2003 年 12 月 23 日 星期二 【晴】

慳錢的一天
頹廢的一天
乜都無做過
又變番無目標既人生
(其實都唔係無既, 練阮咯！
橫掂你四月九號就要出咯........)

尋日五點幾先訓
今日唔使返學唔使考試
當然要訓晏 D 啦
起左身幾次, 都仲係訓番覺
去到自己實在訓到唔想訓
起身望下個鐘
一點幾........
果然我最多訓八個鐘既生理時鐘好準..............

起身
無人打畀我
非常好
好野
起碼可以慳 D 錢
食個早餐先 (其實係晏...)

食完
打機
打到個人呆左
打左十二個鐘
重新發現自己原來唔係好鍾意打機

呆左一日
聽日再呆多一日
後日又要忙過咯.....
何時才可以有 "完美的一天" ？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
失眠夜晚
我越過黃線
腦子空空蕩蕩
臉開始變了樣
我只是一隻喝完的可樂罐
被丟棄在路旁
功德圓滿

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我很好
真的很好
跟我問好的, 謝謝
多謝關心, 我很好
沒有想過跟我問好的？
不要緊
不用擔心, 我很好

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聖誕到了
你.....又曾否記得去年的今日做過什麼, 說過什麼
也許你再也不會記起從前的事
不要緊
平常善忘的我, 仍在努力遺忘

恨平日的善忘
更恨自己不對此善忘
何時方可修練到張無忌學太極劍時將招式盡然忘記的本事？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
分手後　最怕朋友的擁抱
突然間　聯想起某個人的懷抱
感傷總是無聲無息的來到　她還是那麼的重要

寂寞時　最怕關心的問好
無意間　又提起某個人的美好
以為自己距離傷心夠遠了　沒想到只在她身邊圍繞

我離忘了其實還早　親愛的名字我只是不提到
以為這樣愛就能夠放掉　事實上心都碎了誰知道

我離忘了其實還早　她過的好不好我還是想知道
就算只有一點消息也好　我也能多少得到些慰勞

直到有天我能做到　告訴自己記得是最好的忘掉
只有當我　能夠再次面對著她微笑　真的忘記才在不遠了

什麼時候我才能和她聊聊
告訴她　我現在一個人很好

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
SANTA CLAUS

平安夜　人再度　想起你　
浮世內　難寄望　姻到緣來
在某聖誕　某種天氣　曾與你一起　
在那聖誕　我跟你　看著北風刮起

是意外　是注定　誰去解釋　
平安夜　人淌淚　我不想睡
在看月球照著我孤影　在那歡樂人聲內　
唯得我無言　沒有了你的今天　竟不再珍惜自己

SANTA CLAUS　可否給我一個自我　
SANTA CLAUS　我不想再為情感作出安排
SANTA CLAUS　可否請你留給我希冀　
SANTA CLAUS　我將一切全留給上天安排

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Lonely Christmas

誰又騎著那鹿車飛過 忘掉投下那禮物給我
仍是那燈飾 只有今晚最光最亮
卻照亮我的寂寞

誰又能善心親一親我 由唇上來驗證我幸福過
頭上那飄雪 想要棲息我肩膊上
到最後也別去麼

Merry Merry Christmas, Lonely Lonely Christmas
人浪中想真心告白 但你只想聽聽笑話
Lonely Lonely Christmas, Merry Merry Christmas
明日燈飾必須拆下 換到歡呼聲不過一剎

明晨遇到 亦記不到 和誰在醉酒中偷偷擁抱
仍然在傻笑 但你哪知道 我想哭

和誰撞到 亦怕生補 寧願在醉酒中辛苦嘔吐
仍然在頭痛 合唱的詩歌 聽不到

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
"你", 又可否聽得懂？
也許只有 "你", 才會知道我的孤寂
寂夕.................
.......
.......
.......
"你"........在那裡？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
他 / 她在那裡

我收拾行李 準備要離去 為了理想我什麼都願意
有沒有人瞭解我的城市裡
我明白從今以後都要靠自己

我傷心的往機場走去 我告別了我最愛的City
喔 親愛的朋友 請別為我擔心
我已學會怎麼照顧自己

天在下雨 下著大雨 好像是代表我的心
我不哭泣 我不傷心 只要給我擁抱就可以
站在這裡 想著過去 最愛的人都不在一起
我的孤寂 說給誰聽 只想找個人聊聊而已

他 / 她在那裡？

>>December 24, 2003 at 5:35:49 PM GMT+8

2003 年 12 月 22 日 星期一 【晴】

今日考最後一科
尋日老豆用佢最後既努力開左一套戲
"大隻佬"............
萬般帶不走, 唯有業隨身
係我考今日呢科既遺言...........

尋日點幾就訓, 以為會好早會醒
點知一起身
九點幾, 唔係好早
有 D 唔好開心
為左要懲罰自己, 所以我決定訓多一個鐘.....

無食飯, 食左個飽就出門口
返到 poly, 一點左右
好早之嘛, 咪睇左一陣書, 搵到兩本想借既書
再上左一陣網先至開始溫書
已經係點半....

用左三粒鐘去了解十一個 lecture 既 notes 同埋做 "精讀"
仲有兩粒鐘就考試
唔想溫書
於是周圍行
行到五點, 覺得好肚餓
去左新 can 食晚飯

食完飯, 落 music room
本來想做最後衝刺
但係夢魔急 call
為左令考試既時候有足夠時間畀我發 "吽`y"
我訓左
有條友響我訓訓下既時候入 music room, 但係佢幾時走我就真係唔知
訓得太好啦, 好到就算佢搬左成座琴走我都唔會發覺.....

六點三先醒
幾驚訓到遲到呀...

入到試場
望完份卷
又暗嘆左一句："大鑊啦....."

今日份卷考三個鐘, 但係我半粒鐘已經做晒我識做既題目
一百分滿分, 我做得三十五分係有信心
其餘全部都無信心攞得高分....

考試時個腦既思維如下：
"The set up of Horizontal control ....萬般帶不走.....
考緊試呀, 唔好諗無聊野...
The set up of Horizontal control can be divided.........唯有業隨身......"
唉....
點解每次我考試既時候, 我老豆都會誘惑我
開家庭自選影院
仲要播 D 我想睇既戲呢....
今個考試
佢每日都播一齣戲
如果我唔係日日返 poly 溫書
我一定會畀佢誘惑成功
但係尋日要返屋企做節
早返左, 就搞成今日咁啦.........

考完試
自由啦
去 library 上網周圍 send message 話畀人聽我自由
信手借多兩本正書

去左尖咀 "唯一" 會阿一佢地
今日原本阿大都約我地飲野
但係我都係揀同阿一佢地一齊
話晒佢地都健康 D
起碼大家去飲野都唔會飲酒
而且十二點左右就返屋企

食飯
打機
寫日記
好似同考試期間無分別添....

>>December 23, 2003 at 7:23:17 PM GMT+8

2003 年 12 月 21 日 星期日 【晴】

尋日溫到五點幾先訓
但係又唔可以晏起身
因為今日要 test
七點幾醒左
但係如果無人 morning call 的話我一定會訓番
仲要係訓到十二點半 (即係考完試....)
所以衷心感激你
^^

未夠八點半就返到 poly
連 library 都未開
由於唔係好記得響邊度考既關係
我去左每一個有機會係試場既 Gym (~X...咁咪即係得兩個....)
咁我係唔記得邊個 Gym 叫 Gym 1 嘛！！
去左邵逸夫果邊, 見唔到我果科個 Number
以為唔係, 又去左另一個 Gym
結果又唔係
無奈...
最後行返 library 上網 check 番我究竟響邊度考試
結果..............
咪就係邵逸夫果邊既 Gym 咯...

知道正確考試地點之後
走左去 music room (近試場嘛, 又有得落腳...)
彈左一陣琴, hae 左好耐
無乜心機溫書
而且我不嬲都覺得臨入試場先睇 notes 係無用既
所以好光明正大咁偷懶~~~~~

夠鐘考試
好難得尋日無乜點訓都無響試場入面訓
上次 (星期六) 盈盈同我一路行去搭車佢話佢響試場度訓左三個字呀~~~
我又未試過咁眼訓
剩係記得當年 AL MOCK geography, 我朝早要同 mathew 玩兩重奏 (異想天開)
(AL 都仲玩音樂節, 你話我幾敬業樂業呢....)
結果朝早唔考得 MOCK, 曹 SIR 就捱義氣幫我夜晚考
仲要辛苦佢老人家睇我考試睇到九點半
但係我做到八點幾九點, 做到好 hae, 仲有 D 想訓添
就訓著既時候望下個天花板
"咦？點解個天花板咁高咁白既？！係噃！我仲響 DB, 宜家我仲係考緊 MOCK 喎...."
但係做多一陣, 都係頂唔順夜戰
同曹 SIR 話做完, 然後同佢一齊食晚飯

考試結果, 我只可以咁講：
阿 NICK 放水放得好準
佢話要出既就出, 唔出既就唔出
問題又問得爽快
搞到我地一睇題目就知道自己識唔識做
唔似 Bruce 咁, 放水唔係無放
但係好似佢咁放水, 就算加埋 Open Book 都可以全部人 retake
佢就放水放得高明啦
難為我地呢 D 螻蟻O者.....

入左 music room hae
hae 到兩點幾, 阿然入黎
畀左隻 winning 7 我, 仲同我講左個好神秘而又不可思議的恐怖故事
就係隻 winning 落左響邊個既手上, 都會忍唔住即刻返屋企裝
之後就會忍唔住成日唔溫書打 winning.........
好恐怖呀！
我聽晚仲要考試架.....

搭地鐵返屋企
今次竟然訓到藍田先起身
破紀錄....

返到屋企
匿左入房
"溫書".........................
不過我都係間接受到詛咒
無畀 winning 引誘
但係繼續畀 KOEI 吸引
不能自拔......

聽晚係最後一科
我諗....
我聽晚一定會死得好轟烈~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
每一個晚上
曲:Andrew Llloyd/花非花 詞:林振強

我突然無言靜了下去　細心把你望
只想再看一次　令我暖暖的眼光
在漫長漫長路上　你我未重遇那天
今天的目光天天我會想千趟

已淡忘從前共你渡過幾多風與浪
只知過往歡笑　大半數也因你記起
在漫長路途莫論你我未來那方
一天風在飛　一天我不忘掉你

每一個晚上　我將會遠望
天涯星海　點點星光
求萬里星際　燃點你路
叮囑風聲代呼喚你千趟

友誼綿綿無盡　你共我縱使分兩岸
此心也永跟你　共往遠遠的那方
寂寞時倦時若你要熱誠目光
只須輕輕把我去想一趟

叮囑風聲代呼喚你千趟

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
朋友究竟係乜？
事實上我既朋友唔多
如果係平日行過見到會打招呼既, 我相信呢個世界上唔會有人無朋友 (魯賓遜除外....)
對於我來說, 真正的朋友叫 "知己"
說是 "知己", 當然要知道我的事, 我也要知道他們的事
(知己知彼？！)
有事會向他們傾訴, 他們有事也會跟我分享
才算是真正的朋友

真正的朋友, 你不會在他們面前掩飾自己
因為他們早知你是個什麼的人
絕對不會因你的矯飾而對你改觀

Friends are angels who lift us to our feet when our wings have trouble remembering how to fly.

