2006 年 12 月 11 日 星期一 【微冷】

今日真係好得人驚！

諗都冇諗過一日入面見到兩單撞車意外囉！

首先返學既時候，在天后廟道近庇理羅士就遇到一架客貨車「親吻」左架benz既「面頰」，仲令到架benz撞左埋路邊鐵欄，而架客貨車就橫放在天后廟道中央，搞到架25號巴士過唔到，後面條龍尾見唔到。跟係25號後面既我就諗：「唔係要我畀左$4之後叫我行上去下化？」，估計咁搞都要成個鐘先處理完呢單交通事故，好彩最後個司機爬頭，借左條行人路來攝左過去，不過已經令遲到左十分鐘既我，遲足二十分鐘。最好彩係，唔係我一個人遲，車上仲有幾位同學係人證，哈哈！Mandy都冇點我出來寸。

到放學，又遇到交通事故。係寶馬山道蘇浙對出，兩架小型校巴(van仔)「互咀」，我都唔明點解可以「互咀」到，明明兩條對頭行車線，唔通有人入錯位？但冇理由架，駕駛得校巴都應該係好熟呢區既交通設施架。又因為有車「咀咀」，搞到現場又擠塞過，最後校巴司機叔叔又係一招攝過去，又畀佢攝到。

幾經「辛苦」終於落到去天后，又塞過車！見到對面線駛入興發街既車已經見唔到龍尾，而英皇道西行轉入興發街既一段亦都多車到見唔到龍尾！真係又唔知發生咩事咁大塞車。校巴司機又「好辛苦」咁死攝爛攝攝左入興發街。到我係維園泳池站落車既時候，就見到有個交警駛左架鐵馬來，見佢用條鎖匙來操控盞紅綠燈！睇來好似好大獲咁。

蠢左啦！我應該有d新聞觸角，拿拿聲拍低兩單撞車同天后區嚴重擠塞情況再寄去亞視，包保我有$500落袋，仲好搵過兼職！

>>December 11, 2006 at 11:57:17 PM GMT+8

2006 年 12 月 9 日 星期六 【微冷】

先要多謝關心我的朋友對我的關懷和支持，縱使你們有些把支持我的說話選擇了直接跟我說，而不選擇留下留言，我還是要多謝你們。

今晚作出了平生第一次坐在有車行駛的馬路上吃飯的經驗。

23:25　Shek Kip Mei Street, Sham Shui Po

就是這些馬路大排檔，不過我們不是幫襯這一間，而是對面那一間。
我不敢太過招搖地拍馬路上眾食客的「食相」，事關這區甚為複雜，其實我也有點驚。
感覺上很像電視劇、電影等的場景。

以往我實在不大敢吃這種馬路上的大排檔所賣的食物，感覺很不衛生，尤其你感覺到身旁不時有車駛過。
雖然小時候經常幫襯大坑那些巷仔大排檔，回想起來，其實兩者差不多而已。
想不到，這檔的食物真的不錯，比起酒家的還要好得多。

飯後甜品－蜜瓜西米珠。不是購自大排檔的，是購自對面那間甜品店的，著店員直接送來檯上。
很不錯，但今晚天氣冷，在街上吃一碗冰凍的西米珠，實在是由心裡冷出來。

是日金句：若要人不知，除非己莫為。

2006 年 12 月 5 日 星期二 【颳風】

好難受。

最近的日子，很煩，好難受。

煩些甚麼？
煩presentations、煩reports、煩research、煩要教5個學生的教學工作、煩30小時counselee experience、煩150小時pre-internship、煩點解d學生教極都唔掂、煩人際關係（由細到大，我最差的一項）......對不起，我在這麼煩的日子裡，放棄了75和99的小朋友，但我實在沒辦法，太多東西等著我去處理、等著我去煩，而我，老實說，真的很失敗，我自己也有討厭自己的感覺，這些煩事好像沒多大進展，感到好灰、好氣餒。

我很煩。煩presentations實在太多太頻密，一星期一至兩個presentation還要每個星期總有一個，真的要了我的命。幸得King Fan這位好同學實在好人又幫得手，令到大家的工作量輕了不少，最欣賞她執生的能力，真的一絕。

