2005 年 9 月 12 日 星期一 【晴】

第一次見「生番」學生..................乜而家D小學生可以咁NAUGHTY，真係好驚訝！

第一次做小組補習，真係幾吃力，顧得呢個顧唔到果個，又唔可以畀佢地冇野做，因為佢地會作反！執緊教材練習，佢地又癲過，難得安頓左，又有D人好唔合作咁搞亂檔，我真係忍無可忍，鬧完一次又一次，投訴投訴再投訴，我要佢知道我唔好恰，如果再係咁，咪駛我下次再見到佢！我會請佢出去，唔好阻住其他同學仔。

期望我星期三果位小二學生仔唔好咁NAUGHTY，希望佢會係一個乖乖仔，就好似我之前第一個學生咁.................今日對完班「生番」，忽然好miss佢添！

>>September 12, 2005 at 11:35:11 PM GMT+8

2005 年 9 月 10 日 星期六 【陰】

今日帶班仔去整月餅，班仔都算係乖架啦，總算冇失禮於人前，仲畀大sir讚做得好好添（既派我地做「整容/深切治療部」，又當面大讚我地做既餅又靚又專業，仲叫我地坐台前第一檯，教埋d嘉實點樣做法，亞視兒童台本想搵我地幾個仔做示範既，但後尾想搵ｄ再細個ｄ來做，先之拉倒，但係佢地有來影我地架，仲有幾個唔知係咪報館記者，成日來影我地盆月餅，事關我地真係排得好靚好整齊，當然d月餅都做得好靚啦！我睇過其他檔做果ｄ，真係想講粗口囉，咁既X樣都做得出，仲講得OKAY，唔係卦，成PAT屎咁，唔通佢地食既月餅係咁既X樣？！）！作為佢地既「導師」，深感安慰！

主辦單位既混亂.......唉......我唔想再提啦，真係勞氣到我想講粗口囉，仲想找我班細仔來玩？咪搞啦！

媽，癲的，買了兩本書強逼我要閱讀：《老板的資本》、《高標處世．低調做人》...........老實講，我冇乜興趣睇...................

「瘦田無人耕，耕開有人爭」
呢句說話原來係真係架！

尋日先接完DB個Order，今日又再來料啦！

10:20am
我熱烈地同緊我班仔一齊開心興奮地做月餅....
電話響......
我用我油膩的手拈著電話
總算接了.....

對方先說明自己是何方神聖(go2tutor)
接著問道：「你係咪登記左東涌裕東苑一個小二男仔既case呀？你會唔會accept呢？」跟著說明對方時間要求
我話：「哦，除左星期一我要7pm之後，其餘日子都岩時間架啦，我當然接受啦，你幫我問佢肯唔肯啦？」
對方：「好呀！我問下佢晏ｄ再打畀你啦。」

10分鐘後.......
電話又響
我知道呢個電話一定要接
所以唔理隻手幾咁污糟都一於接左先

對方是我預期中的那位agent小姐：「.......你個補習case成功左啦！我而家就send個msg同email畀你啦.............你下星期三係第一堂，時間係........一星期三堂既，每堂個半鐘.....」

正呀！我又得左啦！勁爆開心！連續兩日都接到補習case！！！
估唔到我開心都來唔切之際
agent小姐又加多一句：「你補唔補埋都係裕東苑又係小二不過係女仔既case呀，佢原本要求要女仔教既，但個個女仔都話嫌入得滯，咁我就試下幫佢找男仔睇下大家肯唔肯囉。」
我話：「哦．．．可以諗下架，睇佢肯唔肯囉，佢唔肯找男仔補，我都冇咩所謂（因為我想教男仔，而且對方唔想男仔補，所以又有咩所謂）。」

