2004 年 3 月 12 日 星期五 【晴】

hae 左一日
無聊得好攰......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十一點未夠就醒
算係幾早起身
一起身就開電腦
打機？！
梗係唔係啦
做功課呀
尋日見到交功課既時間咁緊迫
梗係要爭取時間做左 D 輕鬆 D 既功課先啦

寫完一篇英文既覆投訴信之後就頹
瘋狂打機時間正式開始

打機
食飯
繼練打機
太頹廢啦
連我自己都接受唔到
所以打打下機走左去練阮

之前成日練都係練唔番以前好輕鬆既右手
尋日響 YCO 教 "拔萃第一阮" 點用指甲彈琴
自己講講下畀佢聽先至忽然諗到：
"係噃, 咁彈咪得咯！"
無啦啦就解決左呢個問題
今日實踐下我既理論先

果然無錯
以前點解練得咁輕鬆？
除左練得多之外, 練得其法係好緊要既
前果排練琴, 每條弦都練五分鐘
但係都係練唔好
唔係因為練得唔夠 (雖然一曝十寒既練琴方式係我既致命傷, 但係以前既我都無問題....)
而係方法問題
我用右手既方法都唔對路
所以練咁耐都無用

今日用番正確既方法練
果然係輕鬆左好多
所以每條弦練左三分鐘就唔練咯
直接開波

唔係好慣用正確既方法彈添
少練琴真係麻煩
同時發現用指甲彈阮既另外一個壞處
帶既位置, 縛膠布既鬆緊度都直接影響表現
咁即係話
每一次戴指甲都唔同
好難做到 Quality Control
唯有靠經驗........

面對左部電腦成日
對到個樣變得面目猙獰.........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
有一次飛機失事, 在荒島上墮毀
機上的人全部安然無恙
但經過一次空難
所有人的心靈皆感到異常空虛
大家都爭先恐後的向全機唯一的心理醫生傾訴
過了一個星期
大家在荒島的某角落發現自殺身亡的心理醫生....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
在往日曾迷醉，醉於空虛夢裡。
沒有分真假，只盼得樂趣，廢盡韶華卻淚垂。
自遇見你，心除掉空虛，尋著你、快樂永隨。
重拾熱愛、盼望，讓愁悶別去，隨著你絕無後退。

原本係聖詩
改左 "您" 字變成 "你" 字
感覺唔同左好多添~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇到一個故事
有 D 感動添~~

A GIFT

A young man was getting ready to graduate from college. For many months he
had admired a beautiful sports car in a dealer's showroom, and knowing his
father could well afford it, he told him that was all he wanted.

As Graduation Day approached, the young man awaited signs that his father
had purchased the car. Finally, on the morning of his graduation his father
called him into his private study. His father told him how proud he was to
have such a fine son, and told him how much he loved him. He handed his son
a beautifully wrapped gift box.

Curious, but somewhat disappointed the young man opened the box and found a
lovely, leather-bound Bible. Angrily, he raised his voice at! his father
and said, "With all your money, you give me a Bible?" and stormed out of
the house, leaving the holy book.

Many years passed and the young man was very successful in business.

He had a beautiful home and wonderful family, but realized his father was
very old, and thought perhaps he should go to him. He had not seen him
since that graduation day. Before he could make arrangements, he received a
telegram telling him his father had passed away, and willed all of his
possessions to his son. He needed to come home immediately and take care of
things.

When he arrived at his father's house, sudden sadness and regret filled his
heart. He began to search his father's important papers and saw the still
new Bible, just as he had left it years ago. With tears, he opened the
Bible, and began to turn the pages. As he read those words, a car key
dropped from an envelope taped behind the bible.

It had a tag with the dealer's name, the same dealer who had the sports car
he had desired. On the tag was the date of his graduation, and the words
... PAID IN FULL.

How many times do we miss our blessings because they are not packaged as we
expected? If this touched your heart, please pass it on.

>>March 13, 2004 at 5:09:23 PM GMT+8

2004 年 3 月 11 日 星期四 【晴】

田徑王國, 唯我拔萃！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日好眼訓呀~~~~~~~~~~~~~~
兩點幾先做完份 Essay
加上頹左咁多日
好攰
本來預左今朝八點幾起身
但係都失敗左
九點半先醒

為左今日見工
特登著左件恤衫
不過褲仍然係牛仔褲
上堂嘛
見既又唔係 D 要著 suit 既工...

