2006 年 4 月 18 日 星期二 【晴】

搞non-jupas，搞到好煩，個頭係度標緊煙。
賭大細既心情又返返來，一係有一係冇，從事投機活動，回報跟付出未必是等價交易，個心好忐忑。

寫果篇咁既personal statement，我拖左好耐都唔知點寫好，尋日先開始寫，寫完個個都話個idea同個flow做得好好，但grammar同writing style就......。我都明白我ｄ英文已經唔係好好果ｄ，而家再係ｄ咁既環境下，真係「風化侵蝕」得唔再見得人，自己睇到都覺羞家。
多謝Jason，多謝Leo，多謝小明，三大英文高手，佢地為我篇唔係幾見得人既personal statement付出左好多，尤其係jason，佢真係好用心機同我去改（rewrite晒全篇文！），仲同我推敲埋，果一刻真係好感動！但我真係好抱歉，能力有限，明知有問題，但真係唔知道點樣去改好，深感係時候進修英文。

見到Jason為我篇personal statement寫既其中一句"Things do not always go as they are planned."，真係好有感觸，或許佢同我都係深同感受。命運係咪真係掌握係我地隻手？我相信成事在天。我地可以做既只係盡量做到自己無悔就算啦，但真係邊會無悔丫，二十歲仔，已經好多後悔。

我好清楚知道自己係一個悲觀/消極主義者，或許有d人覺得有咁既view唔係幾好、唔多健康，但係當你所經歷既只有帶畀你悲觀同消極，你又點可能會係樂觀同積極丫！正因為可能有咁既性格，我鍾意睇喊片多過笑片，我鍾意睇有深度、值得令人反思既電影，多過無厘頭、冇內容既笑片或者恐怖片。

>>April 22, 2006 at 11:50:19 PM GMT+8

2006 年 4 月 11 日 星期二 【陰】

今天，地鐵九鐵終於宣佈「合併」了，只還待股東首肯及立法會通過。所謂「合併」，實則是地鐵吞併了九鐵，從此再沒有KCR九廣鐵路這個名字，九鐵旗下東鐵、西鐵、馬鐵、輕鐵及所有資產將由地鐵以租用形式經營50年，後地鐵可選擇以任何形式經營香港鐵路系統，屆時地鐵鐵路專營權亦同時屆滿。地鐵原是公營機構（政府全面持有），自2000年10月地鐵部分私有化上市後，政府只持有約七成六股權；九鐵曾有類此上市計劃，但礙於債項嚴重，上市計劃擱置，現仍維持公營機構角色。1979年成立的地鐵公司以27年年輕姿態結束了成立於1910年九廣鐵路達96年的悠久歷史。

人生苦短　要不能在短短的時間裡爭取自己想要的　想必會後悔
千萬不要讓後悔帶進墳墓裡　趁還有能力　應該爭取　縱使成事在天

2006 年 4 月 7 日 星期五 【雷雨】

今日收到一個好消息同一個壞消息，但總計來說，有點氣餒，有點沮喪。

先說所謂的好消息。
今天收到了政府統計處的2006中期人口普查臨時工作人員初步取錄信，其實應該值得高興，事關若真的獲最後取錄的話，只做18天便有近$8000的人工，再加上培訓班的$38/hr的資助，真的相當和味，亦可更快達到我的五位數字目標。可是，有點失落的就是統計處offer的，是我5年前做的統計員，而不是我的首選助理組長，收入少了一截。

再說壞消息。
收到Dr. Ip的reply，很明言，拒絕了我的不情之請，還有點像連累到小明也沒有希望一樣。有點沮喪，有點迷茫，有點苦惱，這一波三折是否意味著甚麼？心涼了一大截，心灰了一大半。從肥魚口中得知有HKCC人成功轉會City Bachelor，自問自己情況沒那麼糟，卻像沒有回音一樣，心裡很不好受。

心裡響起了一首歌，但歌詞經過修改：
城市大學(香港大學)的回信　(OT: 奇洛李維斯回信)
天天寫 封封寫滿六百句的 "我愛你"
寫了三年從未覺得太乏味
深信最後收得到答覆 達之路(薄扶林)美不美

CityU(HKU)可否阻你十八秒鐘看看信
如果你認同人是有需要造夢
給我寄贈取錄的信封 只要一封

繼續被動來做普通的大眾 實在沒有用 情願不怕面紅
頑強地進攻 爭取你認同 才年年月月晚晚朝朝密密寄信

* 明知 我們 隔著 個太空 仍然將 愛慕 天天 入進信封
抬頭望星空發夢 仍然自信 等到遠處 你為我寫 那一封
(等到你會破例答覆我一封)

人人都怕難怕倦 怕撲空 全球得我未死心 沒有放鬆
專心得超級大學 也動容 一直相信 所以給你一直寫信
(專心得金剛鐵石 也動容 一直相信 不怕多寄幾百封信)*

Repeat *

2006 年 4 月 4 日 星期二 【晴】

岩岩聽左997既《教育網》節目，有一位家長打上去問升學及就業專家時美珍，話佢個仔讀緊maths stream，大學想揀商科，擔心個仔唔夠人爭，呢個唔係重點，重點係佢話：「男仔讀商科好唔好架？」，時小姐即刻O晒咀，就答左佢：「呢一科冇歧視Ｄ咩性別既......」，個情況好好笑。