正當我諗住對方都係找女仔補算架啦，我手頭而家又有兩份補習，唔太著緊之際.......
2:15pm
電話又響
我又急急腳走出個糟到爆既「月餅工廠」外面聽電話
今次對方係一個男仔：「.......我係go2tutor打來架，想問你接唔接埋東涌裕東苑小二女仔果個case架，佢要求星期一至四都要上堂咁，仲係要上tutor屋企補既，你接唔接呀？」
我心諗：嘩！乜個家長終於要連仔都要，仲要畀個咁細個女上個男仔屋企補，仲要星期一至四都要補，都幾狼喎！我想接埋架，但我星期一要返DB，星期一夜晚要教仔，星期三都要教仔，咁我何來時間滿足到佢四人既需要呢？
我答：「哦，我要睇睇我D時間先呀，因為我有其他補習，驚會撞左，我返去CHECK CHECK時間再答覆啦！」
對方：「好呀，咁你CHECK左時間得唔得先啦...」

估唔到，我爭Ｄ今日又接多兩單CASE！

真係不愧「瘦田無人耕，耕開有人爭」
回想起以前等補習JOB等到絕望先有一份
之後仲要走埋（搬屋喎，又話繼續搵我補，驚死我唔補咁，結果咪又不了了之！仲爭Ｄ呃埋我成個月糧走添！）
而家......估唔到囉............
我覺得自己好好彩
真係要多謝Jenny呢位好同學
係佢尋晚提我話佢見到go2tutor有幾個東涌case
叫我快ｄ去apply
唔係佢提我
我冇去apply
咁又冇左單生意啦！
我尋晚寫讚tutorcentre效率高
寸緊另一間話西灣河case不了了之
其實果間「半offer」我西灣河既咪就係go2tutor囉
估唔到我暗寸完
即來兩單野畀我
anyway，都要多謝呢間agency既
佢地做野都好爽快
總好過另一間乜聲氣都冇
（我報左4間agent，有3間聯絡過我仲offer埋job畀我，但有一間，咁耐以來都冇人聯絡過我，聽聞果間agent有d「歧視」男仔架喎）

估唔到.....停播大半年既RadioNetwork仲係咁深入民心
真係好安慰
尋晚得悉原來仲有一大班忠實支持者仲支持緊
而且仲可能同drama experts (lol....chris, i'm saying you!)有合作計劃
真係好高興
拿拿林同Jason傾過
原來佢玩埋ust pcr（科大人民廣播電台）
正啦！找佢做RNHK CEO係冇錯既！
佢好高興知道仲有人支持緊
叫我快Ｄ重整返個台返來
我有長假期我會做架啦！
放心啦！
a BRAND NEW RadioNetwork is coming!

又畀柏良仔貼左........今次題目係.....「假如我有5000萬會做的七件事」

1) 拎$1000萬出來設立以我為名既慈善基金
慈善基金會不斷透過利息滾大基金善款，基金會定期作出捐款

2) 拎$1500萬來買樓同裝修
樓要住得舒服就得，唔一定要豪宅；裝修合個人意願便可，不必豪裝

3) 將$1500萬用來儲係銀行度收息

4) 用$50萬來投資（如買基金）

5) 用$50萬來旅行
想去邊度就邊度，唔一定環遊世界

6) 捐$700萬出來開學校
間學校要係EMI，BAND 1，男校（精英男仔係新中學派位機制好蝕），辦學理念係發展學生多元智能，作全人全能教育（讀又得，玩又得，領導才能又得，非書本既知識（通識）又得，運動又得，音樂又得，搞活動亦得......），不過要達到咁......唔做直資唔得，所以我理解既.........

7) 餘下的$200萬用來畀我間學校做助學基金
一路用利息滾大條數來幫助入讀我間學校但家境清貧既學生用作交學費、書簿課外活動費之類

又貼五個（根據有玩過xanga blogtag而精選出來既人士，但排名不分先後）：
1) fishfish0530
2) markfai
3) geozard
4) chiuihc
5) hipparion

2005 年 9 月 9 日 星期五 【綿綿細雨】

真係好好彩呀！

助理處長請果餐飯今朝決定左係下星期三先食（原本諗下星期一，順道返去拎埋將工作證書同埋返office同班舊同事寒暄下），咁岩得咁橋，今日傍晚就接到補習job啦，仲快到係下星期一開始即來逢星期一3-6pm一連三個小時去DB.............(Discovery Bay...lol)度補，好彩改左期咋，如果唔係我咪有大機會冇左呢個機會？

