2003 年 11 月 3 日 星期一 【晴】

一起身果陣好嘈
我以為夠鐘上堂
戴副眼鏡準備換衫
點知望一望個鐘
七點？！
唔係掛~~~~~~~~~~
我九點半堂喎.....
結果？
當然係再次回到被窩啦

再醒都係八點半
專登想摷返我原本果份 "雲南回憶" 既譜
點知.....
唔見左？！
死咯, 都睇怕要執下間房咯...
(AL 之後就無再執過間房, 宜家先執, 會唔會好大工程呢？！)

遲左 D 先出門口
猶疑左好耐, 都係無轉火車
不過好彩, 好快就返到 Poly (雖然遲到...)
以為有堂上, 點知一返到去
Bruce 就派左份野叫我地自己睇 (每兩人一份)
然後就自己分別 "圍毆"
點解人人 D article 都有關 photogrammetry 事, 但係我果篇就係關 Magnetic Ressonic 事？！
完全唔 "啦更" ！

上完都係十一點半
又去 Music Room 練野
今日因為要學嗩吶, 又好耐無練過
所以原本既行程主要係練嗩吶
點知肚餓係唔可以練架！
結果...........
我練嗩吶唔夠幾個字就改練彈鋼琴
可惜的是, 今日無帶譜
最後我都係練阮

用多左時間練彈挑
太耐無用指甲彈琴, D 感覺完全無晒
要由頭開始過
每條弦彈左五分鐘, 再練左手
先至敢玩第三樂章
好左, 但係好明顯係未夠出 Solo
連合奏的資格都好勉強
我要努力
不過聽日唔使上 Hydro lecture, 都有時間畀我操番熟

唔記得左要上 ICAC 既 Professional Seminar
仲約左阿一三點離開 Poly 添
點算？！
於是我就聽個 seminar, 直至阿一打畀我
我先至 "鼠" 走左

搞錯呀, 阿一連上網 Hold 公共圖書館既書都唔識
佢真係無乜幾可用呢種服務喎~~~

一齊返 DB
佢就教野, 我就學野
做乜仔仔收左 John 做徒弟呀？
咁我咪變左 John 既師兄弟？！
哇........乙....乙....
T_T

響露天地方練野, 都會無啦啦畀人鬧
其實我都唔係 DB 仔啦
做乜仲要驚 D 阿 sir 呢？？
著實令人費解....

練完野, 等埋阿一教完野
一齊去信和, 順便整番副眼鏡
死肥仔搞到我要專登去整！
不過算啦, 副眼鏡都冇穿冇爛
係歪左 D D O者...
又唔係整唔到

買左隻舊既陳奕迅
好耐都未買過碟咯
" 點解呀？ "
" 因為無錢咯！ "
" 咁點解你今日又買呀？ "
" 因為阿一今日出左糧, 順手畀番四百蚊我咯！ "

終於送左個遲來的生日禮物畀仔仔
不過真正果份 (嗩吶錢), 希望會響今年之內畀得番佢啦

>>November 4, 2003 at 2:44:29 PM GMT+8

2003 年 11 月 2 日 星期日 【晴】

尋日同肥仔江傾左好耐
講 Poly AP Solo 既野
佢話出 "雲南回憶" 會好 D, 因為佢識劉星, 可以易 D 得佢同意
不過佢又講出唔到第一樂章
(無計啦, 鬼叫佢地練野成日都唔齊人咩
唔齊人, 一定練唔到 D 對位啦...)
所以出第二樂章或者第三樂章會好 D
但係, 我真係唔想每次既中阮協奏都係 "雲南回憶"
好想出 "臨安遺恨", 但係衰在無協奏譜
最後佢話可以幫我問王靜借
咁都好 D .....