我很煩。煩reports同final paper陸續deadline。好在reports同final paper要求不高，但如果一如原本school counseling presentation完後不用交report，那會更好。

我很煩。煩research自從11月起，我再沒有接觸過它，但就快到達死線，不是我不想做，而是太多野煩住要做，不由得放棄。

我很煩。煩星期日至五，日日要教學生，仲要晚晚兩個，我真係覺得好辛苦，我會積極考慮放棄一兩個難搞的，但剛剛開始就趕人走，好似唔係幾好，舊有既我又唔捨得放手，睇見佢地成長都幾開心，其中一個新case係人事關係交落來，唔做唔得，所以至起碼做三個。

我很煩。煩30小時counselee experience我做得果5個小時，但我要明年5月底前完成30小時。不是我不想做，只是我的counselor太忙了，經常出埠，又或centre太忙唔接case，下下一個月後才見，有人兩個星期見一次已經呻，我一個月先見一次應該去跳樓，而我既case亦不見得比別人輕，我上次都自然地講到聲淚俱下，實屬第一次。

我很煩。煩150小時pre-internship只係做左70小時仲要得一間機構，距離150小時同三間機構既requirement仲差一大截，但同樣都係要明年5月底前完成，否則收warning letter、year 4冇得出placement再加冇得畢業！我壓力真係好大，而且覺得好抑鬱，我唔知應該點處理。

我很煩。煩點解d學生教極都係咁。我好開心見到六年班既維維有進步，但唔知點解三年班既天天就好似越來越差，我次次去到上佢堂都就快激死我，唔係呢樣欠就果樣欠，一係丙同唔合格，以前唔係咁，唔知呢排癲乜野，我搞佢唔掂，好頭痛。新接既case又係三年班，呢個係我第一次收既女仔，但佢d英文讀到成個屋村師奶咁好核突，逐隻字教佢讀佢都讀唔來，轉過頭又唔記得，英文默書默十個九個都唔識，但居然星期四考試默英文，我唔知佢點算，我為此都好depressed。

我很煩。煩我自細最差既人際關係。好坦白講，我唔係第一次畀人集體圍剿，呢樣野我好細個係冇傷害過任何人、品學兼優、下下為別人著想、替別人諗既小學時代就已經畀人集體圍剿過，呢樣野對我來講絕對唔會陌生。到中學，以為重新來過，依然都係冇傷害過人、冇講人是非（我自細都唔鍾意講是非或ｄ人講是非），以為你同人friend人地就真係會當你friend既情況下，被人出賣過，一個我以為好好朋友既人，原來背後同另一個人講左我唔少無中生有既壞話，自始我開始對人有左戒心，對任何人唔再信任，亦都識得開始為自己爭取返權益、為自己切想一下、為自己出下聲。到上左大專，原來人際關係問題一直沒有離開過我，縱使我有d野做得唔岩唔妥當，但大家似乎都不想去包容、去原諒，一d人做左都係唔岩唔妥當既野，大家又不以為然。呢一樣野畀我好大壓力，亦都令到我好唔開心，覺得好難受。最近，圍剿事件又出現啦！我只可以歎息，有一d人真係好恐怖，尤其當我證實左一d人真的如此這樣虛偽、這樣恐怖。我係受害者，我發言為自己爭取權益，別人來狠批；到某人是受害者，被發現是我提出控訴以至他人受到傷害卻全數歸我負責，別人又來狠批我。這樣給我壓力適當嗎？這樣對待我又是適當嗎？聲稱是「朋友」的人每逢到這些爭議事件，便走去幫「更親」既人，但唔會去係我角度睇我點樣受壓逼，這真是「朋友」嗎？這樣對我公平嗎？「朋友」這樣唔睇全局，盲目幫手狂插我，這又是尊重嗎、又是體諒嗎？我壓力都好大，我都好難過，我都好唔好受，我每日返學都驚畀人打、畀人鬧，我心裡好受嗎？我只好認命，我天生出來就不是受歡迎的人物，我只是一隻過街老鼠，做甚麼也會乞人憎、也會惹人討厭。我真係有一刻諗過，可能我唔再存在係呢一個世界，大家都會好過ｄ。直到而家，我仲未做得出自毀行為，都係多得Tracy、Renee、小明、珍姐、Kalok（呢個小弟弟我都知你好辛苦，但你都周不時撐我，你每句support都令到我繼續支持落去）、Leo（呢個大哥哥話畀我知，任何野都冇可能人人都贊同你，只要做好自己就得啦。雖然你經常踩我踩得好盡，而且好唔畀面，我都有自尊架，其實我會唔開心，但總叫你都仲有打電話同我傾計，等我仲覺得有人記得我，有人仲係關心緊我，所以都要多謝你）、Vito、Timothy、濤濤，仲有其他真係愛我、支持我既朋友。呢一排係我最低潮的時期，呢一排我呢個一向收視率同comment率其低既xanga，忽然post post都有comment，仲要相比以往來講算多果隻（當然我都知道我冇可能好似有ｄ人咁可以去到十幾個打氣comment，我有自知之明，我知道自己一向冇乜朋友，有三兩個comment已經好值得高興），我可能睇起上來冇乜反應，其實你地每個comment、每句add oil都係對我最窩心既打氣、最貼心既問候，其實我一直好appreciate你地對我既關心同愛護。我膽敢作出我既第一次，亦都係挑戰緊我自己，我真係想知道有ｄ咩人會關心我、支持我，我好想收到你地既comment。（低收視加人際關係差，我已經有心理準備會係咩情況。如同亞視呼籲大家叫大家畀次機會佢，但觀眾都係無動於衷，收視依然仆直一樣。）