真係好開心呀，終於有part-time做啦！（補習社仲話：我地到時再斟斟星期二點啦。如果星期二都有得做埋，仲正呀！）

Thanks tutor center，佢地做野效率真係好快，我尋晚先登記完，今日就有人聯絡我，轉過頭仲即刻找埋client一齊傾返，咁先係做野架嘛！好過另一間，前幾日打過來問我果單西灣河case，結果不了了之。

新學年，新開始，新工作！我一定會做好架！

>>September 9, 2005 at 7:13:29 PM GMT+8

2005 年 9 月 5 日 星期一 【晴】

今日收到Gertrude電話，叫我睇email...

Dear All,

Thanks a lot for your hard work in making the Caring Days implemented smoothly on 30/31 August.  Well done!

For Kai-leung : Grateful if you would convey my thanks to Alvin, the summer student.

Paul Tang

原來係社會福利署署長鄧國威先生(上面email署名Paul Tang)發給所有負責社署「迪士尼社區關懷日」活動的社署同事的內部email。信中居然提及我個名，真係既驚且喜，估唔到連署長都識得我......（我只不過係一個小小的學生仔嗟）

as what Gertrude said in her email:

You are so lucky with the Director's special award,
worth for memory.

岩岩見完助理署長陳肖齡上完亞視新聞，就收到佢reply畀我既email，佢又係轉達同一個message畀我喎：

Dear Alvin,

I missed you on last Thursday as I only finished my meeting at 7:30 pm. Do come back for a visit if you have free time. Our Director, Mr Tang asked me to send you his appreciation for all your efforts in the Disneyland project.

Best Wishes!

Ophelia

2005 年 9 月 3 日 星期六 【微雨】

原來我太耐冇寫過xanga，xanga個寫日記版面改左都唔知添...個新版面正呀...唔駛好似以前咁煩

anywayz，之前的任何事又告一段落，新學年又開始....A Whole New World!

A Whole New World (the theme song of Aladin, Disney's Animation)

I can show you the world
Shining, shimmering, splendid
Tell me, princess, now when did
You last let your heart decide?

I can open your eyes
Take you wonder by wonder
Over, sideways and under
On a magic carpet ride

A whole new world
A new fantastic point of view
No one to tell us no
Or where to go
Or say we're only dreaming

A whole new world
A dazzling place I never knew
But when I'm way up here
It's crystal clear
That now I'm in a whole new world with you
Now I'm in a whole new world with you

Unbelievable sights
Indescribable feeling
Soaring, tumbling, freewheeling
Through an endless diamond sky

A whole new world
Don't you dare close your eyes
A hundred thousand things to see
Hold your breath - it gets better
I'm like a shooting star
I've come so far
I can't go back to where I used to be

A whole new world
Every turn a surprise
With new horizons to pursue
Every moment red-letter
I'll chase them anywhere
There's time to spare
Let me share this whole new world with you

A whole new world
That's where we'll be
A thrilling chase
A wondrous place
For you and me

自從8月31日去迪士尼樂園返工（社會福利署「香港迪士尼樂園社區關懷日」），順便睇埋煙花先走，場煙花最後果幕就係播呢首A Whole New World，就鍾意左呢首歌，覺得好有feel，好正，d旋律好觸動人心，所以索性將佢做埋xanga背景音樂勒。

講返過去左既社會福利署暑期實習，我係果度究竟做左ｄ咩野？咁就最好引用返我份Performance Appraisal既Brief Description of Duties來講：

Mr. LAU's main duty in the appraising period is to assist in co-ordinating a departmental programme of "Community Caring Days" at the Hong Kong Disneyland, including compilation of data, liaision with service centres, distribution of souvenirs, etc. In addition, Mr. LAU had assisted in the designing of programme for stocktaking of the Branch's inventory items.

咁我做成點呢？

Mr. LAU is able to complete his work efficiently and effectively. He is initiative in contributing useful ideas in designing the computer programmes and data input formats. Generally speaking, Mr. LAU's performance is outstanding.

