2004 年 2 月 1 日 星期日 【晴】

今朝一起身就十一點
坐響張床諗左一陣
先記得原來今朝有一堂 Lab 要上
又走左堂添.......

返到 poly
坐 counter 坐到 14:30
上英文
唔記得帶書
畀個阿 sir 串："又唔好見你唔記得上堂....."

上 Cadastral 堂
兩個鐘既堂, 我訓左個半鐘
唔係唔想聽書
係因為個 Lecturer 太廢
邊有大學 Lecturer 會有八成時間用廣東話講書呀 (教中文中史除外)
仲要成日都講埋 D 佢自己先識笑既笑話
十足中史劉咁
唉......

練歌
又係練完大組練小組
十一點先練完
之後 D 人去左食飯
我就留響 Music Room 練阮
練到十二點就返歸

返到屋企
打日記之餘
仲要搵 D 學校既地址
聽日仲要九點半上英文
救命~~~~~~~~~~~~~~~~~~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
古希臘哲學家蘇格拉底見到一位年輕人茶飯不思，精神萎靡，其狀甚哀。

蘇格拉底（以下簡稱蘇）：孩子，為什麼悲傷？
失戀者（以下簡稱失）：我失戀了。
蘇：哦，這很正常。如果失戀了沒有悲傷，戀愛大概也就沒有什麼味道。
　　可是，年輕人，我怎麼發現你對失戀的投入甚至比對戀愛的投入還要傾心呢？
失：到手的葡萄給丟了，這份遺憾，這份失落，您非個中人，怎知其中的酸楚啊。
蘇：丟了就是丟了，何不繼續向前走去，鮮美的葡萄還有很多。
失：等待，等到海枯石爛，直到她回心轉意向我走來。
蘇：但這一天也許永遠不會到來。你最後會眼睜睜地看著她和另一個人走了。
失：那我就用自殺來表示我的誠心。
蘇：但如果這樣，你不但失去了你的戀人，同時還失去了你自己，你會蒙受雙倍的損失。
失：狠狠地傷害她，我得不到的別人也別想得到。
蘇：可這只能使你離她更遠，而你本來是想與她更接近的。
失：您說我該怎麼辦？我可真的很愛她。
蘇：真的很愛？
失：是的。
蘇：那你當然希望你所愛的人幸福？
失：那是自然。
蘇：如果她認為離開你是一種幸福呢？
失：不會的！她曾經跟我說，只有跟我在一起的時候她才感到幸福！
蘇：那是曾經，是過去，可她現在並不這麼認為。
失：這就是說，她一直在騙我？
蘇：不，她一直對你很忠誠。
　　當她愛你的時候，她和你在一起。
　　現在她不愛你，她就離去了，世界上再沒有比這更大的忠誠。
　　如果她不再愛你，卻還裝得對你很有情誼，甚至跟你結婚，生子，那才是真正的欺騙呢。
失：可我為她所投入的感情不是白白浪費了嗎？誰來補償我？
蘇：不，你的感情從來沒有浪費，根本不存在補償的問題。
　　因為在你付出感情的同時，她也對你付出了感情；
　　在你給她快樂的時候，她也給了你快樂。
失：可是，她現在不愛我了，我卻還苦苦地愛著她，這多不公平啊！
蘇：的確不公平，我是說你對所愛的那個人不公平。
　　本來，愛她是你的權利，但愛不愛你則是她的權利，
　　而你卻想在自己行使權利的時候剝奪別人行使權利的自由。這是何等的不公平！
失：可是您看得明明白白，現在痛苦的是我而不是她，是我在為她痛苦。
蘇：為她而痛苦？她的日子可能過得很好，不如說是你為自己而痛苦吧。
　　明明是為自己，卻還打著別人的旗號。年輕人，德行可不能丟喲。
失：依您的說法，這一切倒成了我的錯？
蘇：是的，從一開始你就犯了錯。
　　如果你能給她帶來幸福，她是不會從你的生活中離開的，要知道，沒有人會逃避幸福。
失：什麼是幸福？難道我把我的整個身心都給了她還不夠嗎？您知道她為什麼離開我嗎？
　　僅僅因為我沒有錢！
蘇：你也有健全的雙手，為什麼不去掙錢呢？
失：可她連機會都不給我，您說可惡不可惡？
蘇：當然可惡。好在你現在已經擺脫了這個可惡的人，你應該感到高興，孩子。
失：高興？怎麼可能呢，不管怎麼說，我是被人給拋棄了，這總是叫人感到自卑的。
蘇：不，年輕人的身上只能有自豪，不可自卑。要記住，被拋棄的並非是不好的。
失：此話怎講？
蘇：有一次，我在商店看中一套高貴的西服，可謂愛不釋手，營業員問我要不要。
　　你猜我怎麼說，我說質地太差，不要！其實，我口袋裏沒有錢。　　
　　年輕人，也許你就是這件被遺棄的西服。
失：您真會安慰人，可惜您還是不能把我從失戀的痛苦中引出。
蘇：是的，我很遺憾自己沒有這個能力。但，可以向你推薦一位有能力的朋友。
失：誰？
蘇：時間，時間是人最偉大的導師。
　　我見過無數被失戀折磨得死去活來的人，是時間幫助他們撫平了心靈的創傷，
　　並重新為他們選擇了夢中情人，最後他們都享受到了本該屬於自己的那份人間之樂。
失：但願我也有這一天，可我的第一步該從哪裡做起呢？
蘇：去感謝那個拋棄你的人，為她祝福。
失：為什麼？
蘇：因為她給了你份忠誠，給了你尋找幸福的新的機會。
說完，蘇格拉底離去了。留下的路便由這位失戀者自己去走了。