最好的朋友是那一種能夠讓你坐在鞦韆上不發一言
然後靜靜地一起離開
感覺就是從未有過最好的對話

想開心時, 有人陪你玩, 陪你癲, 陪你大叫, 陪你講笑
想講心事時, 有人聽, 有人俾意見, 有人分享經驗
就是你的朋友

朋友不會對你有要求

絕了交的朋友，解決了問題後可以和好如初
分手後的男∕女朋友，就算解決到問題都未必可以復合，因為大家心中都有條刺...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
為愛犧牲一切 - 愛默森(Emerson, Ralph Waldo)

為愛犧牲一切；
服從你的心；
朋友、親戚、時日、
名譽、財產、
計劃、信用與靈感，
什麼都能放棄。

它是一位勇敢的主人；
讓他盡量發揮，
無條件地追隨它，
絕望之後又懷著希望；
它高高地，更高地
躍入日正當中午的上午，挾著
不知疲倦的翅膀-
帶著說不清的意向；
但它是一個神，
知道它自己的途徑，
與天空的一切出路。

它從來不為粗鄙的人而存在；
它需要堅強的毅力，
絕對可靠的精神，
不屈的勇敢，
它會報償我們，
毅力可以帶回來
更多的東西，而且
永遠的向上直升。

為愛犧牲一切；
然而，你聽我說；你的心
應當再聽我一句話，
你的努力還要再加一把勁。
你需要保留今天，
明天，你整個的未來，
讓它們絕對自由，
不要被你的愛人佔領。
拼命抱住那姑娘不放；
然而一但她年輕的心中
移情別愛 ---
她模糊地揣測著，
自己也感到詫異 ---
你還她自由，只當她從未愛過；
你不要拖著她的裙襬，也不要拾起
她從她冠上擲下來的
最蒼白的一朵玫瑰。

雖然你愛她，把她當自己一樣，
把她當作一個較純潔的自己，
雖然，她的離去使日月無光，
使一切生物都失去了美麗。
你應當要知道
半人半神走了，
神就來了。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
咁耐我都係聽過一個人為愛犧牲一切
邊個？！
條友好偉大架, 仲好 "疊馬" 添
你講佢一句壞話
佢 D fans 可以用一年黎 "感化" 你叫你唔好咁講
但係佢又唔係恐怖份子 (佢 D fans 係唔係我就唔講咯...)

佢都算係一個有理想既人
一生為愛人而生存
但係如果你問佢邊個係佢既最愛
我相信佢一定用佢最擅長的 "太極" 黎答你
不過佢真正既意思係：
1. 個個都係我既最愛？
2. 我都唔知邊個先係我既最愛？

究竟佢心裏面諗乜我就唔知
但係我就知佢就有特異功能
知道我地諗乜
佢仲係一個武林高手
有人見過佢用失傳已久既 "水上飄" 輕功添！ (唔知係唔係跟裘千仞學呢？)

佢係邊個？！
過多幾日等佢生日我介紹畀佢畀你地識呀~~~~~~
其實好多人都識佢架
不過硬係話無見過佢, 仲當佢係死架之嘛....

>>December 22, 2003 at 2:58:33 PM GMT+8

2003 年 12 月 20 日 星期六 【晴】

今日係無奈同無聊既一日
又嘥錢, 又低 efficient
仲令我重蹈覆轍添.....

尋日點幾就訓
諗住今朝一定早起到啦
點知....
又係十一點幾先醒.....
好唔開心...

食粥
食到好肚餓咁出門口

從前有個人好窮, 見到個有錢親戚, 唔想講到自己咁窮
就好自豪咁同個有錢親戚講：
"我食足三餐, 瘦肉四兩！"
但係佢其實係講：
"我食粥三餐, 瘦肉四兩！"
(上面既瘦肉係豬既瘦肉, 下面既則係令自己瘦既意思)

返到 poly (二點幾)
對住部電腦溫書
結果又係上網睇無聊野
我由阿一響屋企, 睇到阿一返到 poly...
同佢食個下午餐 (三點幾)
食完影印 notes (聽日考試, 今日先影 notes....)
之後又要陪佢散下心
都無乜點溫書

溫到咁上下
佢要打電話畀肥仔
我帶左一份 note 同一本書出 library
點知一出門口就聽到 "O都......"
我先記得我未借本書
舊年唔記得借書就走出門口, 已經畀人發過警告信
今次再犯 (個檔案會 keep 三年), 要罰我 $80 蚊
令我已經財赤既經濟雪上加霜.....

做番同一個精神年齡測驗
今次我既精神年齡既然係 26 歲
好後生添.....^ _ ^

溫到七點半, library 收工
我同阿一走左去尖東搵謝子同肥仔
佢地今日響尖東表演
我同阿一雖然無問佢地響尖東表演
但係一行到百周年紀念公園就見到佢地 set 台
聖誕表演佢地玩三隻歌
除左第一隻 (聖誕歌組曲－－謝子作既) 有 D 關係之外
其餘都無乜關係
彩雲追月............(聖誕節玩......唔係掛...)
仲有南疆舞曲.........(好明顯係為左練而表演架啦)
但係好奇怪地
聖誕歌同南疆都無乜炒
反而彩雲追月就玩到一舊咁
真係羞家....

一行五人食KFC (包括我, 阿一, 謝子, 肥仔同司徒健)
食完謝子想試搭西鐵返屋企
結果得阿一一個搭火車
我地就全部搭地鐵

返到屋企
繼續溫書
決定通兩晚消滅其餘兩科！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次我同阿一既 INFO
都係用張宇既歌
但係佢連聽都無聽過就用
係咪唔係幾好呢？
不過佢個 INFO 都係我今日溫溫下書 suggest 佢用既
可想而知我地既溫書 efficiency 有幾高啦.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
荒廢
作詞：十一郎　作曲：張宇

親手撕了 所有的照片
你的笑在我手裡 都變成碎片
曾經相愛的感覺 在心裡翻滾不能吞嚥
挪不出的空間 去藏住眼淚

以為自己 需要點時間
就算(可是)心支離破碎 也還(已不)能歸位
到底什麼被毀滅 痛苦讓幻覺慢慢化現
堅固的世界 原來會傾斜

我想忘了相處的細節 讓記憶模糊荒廢
永遠若不再珍貴 挽回只會讓愛更狼狽
你還我一樣的從前 我情願愛恨都不增不減
如果能再愛一遍 你不要不要出現

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
離開
作詞：十一郎　作曲：張宇

你們之間發生什麼事 現在問了會不會太遲
以為甜蜜時 愛正在流失 原來這是一種離開我的方式

你們變成彼此的影子 為了太晚相逢的類似
情不自禁時 心很難控制 你用我的結束成全你的開始

你也許會在某天想起遺憾的往事 說不出當時最愛的名字
我卻要用我離開你之後的一輩子 忘了你的樣子

>>December 21, 2003 at 3:48:41 PM GMT+8

2003 年 12 月 19 日 星期五 【乍雨乍晴】

今朝十點鐘就自動彈左起身
完全無被寒冷的天氣影響 (得十度咋, 打鼓嶺仲要得五度), 呆在被窩中渴睡
好似好勤力咁
其實係尋日打機打到兩點幾
覺得好眼訓
忍唔住去左訓
先至換來今日咁精神咋！

響屋企食完飯先出門口
同家姐一齊玩煮飯仔
好耐都未試過煮咯
雖然我來來去去都係得果幾樣
但係都算係咁啦
起碼我食得落時, 人地又唔翻胃嘛...

食完返 poly
行到暢運道, 過過下馬路無啦啦被人捉住
好驚
唔係日光日白都打劫我掛
打劫我都算佢唔好彩, 我身上邊都無乜錢
佢如果可以幫我搵到 D 既話, 我送畀佢又點話呀~~~
點知望真 D, 原來係盈盈
佢好開心咁同我 say hello, 第二句就講左一句令我灰晒既說話："我考完試啦！"
無奈.....
佢話要去彌敦道搭車去麗港城教琴
我咪陪佢行返轉頭搭車咯....
都真係幾無聊架, 咪當係分享下佢考完試既喜悅咯
不過我都響途中不斷搞佢......................冷帽上面既毛球
幾可愛架 (毛球O者, 唔係佢....)

大約兩點入到圖書館
想偷陣懶
於是就開左個小說既網睇
點知一睇不可收拾, 睇到三點鐘
眼見自己乜都無溫過
返到 poly 淨係做 D 響屋企都做到既野, 有 D side 車錢
於是發奮溫書

知道必出既數點做之後 (由於條數太簡單, 我都淨係用左唔夠五分鐘就搞掂)
發現我有好多 notes 都響網上面
又走到電腦面前搵
點知..........
有冇搞錯呀
開唔到個 server？！
咁我點溫書呀~~~~

(大家可能會覺得我抵死, 話我點解唔晨早 Print 份 notes 出黎
但係我絕對唔係因為懶而唔 print
而係阿 nick 出 D 問題都係我地 D notes 度出, 但係要用既 notes 就一頁起兩頁止
佢放水之前點知佢出乜喎！
佢放水之後大家又忙住做 field work....
問左另外一條友借 softcopy, 點知佢都無
唉......
唔通今次放左水都係死？！)

又忍唔住睇埋個小說
一睇就睇到六點
一氣呵成咁完成一本小說
都真係幾滿足
但係返到 poly 都無溫過書
side D 咁既時間做無聊野
真係好過份..............

再次溫書
可惜為時已晚...
夠鐘返歸咯...

之前一踏入 library, 見到一本 "射雕" 既大字本
係第二冊既下半冊
愛不釋手
但係無理由淨係借一本架嘛
於是搵左由第二冊既下半冊開始, 一直至到第四冊既下半冊 (即係書末)
淨番果 D, 因為有人借左, 無得借
唯有 book 啦
臨走先攞去借

返到屋企
雖然今日好凍
但係食左兩碗好溫暖既糯米飯
成個人就精神晒

溫左一陣書
打左一陣機 (今次真係一陣咋...)
用人 chat 左一輪就訓
聽日要 KO Hydrographic Survey！
有時間順便 KO 埋 Geodetic Control！
(目標遠大, 但係實唔實行到呢？？)

面對就死既兩科
可以用兩個字形容自己的心境：麻木

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次個故仔太長啦
所以唔 copy and paste 畀大家睇
要睇就自己上網睇啦
http://www.geocities.com/Tokyo/Harbor/3881/
D 人樣同個封面就麻麻地
唔好咁介意, 直接睇內容會好 D 架
雖然有某 D 內容都真係幾賤....

>>December 22, 2003 at 11:18:34 AM GMT+8

2003 年 12 月 18 日 星期四 【晴】

尋日好安心咁問左 Bruce 問題
諗住今日就算唔識其他吹水野, 都起碼執到計數果幾十分
唉............

七點度就醒左
已經唔識做, 唔想遲到
但係如果無 DeViL 既 Morning Call, 我一定會頹到訓番
thz~~~

返 Poly, Print 番份 Lab. Report
準備考試

今日響平時上 tutor 既迷你房考試
我地既座位編排早就貼左響門口既 seating plan 度
但係 D 人硬係死蠢死唔識坐, 仲成日都坐錯位添
大學生喎....
讀我地呢科既人, 唔係應該對地圖之類既圖好熟悉架咩........

Scan 完份卷一次之後
我忍唔住同自己講左一句：大鑊啦....

做左三粒鐘
由於是次考試係 Open Book 既關係
我成張枱都係紙
搞到我成日要響紙堆中搵番我枝筆同間尺

眼看著一望無際的白海
我已是沉溺基中, 不能自拔
可有一根小草可以扶我一把？
無瑕的海水, 現出雲般的白
哪有纖毫雜質？
久坐在白海中的我, 倒是有點茫然了.....

考考下試
無啦啦有條友打畀我
搞到我要一路震住一路答
好震呀~~~~~

考完試
見到 Bruce 精神奕奕咁同我講："大家笑得咁開心, 一定係考得好好啦！"
我答佢："係呀, 我地咁開心, 都係因為出年可以一齊 retake 你呢科之嘛...."

睇番係邊個響我考緊試都打畀我
估中！
係阿一....
結果：頂左佢一鑊............
其實係試後心情唔好
sorry~~~~

返左屋企
坐響部電腦面前 "吽"
之後仲訓左個覺
起身, 開機, Chat, 食飯, Chat, 訓
我既生活唔可以再係咁頹廢！！
我要振作！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
摘星 詞：林振強　唱：陳百強
84、85禁毒主題曲

日出光滿天　路邊有一間旅店
名後悔　店中只有漆黑　找不到光輝明天
但店主把我牽　並告知這間乃快樂店
人步進　永不想再搬遷
怎知我挺起肩　抬頭道：

我要踏上路途 我要為我自豪
我要摘星　不做俘虜
不怕踏千山　亦無介意　面容滿是塵土

提步　再去踏上路途　我要為我自豪
我要摘星　不做俘虜
星遠望似高　卻未算高　我定能摘到

日出耀長路　日光過山跨嶺射到
如像我永不願停下腳步
一心與風闖悠長路

人疲倦　也要踏上路途

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
高中篇序：

秋天的天氣，比夏天清涼多了，整個校園也比三個月前的夏天，涼快，冷了不少...
但，冷的不只是天氣，還有一顆幾得比雪還要冷的心…

但雪，不是白色…而是被黑色包圍…. 是不透明的、陰暗的、黑色的雪…
………..
……
….

