2003 年 9 月 24 日 星期三 【晴】

尋晚唔記得讀借, 到記得既時候已經過左十二點
結果搞到本 "歷史研究" 過左一日
今日專登攞著本野返 POLY
希望響尖咀圖書館還
點知上完堂, 先至記得今日果邊無開

終於係死線之前完成左篇霓虹燈下......

霓虹燈下
　　凌晨三時，夜幕低垂。舊區的街燈早已壞掉，只剩下五光十色的霓虹燈光依舊璀璨。
　　她站在街上，看著疏落的行人，希望可找到那種「熾熱」的目光。
　　她是個鳳姐，正確的說，她是個已經兩天沒有工作的鳳姐。經濟不景氣，加上一連串的金融風波，使她變成了負資產人士。失業人數日增，客人的消費力大減，亦大大打擊她的生意。去年警方拆了她的黃色燈箱後，她亦無能力再買一個燈箱，被迫改用成本較低，但沒有宣傳效果的霓虹光管作招徠。
　　望到街上一個個的霓虹招牌，她徐徐呼出煙圈，眼神再在街上遊弋。她看到一個老翁正在街上拾荒。在這笑貧不笑娼的世界，她從心底鄙視他，視他為乞丐，向著老翁大嚷：
　　「老頭，走遠點，別在這兒影響市容。」
　　老翁沒有回應，默默地走了。在霓虹燈下露宿多年，早已習慣面對難堪事情時處之泰然，也許是對這人慾橫流的地方麻木，只是繼續低著頭、彎著背地拾舊報紙、鐵罐、紙皮箱......
　　街角的另一端，一個中年漢在霓虹燈照耀下遊蕩。他本是個上市公司董事。今天，他一文不名，除了身上僅餘的衣裳外，他所有的東西，包括三幢房子，四輛名貴房車，甚至是他的妻子，全都離他而去，伴著他的，只留下一身債務。
　　鳯姐看到他，趨步上前，問道：「先生，要不要特別服務？」
　　阮囊羞澀，本當斷然拒絕，但精神開始崩潰的他決定把心一橫，做一些他從來沒有想過，亦不敢去做的事......
　　這天晚上，老翁又彎著背去拾荒，希望能多賺點錢。事實上，他已經把拾荒視為他的唯一娛樂。他走著走著，忽然看到前面前所未有的熱鬧。警員，記者和圍觀的街坊包圍了整條街，鎂光燈淨化了原本五光十色的霓虹招牌，把街上變成炫目的白色。
　　老頭沒有理會，只是低頭前行，然而前路被圍觀的人擋住，只聽到那些人說：
　　「那鳯姐為什麼會死去？」
　　「好像是有嫖客賴帳，糾纏間把她殺死，還把她的財物捲走。」
　　「真是世風日下......」
　　「......」
　　老翁一面低頭暗罵擋住前路的人，一面繼續往前走，蹣跚的步伐，在霓虹燈下逐漸消失......

本來想寫的唔係咁, 但係最後搞到咁樣
真係人算不如天算
如果因為呢篇野搞到我課中文無 A, 我會死唔眼閉！

原來份計劃書好鬼難做
今次大鑊啦....

一放學就想盡快返牛池灣續借
連阿 SIR 都早放左兩個字
地鐵又死都逼入車廂
但係返到果邊
都係明天請早.......
咁就要三蚊, 向乞丐要錢
哼！我嬲！！ >.<

閉門做 Bud. 原來係唔得架...

比一個賽, 要成百五蚊
好貴
仲要未必有錢收番
都係作曲著數 D
起碼收入穩定嘛, 又無競爭
除非陳錦標又叫學生黎比賽啦
我今年無論如何一定要名利雙收, 攞番個冠軍！
無理由節奏都諗埋唔作咁浪費掛......

