2004 年 2 月 21 日 星期六 【晴】

完全估唔到.........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
瘋狂映相完畢
成班人去左 "輕鬆一下" 慶祝 AP 順利
由於阿瑩同 angel 比較少陪我地食野 (基本上係較少練歌)
所以唔知邊度係 "輕鬆一下"
當佢地知道左 "輕鬆一下" 係一間舖頭
就笑到收唔到聲
仲係咁講："我地 arm arm AP 完, 宜家要去輕鬆一下"
........

去到會合琴子
只係聽到琴子不斷咁講賤野
飯後我地班莊員想去飲野
琴子又想 second round
於是又去諾士佛臺
一行九人, 計有琴子, 關生, 林嘉偉, Kenneth, 阿然, 阿大, 我, 盈盈, 阿春

叫左一杯無乜酒精既飲品
覺得好甜
於是分左 D 隔離既盈盈叫既 Vodka 溝黎飲
佢叫左一杯, 咁就分左半杯畀我...

飲野飲到兩點幾
屈左關生請飲野
之後因為我同阿然要返 music room 攞野 (擺左 D 野係 music room 嘛)
阿大要返 hall, 盈盈要搭車
所以順路返 poly

行過 7 仔
順手又每人買左一枝 ice 飲

入到 music room
大家都無乜意欲要返屋企訓
響房度玩棋
玩到大家都訓咁滯先走

臨走
居然 ":�"
畀人串添....

又同盈盈一齊搭巴士
響巴士度怒訓
差 D 過左站
返到屋企
連涼都唔沖就訓咯....

第二朝醒都成點鐘
沖左個涼
食左 D 野 (糖水)
又要出門口咯
今日要返 poly 練歌
聽日就係 music festival 啦

返到去
遲左少少添...
練完野
吹水
吹完之後返 DB
今日要幫侯 "很揚" 個徒弟伴奏
佢下星期六就玩 Hugo 啦
講起 Hugo 真係有 D 嬲
我都有玩架嘛 (From 6)
但係好似從來無人記得過....

雖然, 我當年都係 Hugo 果日先至練琴
我唔似肥婆咁玩 "雲南回憶 (一)"
我玩 "兩水" ( "潑水" 同 "引水" )
開頭我諗住我選既曲都破左玩 Hugo 既人既最低紀錄咯
"引水" 都係得四級之嘛....
不過比賽果日先至睇到原來 "潑水姑娘" 都有十級既
加埋都有十四級架....
結果？！
當然係入唔到決賽啦
不過同朱哥哥同分
佢練得咁辛苦又係咁多分
我練得咁 hae 又係咁多分
時也, 命也.....

閒話休提
講番 "很揚" 個徒弟
佢連速度都未決定到
睇怕都係侍讀咯.... (陪太子讀書)

練完一齊去食飯
食完返屋企
本來同 SMC 一齊去旺電睇野
但係閂左門
好耐無去過啦.....

返到屋企
一邊同 arm arm 飲完, 正在努力翻譯聽日比賽歌既歌詞既盈盈吹水
一邊打機
同盈盈傾左一大輪賢妻良母既問題
三點半先訓

>>February 23, 2004 at 5:23:44 PM GMT+8

2004 年 2 月 20 日 星期五 【晴】

今日就 AP
估唔到咁快就一年咯
舊年淨係要顧表演, 唔使做任何行政野
今年乜都要理 (雖然好少野理...)
又要唱晒咁多組 (舊年都係, 但係舊年無咁辛苦...)
無論如何, 今日係我地第九屆莊既重要一日
不容有失呀~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
七點起身
實在太難, 但係居然做到
難得.....

約左九點返 music room
九點返到去, music room 居然冇人
唔係咁早就去左 JCA ~N...
啦啦聲走左去 JCA
個 "食 Q" 話我無 Pass 唔畀我入, 仲話我係最早既一個人到 JCA
打畀阿大, 佢話過緊天橋
咁即係佢地遲到啦
嘻嘻....

搬今晚要用既野去 JCA
由於 JCA 收唔到電話
所以都係熄機
成朝都係響 JCA 睇燈光同音響
睇得咁上下
就要開始練小組歌咯....

