2004 年 5 月 21 日 星期五 【晴】

很多友人正面對明年不可知的轉變
會考仝人, 高考仝人, High Dip 仝人.........
面對的將會是：
1. 變成預科生 / repeat 的總總問題
2. 變成大學生 / 無得讀大學問題
3. 繼續升學 / 搵工的問題

人生太多問題
接踵而來, 令人喘不過氣
唯有平常心面對

預祝成功
更預祝失敗的朋友 (包括自己) 可勇於面對

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
六點半用完電腦
本來唔想訓
但係睡魔急 call
忍唔住
結果都係要訓

就算係訓一陣都好過真係通頂既
始終訓係為左解毒嘛

"解毒" 到八點半
約左九點鐘返 poly 做 instrument calibration
望著個鐘
心知一定遲到
唯有盡量趕返去啦

由於無錢
所以唔轉火車
行到 survey store 門口
人影都唔多個
擺 instrument 間房門口直情連半個人都無
當時已經係九點半
好有畀人老點既感覺

如果我真係準時的話
豈不是畀人愚弄了半個鐘！？
突然覺得遲到得好有藉口....

隔左一陣 D 人先陸續返到
十點幾先開始做野
十一點幾就做完
解散之後我入左 library
睇書解悶都係次要
最主要既係響入面 "解毒"

由十二點鐘開始 "解毒"
斷斷續續解到四點半
儘管咁 "解毒" 唔會真正解決問題
聊勝於無嘛
今晚一次過解決問題咯

四點半醒
走去睇左陣書
影印左 D 資料
唔係學科上既資料
只係平時有興趣研究既歷史資料
一直搞到四點九左右
o者喱仔打畀我
約我五點半響旺地恒等
五點離開 poly

去到旺地恒
早左少少
等
好 "橋" 地撞到 "葉劍"
同佢吹左陣水

理論上唔識 "葉劍"
佢細我一屆, 同o者o厘仔同級
無論係學科上同活動上都唔會識佢
但係佢居然細我一屆既人裏面, 少數大家見面可以互相吹水既人之一
(當然, 我承認自己既不擅辭令, 同極差既外交能力)
同佢交換左 D David 既大學情報
之後佢就同佢既 "女" 性朋友走左

當佢聽到我約左o者喱仔既時候
語重心長咁同我講：
"原來你約左佢呀！(望一望我手上面既書) 咁你既策略都 arm 既。
帶本厚 D 既書, 起碼佢遲到你都可以睇書嘛！"
非常同意佢既講法

同o者喱仔打的上 DB
無幾耐蔡迪輝到左
三個老鬼響國樂室重捨久違既樂器苦練
希望一陣練野都練得無咁難睇

今日練野, 其實係為左響阿一生日果日去會展表演
DB home coming concert
今日練左吳華既 "台灣民謠"
除左有 DB 仔, 仲有少數既 DG 女幫手

唉
點解個個 DG 女都係咁 "名乎其實" 架........

除左拉 cello 既 DG 拉得好過我地國樂會既 cello 之外
其他聲部既 DG 女都玩得唔太好
一來未練得熟
二來經驗未夠
三來....
唔知點講
坐我隔離, 學左兩年阮既 F.4 女同學, 聽到今年 F.1 既 "+ 寶" 學生話佢今年先學阮
好明顯見到佢面色一沉
學左兩年, 居然進度比個 F.1 仔仲要慢
難免唔開心既

不過果個女仔真係唔抵幫架
玩 D 十六分音既 accending note 既時候 (3344 #44#55 6677 1122 3322 1177 6655 #4444)
居然神勇到用一隻手指 + 一條弦玩
方法係用一隻手指響條弦由上 "跣" 落去, 再 "跣" 返上黎
唔係掛
強 D 喎
"文明哥" 唔係咁教學生掛....