早左出門口
可以選擇唔轉火車返學
但係時間就趕 D (轉就可以早 D 返到 poly, 唔轉就十點半 arm arm 好返到 poly)
最後因為 "水乾" 關係
都係唔轉

一由佐敦地鐵站行出黎
阿一就打畀我
叫我開 music room 門畀佢喎
我問佢做乜, 佢就話有緊要事要用鋼琴
畀佢用琴, 我就一定要留響 music room
(music room 規矩 1：一定要有莊員響度, 先可以畀其他人入黎)
我就快就上堂咯喎.........
算！
遲少少先上堂
畀佢練一陣琴啦

入到 music room
佢有佢練琴, 我就走上 Helen 房 print 番份 Essay 出黎
其實都有 D 擔心會有 choir 走入 music room + 唔畀阿一用琴
(music room 規矩 2：除 choir member 外, 他人不得擅用鋼琴)
一落番去, 見到盈盈響間房度
就知道大鑊.....
阿一走左去開中樂櫃門拖延時間
搞左好耐盈盈先走
臨走佢叫我過去, 想同我講野
都明佢講乜咯.......

如果唔係阿一要練琴今晚喪禮用
我一定唔會畀佢咁用部鋼琴啦
做左一次 choir 既叛徒添.....

畀佢練到十一點先走
遲左半個鐘上堂呀~~~~~~~~~~~~~~~~~~~~~~~~~~~~~~~

上堂
好快就上完堂
咁就放學咯....
返左 music room hae
順手練下新 print 出黎既 "必殺技" 琴譜
雖然係 G 調, 但係都有 D 難度
又要練下咯....
等到咁上下, 去左 library 還書 + 借書
之後就出發去旺角見工

去到旺角政府合署
等左半個鐘
In 左幾分鐘
有 D 唔抵添~~~

無地方去
返上 DB
今日係 Interschool Athletics Final
無時間去灣仔打氣
返去 DB 支持下都好
入到國樂室
見到一班細佬走堂練野
果班細佬都唔係個個認得我
老咯....................

四點蔡 7A就 send 左一個 message 黎
Grand Slam
之前仲講緊 B grade 差成廿分
咁快就 Grand Slam？！
有 D 唔信添
打畀蔡 7A
佢話賽事未完
但係就算我地之後既賽事全部包尾都 Grand Slam 梗
實在太勁啦~~~~~~~~~~~

hae 左一陣
早 D 去沙田圖書館
睇書 + 借書
好耐無試過有 D 咁既閒情咯.....

返 YCO
今日中阮終於人齊啦~~~~~~~~~~~~~~

練完去左 "※O"
同謝夾左個好唔飽既桶
個桶無野飲
所以之後去左惠康買左一盒一公升既麥精黎飲
好飽......

返到屋企打機
收到個 message, 裏面詳細地紀錄左之後要交既功課既 "死線"
得到一個結論：
下星期忙死.........................................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
蜜蜂

就像一股神秘的力量　妳活在我生命的中央
我願一生繞著妳打轉　到最後一秒也無妨
我太渺小卑微　妳有太多愛簇擁身邊
對妳我只會奉獻　給了就算完美

今生只為妳呼吸　是宿命　我願意
辛苦時想起妳　都是鼓勵
就算葬身在冬天裡
翅膀已停息　被忘記　也甘心
至少在我心裡　全心全意我愛過妳
妳可以　不在意
我可以　不在意
自己

>>March 13, 2004 at 3:45:09 AM GMT+8

2004 年 3 月 10 日 星期三 【晴】

好悶................
好懶................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝有一堂九點鐘上既堂
十一點落堂
我十點三先起身
就算即刻飛番 poly 都係聽得幾個字
所以最後都無上果堂
勁懶................

朝早好得閒咁響屋企
居然顧住打機唔做功課
聽日仲要交兩份野添
真係好懶

上網睇下要交 D 乜
發現 Joseph 好好人咁延遲左一份 assignment 既 "死線"
咁我咪可以專心做一份野咯
Yeah~~~~~~~~~~~~
由於多左時間既關係
所以最後都係用左 D 時間黎打機....

食飯時間
小倩打左個電話畀我
話下晝會同我傾點做份 assignment
無奈
唯有返 poly 啦...

行到 poly 門口
接近四點
收到小倩既電話
佢問我有 D 乜野要交
我一路行一路報告畀佢聽
行行下佢就走到我面前咯
原來佢今日要學琴 (考八級鋼琴喎)
所以要走先
仲話一陣唔會返 poly

咁即係玩我O者.........................