>>February 4, 2004 at 4:33:31 AM GMT+8

2004 年 1 月 31 日 星期六 【晴】

咁快就到 2 月
我個 final year project 好似仲係未搵 lecturer 添....
大鑊

今朝逼自己十一點醒
做左 D 乜我都唔記得咯....

返 poly 開會
明明兩點開既會, 最後都要三點開始
唔得閒既人都係唔得閒
無做野既人都係無做野
無帶錢既人都係無帶錢

開會既時候, 成日要約時間
逃避左咁耐, 始終要面對
我先至發現我既時間表原來排得咁密
三月幾仲有大把野要做？！
我好似要交 final year project 喎...

原本肥仔江話四點九度叫我練中樂
因為今日要排我隻歌
但係都因為要開會, 所以都係遲左
仲要樹敏請我過去
D 人既臉色又掛左出黎......

練左一陣
肥仔江指得好慢
我明白佢指得咁慢係因為開頭好難夾
但係佢叫左我過去, 我又未準備好, 佢地又未準備好
真係好難夾

坐左響 solo 位
發現同聽 CD 好唔同
D 壓力會響四方八面湧到面前
負任好重
希望呢 D 負任會成為我練琴既源動力

練完
返 Music room
鋤左一陣 D, 打左一陣牌
就返屋企食飯

搭地鐵
又係去到九龍灣先醒番
好彩今日唔似星期五
唔係我就要浪費多一程車既車錢咯....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
好想快 D 過莊
日子愈來愈無癮
每次開會都係一個好明確既列席者
有意見既人永遠唔會響開會講
無意見既永遠都唔會有意見
即使有意見, 都係經唔起考驗, 立場不明確
做事多對人時少對事
少有理性行事
大事含糊, 小事察察
缺乏行政立場
關係疏離
臉色完全充份地真情流露
好難怪有 D 人會散左....