音都未玩得熟
好大危機
由佢地揀玩台灣民謠開始就覺得佢地太過冒險
對佢地黎講實在有難度呀
加上又少時間練 (考試季節嘛)
有 D 擔心

望到豬 ray 既身形
居然瘦左
想像一個絕望地肥既人居然可以減肥成功
頓時覺得世間無不可能的事

練完野去食飯
十五條友走去扒王之王食
五個老鬼一枱 (按年齡序：豬 ray, 一, 我, 蔡迪輝, o者喱仔)
邊食邊吹水
由國樂會問題, 講到大學生涯 (主要係分享畀未讀大學既蔡迪輝)
講到興起唔小心跌左隻叉
畀取笑 "論盡" 後唔夠一分鐘輪到豬 ray 跌刀
豬 ray 好無聊咁話我地兩個一個用刀一個用叉咁切畀對方食

咁嘔心既行為
各位估我會唔會咁做！？

食完飯陪一去買漫遊既電話咭
不果
同肥仔搭地車歸家

聽日阿一就走
仲要成個月後先返
無乜朋友既我又少左個可吹水既對象
點樣面對呢個月呢.....

都係面對左星期一就入既 survey camp 先啦

>>May 22, 2004 at 7:33:11 PM GMT+8

2004 年 5 月 20 日 星期四 【乍寒還暖】

戰場上, 崩潰的軍團就是失敗
人生上, 崩潰的情感難以釋懷
只是
戰場上的崩潰, 任憑誰也不能阻止, 也不能改變
而人生上的崩潰, 可隨時日重整

待重頭, 收拾舊山河

軍容尚待重整
努力中
但
四點才歸家
還是明天起努力吧

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日係卡卡考完 CE 既大喜日子
同佢 chat 左一陣
但係居然可以 chat chat 下烚眼訓
真係無用.....

好早就 off9
未夠兩點
但係訓唔著
結果響張牀度睇書睇到兩點半先訓

出門口既時候
背後有背囊, 左手搵住人地個仔, 右手同時攞住書同傘
好狼狽
詛咒左個天好耐

九點要返到 poly
今日返去既主要目的係搬 survey camp 要用既 instruments
遲左少少返去
約我既 "groupmates" 大半未到 (得 Geiger 一個返左黎)
....
又浪費左 D 轉車錢添....

推架放左七八部 total stations + automatic level 既車仔去 HJ 201
入 lift 居然夾親手指
好痛
差 D 扁左
去 toilet 洗手紓緩痛楚
出 toilet 撞到陳永卓
雖然佢成日話響 poly 見到我
但係好好彩, 今日係我第一次, 也許係最後一次, 響 poly 見到佢咯

當身處男校而識到一個同校既 "校花"
都係見少 D 好
唔係歧視
只係費事增加麻煩O者

搞到晏晝點幾兩點
去 music room 練琴
成個月無練過琴
正確 D 講
自從 Solo 完之後就無練過琴
今日都練得唔認真
一開頭連彈挑都彈唔到
一路睇黃仁宇一路練琴
隻右手由好生硬練到稍為純熟
咁就練左成個鐘咯
以前日日練琴, 邊使練得咁悲壯呀~~~~

齋練右手
無乜點練左手
都睇怕係時候要練多陣野咯

練左一陣就去尖咀圖書館還書
還左兩本有關考試既參考書
之後響入面睇書
睇睇下 (大約三點幾四點) 肥仔無啦啦打電話黎
話完畀我知 poly 既燒賣好難食之後就收線
超無聊~~~

行返 poly
去舊 can 食肥仔口中所講 "好難食" 既燒賣
咁都撞到 Timo
太過份啦
佢究竟係咪 poly 學生黎架！！

卡卡打畀我, 佢搭地車去尖咀
原先仲諗住去旺角畀個琴佢添
好彩無離開 poly O者

返 music room 攞琴
佢再次打畀我, 問我響邊度等
叫左佢去百周年既噴水池等
之後就攞住個琴離開

行到去噴水池附近
佢再打畀我, 話佢到左
佢仲話佢見到 "牡" 同 "Noway" 添
行到百周年既噴水池
見唔到佢
諗左一陣
佢見到 "牡" 同 "Noway"
莫非.......