仲要煩出 D 乜
唔似得阿一咁, 唔使煩
有人幫佢諗埋
不過我真想知, 佢打排鼓, 邊個打 Timpani 呀？！

又係一個繁忙既星期一
今日要學法文
上次無帶錄音帶, 好彩佢有病 cancel 左果堂
今日都差 D 唔記得帶
出左門口先記得, 要返轉頭攞
點解要帶錄音帶？！
因為要錄低 Madam 既標準法文, 同我自己讀既 "唏噓" 法文咯

下星期一就要 present 啦
乜都未做過...
雖然 present 唔計分, 但係今次呢份功課占全科 30%
有吳瑞良響度, 硬係有 D 不安
唔通係凶兆？！

Break 走左去 Music Room 練琴
今日專誠帶左份譜練
有 "臨安遺恨" 架！
之前諗： "臨安遺恨" 係何占豪跟 "滿江紅" 寫既
我玩過 "滿江紅", 相信都應該好易上手O者
點知...
我實在太睇小何占豪既編曲能力啦
真係好難呀~~~~~~~~~~~~~~~~~~~~~~~~~~~~~~~~~~~~~~~~~~

灰完 "臨安遺恨" , 當然要灰下 "雲南回憶" 啦
結果無令我失望, 順利炒粉！
D 十六分音我要放慢一倍先勉強彈到
仲要成日食左 D 音
明明淨係玩第三樂章, 都可以唔夠力玩晒成個樂章
真係好唔掂

宜家我既實力, 加上現今既進度
莫講話出年四月
就算係三年之後, 我都未必出到
勉強出 solo, 都只會出醜
我真係唔想我第一次的協奏衰得咁肉酸呀~~~~~
所以我宜家每日至少要抽一個鐘練基本功, 再加一個鐘 (或者更多) 練歌
咁一個月後, 我相信我可以回復以前既水平既
至於可唔可以出 solo, 真係只可以聽天由命咯.........

今日上 CSE 要做堂課........
有 D 似中學生添...
不過做完就走得
咁就算啦

上法文
原來法國人用十六進制架...
之後又去左 language lab 錄音
上得好過癮 ^^

約左阿一, 所以要早 D 走
開唔到會
但係我都有落 Music Room, 睇下佢地有冇問題要問我
點知落到去, 關明都未練完
我就一路唱, 一路做其他野
一到十點就走

阿一同 sodium 一齊黎
大家去左海傍
傾到三點先走..........

發現左一架巴士可以又平又快咁送我返屋企
唔使我成日行出旺角搭貴貴小巴
不過我好眼訓, 搭搭下訓左
一紮醒, 望下四周, 好似係牛池灣喎
咪按停車掣咯
點知行到門口, 先發現仲未到新蒲崗...

返到屋企, 無 on9 就訓左
真係好累呀~~~~~~~~~~~~~~~~~~

>>November 4, 2003 at 1:10:49 PM GMT+8

2003 年 11 月 1 日 星期六 【晴】

身心俱疲
好晏先起身
好晏先開始活動
好晏先洗面刷牙
好晏先食午飯
好晏先溫書

食完飯之後
成間屋剩返我一個人
好無聊咁過左一個晏畫

今日的記憶
僅限於食左三大碗飯
同埋同阿大吹左好耐水
連溫左乜野書都唔係好記得
至於彈撥既 concert
真係無力去
sorry...................................................................

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
助人型 (Helper)

顧名思義，你很喜歡幫人，而且主動，慷慨大方！
雖然你對別人的需要很敏銳，但卻很多時忽略了自己的需要。
在你來說，滿足別人的需要比滿足自己的需要更重要，所以你很少向人提出請求。
這樣說來，你的自我並不強，很多時要靠幫助別人去肯定自己。

自我型 (Individualist)

曾否有人跟你說，你有藝術家的脾氣？
這個自我型就正正是藝術家的性格
──多愁善感及想像力豐富，會常沉醉於自己的想像世界裡。
另一方面，由於你是感情主導的人
有些工作你唔 "LIKE" 就可能會唔做架啦，不會考慮責任的問題。

和平型 (Peacemaker)

在很多情況，你們都是和平使者，善解人意，隨和。
你們很容易了解別人，卻不是太清楚自己想要什麼，會顯得優柔寡斷。
相對地說，你們的主見會比較少
寧願配合其他人的安排，做一個很好的支持者，所以你是心較被動的。