開始有 D 後悔上莊既決定
當初根本計唔到自己會有咁忙
我都唔止講左一次
我做 finance sec. 咁耐都係 hae 做
開會做列席者
有乜都拖得就拖, 卸得就卸
唔係想卸膊
係我既能力問題
我自問作用唔大
響莊度都係做小丑
唔想大家因為我而拖慢進度

我果科實在令到我有太大壓力
我知個個都會話佢自己果科大壓力
但係以我既天資, 加上努力
仍不足以令我有機會重上 Degree
其他人可以 hae, 因為佢地係 degree, 我唔係！！

呢年幾過得好辛苦
功課, 做人處事, 感情......
我知我自己既不堪
但係要我這 "睡獅" 重現生機
比明神宗從鴉片和鄭貴妃手中拯救出來還要困難.......

發左咁耐牢騷
好似對住睇日記既人發脾氣添
唔好意思~~~~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
立論 作者：魯迅

　　我夢見自己正在小學校的講堂上預備作文，向老師請教立論的方法。
“難！”老師從眼鏡圈外斜射出眼光來，看著我，說。“我告訴你一件事──

“一家人家生了一個男孩，合家高興透頂了。滿月的時候，抱出來給客人看，──大概自然是想得一點好兆頭。
“一個說：‘這孩子將來要發財的。’他於是得到一番感謝。
“一個說：‘這孩子將來是要死的。’他於是得到一頓大家合力的痛打。
“說要死的必然，說富貴的許謊。但說謊的得好報，說必然的遭打。你……”
“我願意既不說謊，也不遭打。那麼，老師，我得怎麼說呢？”

“那麼，你得說：‘啊呀！這孩子呵！您瞧！那麼……。
　　　　　　　　　　　阿唷！哈哈！Hehe！he，hehehehe！’”

一九二五年七月八日。

>>February 1, 2004 at 3:16:01 PM GMT+8

2004 年 1 月 30 日 星期五 【晴】

星期四通左一日頂
成個人都好似發緊夢咁
個腦好似唔看左一日
做過 D 乜, 聽過 D 乜都完全無印象
淨係記得我搭 89 號果陣訓左
到訓醒既時候我已經到左............九龍灣

今朝又要早起身
尋晚約左謝同一
今日晨早返到 DB
約九點半, 遲左 10 分鐘
但係都係最早到既人
謝搭十先到
十點三打畀阿一
佢話錄音既 Mic 原來響肥 Ray 手中
而肥 Ray 就畀左 SMC
於是佢就 call 左 SMC 返 DB
十點九打畀阿一, 佢 arm arm 響火車站
打畀 SMC, 佢仲響屋企
超灰......

最後同謝落街買 Mic
錄音
好過第一次錄音
謝既 MD 機同阿聲果部一樣
所以我仲可以教番謝點錄音同 cut tracks 添

好趕時間
又要搭的士上 SMSA
連續兩日要咁
有 D 心疼...

上到去
畀晒三隻 MD SMSA 既人
發現盧亮軒就響我後面
佢又係得一隻 MD
結果....
佢可以下星期一交

早知就唔使咁趕啦~~~~~~~~~~

去 "越" 食飯
阿一同謝要走先
我同 SMC 就去左銅鑼灣會合肥仔, 黃蜂同仔仔, 以及 "庇記" 既一眾 "人's"
今日逛環球嘉年華
好眼訓
成程攬住 SMC 訓
行到四點幾
佢地就繼續行程, 我就返 poly 練歌

到左 Music Room, 都不過係四點半左右
訓.......

訓到咁上下
練歌
今日淨係分組

練完飯都無飯就返屋企
老媽子好驚奇咁問："你今日唔係練歌咩？做乜會咁早返屋企？"

打機
明明好眼訓, 個頭仲差 D 因為 "烚" 眼訓 "中" 左落部電腦度
但係都照打
打到兩點先訓

>>February 1, 2004 at 2:31:48 PM GMT+8

2004 年 1 月 29 日 星期四 【晴】

今日真係驚天地, 泣鬼神既大日子
我實在太強橫啦.......

