2006 年 5 月 23 日 星期二 【暴雨】

頂! 食左屎啦，今日果個English Writing Exam！＊＊啦！2個鐘寫一千字講a writer's attitude in a writing process，仲要in apa format！＊！完全對呢樣野冇insight寫乜春？仲要果3份reference，真係畀10個無奈佢，我從未試過做卷（尤其language paper）可以做到咁死灰，仲要一做完就知炒硬果隻！唔知點＊算......

>>May 23, 2006 at 5:21:52 PM GMT+8

2006 年 5 月 21 日 星期日 【溫暖】

估都估唔到我原來上星期日(5月14日母親節)居然同Mandy蔣雅文一齊係赤柱!

>>May 21, 2006 at 1:05:47 AM GMT+8

2006 年 5 月 19 日 星期五 【晴】

今日我個學生仔天天做功課做得好快，而且之前應承左佢獎佢7-11果D大口仔匙牌，所以落左堂之後帶佢落7-11，就係因為咁我無啦啦駛左$40買左本《jet》同《milk》，用來換取3個匙牌，不過算啦，獎下小朋友都應該既，我又有雜誌（潮誌）睇，扮下「潮人」。誰不知，個收銀好多口，佢問：「咦，你細佬來架？」我：「唔係呀，我學生來。」佢：「哈哈，咁似樣既。」今次係第二次有口痕友話我同呢個小二學生係兩兄弟，不過咁，有個咁既細佬都幾好玩，佢都算乖同生性架啦，同埋好smart，我幾鍾意佢。

考試，好老實講，唔係好想考。事關今個學期真係好似冇學過野，所有科目都係唔知發生咩事咁，好似發左一場夢。尋日考完個Research Method，Johnson同我大吐左苦水，估唔到佢都開始咁憎恨呢度。如果一個辦學機構做到咁，係咪應該要檢討？佢就算成功左，我地係咪覺得應該慶祝還是慶幸？
我摸唔清我阿媽點諗，一時又話支持我走，又話原本想叫我走，一時又話徙左10萬、徙左2年，唔知想點。

尋晚聽到收音機（好難得我聽90X），聽到英國積極研究時光隧道（唔知係堅定吹水），如果呢個世界真係有時光機、時光隧道，我真係好想回到過去，重新來過，或者條路又會唔同左。說實話，我而家行緊既，由以前到而家，都唔係我預期之內，好覺得操控條路點行既不在自己，而是在天。

>>May 20, 2006 at 12:39:06 AM GMT+8

2006 年 5 月 17 日 星期三 【驟雨】

0715

頂!!! 粒珍珠走歪左，掛唔到8號，我想聽日8號呀！！！

天文台話會改返做一號，但而家先好似好大風，閂左窗都仲聽到d風逼埋ｄ窗既聲！

2115
oh...要考試了...

2006 年 5 月 15 日 星期一 【驟雨】

開極都開唔行個turbo......

20:40發出
颱風珍珠有可能成為近年最強的進入南海範圍的熱帶氣旋

2006 年 5 月 12 日 星期五 【晴】

尋日去左澳門一天遊，同阿媽慶祝生日，真係好開心，簡直可以將近日既所有煩惱同情緒放低，留返晒係香港，唔怪得ｄ人咁鍾意出埠去旅行啦，真係個感覺好好，尤其當你有野煩緊，有野令你好唔開心、令你好嬲。

好有拍緊《向世界出發》既感覺，越來越鍾意呢個節目，好想好想自己又拍返套類似既旅遊特輯，真係好有feel，勁鍾意果首主題曲，每逢首歌響起，都一定好夾個畫面、好夾個風景，真係好正！

今次去澳門，其實主要目的係去睇果個澳門漁人碼頭，環境真係搞得好唔錯，好唔似身處澳門，真係好似去左果度既地方。點解香港有條件都唔整返個有特色既classic district，好有potential既係Victoria City（維多利亞城－香港首府，亦即現在的四環：西環、上環、中環、下環（灣仔）），但有特色既建築都拆整無幾，可惜可惜！人地特登起都肯起啦，有都要拆左佢，真係好不解！

我鍾意西式既classic建築，感覺好靚、好grand、好有美感，好想去歐遊，可惜冇錢。

今日有隻新渡輪係梅窩附近既萬石角鏟左上岸

統計處請左我做２００６中期人口統計既統計員，我做萬元戶有望啦！

2006 年 5 月 10 日 星期三 【晴】

今日天氣陽光普照，天氣炎熱，最適宜游水以及曬太陽，我當然唔可以錯過咁好既天氣，就走左去九公游水同曬到變左個朱古力仔先返來啦！不過去到九公，一比較之下，原來好唔掂，我仲係白得滯呀！睇來要勤力曬多幾次先得啦！