>>November 2, 2003 at 2:03:41 PM GMT+8

2003 年 10 月 31 日 星期五 【晴】

贏左~~~~~~~~~~~~~~~~~~~~~~第二......................
都預左咯...
贏係僥倖, 輸係正常
我地都真係有輸的理由
所以大家唔使鼓躁
繼續做人把啦
無謂為 D 人生的小點綴, 影響自己的心情嘛

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
三點幾先訓
本來兩點幾就訓, 點知阿然好似有 D 野想講
又好似好灰咁
咪同佢講多兩句咯
結果就變到三點幾先訓到....

第二朝起身, 阿媽有叫我, 但係我忍唔住再訓過
好彩肥仔有電話 morning call 我, 唔係我真係會訓到十點先醒
在此謹向肥仔致謝

返到 DB, 九點三左右
個 HALL 響十點鐘有會開
D 校工就因為要執櫈, 想趕我地走
SMC 無啦啦發晒脾氣同佢地對抗
仲出動曹 SIR 個 "朵" 添！！
放鬆 D 啦, "憤怒青年"
得罪校工, 對我地無好處呀~~~~

去宜豐食晏
食完去花園街買 "黑飯魚"
Search 左一陣就 search 到
所以話旺角真係乜野都會有！

跟車去文化中心
去到看更係都要我地打電話畀文化中心入面 D 人先落閘
無奈...
算數, 人地都係搵食O者

本來想問培橋借扁鼓架
之前都同周 "剪銅" 講
佢都無問題
但係杜 "小明" 搞到我地無得借
好嬲！
我發誓, 要響三年之內
入到 HKCO, 趕佢出團
等佢無得撈！！！
(純粹廢話, 事實上我都唔會做, 亦都做唔到...)

臨時改打法
之前的實在太麻煩
謝子, 陳沛倫, 黃蜂同我四個成日都夾唔好
加埋後面的扁鼓們就更加有問題
所以都係簡化左好 D

一大班人無野做可以做乜？
我地選擇左打機
但係一大班人都係睇嘻嘻 SOLO
真係好得呀佢~~~~

再次入到後台, 距離比賽時間唔夠半句鐘
幫肥仔條褲既褲腳打結的時候, 佢無啦啦成隻腳 "車" 我度
搞到我副眼鏡歪左
迫住要唔帶眼鏡去玩
無計啦, 我打鼓果陣個頭同個身都成日不繼咁郁
帶住副受左傷眼鏡打鼓, 一定會爆...

玩得唔係太好
我玩到有唔少地方炒左
之後閰惠昌都特登走埋黎同我地講野
但係就不斷咁講上次初賽
睇怕都係輸多咯...
果然~~~~~~~

臨尾隻 "鼓樂澎湃" 本來淨係畀冠軍隊伍打
但係佢地實在太少人啦
要勞動我地一齊玩
攞景定贈興呀？！

去 "牡" 解穢
解完就返屋企
話打機, 但係都無打
不過, 已經過左十二點咯.....

又係新一日的開始
比賽完之後, 我又要專心莊務, 功課, 嗩吶....
唉...
都係專心唔到果咯...

>>November 1, 2003 at 5:51:06 PM GMT+8

2003 年 10 月 30 日 星期四 【乍暖還寒】

可能因為無乜點食晏的關係
又可能係無乜精神
呢個星期都係有 D 凍
成日都要著住件褸
好似好孱弱咁
唔得！
我一定要調理好身體
唔係既話, 點可以為我下一波的努力溫習作好準備呢？！

本來 Joseph 話今日 test
(由於係 practical test 既關係, 無得溫, 所以我一 D 準備都無, 只係懷住必死的心去送死)
點知佢話因為太多人今日走佢堂, 所以要 postpone 個 test 喎...
無奈

上完佢堂
又上左佢間房睇下 GPS 既 result 點
又唔得？！
唔係...
唔知點解收到 data, 但係佢又 show 唔到響主頁度
差 D 搞到我以為又要做多次添...