呢一個星期睇來好似幾係輕鬆下，但原來其實都唔係，有好多野要搞，看似平靜但有暗湧。

無啦啦異軍突起，對於處於劣勢既我，睇來好有隱憂，唔知點算。求望上天打救，我會努力，只盼畀一個機會我。

>>April 4, 2006 at 9:37:42 PM GMT+8

2006 年 3 月 29 日 星期三 【微雨】

好，現時係清晨5點06分，我居然咁有閒情逸緻來打xanga，而唔去撻係張床度訓個靚覺，事關我同小明既48小時超爆水準既迷你電影《當這地球沒有他》終於煞科啦！而家就係等佢轉緊做output file，個心情就好似孵緊蛋咁，係度孕育緊個小生命出世一樣咁興奮，畢竟始終係處男電影作喎，梗係興奮少少，雖則只係得果10分鐘=.=

拍完呢個迷你電影，對電視、電影工業從業員真係有種崇敬既感覺，原來辛辛苦苦諗個故事、度個劇本、走位、場景、道具、心情、表達方式、意境......全部要顧及，拍足一日周圍趕景，仲要以為應該會幾長既故事，剪剪埋埋原來得返幾分鐘......拍戲真係唔係易事來架囉

睇到自己處男電影既心血結晶，真係覺得好興奮，覺得以學生業餘冇錢冇時間冇人手冇地方冇資源既情況下都拍到咁上下水準既電影，真係覺得好驕傲！我同小明係得既！！！！哈哈！！！！！勁想拎段片去參加業餘迷你電影比賽囉！

有人睇到留眼淚　有人大歎好感動　有人睇完好驚死
總評：製作認真
一致好評：配樂（小明好野！！！仲要醫院果幕既插曲係小明原創架！！！cash member果然不同凡響！）、故事架構
一致好評最佳好feel位：巴士獨白、葬禮
由於套片係首映會上大獲好評，現將之公諸同好，讓看君再三回味，亦歡迎各位留下專業影評，好讓改進。

作為套戲既導演、編劇兼出品人，好想多謝我partner小明，真係好掂！好得！好勁！佩服！如果冇左你ｄ專業配樂，套戲絕對唔可能有咁高評價！亦都想多謝O Multimedia Group上下：珍姐、do姐、肥魚，多謝management幫手arrange時間，多謝yoyo、銀姐、elyze，多謝你地咁信任我，係最後果２日仲依然咁信任我，大家合作搞好呢個大作。我知道大家初時好擔心會唔夠時間起得到，大家亦都好忙，成日要就時間，但而家証明，我地係做到既！

2006 年 3 月 25 日 星期六 【乍寒還暖】

男拔宿舍耗1.1億 明年落成 校園設玻璃餐廳保樹木
......新宿舍樓高8層，總面積超過1萬平方米，當中5層是宿舍，其餘3層設有室內暖水游泳池、籃球場及健身室設施。另外為配合新宿舍，校園亦增建特色「玻璃餐廳」。新餐廳將原有樹木包圍在內，學生既可在樹蔭下用餐，亦可保留綠化環境。

張灼祥預計，日後每月宿費約4000多元，包括一日三餐，宿舍明年啟用後，優先供中一、中二級新生入住，宿生將會「同食、同目訓、同溫習」，並有舍監照顧，培養學生獨立和歸屬感。張灼祥又計劃利用宿舍開辦「暑期班」，邀請內地、美國名牌長春藤大學的學生，到港與學生交流。......(明報, 2006年3月24日)

......拔萃男書院上月中發信，表示為幫助學生建立「正面形象」，本月起嚴格執行校規，違規者將受懲處，亦會記錄在案，可能影響升班及學生推薦信。信中列出五大「嚴打」事項，包括﹕

一、髮型必須清潔、整齊，禁用有顏色髮型用品，不准「wet look」﹔二、穿著整齊校服，除體育課外，不准穿體育服上學﹔三、有禮待人﹔四、保持準時，遲到者須遞交「遲到紙」﹔五、缺席學生須有家長信或醫生紙作證明，家長不應容許兒子無故缺課。

灣仔老牌名校香港華仁書院，則針對學生遲到問題，制定新罰則。校方本學年起規定若學生遲到，首堂不能進入課室，以免騷擾課堂秩序﹔一年內遲到滿兩次，須留堂作文﹔遲到7次要見家長﹔遲到9次要與家長一同見校長。......(明報, 2006年3月11日)