我真的很辛苦。我覺得我受夠了，我沒辦法再令自己支持下去。

>>December 6, 2006 at 4:26:00 AM GMT+8

2006 年 12 月 2 日 星期六 【微冷】

很冷啊！一踏入十二月，氣溫便急降至十六度，我去年買下的fingercroxx大褸又可以出動了。

今天是爸媽結婚二十三週年紀念。縱使我真的很累（身心俱疲），也順便放下手上所有事情，我真的需要放假。

看來，這個土瓜灣渡輪碼頭遲早也會被拆去。

背後的堤岸就是舊啟德機場跑道。

下午，坐巴士到土瓜灣甚具歷史的白宮冰室進餐。這間冰室歷史相當悠久了，同類具有相當歷史的冰室也所餘無幾，所以這裡經常被人借用作拍攝懷舊片和懷舊MV，店內環境肯定相當面善了。

這裡的每一景、每一物都保留著當年的影子，至今每多大變化。還保留著當年冰室內必有的痰罐，這個銅製的，老闆娘說是古董，但也不清楚有幾多年歷史了。

之後，又坐車到尖沙咀碼頭，欲參觀那隻瑞典仿古帆船歌德堡號。誰知一抵達尖沙咀碼頭已經人頭湧湧。參觀歌德堡號的免費門券也一早派罊了，但沒打緊，它停泊的位置著實離岸不遠，即使沒券也可以在岸上近距離用眼睛到船上去參觀。

走進Ocean Terminal，小朋友多得像走進了幼稚園。玩具反斗城也逼得水洩不通。

之後，再走到尖沙咀海傍，欣賞海港城每年精心準備的裝飾以及維港對岸的聖誕燈飾。實在的說，海港城的聖誕裝飾是最有聖誕氣氛的，而且是唯一定時有表演的。以前細個，年年都會去影相，但大大下，唔知點解人多左，唔多想逼就唔係年年去了。今年海港城的鹿車裝飾也不錯。