落左 Music Room, 彈左一陣琴
再度練習果幾隻歌
死咯...
我宜家連 1874 都唔係好記得添
點算...

尋日同阿然講左好似唔見左張影印咭
今日同聽日都係無時間搵
睇下星期日得唔得閒摷啦...

上完堂落 Music Room, 入到去唔夠兩秒肥 B 就入黎
仲話等我好耐添？！
原來佢想練琴, 要等莊員先入得黎O者...
幾驚佢話暗戀我呀~~~~

嘻嘻打電話黎, 問我響邊
我都未答, 佢就聽得出我響邊咯
鬼咩, 肥 B 既鋼琴聲咁出！
佢入左黎, 同佢一齊打左一陣鼓
之後就趕左肥 B 走
我同嘻嘻一齊去旺角 Final Rehearsal

上到 DB, 無人？！
得 edgar 一個
佢擺左 D 野鈰篥眱�, 之後就周圍行
我見無人, 又好鬼肚餓
就同嘻嘻一齊落番下面食飯
順手 lock 埋度門~~~~
睇佢點走？！
成日練野都唔蒲頭
佢成隻歌連一次都未試過 run through 呀！
嘻嘻都黎得多過佢

食完野上番去都仲未齊人
同肥仔聽番隻 "閒雲孤鶴"
順手還埋隻 "月謎" 畀佢
上次食食下飯畀佢 "問候" , 就係因為唔記得入番隻碟入去個 CD 盒度
今次終於記得還畀佢咯...

分部練習
打到我四隻手指瘀左
點解？
用唔慣嘻嘻對棍
我對棍幼 D 架嘛, 佢對棍太粗啦
搞到我成日 "跣" 手
好驚聽日都係咁添

飛棍既都唔至我一個
陳沛倫都飛過兩次
聽日比賽咯喎
今日的狀態都係唔太好
仲有 D 人早走添
情況不太樂觀.......
不過我都係有信心贏到！

練練下阿大打畀我
叫我幫佢做份 info day 既 function fin. report 喎
算, 都唔係好難O者
我食！

練完之後又去左食 $22 蚊乜都有套餐
真係無錢都要食
返到屋企又食多餐晚飯
十二點幾先食飯, 係咪遲左少少呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無論今昔, 個人, 不過是命運的一個片段
瞭解現存與未來的所有事物
需要更完整的規律與必然性
跟一個人說："改變你自己"
等於是改變所有事物
包括改變過去...
　　　　　　　　　　　　　　　　　　－－尼采

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
日記終於都回復正常咯
check 番先知原有成個星期 post 唔到咯
個 server 整番咪好咯
我就可以一如以往咁寫日記咯 ^^

聽日我地要努力！
要贏！

>>October 31, 2003 at 5:48:59 PM GMT+8

2003 年 10 月 29 日 星期三 【晴】

每個星期四我都好開心
以前就話上朱老師堂, 可以同花姐, 麥觀吹水
宜家我地三個都唔得閒
好耐無一齊敍過咯….

不過唔緊要
宜家的星期四, 通常都好得閒
因為 assignment 通常星期三交
星期四係一個 break, 可以畀我做其他野 (即係好似莊務咁)

今日十點半上堂
好懶咁訓到九點三
帶左一份 hydro. 的 notes, 等我� “天地” 堂的時間都唔使咁頹廢

又入泳池
今日要用另一種 GPS 做野
無得揸船仔, 唔開心 > . < ”
仲無帶泳褲添！
望 “水” 興嘆, 唉…………..