話咁快，呢兩個月既暑期實習咁就完左，係呢兩個月我學到好多野，學到返學所學唔到既野、經驗同體驗，得到一班非常之好既同事，真係好開心。老實講，到走果日（9月1日，last day 原為9月2日，但當天我取OT假；By the way，我原來Overtime左19hrs 39mins！結果要請2.5天OT假）真係好唔捨得班同事，我結果自行留到差不多6點先走，影下相咁。班同事真係好好人，我估我冇乜可能係第二度找返一班咁好既同事！佢地唔單只教識左我好多Excel野，如點整formula，仲教識左我點樣去策劃一個活動、點同人溝通、出來社會做事既禮儀，仲有教埋我未來條路應該點行，many many.........真係好多謝佢地！我亦都好感謝陳肖齡助理處長同我爭取左畀我可以入到去迪士尼度「寄工作於娛樂」。好多謝佢地上上下下咁多位同事既愛錫同關照。同佢地一齊做野感覺好好，好似Gertrude話齋：「從沒有這樣合作愉快的感覺！」(copied from what she wrote in my farewell card given by them)。班同事仲講左好多次，叫我下年一定要再參加，希望再可以做同事（雖然大家明白機制上比較難），當然我出年會繼續參加啦！

Missing the days: Working for the Inventory Sheet > help Connie for her DB > Join Team 2 for Disneyland Project > Call the special schools > the silly Spreadsheet matters > Acting SWA(RM)3 > Transportation Master List > dealing with SWD Districts Office (the PCT) > Compilation of the Bulky silly Spreadsheet (Participants Information and personal identity) > Souvenirs distribution > Briefing Seminars > Participants Profile > Press Release > counting numbers of service centres sponsored by MTR for their tickets > Duplicated Applications Checking > Helping for the Community Caring Day at Disneyland > finish up the Inventory Sheet and System that I've created

香港迪士尼樂園雖然係細左d，但係香港咁細既城市居然可以有呢個全球知名既主題公園已經算係一個magic啦，唔好奢求咁多啦！學Eric話齋，唔係個個人都可以去到迪士尼玩（經濟問題），香港有既話，已經幫到唔少人達到夢想啦！去完迪士尼，真係明白到點解佢地咁成功，係入面，所有野都係perfect既，找唔到破碇，而且樣樣野都好靚、好magic feel，你唔會再覺得自己係香港，所以煩惱野唔開心野可以全部唔見晒，真係好magic！（actually，去完一趟，個人都諗通左ｄ野，唔會再為某ｄ事「閉偽」）

去香港迪士尼玩，我建議先到Adventure Land玩左船仔先，根據經驗，要等70mins架！仲有要先去拎Winnie the Pooh既Fastpass，因為呢個1pm已經派晒（開場係10am)！另外，要早ｄ去食野（唔好係食飯時間食），or你要排40mins先有得食（入面有好多品種既野食）！入到場一定一定要睇Mickey's Philhar Magic (3D電影)，真係超爆正，我睇左兩次！煙花（如有）就當然要睇啦，個FEEL好正架！

手信有平有貴，總算價錢合理。但飲品、ice creams / icy bars就真係貴左d啦，要成$15架！帶定足夠銀彈就差不多啦！

9月3日晚，去左漾日居YMCA學整月餅，睇來我都幾有天份（只限搓粉、搓蓮蓉、包餡、同倒模），我整得好靚架，而且食落都幾好味，我仲食一個，拎一個返屋企添（我整左兩個），真係有食有拎囉！