練左一陣小組歌
午飯時間
居然無人買飯畀我食
加上又夠差唔多夠鐘練大組
幾乎無飯食
多得盈盈話食唔晒佢個▲�, 畀左佢食淨既半個飯我食
我先有力唱歌咋....
^^
果然係好莊員

練習都係 hae 練
之前都有精神既
練練下就開始攰咯

兩點正式練歌
六點半先練完
rundown 原先寫既時間我地全部無跟到
嚴重 overrun
變到無乜時間食飯
加上 JCA 換衫既地方唔多
搞到好麻煩

小組歌問題嚴重
有 D 人走音既情況持續, 又成日炒粉
大組都不感樂觀
除左 Vincent 組之外, 其他三組都有個別問題未解決
唔係今年既 AP 會搞到質素咁差~N....

又無時間食飯
又無時間換衫
又無時間映相
又無時間錄影 (映相同錄影都請左人黎, 唔映唔錄都係要畀錢...)
好似乜野都好趕咁

正式表演
未開幕之前, 我地成班男仔響幕後既 riser 企 (第一隻歌係男仔歌嘛...)
我一路捉住 Billy 既手臂
又驚一陣會炒
又驚一拉起塊幕既時候, 會發現個場空無一人
又驚.....
總之就好驚啦
真係估唔到
hae 下 hae 下
咁就夠鐘 AP 咯......

個幕一打開
個場既人唔多
有 D 失望, 但係都唔緊要
一早就預左會蝕錢, 都係希望個 AP 可以順利完成O者....
努力

Soilders Chrous (第一隻歌)就炒, 唔記得 D 意大利文點唱
個口又好乾
擺明係淆底啦....
估唔到平時愛理不理咁練, 臨場居然會緊張...

旗正飄飄 (第二隻) 就好 D
盈盈都彈得幾好
無炒粉

到 "兵車行", 呢隻歌係最難既一隻歌, 亦都係盈盈練得最辛苦既一隻歌
陳能濟真係寫到好難
最辛苦既係原本既版本係畀樂團玩既
宜家要一個鋼琴玩
真係有難度架
佢平時玩成日都有問題
但係今日佢居然玩到
當然錯誤難免
但係佢玩到咁盡力, 我地又豈敢唔盡力呢....
所以第一組既表現係超水準既
不過, 正如肥仔當年玩 "我把世界來周遊" 一樣
佢正常水準值卅分, 超水準都係合格多 D.....

玩完關生既第一組
彈埋過場既 Gloomy Sunday, 盈盈就脫離苦海咯..... (佢唔使彈, 齋唱)
但係, 正係我苦難既開始....

第二組既歌唔難唱
大家都算表現正常, 不過不失
肥 B 算係好咯
不過佢就緊張左 D
Vanissa (是組司琴, 上屆主席) 就緊張到炒左 D

之後就係中場休息
實在太口渴啦
瘋狂飲水
仲順手映左幾幅相

中場休息完左
又係時候到 Vincent 組
表現稍遜平時, 但係平時實在表現太好
所以都玩得唔錯

小組時間
琴子既小組練既時間唔多
不過人既質素高 (除左林嘉偉之外, 其它人唱歌經驗豐富)
所以都算順利過骨
至於肥 B 組既小組
唉..........
唉....................
唉..............................
練左咁耐
肥 B 都練得好辛苦
但係成效唔大
要 flat 既始終都係 flat
要走音既始終都係走音
仲要走得好明顯
好失望.....
> <

最後一組
好想去 toilet
但係又要出台, 無得去....
關生既組真係死好命地比之前玩得好
唔通我地平時真係唱得好 hae？？

唱完 encore 歌
叫左副校長上台致辭
條友講第二句就講廢話
阻住我地映相既時間....

講完所有野
D 觀眾都係唔知我地表演完, 留響台上純粹為左映相
要等阿大講左一句："其實我地今晚表演完架啦！"
D 觀眾先醒覺

瘋狂映照時間開始
淨番七分鐘就超時
但係所有人都陷入瘋狂既狀態
掛住映相
幾驚要罰錢呀

至於表演後既慶祝事宜
由於已經超過十二點
唯有留待下回分解

>>February 22, 2004 at 6:17:34 PM GMT+8

2004 年 2 月 19 日 星期四 【晴】

之前就寫好既日記因為 hang 機所以無左
又要再打過
唉.......
眼訓呀...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
九點半先醒
啦啦聲跑返 poly
平時我一定無咁勤力返學
但係今日要交封請假信個鬼佬睇
唔係佢唔畀分我點算~~~

尋日一路同盈盈吹水一路打機
三點幾先訓
所以都係好眼訓
上陳武堂都差 D 陣亡左
好彩都係昏迷左一陣O者....