今個夏天要變革！

2006 年 5 月 9 日 星期二 【酷熱】

終於完事了!
唔明自己點解做一份report可以做咁耐，我鄧部電腦可憐，係咁熱既天氣下，差不多不眠不休咁同我共度時艱45小時！佢時至今日都仲未short機，已經還得神落，仲要45小時內全程冇hang過，認真抵錫！

陳冠希有the 144 hr project，我就細型ｄ，the 45 hr projectS嗟！好慚愧，亦都覺得自己好衰仔，係兩大份group report度好似唔多覺有involvement，真係覺得自己好衰，但真係好想同班組員講唔好意思，亦都好有歉意，想打自己兩巴，同時好多謝你地同樣都係咁多野做，依然落力去做好每一份野，呢d野係我要向你地學習既！

呢三日既辛酸，我諗我呢世難忘，就如同我對form 2果份中史project、form 3果份EPA Project一樣，難以忘懷！

呢幾日天氣勁好，我最鍾意就係呢ｄ大陽光既日子，覺得心情會開心d，街上面既色彩都靚好多，難得呢幾日就係大陽光得來視野又清晰，真係好想訓係沙灘上面享受享受呀！

>>May 9, 2006 at 5:08:54 PM GMT+8

2006 年 5 月 7 日 星期日 【酷熱】

唉，一諗起要趕assignment就好眼訓，乜都唔想做唔想掂唔想理，點算？
唉，一諗起聽日一次過要交三份report，但又乜都未郁過未掂過，點算？
唉，一諗起後日要交做左個實驗等如冇做過既study report，頭痛，點算？

嗯，一諗起返多兩日就完左個semester，跟住係一個悠長假期，好正！
嗯，一諗起兩日後由最tense變到最hae最輕鬆，諗起都好期待，好正！
嗯，一諗起係時候又趁呢個悠長假期搵多少少錢，做萬元戶，好正！

好想，最後兩日＝真係既最後兩日
九月來個新天新地

>>May 7, 2006 at 5:32:36 PM GMT+8

2006 年 4 月 26 日 星期三 【乍寒還暖】

今日真係......好多奇事......

首先，未話啦起身咋，就收到SWD同事既Call啦，搞左一大輪，阿爸阿媽終於知道左我報nj，仲出埋信用卡啦，不過都好支持，原來阿媽仲想叫我試下既添！出門口時已經遲晒大到，不過又好好彩喎，我係電梯度聽到佢講「請勿靠近月台幕門」架啦，都竟然畀我仆到入去，仲要行左兩度門既距離先真係閂門，勁好彩喎！去到中環站，真係悲囉，地鐵車身廣告有咁多種，點解係要我搭果架係貼左「香港城市大學人文及社會科學學院－全球100所社會科學學院」既車身廣告架囉！

最令我驚訝既係，廣告入面個男仔好熟口面，睇落幾鬼靚仔，由於太熟口熟面既關係，我決定行近一步睇，點知......oh....原來係自己個舊同學囉！！嘩，讀大學讀到幫返自己院校賣廣告囉，仲要出埋真名！睇來謝炳好有potetntial畀人睇中，請佢加入娛樂圈架啦！不過佢咁有錢，幫學校拍廣告，濕濕碎啦！btw，咁係咪即係話謝炳做左城大校草乎？！其實睇到呢個廣告既時候，真係好大感觸，好有感覺，有ｄ眼濕濕。

我既奇遇仲未完。
放學仆到咁落去銅鑼灣恆生拎返個password，好好彩我係4:57入左去，趕得切，但勢估唔到，咁就無啦啦畀恆生「脅持」，搵左個個人銀行服務經理來同我30分鐘一輪咀無停過係咁狂"rap"個「今日未來」人壽儲蓄計劃過我......仲要心軟既我，落左疊，不過睇下啦，如果自己負擔得到，就繼續，唔得就即cut啦！即刻又同小明仆過去南山，咁好彩係旺角轉車既時候，明明架車閂左門都突然開返囉！

點解今日ｄ野全部都咁"橋"架！係咪有ｄ咩意味呢，哈哈！

補記：4月24日（星期一）凌晨兩點天文台發出今年（唔單止今年啦）既第一個黑色暴雨警告。港島多處地方水浸。小明話佢有隻窗閂唔實，d雨水係咁狂射入來，好誇張喎！我就唔知啦，連掛左黑雨都唔知，果晚一早訓左，唔知訓得幾林呀！！