近排D人興玩「我的五個怪癖」，我終於都畀人點中左啦！點我果個係柏良仔，好啦，見係你，我就同你寫左佢啦！

我的五個怪癖

1) 睡覺時要捉住枕頭角

呢樣野據知我好細個既時候已經有架啦，仲一直保留至現在，真係夠「長情」呀！

2) 有拔眼睫毛的習慣

自細到現在，我都有鋪癮會間唔時拔眼睫毛，有時仲會越拔越開心，唔會覺得痛架喎！（但又未班於拔到冇晒既）

3) 夜晚沖涼時會一路沖一路擦埋牙

呢個怪癖始自我冬天時怕凍又覺得橫掂都係濕身點解唔一路沖涼一路刷埋牙佢

4) 鍾意洗完手唔抹手、洗完面唔抹乾面

呢樣野成日畀阿媽鬧，但係改唔到，事關我鍾意果種濕濕地既感覺

5) 一上網必CHECK爆EMAIL(dr.com果個)同xanga十幾廿次

上網check primary email同xanga簡直好似我既例行公事，果日唔check夠十次都好似唔安落，硬係爭ｄ野咁

好勒，到我點五個人出來傳落去：

1) Geozard
2) austin_kwok
3) snufkin412
4) icedleo
5) ctw_jacky

以上五位兄弟，見字即做啦喂~

2005 年 8 月 24 日 星期三 【乍寒還暖】

今日老闆(SS(RM)3))方生主動提出約我去join埋佢地成班高層人士一齊食飯，咁我就應約啦。去左一間叫「素食體驗」既素菜館（灣仔道大家樂對面、大快活旁），果度ｄ裝修完全唔似普通既一間素菜館，反而有ｄ似食日本野咁既feel。d野食算係幾好食既，但樣樣野都好「精緻」囉，而且都唔係平果隻，雖然係咁，但我唔駛找數，因為方生請。我一路食一路聽佢地傾計，談及到天水圍果單野既官司，睇來真係幾大獲喎。另外，聽佢地講，佢地都有「電話恐懼症」，尤其做區做院果時，真係分分鐘收到電話，半夜又收到電話，收親電話都唔野少，唔係「走仔」就係麻煩野，冇覺好訓，有同事更話佢將佢屋企既電話放左係廚房算，唔想畀電話煩。

呢幾日不斷有同事主動過料畀我，指引我既前路應該點行，真係好啦，起碼我唔駛愁。佢地不約而同（在不同時間、不同地方，單獨情況下）都話「讀社工好廢，千其唔好讀社工，冇料到架！」，「一定要讀埋master呀，之後讀多幾個degree冇壞架，而家社會真係一個degree唔夠同人fight呀！」，「玩多ｄ活動，因為齋一個degree唔夠人砌架，出面見工ｄ人都會問你玩過ｄ乜架！」.......

距離呢份summer intern完結已經進入倒數階段啦．．．真係有d唔捨得呀，好唔捨得班同事呀，佢地真係好好人呀！AD（助理處長）陳肖齡原來出年一月退休啦．．．尋日佢特登又買左d西餅來慰勞大家，佢仲話：「Alvin，快d食多件啦。」然後係度笑笑笑（呢個老人家有時係幾「可愛」既）。班同事亦都約我9月1日一齊食飯同我搞farewell，真係好感動呀！如果出年有得做，我都願意返來幫手呀！好難得撞到班咁好既同事同上司架嘛！（我係工作間得知某d區既阿頭好惡頂）

今日原本諗住做晒手頭上面ｄ野可以準時放工啦．．．點知又係我準備執野意欲離去之際，Simon　(S(RM)4)殺出來，交左篇旅遊事務署既新聞稿畀我，要我幫佢執返D數出來，搞搞下、執執下，結果又係得我、SIMON同方生留守既OFFICE同埋一番努力（腦力）下，終於執好份新聞稿，我走之時又已經6:51PM。Gertrude(SWA(RM)3)笑我：「哈哈，次次都係咁既，仲以為你走得添。我都話架啦，頭先聽到方生好似同緊人bargain緊d野，實有野要做，結果真係。我都話你ｄ OT實唔會得咁少架啦，今晚10點啦，哈哈！」

========================================

放工坐地鐵返屋企，遇到「怪」事......