‘咱~~~’ 我走在校園的小道上，踏上滿地的黃色樹葉
‘嗯…怎魔校工都不掃地的…. 踏上地雷怎麼辦…”

(地雷: 是秋天特產，灰色狗糞，上面鋪上一層層黃色樹葉，一不小心踏上去的感覺是…. )

踏進校門，我在校門前停下來，不是為了什麼…只是想站站而記…
望向門前的樹，樹葉黃了…. 我望著它自言自語:
‘…. 嗨~ 早晨~ 三個月不見了，秋天已來了啊……”

不錯，’那件事’ 後，已過了三個月，中五生活開始了~~ 我走進校門，回頭再看了看校門，三個月前， ‘她’ 站著的位置上….

我望著那一點，說: ‘我不再是以前的我了，我絕不會再任 “妳們” 擺布的~ 走著瞧! ‘

……………
………
….

這時，一輛車經過…. 傳來一陣歌聲:
‘不再相信天使
卻信　凝望　你時
本性難移　凡心會動過不已

只要戀愛幾次
誰還能像幼兒不會懷疑　
無知到像個天使…..

…不會視而不見
純真總被歲月去污染
反正　誰都會有這一天…’

我慢慢地走進校園…同時..

……那顆黑色的雪，再進一步被扭曲了….
被扭曲了….
被扭曲了….
被扭曲了….
…………

新的班級，當然有新的座位，在我的座位旁早坐著的，係一個女仔 ( 唔係男，就係女 ga la…唔通會有隻馬騮咩….)

我行去自已個位，佢望住我，我又望住佢…

呢排心情都唔係咁好…妳唔好彩…
我自已諗: ‘望咩姐望…未見過男同學咩…望望望…’
我就係咁啤左佢一眼，招呼都冇打一個，就自已坐低，費事理佢。

‘呢個人…. 好鬼生面口…應該留級生來既…大我一年bor…’
…………….
………..
…….

‘……嗯…. 請問………’
‘….. 喂….. 你識唔識計呢題…..’
‘………….’

‘~~~喂!!!!!!!!!!’
神遊太虛的我，岩岩由 ‘母體’ 返返來…. (睇過 Matrix，應該知道係乜啦 ~ ) ，仲差d跌落地下…

我: ‘…下……乜事呀…..’
她: ‘我唔識計呢條…你識唔識…’
我.: ‘睇過…..’
近眼望去，呢個女仔都幾好樣…. 膚色好白….
我: ‘唔，用得多 SK2，會好易皮膚癌…..’
她: ‘…. 乜話？….’
我: ‘…. 哈…. 呢條係咁計既…..’ (嚇死!!)

同呢個大我一年既女仔坐，都冇乜野 gei…橫豎又唔樣衰，當睇公仔都唔錯~放個靚靚公仔係度，得閒無聊去玩下，都幾好Y~~
(按: 我當時真係咁諗ga….. 差d就冇當d女仔係人 )

一路同佢座，呢個女仔，上堂個時好認真，相比起我，就差得遠 lu…不過，我d成績又唔係好差既…，我成日會自已溫書，所以都教到佢既…

我成日望住佢抄筆記…話佢; ‘使唔使咁認真抄呀…，有鬼用咩’
她回答: ‘咁上堂要認真 ma…’

我聽到 ‘認真’ 兩個字，別個頭冷笑….. : 自言自語 ‘嘿…懶認真就真啦…抄完返去唔睇咪一樣…. 一個二個都懶係野…轉過頭咪又係第二個人~~~’
…………
……..