>>September 25, 2003 at 5:32:45 PM GMT+8

2003 年 9 月 23 日 星期二 【晴】

今日係星期三
又要 AUD 人啦！
點解 D 人唱歌的質素同個樣成反比架！
個樣都係其次, 把聲唔得先至死
個個把聲都係沙既
好少人成功唱到我地的要求
尤其係 D 男仔, 到目前為止, 成績仍是強差人意
雖然我唔係 Gay 既, 我都好想講一句：" 我要仔呀！！"
...
費事 D 人話我性別歧視
都係加番句：" 我要女呀！！"

上完堂要練歌, 練完歌去左食飯
去左一個叫 "陳村粉@豬骨粥" 的舖頭
由於唔知乜野係陳村粉, 所以我就叫左碗試下
結果？！
D 粉其實同腸粉 D 粉無乜分別
應該係用左腸粉 D 粉黎炒
我望到個碟, 感到萬分唏噓......
點解？實在太細碟啦！
可以咁講, 食完之後, 我仲餓過無食個陣

開始早返屋企啦
絕對係好現象, 希望可以繼續下去
早 D 返屋企, 起碼可以早 D 做自己野
咁咪唔使夜 "媽媽" 先開始寫日記嘛！

依兩個星期, 我已經有十日八日無食晏
有時唔記得食, 有時無時間食, 有時唔想食......
有時根本唔肚餓, 餓果陣又無時間, 到有時間果陣又唔想食
真係矛盾

夜晚我唔係成日都食飯
對著部電腦諗起諸葛亮
佢好似係因為食少事煩, 積勞成疾至死
近排成日要開夜, 仲周不時通頂
但係又要做 Assignment, 又要做莊務
唔做唔得！
Final Year 既我, 今年絕對係一個大考驗
不過...
究竟我會唔會積勞成疾而早死架？！

>>September 25, 2003 at 12:27:28 PM GMT+8

2003 年 9 月 22 日 星期一 【晴】

無無聊聊
最好就寫日記
但係好似我聽日要交 Assignment 喎.......
最多今晚 "車" 掂佢咯
橫掂我都預左呢兩晚我都無乜機會訓咯...

晨早流流, 自己畀自己隻錶點左
明明有時間
硬係唔記得自己隻錶快十五分鐘
結果轉左火車先發現自己 ON 居
不過唔 ON 居又邊度有偶遇呀
今日就係咁, 我睇睇下書, 上左架火車
無啦啦有人叫我
望左一望, 原來果個唔係人, 係狗
汪汪竟然同我同 “車”！！！
佢又係九點半返學, 我又係九點半返學
但係我就唔使遲到, 佢就遲梗
抵佢死, 唔讀 Fashion and Textile, 走去讀 BA 咁串！
結果佢一到旺角就落車轉小巴咯
祝佢好運啦！

好無聊咁上完堂
原本個 Seminar 話要去到 17:30, 點知 15:30 就完左
結果同吳遂良去左尖咀圖書館
我就睇野兼還書, 佢睇左一陣就走左

睇到四點幾, 出左圖書館
竟然想入番 POLY
諗清楚 D
今日我又唔使 AUD 人, 又唔使做 reception
返去做乜, 返屋企做功課好過啦
於是我終於係天黑之前番到屋企
真係一個奇蹟
不過...
結果都係無心機做 Assignment

唔想做 Assignment
開 ICQ 同人吹水, 又睇下人地 D 日記
先發現原來自己寫漏左好多趣事落日記度
好似上次16號上肥仔屋企果日, 我扮係肥仔係佢窗口大大聲爆 "火星話" 無寫
17 號響九龍塘火車站偶遇謝子又無寫
真係失策！
可能我次次都係等第二日先寫日記
搞到我成日唔記得 D 精彩的片段啦

尋晚無啦啦留到兩點幾, 搞到三點幾先返到屋企, 今日早左咁多返屋企
算唔算 Balance 番條數呢？

>>September 23, 2003 at 3:30:38 PM GMT+8

2003 年 9 月 21 日 星期日 【晴】

果然無錯
過左一個星期日, 有左充足的睡眠之後
我真係精神好多
希望日日都係咁啦
不過又係時候交 Assignment 啦
下星期一 CSE 299 又要 test
睇怕我可以精神 D 的日子同我仲有一大段距離...