在可見的將來，我相信拔萃男書院有潛質升格成為大學。

2006 年 3 月 23 日 星期四 【炎熱】

近排一D事，無論關係度人地既或者關乎到我自己既，都得出一個相同既結論：女人係好難令人明白既動物、鍾意亂發脾氣、佢地覺得係就係岩就岩、唔理事實、唔肯面對現實、愛好幻想、妄想被害（總覺得人對佢地唔好或者對佢態度差）、極度渴望擁有控制權、霸道、打橫來講（無賴）、唔合邏輯、鍾意對男人行駛不平等條約/待遇（佢地認為男人唔應該做既事佢地自己做齊就得，男人唔得，如：佢地可以經常同姊妹一齊講是講非，男人同自己Ｄ兄弟玩就唔得）、不可理喻

坊間有歌也有書名為「男人這東西」，是極端霸道女權主義對男人的輕侮及無理的批評。何解沒有歌沒有書名為「女人這東西」？事關男人忍得，冇女人咁唔大方，小氣到死，郁Ｄ就覺得人地對佢地唔好，立即對人作出無理制裁或漫罵。

唔怪得Ｄ人形容女人似貓，就係那種高竇、自我中心、鍾意dae你就dae你、鍾意抓你就抓你、鍾意就同你meow兩句、唔鍾意就張牙舞爪或者唔show你、覺得自己先係主人擁有絕對控制權、報復心重、記仇、疑心多、愛撩是鬥非（講是講非、製造無謂爭執）

女人，就係咁，咁惡相處
（當然有d就好好啦，但唔知道深入係點，所謂女人心海底針，好難摸到底牌）

>>March 23, 2006 at 4:09:52 AM GMT+8

2006 年 3 月 18 日 星期六 【晴】

（綜合報道）星期五凌晨１時許，尖沙咀港景峰旁行人隧道，三警互轟，兩死一命危。其中斃命一警為本案兇徒，名徐步高，隸屬北大嶼山警署（東涌警署）迪士尼警崗，生前居於東涌裕東苑啟東閣一單位，其妻在社署任職，育有一六歲女兒。徐生前雖為軍裝警員，但亦犯下警員梁成恩殉職被搶槍案以及荃灣麗城花園恆生銀行劫殺巴籍保安員兩單震撼懸疑命案。

太震驚，接受唔到。
聽我媽講
佢經常見到徐係樓下跑步，估唔到......
呢個世界太多野係估唔到
唔知呢個世界仲可唔可以信人
btw，我以前係啟東閣學過琴......
啟東閣係我隔離座大廈
尋日勁多警察同記者囉
據知好似要搜查晒成個東涌既花槽之類
睇下仲有冇收埋失槍

佢個女好慘
本應有個老豆做警察仲要拎個優異獎既警察爸爸係一件驕傲既事
但估唔到個老豆同時係警察同時係悍匪
接受唔到

>>March 19, 2006 at 1:02:49 AM GMT+8

2006 年 3 月 16 日 星期四 【炎熱】

一星期．四劑大野．唔講得笑
星期一：CogPsy Lab Report
星期三：Micro-skill Case Conference
星期四：Stat Mid-term　＋　Business Org. & Mgt. Presentation
覺得自己好叻
可以係短短幾日k.o.晒咁多樣野
份to-do list即刻短左好多
個人輕鬆左好多
但係好唔滿意自己成日開口講白話
經常想早ｄ做好ｄ野
唔再趕deadline
結果又係做唔到
話要1點訓
結果晚晚唔搞到4am都唔訓
......

business present Hong Kong Broadband Network's strategic mgt
用左唔到24個鐘頭去做
估唔到反應好好
真係好欣慰
想多謝王維基整左間咁有heart既公司來
令到我經常諗起business就諗起佢呢間公司
就係因為HKBN
我先可以諗到點樣Apply real case落business一d theory度
真係好
抵我由CTI年代用到而家成為全港第二大固網商
我好鍾意佢呢間公司既精神
好令人有發奮既感動
希望我都係香港寬頻
由......在短短時日飛騰上枝頭

>>March 19, 2006 at 1:04:17 AM GMT+8

2006 年 3 月 10 日 星期五 【晴】

唉......好「糯」呀!!!......點可能會咁嚴重架?......搭村巴果短短5分鐘既車程竟然都可以熟睡，到左映灣園，前面成棚人落左車都唔知，好彩有好心人落車時發現我訓著左拍醒我咋，但已經足夠「糯」到要搵窿捐喇！好唔掂，實在係好唔掂！我諗我一定要確切實行我空口講左都有兩個星期既「１點鐘訓覺」計劃先得啦......

呢排好多野做，太多野做，越來越唔想面對，越來越想逃避，點算？我覺得自己心理質素好差，好冇動力，好似成日想撻火但撻極都撻唔著咁，仲死埋火咁既款添！唔得呀，好唔掂！

東薈城真係唔知搞緊乜，唔知係咪要成個場大改革，連匯豐都係尋日執埋，但話會係東薈城２期度開返間喎。另外，東薈城居然引入左......Calvin Klein......突然覺得成個場upgrade十倍，遲ｄ會唔會有vivien tam之類果d進駐呢(雖然我對呢間女裝野毫冇興趣，只係用來比喻檔次高低）？但我最想佢引入既係i.t。