上完堂, 搬完野
去左睇下 mega sale 有乜睇
搞錯呀
悶過上次好多喎…

入左 Music Room 彈彈琴
今日無無聊人
所以我可以好自由咁彈琴
我一定會成功彈到鋼琴既！！

試左兩隻新歌 (新譜o者, 唔係新既歌)
《幸運鈴聲》因為唔係好記得點唱, 所以唔係好 get 到點彈
《兄妹》好 D, 起碼我記得點唱嘛
但係《幸運鈴聲》就係 C major, 《兄妹》就係 E flat => E major
好似《幸運鈴聲》易 D sight read wow

正當我屈緊呢兩隻歌機既時候
有人打畀我
話我聽之後果堂中文唔使上 (阿 sir 病左喎)
咁我咪即係可以放學咯？！
不過我都係留左響 Music Room 度繼續彈琴
直到我屈到《幸運鈴聲》的右手, 同埋《兄妹》的 intro 先走 (都差唔多三點半)
當然, 我係唔會漏左彈《1874》啦

四點幾返到屋企
好耐未試過咯….
好感動
仲有 D 想喊添…..

突然發現今日帶左份 notes 返去睇
結果都係無睇到
本來我兩點半就開始溫架啦
點知咁 arm 就有人話唔使上堂咁好架 o者
搞到我即刻無心機溫書
如果有帶嗩吶的話
或許我會返 DB 叫仔仔教我吹架
橫掂好耐無上佢堂咯…

都係無食飯
一來彈琴唔方便食, 二來冇乜衝動去食
做做下莊務, 發現櫃入面有兩包餅
就好順手咁食左一包
之後又繼續彈琴

返到屋企我都係無溫書
上網, 聽歌, ICQ……
好懶
我都知咁樣唔好
但係好無心機
可能係 sem. 開頭太勤力, 搞到宜家有 D 頹

肥仔終於 send 左佢的 theme 畀我聽
有三個咁多
但係好似得一個好 (起碼似笛既歌嘛)
佢話佢會係十一月寫晒隻歌
我都應承過自己要響十二月或之前寫完隻歌
無理由又有一段 melody, 又諗到一段節奏都會作唔到卦~~~
佢話我睇怕都係無乜機會會實踐到呢個願望
雖然我非常同意佢的睇法, 但係我都會努力！

ShowHappy send 左封信話重光咯喎
我第一時間想 login
點知都係入唔到去
呃我秤？！
就快一個星期啦！！！


>>October 31, 2003 at 4:13:25 PM GMT+8

2003 年 10 月 28 日 星期二 【晴】

做到兩點幾
感覺到自己頂唔順
無論食左幾多塊餅都係咁
結果做左一個極之明智的決定──訓

訓醒就要返八點半
點知返到去, 就發現原來 Bruce 唔使我地今日上呢堂 Practical
佢話派左 lab material 就可以自己做
結果佢都係教左我地點做下份 Lab Report
好精神, 完全無睡意
都係全靠我既決定明智咋...

上完 Bruce, 做番個尋日未做完的 Lab Report
做到點半先做完我果 Part
之後又要上堂

Nick 派番上次我唔記得做的 assignment 畀我地
咁都有 A, 真係感激 Eric 肯畀我加番個名

示範用 Grab 既時候, Nick “搶” 左人地盒 “的搭糖”示範
點知一夾, 成個盒就夾爆左
大家呆左一呆, 之後當然係全班爆笑啦！
佢仲要同果個已經異常無奈的同學話："爛左少少O者..."
咁好笑的堂, 搞到我今日好精神咁聽書
更覺得早訓係 arm 既！

終於砌好份功課
但係好驚會唔合格添…..

練歌
四個 tenor, 四個 Soprano, 四個 Alto, 但係有五個 Bass
練到宜家 tenor 分組基本上係可以好輕鬆同好高效率咁搞掂
仲可以得閒到快人幾條街
果然係 “近”

開會
今次連 Billy 同阿中都醒覺到抵觸 Cons
雖然係遲, 但係總算係有腦
今日又係盈盈 Hold 會
arm arm 夠八個人
Angel 無到, 原本係唔可以開會
但係最後都係要開會
仲要開到地鐵唔做我生意為止
唉……

最後得番我地莊的所有男性 (五個, 包括：關明, 我, 阿然, BILLY 同阿中)
同盈盈一齊開會
真係 "齊心" 啦.......
唉..........