(續昨日)
其實果 D 之前都有諗
但係都係片段, 仲未係一隻完整既歌
今日既工作, 本來係重組我作左既片段
但係因為唔記得帶本作曲簿仔
結果變左重新開始作
唉....

十一二點開始作曲
作左一陣
寫左兩三分鐘既野
跟住就休息左一陣
上左 Helen 房開 ICQ
吹左一粒鐘就番 Music room 繼續

好憎自己成日都三心兩意
諗左一句, 覺得唔好聽
又要再作一次
就係咁, 我就作到 deadline 前一日都未攪掂
於是又用最簡單既方法
就係等到好 "壆" 既時候先做
迫自己完成
質素係會差 D
但係高效率嘛~~~~

作到四五點先作完
最後其實有好多野都係一路寫份譜一路作
同之前兩隻歌好唔同
今次隻歌我其實無乜點諗過主題
所以都無好似以前咁有好重既 "西域" 風格
加上唔想再作 "絲路系列"
於是一隻都算係易 Sight read 既歌就誕生左啦
為左紀念隻歌響凌晨時份開始作
所以改名做 "凌晨"
(本來隻歌係響無主題之下作出黎既, 我都有諗過叫佢做 "無主題幻想曲" 架.........)

作完就到最緊張既關鍵－－錄音
大會規定參賽者一定唔可以用 Midi 交隻歌
我又不嬲咁遲先作到隻歌出黎
所以通常我都係 "自作自受"
但係又永遠有 D 位我響錄音果陣一定難到玩唔到
其實我作 D 歌都唔係好難, 仲好易 sight read 添 (至少我都 sight read 到呀~~~)
錄音炒粉既原因如下：
1. 缺乏練習 (無時間練阮)
2. 缺乏練習 (今次係指無時間練我作果隻歌)
3. 緊張 (不過今次因為我兼任埋錄音師既角色, 所以無緊張...)

之前兩次錄音
第一次係汪汪幫我錄音, 地點響 DB music room, 除左汪汪之外, 仲有 mathew 監製
第二次係謝幫我錄音, 地點響 DB 國樂室, 監製係伍先生, 仲有打緊 "大航海" 既肥仔做旁聽
今次錄音
我身兼作曲, 監製, 演奏三大角色, 地點響 Poly Music Room
由於係清晨時份, 所以無人旁聽

錄到九點先收工
點解要用咁多時間？
原因如下：
1. 唔識用阿聲部 MD (無計, 我都無手提 MD 機, 不過經過今日, 我用果款 MD 機變到極之純熟咯...)
2. 太凍, 對手凍僵左
3. 缺乏練習
....

一首五六分鐘既歌
居然要分做九個 Tracks
可想而知我錄得有幾頹啦....

九點半要上堂
所以無訓到覺
上堂先訓
上到十點半又係另外一堂
都係響同一間房上
上到十二點半
結果......
我用左上堂果三粒鐘時間訓覺..........

上完堂
又放學咯
去左李嘉誠打譜
唔係好想用 noteworthy 打譜
但係真係無時間
加上我對 finale 有 D 陌生
同埋裝 noteworthy 快 D
所以都係用左 noteworthy 打

印左份譜, 攞左去釘裝
咁就完成左隻歌咯
用左一日就搞掂
唔寫個服字畀自己都唔得啦
唔係話自己勁, 係話好似我咁懶既人, 睇怕都好少有咯....

Timo 特登走黎 poly 搵我
同佢響 Music room 上左一堂 "倉頡速成班"
令到佢響半個鐘之內識得基本既倉頡打法
都真係幾開心
不過如果有埋個字型表既話, 我相信佢學得仲快
以我 D 咁既資質 (之前我除左一二之類既簡單字以外就唔識打)
我家姐都係教左我五分鐘之嘛......
所以我覺得 Timo 好勁
但係佢第一個識用倉頡拆碼既字就令我好無奈..............