果然不出所料
佢去左另一個噴水池等
雖然都係噴水池
但係地點唔係百周年嘛~~~
同佢一齊等既仲有個男仔
唔通係佢男朋友仔？！

卒之畀返個仔佢
之前老媽子三日唔埋兩日就叫我還個琴畀人
我再四同佢講物主考緊試木得閒攞, 佢都仲係唔肯罷休
搞到之後既對話都係由我家姐幫我回答埋
宜家總算係一天都光晒咯~~~

1745
由唔係百周年既噴水池出發返 YCO
去到沙田都係六點三
曾經猶疑過點解要咁早返
有諗過去一陣圖書館架
但係最後都係早 D 返去

同英輝同 lift
有 D 唔自然
好彩架 lift 仲有其他人O者....

借琴既時候
發現全部沙田既職員都可以 "撻" 我中文全 "朵"
仲懶熟咁
~_~"

入到大房
見到謝戴眼鏡之後既新形像
果然係一隻戴左眼鏡既樹熊
得一百度配眼鏡真係有 D side
加上佢個樣根本唔適合戴眼鏡
望落真係有 D 唔自然

練野
英輝指既 "花好月圓" 了無生氣
"茉莉花" 一向 hae 玩架啦
起初我同棉花鬼講 "茉莉花" 係今次表演中阮最難既歌既時候
佢完全唔信
不過玩完果堆 3 連音 + 快板之後佢好快就無咁講咯

Professional 既人應該要 sight 得快 D 既
果時我地練, 無人識玩
結果練左幾次先玩到
佢算好彩
起碼我都仲記得點玩
唔係佢又要望住份譜 sight
真係難為左佢

練完上半場
休息左五分鐘
到何生指
佢練 "花好月圓" 執得真係唔同 D
豐收鑼鼓臨尾加快加到超快
望住何生好開心咁笑
不過都係叫謝唔好加得咁快

好奇怪棉花鬼居然未玩過豐收鑼鼓

後日阿一搭飛機去法國 study tour
星期一我就搭車入 "勞教中心" survey camp
我地兩個都 in 唔到 music camp
問左英輝
佢叫我地錄音寄畀佢地喎

同謝, 黃蜂, 馬姓菲傭食飯
阿一送完老拎走就返黎陪我地食 (佢兩個今日都無返 YCO)

食完陪阿一由新城市行返 "有錢佬花園"
一路行一路傾偈
有 D 野, 始終都係講出黎舒服 D
好過收收埋埋
無講出黎既野 = 唔重要
講出黎既野 = 重要
重要既野又講左, 唔重要既又可以唔使理
的確可以等個腦唔使咁多野諗

行到去 "有錢佬花園" 成十二點半
驚無車
阿一陪我去第一城
行行下撞到佢兩個中學同學 (並非 DB 同學, 而係呂中)
就咁一傾就傾到三點咯~~~~

行返阿一屋企樓下搭小巴出旺角
再搭小巴返屋企
用左 $21 + 個幾鐘
返到屋企成四點半
由於聽日要九點正返 poly 幫 D instrument 做 calibration
所以決定通頂
費事訓左醒唔到

聽晚練 school concert
聚舊 + 慰藉大會
順手幫阿一餞行

>>May 21, 2004 at 9:41:17 PM GMT+8

2004 年 5 月 19 日 星期三 【晴】

無準備唔代表唔識
今日就係好例子
完全無溫過任何野
對 test 既分都唔會有影響
我知我係 hae
但係如果唔係咁淺的話, 我邊會 hae 得咁過份呀~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
完全唔怕醒唔到
尋晚仲可以三點幾先訓
不過都比之前幾晚早左好多訓架啦
都係早 D 訓好

八點醒
換完衫又訓過
九點四先再醒過
由於 Joseph 話十點開始 test
所以連跑帶滾咁返去

十點正入到 CF 304
佢居然未到
實在太過份啦
早知唔使地車轉火車咁衝返去嘛！！

第一份係 Cadastral test
居然叫我地做 D 好簡單既畫圖 + 搵 Coordinate
實在侮辱我地既智慧
好彩無準備過O者
唔係咪 side 我 D 時間？！

十一點半完 test
GIS Stream 既同學可以鬆一口氣
但係我地 1430 仲有 Eng Sur. 既 test
所以無得走....