用機仔加冇腳架加手震，唉！ 

總結，好累，腳有累，眼又訓，真係好想好好抖下，但係真係好難得好開心既一日，搵返以前細個既回憶。

2006 年 11 月 28 日 星期二 【微冷】

最近想去看金馬獎電影《父子》。我愛看的電影類型，就是這種文藝式的電影。
電影講述父子情，應該很好看。

昨天的Abnormal Psychology的Presentation，居然在一片混亂下過去了。
這次定必是我有史以來最混亂的Presentation，似考risk management多過做presentation。
作為一個疑是OCD的人來說，對於混亂的情況，著實感到討厭，可是今次又不覺得很討厭，還覺得大家都很叻，不慌不忙地處理了一場重大危機！
首先是，我們重視版權，同學買了正版DVD，結果因為protection太強，沒有辦法剪輯，結果要原碟上場，這一個情況對presentation來說，著實不利，還要經常「飛碟」，表現好極有限。不過沒辦法啦！
跟住，原來學校的電腦不能播放DVD，這真是......
接著是，不知為何，之前的presentation可以遲了半小時，時間到lecture hall被人book了的時間，結果大家又要移師至圖書館繼續presentation。set下場，等technician來搞av野，又已經過了半小時，我逼不得以致電我的學生，要遲些到。
之後，又因為部DVD機沒有REMOTE，機上面又沒有時間顯示及其他fast forward等裝置，我們即場臨急應變，只好先講述個case，然後播頭十五分鐘片段，幸好我們選擇的是documentary，頭十五分鐘也有我們想要的東西，否則我真的很大可能被急得哭起來了。
雖然混亂，但好像反應還不錯，真是不幸中之萬幸了。

太辛苦了，又想到想休學了，真的很難受。

東薈城換上聖誕燈飾了，真的很美，很有節日氣氛呀！ 

2006 年 11 月 25 日 星期六 【雷雨】

阿爸阿媽尋日一早返左大陸玩，我居然仲可以咁自律去返學同交功課，真係好難得。此乃一奇。

夜晚，忽然咁乖做家務，掃下地、抹下地，真係轉死性。此乃二奇。

今日先精彩。

自己自動自覺起身去見counsellor，個坐counter既小姐冇再打畀我催我，居然我趕得切去到。此乃三奇。

居然係去見counsellor既途中，係佐敦站巧遇余鎮洋。此乃四奇。

當時我正要出閘，佢拍左我一下，然後好趕咁標左出閘，我出左閘後已經見唔到佢。此乃五奇。

原本心情冇乜野，但見counsellor見見下，撩起左ｄ野，臨尾先喊到啡啡聲，出面果個小姐狂掟「夠鐘卡」入來，搞到我同個counsellor都好尷尬。此乃六奇。

出左counseling room，居然撞見阿銀，我岩岩先喊完收聲，畀佢見到我ｄ醜態，真係肉酸。此乃七奇。

原來係諗住見完counsellor去聽線，但我冇帶到關線個contact，冇預約佢地留位畀我，所以諗住搭地鐵返屋企，係落地鐵站途中，見到有人賣古典火車仔玩具，只係$20，我又去買左。此乃八奇。

跟住，居然行返上街，去左商務，本來係睇下有咩補充練習岩我ｄ仔做，結果我去到唔係睇佢地既野，因為畀一本新出既有關香港傳媒既通識書吸引左，睇完就走啦。此乃九奇。

落返去搭地鐵，我居然坐錯方向，搭到去尖沙咀先知。此乃十奇。

去到金鐘，more打來，講左個壞消息我知，果隻用來做ab psy presentation既dvd protection太勁，剪唔到出來，叫我夜晚出來畀隻碟我，我話不如而家啦，估唔到隻碟去左yan度，而yan正係天后百樂商業大廈返緊工，我趕得切轉車。此乃十一奇。

拎返隻碟，又落返去搭地鐵，呢個就最驚奇啦！居然同losana撞到正，原來佢屋企電腦壞左，要特登返學校出卷，真係辛苦佢啦，哈哈！此乃十二奇。

我乘機問佢，究竟果30個鐘係咪要見足，佢話一定要，即使個counsellor覺得你已經冇野，你都要搵過第二個來填足30個鐘，否則會收到warning letter，拎唔到degree！(噢，呢個要求，好唔make sense！亦都好離譜！）佢問我見左幾多，我只係見得果５個鐘，大獲啦，佢叫我唔好再見而家果個，轉見apca既懷抱中。我問可唔可以雙軌進行，佢話唔得，如果咁做會畀dept扣晒你ｄ鐘。（真係好離譜！咁樣都唔得，好麻煩！）佢話介紹另一個counsellor畀我喎，又睇下點。之後我問駛唔駛寫晒果d見完既report，佢話交一份最後既summary得啦，呢個就正常返ｄ啦！