我落到香港站月台等車啦，個月台冇乜人，因為Ｄ人走晒去對面坐架準備開出果班，我好累，所以等下一班，咁岩就有車埋站勒，有個打扮得好潮好花枝招展既女仔（下稱A女）見我一行埋來等車就即刻好大動作咁「大字型」（笑得好大聲at the same time）攔住左個門口位喎，跟住有個同佢一樣都係打扮得好潮好濃妝既女仔（下稱B女）笑到爆晒咀咁衝埋去A女度，好大聲係咁笑．．跟住又望下我，我唔覺得有咩好笑，反覺佢地有ｄ乞人憎，做埋ｄ無聊又失儀既事，所以唔覺意應該露左少少「不洩」既目光係咁以望返佢地。車門打開，一如我所料，兩個傻婆係咁爭先恐後（根本就冇人同佢地爭）咁衝入車廂，「霸」左兩個「靚位」，我坐佢地對面，跟住佢地又係咁哈哈大笑，笑得好大聲，有ｄ失控咁，我又望一望佢地，原來佢兩個一直係咁望實我，A女見我望佢地，同B女講：「你嚇親人啦。」，B女稍為收斂，但二女仍然哈哈係咁笑，並且一直望住我喎。陸續有人上車，B女拿出手機來唔知玩緊D咩，但我一直眼尾「筲」到以及「突擊對望」時留意到A女係冇乜點停過一直係咁望住我，到有人企左係我同佢地中間既位置時，佢直頭「就位」係都要望過來望實我喎，我當時真係好尷尬，佢又不時同玩緊手機既B女講野（唔知講乜），B女又會暫時唔打機住，又望實我，我望返佢，一兩秒後佢可能覺得尷尬又打返機，但我都有留意到佢不定時望過來望實我，亦都有試過有人遮擋佢視線既時候又「就位」係都要望到我為止。我全程覺得好尷尬而且好不安，唔知佢地想點咁，直到佢地落車我先鬆返一口氣。

（我究竟有咩咁好望，係咁畀人「眼甘甘」望實呢？好疑惑）

>>August 25, 2005 at 12:37:12 AM GMT+8

2005 年 8 月 20 日 星期六 【颱風】

世界上根本上就沒有「等價交換」的東西
同一樣東西
在不同的角度裡就有有著不同的價值

世界上沒有「免費午餐」
可是
世界上更沒有付出與收獲均等的事情

常抱樂觀態度又沒相當經驗的人常說「人定勝天」
飽歷失望沮喪的人會跟你說「只好認命罷了」

夢想與理想只是空想
事實與命運才是真實

老實說
我妒忌
我憎恨
我憤怒
我怨恨
但我幹不了什麼

沒有機會製造沒有希望
沒有希望製造怨憤失落

如果你是一件貨品
你會選擇：
做一件超級品牌的次貨
還是
做一件無名街邊的上品？
（假設上述兩種貨品品質差不多）

我會選擇做前者
可是命運卻連給我一個做超級品牌配件的機會也沒有

心淡了
心碎了
心死了

>>August 21, 2005 at 1:13:04 AM GMT+8

2005 年 8 月 7 日 星期日 【晴】

睇左單好得意既新聞...

泰迪熊去旅行 德國掀熱潮

【明報專訊】每個人都想去旅行「抖一抖(編者估計原文字詞)」，紓緩工作及生活上的壓力，現在連毛公仔「泰迪熊」亦有機會旅行度假﹖德國有商人推出「泰迪熊旅行團」，專門招待世界各地的泰迪熊暢遊德國慕尼黑，行程包括名勝觀光、遊啤酒廠以至玩笨豬跳，最後主人會獲得毛公仔的旅行紀念相簿。這主意聽來很瘋狂，但旅行社卻聲稱客似雲來。

「泰迪熊在慕尼黑」旅行團創辦人貝姆和維霍根說﹕「不少泰迪熊或其他毛公仔都經歷了許多事情，難得有假期讓人類的真正好朋友接觸新鮮事物。」

暢遊慕尼黑 玩笨豬跳

主人毋須憂慮毛公仔旅行期間乏人照料，在為期7日旅行團，泰迪熊會住在貝姆和維霍根的寓所，行程包括觀光、與泰迪熊「團友」玩耍、遊啤酒園、學習德語﹔若時間配合，還會參加慕尼黑啤酒節。