去左 library 睇書 + hae 時間
本來想去尖咀圖書館
續借尋日無還既兩本書
兩本書都勁大本, 勁重
行行下先記得星期四尖咀館休息
換言之我要趕住響七點之前返牛池灣續借
ai................

諗起阿一佢地正係興高采烈地唱 K
感覺真係好灰.....

hae 到兩點半
第二場
Joseph 又再次遲到
慣左, 亦都預左
所以開始無感覺

好簡單既 underground 野
居然畀張 Field sheet 欺騙左
張野入面居然有 D 錯既 data
搞到我計勁耐都計唔到
好心 Joseph 出題目既時候就小心 D 啦
仲要畀左個錯既 distance 我地
明玩我地O者.....

結果做唔晒
但係唔代表我地唔識做
如果因為咁而死左呢科
我死都唔眼閉！

test 完接近四點
之後又要為 survey camp 既野搞左勁耐
接近六點先搞完
去左 library (包玉剛) 借書 + 睇書

差點趕唔切返牛池灣還書
好彩
唔係 D 罰款就真係好貴咯~~~

今日家庭影院睇返上次 (考試 last day 之前果日) 未睇完既 "魔戒 3"
精彩
如果去戲院睇我一定會畀佢嚇傻左

聽日九點又要返 poly check 入 survey camp 既儀器
早左 D 喎....

要還番個仔畀人
有 D 唔捨得
話晒佢都陪我過左我人生第一次, 亦可能係最後一次中阮協奏呀~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
李克勤開完演唱會之後曾經講過：

　　" 開演唱會果陣乜都唔畀食，好辛苦。
　　尤其係 D 油膩野！
　　不嬲我都鍾意食 D 油膩野架嘛！
　　好似五香肉丁公仔麵咁
　　簡直係睇波必備佳品！
　　戒左咁耐，到左慶功宴，
　　當 D 工作人員捧著一大碗五香肉丁公仔麵諗著慰勞我既時候
　　突然間發現
　　其實我都唔係真係咁鍾意食五香肉丁公仔麵........"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
原來最難欺騙的
果然還是自己
最可悲的是明明知道自己在騙自己
卻不得不繼續下去
總得要替自己紛亂的情緒找一個出口
也找一個藉口

>>May 20, 2004 at 3:19:00 PM GMT+8

2004 年 5 月 18 日 星期二 【晴】

好 hae 咁 hae 左一日
體驗到 hae 既真義
當你真係好 hae 既時候
你甚至會連有切身利益關係既野都唔會做
我就係一個好例子
明明見住兩本書尋日過左期要罰錢
咁都可以 hae 到唔出街續借

男人大丈夫
講得出做得到
話唔出街就唔出街
但係
咁都算係大丈夫行為？！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋晚同肥仔通電話
同佢分析完佢讀 Law 既好處同壞處之後就開始吹水
佢最近變左做無記記者趙海珠既 Fans
成日話佢靚
無佢符
就係咁無無聊聊都可以吹左成個鐘

打機打到五點先訓
成點鐘先醒
無野好講
聽日要面對可能係大學生涯最後一個 test
唔係
係兩個先 arm
聽日既 test 十點鐘就開波
絕對係不嬲都早睡早起既我既最大挑戰 (我好早訓架, 通常淩晨三點就訓架啦)
為左令聽日我響 test 到發揮平時應有既水準
今日要有絕對既冷靜

講左咁耐
都係為我今日打左成日機搵藉口
打機可以打到阿媽叫我食飯都唔理
六點先食晏
痴線架~~~~~~

夜晚同 Vanessa chat
問佢做乜唔去得 camp
佢話同同學仔去杜拜旅行喎
搞錯呀
為左去杜拜唔同我地去 camp
雖然如果係我, 我都會咁做....