唔想返都返左去
無理由咁快返屋企架嘛
去 music room 練琴
超唔掂
又唔識點樣 roll 啦
咁既狀態, 點出表演呀~~~~~~~~~~~~~~~~~

練練下野肥 B 走入黎
咁就結束左我既練琴咯
佢專登走入黎買 AP 既 VCD, 同埋睇下晒邊 D 相 (AP 映既相)
同佢一齊睇相
睇左成廿本相簿
佢睇完都差唔多六點咯

佢走左之後就輪到我睇晒乜相好
揀完就走

返到屋企繼續做野
一路做野一路覺得好悶
好想搵人同我吹水呀~~~~~~~
所以不斷煩住肥仔同阿一

食飯
做野
不斷做呢 D 惱人既工作
好悶呀~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
前幾日睇左汪汪既日記
內容如下：

Monday, Jan 19 2004, 02:00:32 AM

冷冷的冷雨夜我忽然想起這個然後在Google上找到它的全部...

《小雨中的回憶》（民歌）

我時常漫步在小雨裡，
在小雨中尋覓。
小雨像一首飄逸的小詩，
常縈繞在我心裡。
在沒人的雨中更顯得孤寂，
但我臉上並不流露出痕跡。
每當小雨飄過，
總喚起我的回憶。

I remember that I've sing it before when I was in 沙田兒童合唱團...
but I for got nearly all the lyrics except the first sentence...
但我很清淅的記得那melody...如在昨日...

有些事, 平常不會常常記起
一些偶發的小事
便令人勾起很久以前封了塵的回憶

記得我也曾唱過這首歌
那是我最後幾年唱兒童合唱團的事了
那時日子過得愈來愈悶
我也從黃毛小子變成了半成熟的小夥子
往時熟悉的臉孔早已離開了
我成為留團最久的人

從前唱歌只為唱歌
很少了解箇中的意義
所以我對這歌沒有什麼印象
如果不是汪汪的日記
我也記不起我曾唱過這歌

歌的旋律早就忘掉了
但從前的日子還是烙在我心中
磨不掉, 剪不去

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幾米《你們我們他們》

打電話給她嗎？
還是畫一張小卡片？
或是乾脆直接去找她？
她會被我嚇一跳嗎？

她會打電話來嗎？
她會想我嗎？
她會寫信給我嗎？

還是她根本就不在乎我？

花為甚麼不香了？
風為甚麼不吹了？
我為甚麼老是感到心神不寧？

難道她真的不想我嗎？
要打電話給她嗎？
還是畫一張小卡片？

還是....................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
切中要害
道破了所有患得患失的人的心情
不過
雁還沒有打下來, 就跟人爭論紅燒好還是清蒸好
未免有點幼稚

>>March 11, 2004 at 3:40:34 PM GMT+8

2004 年 3 月 9 日 星期二 【晴】

To：一
前一陣子的辛苦, 相信你不會忘記
你的經歷, 令一眾朋友也為你難過
現在總算是苦盡甘來
好好珍惜
機會可不是常有的
無論如何
你身邊總有一班朋友支持你, 尊重你的決定

共勉之

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
本來今日係 dayoff
但係尋日同小倩傾 Deformation 既野
最後都係要聽日返去一齊搞
既然係咁
咪唔走朝早果堂 seminar 咯
(走既原因, 最主要係因為果 seminar 九點鐘開始
點起得切身呀~~~~~~~)

尋日我都同佢講左今日可能唔知醒
果然
個 Seminar 九點開始, 我九點先起身......

九點半先返到 poly
響火車撞到佐治
佢又係遲到
一齊入 lecture room 都無咁尷尬....

受騙
個 Seminar 完完全全浪費我既時間
太無聊啦
佢成日都響度話佢曾經鬧過人
又自誇屋企有幾部好準既 "鏡" .....
除左開頭有聽佢講野之外
其餘既時間我唔係睇書就係訓覺
早知訓多陣好過啦~~~~~~~~~~~~~~

成班人去 Computer Lab. 搞 Deformation 既 data
搞到十二點幾先至完成左一半
打 Datat 打得好唔小心
搞到好大 error
好彩最後都成功 Run 到

同成班食飯
好耐都未試過同佢地食飯咯
上個 sem (除左去 Camp ) 基本上我同佢地既聯絡就係平時上堂時間既搭訕
脫左節咁耐
同佢地完全無話題添....

下晝繼續執 data
終於大功告成
差 D 事後工作咋.....