其他活動則按毛公仔的個性安排，愛靜的可以釣魚、打高爾夫球和寫生﹔愛冒險的可以玩笨豬跳和滑翔傘。去完旅行，毛公仔會獲發一本旅行相簿帶回家留念。

旅行團歡迎世界各地的泰迪熊及其他毛公仔報名參加，德國泰迪熊的團費為99歐元（950港元），海外泰迪熊的團費為149歐元（1430港元）。

貝姆說，泰迪熊及其他毛公仔在主人經歷生病、考試或失戀時，總會在旁安慰和擁抱主人。「它們被用力擠、被咬爛耳朵，或沿着裂縫有道細小的破口。它們的默默堅持值得主人的獎勵。」

貝姆表示，泰迪熊旅行團的主要顧客是30歲至60歲的女士，「人們喜歡這瘋狂主意」。旅行社客似雲來，約每月帶一團8至12個泰迪熊的旅行團。令貝姆意想不到的是，兒童醫院亦感興趣。

「正在接受癌症治療的病童多月沒機會去旅行，泰迪熊可代替生病的小主人遊覽，之後回來告訴主人旅行時的所見所聞。」「泰迪熊在慕尼黑」的網址是http://www.teddy-in-munich.com。

德國之聲/ananova

=============================
好累...好眼訓...有d擔心...有d壓力...

今日好開心..........去左海洋公園玩...........差不多乜都玩齊....好正!!

出年海洋公園大翻新....第二時個樣同而家既爭好遠...所以要拿拿林去打返個轉.....如果唔係就會後悔

>>August 21, 2005 at 1:15:07 AM GMT+8

2005 年 8 月 2 日 星期二 【晴】

"Acting SWA(RM)3"....呢幾日返工就係做左呢個位...中高層...真係唔易坐！原來真係一日未試過、一日未經歷過，你係唔會100%真正領略當中的感受。

超爆忙碌的工作、超爆多的來電同電郵、超爆多而且混亂不堪的文件、超爆煩亂的數字同一堆堆表格、超爆令人煩厭的追/改呈交上來既錯陋百出的文件、超爆討厭的一堆堆做事馬虎求其少少事都做唔到而且又係度嗌嘈晒呻晒辛苦好似全世界得佢一個辛苦一個忙其他人個個都唔會忙的廢煩夢人、超爆令人厭惡的唔按指示做事懶醒懶叻亂做一通呈上來就算既人、超爆令人苦惱既調日期時間、超爆令人透唔到氣既上司追追既壓力、超爆唔user friendly搞到而家一獲泡的表格、超爆唔通氣的excel programme.............................工作壓力好大好大好爆大！！！

當你做緊手頭上面既野，電話來聽，應付完個電話岩岩收線又有電話，搞到做唔切手頭上面既野，上頭又走來追數據．．．果種壓力真係......好想發脾氣！我頂頭上司S(RM)4，今日先煩AND "Meng"到爆左兩次「粗」：「X喇星」。and不斷謾罵班做野求其又亂來既人。

呢幾日因為多野做，我都特登提早開工，lunch都用埋一半時間來趕，加埋要OT．．．

仲未出糧，但好想放自己假。呢幾日唔放得假，做得人地ACTING，我走埋，D野邊個做？！捱埋佢！

>>August 3, 2005 at 12:15:46 AM GMT+8

2005 年 7 月 30 日 星期六 【溫暖】

呢幾日都好忙好忙！

前日上左CGO（中區政府合署/政府總部）度做野，嗯，真係萬萬都估唔到，以前細個都幾經常出入（探阿爸）既地方，居然我有機會係果度做野！我都係鍾意以前既CGO多D，冇圍欄冇重裝「實Q」，感覺親民D，而家？！圍上高高既鐵欄，各門口都有大鐵閘，仲要每個閘口都有兩個「實Q」守住，任何人都不等隨便進出，你一去到近閘門口，「實Q」叔叔就會行埋來問你做咩，去邊度，又要SHOW PASS咁，好麻煩！入到去裡面，仲有度電子閘門先入得樓架，要用CGO特有既PASS SERIAL CODE係部閘機既bar code scanner度「必」一下，等佢打個箭咀符號畀你先入得，最好笑既係：「你係邊度入來，要係邊度走架！」。個感覺畀我真係好似探監咁，the feeling is terribly bad.