借機屈佢買手信畀我
我份人都幾坦白架
我同佢講：
我都會好簡單咁叫你買波斯手織地氈 (成萬蚊美金一塊....)
又或者係杜拜著名既金飾畀我
佢話考慮下喎
嘻嘻....

手信係心意
我都係吹下水O者
唔使咁認真
不過若然佢真係咁認真的話
我相信我都唔會阻止佢既~~~~

由於今日成日都打機
所以無乜特別野好記
都係等聽日炒完黎傷春悲秋好 D........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
愛情原是一份感覺........
是超越理性， 也是不合理的~
要在愛情這玩兒上賺取甜頭，方針全無
但你可以選擇吃少一點苦頭，方法是不談戀愛

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
怕會不小心觸碰到你的傷口
令你感到痛楚
想做你傷口上的一塊膠布
為你承擔一切的痛苦
只要你活得開心

(from someone's diary)

膠布用來封住傷口
但
傷口癒合後, 膠布反而成了痛苦的泉源
撕掉它？怕痛
不理它？有礙觀瞻
拿它沒法子
只有拿時日跟它耗著
待到它再也黏你不著才不甘心地罷手

不想做膠布
倒想當跌打酒
有需要時它會在你的患處發揮作用
恨不得把你的傷瘀處捽散
賣相不佳, 但有的是熱誠
身體健康時它會默默地放在家中某一個角落
也許你會把它忘掉
但
它會等待
等到你有需要時再找它
很傻
但可敬

>>May 19, 2004 at 4:01:35 PM GMT+8

2004 年 5 月 17 日 星期一 【晴】

考完試既第一日
好 hae
自閉一陣先
遲 D 成個星期都唔響屋企過
所以都係要儲 D Quota 好 D

"試後的無奈－－悼念考試完結尚要面對的測驗"
音樂發表會日期更改通告
是次音樂會之日期將為 20/5 全日
不便之處, 敬請原諒

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身起得幾晏
其實都真係幾無用
星期日起身之後聽老媽子同家姐講開
先知老媽子果朝唔小心切親隻手指
差 D 就切斷左隻食指
痛到大叫
我家姐聽到好驚咁走左去睇佢
但係我就昏睡依舊, 全無知覺
真係好不孝.......

今日又係好無用既一日
一起身見到大佬仲訓緊
乜佢唔係要開工架咩？
原來佢尋晚冷親
加上今日休息
所以臥病在床
望下個鐘
十二點半咯........

打機
咁就一日咯
原本諗住今日練琴架
一於順延至聽日啦

今日又打機打到四點啦.....

Billy 同 Vanessa 都唔得閒去 camp
淨返阿大, 火星人, Angel, 關生, "笨神" 同我六個
唔通我地六個人要 share 晒成個 camp 既費用？！
咁咪好甘？！
大鑊囉.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
得之，我幸，不得，我命 (from 徐志摩)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
即使錯過可能掌握的幸福
如果真的能夠不後悔
真的不後悔 也是很幸福的

>>May 18, 2004 at 8:04:55 PM GMT+8

2004 年 5 月 16 日 星期日 【晴】

"炒" 之進行曲第三樂章－－"瘋狂的 hae 做"
三個樂章經已公演完畢
多謝收看
另作者於 19/5 及 20/5 將有作品發表會假 polyu FJ 304 舉行
發表會名為 "試後的無奈－－悼念考試完結尚要面對的測驗"
兩首樂曲將會屆時發表
觀迎各界人士欣賞

考完試
點解過既日子同考緊試既時候一樣既？
係我考緊試既時候 hae？
定係我本身既生活態度 hae 呢？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
呢兩日都無溫過書
心情處於完全放棄狀態
無計
呢科實在太少野要讀啦
所以尋晚都無溫到書
打機打到三點先訓

醒既時候屋企無人
望下個鐘
十二點半.....
放心
18:30 先考
絕對唔怕遲到
否則我都唔會咁 "老定" 咁遲先起身

響地鐵站東海堂隔離看到一個 "賓妹" 狀既人攞著本書睇緊
外形 + 衣著都有 D 熟口面
企定望左一望
佢抬頭一望
真係 "笨神" *

* "笨神" 者, 盈盈也
因其天性奇笨
故封之為笨神
以為萬世之鑑.......