走去荃灣
今日係 Hugo 決賽既大喜日子
雖然我地都估到名次
但係都要聽下

臨出發打畀阿一
佢話佢響太古搭緊地鐵
嘻嘻又話佢搭緊地鐵
但係我仲響 poly 喎
咁咪遲佢地好多？？

去到荃灣大會堂
未入得房
大夥兒都響門口等

見到蟹妹
佢又肥左啦
肥到我忍唔住話佢好肥
搞到佢打左我好多鑊......
但係阿一同嘻嘻都未到
打畀阿一, 佢話仲響中環
嘻嘻打完機先到

肥仔畀左佢 mock 果份 Hist. 答案卷我睇
八十分？！
邊有可能咁高分呀~~~~~~~
如果佢 AL 都可以有 80 分
佢就 A 梗咯....

趙慶中話等陣入到房畀 D 野我
包我見到開心
搞到我好疑惑
唔通佢想送錢過我使？？

可以入房
佢畀左一包野我
我一打開, 原來係一盒劉波 solo 既錄音帶
好難得搵到
多謝晒 ^^

正式聽歌
佢地既出場次序
令我懷疑究竟出場次序係唔係根據佢地初賽既分數黎決定....

首先係琵琶
好悶
都唔明佢點解可以贏到羅樂妍入 final
琵琶既音量居然只係得 p 至 mp
快得黎又唔激昂, 慢得黎又沉悶
完全無驚喜
如果佢唔係第一個人玩, 我一定會訓著....

之後係司徒健
二泉映月一如估計地玩得唔太好
仲以為今日失意二胡深造, 會令佢拉得有多 D 蒼桑感覺
秦腔都係拉得麻麻
拉到第三個音都會出現狼音
之後又同周振聲唔夾
好彩周振聲都曉得執生
不過佢秦腔一開頭拉得唔錯架
起碼我聽得出有多少秦川風格呀
但係無論如何
佢既音響效果 (即係大細聲) 都真係唔突出
場地問題？樂器問題？

之後係 "掘" 機既笛子
今日稍為失準
有 D 失望
玩 "二凡" 既時候, 三個敲擊, 兩個都係廢既
得梁正傑既板鼓支撐住
萬年紅仲慘
吹吹下居然同肥仔初賽一樣
唇下出汗, 差 D 吹到甩嘴
好彩咁 arm 有空位畀佢抹乾 D 汗咋

王直上台講野
阿一就響台下分析佢講既野
第一段一定係話是次比賽既項目係 "XX" 中既最高層次既比賽
咁又 arm 喎
上次 Hugo 初賽佢又係咁講, 作曲佢又係咁講
結果不負眾望
佢今日都係咁講
但係佢今日講左好少廢話就頒獎
搞到阿一未分析完就無得講落去咯....

笛子除左得到冠軍之外
亦得到 "全場最有音響效果" 獎
個獎係我頒既
不過既無獎金, 又無獎品O者.....

三個老鬼 (嘻嘻, 阿一, 我) + 一個將成為老鬼既肥仔去吉野家食飯
之後去打機
打到十點先返屋企

返到屋企
食左兩碗飯
之後一路食沙律一路打日記
我會唔會變肥仔呢？？

>>March 10, 2004 at 4:51:19 PM GMT+8

2004 年 3 月 8 日 星期一 【晴】

今日九點半要上堂
我居然八點半未到就自己醒左
唔通我努力左？
可能尋日早訓掛 (兩點半未夠就訓左)
無論點樣
我都好開心
因為好耐都無試過自己可以訓醒咯~~~~~

今日要上英文 seminar
由於我已經走左七個鐘既關係
唔係全部 hae 走架
開學第一日要看 ticket selling counter 走左兩個鐘
上兩個星期, 一日要去比賽, 一日要去睇比賽, 一共走左四個鐘
再加某一個星期二朝早我唔知醒訓過左時間
我只係淨番一個鐘既 quota
所以要好好珍惜

十點半咯~~~~~~
話咁快就上完一個鐘既堂
急急腳走
無啦啦有電話打黎
我仲以為係嘻嘻
點知原來係有人叫我今個星期五去見工
可能有工返呀
yeah~~~~

不過
好似星期五有兩份 assignment 要交喎.....

之前同嘻嘻講過畀番個學生證佢
等左一陣佢都無打電話黎
忍唔住打畀佢
佢居然響屋企 arm arm 訓醒
當時佢已經遲左三個字上堂
不過講講下佢話尋日已經立定決心要走今日果堂
咁即係唔使等佢啦

搞左一輪自己野
行出旺角
今日既任務係要去楡林完成本血酬定律
順手買 D 應該好耐之前就要買既野

行過旺角 SMO
順手入去睇左一輪野先走

野就順利買到
但係本血酬定律就好不幸地唔知去左邊
無得睇
T _ T
結果攞左本無聊書睇
睇睇下就無聊到唔想睇

返到牛池灣
去圖書館攞番本預約左既書
好自然地睇書
睇左成個鐘先捨得返屋企
都係三點幾之嘛.....