後話：我可以拎住本有關傳媒教育既書唔捨得放低、通宵唔訓睇各地電視台既新聞以及相關宣傳片同片頭，睇得津津有味，但就冇興趣拎起本psycho書同睇有關既journal，就算被逼拎起，都好易恰著，真係好諷刺，我既志向同興趣係邊，已經好明顯啦！

>>November 26, 2006 at 1:43:09 AM GMT+8

2006 年 11 月 23 日 星期四 【颳風】

今天適逢學校的畢業禮。

下課後，走到校門前，看見很多學長穿起醒神的畢業袍回來拍照，一片喜氣洋洋。

在這裡已經是第三個年頭了！往年看見一眾為自己慶祝捱過了二十年苦讀生涯的畢業生，只能從他們的臉上分享他們的喜悅；今天同是看見一眾為自己慶祝捱過了二十年苦讀生涯的畢業生，卻有另一番感受。不知是否自己已經來到大學三年級的關係，離畢業的日子不遠，還是看見自己「年少」時參加過大學迎新營時認識的組爸，在今天都穿起那銀邊畢業袍了，忽然有種衝動，很想快些能穿起那件畢業袍。

我想明年參加舊同學們的大學畢業禮時，應該更加感觸，因為我還得多捱一年。

>>November 23, 2006 at 10:22:57 PM GMT+8

2006 年 11 月 19 日 星期日 【陰】

如果UST被叫作University of Stress and Tension，我相信SYC也應該被稱作Stressed You College（壓仁學院）。

基本上，我中學時期的功課壓力程度，絕對不能及於現時的壓力程度。

剛剛過去的一週，我真的差點兒被功課及presentation宰殺掉了。但我還有一份功課未交，是遲交的了，還遲交了好幾天了！

氣還未喘完，下一「波」功課及presentation巨浪如海嘯般，將在下星期一開始再侵襲。

Please, anyone can help me?

聽了好幾位同學說過，真的受不了，很想defer一年。壓力大來，真的沒人不會想過。不過還得捱下去吧！

整個星期焦點所在的school counseling presentation，終於在星期五朝早煞科，並即日新鮮滾熱辣地在下午便「推出市面」首播。捱了幾晚夜，最後一晚還捱了一整晚通宵，兼沒有進食直至五時半放學，簡直形同慢性自殺！我真的不希望這種非人生活會再出現。

唉，這是第一次的新聞片製作，還有很多不完美處，不過還得多謝小明仗義幫忙，幫我減輕了不少負擔和工作壓力。我知道後半部分的訪問片段的確是悶了一點，我製作的時候，也因此差點睡著了，因而發了老脾，「怒剪」十分鐘內容走，否則，我相信大家會更難受。老實說，的而且確是有點失望，「收視率」不能達到100%，據觀察，大約只有七成收視，我不知道是節目本身太悶，還是大家真的太疲倦？真的有些少覺得，辛苦得來回報不大。我不太想只局限於一種形式的presentation，而且希望大家明白這次製作背後的苦衷。

>>November 23, 2006 at 10:25:12 PM GMT+8

2006 年 11 月 11 日 星期六 【陰】

中環天星新碼頭－仿照1912年天星碼頭的愛德華式建築，仿古鐘樓上面的鐘是先進的GPRS科技，與格林威治時間同步對時，是繼香港天文台、拔萃男書院鐘樓後，另一香港標準時間時計。

古舊與先進－渡海輪，曾是港島與九龍之間唯一的交通工具，但隨著時代變遷，天星小輪已經淪為市民「貪得意坐下」的交通工具。現時主要的過海交通工具，實為碼頭後面的地鐵。

此情不再－這條天星碼頭外的行人通道，我從小到大，不知走過多少次。那裡的美心快餐，地方狹小，只有企位，實為一大特色。上個月，我趁天星碼頭要拆之前，才特地到那間美心要了個飯，坐在大會堂對出的皇后像碼頭，一邊望著已經被圍板圍起再也看不到海的海旁，一邊慢慢地吃。