最後都係遲左起身, 11:30 先返到 POLY (十二點半先上堂)
雖然唔使轉火車返學, 但係就返唔切 Library 溫書
點解溫唔到書？
因為要幫手 Audition 嘛！
唔係你估我真係� Choir 度唔使做呀 ！(雖然我真係好少可肯做野...)

真係估唔到 D 人唱得咁差都會走螺� Choir
神蹟唔係成日有架
唔好話五音不全呀, D 人直頭連個 Base 音都唱唔準！
點收得落手呀！
有條友把聲真係唔錯, 但係唱 d m s m d 咁簡單佢都唔得
唱 scale 仲衰
琴都彈埋畀佢聽, 我都畀佢試左幾次, 算係畀足面佢啦
佢竟然唱左 d' r m f s l t d, 但係佢 D 音又係下行既先搞笑嘛！
呢個遊戲星期六先同阿然玩完�
估唔到竟然有 candidate 真係� Audition 果陣唱出�
搞笑得�, 真係有 D 無應...　~_~''

練完 Choir 之後, 唔知點解無啦啦留左� Music Room
無乜野做過, 鄎蚹丹P埋溫書
但係我要用電腦先可以做功課
咁留� Music Room, 自然就唔使旨意我做功課啦！
仲要一留就留到兩點先返屋企
好眼瞓
結果乜都無做就瞓左咯........

乜我有變到咩？！
現在的我, 跟從前的我又有何分別？！
想不通............

>>September 23, 2003 at 10:07:17 AM GMT+8

2003 年 9 月 20 日 星期六 【綿綿細雨】

今日成日都無出街
星期日已經變成左我留響屋企訓覺的好日子
何況仲有三份功課未做！
所以我要努力！

終於 Download 左尋日盈盈彈果隻歌
成隻歌叫 "Pour le piano"
而第二樂章就叫 "Sarabande"
聽落, 個感覺竟然無佢尋日彈得咁震撼
唔知點解呢？
唔通....
盈盈仲彈得好過 CD 果條友？！

我不嬲抱著 "做一日和尚撞一日鐘" 的宗旨做人
唔係我又點會成日做野都做到如火如 "茶" 呀！
好想改, 所以今日我希望自己可以做完兩份功課
但係做左成日, 結果都係做完一份功課
好唔開心添... T_T

唔可以繼續係咁, 否則今年又過唔到三架啦！
聽日都係早 D 返 POLY 溫書先...
有時間咪順便做功課咯
仲有兩份
一份星期三交, 一份星期四交
星期三個份完全未掂過
如果聽日真係有時間, 都應該要開始睇下資料咯...

>>September 21, 2003 at 7:00:35 PM GMT+8

2003 年 9 月 19 日 星期五 【晴】

十分無奈
諗住十二點半度返到屋企, 有一兩個鐘畀我做功課
點知畀 Billy 同呀然捉左我走
"監" 生將我同阿一佢地分開
仲帶左我去尖咀文化中心旁 "吽"
真係 "吽", 我地各有各傾計, 仲要傾親都係無聊野
阿大問來問去都係問埋晒 d 我唔會答佢既問題
仲話自己不嬲都唔執著喎.........
頂佢唔順！@_@

"吽" 到三點幾四點佢地先拾得走
返到屋企, 四點二, 沖涼洗頭寫日記
五點幾先訓

尋晚驚今朝練鼓遲到 (費事阿一又話我遲到) , 特登寫張 MEMO 僣^面
等我阿媽八點叫醒我 (無錯, 世上最有效的鬧鐘係阿媽叫你起身)
點知真係太頹, 第二朝先九點三起到身
仲要十點一先返到 DB
不過...
佢都仲未到

阿一, 謝子同黃蜂最後十點半先返到
我就同佢地講, 話佢地已經平衡返之前我遲到時間的總和
我同佢地都係一樣遲左咁耐至到之嘛
^^

開始聽到一 D 效果, 再練一定會更有默契
不過 28 號下晝就比賽, 都唔知點算...
仲有, 原來今次比賽係要畀好多好多錢出蟀[
今次上左賊船添！＞＜”
不過都可以從中得到一 D 經驗
呢 D 經驗我� Choir 都有
但係相對而言, 中樂無疑係會令我更加投入...