ON 9
望住部電腦呆
之後忍唔住訓左
訓到六點半先醒

食完沙律 (我既早餐 + 午餐 + 下午餐) 之後
繼續做野
打左一大堆廢話
純粹為左要交功課
我乜都唔想做啦~~~~~~~~~~~~~~~~~

食完晚飯繼續做功課
點知部電腦成日都 hang 機
一係就無啦啦自動 off 9
到一切回復正常既時候, 都已經十一點幾
浪費晒 D 時間....

無乜點做過野
星期五仲要去見工添....
邊有時間做功課呀.....

>>March 9, 2004 at 4:20:31 PM GMT+8

2004 年 3 月 7 日 星期日 【晴】

又係要早起既星期一
之前咁多個星期都記錯係九點半上堂
又因為太遲起身而無上過堂
今日又記得十點半先上堂, 同時又起到身 (八點幾呀~~~)
梳洗完都係九點幾
好早
於是又再訓過
Zzzzzzzzz............
十點三先醒.....

出門口
返到 poly, 已經十一點
望到 lecture room 入面既氣氛好嚴肅
之前話可能 retest 上個星期既 test (即係我第一堂上就有果個 test...)
都有 D 驚會係今日 retest
不過最後 Joseph 都係今日先同全班傾
好彩
遲起身係 arm 既....

去到最後都係響有好多 "既得利益者" 既反對之下無得 retest
所謂真金不怕洪爐火
如果係有料既, 點會怕 retest？
佢地係怕第二次 test D 人會攞高分 D
影響佢地既 raking 之嘛.....
自私
但係有邊個唔係呀.....

事實上我係同意有 retest 既
而且我都考得唔好
不過我無諗過要 retest 之嘛......

hae 行 mega sale
個個星期都有 mega sale
行到好悶...
果度有一檔賣咖啡既檔口
識飲左 D 薄荷咖啡
超難飲
千祈唔好試....

去左 CC 做左 D 功課
上堂
上完英文上 Cadastral
走左兩個星期堂
今日終於可以上堂
點知輪到 Conrad 走我地堂
佢話要開會
所以原本六點半既堂, 佢五點半就放我地走
無奈
難得我有得上堂嘛....

去 music room
本來想練琴
點知一入門口就見到盈盈同佢兩個 groupmate 響入面傾 present 既野
咁即係唔嘈得啦...
溫書
溫溫下肥仔江走入黎
同我吹左好一陣子
吹完既時候都已經係六點三咯....

七點鐘正式練歌
練到八點半未夠就練完
今次練一隻會同中樂合作既歌
好無聊
我一路睇報紙一路練歌
其他 tenor 就不斷講賤野度日

練完歌
食飯
又係飯團五人組
去榮華食
食完之後有某 D 好闊既莊員話未夠
走左去甜蜜蜜食甜品
關生又要早走
淨返既又係我地四個 "飯團委員會" 既主要委員

咁就十二點幾啦........
有 D hae 時間
明明自己又肚餓, 又唔想食甜品
咁都陪佢地一齊去食
都唔知自己做乜...

十二點三返到屋企
搞左勁耐部電腦先至可以正常運作
救命....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
書展時曾看到一句話
老生常談
但很震撼
有莊周夢蝶之感

問題：有什麼方法可以令自己永遠不再跌到？
答案：跌到之後, 永遠不努力站起來

我是否想做一個以後都只會爬的人？
決計不是！
懷著再跌既心情站起來？
一定會
但我還未有意識站起
一日未站起
一日都是坐在地下

賴著不走也沒用
時間不留人
當人醒覺到賴著無用
時間早就過去了........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
撞到兩個女仔
兩個都令我有似曾相識既感覺
第一個係我上英文堂既時候同我一齊搭 lift 既女仔
入 lift 就覺得面善
出 lift 佢仲同我有個禮貌既笑容
但係我就硬係唔記得響邊度見過佢

第二個係盈盈既 groupmate
真係覺得好面善
始終唔記得幾時見過

你地有冇識過類似既經歷呀？
有既不妨留言講下喎.....