三點半同 Timo 一齊出左旺角搵阿一同肥仔
今日係 deadline 既大日子喎....
響機舖會合埋佢地就一齊打的上 SMSA (我請........但係事實係畀屈.....)
交果時個職員話要交三份 MD
但係我得一份
點算？！

返左 DB 仔籃球
今日又係玩射 Key
阿一射三個圈都快過我地
無奈....
但係我都算有進步
起碼淨係 air ball 左一次, 同差三格就可以射 123

返 YCO
竟然玩舊年因為 SARS 玩唔到既 "南北喜相逢"
真係畀陳沛倫把口講中左
不過四擊頭好似唔得閒
要 YCO 既敲擊玩佢地原本 SOLO 既地方
唔夠人喎~~~~~~~~~
希望陳沛倫會唔理 AL 返黎玩啦

練完 YCO
去唯一食餡餅
阿一太肚餓, 食左兩個
肥死佢...

謝話幫我用電腦將 MD 既音樂 check out 響其它碟
咁我咪唔使返 poly 攞阿聲部 MD 返屋企
然後響屋企用大 MD 機播餅 MD, 再用阿聲部手提 MD 機錄音咯
實在太感激謝啦
謝謝~~~~~~~~~~~~~~~~
(第一個謝係多謝既謝, 第二個係謝子既謝)

畀晒 D 空既 MD 謝
好安心咁返屋企

好眼訓
但係聽到一個壞消息
謝部電腦 check out 唔番 MD 入面既 data
結果約左聽日九點半返 DB 綠音
唉.........

>>January 31, 2004 at 6:51:28 PM GMT+8

2004 年 1 月 28 日 星期三 【晴】

由於聽日要交稿
所以今晚要努力作曲
報左名, 點都要作完隻歌既

上上下堂發現無帶作曲本簿仔
咁即係要由頭作過啦
唉.......

今日又有得分組
Joseph 提議今個 Sem 既組合同舊年一樣
搞到群情洶湧
不過我就好想照舊

如果唔照舊
睇怕我都好難可以搵到 partner 咯...

響 music room hae 坐
坐到六點幾先發現無買 MD
點錄音？！
不過出面街都一定有得買既
所以都無咁擔心

之前同阿聲講借佢部 MD 機
佢二話不說就借左畀我
真係超感激佢
無左佢, 我都唔知點算好....

同阿大阿然食飯
食完飯我一個人返 poly
見到肥 B 帶住 Amuse 既人響 poly 周圍走
問我中樂 D 人用完個房未
我開門睇, 無人呀
跟住佢地就二話不說地入左 Music room 練歌......
咁我點作曲呀大佬~~~~~~~~~~~~~~~~~

佢地練左幾耐, 我就人左響間房幾耐
完全作唔到曲
唔係話佢地阻住我
但係佢地既存在
攪到我唔開得琴
開唔到琴, 即係試唔到點玩啦
真係令到我完全作唔到...

一路等佢地走
但係佢地就一路都唔走
仲好興致勃勃咁練完一隻又一隻
唉.........
由九點幾等到接近十一點
完全無奈...

佢地終於走左啦
開始作曲

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
欲知後事如何, 且看下回分解

>>January 31, 2004 at 5:49:09 PM GMT+8

2004 年 1 月 27 日 星期二 【微冷】

好遲先醒
原本要返八點半
好彩尋日有 check E-mail
改左 11:45 brief 我地
可以晏醒
yeah~~~~~

去左圖書館還書
順手響果度 "吽" 左好耐
明明好眼訓
但係都係要睇書
悶呀嘛...

上堂
今日又要分組
D 人又係一早分好晒組
都唔知點算好....

因為分組
用左好多時間
遲左去看 counter (四點半完既堂, 四點十都未完)
搞到要四個四點半上堂既人等左我幾個字

無聊既看 counter 活動繼續
無人買飛
但係有個唱過第一至五屆既老鬼行過
我地今年第九屆
你諗下佢有幾老....

仲係砌唔到一首歌
仲係無 D 好吸引人既旋律
仲係無 D 可感染人既節奏
仲係作唔到一首好歌....