練完淨番我, 阿一, 謝子同黃蜂四條友執野
執執下我仲唔小心整親添, 不過都係少事O者...
黃蜂唔同我地食晏, 咁我地就去左食十蚊燒鴨瀨
食完又去打機
打完機謝子就走去補習
我同阿一就去佐敦會老拎, 然後一切返 POLY
佢地就話溫書, 我就要做功課

做左一陣功課, 真係頂唔順, 咁就訓左咯
到我醒番, 佢地都話走咯
我同佢地一齊走
我去左 Music Room, 佢地就離開 POLY

入到 Music Room, 得盈盈一個人彈琴
過去八下佢玩乜歌
好多 Shape 同 Flat, 之後睇番
果然無估錯, 係 Debussy 既 (基本上, 呢個時期既作曲家, 我淨係識 Debussy 一個...~_~'')
佢彈完第三樂章, 又彈多次第一同第二樂章畀我聽
我就做左職業翻譜員幫佢翻譜

第一樂章都幾好聽, 都係好新派的 Melody
但係, 最令我感動既, 係隻歌既第二樂章
它令我想到好多野
係好難彈得好聽
不過盈盈彈完呢段樂章之後, 我仲係畀呢段琴音震震懾左好一陣子
唔知係佢彈得好, 定係 Debussy 寫得好？
可能係兩者皆有都講唔埋！

隻歌令我想到 "雲南回憶"
頭尾兩段都係以快跟奇音奇 Chord 取勝
但係, 最有深度的, 都係第二樂章
都係令人有無窮的幻想同勾起不同的回憶

真係好想知道果隻歌叫乜名, 咁我可以出街摷碟買／借返屋企慢慢聽嘛！
隻歌真係好 Touching, 我差 D 聽到想喊
之前我聽到想喊的, 只有中樂或者流行曲
上次聽 Hong Kong Phi. 果場 "天道", 聽到一隻好聽既歌
好吸引我, 但係宜家已經唔記得個名咯....
就算係果隻歌, 我都係僅限於欣賞, 都唔會話感動到到我喊咯
今次一定唔可以唔記得隻歌個名, 唔係我實後悔一世！！！

>>September 21, 2003 at 1:00:32 PM GMT+8

2003 年 9 月 18 日 星期四 【晴】

最快做晒 Field Work 既居然係我同小倩？！
好奇怪
不過今日其實真係好鬼易, 都唔明點解有人會做蟆等h都做唔到
不過算啦, 果個又唔係我, 我準時放 "工" 咪得咯...

去左尖咀圖書館, 訓左一大輪
又睇左幾本無聊書
都係無做過功課

掛住同 Choir 的莊員吹水
都唔記得要 Print Eng. Sur. 既 notes 添！
不過條 Lecturer 真係我所見最廢的講師
永遠將 D 無聊問題問完又問
無奈

上完 Eng. Sur., 去 Lib Print 番 D Notes
Print 完之後, 就去 Music Room 等 AUD 人
但係我的第一個面試者竟然係廢架
點解會咁架！
乜唔係入 Choir 的人唔多唔少都對自己把聲都有信心架咩？！
點解咁既質素都敢薊惇[....

呀然隻入圍歌第一日就畀人唱爛左
咁幾時先捱完呀！！

差 D 無 pianoist, Vanessa 居然就出到門口先畀我用電話截停到！
好彩佢有薨Q, 唔係就得我同 Billy, 我同佢又唔熟鋼琴, 咁就死咯...