>>March 9, 2004 at 3:20:13 PM GMT+8

2004 年 3 月 6 日 星期六 【晴】

自己醒到呀~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝早居然自己可以醒到
仲要唔係好夜喎
好難得架嘛

返彈撥
除左約左卡卡之外
仲有一個額外既希望 + 一個 "非份之想"：
額外既希望：睇下宜家彈撥既實力
"非份之想"：謝會返彈撥 + 可以還到本書畀我
第一個願望當然易實現啦
第二個由於係奢望既關係, 所以個天都真係無畀我奢望成真

彈撥既人數好似少左好多
唔知係唔係考試關係呢？
"夢留難" 隻歌好易 sight read O者
點解仲有咁多拍子上既問題未解到呢？
至於大大佬指成點？
我只可以講："仲有無限既進步空間！"

婷婷話出年可能會移民
咁咪又少左個熱愛中樂既中阮演奏者活躍中樂屆咯....

卡卡個仔宜家響我手上
你同佢講再見啦
佢以後就係屬於我架啦
放心, 我會好好咁照顧佢

同卡卡行左成個旺角
一路行, 一路傾偈, 一路等阿一
行左好耐, 打畀阿一
佢居然話我知佢仲響屋企
激死....

過左一陣再打畀佢
佢終於都行到旺角, 我地都終於行左旺角成個圈
由 MO 行去新世紀, 行天橋去花園街
行到差唔多去到油麻地
返轉頭行

再打電話搵阿一
決定去 "飯堂" 食
最過份既都係佢要我地響 "飯堂" 既門口等佢
理由居然係："我一個人走入間舖度, 好唔唔知點咁...."

卒之等到佢黎到先入 "飯堂"
食食下飯就見到 "火星人" 同朱芸編佢地幾個人
一齊食飯
食完飯卡卡要走
唔上得 SMSA 睇比賽
咁溫書係重要 D 既
所以都費事阻佢

同阿一搭的士上 SMSA
為左今次比賽而用既錢計有：
1. 印譜錢 (幾毫子O者...)
2. 釘裝費 (幾蚊)
3. MD 錢 (成四十幾蚊架)
4. 的士錢 (打左三次的, 三次阿一都同我一齊....)

比賽結果出左
無獎攞
預左, 因為作得真係好 hae
冠軍果隻歌, 我一聽都覺得係佢應得既
"火星人" 同盧亮軒瓜分左第三既 $500
盧亮軒仲要係用自己錢報 (百幾蚊架！)
差 D 蝕呀~~~
(P.S. 盧亮軒隻歌都真係好似 Animaniacs [狂歡三寶] 架！)

最著數都係豬 Ray
佢基本上無用錢就玩左個比賽
MD 有一隻係佢既, 兩隻係 Mathew 既
譜就由伍先生提供
仲唔使 side 時間黎聽結果添
真係計到好盡.....

完左比賽
同阿一搭小巴走
佢有佢約人, 我有我睇書
去到楡林, 居然唔見左本 "血酬定律"
唯有睇另一本啦
本野係一眾歷史學者對鴉片戰爭既新睇法
幾好睇
不過今日幾攰
一路睇一路烚眼訓....
打書釘都打到烚眼訓
老咯...

等左咁耐 (成兩個星期呀....)
去左星際咁多次
終於買到想買既碟咯......

返屋企
都係七點幾
感謝神...

今日老豆去左飲
早左開飯
唔係實餓死我....

做做下野阿一打畀我
佢哼左幾個音, 問我知唔知果隻係乜野歌
好彩佢 D 音都係準既
唔係就估死我咯
記得隻歌係張學友 "他在那裡" 果隻碟有既
要等到佢話 "我等你" 既時候
我先靈光一閃咁記得係 "我得你"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當我第一眼見到你既時候
我真係好想走到你面前
話比你知:「你好靚！」
但我始終都衹係靜靜咁坐係度
偷偷地望住你
其實你知唔知道
「我真係好鐘意你架！」

From 嘻嘻's diary (原唱：張學友)
真係覺得佢好慘添
希望佢會好過 D 啦

>>March 8, 2004 at 4:48:34 AM GMT+8

2004 年 3 月 5 日 星期五 【晴】

一如尋日所言
朝早拜山
夜晚慶功
之後去 pub

晨早八點未夠就醒
搞左一大輪野先正式出發
上到和合石都十點幾咯
十一幾先返到屋企

成個晏晝響屋企 "吽"
乜都無做過
無論係有意義 (溫書), 或者係無意義 (打機) 都無做到
(溫得耐又攰, 打機打得耐都會攰嘛...)
響部電腦面前呆
一呆就呆到四點幾
做過既野都唔記得晒咯
剩係記得同左阿一吹水

五點幾出發返 poly
今日既然係慶功咁大日子
一定好多人到既
我地都過電話 "survey", 好多人出席今日既活動
但係始終都係驚最後要蝕禮物錢....
計左條數, 起碼要有四十三個人以上先唔會蝕禮物錢

返到 music room
見到一大班女莊員響度包緊禮物
一入門口仲見到換左黑膠框眼鏡既盈盈
又話會有好大轉變
個樣同以前無乜大分別之嘛......
不過為左令佢安樂 D
點都要扮一個 "驚訝" 既表情既.....