同佢吹左陣水
順手陪佢等佢個訓覺訓到搭過站既同學
聽到佢不斷強調佢自己五點鐘考完試
又畀佢串我要八點先考完試
無奈之餘有 D 激氣
都係決定去 camp 先還番個 "私生子" 畀佢
好等佢可以試下由貝澳抬著個 "私生子" 行既感受

一點左右去到 library
攞左之前預約既費正通
睇左一陣閒書先開始溫書

用左三個鐘就睇晒所有要睇既野
解決左 past paper 唔知既問題
搞到我好得閒咁走去 check E-mail

無食晏
所以要去食舊 can 下午茶
品嘗左十五粒久違的燒賣
有 D 好滿足既感受

返到 library
一路攞著份 notes 一路恰眼訓

食下午茶撞到杰
返 library 又見到 Jimmy
點解會撞唔到阿一既呢？

六點二離開 library
步入戰場
通常 D 人都會抱著最後衝刺既心情企響 "戰場" 出面
攞著 D notes 係咁 "刨"
平時我都會架
不過今日真係無咁既鬥志

作戰前夕
向戰場入面居然無啦啦有人打畀我
二話不言就 cut 左佢線
仲立即熄機
平時都唔會咁做 (唔係舊年考 photo 既時候, 阿一邊會有機會打到畀我呀.......)

完全唔明自己寫既野憑乜可以攞到分
差 D 又寫到要加紙
好彩自己既 hae 答技術爐火純青
控制到唔使加紙
言簡意賅一向都係我答題既作風
今次都唔例外

考完試
搵阿一食飯
佢好細聲咁唔知講左 D 乜
大意係佢食左飯
根據佢既口供打畀響 poly 附近既肥仔
佢果然響附近
不過響架火車度
唏噓
考完試居然要乖乖地歸家食飯.........

尋日家庭影院做唔完既 "魔戒 3" 今日無播
改播 "學校怪談"
太無聊
睇到食完飯就入房打機
打到三點幾都未肯罷手

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幸福看不到, 聽不到, 也摸不到
但
那卻真的是幸福
我願披著破碎的翅膀
如此在妳的懷抱流浪
然後奮力 振翅飛翔
血淋淋的紀錄自己的哀傷

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當你不知道怎麼選擇的時候
就伸出你的手
你握著哪隻手感覺到溫暖
你就選擇那隻溫暖的手

很想擁有一雙溫暖的手
也很想被一雙溫暖的手握著
可是
那裏可以找到這樣的一雙手？！

傳說, 肥人的手特別溫暖
唔通...........
我要搵聖誔老人？！

>>May 17, 2004 at 7:13:15 PM GMT+8

2004 年 5 月 15 日 星期六 【晴】

頹廢的我依舊頹廢
成日都無溫過書
打機
聽 CD
睇電視
睇戲
好似聽日要考試喎
易係易, 但係唔溫一樣都會唔識架喎
想死？？
可能啦
想到係學生生涯最後一次考試
真係有 D 唔捨得

唔通因為唔捨得, 所以想 retake？？！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日最後六點先訓
完全唔知自己發生乜事
居然可以 hae 咁耐
畀軀體控制了的腦完全控制不了薄弱的意志
結果
訓到十二點半先醒.....

沖涼
本來諗住返 poly
結果都無返
留響屋企
做左 D 天理不容既野
打機....