她在我身旁問: ‘…乜野一個二個人..?’
‘冇野呀~~!! ]
佢望左我一眼冇出聲，我就自已係自我思考…

~~~‘係 bor…. 乜野一個二個呀…. 都唔知自已講乜…’ ~~

…. 就係咁…. 又過左一個星期，某日上緊我最唔鐘意既中國語文堂…
我!!! 作為一個就快考會考既學生，為左我既成績、學業! 、將來、成為香港既人材，仲有世界和平!!!~~~~~

為左呢d咁重要既野!! 我好努力咁…………
…………
……
..同周公捉棋…. 仲流口水 tim….

就係我捉到興起時….

係好遠既地方…….. 有d聲……
‘……喂…. 起……’
‘…堂….. 落……轉….’

我諗: ‘搞乜呀…. 咁嘈既… ’

跟住，就係頭部受到重擊~~~~
‘快d起身呀~落堂啦~~轉堂啦~~~’
我慢慢開眼，見到旁邊 ‘攻擊’ 我既女仔….

她大大的眼睛，如明月般閃亮的眼神…
呆呆咁望住我…. 跟住:
她: ‘…哈哈哈哈……你……. 你搞乜呀...’ 佢按住個嘴..
係咁忍住笑…

我看著她，看到的….
卻是.........

我看著她，看到的….

面對她的眼中明月…. 另一個人的面容，和眼前的她重疊了…..
我不自覺咁….‘你點會係度既…你唔係第2班既咩….’….

佢聽到我咁講，更加笑到收唔到聲…. 突然!!!!!!~~~
我突然心中大力一痛，像給大鐵錘狠狠敲了一下…
………..
….

因為，那一刻，我突然發覺…. 面前的笑容，竟和她那麼的相似…

‘哈哈…. 你…. 唔該…訓醒未呀….’
‘唔….. 該…. 你…. 抹返d口水先同我講野…哈哈呵….’

我而家先返返來. 一看…哇….
…尼加拉瓜大瀑布….. 水源好充足…. 簡直係…如魚得水…

我一臉正經地說: ‘人體，有70%係水，水是我，也是你的生命之源，同清泉一樣，你要一點嗎？’
她: ‘………..’
我: ‘………’
她: ‘哇哈哈哈……. 救命呀…. 你殺左我啦…..’

雖然我咁講，我都係極快咁清理左d ‘生命之源’… 佢仲係度笑緊…. 而佢，笑得真係好似佢….
…………..

雖然我咁講，我都係極快咁清理左d ‘生命之源’… 佢仲係度笑緊…. 而佢，笑得真係好似佢….
…………..
……
…
佢笑完之後，成眼都係水 (生命之源….. 車…. 妳咪一樣流眼水，不過你係眼度流出來…. 我係口水之嘛… )

佢同我講….:
‘哈…同你坐真係好開心，可惜之後就要調位…. 如果唔係真係想繼續同你坐….’

我望住佢既笑容、看著她的眼睛、聽完她的說話….
口中答: ‘是嗎？…呵呵…. 我也很想跟你坐啊..’
她: ‘是嗎？,….. yeah…..’

我心中、卻露出一個冷笑…我冷冷地看著笑得很高興的她….
當然. ，她沒有發覺我眼神的異常.
仍笑得很高興…

…..‘嘿….呢個女仔…追上手玩下都幾好….’
……..
…..
…
而我卻沒有發覺，在我冷笑的同時…..
我背後的黑影中… ‘她’ 在我的影子中，靜靜地看著我…同樣也在冷冷地笑…
…………

她突然說: ‘唔？好像快要下雨了….’
原本太陽高掛的天空，滿是污雲…. 天色…. 慢慢暗下來….
我說: ‘嗯…. 要下雨了…’
我再一次冷笑…
…………

….扭曲了…黑色的雪…. 現在，雪的顏色…. 已經比墨更黑…. 比深夜更陰沉….

個時我都好尷尬....求其講d 廢話去轉移視線而己.....

不過，呢段日子，係我性格最深沈既時期.... 受到傷害... 通常人會有兩種方應， 1. 更會保護自已 2. 攻擊別人以防別人傷害自已
....... 依乎，我那時選擇了後者...

------
另一個平凡的清早…
這一天，我拿著一封信，為的…是向一個女孩說： ‘我喜歡妳，請做我的女友’ 但，這次所謂的表白，並沒有 ‘白’ …

一個污染了的心，何來 ‘白’ ？….
…..
…

看到她了…她一個人…仍靜靜地坐在平常的座位上…我走過去，把信輕輕地放左她面前，再露出一個看似很自然的笑容…:

‘這是給妳的，看看好嗎？’
她露出奇怪的眼神 ，笑道: ‘…. 嗯？ 這是什麼啊？…不會是情書吧…’
看著她天真的笑容，我感到一陣暈昡、一陣內疚…. 差點兒便想把信搶回…

但這個 ‘可笑的’ 內疚，馬上就被 心中 ‘所謂的理志’ 壓下…
………
…..
..

…(妳們都是一樣的吧…..)….

我說: ‘呵呵…你看看便會知道了….’

…(那個虛假笑容下，只是面具吧了…) …

她說: ‘…呵…. 又好 ’
就這樣，我一邊臉帶笑容，一邊思潮起伏….

而另一面，她也靜靜地…. 從信上看著我虛假的心…
………….
………
….

這時…另一個’ 她’ 從我背後的黑影，慢慢地浮現…臉上的冷笑更濃了….
….‘你…. 永遠不能….. 在我這邊逃不出去的…. 嘿嘿嘿…..’
……..
…
..

………
‘….. 嗯…. 喂…..’
‘….. 喂？…..’

面前的她的聲音，把我帶回現實….. 她把信看完…笑了笑…
‘嗯…可以讓我考慮一下嗎？？’…之後，也不知道她是不好意思…還是怎樣…她急急忙忙的跑掉了….

我望著她…不禁啞然失笑… ‘使唔使走得咁快呀….’
不過…考慮下…姐係都有機會啦…

哈哈哈…咁樣都幾好Y…唔使比自已真感情落去，唔怕受傷之餘，得既又有個女朋友，唔得呀？超…. 咪話 Q知佢lor….

(夠賤呢…? 我而家就真係最睇唔起呢種人，偏偏…我年少時就真係做個d咁既野… )

到左第二日，佢回左封信比我: 內容係想我諗清楚d…: 信入面有一句..
‘…可能你鐘意我既感覺，未必係真既…你唔好咁衝動..’

我一路睇，越睇越唔耐煩…..
‘諗乜鬼呀…. 得就得唔得就算啦…. 真係煩.. ’

講真，呢個時候，我都開始冇心機同佢糾纏落去…
我即係搵起筆 …‘唔得就算啦.. 草草回左佢就算數，得閒打多鋪機唔好……..’

信入面…我印象最深刻既一句:
‘…妳唔想就算啦…我都唔想繼續同你拖落去….’
……….
….
..

最終回: 黑色的雪、白色的水

……….
…一封信，靜靜躺她的桌上，一封帶著灰暗的信…

不久，信的主人回來了…我也回到自已的座位，看著她靜靜地把信翻開…
‘這樣，就結束了吧…. 真是有夠麻煩的…’我不耐煩地想。

這一天，我要佈置班房，所以留在學校，直至徬晚…晚上的校園，其實滿恐怖的。整個校園靜俏俏的…走廊上燈光暗淡…一個人沒有，那種陰暗的環境，彷佛會突然把自已吞噬似的…

‘嗯…別胡思亂想了，快快完成快快走…機鋪！我來了，你等我.. 呵~’

突然，我發覺有點兒不對勁。總覺得有個視線，在看著我似的….
……..
……
…

我慢慢把頭轉過去…. 看到的是….

是她…她臉上沒有任何表情、沒有一絲絲的笑容，彷佛，任何東西出現在她面前，也不會讓她有一丁點的反應…

她靜靜地站在門外，默默看著我，默不作聲…我們，就這樣，互相對望了好幾十秒….

終於，我忍受不了空氣中不尋常的氣氛，我先開腔了..:
‘嗯？是你啊？ …很晚了吧，妳還留在這兒幹嘛？’
她: ‘嗯，有點事。’她一邊說，一邊慢慢地走進班房…一步一步地向我走來…

她移動的速步很慢、很慢…沒有什何表情、很像…. 嗯，會移動的櫥窗模特兒…
我看著她慢慢迫近，心跳突然加速…總覺得心緒不靈…
‘她想幹什麼？……’
我的下意識認為，有些事會發生.. 必須逃出去….

偏偏，…..
我的下半身像不聽使喚，緊緊地貼左地上….
看著她…慢慢走到我面前…
她站在我面前二公分，用她大而明亮的眼睛，看著我的臉……
………….
……

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
可能有人一路睇一到諗:
'點解真係愈看愈似小說咁既？係咪真人真事來 ga?'

如果你有咁既問題，我而家可以答到你

答案係，每一段關系之中，我都會選幾樣好重要既
經歷，主要係...可以突出到2人之間關系既事件。

我會用呢幾件事件，作為骨幹，然後用我覺得最好既方法，將呢幾件事連埋一齊。當然事件同事件之間，少少發揮增加事件關聯係必須既...

例如 :
我有時會描寫下，樹葉/天氣變化，可能個時根本就冇呢樣野既，我描寫埋個d 野，好多時都係要突出當時既心情，或者係周圍既氣氛...

比如話: 寫信比個女仔，呢樣野就真係冇花假，真係有寫比佢，內容都無吹水既

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
她站在我面前二公分，用她大而明亮的眼睛，看著我的臉……
……

她的眼睛，發出仿佛會洞悉別人內心的視線…狠狠地闖進我圍滿城牆的內心…
感覺自已內心所有的感覺、祕密，都會在她明亮的眼睛下表露無遺….

我無法忍受自已內心給人掃視的感覺…我下意識地別過了臉，避開她幽幽的眼神…

….( 這…我是在害怕？…我在害怕什麼…沒什麼可怕的吧.. 我又沒有什錯什麼..)…

…(為什麼面對不了她…..)….

為了壓下自已內心的不安，我心不在焉地問: ‘嗯…有什麼事嗎？’

‘這個給你’ 她把信放在我手中，便不再理會我，別過頭，像進來時一樣，慢慢地走出課室…

這時，我才發覺…自已的手心全是汗水…
我把信打開…. 裡面，只有短短的一句說話….
………..
…….
…

我把信打開…. 裡面，只有短短的一句說話….
………..
…….
…

‘你根本不是真的喜歡我，若不是喜歡我，就不要玩弄我，這會讓我小看你。’
看到這幾個字，我像被雷打中似的，腦中一片空白…

…. ‘我…到底在幹什麼….’ 我對著無人的班房說，但…沒有回應…. 只有我的聲音在寂靜的空間中，不斷地迴響….

“…在幹什麼…在幹什麼…在幹什麼…..’ …….

…若不是喜歡我…就不要玩弄我…. 這，我和三個月前的 ‘她’ ，又有什麼分別？？…. 我也感受過，被喜歡的人愚弄、看輕、對自已感覺漠不關心的痛苦，為什麼…我會把這種殘酷事，再向一個 無辜的女孩再做一次？…

我把信收起，火速地衝出門口，在黑暗的走廊上狂奔…四周暗淡的燈，不斷地消失在我背後…. 我一面奔跑…腦中不斷地轉動…

… ‘每件事情的發生，都是有其原因的’…
…因為有三個月前的她.. 造就了現在的我…
…因為有現在的我…我才會送出這封沒有 ‘心’ 的信..
…那麼，是因為從前的她，我才會做出這種殘酷的事吧….’

才不是！！！不是不是不是不是不是不是不是不是不是！
我只不過是在替自已找籍口，一個美麗的籍口去傷害別人吧了!!

我以為，三個月前的事，我已經忘記了…. 我已經放下了…，但原來，我只是一直在欺騙自已，我一直…活在她的陰影下…利用她去污染自已的內心吧了….

這是，我剛好衝下8級樓梯…在這樣黑暗的環境去跑樓梯，可是十分危險…有好幾次，差點就從樓梯滾下去了。 我也不知道…自已為什麼要跑，要追什麼，只是有一個聲音說: ‘快去追!~~’….
….

…. 我、根本接受不了現實…接受不了從前三個月前冷漠的她、接受不了她其實根本不喜歡我…
我…只是在保護自已那已破爛、弱小的自尊心…從前她傷害了我，但我…. 竟然連身邊的她也想傷害…

這一刻，我苦笑了…我終於知道…為什麼她剛才在看著我時，我會害怕了…
或許是因為，我害怕把自已弱小的內心…展露在她的面前…

好!~~~ 就快到大堂了了，跑得可真是痛苦啊.. 但…身體的痛苦，遠不及內心的痛苦…我很內疚.. …..

~~我，傷害她，也傷害自已…~~

到校門了!!!! 她獨自在路上走著，經過漆黑的大堂….正準備走出校門…

我正想叫出她的名字，但我的動作，卻突然停止、喊不出口……..
因為…我生出疑問..: ‘我想對她說什麼……?’ 把她叫停，我又能做什麼？…

我很清楚…我並不是真的喜歡她…我不能再欺騙她了…
我不能自私地…為了自已的內疚…而要她做我的女友…

~~我不能，一錯再錯了…~~

時間，仍然會流動的，時間也不會因我的痛苦而停止…她並不知道我在她背後，她仍是用她日常的步伐，她快要走出校門了….

~~道個歉吧~~~勇敢地承認吧~~她會原諒自已的~…
這是最後的機會了!!!!

但，這時我的勇氣，像被晚上涼涼的秋風帶走了…我…最終也沒有勇氣說一句話…，呆呆的看著她，走出校門…. 消失街角的黑暗裡…. (<---按: )

我跌坐在校門前…大口大口地喘氣…. 最後更順勢躺在地上…

秋風吹起片片黃葉，飄過我的身邊…吹向校門…
在這裡…曾經發生了很多事，我兩次…默默的看著兩個女孩消失在我眼前…

第一次，是我受夠了從前她的冷漠。可笑的是，第二次，卻是因為…. 我的懦弱…不單傷害別人，連道歉的勇氣也…

其實，我內心是很感謝她的…我一直都在自已鎖牛角尖…慢慢把自已迫往死角…多得她最後的一封信，把我從深淵中拉上來，她讓我清醒了…. 她讓我明白:
~~以感情傷害別人…只是在使用雙刃劍，把自已和別人狠狠割傷而已~~

我思潮起伏躺在地上，輕輕地喊…. ‘對不起…’但…. 沒有回應…陪著我的只是滿地落葉，柔和的街燈、和清楚的秋風…..

我看著校門，彷佛見到從前的她…我不禁對著校門的她輕輕地說..‘雖然我不知道，你會不會記得我…但我會把你永遠地…放在心中…. 我想，我不會恨你吧…’

我再望向沒有星的夜空，長長地呼了一口氣:

‘讓所有的事，都…重頭開始吧….’

秋風…繼續吹過，時間…也繼續流動，但，不同的是…. 我的心。

我沒有發現，在我背影中冷笑的她…由冷笑變為微笑….

...黑色的雪，被白色的水沖過…慢慢變回白色，但卻多了一條深深的傷口…一道內疚的傷口....


(高中篇: 序章 全文完)

同場加映短片:

那一晚之後.... 我們一直沒有交談，之後有一次，我見到佢係 toliet 走出來，她見到我，便問我有沒有temple，我當然給她。但那次對話，已是在那一晚的一年後了....

之後，我地都有開始講返野，不過好巧妙地... 我地都冇提返個晚d 野。過左一年，我都唔好意思提起...

我同佢之後都ok講得埋，佢有時會來我從前去的教會，一起溫習，溫完就一起回家。 不過呢段日子，佢有d 乜事，我都會幫佢。有時見佢溫到悶，都會買d 野比佢食。當佢朋友，冇歪念 ga...

就咁樣，我地入左同一間 U，不過上到U 就少見左 lu....

係那一晚的2 年後，在大學附近的咖啡室碰到她，便和她傾談起來:
傾傾下我地講返以前d 野... 佢突然提到...

她: '話樣野你知Y，其實中學個時，記唔記得中七有段時間，我地成日都一齊溫書既。個段日子，溫完書返去真係好開心... 個時我真係鐘意過你，...'

我聽到之後... 發呆.... : '......'
她: ' 哈哈....放心啦...而家冇啦...'
我: '哈.....真係唔講唔知....'

我聽到之後，同佢相視而笑.... 好多野，都盡左不言中... 我唔敢想像，比佢知道我比信佢個時，係立心不良既話...會有乜可怕後果...

而家呀？佢好似 畢左業，.... 又冇搵佢，而家冇佢消息....

>>December 19, 2003 at 3:03:01 PM GMT+8

2003 年 12 月 17 日 星期三 【晴】

今日好唔 arm
聽日就要考試
但係今日都仲係打機打到五點半......

起身又係十一點幾
"吽" 左一輪, 又返 poly 溫書
之前因為部電話好似無乜電
所以攞左個充電器出門口
一於響 poly 叉電
善用政府資源
^ o ^

尋日同阿大, 盈盈, 阿然同關明一齊溫書
盈盈點都唔信我今日會撞到佢
佢話今日考完要趕去學琴喎...
但係我行到正門既巴士站就撞到佢
我既預感真係超準
如果我貼問題都有咁準就好咯...

返到去
食飯
hae

叉電
但係條線又唔夠長
如果拉條線去我地張枱的話一定會變左做絆馬索
阿一就叫我成部電話擺響個插蘇度

溫書
頹
溫溫下書, 阿一見到阿大行過黎
佢同我講完唔夠兩秒, 我就畀阿大捉走左
罪名係：佢又唔記得點樣印 past paper, 所以要我幫佢印....

印完之後我就上網
仲同阿一一齊睇左個超過癮既戀愛經歷
就咁 hae 到四點幾....

之後我就一直坐響部電腦前面呆
但係唔係唔溫書
係要上網搵野聽日寫
因為聽日係 open book 既關係
所以我唔會好似阿一咁背書背到好似個傻佬咁
不過有兩條聽日一定會出既 past paper 數唔識做
好徬徨
send ICQ message 畀阿 Bruce 又唔覆我
唔知點算...
(係就係叫 open book, 但係我地淨係畀帶 notes
書都可以帶, 但係唔可以睇之嘛....)

好彩
五點九左右
Bruce 覆我
仲話可以上佢房度問佢問題
正
我由二樓 (平台) 跑到七樓
跑到喘晒氣
但係好開心
因為彷彿果幾十分已經袋左響個袋度

果然係有用架
我用左兩日摷極都摷唔到既式
佢可以響十分鐘之內幫我搞掂
(當然佢唔會一手一腳咁做畀我睇啦, 但係話畀我聽點做都好夠咯....)

返番我地張枱
唔見左佢地, 亦都唔見左部電話
不以為然
佢地都係去左食飯 O者
而且一來被剛剛有信心得分的心情影響
二來以為阿一幫我擺走左
所以好心安理得咁做野
做到好眼訓, 仲訓左一陣添...

無啦啦畀阿一拍醒
仲問我部手機既去向！！
死咯！！
唔係佢幫我擺好
咁係邊個攞走左呀~~~~~~~~~~~~
不過都係無理
專心溫書
直至阿一既同學阿杰發理 D 圖書館既人貼左張字條響張枱度
我地先至知道我部電話既下落

根據字條的指引, 我同阿一一齊上左 podium 既 counter 問
畀人話就自然係少不免架啦
之後果個人就叫我地問門口既保安
我地行到過去
個保安又話部電話去左保安中心
跟住我同阿一就去左攞部電話

保安中心其實唔係好多 Poly 學生知道響邊
一來果度無乜人行過