十二點半落堂
我十二點半就去到 music room
今日約左師傅兩點去西灣河佢間 firm 會面
但係 AP 又就快到 (聽日就係)
所以唯有犧牲食飯時間練歌
平時唔食飯都唔係好肚餓
但係今日真係有 D 餓
不過都最後一日咯
算.....

練到一點三走
搭地鐵去西灣河
去到行左唔夠五分鐘就到達目的地
未夠兩點喎
之前阿飯 (Francesco Yuen, 我 final yr project 既老細) 同我講過佢間野 D 人1300-1400食飯
唔理, 上去睇下先
結果不負眾望地無人
搭 lift 返大堂等
lift 門一打開就見到成間公司既人咯.....

遊 lift 河咁上返佢公司
正式錄音
錄左成粒幾鐘, 但係有用既都係得一個鐘左右既野
中間不斷穿插住佢聽電話, 吹水, 同埋講其他 firm 壞話既時間......

Belinda 打左幾次電話黎
問我得唔得閒去攞 booklet
既然無人得閒, 咪我去咯
最多遲 D 先返 YCO 啦….

同阿飯一齊走
響架巴士度不斷講案例
講到有一個有關逆權侵佔既案例, 幾得意
問下大家先：
有一個租客, 租左一個阿婆間屋
之後殺左個阿婆, 霸左間屋住
住左好耐
後來阿婆個仔返黎探阿婆先發現個租客殺左個阿婆
仲將條屍用硫酸溶左響個浴缸
好彩天網恢恢
原來硫酸溶唔到人骨, 所以警察響個浴缸底發現左副骨
呢 D 都唔係重點, 重點係
當阿婆個仔想攞返間屋既時候, 竟然發生問題
係乜野問題？點解會有問題？
你地不妨諗下, 諗到話我聽
答中會有一份神秘禮物

響紅隧落車
打個電話畀盈盈
佢同關明都響 music room
入左去 music room 一陣
已經聽到盈盈好成功咁 sell 到幾張飛
果然係 sales….

出發
但係唔係攞 booklet
而係去食野
好肚餓呀
頭先錄音個肚仲打鼓….
去左公和食左個豬頸肉食
佐敦既公和真係唔係好得
D 豆腐花都唔滑既
得閒去九龍城食下先

去觀塘攞 booklet
我地訂左八百本, 但係間野印得四百本
好彩得四百本咋
關生攞左兩疊, 我攞左一疊, Belinda 攞左四十本
咁就四百本咯
如果間野印到八百本, 我真係唔知可以點攞返 poly….

搭 215X 返 poly
擺低 D 野就去沙田咯

上個星期行返 YCO 就見到隻’皝L馬路
所以今日行到果頭既時候就企左一陣, 希望見多次隻�
是為 “守柱待﹛芋K.

返到沙田 MO
arm arm 借完琴, 入到房
音都未較, 譜都未睇得切, 何生就叫我玩
擺明想玩我O者….
玩左三次都失手
真係有 D 白痴…
好彩第四次終於 KO 左果句
唔係真係要畀人打…

搞錯呀
APA 學生都玩唔到….
點專業呀…

練完 YCO
走走下走剩我, 阿一同黃蜂三個
我同阿一都唔餓
一齊陪黃蜂食大家樂
食完返屋企

明明聽日要 AP
今日都打機打到兩點幾
聽日要九點返到 poly 呀
好驚遲到添…..

>>February 22, 2004 at 6:46:21 AM GMT+8

2004 年 2 月 18 日 星期三 【晴】

無所事事
如果我今年玩校際阮深造的話真係贏梗
技術就已經差左好多
但係心情就同比賽曲目一樣
所以贏梗.......

以後都唔會唉聲嘆氣
開左咁多日會
令我明白到
一聲冷笑, 往往就表達了一切......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
難得早起 (八點九)
雖然都係差少少先至唔遲到
但係都比之前好得多
但係尋日又係四點幾先訓喎
晏晝一定攰死....

上堂
等落堂
今年既野無上年咁易
教既野係簡單
但係理論為主
好少教實際野 (好似計數咁...)
考試死梗...