執執下野
我地既莊員就陸續返黎
阿然同阿大最後先一齊到
去到最後, 除左 part leader 們要響地鐵站接人之外
所有莊員都有出席
今晚齊莊呀！！！！！！

同阿瑩 + Angel + Margaret 一齊去提多先
一路上同佢地三個無野講
實在太少見啦
完全無話題
行到半路撞到 CK
二話不說就捉左佢陪我
橫掂佢今晚都係同我地一齊慶功O者
好彩撞到佢咋
唔係實悶死我...

大夥兒終於趕到
收錢
收完居然發現少左 $100
奇怪
係唔係因為收錢同紀錄分別由兩個人負責有關呢.....

食飯
唔係, 唔應該叫食飯
係食野至真
食到最後個飯先至 arm arm 開左胃
要加多個海鮮飯先勉強夠飽....

抽獎時間
有五十二個人出席, 但係有五十幾份獎品
即係人人有獎, 永不落空
^^

食完飯
睇完相 + VCD
映完齊莊相
介紹完新莊 (生左個高我成個頭有多既 "仔" 真係麻煩....)
除左 Billy 之外, 成支莊都落 pub 飲野
間 Pub 叫 ChemistrySuzy
除左有顧客食煙之外都算係一間正常既 pub 既

飲野
唔舒服 + 聽日要比賽既關係
唔想飲咁多
叫左一杯 Snowball 就算
其他人就豪氣咯
叫左三 round 酒呀.......

吽
呆
飲酒
無醉

飲到兩點錢三點先走
黎既時候有十三個人, 十二個係莊員, 一個係莊員親屬 (Toby)
走既時候剩番六個人
包括飯團委員會既委員 (阿大, 阿然, 我, 盈盈) 同埋好少可出現既阿瑩同 Margaret
飲左成千蚊呀~~~
但係我都係佔 5 % O者....

阿大一出 pub 既門口就唔舒服
本來要去洗手間
點知隔左唔夠兩秒就嘔
仲整污糟左阿然借佢著既褸添
盈盈幫佢清理件褸既同時都令到佢自己個袋遭殃

嘔完既阿大清醒左好多
同飯團委員會既委員一齊返 poly 擺低 D 錢 + 擺低幾兩
行到火車穚
望到有巴士
同盈盈一齊追
佢今次飲得好清醒
唔似之前飲野 (佢話試過飲完野一企響身就跌左落地)
仲可以同我上上層坐
不過我落車既時候佢都係驚, 同我一齊行落下層坐

四點先返到屋企
上網上到四點七
本來想打埋日記先訓架
可惜眼訓得滯打唔切日記

唔知聽日知唔知醒呢....

>>March 7, 2004 at 12:40:40 PM GMT+8

2004 年 3 月 4 日 星期四 【微冷】

今日又回暖咯
望下月曆, 話咁快又係春天

係時候要交 assignment 啦......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十點半返到 poly
上堂
今日堂上無乜點訓
淨係 break 果陣訓左一陣
都算係有進步掛....

落堂
咁就上完今日所有既堂
返左學兩個鐘咋...

去左圖書館
睇左一輪書
上左一輪網
之後去 music room 同阿瑩搞好份 function budget
既然都係無野做 (查實有好多野做, 係唔想做O者....)
結果同左佢同阿中一齊去百利攞 soc. jacket
三條友, 抽左四大袋褸
好難想像得阿中同阿瑩兩個點搬

繼續做 budget 野
搞完 D basic 野之後
上左 Helen 房影印
萬事俱備
只差阿然既簽名就可以交份 Budget 咯

傻婆打畀我
同我講阿 "拔萃第二高手" 贏左深造冠軍
呆左
完全唔知有乜反應
即時諗到既係：
第時使唔使叫佢叫 "釗爺" 呢.......
第二個反應係想問佢："乜學屆中阮無勁人啦咩？"
好串, 但係都係吹水 O者

吹水 + 尋晚懶既報應
尋晚諗住部手機無電都可以頂得一陣
所以無叉電
點知今日就出事咯
同佢講講下電話
手機無電
咁就 cut 左佢線咯....