CGO班「實Q」都唔係路既！係果度做居然仲未搞得清人地CGO東翼同中翼，我仲清楚過佢，猛咁係度「老點」，雖然我唔係CGO既人，但都算係半個「老屎忽」「地頭蟲」，你係咪係度「老點」我知既！結果到我放工走既時候，坐AM車落返去灣仔，個司機咪講囉：「下？呢度係鬼中座咩，呢度係東座。」（工作地點係：中座）

臨走之前，親身現場直播勞永樂記者會，唔算多記者，我地係記者會進行途中，係眾記者群旁行過，「必」機出閘，引來班記者望左過來。

班同事笑我：「你就好/威/勁啦，咁快就來到CGO度做野，我係政府做咁耐都係第一次來咋。/ 全香港既Summer intern最正/最勁係你啦，以前都冇summer student咁試過呀！」emmm....CGO呢個熟悉既地方，我來到既感覺唔怪仲有幾分「親切」（圍欄「實Q」者除外），但來到做野，仲要係summer student來講，又真係幾巴閉，好難得既機會！

回想起對上一兩次來CGO係：2003年的暑假－以香港電台實習記者身份採訪最新失業率記者會、2002年12月30日－以明報校園記者身份到西座專訪教統局局長李國章。

終於見到......「老鼠樂園」社區關懷日門票，一共有四個設計，分橙、綠、藍、粉紅四色，各有不同該雄性老鼠造型（共四款），門票標明「Rehersal Day總採排」字樣，故可能與真正公開發售的門票設計有別。

大陣象！－－由於我有份幫手（7月30日至8月10日期間改為acting負責）既呢個巨大project係好有來頭，分別由香港某主題公園、特首辦、旅遊事務署、民政事務署及社會福利署共同執行，所以人人都非常緊張，連我都好緊張，亦都因為咁好忙好忙！好慶幸自己居然有幸有份幫手搞呢個大陣象project！

大考驗！－－7月30日至8月10日期間，由於負責開既中高層同事SWA(RM)放假，佢指明由我代做AND跟晒佢手頭上所有關於呢個PROJECT既事項，包括以我本人個人名義代佢出信/EMAIL（即署名「代行」），代答覆所有有關呢個PROJECT既一切來電。佢呢個咁重大既決定亦已獲得高層人士首肯，小弟頓感「承蒙錯愛」，多謝佢地咁「睇得起我」AND對我咁有信心AND對我有「無限信任」。如果我做既野有乜差池，分分鐘有可能破壞左人地呢個直屬特首既PROJECT，分分鐘係報章電視度日日唱，所以．．．佢地大膽時，我更要萬倍小心！

尋日先因為趕呢個PROJECT，OT　2小時，「和味」！

OT呢樣野，上頭表明，陸續有來！AND上頭表示左，完晒呢個PROJECT之後，請我飲茶喎！

---------------------------------------------

今日本港第三份免費報章《am 730》正式創刊，《am 730》配合報名選擇提早於今日7.30創刊，都幾有心思。《都市日報》為迎戰今個月繼《頭條日報》創刊以來既第二波攻擊，破格出號外仲附有會考放榜特輯實行硬拼。

另，近日來，胡忠合和對出路面，已經進行緊一場激戰，參戰雙方旗幟鮮明，一「紅」一「綠」，各派出精兵搶灘，「紅」軍派出一人，「綠」營則派兩人夾攻，今日起異軍突起，不知會否看見三國鼎立、三軍激戰的「激烈戰況」。（紅－頭條日報；綠－都市日報）；再另，其實香港早在有都市日報之前已經有一份「大紀元時報」呢一份免費報章，之不過有法輪功背景，大多數市民怕怕（怕返大陸畀人拉）而不敢取閱而已，「大紀元」近日亦都在各地鐵站口與「頭條」、「都市」展開拉鋸戰！

>>July 30, 2005 at 2:07:13 AM GMT+8