上完呢一堂
又係時候放學咯...
響 music room 坐左一陣
出去攞影印
本來順腳去公共圖書館坐
行到圖書館樓下先記得星期四果間圖書館唔開
差 D 做左死蠢添....

返左 poly
去左圖書館 hae 左一陣
打返尋日既日記
順手睇左一陣法輪大法既網站
其實法輪大法既網站都有 D 野幾好睇架
當然, 除左 D 導人迷信, 誤人子弟既言論啦

on 左陣 line, 都無人同我傾偈
好悶
返 music room 坐

坐左一陣
又行左去 tomlee 買飛
一條友, 真係幾無聊....

再次返 music room 既時候撞到肥仔江
同佢傾左陣練 poly 中樂既事宜
仲講左 D 有關 YCO 今年 AG 既野
好灰添....
不過都唔夠我都未練晒雲南回憶三咁灰....
練琴呀~~~~~~~~~~~~

再 hae 左一陣
開始練琴
淨係練彈挑
練左九個字
練完之後都無心情練歌
唯有一路彈挑一路睇 "生死橋" 咯....
^ ^ "

練完琴
又係時候去長沙灣練小組歌
終於可以夾到四隻歌連續唱咯....
但係星期六就表演
會唔會遲左少少呢....

返屋企食飯
未過十二點先返左屋企
都算係早既

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
剛分手的友人說："原來感情終不能敵過時間。"
時間久了, 熱情是淡了
但是感情是否真的敵不過時間？

時間一向也是獨來獨往
無分富貴貧賤, 時間也是永恒地存在
時間不是問題的根源
問題的根源在於人的態度

感情淡了, 熱情過去了, 不是戀愛的結束
卻是戀愛的另一階段
可歌可泣的愛情故事蕩氣迴腸, 但不持久
細水長流的愛情故事老套陳舊, 但持久
人習慣了熱戀的感覺
面對著感覺的轉變, 往往無所適從
逃避, 是最常見的現象
日子久了, 雙方都在逃避
結果, 沒有解決問題
反而使二人的隔膜加至極厚
繼而分手

開始戀愛難
維持戀愛更難
願蜜運中的人可以平穩過渡, 長長久久

>>February 19, 2004 at 7:45:50 PM GMT+8

2004 年 2 月 17 日 星期二 【微雨】

陰晴不定
只是我的心情而已
是日天氣晴朗

今日想講的唯一一句話：
I mind it......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔可以第一個同魔鬼講生日快樂
I mind it..........

唔使早返 (因為今日 day off)
但係都要返 poly
點解？
十二點半要練歌
之後要度野
之後又要做 D 私人野
之後又要開會
........
沒完沒了

想食晏
點知一起身就十二點咁滯
變到無時間食
約左十二點半練歌
十二點八先到
餓住練歌
本來話練半個鐘
結果練左一個鐘
練到一點半先練完

因為約左一點半度野
所以無時間食飯
點知一點半同佢地會合
佢地話未齊人
結果我都係冇食飯......

今日 survey store 要五點收工
兩點先開工
心裏面有 D 驚唔夠時間做...

一路度野一路有人打電話畀我
主要有三個人
1. 阿一 (最後唔單止打畀我, 仲要行埋黎搵我....)
2. Francesco Yuen (我 final yr project 既老細)
3. DeViL (今日既主角)
好少可有咁多人響同一個 time lot 搵我
仲要係度緊野既時候打黎
今年已經少野度架啦
好彩到要買六合彩

最遲做, 但係做完
同我一切做既 partner 反而做唔完 (因為度漏左野...)
不過, 好不幸地
Survey store 既職員實在太有工作效率
甚至可以話係過份地 "盡責"
話左五點收工
真係做到五點就唔見左人
結果搞到要 Joseph 幫我地收 D 儀器入 store
仲幫我地 "贖" 返張學生證 (借野要收學生證嘛...)

同阿一去舊 can 食野
佢有佢食, 我有我忙
忙 D 乜？
咪寫野咯~~~

原本我地約左響沙田食飯
點知有 D 人臨時話唔想響沙田食
改左地點係尖咀
不過佢要我地去九龍塘火車站接佢
理由竟然係...
"我唔識轉搭地鐵嘛........"
咁既香港人, 無以應..............................

食飯
傾偈
不知不覺就傾到十點咯...