打畀阿一
佢居然離開左 poly....
可惡~~~
不過都好彩有佢
唔係我都真係打唔返畀佢 (唔記得佢手機 no. 嘛...)

好肚餓
咁 arm 佢又響 KFC 溫緊書
於是叫左佢響沙田等我
飛火車去沙田
一去到, 同佢 + 佢同學打左個招呼
就 "龜" 咁腳走去買野食咯
尋晚都唔飽
今朝到四點幾都未食野
真係餓到想死
食完個餐都仲有 D 肚餓

望著佢同學同佢講解部計數機點用
又聽到佢地點備戰會考
突然發現會考同我真係脫左節
開始唔記得當日我既心情咯
果時迷迷糊糊咁走去考試
直到 AL 先至紮醒："乜我咁就考左會考架啦？"
好唔要得既考試態度
相信大家都唔會咁做架啦

等到佢去左自修室溫書
我就上左圖書館睇書
arm arm 睇完一本書就六點半咯

返到去
我係最早到既中阮
都好耐未試過咯...
不過去到最後除左馬禮怡之外個個都有返
咁都好 D....
唔係仲辛苦

練 YCO 最辛苦既一日
個人又迷迷糊糊
精神唔集中唔在話
後面既 "拔萃第一阮" ("拔萃第二高手" 升級版, 無計啦, 人地深造冠軍喎....)
仲有一個 F.1, 但係好串既小朋友 (好串既意思, 係佢連我都串)
兩條友 D 聲波真係好嘈
加上環境又焗
成日炒粉
仲要炒埋 D 唔應該錯既地方
暈
@_ @

今日 "英輝" 病左
指揮一職由何生充任
好彩咋
唔係我一定頂唔順訓左
唔係話佢指得唔好
係我忍唔到眼訓 O者....

事後問番 "拔萃第一阮" 幾多分
佢好老實咁答我："八十三分咯！"
原來如此.......

練到八點九先有 Break
九點半放
大夥兒去大家樂食野
一行六人 (阿一, 我, 謝, 陳沛倫, 黃蜂, SMC)
得我同陳冇食野
佢就之前食左野
我就無乜胃口食野

食完飯
陳就去萬屋企攞個木琴
我就同 SMC 坐巴士返屋企

聽日拜山
之後慶功 (choir AP 慶功 + 介紹新莊畀大家認識嘛)
慶完仲會落 Pub 添
行程真係好豐富
不過都要叉足電先
唔係聽日又會重蹈今日既覆轍咯....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
關鍵旅行社廣告歌

原版
食得招積，住得舒適，遊得出色，旅遊超值
旅行搵關鍵，招積出色舒適超級超值
旅行搵關鍵，關鍵全實現

"刻苦版"
食得 "的骰"，住得偏僻，遊得急迫，旅遊丐食
旅行搵慳儉，"的骰" 偏僻急迫超級丐食
旅行搵關健，自己攞o黎賤

>>March 5, 2004 at 6:18:00 PM GMT+8

2004 年 3 月 3 日 星期三 【晴】

九點半堂
九點先醒
好彩, 都係遲左少少O者....

上完堂
做 indoor survey
用左兩個鐘先至搞掂一間房
真係有 D 慢

又要上堂
今日叫左我地做 underground survey
係一份又好玩又易做既功課
不過就快要交好多份功課
乜都未做過
有 D 驚會死添....

搞 data
搞左三個鐘
D data 既 error 依然好大
完全無晒辦法
唔通又要度過.....

去 music room 做數
話咁快就搞掂兩份 budget
其實我肯做就好快做完 D 野
點解咁都要懶做呀~~~~~~~~~~~~~~~

做到八點先動身回家
九點左右就返到屋企
好唔開心, 居然唔夠飯食
餓死人咩......
結果食完飯之後又要煮麵食

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
You're chocolate.
You're the old soul type, people feel that they have known you their entire life.
Many often open up to you for they view you as thoughtful and trustworthy.
Although people trust you, you have a hard time trusting them.
You prefer to keep your feelings bottled up inside, or display them very quietly.
It is alright to open up every once in a while.

大家覺得似唔似我？？
http://quizilla.com/users/jonester/quizzes/Which%20kind%20of%20candy%20are%20you%3F/

>>March 4, 2004 at 3:01:33 PM GMT+8