收 counter 之後去 Tomlee 買飛
買完睇左一陣樂理野
跟住就要做以前年初七必做既野－－去舅父屋企食開年飯
今日要練 choir
之前同過老媽子講過話唔去
但係佢就下左 "懿旨" 一定要去
咁即係無得唔去啦.....

食完飯, 坐左一陣就走
返到屋企
又開始作曲
仲有兩日就要交啦....

十二點幾響屋企練雲南回憶第三樂章
係唔係痴左呀.......

星期五要做既野如下：
1. 作曲要交稿
2. Survey Camp 要交 report
3. Final year Project 要交話跟邊個 Lecturer
4. 要返 YCO
悲哀...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
無野就唔會塌左
係唔開心就唔好收收埋埋
要話畀人知
唔好成日以為講 D 唔開心野畀人聽會破壞歡樂氣氛
懂得分享, 才可得到更多
一個人收收埋埋真係好辛苦..........
好似變左一個流通堆填區咁
將 D 無用既野堆野個心
直到個心爆為止...........

上堂果陣搵個人吹下水都無
好無聊架嘛...

>>January 28, 2004 at 4:36:33 PM GMT+8

2004 年 1 月 26 日 星期一 【颳風】

今日九點半有堂上
八點九先醒
尋日臨食飯明知返到屋企唔會有精神上網
特登上 Helen 房 Check 今日幾點返學
但係就好抵死地無 Check 到響邊度上堂
結果浪費左幾分鐘去 Check
咁就遲左到啦 (兩分鐘O者....)

今日上既係尋日走堂去左拜年既英文
原來尋日個 Lecturer 已經派左本書 (唔使買架..... ^^)
佢今日又無帶多本
無書睇
但係又無人借我睇
最後都係無得睇....

我要做一支成功既不求人

上完堂
個 Lecturer 帶左我去佢 Office 攞本書
途中經過左幾個 Department 既大本營
成個迷宮咁
真係驚蕩失路

明明未到我坐 Counter
但係都走左過去
得 Belinda 同 Billy 兩個
Venessa 仲要未到
於是幫手開檔

開完 Counter
Venessa 又到左
我做左陣莊務就仲順手坐埋 Counter

同阿大坐坐下 Counter
突然諗起 D 人行過唔知我地做乜
(雖然我地擺左個 Counter, 但係又無響 Counter 度 Mention 過我地賣飛....)
Print 番 "Ticket Selling" 字貼出黎, 等行過既人知道我地做乜先

一坐就坐到兩點半
上堂
發現原來今日既 Lab 取消左
搞左陣私人野 (包括發現有書過左期未還....)
去 Music Room 練琴先

入到 Music Room
得盈盈一個
同佢分析完應該點彈 "兵車行" 之後
又聽左佢彈佢星期六要表演既歌
等到佢要上堂
仲諗住可以安安樂樂咁作曲同練琴
阿大就走左入黎叫我坐 Counter
咁就四點半啦...

坐到六點, 收野
同阿大 + 阿然去 Tomlee 買飛
之後又趕返去練歌

小組歌最開心係同一班有番咁上下質素既人一齊夾歌
唔使畀 D 跟唔上既人拖慢進度
好似今日咁
由七點半練到十點
咁就 KO 左兩隻歌咯.....

阿然同阿大食完飯之後同我會合
一齊搭地鐵返屋企
開學第一日就遲過十二點返屋企
好彩第二日唔使 O者
不過代價係無得返 DB 燒野食.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
是日新聞：
暢運道, 柯士甸道既十字路口今日發生交通意外
有無傷亡就唔知
淨係見到成地都係玻璃碎片