好開心既一次食飯
真係好開心

食完飯
行左一陣
一齊行去 poly 既方向
之後各有各散
我就返 music room 開會

今日既會係商討誰是 "阿大"
所以成莊人都出席 (一開頭 o者....)
好難得
上左一年莊, 開左卅幾次會
做左 N 個 Functions
齊莊既次數都可以用一隻手數到
第一次齊莊甚至唔係 AGM
而係臨完暑假既時候, Summer arm arm 由家鄉南京返黎
(四月上莊, 八月尾先第一次齊莊...)
第二次齊莊係 Dress Rehearsal, 即係一月
加埋 AP, 原本我預料我地莊齊得三次
今次係好難得地人齊
好想映幅相留念
但係萬惡既 Vanessa 又唔想映相

上次 Dress 又係咁, 今次又係咁
I mind it....

開會前
誰也沒想到有這樣的結局
聽到半路都知道唔對路
最後都係改變唔到
聽到語氣就知發生乜事啦.........

如果我係無心響 choir 既
宜家既我一定會好開心
因為決定左下一莊既人選
即係表示我就快可以自由咯...
但係........
I mind it........

起碼呢一支莊有一個人係我推薦上既
都總算係為下莊盡左一分力
至於成敗利鈍, 非我之明所能逆睹也.....

兩點幾大局始定
我, 阿大, 阿然, 盈盈, 關明五條友去食野
盈盈分左半個奶油多畀我
多謝
^^

食完野同盈盈返屋企
響車度同佢講報大學既野
講到落車佢先醒起要畀返攞影印既籌我
(我叫阿然幫我印 final yr project sample, 但係個籌就響盈盈度, 奇怪....)
最後佢話聽日擺個籌響 music room 等我攞
謝~~~~~~~~~~~~~~~~~~~
^ o ^

返到屋企已經三點半
上左陣網
到四點幾實在頂唔順先去訓
連日記都打唔晒

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
一個人的快樂,
不是因為他擁有得多,
而是因為他計較得少,
願我們有一顆知足常樂的心

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
什麼叫做緣分？
一見鍾情？
相知相惜？
平平淡淡？
日久生情？
我想, 只有真正努力的人, 才能遇上好緣分
有緣做到朋友是難得的
只要大家將心交出來, 沒有事是不可能的

人的思緒是複雜而凌亂的
當夜深人靜時, 在這美麗的天空裏
你
在想著誰？
我
在想你

想起與你認識的種種
想起發生過的點點滴滴

在此感謝你
感謝你讓我走入你的生命, 作你的朋友
或者我不是你最精采的, 但我總是盡力做到最好
感謝你願意走進我的生命, 扮演朋友的角色
或許你不是唯一最好的, 但卻是我生命中最精采的
你的包容, 安慰, 關心, 用心....
所有事都刻在我的回憶裏

>>February 19, 2004 at 6:00:40 AM GMT+8

2004 年 2 月 16 日 星期一 【晴】

九點半既堂
我十二點半先起身
鬼咩
尋日兩點幾先返到屋企
之後又同盈盈言不及義到四點幾
加上自己又唔係好舒服
於是咪搞成咁咯....

明明之後無堂上
但係都要返 poly
點解？？
因為今晚要去長沙灣練小組
所以要返去攞譜
早 D 返去, 可以做其他野嘛....

返到去 music room
攞左份譜
行左一陣 mega sale
再響 music room 彈左一陣陳輝揚
盈盈打畀我, 問我攞錢買花 (AP 用)
佢本來就同佢既同學開會
但係佢就入左 Music room 吞泡 (彈左幾隻陳輝揚)

同佢去舊 can 問 AP 當日買飯事宜
問完我就去左 library
佢就走左去上堂
響 library 悶悶地
於是開 ICQ 睇下有冇人 ON 9
之後就發現佢一路上堂一路 ON 9
又同佢言不及義到佢上完堂
言不及義左成個鐘
如果將呢個鐘換成今朝既英文堂就好咯.............

還左 D 書, 又借左 D 書
成日都睇閒書
有書又唔溫, 有堂又唔上
講晒都係最後一個 sem
點解我唔可以好好地完成埋今年, 反而毫無鬥志咁頹？
懶？
諗唔到....

返 music room 填 form
填到六點出發去長沙灣
臨行前叫左阿然幫我攞本以前人地既 final yr. project 去影印

去到長沙灣地鐵站
除左 CK 之外, 人人都到左
遲到添....
又要穿過元洲商場
搞到我又諗起小童群 "揪" 會添....