逃避現實係唔 arm
再係咁我遲早要學洪七公咁斬手指先得咯

以前曾經諗過如果要畀人斬一隻手指
究竟可以斬邊隻
以前既定論係右手既中指, 無名指或尾指
因為唔使用呢三隻手指玩阮
之後諗諗下
好似無左呢三隻手指連字都寫唔到
點算！？

最好都係自己能夠戰勝自己既毛病
咁就唔使自殘身體啦

努力吧
仲有一科呀
一科之後仲有兩個 tests
之後又有 survey camp
又有表演
又有 camp 去
好似好忙咁添....

題外話：
有邊個有興趣又無人陪睇戲呀？
如果有人係咁慘既
我可以陪佢架
我最想睇下列兩齣：
1. 無痛失戀 (占基利 + 琦溫絲莉)
2. The Day After Tomorrow
其他我都無所謂既
不過最好係呢兩齣啦

其實
最好係有人請我去睇戲
又或者有美女陪我去
當然
有美女肯請我去睇戲就最好不過啦......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我知道自己喜歡醉了的感覺，
可以任性，可以不負責任。
一晚。
好比借來的快感。
最好就是身邊有型男照顧，錦上添花。
結論：我還是會繼續醉的。

(from someone's info)

七分醉是最好
酒過七分, 迷糊人生
以為可以擺脫枷鎖
醒後才知枷鎖沒有擺脫, 只是被自己麻醉了
以為掙脫而矣

和我喝過酒的人也知道
當我喝醉了我便會昏睡
是受不了酒精？是體質所致？！
一直不知原因

想了很久
終於想通了
不是什麼偉大的發現
發現了也叫我無可奈可

無奈
但為事實

>>May 16, 2004 at 4:28:47 PM GMT+8

2004 年 5 月 14 日 星期五 【晴】

無乜特別
話返左 poly 溫書
然而主觀意念同客觀事實總有距離

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
十二點先醒
好懶
今日既晏晝響屋企食
居然係食粥
對於一個飢民黎講, 食粥無異係佳餚
但係對於一個食 "飯" 獸黎講, 食粥係一場災難
食完 = 無食

返到 poly 成兩點鐘
乜房都畀人霸晒
連 lecture theatre 都有人霸埋
唯有走去 music room 啦

食完飯既 Timo 黎到 music room
言不及義左一陣就陪我去 7-11 買野
買完返落 music room 就見阿春同佢朋友響 music room

繼續言不及義
Timo 依舊放棄佢 20% 既 management
走去計 math
我就一路 hae 一路溫書
星期一既 eng. sur. 好似好簡單
搞到我真係無乜心情溫
(注意：係 "好似" 好簡單)

溫到六點幾阿大同火星人走入 music room
其實之前見到新琴上面果幾本書都估到佢會返 music room 架啦
傾左一陣
發現佢地都係照原定計劃 29-31 去 camp
灰....
鬼咩
29 號我 arm arm 出 survey camp
30 號 YCO 要表演
玩得唔多又要畀錢
唉........

人地想玩耐 D 架嘛......

阿一八點幾先到
繼續 hae 溫
之前溫就不斷同 Timo 研究點打三國志九
阿一黎到又無聊地 hae
點算~~~

好彩星期一 1830 先考 O者
不過無論如何聽日都要努力溫習咯
但係
五點先訓既我會唔會咁早醒到呢？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"女朋友跟辛苦，其實是一體的"
給經常埋怨的友人

>>May 15, 2004 at 8:51:42 PM GMT+8

2004 年 5 月 13 日 星期四 【乍寒還暖】

"炒" 之進行曲第二個樂章－－"唏噓的亂寫"
好彩
考兩個鐘
坐都唔坐得耐....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
對住部電腦真係會令人無心向學
聽日考試
居然可以打機打到四點....................
要寫個 "服" 字畀自己先得咯

九點幾醒左
開電腦睇下有 D 乜野未溫
先發現我原來有兩份 notes 無響手
之前影左, 但係借左畀人之後就無拎返
即係....
有兩份 notes 完全無溫過..........