二來好少人會報失 D 野
如果唔係舊年我唔見左本 "紅樓夢" 既第一冊我都唔知 Poly 有個保安中心
(商務袖珍本, 一套六本, 唔見左第一冊, 群龍無首, "局" 住要買過一套...)

電話失而復得
真係令人振奮
所以同阿一去食飯慶祝 (正確 D 講, 係我拉左佢去陪我食飯)
好開胃
^^

食完又要搵料寫野
搵到十一點先捨得由 poly 返歸

返到屋企
部電腦終於返來咯
佢趕得切響我考完試之前好番
絕對係好事
因為可以打機嘛
嘻嘻............
不過部機宜家有 6 個 hard disk, 160 GB
會唔會過份左少少呢......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以下係一個人既愛情經歷
唔係我認識的任何一人
純粹係響網上睇到, 覺得好好
所以貼出來畀你地睇下 O者...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
初中篇: 1 次經歷(中3+4)
高中篇: 3 次經歷(中5-7)
大學篇: 大1 - now...

小弟而家22歲...... 而家回想之前既感情事，真係有哭有笑.... 不過我從來冇後悔過，因為，每一段經歷...... 都係我既人生，我寶貴既記憶....

初中篇：
中3/4 個時，鐘意左一個女仔，呢個女仔比較特別..... 係其他同學眼中，佢好討厭。因為初時覺得佢份人做乜都好認真，唔會輕易向人妥協。所以我暗地裡好欣賞佢..... 佢以前做 Prefect ，好多犯校規既人，都死係佢手上.....

慢慢地.... 由欣賞變成暗戀，個時傻下傻下乜都唔識.... 鐘意人，又唔敢講..... 我唯一表達自己既方法，就係對佢好，有乜野我都會第一個去幫佢......

個陣時....班上面有個男同學，我同佢都幾 friend 既.... 佢同我一樣，唔抗佢個女仔，我地幾個..... 做 project 一起做，功課一起研究，上堂一齊坐.... 好開心.......

開心既日子唔長..... 慢慢..... 我見到佢同個男仔單獨傾計，有說有笑..... 個心好唔舒服....

個時.... 都冇乜野既...... 見佢地傾計.... 我咪又走埋去一齊傾...(其實係唔想佢地2 個一齊講野)

有一次，我籍故送佢返屋企，過馬路個時.... 我冇望到馬路，佢笑笑口咁拉住我隻手，同我講:"小心呀，車死你呀..."

個時拖住佢，真係好開心...

好景不常...... 係我終於鼓起勇氣，向佢表白...... 結果竟然.....

個一日，我記得係愚人節....(真係唔知係咪整定既....... 愚人節 wor.... )佢叫我放學去 library 搵佢，我覺得係一個好機會同佢表白.....

落到去，我好緊張.粒聲唔出...... :
她:"喂喂，做乜你唔出聲呀？唔舒服呀.... 呵呵呵..."
我:"唔係呀.............冇野呀"
她:"哈哈，但係你成個樸克臉咁.....唔開心呀?"
我:"..........."

見住佢咁開心...... 我就越緊張.....
終於.... 我鼓起勇氣...
我:"因為我好鐘意你~ 所以心情唔好!~~~~"

佢收起笑臉....呆左咁望住我..... 我地對望左10 幾秒.....

佢望去第二邊..... 話:"我.......同左佢(那個男同學)一齊，我今日，就係想話你知........."
我:"..........."
佢:"..........."
我:".....幾時開始ga......?"
佢:"....3日前....."
我問佢:"你真係真係鐘意佢先同佢一齊.....?"
佢好奇怪咁望住我答" 當然啦........?"

個時真係....... 我都覺得自已問得好蠢好傻...... 其實我只係接受唔到，我希望佢只係一時衝動.............
我同自已講:"原來只係3 日，點解我唔早d 同佢講呢？....如何我早4日同佢講...... 佢會同我一齊...."

不過而家諗返，我只係俾借口自已，唔認自已失戀.......
我就係咁......渡過左一個最可笑既"愚人節"、亦都係一個做蠢既愚人節.....

不過......我同佢既故事仲未完.....之後發生既事，係完全出乎我意料之外.........

咁冇法啦….. 鬼叫自已冇膽行先…. 最後只能目送佢走，真係好後悔…. 我只能無奈放棄..

見住佢地拍拖，日日放學，都幾 hurt ga…. 我做左d 關係調整，冇同個女仔講咁多野….. 我都幾想逃避佢…..
講開又講，某日，佢男友(姐係之前同我幾熟既 friend) 拉我去一二角，同我講:
佢:” 我知你鐘意xxx ，但係佢係我女友，你唔好搞佢”
我: …. 你放心，我唔會阻住你既…..’
我的確係鐘意佢，不過搞搞聲….. 有d 難聽，我未至於衰到要死拉住個女仔唔放…..

就咁樣，佢地就拍左幾個月拖，而我，亦都慢慢冇諗過女仔。

拿….. 重要野來啦，真係天有不測之風雲，無花插柳柳成蔭…. 不過可能係花柳…掂左你就知…

3個月後，突然傳出佢地分手既消息…我當時好驚訝，不過個時我已經冇乜諗過女仔…所以都冇問佢d乜…

直至，summer holiday某日既下午，小弟無聊行街中….. 有人打比我/…..
竟然係那個女孩……

(留個伏線，係呢度為止，我仲自問係一個好男仔…. 我既戀愛觀，係6-7年之間，都有改變過幾次…. 我唔敢話自已係一直都係一個好男仔，係愛情上，我都卑鄙過，我都hurt過其他女仔….. 但同時，我都死心塌地咁付出過… 不過呢d…係之後既改變，我會慢慢講…)

我都估唔到佢會搵我，原來佢問我借d 野....(書？定唔知乜鬼..... )，咁岩佢又去到我屋企附近，咁咪去找找她吧，反正也很久不見了......

她靜靜地站在街角，不時回望，看看我到了沒有....我走埋佢，佢對笑住說:"嗯..... 你終於來了...."
我:"是..... 我來了...."
我:"來.... 你要的東西...."
她:"嗯.... 謝謝你的東西...."

( 有趣的對答.....)

之後我同佢，由我家公園的小路，慢慢.... 慢慢地走..... 多久沒有和她獨處了........? 我也不記得了.... 只覺得..... 十分懷念...
我同佢一路都冇出聲，我也樂得享受那一時的寧靜..... 很安靜....
四周也越來越黑了...

當我正要說話..............

以下對話，對我來說絕對震撼..........
....................
............
.......
......
..
..
..

她:"....... 嗯.... 喂....."
我:" ......... 什麼.....?"
她吸了一口氣，說.......
"你還喜歡我嗎........?"
我:"............下"
她:"........."
我:"................."

我冇答佢..... 佢都冇再問...... 我地又繼續行...
我係度諗佢既問題..... 其實，我仲鐘意佢.... 不過太耐冇諗呢樣野，這女孩的笑容... 被我埋在心的深處裡.......

終於過左一陣........ 我話:"......嗯......喜歡......"

跟住佢既答案............. 直頭係...... 同用火箭炮打我個腦一樣......
........
....
...
....
....

她:"............ 你可以做我男友嗎!!!"
我:........什麼!!!!?...... "
她:" .........可以做我男友嗎........?"

我呆左望住佢......... 佢就dup 低個頭.... 我地繼續行.....
....................
.................
..............
.........

我........答: "...........好........."
她停了一會... 笑:".........謝謝......"

個時真係開心到..... 好似個腦空白一片咁.......

我地行左一陣...... 就各自返家....... 我記得，個晚既星好美.......

睇到呢度...... 大家都應該以為......... 大團圓結局~~~~ YEAH~~~
.... ........當然....... 冇咁簡單啦.......

大家記唔得得呢句:" 無心插柳柳成蔭..... 不過可能係花柳..."
之後呢位我深愛既女孩......... 竟然..........
..........................
..................
.........

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
(比少少預告.... 高中篇 至大學篇中..
有3 個 很重要的女性在我身邊出現......
其中一個係我女友，一個搞到我 a level 差d Stop la.......一個....
就差d 令到我同女友分手.....)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
竟然!!!! 佢打比我

個晚....佢又再打電話比我:
她:".....喂，是我,,,,,"
我(好開心):" ... 嗯，你回到家了啦，什麼事呢？"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
... 大家比 10 秒自已，估下佢講乜.... 簡直....

(10秒)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
她："... 我想講呢.... 頭先，我好似衝動左少少....你可唔可以當冇聽過？..."
我:"....下!!! " (山洪暴發...........)

呢個時候，我既心情同大家玩跳樓機/ 89 年恆生指數既情況一樣，想死咁...

我:"....咁你姐係想反口啦...."
她:"...唔係...係我想諗請楚d..."
我"...你冇口齒......"
她:".... 唔係... 其實都冇乜野既，我地都係繼續一齊啦....."
我(好開心):"真既~~?" <-- (按: )
她:"......咁我去食飯先啦，遲d 搵你.."
我:"呵呵呵.... 好" <--- (按: #)

打到呢到，而家諗返都滴汙，覺得自已超笨，明明佢叫我做佢男友先，而家搞到好似我迫婚咁..... 我又真係去迫佢 wor... 個句:"你姐係想反口啦.." 簡直係一絕，其實佢咁樣，都知佢咩事啦，比著而家真係理得佢死... 迫佢，佢又唔鐘意自已，有乜意思？？

可謂: 年少無知 之極至~~

第2 日，佢比左封信我，我選左d 重要既打下來:
"
1. ... 你若是我，你也會想自已深愛的人，陪自已渡過將來吧...
2. ..我和你，我想還不是時候，我想大家都了解多d對方....
3. .要我忘記之前的男友，方法只有是投進新感情，但這感情絕不是水泡.."
4. .. 當我要求你做我男友時，我的心已是你的了... 希望你明白我....你可否維持朋友關系，和我渡過將來呢...?"

個時睇到佢呢封信，唔識野就覺得冇問題，而家睇返.... 真係比4 個字佢:"胡言亂語!!" 上面幾句野中，有幾個不合鑼緝的地方，大家找到幾多個？ (當時我竟然覺得冇問題.. 汗顏)

我d friend 知道我d 野，都話個女仔有問題，我就當佢地耳邊風....
之後佢又繼續做我女友，我又真係好開心咁同佢一齊....
......繼續做一個傻男友...

不過....... 就是因為笑過，哭過，傻過，才算是年青過吧，對嗎？大家..... 也應該對自已曾經喜歡過的人.... 做過好多好多，而家覺得好傻既野.... 呢d，就係大家寶貴既人生

不過..... 改變我性格既事..... 發生了

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
聽返首歌，回味下自已既經歷啦~~~

Eason :我的快樂年代
　　　
讓我有個美滿旅程
讓我記著有多高興

讓我有勇氣去喊停
沒有結局也可即興
難堪的不想 只想痛快事情
時間尚早 別張開眼睛

長路漫漫是如何走過
寧願讓樂極忘形的我
離時代遠遠 沒人間煙火
毫無代價唱最幸福的歌
(願我可)

讓我對這世界好奇
讓我信自己的真理

讓我有個永遠假期
讓我渴睡也可嬉戲
從今天開始 相識當作別離
時間就似活多一世紀

無論日夜是如何經過
寧願在極樂當中的我
沉迷或放棄亦無可不可
亮無代價唱最幸福的

願我可

唯求在某次盡情歡樂過
時間夠了
時針偏偏出了錯

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
當時，我都仲係純情小男生一名，我同佢，都只係拖過一次手…... 那一天，我同佢去行街…. 同大家一樣，想拖自已女朋友/ 鐘意既女仔又唔敢拖，結果就笑爆咀…係咁諗住點去拖佢，佢講乜，都絕對心不在焉…. 淨係望住佢隻手，流口水…..

(誇張左d….. 當然唔會流口水啦….. )

好啦，點拖呢？ 大家即時諗到既方法，就係…………. 登登登!!!! (紅綠燈…過馬路…小要心….. 拖!!!! 橋唔怕舊~ 最緊要受~
個日，就係我第一日拖佢，個時佢望住我…. :

她:” 呵呵呵….”
我:”….. 做…. 做乜呀…. ”?
她:…. 呵呵….”
我:”……..”

見住叫陰陰嘴咁笑，真係….. 面紅耳熱，又唔知佢諗乜…. 問佢又乜都唔講，係咁笑….. 最後，我地就咁拖住手，行街街…. 呢一日，係我同佢一齊以來，最甜蜜既一日….

大家都應該聽過，好景不常…..

一個星期後…. 佢突然找我….
問題來啦…. 呢個問題，對中四既我來說，係一個極之現實既問題…. 同香港遇 SARS 一樣，絕對係手足無措….

呢個就係…錢既問題….

某日，風和日麗既下午，佢找我出去…我當然開心啦，不過….
暴風雨的前夕，總是風和日麗的….

行行下街，佢問我:
她:”… 喂…你有冇錢呀？…”
我:”… 有…. 做乜事呀？..”
她:”… 可唔可以借d錢比我？你有幾多？借哂比我得唔得?”
我: ‘我有5/6百到啦……. (唔好笑~我都只不過係一個窮書生而已，有幾百蚊，算好多ga la…. 我又唔係含住金馬桶出世…. )

我好有耐性咁問佢:’… 我借比你冇問題，但但係點解要借$$呀？係係咪有d乜困難….”
她:’…. 你唔好問啦…總之借比我….’
我: ‘但係我係你男友 wor…我都係關心你姐…..’

之後….. 突然飛沙走石，污雲密怖~~~山雨欲來之勢…. 就像我和她的關係…. 從此不再平靜…..

佢大大地發脾氣，話我: ‘點解你成日迫我講d唔想講既野….’
我: ‘我係你男友，我關心你，所以想知道你點解要錢，我唔係唔借比你….’
她: ‘哼！關心我~~ 就唔好問咁多….’
之後佢就好似除自摩首 ‘再別康橋’ 咁…

‘輕輕的我走了，正如我輕輕的來，不帶走一張金牛，我便我揮揮衣袖…..’

留低我一個人係街，自已走左去….
好慘呀~~對一個中4學生既我，呢個係一個打擊，為錢?? 為錢發皮4…??

佢既脾氣好勁，之後佢連續嬲左我一個星期，呢一個星期，我都盡量去逗返佢，我以為，只要我好好對佢…. 佢就實會好似從前一樣…露出她最吸引我的笑臉….. 仍會像以前一樣，跳下跳下咁走來我身邊… 仍會像以前一樣，關心我的喜怒哀樂....
................
...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
各位睇到呢度，如果你既另一半，有野搵你幫手... 我諗你都唔會唔幫... 但係因為關心佢，但係你點都會問 2 句.....

如果佢唔係因為你唔幫佢而生氣，而因為 你問佢d 野而嬲.....
咁，我/ 你 係佢心目中.... 仲算係d 乜？

你又會點同你另一半相處呢? 呢個現實問題，遇到既..... 下一個好可能...

係你!!!!!! )

(P.s. 初中篇就快到尾升， 高中篇個時，我會開個新既 Post )

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
幾百蚊我都冇諗住唔借比佢…因為我知道，錢可以搵返，女朋友冇左就冇左…. 不過…呢個女孩…係唔比我問…咁就唔係咁簡單…

可過 ’比心機’ 都冇話唔岩既，睇下自已覺得邊樣重要D..

---
之後連續一個星期，我都想搵機會同佢傾，不過…佢連傾既機會都….
以下係其中一次對話:
我: ‘你唔好咁啦…你有乜咪同我講 lor…我都係在乎你感受…”
佢: 冷笑 ‘哈哈哈…在乎我感受？…你咁樣都叫在乎我…? 哼…’

她，從前笑容像陽光般的女孩…拋下一個冷笑…便別過頭，灑脫地離去…我呆立當場….

那一刻，我再感受不到陽光的溫暖，留下的...只是一個無助的心，一個如站左雪地的感覺....

而佢，亦都冇搵我…. 呢一個星期中，我首次嘗到男女關系的陰暗處…我想了很多問題…. :
她真的喜歡我嗎..？.. 她真的當我是男友嗎？…為什麼連傾談的機會也…. ? 我並不是不想幫妳…. 我也是緊張妳呀… 我是什麼？…不不…. 我是什麼一點也不重要!!!!!

更重要的是….