同阿然一路等車一路吹水
吹吹下覺得好唔對路
無理由等極都無小巴架嘛
睇清楚 D
先發現我地早左一個街口等車
所以話, 吹水對身體有害…

灰到極點, 加上無錢搭車
同左阿然由佐敦行到上旺角
(但係事實係由一點三行到一點七先行到小巴站.......)
之後直接搭西貢小巴

已經無錢架啦
仲要人地 side 十三蚊搭西貢小巴返屋企！！
響架小巴度, 我終於食晒先前食剩的餅
今日成日都無食過飯
上一次食晒的時間已經係 29 日凌晨食的餅
差唔多 “飢緊” 左一整日
返屋企要食飽 D 先得

原來飢饉左咁耐
食番野係好辛苦架
我仲有 D 飽到嘔的感覺
不過唔可以嘔, 嘔就浪費左 D 錢咯….

返到屋企
難得唔係交 assignment
寫日記, 然係訓
等聽日十點半返


>>October 31, 2003 at 4:11:59 PM GMT+8

2003 年 10 月 27 日 星期一 【晴】

今日總算係好開心
淨係要上 Bruce 堂
但係聽日要交 lab report
直至目前我同 Leo 都係未做過野……

上完堂, “拿拿林” 同佢開始搞野
連飯都無食
搞到四點幾, 佢先忍唔住要去食飯
我就完全無心機食飯
因為完全唔識做果個 lab, 但係星期三就要 “嘔” 份野畀 Bruce
好彩有先賢先哲的經驗可以跟從咋….

做到六點半先走
七點三度到觀塘
上到美興, 見到肥仔
乜佢個頭仲光過我呀~~~
佢地仲睇緊帶, 都未開始練鼓
減少左我不少遲到的罪惡感

又有改動
星期六就比賽, 究竟可唔可以贏呢？
唔知…….

攞衫先發現黑色變左藍色
佢地話個老闆娘同佢地講無晒黑色, 連龍都無晒
超唔高興, 咁即係欺騙我地O者！！
雖然兩隻色都好睇
不過搞到我覺得我地的形象由 “紙紮公仔” look
變到宜家 “冬天棉襖” look

藍色都算唔錯
以前彈撥團服都係藍色短打之嘛
不過宜家就唔係借, 係買

無錢無時間, 唯有返屋企食飯
返到屋企, 一路食飯一路睇 “衝上雲霄”
果然不出所料啦
咪又係用左好多錢拍左套 “真情” 式的劇！
D 編劇有時真係好浪費製作費
加上 “西關大少” 的預告片
令我覺得今年的台慶劇完全唔會令我感到期待

都係做野把啦……


>>October 31, 2003 at 4:04:12 PM GMT+8

2003 年 10 月 26 日 星期日 【晴】

昂然蹅入第四日無日記的日子
完全無奈
究竟佢個 server 係咪畀人徹底摧毀左呢？？

本來諗住早 D 起身返 Poly 做野
點知實在太難啦
完全唔希望起身
搞到我十一點幾先起身
咁即係話我又做唔到野啦……

發現尋日無熄手提
搞到電話無電
但係又唔可以唔帶出街
唯有攞左個叉電器返 Poly
返到 Poly 先叉電啦…..

原來個 Practical 真係好難架
星期三就交, 但係我今日先開始做
咁遲先做, 究竟會唔會死呢？？

今日 “抗戰” 緊既時候, SAO打黎
話法文 Miss 病左, 所以取消左今日果堂
橫掂今晚要開會
咁咪多 D 時間做果個 Practical 咯~~~

阿大無出席會議
估都估到啦
平時開會前, 一定有 N 個 Version 既 agender 架嘛
今次半份都無, 之前都估佢未必開到會
果然不出所料

一入到 Music Room, 就見到盈盈 Hold 緊會
Angel 就企左係一二角同 Margaret 傾計
完全唔明
Cons. 明明寫住主席唔出席會議, 就由 IVP 主持會議
不過今日個會竟然係由身為 pianist 既盈盈負責
唔係話盈盈唔做得野
只係咁做, 係咪對身為 IVP 既 Angel 好唔尊重呢？？
又係咪體現左阿大對不同人的不同信任程度呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一個專制的君主, 兩個 "無能為力" 的大學士, 一群唯唯諾諾的尚書、侍郎
加埋係乜？
咪中後期的明朝咯…….
以晚明為例, 君主不理政, 最後只會有兩個可能性出現
1. 權臣攝政
2. 朝政混亂