好彩
陳武年年 D past paper 都唔考最尾果兩科
希望今年都唔會例外啦

今朝既驟雨真係好驟
出門口之前落勁大雨
黃色暴雨喎
搞到我心大心細

我既心又喜, 我既心又慌
嘉既係有機會遲 D 先考, 可以準備得足 D
慌既係真係遲考, 咁我就真係要六月先有得抖

出門口無乜雨
出到尖咀更加無雨
個天呃左我帶把長傘返去
我背囊仲有一把縮骨遮架嘛.........

響 CF 304 作最後努力
忍唔住訓左一陣
精神 D 都係好事黎既

呆坐左兩粒鐘
野唔係無寫
只係唔知寫黎做乜O者.....
寫到要加紙
但係計數發現自己最多都係攞得十幾分.....

考考下試有人打畀我
考完睇下
係阿一
今日唔記得帶野返黎溫
所以返屋企溫

諗住打畀盈盈 hae 下
可惜佢調左時間今日教琴
無得 hae 添
~_~"

返屋企
打機
睇怕都要養足精神聽日溫書架咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
讀左咁多年書
出年究竟仲會唔會有機會讀書呢？

尋日同阿一一路行去新 Can 食飯既時候一路講廢話
如果出年我讀 Yr 1, 蔡迪輝升到大學, 肥仔又升, 蔡 7 A 又讀 (佢拔到尖嘛)
咁我地咪四個拔萃仔四代同堂.......

>>May 14, 2004 at 1:51:33 PM GMT+8

2004 年 5 月 12 日 星期三 【晴】

hae 溫左一日
有 concept, 但係無具體內容
入到去答都係一樣
死.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
本來八點就醒
但係太懶
結果變左十一點先醒
食完飯, 點幾就出門口

去 CC
尋日幫 Timo 燒左三國九
今日畀佢
畀之前試下 run 唔 run 到
成功

我真係好得閒.......

響 CC 樓下等佢
見到 D "盛況空前" 既奇景
令我地兩個戀戀不忘......

踢房
先去 BC 四樓
全部房都有人
之後上完五六樓, 再行去三樓
全部都有人
過份呀
間間細房都有人
仲要係得一兩個
有 D 仲要得個袋響度
嬲嬲地走去霸左間 Lecture Theatre 溫書

兩條友坐響咁大既 Lecture Theatre 度溫書
坐邊好？
當然係坐響 D 監考既位啦

一路坐一路吹水
溫左好少野
溫黎温去都溫唔入腦
唉.......

五點幾阿一黎到
溫到七點就去食飯
肥仔去完配 con 之後就過黎
平時 D 人戴左 Con 之後, 對眼通常都會大 D
但係佢就係例外
對眼畀兩個眼袋袋著
所以細左....

食完肥仔就走左
我地三個就繼續溫
萬 "惡" 一攞左部 MP3 出黎
仲攞個 headphone 響 Lecture Theatre 既咪下面
咁就令我地享受到響 Lecture Theatre 既非凡既音響效果咯~~~~

聽歌定溫書呀.....

十一點走
返到屋企居然.................................
無心向學
聽日睇怕都唔樂觀咯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
放手不是要忘記或忽視過去
不是要遺忘憤怒, 忌妒或悔恨的感受
放手不代表輸, 也不是贏
放手跟自尊面子無關, 也不是為了停頓在過去
放手也不是留住回憶或重溫悲傷, 也不會留下空虛或傷害
放手不是放棄或退讓, 也不是損失或挫敗

放手是珍惜回憶, 但有克服悲傷, 繼續向前的勇氣
放手是打開心胸, 自信迎向未來
放手是接受事實, 學習, 經歷, 成長
放手是感謝這些帶來歡笑和淚水的經驗
放手是檢視過去.現在和未來所擁有的一切
放手是有勇氣接受改變, 有力繼續往前走
放手代表成長
放手…是明白有時心才是醫治自己的良方

不願放手
如何得手？

>>May 14, 2004 at 2:04:53 PM GMT+8