成日都撞車
真係好驚下次行行下返學會......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
畀 D 人話："點解男仔都睇李碧華既書？"
其實係由一個誤會開始
我一開頭以為李碧華係男人
記得我第一本睇佢既書係 "天安門新魂舊魄"
題材好震撼, 寫得好好
可能因為咁, 所以一直無留意過作者文筆孰男孰女
後來睇 "秦俑", "川島芳子", "潘金蓮的前世今生" 等等
我直情畀佢 D 文筆吸引左
不能自拔

以前淨係睇佢寫小說
但係如果鍾意一個作者, 就好難話淨係睇佢某一種作品
而唔睇佢其他既作品
睇得多佢既散文, 發現真係有好多諗法同佢好似
可能呢 D 就係 "人生經驗"
佢每每將我所想的細膩地描寫出來
甚至係影響我對某 D 事既看法

不過有 D 野總令我覺得苦惱
究意佢今年幾多歲呢？
根據佢響散文裏不經意的閒話家常
我推斷佢既年紀同小思不相上下
如果有人知佢既真確年齡的話
煩請相告

何以想知？
想多了解這謎一般的作者神秘的一頁而矣.........

>>January 27, 2004 at 6:12:33 PM GMT+8

2004 年 1 月 25 日 星期日 【颳風】

新學期開學
話咁快就最後一個 sem
話唔擔心係呃你既
不過......
新學期既第一日我就遲到咯....

十點半上堂
九點九起身
接近十點八先返到 poly
響門口撞到 Jessica
佢叫我轉告畀 Billy 聽佢最後都係遲到喎....

上堂
又要面對 D 尷尬場面
分組.....
明明無晒後援, 都仲要我尋覓
我都真係唔知點算
最後？
是但同一個同學一組
雖然條友話到明佢淨係想佢 GPA 攞一分........

鬼叫無人要咩.......

上完堂
開 Counter
今日係 Choir Ticket Selling 開檔既大好日子
一去到就擺低個背囊

看左一陣
阿一行過
問我去唔去賴應斌屋企拜年
其實尋日朱哥哥都問過我
但係佢同我講四點半去
我兩點半到六點半都有堂上
之後仲要練歌添
唯有拒絕左佢

最後？
開學第一日就走堂
仲要連個袋都無攞走.............

佢屋企真係好大
畢架山呀~~~
仲要係兩個間屋打通左做一間！
羨慕都有少少既
話晒我都係窮苦學生嘛....

上次去佢屋企打牌
又係新年
朝早十點幾打到夜晚十二點幾 (火車都暫停服務咯...)
好彩
都仲有地鐵搭
不過係兩年前既事咯

今日我, 阿一, 朱哥哥同黃鳳山四條友由三點幾 "征戰" 到五點
以阿一要上堂為理由結束
由新到既肥仔取代
力戰之後仍舊失敗
咁就畀朱哥哥好 "巧妙" 地搶左我廿幾蚊啦....

畀萬惡既阿一搶左我盒 "金莎" 添....

四點半要上既堂
我五點八先上
仲要唔記得響邊度上
要走去 Library check timetable
好彩早就收到風
知道個 Lecturer 係吹水之人
上佢堂唔使咁 "戮" 力
果然
佢真係一路上堂一路廢 O翕.......

上完堂
返 Music Room 練歌
練完大組練小組
小組完左仲要開會
結果兩點幾三點先散
晏都未食, 超肚餓
結果我, 阿大, 阿然, 關明同盈盈五條友去左食飯

食完飯
同盈盈一齊搭巴士返屋企
又同佢傾到差 D 唔記得落車....
返到屋企都成三點幾四點咯
好眼訓
乜都無做就上床訓......

>>January 27, 2004 at 5:27:57 PM GMT+8

2004 年 1 月 24 日 星期六 【乍雨乍晴】

尋日三點幾先訓
今朝一起身, 就聽到屋企有人發出一把唔熟悉既聲
經我分析, 只有兩個可能性：
1. 有賊入屋 (無理由架, 如果係, 我無可能仲未畀人綁著架...)
2. 有人黎拜年

答案？！
唔使我講都估到啦....
人地黎我屋企拜年
仲要早過我醒
唉.........