高下立見－48年歷史的鐘樓，跟只有數年歷史的全球第五高建築物two ifc（國金二期）相比，高下立見。

天星碼頭與富豪雪糕車－天星碼頭已決定拆了，早年富豪雪糕車也曾說過要取締，相信這將會是一幅很好的歷史照片。

遺書－中環天星碼頭上面的字，隨著碼頭的拆卸，將不復見。

"chalk泥(魚孟)勝地－皇后碼頭，這裡貢獻了我的第一次釣魚，那是應該得兩三歲。要懷念已經被人忘記掉的皇后碼頭（至少現時大部分人只喊保留天星碼頭，但鮮有要求同樣保留皇后碼頭），難道要等快有半世紀歷史的首個華語電視台－亞洲電視－重播《情陷夜中環》嗎？

服務香港48年的中環天星小輪碼頭終於要拆了。鐘樓、皇后碼頭也將一併清拆。

我是一個港島人，生於港島，長也於港島，雖然未必住在港島。

中環天星碼頭、皇后像廣場、皇后碼頭以至大會堂高低座都充滿著我童年的回憶、無限的感情。

無(糸戔）新聞　－　鐘樓最後的鐘聲直播

24小時亞視新聞台　－　鐘樓最後的鐘聲直播

有線新聞台　－　天星碼頭最後一夜直播

看電視新聞直播，當天星碼頭鐘樓的鐘聲敲響最後的十二下，頓然感到愁水萬分，有感淚水正欲奪眶而出。那十二下鐘聲就好像一個垂死的人使勁地吐出他那最後一口氣，向你道別，然後隨著話音的斷落，一切便成為過去、成為歷史。

與天星小輪同屬九龍倉集團的有線電視，的確採訪得最為細緻。

2006 年 11 月 7 日 星期二 【晴】

真的有點灰、有點不耐煩！

好好的一天day off，卻被一班"wetwood"破壞了！

今天根據安排，去做訪問。我相信一個正常人都應該知道，做訪問不能只靠紙筆，為何一部錄音設備也沒有？幸好我一早已經預計到會有這樣的情況，帶備了錄音筆，否則做個屁！就算現在報館做訪問，也絕不會只帶備紙筆，錄音設備是必需的！

再者，四個人做訪問，人手十分充足。平時做訪問，一個interviewer、一個camera man，真的已經夠了，但為何似乎只得我一人「一腳踢」？難道我懂分身術，一邊控制攝錄機，一邊做訪問，一邊做briefing，一邊jot要點？為何沒有人會主動幫手分擔一下？okay，問題差不多是由我全問了，jot notes找一個人來jot，另外的人又不想問問題，又不想出鏡的，幫手控制攝錄機也可以吧？用著四個人jot notes嗎？如果夠smart，我絕對放心由你們去run全個訪問，我樂於做cam man，但我眼見，似乎沒人準備過要問甚麼，或者根本沒有去想過如何鋪排問題。

下午，忽然只剩兩個人去訪問下一場，okay，沒問題，但完全不像一個訪問，似舊生回校探社工一樣。不知道是否學校水平比較低，聘請的社工也比較那個，居然可以十問九「唔知」，我真的拜託了！

結果，今天拍回來的東西全是垃圾，沒法沒有火！DBS社工又婉拒了我的請求，說沒太多經驗，不敢用來分享。唉，我真的很灰了！

回家把dv過機，真的火了我！不明不白質素可以下降得如此厲害，不用上馬塞克也和上了沒兩樣！有人可以解答我嗎？有人可以解決嗎？這個問題苦了我一整年了！

晚上，我第一個學生，如今已經讀中一的學生的家長忽然來電，原來他們又搬回東涌，又打算找我補習了！這次還讓其幼女跟我補習，不過每一天都要，所以似乎不大可行，我相信我只能教回她那讀中一的兒子，我不大可以每天補那麼多個學生，除非我下學期上課時間比較好，否則實在不大可能。

>>November 8, 2006 at 12:42:58 AM GMT+8