練到十點三先收工
發現左一樣好嚴重既事
我發燒.....
之前以為無野
所以尋日開會先會開到咁夜, 仲要同盈盈吹水添...
之前好驚臨 AP 先黎病
宜家真係好既唔靈醜既靈咯....

食飯
發現 CK 其實都係一個賤人....

返到屋企
萬惡既家姐又霸住部電腦
搞到我唔可以同隻魔鬼講生日快樂添！
可惡！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
大隱住朝市，小隱入丘樊。丘樊太冷落，朝市太囂喧。
不如作中隱，隱在留司官。似出復似處，非忙亦非閑。
不勞心與力，又免飢與寒。終歲無公事，隨月有俸錢。
君若好登臨，城南有秋山。君若愛游蕩，城東有春園。
君若欲一醉，時出赴賓筵。洛中多君子，可以恣歡言。
君若欲高~楚A但自深掩關。亦無車馬客，造次到門前。
人生處一世，其道難兩全。賤即苦凍餒，貴則多患憂。
唯此中隱士，致身吉且安。窮通與豐約，正者四者間。
白居易 • 中隱

>>February 17, 2004 at 5:58:52 PM GMT+8

2004 年 2 月 15 日 星期日 【晴】

Billy 講得 arm
我病病地把聲係好過平時把聲......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨早有 lab 要上 (十點半)
八點半醒左, 猶疑左一陣
都係繼續訓
九點半再醒, 又掙扎左一陣
都係決定繼續訓
上個星期我難得上堂, 點知佢就唔上
搞到我開學到宜家都未上過呢堂....

響屋企食完晏先出門口
一點七返到 poly
基於兩點半先有堂上既關係
我有時間做其他野
之前考慮過做既野包括：
1. 練琴
2. Print Notes
3. Print application letter (功課之一)
4. 打字 (打 D 最近睇到既詩詞, 當係紀錄)
5. 打日記
6. 填 form

最後都係做左一樣野
就係 print application letter 啦
點解咁低效率？！
因為今日帶左份陳輝揚返學
忍唔住有鑽研下 D 歌點彈
一鑽就鑽到兩點咯...
Print 完野本來都可以打字
但係阿大打既一個電話就腰斬左我既所有活動咯...

上堂
兩點半上到六點半
今日 Cadastral 變左活動教學堂
Conrad 好興致勃勃咁響個 lecture room 周圍行
目的只係為左話畀我地聽一 D 我地應該會知既野...

落堂
練歌
練完肥 B 大組
又要練肥 B 小組
好彩今日係 Carmen 生日
有生日蛋榚頂肚
唔係我實餓死

練完歌
開會
之前其實都講左好多野
但係我要練小組, 所以開唔到會
(呢個小組, 得我一個係現屆莊員, 有兩個下屆 + 六個上屆, 玩得好無癮....)
開到我參與會議既時候, 其實已經係尾聲
但係為左新莊既事宜
開會開到兩點半
最後都係出左個我絕對唔希望出現既方案
唏噓.................................
沮喪.....................
無奈.........
頹.....

好彩今日好番好多
只係病病地 O者
AP 應該都唔會有大問題既

同盈盈一齊搭車
傾開先發現大家都諗到 D 野
其實都估左好耐
問過好多人
除左 Billy 之外, 暫時仲未有人唔信我既推測
嘻嘻...........

搭車咁耐
就問左佢咁耐野
仲自己耍左幾十輪太極以緩和佢既情緒
佢終於肯講

信心係自己建立既
無信心唔係放棄既藉口
然而唔捨得亦唔係留戀既藉口
點講都好, 路係你行既
無論你點行, 我都會支持你
小心 D 行
祝你行到一條開心既路

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
想人生七十猶稀,
百歲光陰, 先過了三十,
七十年間, 十歲頑童, 十載尪羸, 五十歲除分晝黑,
剛分得一半兒白日, 風兩相催, 兔走烏飛, 仔細沉吟, 都不如快活了便宜
元曲雙調 "蟾宮曲"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最弄人的是時間

沒有早一秒, 沒有晚一秒, 偏生遇上這個人
機會來了, 稍一遲疑, 它就不等了
重大的決定, 有時操縱在一念
死神奪取你的生命, 剛剛還是鮮蹦活跳的, 轉眼就咽了氣