~~~我在妳心中究竟是什麼…~

一星期後，我決定再聯絡她…因為…我也快到極限了…. 一星期不斷思考，不斷問自已…. 對不過是 16歲的我來說…我的精神…快將接受不了…

這一天，陽光萬里…. 應該會有好事發生吧…我祈求著…
終於，在學校見到她了…她和身邊的女孩有說有笑….. 她的笑容，這時才是從前認識她時，吸引我的笑容…不過…. 我和這個笑容的結果…..

會是怎樣呢？ 我害怕…

( P.s. 她身邊的女孩，我到而家都有聯絡)

害怕不是辦法~~我不想做愛的逃兵…. 我吐納左一會 (哇~~呼 x 3 )

…走上前~~

我盡量表現出自然的笑容 : ‘…嗨，早晨….’
3秒後，佢經過我身邊….

她望了望我: ‘….’
之後……
….
..

望返去旁邊個女仔度: ‘喂~今日去邊到吃飯啊…~~”
理都唔理下我，就咁同我擦身而過…
佢身邊個女孩，向我投以奇怪的目光…

‘喂喂.. 佢同你講野 wor，你做乜唔理佢…’
‘…唔使理佢啦…’
她們的聲音，慢慢地遠去……
…………
…..

我冇郁到，站左原處….. 我緊緊握住自已個拳頭，按下自已係後面拉住佢既衝動…. 直到…她們的聲音原全消失，我仍站左校門……….

‘夠了…. 我受夠了…. 已經足夠了….’

我慢慢地、慢慢地…..
望向天空…今天的天氣，仍是很好…. 強烈的陽光照入我眼內…不過…

今天，我祈求的事…沒有發生。

就在她，視我如無物地，擦過我身邊的一剎間….
我終於知道，我在她心中…到底是什麼了….

對她的笑容，我唔想接受都冇用…. 我自已，也終於有一個答案…

我對自已輕輕地說了一聲: ‘結束了’

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
初中篇最終章: 迷的笑容

在那陽光曾照的一天，我在班房中，係度寫一封信…. 我寫既時候，沒有哭、沒有笑、沒有表情….. 有的只是平靜，和淡淡的無奈…

信中的內容大約是： ‘分手吧，如你心中沒有我的話，在一起也沒有意思…我盡力了….’

(唔好問詳細點寫，雖然我大部份野都有信/日記做藍本，不過我諗唔會有人無聊到去 copy一封自已寫既分手信，留為記念？？ 值得留念既一刻…柯達金菲林?? 唔好玩我啦… )

一邊寫，她的記憶像照片一樣，流過腦海…
回想起初頭認識她時，她的笑容、率直的性格…
想起她和別人一起時的痛心..
想起她和我左一起時的高興..
最後是想到2小時前發生的事….

她的笑容，對我來說，是太熟悉了…. 同時又像太陌生…

我自然自語: ‘不不…從前的她，已經不在了…我不認識現在，眼神冷酷的她，我只認識從前那什麼也高興地笑，如同陽光的她…. 她會一直活左我的心裡….’

(P.s. : 失戀唔緊要，有幾多個人，一生只愛過一人？？有機既…)

寫完之後，我把信輕輕放左手裡…
‘無論怎樣…總要作個了斷…’ 我對自已說。

放學後要補課，得幾個人會去，包括佢同我…她，靜靜地坐左班房中，而班房又冇乜幾個人…

我慢慢地走過去，每一步，我對她的感情，都在慢慢地破碎…. 五步、四步、三步、兩步、一步…. 到了….

我走到她面前，目無表情： ‘這是給你的…’
之後，我再慢慢走出班房…

背後，有她，有信被翻開的聲音，有我曾經付出過的感情，有我對她的痛心，有自已的無奈….

‘全部都給我留左背後吧…’

……是否很驚訝　講不出說話
沒錯我是說　你想分手嗎
曾給你馴服到　就像綿羊
何解會反咬你一下　你知嗎

回頭望　伴你走　從來未曾幸福過
赴過湯　蹈過火　沿途為何沒愛河
下半生　陪住你　懷疑快樂也不多
沒有心　別再拖　好心一早放開我

從頭努力也坎坷　通通不要好過
來年歲月那麼多　為繼續而繼續
沒有好處還是我　若註定有一點苦楚
不如自己親手割破 …..

5分鐘後，我正要回到班房。而她，正拿著背包，走出課室。

我和她打個照面，四目交投。她……….
……….
….

她一句話也沒說，露出了一個……
我半個月來，從沒有見過，久違了的……. 笑容。

我當時再一次呆左，呆既…. 原因…係 :
‘這個笑容是什麼意思？？ …. 高興？快樂？苦笑？解脫？….’
不過我目無表情，和她擦身而過……. 她也沒說什麼….. 離開了….

補課時間……….
她，有三個另我印象深刻的笑容…. 陽光般的微笑，冰霜般的冷笑，和剛才…迷一般的笑容

這個迷之笑容，到底有什麼含意？
誰知道呢？…只有天知和她自已知…我沒有能力，也再沒有興趣知道了…就讓這個笑容，變成一個謎吧…

管她呢….課還是要上的…. 什麼？ 喂喂~~~ 別擦黑板，我還沒抄好啦……
……..

(初中篇，全文完)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由開始認識，到變成男女間的關系，再分手…暗戀期… 2 年，拍拖… 1 個月，初戀…就這樣說再見了…太快了？對不對？ 世事就係咁，你辛苦得來既野.... 最後，放棄既...竟然會係自已

個時真係覺得幾慘 ga.... 不過後生仔ma，跌得起~~
我知道呢排呢度岩岩有人失戀，其實呀....諗住自已實會搵到一個
互相珍惜的人... 好快就會冇野...

(仲有同場加映短片，每篇完左，我都會講少少 呢個我深愛過的女孩，之後會變成點，或者講少少由別人聽返來既傳言)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
同場加映短片: 相關資料

之後升左班，佢入唔到中六，就咁樣，佢完全消失左我面前。記唔記得，我最後一次想同佢講野，咪有個女仔同佢一齊行既？ 個女仔同我而家都仲有聯系， 從呢個 女 friend 口中，知道佢出來做緊野，亦都找到了新的男友.... 我只能祝佢好運

有個識左 10 年既男性 friend，事後同我講返，話佢小學個時，識得那個女仔，從他口中。知道那女子在中一時比人趕過出校，之後先來到我間學校。 我問點解？

la.... 聽住啦...

佢答: '哦，我之前做風紀既，佢中一個時，拖左同班一個同學去toliet，恐嚇人地，搶左人一千蚊，咪比人趕出校 Lor....'

我驚訝....不過冇出聲.... 唔唔... 咁都得？ 算啦... 關我鬼事

..我個 friend 講過比我聽點解會有1千蚊...... 我都唔記得 lu... 不過我記得，個女仔之前講過，佢真係轉過校。真真假假，成6年 lu ，誰知道？ XDDD

水泡呀.... 可能係啦....不過如果唔係佢，高中篇就冇野寫 lu....

高中篇預告:
有四句

性格大變
撥亂反正
橫刀奪愛
同埋....
你地估下'?

>>December 18, 2003 at 6:06:38 PM GMT+8

2003 年 12 月 16 日 星期二 【晴】

今日一起身
又係十一點幾
梳洗完, "吽" 左一陣
出門口都已經十二點半咯.....

返到 poly, 唔見阿一
又接近一點
因為尋晚 (今朝) 無啦啦約左盈盈一齊食飯
於是走左落 music room
一落到去, 見到阿大同盈盈二個
隔左一陣, 關明返左黎
過多一陣, 連阿然都黎埋
我地就出左尖東食飯
食到三點先返番 poly
唉...

食完返 library 溫書
開一開 ICQ, 見到阿一
佢今日都無返到 poly
原因係起身已經一點, 食完飯都三點
所以唔返
無奈........

響 library 訓
訓到五點先醒
之後又 hae 左一大輪
完全無心機溫書
一個人溫書, 好無動力呀~~~~~~~~~~

八點去 music room 睇下有無人去食飯
跟住就去左榮華
返 poly 既時間係十點....

去左 music room 溫書
起碼人多 D 嘛...
溫到十二點半先返歸........