去左睇鼓王1
有意外驚喜, 亦有 D 遺憾
喜的是, 日本同非洲真係幾好
佢地玩得好得！好有 Heart, 好有活力！
佢地連 d 鼓都大聲過中樂鼓十倍
遺憾的是李民雄太老, 又成日唔 arm 拍子
唔係 encore 玩豐收鑼鼓
今場實行以中港聯隊淨吞十一蛋告終 (一球係李民雄自己 own goal, "滿庭芳" 聽到我訓左！)
總之今次表演, 以日非聯隊合力大勝中港大聯盟告終
十一比五呀！！

無啦啦去完老麥畀 Billy 捉走左
究竟之後有乜發生？我之後又會點？
欲知後事如何, 請聽下回分解

>>September 20, 2003 at 4:45:29 PM GMT+8

2003 年 9 月 17 日 星期三 【晴】

最後一日的 O' week
最後都係要遲到
仲係因為要掛 Banner 而遲到半個鐘
最離譜既, 我以為果堂係陳武的 TUTOR, 好想走左佢
點知原來記錯, 係阿 Nick 既 Lab 至真
好彩有上返去, 唔係就有重大損失！
上佢堂真係好充實！

短短四日的 O' week
竟然有 151 個上左我地當的傻仔傻女報名參加 Choir
可惜, 唔係個個都畀左錢
無畀錢的人不如乎三類：
1. 無錢
2. 無得收錢 (Post Grad. 或者係 Associate Degree)
3. 唔想畀錢

夜晚本來同阿然, angel 食糖水
點知太多人, 最後去左 "雞記"
三個人食二人全桶
好明顯唔係好夠飽啦
但係 angel 竟然問我地兩個飽唔飽
~_~''

我真係放唔低？
根據 angel 既分析, 我係放唔低
放低佢啦, 大佬
我就快畀你壓死啦

鬼仔哥哥個樣係點既呢？？
遲 D 屈 angel 攞幅相邁誘U先！
不過真係估唔到 angel 會拍左五年拖咁耐喎！

返到屋企, 食完個飯, 又再開工
我要努力賺分！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
豬 Ray 真係一個不折不扣的 )(*@#$(&*^#%()@$)*&#^%(#*&@..............
形容佢既惡行, 真係唔可以唔用上面的 "火星話" 代替
佢既惡行, 簡直係 "罄竹難書"

一個人竟然攞左第二個人作的曲譜十世唔還不特止
作者問佢攞番, 佢居然仲要作者畀錢佢
話要收番收藏費, 又話果件係佢的收藏品
唔畀錢佢, 佢仲話基於原則問題, 唔會畀番份譜個作者！
雖然十蚊唔係貴, 我唔係窮到無錢開飯咁畀唔到錢佢
但係無理由作者要問個賊贖番作者自己份作品
個賊仲要理直氣壯咁用大條道理迫你畀錢佢架！
仲擺出一副無錢免問的嘴臉！！！

無錯, 果日我同謝子都無上去 SMSA 攞番份譜
係佢幫我攞番
唔係咁佢就可以大條道理咁問我收錢嘛！
佢上去唔係專登為左幫我喎！
佢都係去聽結果之嘛 (雖然佢輸左比我)
佢順便幫一個同學攞番份譜唔係好過份o者！
我都有唔該佢呀, 即時問佢攞番, 佢都係要問我攞錢
我以為佢講笑, 無理到佢
之後佢就 keep 到宜家

有乜道理我將我的資產無條件咁借畀佢擺鉌\自己屋企都要我畀錢呀！
第一, 又唔係我自願畀佢 keep 住
第二, 由於佢無上述功能, 所以佢只可以係一個銀行戶口
咁我畀錢銀行都有息收啦 (雖然唔多)
　　 無理由我儲錢入銀行, 銀行又無成本, 仲要問人受行政費用掛！
第三, 正確來說, 我該是一個債權人, 而非一個負債人
是他未經我同意之下取走了我的東西, 並非我求他託管我的物品
根本他沒有權, 也沒可能這樣做！

好過份呀
同佢共事咁耐, 都知佢係個人渣
但係一場相識, 唔使咁既小便宜都要佔掛？！
仲要咁理直氣壯咁說我的不是
我真係非常非常嬲
仲嬲過某人當日呃我話留鄎峊�, 其實走左去同人去街一樣！！！
好耐未試過咁嬲