理想的制度, 只會響紙上出現, 現實係根據潛規則進行
所以 Cons. 永遠都只係 Cons., 現實就永遠唔同理想

一個 “勤於政事”, 但事事關心的在上位者
就好似秦始皇、諸葛亮、隋文帝咁
都係做到死唔斷氣, 但係又對國家大事於事無補
佢地都應該睇睇 “韓非子‧主道第五”：

明君之道，使智者盡其慮，而君因以斷事，故君不窮於智；
賢者敕其材，君因而任之，故君不窮於能；
有功則君有其賢，有過則臣任其罪，故君不窮於名。
是故不賢而為賢者師，不智而為智者正。
臣有其勞，君有其成功，此之謂賢主之經也。

估唔到今次我 D 政治觸覺反應咁快
入到 Music Room 唔夠十秒就諗到咁多野
成長係好定係唔好呢？
成長左, 對事物的看法再無可能好似以前咁單純
否則只會令自己沉淪於自我的天真世界

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
浪淘沙 毛澤東 (北戴河 1954 夏)
大雨落幽燕，白浪滔天，秦皇島外打魚船。一片汪洋都不見，知向誰邊？
往事越千年，魏武揮鞭，東臨碣石有遺篇。蕭瑟秋風今又是，換了人間。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
漁家傲 范仲淹
塞下秋來風景異，衡陽雁去無留意。四面邊聲連角起。千嶂裏，長煙落日孤城閉。
濁酒一杯家萬裏，燕然未勒歸無計。羌管悠悠霜滿地。人不寐，將軍白髮征夫淚。


>>October 31, 2003 at 4:01:02 PM GMT+8

2003 年 10 月 25 日 星期六 【晴】

唉……
已經係第三日開唔到日記啦
諗返第一日用電腦寫日記既感覺
真係好傻
以前用日記簿寫日記, 係就係可以記低歲月的變化 (我手字都有變嘛…)
但係就有我睇, 無人睇 (仲有我以前 D 日記搬屋都搞到冇曬 > . <)
人地都唔知我諗乜, 加上我平時已經少講野
真係有 D 自閉
用左網上日記, 唔驚唔知本日記簿收埋響邊
仲可以等其他人有多 D 機會知道我的想法
但係壞處就係
如果佢個 server down 左的話, 我就分分鐘連我之前的紀錄都無埋
宜家既我就係咁啦……
陰功
T_T

晨早醒左
一醒就 hae 時間
睇閒書、聽歌、上網
真係有 D 無聊, 就溫左一陣書

食完晏, 休息左一陣
就出左去練鼓
本來練完鼓就返屋企 (因為無錢, 廿蚊用一個星期呀~~~)
點知佢地好好人咁夾份請我食牛腩河
( "佢地" 一行七人, 計有一、嘻嘻、謝、肥、伍、SMC同小談)
有少少感動添
因為感動, 所以變到食第尾…

食完飯, 小談走左, 大家就好自然大家就去左打機
就到九點幾十點先走
算係比以前早
梗係啦, 宜家練到七點鬆 D 就話練完
實有大把時間剩啦

練到宜家, 都未試過齊人, 同上次初賽一樣
連 final rehearsal 都唔會人齊
今次份譜又難咁多
唔係會輸掛~~

響所有拔萃仔心目中, 贏就係攞第一, 就算第二都係輸
如果有個 DB 仔好開心咁話你聽佢攞第二 (即係好似我作曲咁…)
佢一定唔會一個真正的拔萃仔

原來平時我真係唔會有心機溫書架
所以話
人, 係要有壓力先會成長既…….


>>October 31, 2003 at 3:59:21 PM GMT+8