食完飯就返 poly
今日係睇 Dress Rehearsal DV 既 "大好日子"
返到去
無聊左幾耐
如果今日係有用, 咁 Dress 個日完左之後講既野就無用 (因為講既野完全一樣)
如果今日係無用, 咁我地番黎做乜？？
返到去, 又係做旁聽
返黎做乜？！

無錢, 加上太唏噓
早早返屋企食飯
尋日食完麻辣火鍋
今日阿大把聲居然好左！
我唯有講："我真係估你唔到！"

>>January 25, 2004 at 1:35:59 PM GMT+8

2004 年 1 月 23 日 星期五 【乍雨乍晴】

Geog 係一科好實用既科
它起碼令你知道
冬天下雨的話
即代表有八成機會是冷鋒暴至既先兆
即係好似尋日咁
今日又凍左啦.....

持續響我地頭頂既冷空氣
生命力真係好頑強
我就快要冬眠啦~~~~~~~~~

十點幾就去左青衣拜年
我訓左幾耐可想而知...
超眼訓

今日本來要開會同掛旗海
但係會就因為唔夠法定人數, 所以開唔成
旗海就因為趕唔切申請掛而唔使掛
但係我都係三點幾就返 Poly
希望響 Music Room 度一路練琴, 一路畀靈感我作曲嘛
不過我未開門就聽到 Music Room 入面有人拉琴
走入去
見到 Soilder 張, Vincent 羅, 關明同一個好熟口面既人一齊夾弦樂四重奏
搞到我無得練野之餘, 又無得作曲
唉......

盈盈返到黎
本來想練琴都唔得
佢想上網 Check 野
結果我就帶左佢上 Helen 房上網
Choir 既兩個莊員, 居然畀人趕到無家可歸
無奈....

最後都係要屈服
落返 Music Room 睇書
畀 D 音樂聲吸引左
完全無心機睇書
事實上佢地唔係夾得太好
但係擺到明佢地 Sight Read 好
第一次夾都夾到 D 感覺

練歌
hae 唱佔左 30%
訓覺就用左 70%
平時 D 歌都係 sight sing
結果就慘遭 KO
慘...

練完歌
我, 阿然, 阿大, 盈盈同關明五條友去左食麻辣火鍋
唔辣, 但係勁熱氣
阿大本身把聲已經唔掂, 仲要 "明知山有虎, 偏向虎山行"
有前途, 但係無後路...

食到點幾先走
睇怕呢個月我都係失梗聲咯....

返到屋企
打完呢兩日日記先訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
話說唐伯虎當年逛妓院, 一時興起, 在妓院寫了兩隻字：
"介福"

祝枝山問這是什麼意思
唐伯虎笑而不語

其實其中包含了一幅對聯
"介福" 二字就是其橫匾 (橫匾多為對聯的主題)
究竟對聯是什麼？

提示：與妓女的職業有極密切的關係

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
真正既愛情只有兩種：

1. 極快的
　　人陷入情網只是剎那間的事, 這樣在極快的時間內心神恍惚, 患得患失
　　一旦愛念消失, 說時遲那時快, 便已片甲不留了
　　愛念消失, 不代表是恨, 只因恨也需要勇氣, 而勇氣其時早已悄然落畫

2. 極慢的
　　因緣－－也許稱作 "孽" 會較為合適－－是一生一世的負擔
　　避無可避, 花盡一生時間, 青春, 勇力, 力氣糾纏, 忽視和忘記, 還是會突然地憶起
　　消失得太慢, 幾乎沒有移動過

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
熱鬧, 是半夜當你失眠時電視熒幕上的雪花

兩個人漸漸的沒有話題, 還不算絕望
兩個人到了沒話找話說時, 大勢已去了...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
答案：
介 ==> 一世為人全憑兩條大腿
福 ==> 半身衣著仰仗一口小田

>>January 24, 2004 at 7:35:21 PM GMT+8