完全唔識做 past paper
有兩條一定出既數又唔識計
Poly 個 web 又洗晒我之前 download 既野
好 "炆" 呀~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
下面有一大段野
純粹係想扮多野寫
如果係人唔老, 心境都唔老的話可以唔使睇
人唔老心老的話都可以睇下
如果人又老心又老的話
我都相信你唔會睇我日記既
咁就唔好浪費時間睇咯....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
養生之道

關於養身之道，大家都有很多體驗，根據我個人平素省察的見解，認為最
主要的是保持身心的平衡發展。身體強健，心理安適，才是真實的健康。
為促使身心平衡發展，必須培養：
（１）規律的生活
（２）愉快的心情
（３）勸勞的習慣

（１）規律的生活:
生活規律化，主要當從”起居有時，飲食有節”做起。這八個字看來容易，
真能做到的並不多。可惋惜的是若干朋友，在年輕力壯的時候，自負體強，
不能節慾；或肆意口腹，或縱情聲色，等到年歲略長，百病叢生，便呈未老
先衰現象。

一個人天賦體質，如果不能經常鍛煉加以充實，則多浪費一分，便早衰老一
天。尤其年過四十，身體成長到達極限，必須採取俗語所說”細水長流”的
辦法，盡量避免精力的無謂消耗。即令必要工作時，也要有效使用精力。
實施規律化生活，可以使我們的工作娛樂與休息，在時間分配上得到最好的
安排，可以減少不必要的精力消耗。

（２）愉快的心情:
樂觀處世，可說是非常重要的養生之道。
我到韓國訪問，在漢城上看到一副小對聯："一笑一少，一怒一老。" 當
時覺得此聯很有意思，買回來掛在家中，隨時提醒自己。各位試想：假如每
天能夠多笑笑，不但自己心神爽朗，而且旁人見你笑逐顏開，精神煥發，也
願意親近。假如時常動怒，堅眉瞪眼，肝火上升，身體內臟受損，容易致病
，而且旁人看你神情嚴峻，凜若冰霜，一派老氣橫秋的樣子，也就不敢多所
請教了。

這 "一笑一少，一怒一老"，當是韓國先賢的格言，道理非常深刻。我國古
代書籍中，可能也有類似的說法。不過韓國人這副對聯說得並非通俗化，要
想一想才能領悟。如果把它改為”一笑一次，年輕一天，；一怒一次，短壽
一年。”恐怕效果更大，以後大家更不敢隨便發脾氣了。
本人對現代醫學常識所知無多，但憑此一鱗半毛爪，已使我確信：保持身心
平衡，才有真實的健康；尤其是”憂鬱為百病之源”，我們必須達觀處世，
經常保持愉快心情，才能減少疾病威脅，享受健康生活。

（３）勤勞的習慣
勤勞能養成習慣，生活就更有規律；勤勞常有成果，也可增加心情愉快；相
輔相成，實極重要。故具有勤勞習慣的人身體一定健康。大家都知道機器久
置不用會生銹，因而不時擦洗，加以保護；卻不知人體如不經常勞動，某些
部份就會慢慢生組織萎縮和性能衰退的現象，是知物性而不知人性，真是可
怪！

曾國藩教訓他的子弟說："家中無論老少男婦，總以習勤勞為第一義"， "
勞則不伕"，"習勞則神歛"。從事勞動的時候，精神集中，就不致放佚，
自然保持一種高尚純潔的情操，不會想那些邪惡的事。有許多美德，如節儉
，謹慎，都是隨著勞來的。

除勞動外，應該經常以適當的運動，鍛鍊身體；尤其伏案工作的人，更需要
每天做些運動，以維護身體的健康。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
養生語錄
１，永葆青春
青春並不是人生中的一段時間，而是一種心理狀態；代表青春的並不是紅
光滿面，身手矯捷，而是堅強的意志，高超的想像，旺盛的精力；青春乃
是生命幽深泉源的一股清新氣質。

青春的含義，是用勇敢克服懦怯，以堅忍代替安逸。一個年屆耳順的人，
有時可以比二十歲的少年更富於青春氣息。單是歲月的增進，並不足以使
人衰老；放棄自己的理想，才會使人衰老。......
你可以隨著信心而年輕，隨著懷疑而衰老，你可以隨著自信而年輕，隨著
恐懼而衰老；你可以隨著希望而年輕，隨著絕望而衰老。

２，長生不老之術
－不要認自己年老，一旦自封老人，就註定老了。
－所有的病都是心病，只要精神年輕，身體自然地跟著年輕。
－立一個還要活幾十年的大計劃。
－讓過去埋葬過去，不要故意想些無益的事來後悔。
－笑著活下去。
－竭力使思慮精密，用頭腦也是防止老化的方法之一。
－經常大量地吸收新鮮空氣。
－可以不忘金錢的計算，但是不要太在乎它。
－食物盡量清淡，並宜節制食量。
－找出一種值得熱衷的正當娛樂來入迷。

３，攝生法則
－慎風寒，節飲食，是從吾身上卻病法；寡嗜慾，戒煩惱，是從吾心上卻
　病法。
－憂愁則氣結，忿怒則氣逆，恐懼則氣陷，拘迫則氣鬱，急遽則氣耗。
－拙字可以寡過，緩字可以免悔，退字可以遠禍，茍字可以養福，靜字可
　以養壽。
－行欲徐而穩，立欲定而恭，坐欲端而正，聲欲低而知。心神欲靜，骨力
　欲動，胸懷欲開，筋骸欲硬，脊樑欲直，腸胃欲淨，舌端欲捲，腳跟欲
　定，耳目欲清，精魂欲正。多靜坐以收心，寡酒色以清心，去嗜慾以養
　心，玩古訓以警心，悟至理以明心。寵辱不驚，肝木自寧，動靜以敬，
　心火自定；　欲食有節，脾土不洩；調息寡言，肺金自金；恬淡寡欲，賢水自足。道
　生於安靜，德心於卑退，福生於清儉，命生於和暢。天地不可一日無和
　氣，人心不可一日無喜神。

４，快樂的真諦
人生的至樂有三：
（１）能集中精力於一種自己認為偉大的目標
（２）被扔上廢物前，能充分發揮自己的才能。
（３）始終做自然進化的的動力，不抱多愁善感的態度，抱怨這世界沒有好好使你快樂。

５，盡在不言中
據說有一次釋迦牟尼在一個大會上說 "法"，拿著一朵花，面對眾人，一句
話也不講，大家都不知道甚麼意思，只有迦葉會心地一笑，釋迦就把法門傳
給了迦葉。這雖然只是有關禪的一段故事，但是在我們日常生活中，也往往
有同樣的情形，所謂 "盡在不言中"，於心靈溝通上，常有更完全的感應，
問題是我們怎樣在這個紛雜囂攘的世界中，保持一顆敏銳的心。

６，生命像火柴盒
我們的生命就像一個火柴盒，裏面包含著許多火柴。每當我們點燃一根，雖
然盒子裏減少一根，但是也發生了光和熱，就這樣我們不斷地點燃，照亮了
別人，也溫暖了自己，這就是生命。

７，不落幕的舞台
我們常說 "人生像一場戲"。這個世界是一個不落幕的舞台，我們就是穿梭
其間的演員了。有的演配角，有的演主角，台上不可能總是我們在演，有時
我們可以走到後台，喝點茶，或是檢討一下自己的演出，到我們該出場的時
候，就又走到舞台上。不論我是主角，是配角，這場戲不能少了我們。不論
我們是在台上，在台下，就是為了演好這場戲。

８，比下有餘，比上不足
我們常說："比上不足，比下有餘" 這句話如果換個方式講："比下固有
餘，比上仍不足。" 感覺就大不相同了。在生活的享受上，我們應該想前者
，知足常樂。在學問的追求上，則應該常念後者，學無止境。

９，快樂
想使人家快活，你自己先得快活。要散佈陽光到別人心裏，先得自己心裏有
陽光。只有努力在減少人家的苦難，你才會快活。

１０，人的本質
人生過往，乃是行乎其不得不行，又止乎其不得不止的一刻。說永恆，說短
暫，均無不可。能飄然而來，能輕鬆的揮一揮衣抽而去，這才是無言之美。
也是見其人性之空靈處，敦厚處了。

１１，正心
－人生種種病痛，祗是外事外物太要緊了，以致心不能靜，氣不能和，度不
能宏，口不能默，火不能制，苦不能耐，貧不能安，死不能忘，躁不能釋，
矜不能平，驚恐不能免，爭競不能遏，辨論不能息，憂思不能解，妄想不能
除，總由未淡未空之故。真淡真空，一切以不要緊三字了之，此則拔去病根
之神藥也。

－喜怒哀樂愛惡慾，一有動之心，則氣便不平，氣既不平，則發言多失。七
者之中，惟怒為難治，又偏招患難，須於盛怒時，堅忍不動，候心氣平時，
審而應之，庶幾無失。

１２，修身
－寡言養氣，寡視養神，寡思養精，寡忿養性。
－勤勉是幸福的右手，節險及幸福之左手。
－養生以清淨為本。
－節食以去病，寡慾以延年。
－善養生者，食不過飽，飲不過多，冬不極溫，夏不極涼。
－清飲食，清吸吸，清思想，三者為衛生之要道。
－食物宜咀嚼，不可急咽。咀嚼則易化，急咽則難消。食物之溫度，以適度
為宜，過冷則消化遲緩，過熱則易傷食管，皆有害也。胃之容量，宜稍空虛
，太飽則食積為患，稍飢則胃力有餘，睡時宜令腸胃空虛也。
－早起亦養身之法，且係保家之道，從來早起之人，無不壽高者。
－精神不運則愚，血脈不運則病。
－君子有三戒：少之時，血氣未定，戒之在色。及其壯也，血氣方剛，戒之
在鬥。及其老也，血氣既衰，戒之在得。

１３，養性之道
－頭冷，腳熱，七分飽。無雜念，常走動，食不過量。
－常說，常笑，常走，常跳－常說舒鬱悶，常笑通氣脈，常走促進循環，常
跳活動筋肉。
－物不求餘，事求無愧。永感不匱，心安理得。
－生活有規律，行動守紀律，處事有條理，與人守信義－身心保常態，不惹
人評議，保持情緒穩定，與人和樂相處。
－往事不究，來事不計－不徒增憂，不做空想。
－認識自己，量德量力－不妄求，不自棄。
－得意時放鬆自己，失意時鍛煉自己－心田永在平靜中。
－養性才能培氣，養心才能強身－心平氣壯，心安身強。
－隨過而安，心田坦蕩－適應環境，胸襟舒暢。
－時刻充實自己，隨處善利人群。－心情不老化，與人樂相處。
－良心所安，不計得失。
－以科學的方法安排生活。以藝術的目光觀察事物。－使生活有條理，使心
情得舒暢。
－安然處平生，坦然處順境，泰然處逆境，自然處困境。－隨在無憂無慮。
－把握遇事不慌不忙的態度，保持臨危不亂的心情。－心情永保平靜。
－不做能力不及的事，不抱達不到的理想。－心高妄想必招苦惱，理想過高
，徒增煩惱。
－年高心不老，為長壽之道。－遇兒童以兒童心理處之，遇青年以青年心理
處之，遇壯年以壯年心理處之，隨時隨地不孤獨，不寂寞。
－不受身份所限，為長樂道。－同工人以工人態度相處，同農人與農人態度
相處，同商人以商人態度相處，到處都能通達。
－以樂觀的人生，享人生無窮的快樂。
－以愉快的心情處理生活上的問題。－情緒穩定心智開朗，而問題亦消失。
－排除心理的障礙，外在的障礙皆無。－問題由心中招致而來。

１４，生活
－生活有規律，營養要適宜，排洩要舒暢，作息要定時，天天要運動，日日
心仁慈，心平要氣和，物慾要節制，與人為善，勿作虧心事。
－健康之道：平其心，而養其氣，勿使心躁，保持平衡，人體內自然治療，
遠勝於藥物。
－酒是穿腸毒藥，色是剮骨鋼力，財是殺人利劍，氣是禍害根苗。
－寡慾精神爽，思多血氣衰。少杯不亂性，多縱必招笑。


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
養生十訣
1. 心情開朗，括淡得失。
2. 當有嗜好，不可嗜求。
3. 節制情慾，養精宜足。
4. 睡眠充足，佐以藥枕。
5. 適量運動，量力而為。
6. 飲食定量，切勿偏求。
7. 衣服寬鬆，冷熱適當。
8. 居屋寧靜，空氣充足。
9. 定期檢查，可防百病。
10. 遵醫服藥，不可自作聰明。
知之不易，行之也難；不妨選取試驗。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
健康就是財富