時間
碰不到, 對不上
就在彈指之間

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
看破, 於下, 自在

看破而放不下
放下而不自在
是人的基本問題
原因是, 每個人都覺得自己重要
為人處世, 拿得起放得下, 自是最高境界
不過人總是幼稚地依依不捨

難怪不自在

>>February 16, 2004 at 8:25:47 PM GMT+8

2004 年 2 月 14 日 星期六 【晴】

接近一點先起身
食飯
hae
之後又要練歌

今日要練兩組歌
由於都有葉羨詩 "觀戰"
加上仲有唔夠一個星期就要表演
所以我都有 D 緊張

一返到去就見到大家響度執野
D 櫈又唔見晒
原來今日要夾 strings, 所以之後果組要去 C123
好耐無試過 Music Room 會得返咁少櫈
原來 Music Room 都可以好寬架喎....

四點半歌到十點
唱到失聲咁滯
仲要發現自己可能感冒
預計聽日就會發作
臨 AP 先病
都真係幾大鑊...

練練下歌阿一打畀我
佢由尖沙咀行去 poly 會我
搬完琴就同佢 + 小談走

行左一個圈就返屋企
飯都無食
返到屋企食左兩個米線 + 一個麵

今晚要做功課
努力！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
和好不如初

復合後彷彿得要好 讓人妒忌又羨慕
但是彼此心裡知道 舊情盡人事醫不好
現在這種「好」最多似舊同事循例巡視業務
前科很糟 怎修補亦存在限度
明知一見到 你亂髮像野草
總記得你跟過誰好

和好 不再如初
即使修理以後瘡疤太多 一世要扮失憶症麼
難過 都已捱過
不想跟你揹著陰影探戈 一到半夜想起你的錯

舊患是彼此的案底 令人夜夜在夢囈
實在不知怎抱擁你 沾滿他氣息的身體
妒恨之間講過一切絕情話 明白純屬自衛
何解傷口怎清洗亦同樣艷麗
扮得多徹底 最後也露了底
戀愛死了瞻仰遺體

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
不如，我們不要再吵架　張小嫻

每次跟情人吵架之後，總是離不開冷戰，鬧分手。然後，因為捨不得，又再走在一起。
和好如初之後，女孩子愛跟男朋友協定：“不如，我們以後不要再吵架了，好嗎？”
吵架並不難受，最難受是吵架之後的思念，很害怕他不會再回來了。
早知道那麼難受，就不跟他吵架。
男人聽到女人這樣說，總會點頭答應。可是，過了不久，這兩個人又吵架了。
女人忘記了上一次是她提出以後不要再吵架的，這一次，她首先挑起戰爭。
吵架之後，女人痛哭，說：“不如，我們分手吧！”
她不說“我們分手吧”，而說“不如，我們分手吧”。
那就證明她並不想分手，她只是說說而已，所以加上“不如”這兩個字。

這一次，當然沒有分手，經過幾天冷戰之後，他們又和好如初，
女人梨花帶雨的要求男人：“不如，我們以後不要吵架，好嗎？”
男人又再答應，因為男人通常不喜歡吵架，也不主動吵架，
他們擅長令女人忍無可忍，要和他吵架。
雖然如此，不久之後，他們又吵架。
吵架之後，女人又哀求男人：“不如，我們不要吵架，好不好？”
大家都知道，那是不可能的。
吵架原來是一種休息，是一段感情的休息，讓大家靜下來，
然後發現，我還是不能沒有他，不如……

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
唔知點講
要講既我講過太多次
我尊重你既決定
我亦表達過我的意見
唔好畀煩惱困擾自己太多
希望你能捱過這一關
衷心的祝福一句：祝君好運

>>February 15, 2004 at 5:54:51 PM GMT+8

2004 年 2 月 13 日 星期五 【陰晴不定】

有關是日的詞語解釋：
情人節－－在有情人而言
頹－－甩拖後未有情人而言
無乜特別－－在從未有過情人而言
唏噓－－滿街皆是有情人, 乃是對無情人的最佳諷刺
超唏噓－－想有情人, 但沒有情人
無情人－－有情的人, 只是沒有情人
忙－－忙著盤算今日要會多少位情人 (另外當然包括盤算是日消費)
花－－是日最多人需要的必需品 (清明重陽除外)
消費－－財政司司長最最鼓勵的活動
練歌－－一大班有 / 無情人既人無聊聚首一堂既活動

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身都已經十二點幾
食飯
hae
咁就接近四點咯
練歌

情人節有幾多人會到？
其實都唔少既
起碼總有 D 情人響 Choir 識
練歌係頭盤, 練完就可以上主菜嘛

練完
響 Music Room hae 左好一陣子
先行去會阿一

畀阿大識穿左今晚同阿一拍拖添......

