D 起身做功課啦...

>>December 8, 2003 at 9:14:47 PM GMT+8

2003 年 12 月 5 日 星期五 【晴】

禮拜六, 無節目...

響 hall 度出番黎
好攰
雖然唔係通頂
但係都成五點先訓
有 D 頂唔順

番到屋企
睇完本書
終於忍唔住訓
一訓就訓到六點幾
連晏都無食

食完晚飯又訓
今日仲訓得多過平時
好少有
就當係為考試做準備啦

>>December 8, 2003 at 8:45:24 PM GMT+8

2003 年 12 月 4 日 星期四 【晴】

好眼訓
但係尋晚都唔知點解會咁夜先訓
本來諗住做功課, 點知做做下會變左玩 icq 同打機...
我咁點考試呀~~~~~~~~~~~~~~~~~~~~~~~~~~~~~~~~~~

八點半堂, 八點起身
都趕得切返poly
但係就要地鐵轉火車
今日要搭三程火車呀
無車錢呀~~~~~

上左 joseph 既堂
佢今日講左超多野
搞到我一次過將之前失去左既記憶都可以回歸大腦
實在太強啦
不過下個星期仲要 test........
都唔明點解考考下試都仲可以有 test....

下晝去左量地
一個下晝量左一個 sem 要量既地
望鏡望到我眼都盲
超疲累....

準時返 YCO
呢個 sem 都未試過有 D 咁神奇既事
但係我準時既結果係徐英輝指.......
早知唔咁準時啦
本來我都係以為羅秀雯會返 poly 練 solo 我先咁早返之嘛
點知佢今日會唔練 O者....

練完, 去左唯一食餡餅
之後就返左 poly
會合左阿大同阿然, 就一齊出發去 hall "屈蛇"

hae 左好耐
發現原來我地都無乜傾要傾既野
做左 D 原本可以響屋企做既野
好 side 時間...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
沒志氣我未配你
眼看他將帶走你
我亦淪落到遊戲都玩不起

能重生　心必先要死

變了
你我就在瞬間淡了
離別了 但至少 趁身邊想我笑
我笑
算了
淡了.........

從此 踏入二時差一點
一屋閃爍的光線 讓你估我這夜失眠
無論彼此怎樣變
回憶總會留低這光線償還無限虧欠

>>December 6, 2003 at 4:53:07 PM GMT+8