熟我既都知我好 "~U" , 好難撻著火
但係我 F. 6 同佢做野果年, 我變到好躁！
事後我對佢個人的評價好低 (雖然佢做得野)
甚至唔想見到佢！！
上次幫佢手, 原本都係想過下指揮癮 (都有 D 貪錢, 我承認)
但係果次佢好似講到我非靠佢賺錢不可咁
我真係忍無可忍, 真係好想打佢
唔係阿一 "手禁" 住我, 我真係會劈炮唔做
我係窮, 但係我仲有骨氣同尊嚴
無左佢 D 錢, 最多買少幾本書, 出少幾次街
我買多幾次書都差唔多要一千蚊啦
F. 2 書展, 我一個人都使左千幾蚊買書
我又唔係好等錢使, 我都係賺錢買書睇之嘛！
我平生最憎人呃我, 其次就係搵錢壓我

本來對佢都已經無乜野
但係...
佢真係太過份啦！

>>September 19, 2003 at 8:40:38 PM GMT+8

2003 年 9 月 16 日 星期二 【晴】

今日返八點半
但係無遲到不特止, 仲要早到
好難得, 不過都係要轉地鐵先可以早得一兩個字
繼續努力, 我要回復從前咁
可以晨早起身, 晨早訓覺
雖然好難做到

上陳武堂宜係好無為
我地識佢就講好耐, 就算係白痴野都唔理
反而唔識果 D 就跳得超快
搞到我都唔係好明佢講乜
出左佢堂兩粒鐘, 我就訓左半個鐘
我要過3, 唔可以頹！！

又開會開到十二點啦
好唔開心添　＞＜"
可能阿然同我真係有 D 心靈相通
大家諗 D 野都一致 D...
好唔想開會呀
仲要我去 Aud 人

走左阿 Nick 好唔開心呀
我真係好想聽下佢教書架！
佢都我現時為止都未試過響佢堂訓的 Leuturer
好難得架！

>>September 17, 2003 at 6:17:21 PM GMT+8

2003 年 9 月 15 日 星期一 【暴雨】

O' week 既第二日
要九點半上堂
結果又要轉火車

上 Bruce 堂都係訓左一粒鐘
好唔掂
呢 D 情況絕對唔可以持續落去
佢教得好好, 不過係我忍唔住訓左
好彩佢講果 D 野我之前有溫過, 唔聽都大致上知道佢講乜
但係書係死既, 人係生既
都係聽佢講乜著數 D
況且...
唔通交成幾萬蚊學費自己齋睇書自修咁傻仔咩
梗係要聽多 D 書補番啦！
唔係讀大學做乜呀！

又要表演
今日無落雨
但係表現比尋日稍遜
仲有聽日
不過, 我想上堂喎！

四條麻甩佬玩煮飯仔？！
其實係兩個先係真
得肥仔同謝子煮
阿一去左打機, 我就� POLY 未搞完份 Budget
食餐飯o者, 遲少少唔使 "少" 呀嘛！！

八點一二先上到肥仔屋企
食完飯佢地話我無貢獻, 要我洗碗
洗咪洗！

真係好耐無洗碗, 上次洗碗好似已經係初中果陣
細個果時, 我阿哥, 家姊同我三個都要洗碗架
不過後來大左, 少左時間鄎峊�
阿媽都唔會 "監" 我地洗
咁我地咪側側膊咯
不過如果佢病的話, 我地都會幫手做家務架
所以我成日都祝我阿媽身體健康咯！！ ^^

今日又十二點前返到屋企
但係唔好次次都都四點幾先訓
真係好唔健康
可能係宜家已經習慣兩三點先訓
肉體都唔覺疲累, 先至將自己的生理時鐘調較得愈來愈遲
不過副作用係第二日上堂會訓咯
我唔想咁樣
我要 sem GPA 過3！！！！

>>September 16, 2003 at 4:07:39 PM GMT+8