阿一同老拎一齊去左睇激光
我就去左 HMV 會小談
順手聽 CD
忍唔住買左隻 Messiah

食飯
小談話唔想去唯一食
行左好耐, 去左好多度
發現度度都係咁多人排隊
最後都係去左唯一食飯

食完就返屋企
阿一送左兩位女士走
我就自己返屋企

連續兩日十二點之前返到屋企
好開心...
過埋 23 號, 我就唔使晚晚練歌啦 (雖然仲要練 Polyu Art Festival.....)
可以專心練琴, 應付雲南三咯....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
家姐聽日要交功課
所以今晚都係無電腦用
響廳睇左 "Titanic" 同 "Shakespeare in Love"
"Titanic" 好睇
但係 "Shakespeare in Love" 更好
講既雖是封建愛情
但也道出愛情的真理："愛情是戲劇, 劇終之時, 也就當面對現實"

睇完戲, 睇多陣電視
開左隻張學友聽
好感動

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
咖啡

太濃了吧
否則怎會苦得說不出話
每次都一個人在自問自答
我們的愛到底還在嗎

已經淡了吧
多放些糖也很難有變化
不如喝完這杯就各自回家
別坐在對面欣賞我的掙扎

一場失敗的愛惰像個笑話
熱的時候心亂如麻
冷了以後看見自己夠傻
人怎麼會如此容易無法自拔

一場無味的愛情像個謊話
甜的時候只相信它
苦了以後每一句都可怕
人怎麼會如此難以了無牽掛

放手, 是得到後最難做到的事
但不放手, 怎能得到？
唱到 "否則怎會苦得說不出話" 時
真的唱不到
是唱不了, 還是唱不下去？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我已經習慣在最深的孤單
才能看清楚所有自己的糾纏
不能分享是因為我也說不上來
不是故意隱瞞
也從不想過離開

>>February 15, 2004 at 5:50:39 AM GMT+8

2004 年 2 月 12 日 星期四 【炎熱】

十點半既堂
十點四先出門口
遲左半個鐘先返到 poly

十二點半放學
去左 library hae
check e-mail, 寫日記, 開 ICQ
咁就 hae 到兩點半

去 music room 練琴子小組
今日係大家特別要求既練習
無計啦
下星期就表演
仲未練好 D 歌
唯有將勤補拙啦

練完小組, 聽盈盈練琴
我就幫佢揭譜
不過今日勁發台瘟
次次都係差兩三個小節就揭譜, 一係就唔記得揭譜

去左 CC 睇 Booklet 既設計
D 解像度大低
結果同阿然打美式桌球
咁就打到六點半咯....

咦？
六點半？！
我好似要練 YCO 喎....

行到沙田新世紀城市中心樓下
正當我過馬路既時候
見到一隻★L馬路
﹛H！
係呀, 真係一隻�
係一隻公�
隻‘糬n串到企定響馬路中間
無視前面既的士
後來隻△L啦啦飛奔過馬路
企響行我後面既盧 "泳之" 隔離
個的士司機就好搞笑咁開左隻窗, 大大聲咁講：":茈羌\啦....:茈羌\啦...."

返到 YCO
得一個中阮
兩個大阮 (但係有一個係大大佬, 一個係新人)
實在太唏噓啦...

練完野
一大班人去食 KFC
七個人叫左兩個桶餐
每人都係 $26
食左五件� + 一碗飯 + 一碗薯茸 + 三杯汽水 + 無數薯塊
仲有 D 肚餓

同 SMC 返屋企
又要食野咯....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
靜心廣告改版 1 －－燒炭版

我o地返屋企燒炭啦，買盒炭精俾媽媽；
等佢無晒煩惱燒得好D，全家焗死好容易！
炭精送俾媽，需要起爐嗎？
(燒你阿媽定我阿媽呀？)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
靜心廣告改版 2－－升職版

我升職升職啦，買碌鐵棍打媽媽
等我冇哂人管玩得癲 D，要佢爆頭話咁易
碌棍打媽媽,需要理由嗎?

>>February 13, 2004 at 5:30:45 PM GMT+8