俗語說得好： "健康就是財富" 這句話非常有道理，如果問這世上甚麼是萬能的？也許有人認為是金錢。但金錢能使有絕症的人，恢復成跟平常人一般地健康嗎？那亦許是學問，但是沒有健康的身體，怎能去妥善地運用知識？若是地位，但若無健康的條件，又如何去奠定自己的地位？不過，這並不是否定了金錢，學問，地位等的重要，但可確定健康是在這一切之上，健康為處世之基礎，你有了健康的身心，才能求取更高的學問，然後能努力工作，發展你的前途，達到理想的目標。

世界衛生組織對”健康”一詞所下的定義是："健康並非僅僅指無病無痛，或四肢健全；而是指體格和心智完全發展的狀態，以及具備敬業樂業的合作精神。"

然而，你是否享受到豐盛的人生呢？很多人以為不用住院看病，就表示自己的身體健康，健康的人應有一股生命的活力，行動敏捷，工作效率高，並有餘力從事各種有益身心的運動或娛樂消遣。

假若你說：為何我經常覺得疲倦，老是提不起精神，難道是我的體質特別虛弱？答案是絕對否定，你身體上各個器官的功能是經過造物主的慎密設計，目的在於互相配合運行，帶給你一個愉快的人生，但是你必須和你的身體合作才行。健康絕對不是偶然而來的，長壽而幸福愉快的生活，是奠定於良好的飲食習慣，有規律的生活起居和適當的運動。倘若你能夠遵守這三個原則，長期貫徹實行，那麼你不僅可以增強身體的抵抗力，還可以預防疾病。

醫學界經過多年的研究，發現疾病除了是由細菌而起，亦可能由於身體細胞本身異變而產生。要防止細菌感染，主要是環境衛生，強健個人身體抵抗力；另外注意本身之細胞健康，必須注意個人的精神健康，例如有適當休息與鬆弛，減低情緒引起細胞所受的壓力。歸納而言，一個人的生活方式，是決定身體好壞的主要原因。你若想改進健康，既不難做，也不必花錢，但卻要從最根本做起，那就是你每天的起居飲食必須有計劃的安排，同時多花一點時間，去選讀一些有關健康的書報。

一個人想成為怎樣的一個人，也就是說，一個人的外在行為及價值觀念，完全由他的思想和情緒來決定。而恐懼，憂慮，憤怒......等都會影響一個人的健康，故此，假若你工作愉快，心情開朗，身體內部各個器官之功能自然暢通無阻地正常運作，亦必有助於健康。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
健康是每個人的權利

人體就像一部車輛，需要有良好的零件和定期保養，使用恰當的燃料，才能通行順暢。國人經常以為能吃能喝就是福，一般人更樂此不疲。然而在醫院裏，慢性病卻像冷面殺手，今天你不察覺它，明天它就襲擊你。

現在，由於生活水平提高，教育普及，生活形態急遽改變，民眾對於保健資訊愈來愈重視的趨勢，這是個可喜的現象。再加上醫療科技進步；抗生素，治癌劑，預防接種，無菌手術，基因工程的突破等，使人類平均壽命不斷延長。另一方面，高度文明卻帶來了精神疾病，噪音，污染，社會和家庭功能失調；營養過剩也導致了慢性病的增加等，都是一些始料不及的現象。

然而，就醫療觀念上來說，健康已不再是少數人的特權，而是人類的基本權利，民眾有權知道自己的身體狀況，醫師不再是高高在上，諮詢和治療一樣重要。像家庭醫師制度的興起，就是提供一種可親性，方便性，整體性，持續性的醫療，民眾可以和家庭醫師討論，深入了解自己的病情和處理方法，來尋求一套最好的醫療照顧模式。

當價值觀念改變，知識日漸普及以後，社會朝著自由開放的方向邁進，許多健康政策也就會應運而生。像社會醫療網的建立，轉診制度，專科醫師制度，基層保健的推廣，甚至全民保險的提早實施等，醫藥新聞也由過去的冷門，一躍而成為今天人人關心的熱門話題。因此，民眾應該配合這種趨勢，密切注意醫療政策的走向，時時關心自己的身體，完全地掌握醫療訊息，找一個家庭醫師當朋友，享有最佳的照顧，千萬別讓健康的權利睡著了。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一：完全戒有害的嗜好。(如：飲酒，吸煙)
　　甚至不喝含有刺激性的飲料，如：茶，咖啡，可樂等。
　　現今許多人利用刺激鞭策自己的神經，然後又服用鎮靜劑使疲倦憊不堪的神經安定下來。

二：善擇飲食
　　"要為活而吃，不要為吃而活。"是句美好的座右銘。
　　可惜，口味並不是一個安全的抉擇標準。
　　有些人抱怨說：”為甚麼味道佳美的食品不是難於消化，就是含大量膽固醇，或容易使人發胖？”我們可以訓練口味愛吃單純，富營養的天然食物。要學會平衡自己的飲食是不難的，這樣就會獲得一切身體所需的養份，最佳的能量，和那些增強抵禦疾病的物質。
　　要習慣於素食，但是必定要得到所需要的營養素，使體內的血液鮮純，肌肉健壯，神經鎮定，力量充沛，若吃動物的肉就要除掉脂肪。魚油比較其他動物脂肪好。用花生醬替代奶油。煮食只用液體油。食用乾酪和雞蛋，份量要適中。避免吃鹽太多。即使是有營養的食物，亦不要吃得過飽。吃喝過量和暴飲暴食身體有害。

三：要好好照顧你的胃
　　吃得過量不但使胃的負擔加重，整個消化系統都會不堪負荷。
　　要按時進食，不要在兩餐之間或深夜進食。偶有作短期禁食－完全不吃東西－其益處遠超過任意進食有害的，或太豐富的食物。

四：摒除憂慮
　　憂慮會使人失眠，減弱或妨礙消化，使腦部疲倦，削弱一切重要的功能，並且時常導致整個體系受損壞。

五：殷勤工作
　　身體的勞動及心智的工作並不會對人有害，乃是有益的。才幹廢置，能力不運用，才幹能力就會衰退萎縮，乃是自然的定律。運動促進生長與發育，因為身體要供應更多的血液以滋養被運用的部位。古人說：”流水不腐，戶樞不蠹。”就是這個道理，所謂：”天行健，君子自強不息。”

六：注意體重
　　一個人六十五歲以後的體重不超過他二十五歲的體重。壯年體重增加十磅或士五磅不算很嚴重，但過五十五歲後，體重就要減到像青年時一樣。

七：盡可能避免生病
　　若生病，要得到最好的護理以便早日復元。必須以健康為滿足。雖然身體並無不適，仍要每年作一次體格檢查。

八：有規律的日常生活
　　在飲食，睡眠和工作方面都要養成有規律的習慣。
　　早起床，並盡可能早睡。
　
九：要盡量使用天然維護及恢復健康的媒介
　　如新鮮空氣，陽光，和清潔的水 (體內和體外用水)，運動，適宜的休息與積極的思維。

十：過猶弗及
　　只要研究權威的人士所提供的優良生活規則，去認真實行就夠了。不必整日掛慮到您自己的健康。只要平穩地過活，敬業樂群，樂於與家人及朋友交往。心懷歡暢，面帶笑容，眼睛明亮，步履輕快，做事有計劃，人生有盼望。願上帝腸您一個美滿的人生。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
長命百歲有妙方

忘記你的年齡，每天都是春天，抱著樂觀的態度過活，有利於長壽。
盡量笑，微笑已經好，笑令你的碳氣呼出，吸入更多的氧氣。
夜間必須酣睡，如果夜間睡眠的時間太少，白天可以作一兩小時的小睡。
想盡辨法做些健身運動或勞動，把你身上的雜質以及過多的脂肪除去。
打球，游泳，散步，太極拳，氣功，靜坐，健身運動，音樂，寫字等對身心健康尤其為重要。
任何病態出現，立即看醫生。
多找機會休息，不要工作過勞。
談到群體活動，不管你貧窮抑或富有，切勿孤獨過活。

>>December 17, 2003 at 8:14:36 PM GMT+8

2003 年 12 月 15 日 星期一 【晴】

第二科考試咯............
今日係 Construction management
之前既 Engineering Surveying 都溫左一排
但係今日呢科.......
上堂 = 抗戰
完全無聽過條 Lecturer 講野
點考呀~~~~~~~

今日居然七點幾醒到
簡直係奇蹟
但係就渾渾噩噩
有 D 後悔尋日打機打到兩點幾添...

考試
打開份卷, 啞然失笑
唔係因為太難
係因為太淺
實在太白痴啦
絕對無人會諗到大學既考試會有 true or false
仲要一條三分添...
不過都係死
我識果 D 野人人都識, 我唔識又唔代表人唔識
咁即係份卷淺都無用
無 A 就係無 A....

可能太耐無試過咁早起身 (雖然七點起身唔算早...)
做到十一點幾, 竟然做到手震...
好驚
都唔知係眼訓得滯, 定係老得滯....

考完試
同阿一食完飯就開會
開會開得幾好
3 個 tenor "圍毆" 阿大
我地 3 個人完全無理過阿大講野

Billy 今日考九點半, 但係九點八先起身
但係絕對無我之前想像自己的情況出現
(即係起身發現遲到, 返到 Poly arm arm 趕得切收卷時間....)
點解？！
佢住佐敦之嘛.......
由屋企返到 poly 都唔使十分鐘

開完會
Billy 有約
阿大同阿然去食晏
我又被逼陪佢地去食野
之後仲引狼入室, 帶左佢地一齊溫書
結果我完全無溫過...

萬匯一約左小談食飯
我就順便去埋
但係就無食過野
因為身上面剩番三蚊......

無奈....
早知今朝攞定錢啦...

之後佢兩個響條街度來來回回左幾次
目的係買想食既小食......
又唔一次過買
真係有 D side 時間

返到屋企
食飯
再次投入打機既懷抱.....

>>December 16, 2003 at 7:04:02 PM GMT+8

2003 年 12 月 14 日 星期日 【晴】

就快同個世界脫節啦
連捉到薩達姆咁大件事
都係今日夜晚先知
日日都淨係識得打機
唉.......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今朝發左個好奇怪既夢
夢到阿一打畀我叫我起身
因為之前我叫佢幫我準備下聽日考試要起身的情況
但係自己太懶, 聽完又訓番覺
起身之後
都唔知佢究竟有冇打過畀我

返到 poly, 又溫書
溫溫下阿一又返黎
佢話今日有床 "玉" 送去佢屋企喎....
出左去影印
順便去肯德基食晏

都唔記得今日有乜野發生過
個腦除左 D 夾硬背既野
就係尋晚 (其實係今朝) 打機既情況

問左阿一究竟有無打畀我, 佢話有
搞到我又有番多少印象....
佢打畀我果陣, 我好似睇過個鐘
個鐘明明係八點幾, 九點鐘都未到
梗係訓過啦
之後醒左先知個鐘真係停左之嘛.....

聽日考試啦~~~~~~~~
今次真係死梗....
但係最白痴既係
我都係打機打到兩點幾先捨得執聽日考試既野
點解我既自制力可以咁差架.............
記性又差, 自制力又差
無藥可救....

無啦啦頹
都唔知頹乜
唉............
都係死果咯....

死前既心情, 可以用兩處地方黎形容
一處響地球, 一處響月球
兩個地方同海都有關
知唔知係乜呀？
(答案在本頁找)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
That's why (you go away)

Baby want you tell me why there is sadness in your eyes
I don't wanna say goodbye to you
Love is one big illusion I should try to forget
But there is something left in my head

You're the one who set it up
Now you're the one to make it stop
I'm the one who's feeling lost right now
Now you want me to forget every little thing you said
But there is something left in my head

I won't forget the way you're kissing
The feelings so strong were lasting for so long
But I'm not the man your heart is missing
That's why you go away I know

You were never satisfied no matter how I tried
Now you wanna say goodbye to me
Love is one big illusion I should try to forget
But there is something left in my head

Sitting here all alone in the middle of nowhere
Don't know which way to go
There is so much to say now between us
There ain't so much for you
There ain't so much for me anymore

以上係同阿一一齊 "溫書" 時 search 到既野
溫書喎.....
不過都要畀佢頹多陣既
我果時都頹得耐啦
加油呀
both 情場上 and 戰場上

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
死前的心境
比寧靜海更寧靜
比太平洋更太平

>>December 16, 2003 at 9:23:23 AM GMT+8